What are the opening hours?

Monday 08:30 - 17:00 Tuesday 08:30 - 17:00 Wednesday 08:30 - 17:00 Thursday 08:30 - 17:00 Friday 08:30 - 17:00 Saturday 08:30 - 17:00

https://www.facebook.com/101311079622304/

U-Well Myanmar, Thiri Mingalar Yeik Thar, (7) Ward, Yankin Township, Yangon (2026)

04/03/2026

ဆီးအောင့်ထားခြင်းက UTI ကို ဘယ်လိုဖြစ်စေလဲ?

အလုပ်ရှုပ်လို့ဖြစ်စေ၊ အိမ်သာမလွယ်ကူလို့ဖြစ်စေ ဆီးအောင့်ထားတဲ့ အလေ့အကျင့်ဟာ ဆီးလမ်းကြောင်း ပိုးဝင်ခြင်း (UTI) ကို ဖြစ်စေတဲ့ အဓိကတရားခံ ဖြစ်ပါတယ်။

🔎 ဘာကြောင့် UTI ဖြစ်ရတာလဲ?
၁။ ဘက်တီးရီးယားများ ပွားများရန် အချိန်ရသွားခြင်း🦠
ပုံမှန်အားဖြင့် ဆီးသွားခြင်းဟာ ဆီးလမ်းကြောင်းထဲက ပိုးမွှားတွေကို အပြင်သို့ ဆေးချလိုက်သလို သန့်စင်ပေးတာ ဖြစ်ပါတယ်။ ဆီးအောင့်ထားတဲ့အခါ ဘက်တီးရီးယားတွေက ဆီးအိမ်ထဲမှာ အချိန်အကြာကြီး ခိုအောင်းခွင့်ရပြီး အဆမတန် ပွားများလာကာ ပိုးဝင်ခြင်းကို ဖြစ်စေပါတယ်။

၂။ ဆီးအိမ်ကြွက်သားများ အားနည်းလာခြင်း 😫
ကြာရှည်အောင့်ထားခြင်းက ဆီးအိမ်ကို ဖိအားပေးပြီး ကြွက်သားတွေကို လျော့ရဲလာစေပါတယ်။ အကျိုးဆက်အနေနဲ့ ဆီးသွားတဲ့အခါ ဆီးအကုန်မစင်ဘဲ ဆီးကြွင်းဆီးကျန်တွေ ကျန်နေခဲ့တာကြောင့် ပိုးမွှားတွေ ပေါက်ဖွားဖို့ "အကောင်းဆုံးနေရာ" ဖြစ်သွားစေပါတယ်။

ဆီးအောင့်ခြင်းဟာ UTI အပြင် အောက်ပါတို့ကိုလည်း ဖြစ်စေနိုင်ပါတယ်။
👉ဆီးကျောက်တည်ခြင်း
ဆီးထဲက သတ္တုဓာတ်တွေ အနည်ထိုင်ပြီး ကျောက်တည်ဖို့ အခွင့်အလမ်း ပိုများလာပါတယ်။
👉ကျောက်ကပ်ထိခိုက်ခြင်း
ပိုးဝင်တာ ပြင်းထန်ရင် ဆီးအိမ်ကနေတစ်ဆင့် ကျောက်ကပ်ဆီအထိ ပိုးပျံ့သွားနိုင်ပါတယ်။

ရုံးလုပ်ငန်းကြောင့်ဖြစ်စေ၊ ခရီးသွားနေရလို့ဖြစ်စေ ဆီးအောင့်တတ်သူတွေမှာ UTI ဖြစ်နိုင်ခြေ ပိုမြင့်ပါတယ်။ ဒါကြောင့် -
• ဆီးသွားချင်စိတ်ရှိလာရင် မအောင့်ထားဘဲ ချက်ချင်းသွားပေးပါ။
• ဆီးလမ်းကြောင်းထဲက ပိုးမွှားတွေကို သဘာဝအတိုင်း ဆေးကြောပစ်နိုင်ဖို့ ရေကို တစ်နေ့ ၂ လီတာခန့် မှန်မှန်သောက်ပေးပါ။

