What are the opening hours?

Monday 08:30 - 11:00 16:00 - 21:00 Tuesday 08:30 - 11:00 16:00 - 21:00 Wednesday 08:30 - 11:00 16:00 - 21:00 Thursday 08:30 - 11:00 16:00 - 21:00 Friday 08:30 - 11:00 16:00 - 21:00 Saturday 16:00 - 21:00 Sunday 16:00 - 21:00

https://www.facebook.com/103108468164570/

ကျန်းမာပါစေ အထူးကုဆေးခန်းနှင့်ရောဂါရှာဖွေရေး, 244/246 Ground Floor , Pansodan Road. , Kyauk Tatar twnsp. Yangon, Yangon (2025)

Q: What is the address?

244/246 Ground Floor , Pansodan Road. , Kyauk Tatar Twnsp. Yangon

05/12/2025

သံဓာတ်အားနေနည်းသူများ စားဖို့အတွက်ပါ🤭
Just for fun

04/12/2025

🙍‍♀️ဝမ်းပျက်ဝမ်းလျှောရောဂါ

ဝမ်းပျက်ဝမ်းလျှောရောဂါက
တစ်နေ့ကို သုံးကြိမ် (သို့) သုံးကြိမ်ထက်ပိုပြီး ပုံမှန်မဟုတ်ဘဲ ပျော့ပျော့ သို့မဟုတ် အရည်လိုဝမ်းသွားခြင်းကို ဆိုလိုပါတယ်။

လူတိုင်းလိုလို ခံစားဖူးတဲ့ အဖြစ်များတဲ့ ရောဂါတစ်ခုပါ။

အဓိက ဖြစ်စေတဲ့ အကြောင်းအရင်းတွေကတော့

- ဘက်တီးရီးယားပိုးဝင်ခြင်း

- မသန့်ရှင်းသော အစားအစာများစားမိခြင်း

- ပဋိဇီဝဆေးများရဲ့ ဘေးထွက်ဆိုးကျိုးများကြောင့်လည်း ဖြစ်နိုင်ချေရှိပါတယ်။

ဝမ်းပျက်ဝမ်းလျှောရောဂါရဲ့ သတိထားရမယ့် လက္ခဏာတွေကတော့

- မကြာခဏ ဝမ်းသွားခြင်း

- ဗိုက်အောင့်ခြင်း၊ ဗိုက်နာခြင်း

- ပျို့အန်ခြင်း (သို့) အဖျားတက်ခြင်း

- ရေဓာတ်ခန်းခြောက်ခြင်း (နှုတ်ခမ်းခြောက်ခြင်း၊ ဆီးနည်းခြင်း၊ မောပန်းနွမ်းနယ်ခြင်း)

💁🏻‍♀️ဝမ်းသွားတဲ့အခါ ခန္ဓာကိုယ်ကနေ ရေနဲ့ ဓာတ်ဆားတွေ ဆုံးရှုံးသွားတာကြောင့် ဓာတ်ဆားရည်ကို မကြာခဏ သောက်ပေးပါ။
ရေများများ၊ အရည်များများ သောက်ပါ။

💁🏻‍♀️အစာကြေလွယ်တဲ့ ပျော့ပျောင်းတဲ့ အစားအစာ (ဥပမာ- ထမင်းပြုတ်၊ ငှက်ပျောသီး၊ ပေါင်မုန့်ခြောက်) တွေကို နည်းနည်းချင်း စားပေးပါ။ နို့ထွက်ပစ္စည်း၊ အဆီများတဲ့အစာ၊ အပူအစပ်တွေနဲ့ ကော်ဖီကို ရှောင်ပါ။

💁🏻‍♀️အစားမစားမီနဲ့ အိမ်သာတက်ပြီးတိုင်း လက်ကို စနစ်တကျ ဆေးကြောပါ။

💁🏻‍♀️ရေကို သေချာကျိုချက်ပြီး သောက်ပါ။

👉🏻ဝမ်းလျှောတာ ၂ ရက်ထက် ပိုကြာနေရင်

👉🏻ဝမ်းဗိုက်က ပြင်းထန်စွာ နာကျင်နေရင်

👉🏻သွေးပါတဲ့ ဝမ်းသွားရင်

👉🏻ရေဓာတ်ခန်းခြောက်တဲ့ လက္ခဏာတွေ ရှိရင်

👉🏻အဖျားကြီးနေရင်တော့ ဆရာဝန်နဲ့အမြန်ဆုံးပြသသင့်ပါတယ်နော်။
#ကျန်းမာပါစေ #ဆေးခန်း #ဝမ်းပျက်ဝမ်းလျှော

