Red Cross Charity Clinic - Dagon Seikkan

28/03/2025

23/03/2025

အပူဒဏ် ကြိုတင်ကာကွယ်ရေး နည်းလမ်းနှင့် အပူလျှပ်ခြင်း လက္ခဏာ ၊ ရှေးဦးပြုစုခြင်း
ယခုအချိန်သည် အလွန်ပူပြင်းခြောက်သွေ့သည့်ရာသီဖြစ်ပြီး အပူဒဏ် ကြောင့် မူးမေ့/ သေဆုံးမှုအထိ ကြားသိနေရ၍ အပူဒဏ်ကြိုတင်ကာကွယ်ရေး ညွှန်ကြားချက်များကို
လိုက်နာသင့်ပါတယ်။

#အပူဒဏ်ကြိုတင်ကာကွယ်ရေးလိုက်နာသင့်သည့်အချက်များ

၁။ အရိပ်ရ၍ အေးမြ သည့်နေရာတွင်နေပါ။
၂။ မိမိအသားကိုနေရောင်ခြည်နှင့်တိုက်ရိုက် မထိတွေ့စေရန် လက် ၊ လည်ပင်းနှင့်ပခုံးတို့ကို
လုံခြုံသော ချောင်လည်သည့် ချွေးစုပ်သော ချည်ထည်များကိုဝတ်ဆင်ပါ။
၃။ နေ့ခင်းဖက်အပြင်သွားပါက ထီး ၊ ဦးထုပ်ဆောင်းပါ ၊ နေကာမျက်မှန် တပ်ဆင်ပါ။
၄။ ရေ များများ သောက်ပါ။

#ရှောင်ကြဉ်ရန်အချက်များ
၁။ နံနက် ၁၀ နာရီမှညနေ ၄ နာရီအတွင်း
နေရောင်ခြည်နှင့်တိုက်ရိုက်ထိတွေ့ခြင်းကို
တတ်နိုင်သမျှ ရှောင်ပါ။
၂။ ပူပြင်းသည့်နေရောင်ခြည်အောက်တွင်
အလုပ်လုပ်ခြင်းနှင့်ကိုယ်လက်လှုပ်ရှားမှု
ပြုလုပ်ခြင်းကို တတ်နိုင်သမျှ ရှောင်ကျဥ်ပါ။
၃။ နေပူမှပြန်လာပြီးချက်ချင်းရေချိုးခြင်းကို
ရှောင်ကျဥ်ပါ။
၄။ ပူပြင်းသည့်နေရောင်ခြည်အောက်မှ
အလွန်အေးသောအခန်းနှင့် ကားအတွင်းသို့
ချက်ချင်း ဝင်ရောက်ခြင်း ၊ အလွန်အေးသော
အခန်း နှင့် ကားအတွင်းမှ ပူပြင်းသော
နေရောင်ထဲသို့ချက်ချင်း ထွက်ခြင်းကို
ရှောင်ကျဥ်ပါ။

#အပူလျှပ်ခြင်းလက္ခဏာများ
၁။ ခေါင်းကိုက် ၊ မူးဝေခြင်းနှင့် စိတ်ရှုတ်ထွေးခြင်း
၂။ အစာစားချင်စိတ် ဆုံးရှုံးခြင်း ၊ဖျားနာခြင်း
နေထိုင်မကောင်းခြင်း
၃။ ချွေးအလွန်ထွက်၍ ဖြူဖတ်ဖြူရော်ဖြစ်ခြင်း
၄။ ဝမ်းဗိုက်အောင့်ခြင်း လက် ၊ ခြေထောက်
ကြွက်တက်ခြင်း
၅။ ခန္တာကိုယ် အပူချိန်ကြီးခြင်း ၊ ရေအလွန်ငတ်ခြင်း
၆။ ကလေးများရုတ်တရက်မှိန်း၍
ငြိမ်ကျသွားတတ်ခြင်း

#အရေးပေါ်ရှေးဦးပြုစုခြင်း
၁။ လူနာကိုအရိပ်ရသောအေးမြသည့်နေရာသို့
ရွှေ့ပါ။
၂။ လေပန်ကာ လေအေးပေးစက် ဖွင့်ထားပေးပါ
မရှိက ယပ်ခတ်ပေးပါ။
၃။ လူနာ၏ခြေရင်းဘက်ကိုမြှင့်ထား၍ ပက်လက်
အနေအထား ထားပါ။
၄။ လူနာ၏ အဝတ်အစားကို ချွတ်ပါ။
၅။ လူနာ၏ ဂျိုင်း ၊ ပေါင်ခြံတို့ကို ရေပတ်တိုက်ပါ
၆။ လူနာ ကောင်းစွာသတိရလာပါက ရေအေးအေး
(သို့မဟုတ် )ဓာတ်ဆားရည်တိုက်ပါ။
#အပူဒဏ်ကြောင့်သတိလစ်ခြင်းလက္ခဏာများပေါ်ပေါက်လာပါကနီးစပ်ရာဆေးရုံဆေးခန်းသို့ချက်ချင်းပို့ပါ ။

17/03/2025

ခရမ်းလွန်ရောင်ခြည်အညွှန်းကိန်း မြင့်မားစွာရှိနေသည့်အချိန်များတွင် ခရမ်းလွန်ရောင်ခြည်နှင့်ထိတွေ့ မှုကြောင့် ကျန်းမာရေးအပေါ် သက်ရောက်မှုများအား ကာကွယ်နိုင်ရန်အတွက် ပြည်သူများအနေဖြင့် ကာကွယ်နိုင်မည့်နည်းလမ်းများကို လိုက်နာနိုင်ကြပါရန် တိုက်တွန်းနှိုးဆော်အပ်ပါသည်။

15/03/2025

နွေရာသီတွင် ရာသီဥတုပူပြင်းလာပြီဖြစ်ပါ၍ ပြည်သူများအနေဖြင့် အပူဒဏ်အန္တရာယ်ကြောင့် မလိုလားအပ်သော ကျန်းမာရေးအကျိုးဆက်များ မဖြစ်ပေါ်ရေးအတွက် အပူဒဏ်အန္တရာယ်ကာကွယ်ရေးနှိုးဆော်ချက်များကို လိုက်နာကြပါရန် တိုက်တွန်းနှိုးဆော်အပ်ပါသည်။