သေးငယ်တဲ့ အလေ့အကျင့်တစ်ခု ဖြစ်ပေမယ့် ဆီးမအောင့်ထားခြင်းက ဆီးလမ်းကြောင်း ကျန်းမာရေးအတွက် အလွန်အရေးကြီးပါတယ်။ ဆီးသွားတဲ့အခါ အောင့်တာ၊ ကျဉ်တာမျိုး ခံစားရရင်တော့ နီးစပ်ရာ ဆရာဝန်နဲ့ အမြန်ပြသဖို့ တိုက်တွန်းလိုပါတယ်တယ်။ ဒါ့အပြင် Cranberry အဆီအနှစ်၊ D Mannose နဲ့ Hibiscus စတာတွေ အချိုးကျကျ ပါဝင်တဲ့ U-Well သဘာဝ ဖြည့်စွက်စာကို ဆီးလမ်းကြောင်း ပိုးဝင်နေတဲ့ ရက်အတွင်း မှီဝဲခြင်းကလည်း နာကျင်တဲ့ ဝေဒနာကို သက်သာစေပါတယ်🥰✨
#ကျန်းမာရေးဗဟုသုတ #ဆီးကျန်းမာရေး #ဆီး #ကျောက်ကပ်ကျန်းမာရေး #ကျောက်ကပ်ပိုးဝင်ခြင်း

02/03/2026

ဒီနေ့မှာ ကျရောက်တဲ့ မတ်လ (၂) ရက်၊ တောင်သူလယ်သမားနေ့ မှာ မြန်မာနိုင်ငံတစ်ဝှမ်းလုံးရှိ တောင်သူဦးကြီးများအားလုံး ကိုယ်စိတ်နှစ်ဖြာ ကျန်းမာချမ်းသာပြီး၊ သီးနှံများ အထွက်တိုးကာ လူမှုစီးပွားဘဝများ ပိုမိုဖွံ့ဖြိုးတိုးတက်ပါစေကြောင်း ဆုမွန်ကောင်းတောင်းရင်း ဂုဏ်ပြုအပ်ပါတယ်။ 🙏✨

#တောင်သူလယ်သမားနေ့ #ကျေးဇူးရှင်တောင်သူဦးကြီးများ

02/03/2026

🌕 တပေါင်းလပြည့်နေ့ အထိမ်းအမှတ် 🌕
တပေါင်းလပြည့်နေ့သည် မြန်မာလူမျိုးဗုဒ္ဓဘာသာဝင်တို့အတွက် အရေးပါသော နေ့ထူးနေ့မြတ်တစ်ရက်ဖြစ်ပါတယ်။

တပေါင်းလပြည့်နေ့တွင် ကိုယ်စိတ်နှလုံးအေးချမ်းပါ‌ စေကြောင်း ဆုမွန်ကောင်းတောင်း‌ပေးလိုက်ပါတယ်။ 🙏✨

#တပေါင်းလပြည့်နေ့
#နေ့ထူးနေ့မြတ်
#ကုသိုလ်ယူကြမယ်
#မြန်မာ့ယဉ်ကျေးမှု

27/02/2026

အတွင်းခံဘောင်းဘီ ရွေးချယ်မှုက UTI နဲ့ ဆက်စပ်နေသလား🤔👙?