03/12/2025

🌬️ ရာသီဥတုအပြောင်းအလဲမှာ ကျန်းမာရေးဂရုစိုက်ကြပါ

ဆောင်းရာသီအဝင် ရာသီဥတုအပြောင်းအလဲဖြစ်တတ်တာမို့ လူတိုင်း ကျန်းမာရေးကို သတိထားဖို့လိုပါတယ်။

နေ့တာတိုလာပြီး ညဘက်အေးမြလာတာနဲ့အမျှ ခန္ဓာကိုယ်ရဲ့ ခုခံအားစနစ်ကလည်း ပြောင်းလဲမှုကို လိုက်လျောညီထွေဖြစ်အောင် ကြိုးစားရပါတယ်။

ဒီအချိန်မှာ အအေးမိ၊ တုပ်ကွေး၊ အသက်ရှူလမ်းကြောင်းဆိုင်ရာရောဂါတွေနဲ့ ဓာတ်မတည့်မှုတွေ ပိုမိုဖြစ်ပွားနိုင်ပါတယ်။

ဒါကြောင့် အနွေးထည်ဝတ်ဆင်ခြင်း၊ လုံလောက်စွာအနားယူခြင်း၊ ဗီတာမင်ကြွယ်ဝတဲ့ အသီးအရွက်တွေကို စားသုံးခြင်းနဲ့ ရေဓာတ်ပြည့်ဝနေအောင်နေထိုင်ဖို့ အလွန်အရေးကြီးပါတယ်။

ကျန်းမာပါစေ-အထူးကုဆေးခန်းမှ လူကြီး၊ လူငယ်မရွေး အပြောင်းအလဲရှိတဲ့ ဒီရာသီဥတုမှာ ကျန်းမာရေးကိုအထူးဂရုစိုက်နိုင်ဖို့အတွက် အမြဲမပြတ်စောင့်ရှောက်ပေးနေပါတယ်။

ကိုယ်ခံအားစနစ်ကို မြှင့်တင်ဖို့ပဲဖြစ်စေ၊ ရာသီတုပ်ကွေးကနေ ကာကွယ်ဖို့ပဲဖြစ်စေ၊

ကျန်းမာပါစေ ဆေးခန်းမှာ စိတ်ချယုံကြည်ရတဲ့ ကျန်းမာရေးစောင့်ရှောက်မှုနဲ့ အကြံဉာဏ်ကောင်းများကို အချိန်မရွေးရယူနိုင်ပါတယ်။

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း

03/12/2025

ကျန်းမာပါစေ-အထူးကုဆေးခန်းနဲ့ပတ်သတ်ပြီး ဝန်ဆောင်မှုယူရတာ အဆင်ပြေကြရဲ့လားရှင့်?

Comment မှာဖြေပေးခဲ့ကြပါဦးနော်~~

လိုအပ်ချက်လေးတွေရှိရင်လည်း ထောက်ပြပေးလို့ရပါတယ်ရှင့်..ကြိုးစားပြင်ဆင်ပေးပါ့မယ်✨

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း

01/12/2025

နှာခေါင်းပိတ်လို့စိတ်ညစ်နေလား?

ကဲ...ဆောင်းတော့ဝင်လာပြီ နှာခေါင်းလေးတွေက တရှုံ့ရှုံ့နဲ့ ဖြစ်နေကြပြီဟုတ်?

ဒါဆိုရင်ဒီနှာခေါင်းပိတ်တာကို ဘယ်လိုကာကွယ်လို့ရမလဲ ဆိုတာလေးတွေကို ပြောပြပေးသွားမှာမို့ စာလေးကို အဆုံးထိဖတ်ပေးကြဦးနော်။

နှာခေါင်းပိတ်ရခြင်းရဲ့ အဓိကအကြောင်းရင်းတွေက

‼️ဗိုင်းရပ်စ်ပိုးကြောင့်ဖြစ်ပြီး နှာခေါင်းအတွင်း ရောင်ရမ်းကာ အချွဲတွေ ပိုထွက်လာလို့ ပိတ်ဆို့တာပါ။

‼️ဆောင်းတွင်းလေက ခြောက်သွေ့တာကြောင့် နှာခေါင်းအတွင်းသားတွေကို ယားယံစေပြီး ရောင်ရမ်းလွယ်စေပါတယ်။

‼️အပူချိန်ရုတ်တရက် ပြောင်းလဲတာ (ဥပမာ- နွေးရာကနေ အေးသွားတာ) ကြောင့် နှာခေါင်းထဲက သွေးကြောတွေ ရုတ်တရက် ကျဉ်း/ကျယ် ဖြစ်ပြီး နှာခေါင်းပိတ်စေနိုင်ပါတယ်။

ဘယ်လိုနွေးနွေးထွေးထွေးနေကြမလဲ?

