15/01/2026
#ဆောင်းတွင်းမို့_အရိုးအဆစ်နာတတ်သူများအတွက်_စိတ်ညစ်ဖွယ်ရာကာလကြီးရောက်လို့လာပါပြီ
#ရန်ကုန်ဆောင်းက_ဒီနှစ်ပိုအေးတဲ့အတွက်သတိပိုထားကြရပါမယ်
အဆစ်နာရောဂါတွေထဲက ခြင်ဆီခမ်းတယ်လို့ခေါ်တဲ့ (အိုနာ လို့လည်းပြောကြတဲ့) ဒူးကျီးပေါင်းလို့လည်းပြောတတ်ကြပါတယ်။
အရိုးနုလေးတွေပြုန်းလို့ဖြစ်တဲ့
လူကြီးတွေမှာဖြစ်လို့ (ကျောက်ကပ်ပျက်ခြင်း၊ အစာအိမ်သွေးကြောပေါက်ခြင်း ဖြစ်နိုင်လို့) အကိုက်အခဲပျောက်ဆေးလည်း ထင်သလိုသောက်လို့မရ တဲ့အတွက် paracetamol လောက်သာ သောက်ရင်း နာရင်နာတယ်လို့မှတ်နေကြရပါတယ်။
Good Day - Bad Day ဆိုရှိပြီး ၊ ကောင်းတဲ့နေ့ ကောင်းနေတတ်ပြီး၊ မကောင်းပြန်ရင်လည်း ဘာသောက်သောက် ကိုဆိုးနေတတ်ပါတယ်
ဆောင်း တွင်းဝင်လာပြီ ဖြစ်တဲ့အတွက် OA လူနာရဲ့ တစ်ဝက်ကျော်ကျော်ဟာ Bad days အများအပြား ကြုံလာရနိုင်ပါတယ်။
အဲ့ဒါကြောင့်
1. နွေးနွေးထွေးထွေးနေပါ၊ မအေးလည်း နွေးနေအောင် နေပါ။
အေးတဲ့အခါ ကြွက်သားတွေတောင့်တင်းနေတတ်တဲ့ အတွက် နာကြင်မှုက ပိုဆိုးရတာပါ။
2. ရေများများသောက်ပါ ၊အေးနေတဲ့အတွက် ရေသောက်နည်းတတ်ပါတယ်။
ရေသောက်နည်းတဲ့ အခါ dehydration (ရေဓာတ်ခမ်းခြောက်တဲ့အတွက်) Synovial fluid ခေါ်တဲ့ အဆစ်ထဲက (လှုပ်ရှားမှုတွေချောမွေ့အောင်) ချောဆီလို လုပ်ပေးနေတဲ့အရည်တွေနည်းသွားရင် အဆစ်နာတာပိုဆိုးစေပါတယ်။
3. ရေနွေးအိတ်ကပ်ပါ
ရေနွေးအိတ်ကပ်တဲ့အခါ သွေးလည်ပတ်မှုကောင်းတဲ့ အတွက် နာကြင်မှုတွေကိုသက်သာစေပါတယ်။
4. အကိုက်အခဲပျောက်ဆေး (NSAIDs) တွေ တတ်နိုင်သလောက်မသောက်ပါနဲ့ {ရောဂါပျောက်စေတဲ့ ဆေးမဟုတ်ပဲ နာတာသက်သာရုံပဲရပြီး 👉 ကျောက်ကပ်ပျက်ခြင်း၊ အစာအိမ်သွေးကြောပေါက်ခြင်း ဖြစ်နိုင်လို့ => မတန်ပါဘူး
5. Paracetamol တစ်နေ့ (၆ နာရီခြားပြီး 👉 လေးကြိမ်သောက်လို့ရပါတယ်) ကုပေးနေတဲ့ ဆရာဝန်ကိုသေသေချာချာမေးပါ။ (အသည်းရောဂါမရှိရင် သောက်၍ရပါသည်)၊ လိမ်းဆေးကြိုက်ရာလိမ်း၍ရပါတယ် (အပူကြိုက်အပူလိမ်း၊ အအေးကြိုက်အအေးလိမ်း လို့ရပါတယ်)
6. ပိုအရေးကြီးတာက နာရင် ပိုငြိမ်သွားရတာပါ (လှုပ်ရှားမှုမရှိလေ ပိုနာလေပါပဲ)
OA က အရိုးနုတွေပြုန်းလို့ အရိုးအမာခြင်းပွတ်တဲ့ အတွက် နာရတာဖြစ်တဲ့အတွက် ကြွက်သားတွေသန်မာနေရင် အရိုးပေါ်မှာ ဒဏ်သိပ်မရှိတဲ့အတွက် အနာသက်သာပါတယ်။
အေးတယ်ဆိုပြီး ကွေးပဲကွေးနေရင်တော့ ကြွက်သားတွေတောင့်ပြီး အားပျော့လာနိုင်ပါတယ်
👉 အခု #မနာသေးခင်ထဲက ပြနေကြ အရိုးအထူးကုဆရာဝန်ကို သေသေချာချာမေးပြီး ကိုယ်နဲ့သင့်တော်မယ့် ကြွက်သားတွေသန်မာစေမယ့် လှုပ်ရှားမှုပြုလုပ်ပါ
7. အရိုးပါးခြင်း (သို့) အရိုးပွခြင်း ကလည်း OA ကိုပိုဆိုးစေတဲ့ အတွက် Vitamin D level စစ်ဆေးခြင်း၊ Calcium level စစ်ဆေးခြင်းတို့ပြုလုပ်ပြီး လိုအပ်ပါက ဖြည့်ပေးပါ။
8. Massage ကျွမ်းကျင်တဲ့ ပညာရှင် နဲ့ ကြွက်သားများကို နှိုပ်နယ်ပေးခြင်းကလည်း နာကျင်မှုကို သက်သာစေပါတယ်။
9. ရောင်ရမ်းမှုတွေကို ဆိုးဝါးစေတဲ့ အစားအသောက်တွေရှောင်ပါ
- သကြား၊ Cheese နဲ့ အဆီများတဲ့နို့ထွက်ပစ္စည်းများ (butter, cream cheese, margarine, and mayonnaise)
- Red Meat , အကြော်အလှော်များ
- ဆေးလိပ်၊ အရက်
- တိရိစ္ဆာန်မှရတဲ့အဆီတွေ၊ စားအုန်းဆီ
- ပေါင်မုန့်ဖြူ၊ White Pasta , cracker
နာမည်ကဆိုးသလို ဝေဒနာဆိုးတဲ့ #အိုနာ လို့ခေါ်တဲ့ ရဲ့ ဆောင်ရန် ရှောင်ရန် များကို စုစည်းပေးထားပါတယ်။
Ref ; Healthcentral.com and medical websites
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်
#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။
