https://www.facebook.com/118693567826220/

AMT Pharmacy, Taungoo (2026)

28/07/2023

Cinnarizine

အသုံး

- ပျို့ခြင်း၊ အန်ခြင်း၊ နားအူခြင်း၊ ကား/လေယာဥ်စီးလျှင် မူးခြင်း၊ ခေါင်းမူးခြင်း တို့အတွက် အသုံးပြုသည်။

ဆေးညွှန်း(သောက်သုံးပုံ)

- စားဆေး 30 mg တစ်နေ့ သုံးကြိမ် သောက်နိုင်သည်။
-ကားမူးခြင်းအတွက်ခရီးမထွက်မီနှစ်နာရီကြို၍ 30 mg သောက်ရသည်။
- 5-12 နှစ်အတွင်း ကလေးများ လူကြီးဆေးချိန်၏ တစ်ဝက် ပေးနိုင်သည်။

ဆေးအပြစ်များ

- အိပ်ငိုက်ခြင်း၊ ခေါင်းကိုက်ခြင်း၊ အာခြောက်ခြင်း၊ ဝမ်းလျှောခြင်း တို့ဖြစ်တတ်သည်။

ရှောင်ရန်

- နို့တိုက်မိခင်များ၊ ငါးနှစ်အောက်ကလေးငယ်များ ရှောင်ရပါမည်။

28/07/2023

Hyoscine

အသုံး

- အစာခြေရည်နာများ၊ ခရီးသွားစဥ် မူးဝေအော့အန်ခြင်းများတွင် သုံးသည်။

ဆေးညွှန်း (သောက်သုံးပုံ)

ခရီးသွားစဥ် မူးဝေအော့အန်ခြင်းအတွက် -
လူကြီးနှင့် 10နှစ်အထက် ကလေးများ စားဆေး 150-300 မိုက်ခရိုဂရမ် နှင့်
အသက်4နှစ်မှ10နှစ်ကလေးများ 75-150 မိုက်ခရိုဂရမ် တို့ကို ခရီးမစမီ နာရီဝက်ကြိုသောက်ရသည်။
6 နာရီခြား တစ်ခါသောက်နိုင်သည်။
အစာခြေရည်အနာများအတွက် 300 မိုက်ခရိုဂရမ် တစ်နေ့ နှစ်ကြိမ် သောက်နိုင်သည်။

ဆေးအပြစ်များ

- အိပ်ငိုက်ခြင်း၊ အာခြောက်ခြင်း၊ မူးဝေခြင်း၊ မျက်စိပြာခြင်း၊ ဆီးသွားရခက်ခြင်းတို့ဖြစ်တတ်သည်။

သတိပြုရန်

- အစာလမ်းကြောင်းပိတ်နေသူများ၊ အသည်း (သို့) ကျောက်ကပ်အားလျော့နေသူများ၊ကိုယ်ဝန်ဆောင်များ၊ နို့တိုက်မိခင်များ သတိပြုသုံးစွဲရမည်။

ရှောင်ရန်

- ရေတိမ်ရောဂါရှိသူများ မသုံးရပါ။

28/07/2023

Antiemetic drug
(အအန်ပျောက်ဆေး)

- ပျို့ခြင်း၊ အော့အန်ခြင်းများကို သက်သာစေသော ဆေးတစ်မျိုးဖြစ်သည်။
- Antiemetic ဆေးများသည် ကားမူးခြင်း၊ ကိုယ်ဝန်ဆောင်စဥ်အော့အန်ခြင်း၊ ခွဲစိတ်ပြီးနောက်အော့အန်ခြင်း၊ ကင်ဆာဆေးသွင်းပြီးနောက်အော့အန်ခြင်းများကို သက်သာစေသည်။

Antiemetic drugs အမျိုးအစားများ

(1) Anticholinergics
- Hyoscine, Dicyclomine
(2) Antihistamines
- Diphenhydramine, Meclizine, Cinnarizine
(3) Dopamine receptor antagonists
- Promethazine, Chlorpromazine,
Prochlorperazine
(4) Prokinetics drugs
- Metochlorperamide, Domperidone
(5) 5-HT3 antagonists
- Ondansetron, Granisetron
(6) Neurokinin receptor antagonists
- Aprepitant
(7) Adjuvant antiemetics
- Dexamethasone, Benzodiazepines