📌အနွေးထည်၊ ခေါင်းစည်း၊ ခြေအိတ်နဲ့ လက်အိတ်တို့ကို သေချာဝတ်ပါ။ လည်ပင်းကိုလည်း ပုဝါပတ်ထားပါ။

📌ရေနွေး၊ လက်ဖက်ရည်ဒါမှမဟုတ် စွပ်ပြုတ်နွေးနွေးတွေ များများသောက်ပေးပါ။ ဒါမှ ချွဲသလိပ်တွေ ပျစ်ခဲတာကို လျော့ကျစေပြီး အာခေါင်နဲ့ နှာခေါင်းကို စိုစွတ်စေမှာပါ။

📌Humidifier ကို အသုံးပြုတာ ဒါမှမဟုတ် ရေနွေးခွက်ကို အနီးအနားမှာ ထားတာက ခြောက်သွေ့တဲ့လေကို လျော့ကျစေပြီး နှာခေါင်းအတွင်းသား ခြောက်သွေ့မှုကို သက်သာစေပါတယ်။

📌လေ့ကျင့်ခန်း ပုံမှန်လုပ်တာက ခန္ဓာကိုယ်ရဲ့ ခုခံအားစနစ်ကို မြှင့်တင်ပေးပါတယ်။

နှာခေါင်းပိတ်တာကို ဘယ်လိုကုသကြမလဲ?

📌ရေနွေးပူပူထဲကို မျက်နှာအပ်ပြီး ခေါင်းကို တဘက်အုပ်ကာ ရေနွေးငွေ့ကို ၅-၁၀ မိနစ်ခန့် ရှူပေးပါ။ ဒါဟာ ပိတ်နေတဲ့ နှာခေါင်းကို ချက်ချင်းပွင့်စေပြီး သက်သာစေတဲ့ အလွယ်ဆုံးနည်းလမ်းပါ။

📌Neti Pot ဒါမှမဟုတ် Nasal Spray (နှာခေါင်းဖြန်းဆေး) တွေနဲ့ ဆားရည်ကို အသုံးပြုပြီး နှာခေါင်းအတွင်းရှိ အချွဲတွေနဲ့ အညစ်အကြေးတွေကို ဆေးကြောပေးနိုင်ပါတယ်။
မှတ်ချက်: ဆားရည်ဖျော်ရင် သန့်စင်တဲ့ရေ (သို့) ရေသန့်ကိုသာ အသုံးပြုပါ။

📌အိပ်တဲ့အခါ ခေါင်းအောက်မှာ ခေါင်းအုံး တစ်လုံးနှစ်လုံး ထပ်ခံပြီး မြှင့်အိပ်ခြင်းဖြင့် နှာခေါင်းအတွင်း ဖိအားကို လျော့ကျစေပြီး အသက်ရှူရ ပိုကောင်းစေပါတယ်။

📌ဆေးဆိုင်တွေမှာ ဝယ်လို့ရတဲ့ နှာခေါင်းကျဉ်းဆေးတွေကို သုံးနိုင်ပါတယ်။ သို့သော်လည်း (၃ ရက်ထက် ပိုမသုံးပါနဲ့)။ အကြာကြီးသုံးရင် နှာခေါင်းက ဆေးအာနိသင်ကို စွဲသွားပြီး ဆေးဖြန်းတာ ရပ်လိုက်ရင် ပိုဆိုးနိုင်လို့ပါ။

အဖျားတက်လာရင်၊ နှာခေါင်းပိတ်တာ တစ်ပတ်ကျော်ကြာတဲ့အထိ မသက်သာရင် ဒါမှမဟုတ် နားကိုက်၊ မျက်နှာမှာ နာကျင်တာမျိုးဖြစ်လာရင်တော့ ဆရာဝန်နဲ့ ပြသဖို့ လိုအပ်ပါတယ်။
#ကျန်းမာပါစေ #ဆေးခန်း #နှာခေါင်းပိတ်ခြင်း

30/11/2025

ကျန်းမာခြင်းအတွက် ကျန်းမာပါစေကိုလာခဲ့ပါ...

