26/10/2025
စိတ်ရောကိုယ်ပါ ကျန်းမာပျော်ရွှင်စေမယ့် နည်းလမ်းကောင်း (၁၀) ချက်!
ကျန်းမာချင်သူတစ်ယောက်အနေနဲ့ နေ့စဉ်ဂရုစိုက်ပြုကျင့်ရမယ့် အလေ့အကျင့်ကောင်း (၁၀) ချက်ကတော့...
(၁) ရေများများသောက်ပါ
ခန္ဓာကိုယ်ရဲ့ ဇီဝလုပ်ငန်းစဉ် (Metabolism) တွေကို အကောင်းဆုံးလုပ်ဆောင်နိုင်ဖို့ ရေများများသောက်ပေးပါ။ ရေဓာတ်ပြည့်ဝပါက အသားအရေ စိုပြေကြည်လင်စေပြီး အစာခြေစနစ်နဲ့ ဆီးဝမ်း မှန်ကန်စေနိုင်ပါတယ်။
(၂) အိပ်ရေးဝဝအိပ်ပါ
အဝလွန်တာ၊ ဆီးချိုနဲ့ နာတာရှည်ကျန်းမာရေးပြဿနာတွေ ကင်းဝေးစေဖို့အပြင် ကိုယ်ခံအားကောင်းစေဖို့ပါ လုံလောက်တဲ့ အိပ်စက်ချိန် (၇-၈ နာရီ) ထားရှိပေးပါ။
(၃) နေ့စဉ် လမ်းလျှောက်ပါ
သိပ်မဝေးတဲ့နေရာလေးတွေကို လမ်းလျှောက်သွားပေးတာ၊( ဒါမှမဟုတ်) နေ့စဉ် မိနစ် (၃၀) လမ်းလျှောက်ပေးတာက သွေးလည်ပတ်မှုကောင်းစေပြီး စိတ်ဖိစီးမှု လျှော့ချပေးနိုင်ပါတယ်။
(၄) မိနစ်အနည်းငယ် စိတ်ငြိမ်အောင် တရားထိုင်ပါ
စိုးရိမ်ပူပန်မှုနဲ့ စိတ်ဖိစီးမှုတွေကို ဖယ်ရှားပြီး အတွေးတွေကို ကြည်လင်စေဖို့ နေ့စဉ် အချိန်ပေး တရားထိုင်ခြင်း (သို့) အသက်ရှူ လေ့ကျင့်ခန်းကို လုပ်ဆောင်ပေးပါ။ ကောင်းမွန်တဲ့ အိပ်စက်မှုကိုပါ ရရှိစေနိုင်ပါတယ်။
(၅) လေ့ကျင့်ခန်းပုံမှန်လုပ်ပါ
တစ်နေ့တာမှာ ပုံမှန် (၂၀) မိနစ်ခန့် လေ့ကျင့်ခန်းလုပ်ပေးတာက ကိုယ်ခံအားကောင်းစေပြီး စိတ်ရောကိုယ်ပါ ကျန်းမာစေတဲ့အပြင် ခန္ဓာကိုယ်အချိုးအစားကိုပါ ထိန်းညှိပေးပါတယ်။
(၆) ဗီတာမင်ဓာတ်ကြွယ်ဝသော သစ်သီးဝလံကို မဖြစ်မနေစားပါ
သစ်သီးတွေဟာ သင့်ခန္ဓာကိုယ်ရဲ့ ကျန်းမာရေးစစ်သည်တော်တွေပါပဲ။ ဗီတာမင်နဲ့ သတ္တုဓာတ် ကြွယ်ဝတဲ့ ဖရဲသီး၊ ပန်းသီး၊ ကီဝီသီး၊ သင်္ဘောသီး၊ စတော်ဘယ်ရီသီး စတာတွေကို နေ့တိုင်း ပုံမှန်စားပေးပါ။
(၇) အချိုလျှော့စားပါ
အချိုဓာတ် လိုတာထက်ပိုလျှင် အဝလွန်ခြင်း၊ ဆီးချိုနှင့် အခြားကျန်းမာရေးပြဿနာများ ဖြစ်လာနိုင်တာကြောင့် အချိုကဲတဲ့ အစားအစာ၊ သကြားပါဝင်သော အချိုရည်များကို ရှောင်ကြဉ်ပါ။
(၈) အသင့်စား (Ready-made) နှင့် ပြုပြင်ထားသော အစားအစာများ ရှောင်ပါ
အလွယ်တကူရတဲ့ Ready-made Food တွေမှာ တာရှည်ခံဆေးနဲ့ ဓာတုပစ္စည်းတွေ များစွာပါဝင်တာကြောင့် ရေရှည်မှာ ကျန်းမာရေးထိခိုက်စေနိုင်ပါတယ်။
(၉) ဆေးလိပ် နဲ့ အရက်ကိုဖြတ်ပါ
ဆေးလိပ်သောက်ခြင်းနဲ့ အရက်သောက်ခြင်းတို့ဟာ ကောင်းကျိုးလုံးဝမပေးဘဲ ကိုယ်တွင်းအင်္ဂါတွေကို ဆိုးရွားစွာ ထိခိုက်စေတဲ့အတွက် မဖြစ်မနေ စွန့်လွှတ်သင့်ပါတယ်။
(၁၀) ကဖင်းဓာတ် လျှော့ပါ
ကော်ဖီအပါအဝင် ကဖင်း (Caffeine) ပါဝင်တဲ့ အချိုရည်တွေနဲ့ အခြားသော စားစရာတွေကို အလွန်အကျွံ မစားပါနဲ့။ ကဖင်းဓာတ်က အိပ်စက်ချိန်နဲ့ စိတ်ဖိစီးမှုအပေါ် သက်ရောက်မှုရှိပါတယ်။
ဒီ (၁၀) ချက်ထဲက ဘယ်နှချက်ကိုကျင့်သုံးပြီး ဘယ်အချက်တွေနဲ့ ဆန့်ကျင့်နေလဲဆိုတာ Comment မှာ မန့်ခဲ့ပါဦးနော်...
စိတ်ရောကိုယ်ပါ ကျန်းမာပျော်ရွှင် ကြပါစေ...🍀
ောင်စင်္ကြာသင်တန်း