အတွင်းခံဘောင်းဘီ မှားယွင်းရွေးချယ်မှုဟာ သင့်ဆီးလမ်းကြောင်းမှာ ဘက်တီးရီးယားတွေ ပွားများဖို့ 'မွေးမြူရေးခြံ' တစ်ခုလို ဖြစ်သွားစေနိုင်ပါတယ်။ လေဝင်လေထွက် ပိတ်လှောင်တဲ့ အသားထည်တွေနဲ့ အရမ်းကျပ်တဲ့ အတွင်းခံတွေကြောင့် ဖြစ်ပေါ်လာတဲ့ 'အပူနဲ့ အစိုဓာတ်' ဟာ UTI (ဆီးလမ်းကြောင်းပိုးဝင်ခြင်း) ကို အဓိက ဖိတ်ခေါ်နေတဲ့ တရားခံတွေပဲ ဖြစ်ပါတယ်။ ဒါ့အပြင် အတွင်းခံပုံစံ မမှန်ကန်ရင် အူလမ်းကြောင်းထဲက ပိုးမွှားတွေ ဆီးလမ်းကြောင်းထဲကို အလွယ်တကူ ကူးစက်သွားနိုင်တာမို့ အထူးသတိထားဖို့ လိုပါတယ်။

🩷နိုင်လွန် (Nylon) သို့မဟုတ် ဇာ (Synthetic) သားများဟာ လေဝင်လေထွက် ပိတ်လှောင်ထားတတ်ပြီး ပိုးမွှားပွားများစေတဲ့ "စိုထိုင်းဆ" ကို ဖန်တီးပေးပါတယ်။
🩷Thongs (G-strings) များဟာ စအိုဝမှ ဘက်တီးရီးယားများကို ဆီးလမ်းကြောင်းဆီ ကူးစက်ဖို့ လမ်းကြောင်းတစ်ခုလို ဖြစ်စေပါတယ်။
🩷အရမ်းကျပ်တဲ့ အတွင်းခံတွေက အပူလှောင်စေပြီး အရေပြားကို ကျိန်းစပ်စေကာ ပိုးဝင်ဖို့ ပိုလွယ်ကူသွားစေပါတယ်။
🩷လေ့ကျင့်ခန်းလုပ်ပြီး ချွေးစိုနေတဲ့ အတွင်းခံ သို့မဟုတ် ရေကူးဝတ်စုံကို အကြာကြီး ဝတ်ထားခြင်းကလည်း ဘက်တီးရီးယားတွေကို ဖိတ်ခေါ်သလို ဖြစ်စေပါတယ်။

✅ UTI ကာကွယ်ဖို့ ဘယ်လိုရွေးချယ်/နေထိုင်မလဲ?
• ချည်သား (Cotton) ကိုသာ ရွေးပါ🥰
လေဝင်လေထွက်ကောင်းပြီး အစိုဓာတ်ကို စုပ်ယူနိုင်လို့ ဆီးလမ်းကြောင်းတစ်ဝိုက်ကို ခြောက်သွေ့စေပါတယ်။
• လေဝင်လေထွက်ကောင်းပါစေ💨
ညဘက်အိပ်ချိန်မှာ အတွင်းခံမဝတ်ဘဲ အိပ်တာမျိုး (သို့မဟုတ်) ချောင်ချောင်ချိချိ ဘောင်းဘီ၊ ဂါဝန်ဝတ်ပြီး အိပ်သင့်ပါတယ်။
• သန့်ရှင်းခြောက်သွေ့ပါစေ❗
ချွေးထွက်ပြီးတာနဲ့ သန့်ရှင်းတဲ့ အတွင်းခံကို ချက်ချင်းလဲလှယ်ပါ။ အတွင်းခံကို လျှော်ဖွပ်ပြီးရင် နေရောင်ခြည် (UV) နဲ့ သေချာခြောက်အောင် လှန်းသင့်ပါတယ်။

• ဓာတုပစ္စည်း ရှောင်ပါ❌
အနံ့ပြင်းတဲ့ ဆပ်ပြာတွေက မိန်းမကိုယ်တစ်ဝိုက်ရှိ အကျိုးပြုတဲ့ ဘက်တီးရီးယားတွေကို ပျက်စီးစေနိုင်လို့ သတိထားပြီး လျှော်သင့်ပါတယ်။