လူတစ်ယောက်မှာ ပိုက်ဆံတွေ ဘယ်လောက်ပဲရှိရှိ၊ ကျန်းမာရေးမကောင်းရင် ဘဝက ဘာအဓိပ္ပာယ်မှ ရှိမှာမဟုတ်ပါဘူး။

အလုပ်တွေရှုပ်၊ ပူပင်စရာတွေများတဲ့ ခေတ်ကြီးထဲမှာ ကိုယ့်ကျန်းမာရေးကို ဂရုစိုက်ဖို့ဆိုတာ တကယ်ကို လစ်ဟင်းနေတတ်ကြပါတယ်။

ဒါပေမဲ့ တစ်ခုသတိရသင့်တာက ကိုယ်လက်လှုပ်ရှားမှုလေးတွေ လုပ်တာ၊ အာဟာရပြည့်တာလေးတွေ စားတာနဲ့ တစ်နှစ်တစ်ခါပုံမှန်စစ်ဆေးမှုလုပ်တာမျိုးပြုလုပ်သင့်ပါတယ်။

ဒါမှသာ ရောဂါမဖြစ်ခင် ကြိုတင်ကာကွယ်ထားနိုင်မှာဖြစ်တဲ့အပြင် စိတ်ဖိစီးမှုကင်းပြီး ပျော်ရွှင်တဲ့ဘဝကို ပိုင်ဆိုင်နိုင်မှာပါ။

ကျန်းမာပါစေဆေးခန်းဟာ သင့်ရဲ့ယုံကြည်စိတ်ချရတဲ့ ကျန်းမာရေးလက်တွဲဖော် ဖြစ်ဖို့ အသင့်ရှိနေပါတယ်။

📌အထူးကုဆေးခန်းဖြစ်တဲ့အတွက် သက်ဆိုင်ရာ ကျန်းမာရေးကဏ္ဍအလိုက် အတွေ့အကြုံရှိတဲ့ အထူးကုဆရာဝန်ကြီးများရဲ့ စောင့်ရှောက်မှုတွေကို ပေး‌နေပြီး သင်လိုအပ်တဲ့ စနစ်ကျတဲ့ ကုသမှုကို ရရှိမှာပါ။

📌ရောဂါတစ်ခုခုကို စိုးရိမ်လို့ပဲဖြစ်ဖြစ်၊ ကိုယ်ဘယ်လိုနေထိုင်ရမလဲ သိချင်လို့ပဲဖြစ်ဖြစ်၊ ဆရာဝန်ကြီးတွေနဲ့ ပွင့်ပွင့်လင်းလင်း ဆွေးနွေးတိုင်ပင်လို့ရပါတယ်။
သင့်ကျန်းမာရေးနဲ့ပတ်သက်တဲ့ မေးခွန်းတိုင်းကို ဂရုတစိုက် နားထောင်ပြီး မှန်ကန်တိကျတဲ့ အကြံဉာဏ်တွေ ပေးနိုင်ပါတယ်။

📌ရောဂါပျောက်ကင်းအောင် ကုသပေးဖို့သာမက စိတ်အေးချမ်းသာနဲ့ နွေးထွေးတဲ့ စောင့်ရှောက်မှုကိုပါ ပေးနေပါတယ်။

📌အချိန်မကုန်၊ စိတ်မပင်ပန်းရအောင် အကောင်းဆုံး ဝန်ဆောင်မှုပေးဖို့ အမြဲကြိုးစားနေပါတယ်။

လူကြီးမင်းတို့ရဲ့ တစ်ခုတည်းသော အဖိုးတန်ကျန်းမာရေးကို ယုံကြည်စိတ်ချစွာ အပ်နှံနိုင်ဖို့...

