19/05/2024
မီးပျက်တဲ့အချိန် မီးလာတဲ့ အချိန် အပူဒဏ်ကာကွယ်ရင်း သိထားသင့်သည့်အချက်များကို ပြန်လည်မျှဝေပေးပါတယ် ဖေဖေမေမေတို့ရေ
“အဲယားကွန်း (Air Con)၊ ပန်ကာ(Fan) နှင့်ကလေးကျန်းမာရေး”
ဖေဖေ၊မေမေ တို့ရေ .........
💚လက်ရှိ ကာလက ဆောင်းအကုန် 🌨️ နွေအကူး ☀️🌞အချိန် ဖြစ်သဖြင့် ရာသီဥတုက ပူလိုက်အေးလိုက် ကာလ အတွင်း ကလေးတွေ နေမကောင်းဖြစ်ကြ အအေးမိ နှာစေးချောင်းဆိုးတွေ 😷🤧 ဖြစ်လာကြတယ်။ အဲယားကွန်းတွေ ပန်ကာတွေ လည်း သိပ်မကြာခင် ဖွင့်ကြ အသုံးပြုကြတော့မယ်။ အဲ့တော့ အဲယားကွန်း၊ ပန်ကာတွေက အပူဒဏ်ကို လျော့ချ ပေးနိုင်ပေးမယ့် ဂရုစိုက် ပြုကျင့်ရမယ့် အလေ့အထ လေးတွေကို ပြောပြပေးသွားပါမယ်။
(၁) သားသားမီးမီးများကို အဲယားကွန်းလေ၊ ပန်ကာလေအောက် ❌❌ တိုက်ရိုက် မထိုင်သင့်၊ မအိပ်သင့်၊ မသိပ်သင့်ပါ။ ပန်ကာ သို့ မဟုတ် အဲယားကွန်းကို အကွာအဝေးတစ်ခုမှ နေ၍ ကလေးငယ်၏ ခြေထောက်အောက်ဘက် အနည်းဆုံး သုံးပေခန့် 3️⃣ကို ဦးတည်ပြီး ထားပါ။
(၂) အဲယားကွန်း အခန်း ထဲကနေ အပြင်ပူတဲ့ ပတ်၀န်းကျင်ကို ချက်ချင်း အ၀င်အထွက် ပြုလုပ်တာမျိုး အတတ်နိုင်ဆုံး ရှောင်ရှားပါ။ ❌❌
(၃) အဲယားကွန်းကော ပန်ကာ နှစ်မျိုး လုံးရဲ့ လေဒယက် ကြား filter လေစစ် တွေကြားက ဖုန်တွေ အညစ်အကြေးတွေကို ပုံမှန်ဆေးကြောပါ။ 🧼
(၄) တစ်နေကုန် အလုံပိတ် အဲယားကွန်းလည်း မဖွင့်ထားပါနှင့်။ အနည်းဆုံး ၁ ရက်ကို ၂ ကြိမ်၊ ၁ ကြိမ်ကို အနည်းဆုံး ၁ နာရီခန့် ပြတင်းပေါက် တံခါးမကြီးတွေ ဖွင့်ပြီး လေ၀င်လေထွက် ရှိအောင်ထားပါ။ 🚪🏘️
(၅) အဲယားကွန်း အပူချိန်ကို ပူလို့ဆိုပြီး 16⁰C 18⁰C ကဲ့သို့ အရမ်းအေးအောင် 🥶 မထားထားပဲ သာမာန်အခန်းအပူချိန် Normal Room Temperature ဖြစ်တဲ့ 25-28⁰C ၀န်းကျင် ပဲထားပါ။ 😇
*ဖေဖေ၊မေမေတို့ အနေနဲ့ သားသားမီးမီးတွေဆီက အကြားရဆုံးစကားက "ဘာလို့လဲ?? ဘာကြီးလဲ??" ဆိုတဲ့ စကားနှစ်ခွန်းပဲဖြစ်မယ်ထင်တယ်။🤔💭 ကလေးတွေဂျီကျရင် ဖြေရှင်းနိုင်ဖို့ ရှင်းပြတတ်ဖို့ ဘာကြောင့် အပေါ်က ငါးချက်ကို သတိရမလဲဆိုတာလေးကို ပြောပေးသွားပါမယ်။
* အဲယားကွန်းကော ပန်ကာ နှစ်မျိုး လုံးရဲ့ လေဒယပ်ကြား filter လေစစ် တွေကြားက ဖုန်တွေ အညစ်အကြေးတွေက ဘက်တီးရီးယားတွေ (Bacteria) ဗိုင်းရပ်စ်တွေ (Virus) 🦠🦟ခိုအောင်းရာ နေရာ ဖြစ်တတ်အတွက်ကြောင့် ဖြစ်ပါတယ်။