28/07/2023

Diphenhydramine

- Antihistamine ဆေးတစ်မျိုးဖြစ်သည်။ အအေးမိ နှာစေးချောင်းဆိုးခြင်းကို သက်သာစေသည်။

အသုံး

- အအေးမိခြင်း၊ ဓာတ်မတည့်ခြင်း၊ နှာရည်ယို၊ နှာချေ၊ ချောင်းဆိုးခြင်းတို့တွင် သုံးသည်။

ဆေးညွှန်း (သောက်သုံးပုံ)

- Ammonium chloride, Bromhexine, Menthol စ သော ဆေးများနှင့်ပေါင်းစပ်ပြီး အအေးမိ နှာစေး ချောင်းဆိုးပျောက်ဆေးရည် အဖြစ် သုံးကြသည်။
- 5 စီစီ လက်ဖက်ရည်ဇွန်း တစ်ဇွန်း တစ်နေ့ သုံးကြိမ် သောက်နိုင်သည်။

ဆေးအပြစ်များ

- အိပ်ငိုက်ခြင်း၊ ခေါင်းကိုက်ခြင်း၊ အာခြောက်ခြင်း၊ မျက်စိပြာခြင်း၊ ရင်တုန်ခြင်းတို့ ဖြစ်နိုင်သည်။

သတိပြုရန်

- အိပ်ငိုက်စေသဖြင့် ယာဥ်မောင်းနေသူများ၊ စက်ယန္တရားဖြင့် အလုပ်လုပ်သူများ သတိထားရမည်။

28/07/2023

Bromhexine

- ချွဲပျော်ဆေးတစ်မျိုးဖြစ်သည်။

အသုံး

- နာတာရှည်ချောင်းဆိုးရင်ကြပ်ရောဂါ၊ အဆုတ်ပွခြင်း၊ သလိပ်များသောချောင်းဆိုးခြင်းတို့တွင် သုံးသည်။

ဆေးညွှန်း (သောက်သုံးပုံ)

- စားဆေး 8 mg တစ်နေ့သုံးကြိမ် သောက်နိုင်သည်။ ချောင်းဆိုးပျောက်ဆေးရည်များတွင်လည်း ရောစပ်၍ သုံးနိုင်သည်။

ဆေးအပြစ်များ

- ပျို့ခြင်း၊ အစာမကြေခြင်း၊ ဝမ်းလျှောခြင်း၊ ခေါင်းကိုက်ခြင်း၊ ခေါင်းမူးခြင်းတို့ ဖြစ်နိုင်သည်။

မသုံးသင့်သူများ

- ကိုယ်ဝန်ဆောင်များ ကိုယ်ဝန်ပထမလေးလတွင် မသုံးသင့်ပါ။

28/07/2023

Dextromethorphan

- ဦးနှောက်အတွင်းရှိ ချောင်းဆိုးစေသောအစိတ်အပိုင်းကို ဖိနှိပ်ထားခြင်းဖြင့် ချောင်းဆိုးသက်သာစေသောဆေးဖြစ်သည်။

အသုံး

- ချောင်းခြောက်ဆိုးခြင်းတွင် သုံးသည်။
- ချောင်းဆိုးပျောက်ဆေးရည် အများစုတွင် ပါဝင်သည်။

ဆေးအပြစ်များ

- အိပ်ငိုက်ခြင်း၊ ခေါင်းမူးခြင်း ဖြစ်နိုင်သည်။

ဆေးညွှန်း

- စားဆေး 15 mg တစ်နေ့ သုံးကြိမ် သောက်နိုင်သည်။

သတိပြုရန်

- ချောင်းဆိုးခြင်းကို တားဆီးပိတ်ပင်ခြင်းဖြင့် ချွဲသလိပ်မထွက်သောကြောင့် အချို့ရောဂါများကို ပိုဆိုးစေသည်။
ဥပမာ- နာတာရှည်အဆုတ်ရောင်ရောဂါ