ယနေ့ပဲ ကျန်းမာပါစေဆေးခန်းကို လာခဲ့ဖို့ ဖိတ်ခေါ်ပါတယ်ရှင်။🙏🏻

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း

29/11/2025

ဇက်ကြောတက်ရင်ဘာလက္ခဏာတွေခံစားရနိုင်လဲ❓
အဖြေမှန်တစ်ခုကို ရွေးချယ်ပါ။

A. ခြေဖဝါးနှင့် ခြေချောင်းများ ကျဉ်ခြင်း၊ ကိုက်ခဲခြင်း

B. ခေါင်းကို ဘေးဘက်သို့ လှည့်ရာတွင် နာကျင်ခြင်း၊ လှည့်မရလောက်အောင် တင်းမာနေခြင်း

C. မျက်လုံးများ နီရဲလာပြီး အမြင်အာရုံ‌ဝေဝါးလာခြင်း

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း #ဇက်ကြောတက်ခြင်း

28/11/2025

ဒီလိုအလေ့အကျင့်လေးတွေ လုပ်ကြည့်ပါ🤗

ကျန်းမာပျော်ရွှင်တဲ့ ဘဝတစ်ခုပိုင်ဆိုင်ဖို့အတွက် အောက်ကအချက်လေးတွေအတိုင်း လိုက်နာဖို့လိုပါတယ်။

📌ရေသောက်ခြင်း
- မနက်အိပ်ယာထတာနဲ့ ရေတစ်ဖန်ခွက် (သို့မဟုတ်) ရေနွေးတစ်ခွက်ကို အရင်ဆုံး သောက်ပါ။ (အစာခြေစနစ်ကို နိုးထစေပြီး အဆိပ်အတောက်တွေ ဖယ်ရှားရာမှာ ကူညီပါတယ်)

- ရေကို မကြာခဏ စနစ်တကျ သောက်သုံးပေးပါ။ ရေဆာတာကို မစောင့်ဘဲ သောက်ပါ။

📌အစားအသောက်မှန်မှန်ကန်ကန်စားခြင်း
- ဟင်းသီးဟင်းရွက်နဲ့ သစ်သီးဝလံ မျိုးစုံကို နေ့စဉ်စားသုံးပါ။ (ကိုယ်ခံအားနဲ့ အမျှင်ဓာတ်အတွက် မရှိမဖြစ်ပါလိုပါတယ်)

- သန့်ရှင်းလတ်ဆတ်တဲ့ အသားဓာတ် (ငါး၊ ကြက်သား၊ ပဲအမျိုးမျိုး) ကို ရွေးချယ်ပါ။ အဆီများတဲ့ အစားအစာတွေ၊ ပြုပြင်ထားတဲ့ အစားအစာတွေ (Processed Foods) နဲ့ သကြားဓာတ်များတဲ့ အချိုပွဲတွေကို လျှော့ပါ။

- ညအိပ်ရာဝင်ချိန်နဲ့ ညစာစားချိန်ကြားမှာ အနည်းဆုံး ၂ နာရီမှ ၃ နာရီခြားထားပြီးစားပါ။

📌လှုပ်ရှားမှုပြုလုပ်ခြင်း
- တစ်နေ့ကို အနည်းဆုံး မိနစ် ၃၀ ခန့် လမ်းလျှောက်ခြင်း၊ ကိုယ်လက်လေ့ကျင့်ခန်းလုပ်ခြင်း စတဲ့ ပေါ့ပါးတဲ့ လှုပ်ရှားမှုတစ်ခုခုကို ပုံမှန်လုပ်ပါ။

- အလုပ်မှာဖြစ်စေ၊ အိမ်မှာဖြစ်စေ တစ်နာရီခြားတစ်ခါ ထပြီး ခဏတာ ဆန့်ထုတ်ပေးခြင်း (Stretching) သို့မဟုတ် လမ်းအနည်းငယ်လျှောက်ပေးခြင်းတို့ကို လုပ်ပါ။ (အထိုင်များခြင်းကကျန်းမာရေးကို ထိခိုက်စေပါတယ်)

📌အိပ်ရေးဝဝ အိပ်စက်ခြင်း
- လူကြီးတစ်ဦးအနေနဲ့ တစ်ညကို ၇ နာရီမှ ၉ နာရီခန့် အရည်အသွေးကောင်းတဲ့ အိပ်ချိန်ရရှိဖို့ ကြိုးစားပါ။

- အိပ်ရာဝင်ချိန်ကို ပုံမှန် ထားပါ။ ညအိပ်ရာဝင်ခါနီးမှာ ဖုန်း၊ တီဗီစတဲ့ အလင်းရောင်များတဲ့ စက်ပစ္စည်းတွေ သုံးတာကို ရှောင်ပါ။

📌စိတ်ကျန်းမာရေးကို ဂရုစိုက်ခြင်း
- စိတ်ဖိစီးမှု လျှော့ချနိုင်ဖို့အတွက် တရားထိုင်ခြင်း၊ အသက်ပြင်းပြင်းရှူသွင်းရှူထုတ်ခြင်း (Deep Breathing)၊ သို့မဟုတ် ဝါသနာပါရာတစ်ခုခုကို လုပ်ဆောင်ခြင်းဖြင့် အချိန်ပေးပါ။

