25/08/2021
မိမိအိမ်တွင်း၌
Oxygen Concentrator များအား ပိုးသတ်ခြင်း သန့်စင်ခြင်း
စက်ကို လူနာနှင့် ဝေးရာနေရာသို့ယူဆောင်ကာ ဆောင်ရွက်သင့်ပါသည်။ မဆောင်ရွက်မီ မိမိအား ကူးစက်မှုများမရှိစေရန် လက်အိတ်၊ N95 နှာခေါင်းစည်း၊ Surgical Gown ဝတ်စုံ၊ Face Shield တို့ဝတ်ဆင်ခြင်းဖြင့်ကာကွယ်သင့်ပါသည်။
✅ စက်အားပိတ်ပါ မီးပလက်အားဖြုတ်ပါ။
✅ မပြင်းလွန်းသောဆပ်ပြာရည်စွတ်ထားသောအဝတ်ဖြင့်စက်ကိုထည်တစ်ခုလုံးကို နှံ့အောင် ပွတ်တိုက်ပါ။ စက်ကိုယ်ထည်အပြင် ဘီးလုံးနှင့် စက်၏အောက်ဘက်နေရာများ။ လက်ကိုင်နေရာများ နှင့် ခလုတ်နေရာများပါမကျန် နှံ့စပ်အောင် ပွတ်တိုက်ပါ။
✅ သို့ရာတွင်ဆပ်ပြာရည်များ စက်အတွင်းသို့စီးမဝင်စေရန် ဂရုတစိုက်တိုက်ပါ။ ⚠️
✅ သန့်စင်သောအဝတ်ရေစိုကိုအသုံးပြု၍ ဆပ်ပြာစင်ကြယ်သည်အထိသုတ်ပေးပါ။
✅ လေဝင်လေထွက်ကောင်းသောနေရာ၌အခြောက်ခံပါ။
✅ စက်အနောက်ဘက်ရှိ Filter အဖုံးပါရှိပါက အဖုံးအားဖြုတ်ပါ
✅ Filter ဇကာ ကိုဖြုတ်ပါ။ ၄င်းဇကာပျက်စီးနေပါက အသစ်လဲပါ။ ဇကာမတပ်ပဲ အသုံးမပြုရပါ။ ⚠️
✅ ဆပ်ပြာရည်ထဲတွင် ၄င်း ဇကာနှင့် အဖုံးတို့ကိုကို (၅) မိနစ်ခန့်စိမ်ထားပါ။
✅ အညစ်အကြေးနှင့်အမှုန်အမွှားများ ကင်းစင်သည်အထိ ရေဖြင့်စိမ်ပြီးဆေးကြောပါ။
✅ လေဝင်လေထွက်ကောင်းသောနေရာတွင်ထား၍ အခြောက်ခံပါ။
✅ လုံးဝ ခြောက်သွေ့သွားမှသာ ပြန်တပ်ပါ။
✅ စက်အားနာရီပေါင်း 1000 အသုံးပြုပြီးတိုင်း
HEPA Filter အား အသစ်လဲလှယ်ပေးရပါမည်။ (ထုတ်လုပ်သူ၏အညွှန်းကိုသိရှိထားရန်လိုသည်)
✅ အသစ်လဲလှယ်ပါက filter ကိုလေလုံအောင်ထုပ်ပိုးပြီးမှသာပစ်ရပါမည်။ ⚠️
✅ HEPA Filter ကိုလက်ဖြင့်မကိုင်ရ။ ရေဖြင့်ဆေးကြောခြင်းများမပြုလုပ်ရ။ ⚠️
✅ စက်ထဲသို့ HEPA Filter အသစ်တစ်ခုကို တပ်ဆင်ပါ။
✅Humidifier ရေဘူးကို နေ့စဉ်ရေလဲပါ
✅ရေဘူးကို တစ်ပတ်တစ်ခါ ရှာလကာရည် ၁ ဆ ရေ ၅ ဆ ရောစပ်ထတဲ့ရေထဲသို့ မိနစ် ၂၀ ခန့်စိမ်ပြီး ပိုးသတ်ပေးပါ။
✅ပြီးလျှင် ဆပ်ပြာနှင်ဆေးကြောပါ ပြီးပါက အခြောက်ခံပါ။
✅ဆေးပြီးသား ရေဘူးအတွင်းသို့ လက်ဖြင့်လုံးဝ မထိစေရ⚠️
✅ အသက်ရှုပိုက်ကို 72 hour ထက်ပိုပြီး အသုံးမပြုရ။ အသစ်လဲပါ။
✅ စက်အား လေဝင်လေထွက်ကောင်း၍ ဖုန်မထသောနေရာတွင်အသုံးပြုပါ။
✅ စက်အား လူနာထက်နိမ့်သောနေရာတွင်ထားသင့်သည်။