28/07/2023

Cough Medicines

- ချောင်းဆိုးခြင်းဟူသည် အသက်ရှူလမ်းကြောင်းသို့ ဝင်ရောက်လာသော အမှုန်အမွှားများကို ပြင်ပသို့ပြန်ထုတ်ရန် ကြိုးပမ်းသော ခန္ဓာကိုယ်၏တုံ့ပြန်ချက် သဘာဝဖြစ်စဉ်ဖြစ်သည်။ ချောင်းဆိုးခြင်းတွင် သလိပ်မပါသောချောင်းဆိုးခြင်း နှင့် သလိပ်ပါသောချောင်းဆိုးခြင်း ဟူ၍ ရှိသည်။ ချောင်းဆိုးပျောက်ဆေးများမှာ ဦးနှောက်ရှိ ချောင်းဆိုးစေသော အစိတ်အပိုင်းများကို ဖိနှိပ်ခြင်းဖြင့် ချောင်းဆိုးပျောက်စေသော Dextromethorphan, Codeine နှင့် Dephenhydramine တို့ ပါဝင်သည်။ ထို့အပြင် ပျစ်ခဲနေသော သလိပ်ကိုကျဲစေသည့် Bromhexine, သလိပ်ဟပ်ထုတ်ရလွယ်ကူစေသည့် Ammonium chloride, လည်ချောင်းယားခြင်းကိုသက်သာစေသော Antihistamine ဆေးဝါးများဖြင့်လည်း ပေါင်းစပ်ထုတ်လုပ်ကြသည်။

ဆေးအပြစ်များ

- အိပ်ငိုက်ခြင်း၊ အာခြောက်ခြင်း၊ ခေါင်းနောက်ခြင်း၊ မျက်စိပြာခြင်းတို့ ဖြစ်စေနိုင်သည်။

15/07/2023

Loratidine

အသုံး

- ဓာတ်မတည့်ခြင်းကြောင့်ဖြစ်သော နှာပိတ်ခြင်း၊ နှာချေခြင်း၊ နှာရည်ယိုခြင်း၊ မျက်စိယားခြင်း၊ အင်ပြင်ထွက်ခြင်း၊ အရေပြားရောဂါအမျိုးမျိုးတွင် ယားယံခြင်းသက်သာစေရန် အသုံးပြုသည်။

ဆေးညွှန်း

- လူကြီးနှင့် အသက်ဆယ့်နှစ်နှစ်အထက်ကလေးများ တစ်နေ့လျှင် 10 mg တစ်ကြိမ် သောက်နိုင်သည်။

ဘေးထွက်ဆိုးကျိုးများ

- နုံးခြင်း၊ ပျို့ခြင်း၊ ခေါင်းကိုက်ခြင်း၊ ဆေးမတည့်ခြင်းဖြစ်နိုင်သည်။

ရှောင်ရန်

- ဤဆေးနှင့်မတည့်သူများ၊ ကိုယ်ဝန်ဆောင်များ၊ နို့တိုက်မိခင်များ မသုံးရပါ။

15/07/2023

Cetirizine

အသုံး

- နှာစေးခြင်း၊ ချောင်းဆိုးရင်ကျပ်ခြင်း၊ ယားယံခြင်း၊ အဖုအပိန့်ထွက်ခြင်း၊ အင်ပျဥ်ထွက်ခြင်း စသည့် ဓာတ်မတည့်၍ဖြစ်သော လက္ခဏာများကို သက်သာစေရန် အသုံးပြုနိုင်သည်။

ဆေးညွှန်း

- 10 mg တစ်နေ့ တစ်ကြိမ် (သို့) နှစ်ကြိမ် အထိသောက်နိုင်သည်။

ဘေးထွက်ဆိုးကျိုးများ

- ခေါင်းမူးခြင်း၊ ခေါင်းကိုက်ခြင်း၊ အာခြောက်ခြင်း၊ ဝမ်းဗိုက်မအီမသာဖြစ်ခြင်း ဖြစ်နိုင်သည်။

ရှောင်ရန်

- ဤဆေးနှင့်မတည့်သူများ၊ နို့တိုက်မိခင်များ
- နှစ်နှစ်အောက် ကလေးငယ်များ မသုံးသင့်ပါ။