- ကျေးဇူးတင်စရာတွေကို အမြဲ တွေးပါ။ပျော်ရွှင်တဲ့ စိတ်ထားကို မွေးမြူပါ။

ဒီအလေ့အကျင့်ကောင်းလေးတွေကို တစ်ပြိုင်နက်တည်း အားလုံးစတင်ဖို့ မကြိုးစားပါနဲ့။

ကိုယ့်အတွက် အလွယ်ဆုံးနဲ့ အရေးအကြီးဆုံးလို့ ထင်တာကို တစ်ခုချင်းစီ စတင်ကျင့်သုံးရင်း အသားကျလာတဲ့အခါ အခြားအလေ့အကျင့်တွေကို တိုးမြှင့်သွားပါက ရေရှည်အတွက် ပိုမိုထိရောက်ပါလိမ့်မယ်။
#ကျန်းမာပါစေ #ဆေးခန်း

27/11/2025

🤔ဘာကြောင့် ကျန်းမာရေး လိုက်စားသင့်တာလဲ?

ကျန်းမာခြင်းဟာ အဖိုးမဖြတ်နိုင်တဲ့ဘဏ္ဍာပါ။

ကိုယ်ရောစိတ်ပါ ကျန်းမာနေမှသာ ကိုယ့်ရဲ့နေ့စဉ်ဘဝတာဝန်တွေကို ထမ်းဆောင်နိုင်မယ်၊ မိသားစုနဲ့အတူ ပျော်ရွှင်စွာ အချိန်ဖြုန်းနိုင်မယ်၊ အလုပ်မှာ စွမ်းဆောင်ရည်အပြည့်နဲ့ လုပ်ကိုင်နိုင်မယ်၊ ပြီးတော့ ကိုယ့်ရဲ့အိပ်မက်တွေကိုလည်း အကောင်အထည်ဖော်နိုင်မှာပါ။

ကျန်းမာအောင် နေထိုင်ခြင်းက သင့်ရဲ့အနာဂတ်အတွက် ရင်းနှီးမြှုပ်နှံမှု တစ်ခုလိုပါပဲ။

ဒါဟာ ကြိုတင်ကာကွယ်ထားခြင်းပဲ ဖြစ်ပါတယ်။

လူကြီးမင်းတို့ရဲ့ ကျန်းမာရေးခရီးလမ်းမှာ ပိုမိုအားကောင်းစေဖို့၊ ကျန်းမာပါစေ-အထူးကုဆေးခန်း က အသင့်ရှိနေပါတယ်။

ကျန်းမာပါစေမှာ-
✅ ကျန်းမာရေးနဲ့ပတ်သက်ပြီး မှန်ကန်တိကျတဲ့ အကြံဉာဏ်တွေ ကို ဆရာဝန်များနဲ့ တိုက်ရိုက်ဆွေးနွေး ရယူနိုင်ပါတယ်။

✅ ရောဂါများကို အချိန်မှီ ကြိုတင်သိရှိနိုင်ရန်အတွက် စနစ်တကျ ပြုလုပ်ထားတဲ့ Medical Check-up (ကျန်းမာရေး စစ်ဆေးမှုများ) ကို ပြုလုပ်နိုင်ပါတယ်။

✅ အနာဂတ်မှာ ဖြစ်လာနိုင်တဲ့ ရောဂါဘယတွေကနေ ကြိုတင်ကာကွယ်နိုင်ဖို့အတွက် လိုအပ်တဲ့ ကာကွယ်ဆေးများ ကိုလည်း စိတ်ချလက်ချ ထိုးနှံနိုင်ပါတယ်။

ကျန်းမာပါစေ ဆေးခန်းက သင်နဲ့သင့်မိသားစုရဲ့ ကောင်းမွန်တဲ့ကျန်းမာရေးအတွက် အမြဲတမ်းဦးစားပေးပြီး ဝန်ဆောင်မှုပေးနေပါတယ်။

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း

26/11/2025

🥲

25/11/2025

💆‍♂️ ဇက်ကြောတက်ခြင်း

ဇက်ကြောတက်ခြင်းက လူတိုင်းနီးပါးကြုံကိုကြုံဖူးကြမယ့် နာကျင်မှုတစ်ခုပါပဲ။

ရုံးသမားတွေ၊ ကျောင်းသားတွေနဲ့ စမတ်ဖုန်း အသုံးများသူတွေမှာ ပိုအဖြစ်များပါတယ်။

ဘာ့ကြောင့်ဖြစ်လဲ၊ ဘယ်လိုသက်သာအောင် လုပ်နိုင်လဲဆိုတာကို ကြည့်လိုက်ရအောင်...