*တစ်နေကုန် အလုံပိတ် အဲယားကွန်းလည်း မဖွင့်ထားဖို့ နှင့် အနည်းဆုံး ၁ ရက်ကို ၂ ကြိမ်၊ ၁ ကြိမ်ကို အနည်းဆုံး ၁ နာရီခန့် ပြတင်းပေါက် တံခါးမကြီးတွေ ဖွင့်ပြီး လေ၀င်လေထွက် ရှိအောင် ပြုလုပ်ထားသင့်တဲ့ အကြောင်းကတော့ အခန်းထဲမှာ ပြင်ပလေ၀င် လေထွက် မရှိတော့ ပိုးမွှားတွေ🦠 အခန်းထဲ ရှိနေရင် အပြင်မထွက်နိုင်တော့ပဲ ရောဂါပိုဖြစ်နိုင်ပါတယ်။ တတ်နိုင်လျှင် လေလှည့်စက် (ventilation fan) လို ပန်ကာများလည်း တပ်ထားနိုင်ပါတယ်။
*အဲယားကွန်း အပူချိန်ကို ပူလို့ဆိုပြီး 16⁰C 18⁰C ကဲ့သို့ အရမ်းအေးအောင် မထားထားပဲ သာမာန်အခန်းအပူချိန် Normal Room Temperature ဖြစ်တဲ့ 25-28⁰C ၀န်းကျင် ပဲထားဖို့ တိုက်တွန်းရတဲ့ အကြောင်းရင်းကတော့ အဲယားကွန်းနဲ့ ပန်ကာလေး တွေက ပတ်၀န်းကျင် စိုထိုင်းဆ ကို ကျဆေးပြီး ပိုအေးလေ ပိုမို ခြောက်သွေ့တဲ့ လေ ထွက်လေ ဖြစ်တာကြောင့် အပူချိန်ကို အရမ်းမချထားသင့်ပါဘူး။ ဖြစ်နိုင်လျှင် ရေငွေ့ထုတ်စက်လေးများ အခန်းထဲတွင် ဆောင်ထားလျှင် ပိုကောင်းပါတယ်။ ပြင်ပ အပူချိန်နှင့် အခန်းတွင်းအပူချိန် 10⁰C ထက် ပိုများလျှင် Heat stroke လို့ ခေါ်တဲ့ အပူချိန်ရှပ်ထိ အခြေအနေဖြစ်နိုင်ပါသေးတယ်။
*အေးမြပြီး ခြောက်သွေ့တဲ့ လေတွေက ကလေးငယ်တွေမှာ နှာစေးချောင်းဆိုး ပိုဖြစ်စေပြီး အဆုတ်ရောင် လေပြွန်ရောင်ခြင်းကို ပို ပြင်းထန်စေပါတယ်။ 🤒ကလေးငယ်တွေကို အာခေါင်ခြောက်ခြင်း၊ နှာရည်ခြောက်ခြင်း၊ အသားအရေ ခြောက်ခြင်းတို့ ဖြစ်စေနိုင်တဲ့ အတွက်ကြောင့် ရေများများသောက် ပေးဖို့လည်း မှာစေခြင်းပါတယ်။ တန်ဆေးလွန်ဘေး ဆိုသလို ရေငွေ့ပါတဲ့ ပန်ကာ ကို တစ်နေကုန် သုံးမယ်ဆိုလျှင်လည်း စိုထိုင်းဆ များလွန်းသွားပါက မှို နှင့် တခြားပိုးမွှားတွေ ပေါက်ဖွားနိုင်ပသေးတယ်။ ဒါကြောင့် ပန်ကာ သို့ မဟုတ် အဲယားကွန်းကို အကွာအေ၀း တစ်ခုမှ နေ၍ ကလေးငယ်၏ ခြေထောက်အောက်ဘက် အနည်းဆုံး သုံးပေခန့် ကို ဦးတည်ပြီး တစ်နေကုန် အကြာကြီးမဖွင့်ပဲ အသုံးပြုသင့်ပါတယ်။
ဖေဖေ၊ မေမေတို့လည်း မိမိကလေးငယ်လေးတွေ အပူဒဏ်ကာကွယ်ဖို့ အာရုံများရင် သတိမထားမိတဲ့ အမှားလေးတွေ ပြုလုပ်မိတတ်ပါတယ်။ ယခုဆို လာမယ့် နွေရာသီမှာ အပူဒဏ် ကို အံတုကြရင်း သားသားမီးမီးတို့ နေမကောင်းမဖြစ်အောင် ဂရုစိုက်နိုင်ကြပါစေ။
ဒေါက်တာဖြိုးသက်အောင်
M.B.,B.S(Ygn)
#ချောင်းဆိုးအမျိုးမျိုးကင်းစင်အတူစင်