UTI (ဆီးလမ်းကြောင်းပိုးဝင်ခြင်း) ဆိုတာ သန့်ရှင်းရေးတစ်ခုတည်းတင် မဟုတ်ဘဲ ကျွန်တော်တို့ ရွေးချယ်ဝတ်ဆင်တဲ့ အတွင်းခံတွေနဲ့လည်း တိုက်ရိုက်သက်ဆိုင်နေပါတယ်။ မှန်ကန်တဲ့ ရွေးချယ်မှုက သင့်ကို စိတ်အနှောင့်အယှက်ဖြစ်စေမယ့် ဝေဒနာတွေကနေ ကာကွယ်ပေးနိုင်ပါတယ်။
📣အတွင်းခံကို ဂရုစိုက်ရုံတင် မဟုတ်ဘဲ တစ်နေ့ကို ရေ (၂) လီတာခန့် ပြည့်ဝအောင် သောက်ပေးဖို့နဲ့ ဆီးအောင့်ထားတဲ့ အလေ့အကျင့်ကို ရှောင်ကြဉ်ဖို့လည်း လိုပါတယ်။ ဒါ့အပြင် ဆီးသွားတဲ့အခါမှာလည်း ပိုးမွှားတွေ မကူးစက်အောင် အရှေ့ကနေ အနောက်ကို သန့်ရှင်းရေးလုပ်တဲ့ အလေ့အကျင့်ကို မမေ့ဖို့ လိုပါတယ်။ အကယ်၍ ဆီးသွားတဲ့အခါ ပူစပ်ပူလောင်ဖြစ်တာ၊ ဆီးခဏခဏသွားချင်တာ ဒါမှမဟုတ် ဆီးအရောင် နောက်နေတာမျိုးတွေ ခံစားရတယ်ဆိုရင်တော့ မပေါ့ဆဘဲ ကျွမ်းကျင်ဆရာဝန်နဲ့ တိုင်ပင်ဆွေးနွေးဖို့ တိုက်တွန်းချင်ပါတယ် ခင်ဗျာ။
#ဆီး #ကျန်းမာရေးဗဟုသုတ #ဆီးကျန်းမာရေး #အတွင်းခံ

26/02/2026

လေထုညစ်ညမ်းမှု နှင့် ကျန်းမာရေး 🤒💨

လတ်တလောဖြစ်ပေါ်နေတဲ့ လေထုညစ်ညမ်းမှုက ကျွန်တော်တို့အားလုံး ရင်ဆိုင်နေရတဲ့ သဘာဝပတ်ဝန်းကျင်ဆိုင်ရာ စိန်ခေါ်မှုတစ်ခုဖြစ်ပါတယ်။ ရှူလိုက်တဲ့ လေထဲမှာ ပါဝင်နေတဲ့ အမှုန်အမွှားတွေက မျက်စိနဲ့မမြင်နိုင်ပေမဲ့ ကျန်းမာရေးကိုတော့ တဖြည်းဖြည်းချင်း ထိခိုက်စေနိုင်ပါတယ်။

လေထုညစ်ညစ်မှုကြောင့် နောက်ဆက်တွဲဆိုးကျိုးအနေနဲ့ ဖြစ်ပေါ်လာနိုင်တဲ့ ကျန်းမာရေးပြဿနာတွေနှင့် ကာကွယ်နိုင်မယ့်နည်းလမ်းလေးတွေကို မျှဝေပေးလိုက်ပါတယ် ... 🫶

အသက်ရှူလမ်းကြောင်းဆိုင်ရာရောဂါများ❗️
လေထုညစ်ညမ်းမှုက
အဆုတ်ရောင်ရမ်းခြင်း
• အာလတ်ဂျီ (Allergy)
• ပန်းနာရင်ကျပ် (Asthma)
• COPD (နာတာရှည် အသက်ရှူလမ်းကြောင်းရောဂါ)
တို့ကို ဖြစ်ပေါ်စေနိုင်ပါတယ်။ ကလေးများနဲ့ အသက်ကြီးသူများမှာ ပိုမိုထိခိုက်လွယ်နိုင်ပါတယ် ...