ဇက်ကြောတက်ရတဲ့ အဓိကအကြောင်းအရင်းတွေကတော့

📌ကွန်ပျူတာကြည့်တဲ့အခါ ခေါင်းငုံ့တာ၊ ဖုန်းကြည့်ရင်း ဇက်စောင်းတာ၊ စာရေးရင်း ကိုယ်ကိုင်းတာ စတဲ့ မမှန်ကန်တဲ့ အနေအထားတွေကြောင့် လည်ပင်းနဲ့ ပခုံးက ကြွက်သားတွေ တင်းမာလာခြင်း။

📌အချိန်ကြာကြီး တစ်နေရာတည်း ထိုင်ပြီး အလုပ်လုပ်ခြင်း သို့မဟုတ် အိပ်စက်ခြင်း။

📌စိတ်ဖိစီးမှုများတဲ့အခါ ပခုံးနဲ့ လည်ပင်းကြွက်သားတွေကို မသိလိုက်ဘဲ တင်းထားမိခြင်း။

📌ခေါင်းအုံး အနေအထား မမှန်တာ၊ မှားယွင်းတဲ့ပုံစံနဲ့ အိပ်တာ။

စတာတွေကြောင့် ဇက်ကြောတက်ခြင်းကို ဖြစ်‌ဖို့အလားအလာများပါတယ်။

သက်သာအောင် လုပ်နိုင်မယ့် နည်းလမ်းတွေကတော့

📌ကွန်ပျူတာ စခရင်ကို မျက်လုံးအဆင့် မှာထားပါ

📌ထိုင်တဲ့အခါ ခါးကို မတ်မတ်ထားပြီး ခြေထောက်နှစ်ဖက်ကို မြေကြီးမှာချထိုင်ပါ

📌ဖုန်းကြည့်ရင် ခေါင်းမငုံ့ဘဲ ဖုန်းကို မျက်လုံးအဆင့်အထိ မြှောက်ကြည့်ပါ

📌နာရီဝက် သို့မဟုတ် တစ်နာရီခြား တစ်ခါ ထိုင်နေရာမှ ထပြီး ခဏတာ လမ်းလျှောက်ပါ

📌လည်ပင်းကို ဘေးတစ်ဖက်စီ ဖြည်းဖြည်းချင်းစောင်းပြီး ၁၀ စက္ကန့်ခန့် ထိန်းထားပါ (ဇက်ကို ခပ်ကြမ်းကြမ်း မလှည့်ပါနဲ့)

📌ပခုံးကို နားရွက်နားရောက်သည်အထိ မတင်ပြီး ၅ စက္ကန့်ခန့်နေမှ ပြန်ချပါ။ ၅ ကြိမ်ခန့်လုပ်ပါ။

📌ဇက်ကြောတက်တဲ့ နေရာကို ရေနွေးအိတ် (သို့) အပူပေး အနှိပ်ခံပစ္စည်းလေးတွေနဲ့ မိနစ် ၂၀ ခန့် ကပ်ပေးပါ

📌အိပ်တဲ့အခါ ဇက်ကို ကောင်းစွာ ထောက်ကူပေးနိုင်တဲ့ ခေါင်းအုံး ကို ရွေးချယ်သုံးစွဲပါ။ (မမာလွန်း၊ မနူးညံ့လွန်းသော အလယ်အလတ်အမျိုးအစား)

💁🏻‍♀️နာကျင်မှုက ရက်အနည်းငယ်ကြာတဲ့အထိ မသက်သာဘဲ ပိုဆိုးလာတဲ့အခါ

💁🏻‍♀️လက်မောင်း၊ လက်တွေအထိ ပျံ့နှံ့လာပြီး ထုံကျဉ်လာတဲ့အခါ

💁🏻‍♀️ခေါင်းကိုက်တာ၊ မူးဝေတာနဲ့ အဖျားဝင်တာမျိုး တွဲပါလာပြီဆိုရင်တော့ ဆရာဝန်နဲ့အမြန်ဆုံး ပြသင့်ပါတယ်။

မှန်ကန်တဲ့ အနေအထားနဲ့ ပုံမှန် အကြောလျှော့လေ့ကျင့်ခန်း လုပ်ပေးခြင်းဖြင့် ဇက်ကြောတက်ခြင်းကို အများစု ကာကွယ်နိုင်မှာဖြစ်ပါတယ်။
#ကျန်းမာပါစေ #ဆေးခန်း #ဇက်ကြောတက်ခြင်း

24/11/2025

စိတ်ချမ်းသာခြင်းက ကျန်းမာရေးနဲ့ဆိုင်ပါသလား?