14/07/2023

Cinnarizine

အသုံး

- ခေါင်းမူးခြင်း၊ နားအူခြင်း၊ ပျို့ခြင်း၊ အန်ခြင်း၊ ကား/ လေယာဥ်စီးလျှင်မူးခြင်း တို့အတွက် အသုံးပြုသည်။

ဆေးညွှန်း

- စားဆေး 30 mg တစ်နေ့ သုံးကြိမ် သောက်နိုင်သည်။ ကား/ လေယာဥ် မထွက်ခင် နှစ်နာရီကြို၍ 30 mg သောက်ရသည်။

ဘေးထွက်ဆိုးကျိုးများ

- အိပ်ငိုက်ခြင်း၊ ခေါင်းကိုက်ခြင်း၊ အာခြောက်ခြင်း၊ မျက်စိပြာခြင်း၊ ဝမ်းလျှောခြင်း

ရှောင်ရန်

- နို့တိုက်မိခင်များ၊ ငါးနှစ်အောက်ကလေးများ

14/07/2023

Chlorpheniramine (Burmeton)

အသုံး

- ဓာတ်မတည့်ခြင်းကြောင့်ဖြစ်သော နှာစေး၊ နှာချေ၊ နှာရည်ယိုခြင်း၊ ယားယံခြင်း၊ အင်ပျဥ်ထွက်ခြင်း၊ ပိုးမွှားကိုက်၍ နာကျင်ရောင်ရမ်းခြင်းများတွင် သုံးသည်။

ဆေးညွှန်း (သောက်သုံးပုံ)

- 4 mg ကို တစ်နေ့လျှင် သုံးကြိမ် (သို့) လေးကြိမ် သောက်နိုင်သည်။

ဘေးထွက်ဆိုးကျိုး

- ပြင်းထန်စွာ အိပ်ငိုက်ခြင်း

သတိပြုရန်

- အိပ်ငိုက်စေသဖြင့် ယဥ်မောင်းသူများ၊ စက်ယန္တရားနှင့် အလုပ်လုပ်ရသူများ သတိပြုရမည်။

14/07/2023

Antihistamines
(ဓါတ်မတည့်မှုပျောက်ကင်းစေသော ဆေးများ)

- Antihistamine များသည် histamine နှင့်ပတ်သက်၍ ဖြစ်သော အခြေအနေများတွင် အသုံးပြုသော ဆေးဝါးအမျိုးအစားများဖြစ်သည်။
- Histamine receptor များဖြစ်သော H-1 receptor နှင့် H-2 receptor တို့အနက် antihistamine များသည် H-1 receptor နှင့် ပေါင်း၍ ဓာတ်မတည့်မှုကြောင့်ဖြစ်သောရောဂါများကို သက်သာစေသည်။
- အင်ပြင်ထခြင်း၊ လေပြွန်ရောင်ခြင်း၊ အမှုန်အမွှားဝင်၍ဖြစ်သော နှာစေး ချောင်ဆိုးရောဂါများ၊ မျက်ခွံအတွင်းသားရောင်ရမ်းနာများ၊ အင်းဆက်ကိုက်ခြင်းကြောင့်ဖြစ်သော ယားနာများ စသည့် ဓါတ်မတည့်မှုလက္ခဏာများကို သက်သာစေရန် အသုံးပြုသည်။ ကားမူးခြင်း၊ ပျို့အန်ခြင်း၊ အိပ်မပျော်ခြင်းများအတွက်လည်း တခါတရံ အသုံးပြုနိုင်သည်။ Antihistamine များကို အဓိက အုပ်စုနှစ်ခု ခွဲခြားထားသည်။

အိပ်ငိုက်စေသော antihistamine များ

- chlorpheniramine , cinnarizine, hydroxyzine diphenhydramine and promethazine

- အနည်းငယ်အိပ်ငိုက်စေသော antihistamine များ

- acrivastine, cetirizine, fexofenadine and loratadine

AMT Pharmacy

28/07/2023

28/07/2023

28/07/2023

28/07/2023

28/07/2023

28/07/2023

28/07/2023

15/07/2023

15/07/2023

14/07/2023

14/07/2023

14/07/2023

Address

Website

Alerts

Shortcuts

Share

Category