နှလုံးနှင့် သွေးကြောဆိုင်ရာပြဿနာများ❗️
PM2.5 က သွေးကြောအတွင်းသို့ ဝင်ရောက်နိုင်ပြီးသွေးတိုး
• နှလုံးသွေးကြောပိတ်ခြင်း
လေဖြတ်ခြင်း တို့ကို ပိုမို ဖြစ်ပေါ်စေနိုင်ပါတယ် ...

ဦးနှောက်နှင့် စိတ်ကျန်းမာရေး
သုတေသနများအရ လေထုညစ်ညမ်းမှုမြင့်မားမှုဟာ
• မှတ်ဉာဏ်လျော့နည်းခြင်း
• စိတ်ဖိစီးမှု
စိတ်ကျရောဂါ တို့နဲ့ ဆက်စပ်မှုရှိနိုင်ပါတယ် ...

🤰👼ကလေးများနှင့် ကိုယ်ဝန်ဆောင်မိခင်များအပေါ် သက်ရောက်မှု
• မွေးကင်းစကလေး ပေါင်ချိန်လျော့နည်းခြင်း
အချိန်မတိုင်မီ မွေးဖွားခြင်း
• ကလေးအဆုတ်ဖွံ့ဖြိုးမှုနည်းခြင်း
မိခင်များအရေပြားယားယံခြင်း စသည့် ပြဿနာများ ဖြစ်နိုင်ပါတယ် ...

လေထုညစ်ညမ်းမှုအန္တရာယ်ကနေ ကာကွယ်နိုင်မယ့် နည်းလမ်းတွေကတော့ ...

✅လေထုအရည်အသွေး စစ်ဆေးပါ
ဖုန်းထဲက Air Quality Index (AQI) ကို နေ့စဉ်စစ်ဆေးပြီး လေထုအရမ်းညစ်ညမ်းနေရင် အပြင်ထွက်တာ ရှောင်ပါ။
Mask တပ်ဆင်ပါ
✅အပြင်ထွက်တဲ့အခါ အမှုန်အမွှားတွေကို သေချာစစ်ထုတ်ပေးနိုင်တဲ့ N95 သို့မဟုတ် KN95 mask များကို တပ်ဆင်ပါ။

✅နေအိမ်အတွင်း လေသန့်အောင်ထားပါ
ပြတင်းပေါက်များကို ပိတ်ထားပါ၊ လေသန့်စင်စက် (Air Purifier) သုံးပါ၊ အိမ်ထဲမှာ ဆေးလိပ်သောက်ခြင်း၊ ခြင်ဆေးခွေထွန်းခြင်းနှင့် အမွှေးတိုင်ထွန်းခြင်း ရှောင်ပါ။

အစားအသောက် ဂရုစိုက်ပါ
ခန္ဓာကိုယ်ရဲ့ ခုခံအားကောင်းစေဖို့ ဗီတာမင်စီ (Vitamin C) ကြွယ်ဝတဲ့ သစ်သီးဝလံတွေနဲ့ ရေများများသောက်ပေးပါ။
ယခုမျှဝေပေးသွားတဲ့ လေထုညစ်ညမ်းခြင်းဟာ ချက်ချင်းအသက်ဆုံးရှုံးနိုင်တဲ့ အခြေအနေမျိုးမဟုတ်ပေမယ့် ဖော်ပြခဲ့သလို တဖြည်းဖြည်းခြင်းဆိုးရွားသော ကျန်းမာရေးအခြေနေသို့ ရောက်ရှိသွားနိုင်ပါတယ် ….

ဒါကြောင့် Sharing is Caring ဆိုတဲ့အတိုင်း မိမိမိသားစု ပတ်ဝန်းကျင်တို့အား သတိထားကာကွယ်နိုင်ဖို့အတွက် မျှဝေဖို့တိုက်တွန်းလိုက်ပါရစေ ...📣🤎

23/02/2026

Cranberry က UTI အတွက် ဘာကြောင့်ကောင်းလဲ?

