18/09/2025
မင်္ဂလာပါ
ဒီနေ့မှာတော့
- အကုန်လုံးကြောက်ကြတဲ့
- ရောဂါလက္ခဏာတွေ စပြပြီဆိုတာနဲ့ သေဆုံးနိုင်ခြေ ၁၀၀% နီးပါးရှိတဲ့
ခွေးရူးရောဂါပိုးအကြောင်းကို ပြောပြချင်ပါတယ်။
မပြောပြခင် မေးခွန်းလေး ၂ ခု မေးကြည့်ချင်ပါတယ်။
❓၁။ ခွေးရူးပြန်ရောဂါပိုးဟာ ခွေးတွေဆီကနေပဲ ကူးစက်နိုင်တာလား?
❓၂။ တိရစ္ဆာန်တစ်ကောင်မှာ ခွေးရူးပြန်ရောဂါပိုးရှိ၊ မရှိကို ကြည့်တာနဲ့သိနိုင်ပါသလား?
အဖြေတွေကို ပို့စ်အဆုံးမှာဖြေထားပါမယ်နော်။
ကျမကတော့ ကောင်းသုခဆေးခန်းက ဒေါတ်တာမြတ်နိုးဗမာပါ။
ခွေးရူးပြန်ရောဂါဆိုတာဘာလဲ။
ဦးနှောက်နဲ့ အာရုံကြောစနစ်ကို ထိခိုက်စေတဲ့ အလွန်
အန္တရာယ်များတဲ့ ဗိုင်းရပ်စ်ပိုးကြောင့်ဖြစ်တဲ့ ရောဂါပါ။
သူ့ကြောင့် တစ်နှစ်ကို လူ ၅၉,၀၀၀ လောက် သေဆုံးနေရဆဲဖြစ်ပြီးအသက် ၁၅ နှစ်အောက် ကလေးငယ်တွေဟာ အန္တရာယ်အရှိဆုံးအုပ်စုထဲမှာ ပါဝင်ပါတယ်။
အာရှနဲ့ အာဖရိကတိုက်တွေမှာ ရောဂါကူးစက်မှု အများဆုံးဖြစ်ပွားပါတယ်။
ဘယ်တိရစ္ဆာန်တွေကနေ ကူးစက်နိုင်သလဲ။
• ခွေး (အာရှနဲ့ အာဖရိကမှာ ရောဂါပိုးကူးစက်ခံရမှုရဲ့ ၉၅% ကျော်ဟာ ခွေးတွေကနေဖြစ်ပါတယ်)
• လင်းနို့
• ကြောင်
• ရက်ကွန်းဝံ၊ ရှဉ့်၊ မြေခွေး၊ မျောက် နဲ့ အခြားနို့တိုက်
သတ္တဝါများ
ကမ္ဘာတစ်ဝန်း ခွေးရူးပြန်ရောဂါအခြေအနေ
ခွေးရူးပြန်ရောဂါ ဘယ်လိုကူးစက်သလဲ။
• ရောဂါပိုးရှိတဲ့ တိရစ္ဆာန်ရဲ့ အကိုက်ခံရခြင်း (သို့) အစွယ်နဲ့အခြစ်ခံရခြင်း။
• ရောဂါပိုးရှိတဲ့တိရစ္ဆာန်ရဲ့ တံတွေးဟာ အရေပြားပေါက်ပြဲနေတဲ့နေရာ (သို့) မျက်လုံး၊ ပါးစပ်တို့ကနေ ဝင်ရောက်သွားခြင်း။
ခွေးရူးပြန်ရောဂါကို ဘယ်လိုကာကွယ်ကြမလဲ
✔️ အိမ်မွေးတိရစ္ဆာန် ခွေး၊ ကြောင်တွေကို ကာကွယ်ဆေးထိုးပါ။
✔️ လမ်းဘေးတိရစ္ဆာန် ဒါမှမဟုတ် တောရိုင်းတိရစ္ဆာန်တွေနဲ့ ထိတွေ့တာကို ရှောင်ပါ။
✔️ ကိုက်ခံရတဲ့ဒဏ်ရာကို ဆပ်ပြာနဲ့ ရေများများသုံးပြီး ချက်ချင်းဆေးကြောပါ။
✔️ နီးစပ်ရာဆေးခန်း (သို့) ဆေးရုံကို အမြန်သွားရောက်ပြီး ခွေးရူးပြန်ကာကွယ်ဆေးနဲ့ immunoglobulin ထိုးနှံပါ။
✅ အဖြေ ၁။ လင်းနို့၊ ကြောင်၊ တောရိုင်းတိရစ္ဆာန်တွေဆီကနေလည်း ကူးစက်နိုင်ပါတယ်။
✅ အဖြေ ၂။ တချို့ပိုးရှိနေတဲ့တိရစ္ဆာန်တွေက ရောဂါပိုးရှိနေတာမသိသာနိုင်ပါ။
ခွေးရူးရောဂါ၊ ကာကွယ်ဆေးထိုးခြင်း တွေနဲ့ ပတ်သတ်ပြီး သိချင်တာရှိရင် comment မှာရော chat box မှာပါ လာမေးလို့ရပါတယ်။
“ကောင်းသုခ အထွေထွေရောဂါကုဆေးခန်းနှင့် ဓါတ်ခွဲခန်း”
အမှတ် (၁၁)၊ ကျောင်းတော်ရာလမ်း၊
(မဏ္ဍိုင်လမ်း၏ဒုတိယမြောက်လမ်းသွယ်)၊ ဝါဆို၊ ဒေါပုံ။ (ဝါဆိုကားမှတ်တိုင်အနီး)
ဖုန်း - 09973914030 09776417803 09668162347