စိတ်ချမ်းသာခြင်းက ကိုယ်ခန္ဓာကျန်းမာရေးအတွက် မရှိမဖြစ်လိုအပ်တဲ့ အုတ်မြစ်တစ်ခုလို့ဆိုရပါမယ်။

💁🏻‍♀️စိတ်ရောကိုယ်ပါ ပျော်ရွှင်နေမှသာ အပြင်ပန်းက ကာယကျန်းမာရေးကိုပါ ပိုမိုကောင်းမွန်စွာ ထိန်းသိမ်းနိုင်မှာပါ။

📌စိတ်နဲ့ခန္ဓာက တိုက်ရိုက်ချိတ်ဆက်နေတဲ့အတွက် စိတ်ဖိစီးမှုတွေ၊ စိုးရိမ်ပူပန်မှုတွေ များလာတဲ့အခါ ခန္ဓာကိုယ်ကနေ ကော်တီဆော (Cortisol) လို စိတ်ဖိစီးမှု ဟော်မုန်းတွေ ပိုမိုထုတ်လုပ်လာပြီး ဒါတွေက ကိုယ်ခံအားစနစ်ကို အားနည်းစေနိုင်သလို အစာခြေစနစ်ကို ထိခိုက်စေနိုင်ပါတယ်။

📌စိတ်ချမ်းသာပျော်ရွှင်နေတဲ့အခါမှာတော့ ခန္ဓာကိုယ်က Endorphins, Serotonin စတဲ့ သဘာဝအလျှောက် နာကျင်မှုတွေ
ကို သက်သာစေပြီး စိတ်ခံစားမှုကို ကောင်းမွန်စေတဲ့ ဓာတ်တွေကို ထုတ်ပေးပါတယ်။

💁🏻‍♀️ဒါကြောင့် အကောင်းမြင်စိတ်ထားခြင်း၊ ရယ်မောခြင်းနဲ့ စိတ်ပျော်ရွှင်အောင် နေထိုင်ခြင်းက သင့်ကို ရောဂါဘယ ကင်းဝေးစေပြီး သက်ရှည်ကျန်းမာစေမှာပါ။

"စိတ်ချမ်းသာမှ ကိုယ်ကျန်းမာမယ်" ဆိုတဲ့ ယုံကြည်ချက်နဲ့အညီ...

ကျန်းမာပါစေ ဆေးခန်းကနေ လူကြီးမင်းတို့ စိတ်ရောကိုယ်ပါ ကျန်းမာပျော်ရွှင်နိုင်ဖို့အတွက် အကောင်းဆုံးသော ကျန်းမာရေးစောင့်ရှောက်မှုတွေကို ပေးအပ်ဖို့ အသင့်ရှိနေပါတယ်။👨‍⚕️

ဆက်သွယ်ရန်👇🏻
Contact Number: 09-886002200, 09-758100045, 09-768100035

Viber Number: 09886001100

📍အမှတ် (၂၄၄, ၂၄၆)၊ အခန်း (၄၀၁)၊ မြေညီထပ်၊ အထက်ပန်းဆိုးတန်းလမ်း၊ ကျောက်တံတားမြို့နယ်၊ ရန်ကုန်မြို့။
#ကျန်းမာပါစေ #ဆေးခန်း

ကျန်းမာပါစေ အထူးကုဆေးခန်းနှင့်ရောဂါရှာဖွေရေး

05/12/2025

04/12/2025

03/12/2025

03/12/2025

01/12/2025

30/11/2025

29/11/2025

28/11/2025

27/11/2025

26/11/2025

25/11/2025

24/11/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:30 - 11:00
	16:00 - 21:00
Tuesday	08:30 - 11:00
	16:00 - 21:00
Wednesday	08:30 - 11:00
	16:00 - 21:00
Thursday	08:30 - 11:00
	16:00 - 21:00
Friday	08:30 - 11:00
	16:00 - 21:00
Saturday	16:00 - 21:00
Sunday	16:00 - 21:00