Cranberry (ခရန်ဘယ်ရီ) သီးဟာ ဆီးလမ်းကြောင်း ကျန်းမာရေးအတွက် အထူးကောင်းမွန်တယ်ဆိုတာ သိပ္ပံနည်းကျ အထောက်အထားများစွာ ရှိပါတယ်။ ပိုးသတ်ဆေးမဟုတ်ပေမဲ့ ဆီးလမ်းကြောင်းပိုးဝင်တာကို ကာကွယ်ပေးတဲ့နေရာမှာတော့ "သဘာဝတံတိုင်း" တစ်ခုလို အစွမ်းထက်ပါတယ်။

၁။ ပိုးမွှားတွေ တွဲမကပ်နိုင်အောင် တားဆီးပေးတယ်🛡
UTI ဖြစ်စေတဲ့ အဓိကတရားခံ E. coli ဗက်တီးရီးယားတွေဟာ ဆီးလမ်းကြောင်းနံရံမှာ တွဲကပ်ပြီး အခြေချလေ့ရှိပါတယ်။ Cranberry ထဲမှာပါတဲ့ PACs (Proanthocyanidins) ဆိုတဲ့ ထူးခြားတဲ့ဒြပ်ပေါင်းဟာ ပိုးမွှားတွေကို ဆီးအိမ်နံရံမှာ တွဲကပ်လို့မရအောင် ဟန့်တားပေးပါတယ်။ ပိုးမွှားတွေက အခြေမချနိုင်တဲ့အတွက် ဆီးသွားတဲ့အခါ ခန္ဓာကိုယ်အပြင်ဘက်ကို အလွယ်တကူ ပါသွားကြပါတယ်။

၂။ ပိုးမွှားတွေ ပြန့်ပွားမှုကို ဟန့်တားပေးတယ်💪🏻
Cranberry မှာပါတဲ့ သဘာဝအက်ဆစ်ဓာတ်ဟာ ဆီးကို အနည်းငယ် အက်ဆစ်ဓာတ်ကဲစေပါတယ်။ အဲဒီလို ပတ်ဝန်းကျင်မျိုးမှာ ဗက်တီးရီးယားတွေက ကောင်းကောင်းမရှင်သန်နိုင်သလို မျိုးမပွားနိုင်တော့တာကြောင့် ပိုးဝင်တာကို ပိုမဆိုးလာအောင် ထိန်းပေးနိုင်ပါတယ်။

၃။ ရောင်ရမ်းမှုကို လျှော့ချပြီး နှလုံးကိုပါ ကျန်းမာစေတယ်🫀
သူ့မှာ Antioxidants (ဓာတ်တိုးဆန့်ကျင်ပစ္စည်း) ကြွယ်ဝစွာ ပါဝင်တဲ့အတွက် ခန္ဓာကိုယ်တွင်း ရောင်ရမ်းမှုတွေကို လျှော့ချပေးပါတယ်။ ဆီးလမ်းကြောင်းတင်မကဘဲ သွေးတွင်းအဆီဓာတ်ကို ထိန်းညှိပေးလို့ နှလုံးသွေးကြောကျန်းမာရေးအတွက်လည်း အထောက်အကူပြုပါတယ်။

💡 Cranberry ကို ဘယ်လိုပုံစံနဲ့ စားသုံးနိုင်သလဲ?
Cranberry ကို အခုနောက်ပိုင်းမှာ ပုံစံအမျိုးမျိုးနဲ့ ဝယ်ယူရရှိနိုင်ပါတယ်။
🥤Cranberry ဖျော်ရည်: အလွယ်တကူ သောက်သုံးနိုင်ပေမဲ့ သကြားဓာတ်နည်းတာကို ရွေးချယ်ဖို့ အရေးကြီးပါတယ်။
✨အထုပ်ငယ် (Sachets) နှင့် အရည် (Syrups): ရေနဲ့ဖျော်သောက်ရတဲ့ အထုပ်လေးတွေက ပိုပြီး အရသာရှိသလို စားသုံးရလည်း လွယ်ကူပါတယ်။

💊ဖြည့်စွက်စာ (Supplements): ဖျော်ရည်ရဲ့အရသာကို မကြိုက်သူတွေအတွက် ဆေးတောင့် (Capsules) ဒါမှမဟုတ် တက်ဘလက်ပုံစံနဲ့ သောက်သုံးတာဟာ ပိုပြီး အာနိသင်ပြင်းအား စုစည်းမှုရှိပါတယ်။ U Well ဖြည့်စွက်စာမှာ Cranberry အဆီအနှစ် (100mg) ပါဝင်ရုံသာမက D Mannose, Hibiscus အဆီအနှစ် စတာတွေပါ အချိုးကျကျ ပါဝင်တာမို့ ဆီးလမ်းကြောင်းပိုးဝင်ခြင်းကြောင့် ခံစားရတဲ့ ဝေဒနာတွေကို သက်သာ၊ ပျောက်ကင်းစေပါတယ်။

Cranberry ဟာ ဆီးလမ်းကြောင်း ခဏခဏ ပိုးဝင်တတ်သူတွေအတွက် သဘာဝကပေးတဲ့ အဖိုးတန်လက်ဆောင်တစ်ခုပဲ ဖြစ်ပါတယ်။ ဆီးအိမ်နံရံမှာ ပိုးမွှားတွေ အခြေမချနိုင်အောင် တားဆီးပေးတဲ့အပြင် ခန္ဓာကိုယ်ရဲ့ ခုခံအားကိုလည်း မြှင့်တင်ပေးပါတယ်။ အထူးသဖြင့် Cranberry အပြင် တခြားသော အကျိုးပြုဒြပ်ပေါင်းတွေပါဝင်တဲ့ U Well လို ဖြည့်စွက်စာမျိုးကို ရွေးချယ်သောက်သုံးပေးမယ်ဆိုရင် ဆီးလမ်းကြောင်း ကျန်းမာရေးအတွက် ပိုမိုပြည့်စုံတဲ့ အကာအကွယ်ကို ရရှိမှာ ဖြစ်ပါတယ်။ ဒါကြောင့် ဆီးကျဉ်၊ ဆီးအောင့်တာတွေကို ခံစားနေရပြီဆိုရင် ကိုယ့်ရဲ့ နေ့စဉ်စားသောက်မှုပုံစံမှာ Cranberry ကို ထည့်သွင်းပြီး ကျန်းမာတဲ့ ဘဝကို ပိုင်ဆိုင်နိုင်ပါစေလို့ ဆုတောင်းပေးလိုက်ပါတယ်ခင်ဗျာ 💜💜
#ဆီး #ကျန်းမာရေးဗဟုသုတ

19/02/2026

ကလေးငယ်တွေမှာ UTI ဖြစ်နိုင်လား👶👧?

ကလေးငယ်တွေမှာဖြစ်တဲ့ ဆီးလမ်းကြောင်းပိုးဝင်ခြင်း (UTI) ဟာ လူကြီးတွေလို လက္ခဏာအတိအကျ မပြောပြနိုင်တာကြောင့် မိဘတွေအနေနဲ့ အထူးသတိထားရမယ့် ဝေဒနာဖြစ်ပါတယ်။ ကလေးတွေမှာ UTI ဖြစ်တဲ့အခါ ပုံမှန်မဟုတ်ဘဲ ဂျီကျတာ၊ ဖျားတာမျိုးတွေကနေ စတင်တတ်ပါတယ်။ ဒါကို ပေါ့ဆလိုက်ရင် ကျောက်ကပ်ထိခိုက်တဲ့အထိ ဖြစ်နိုင်တာကြောင့် အောက်ပါအချက်တွေကို သတိပြုဖို့ လိုပါတယ်။

🤱စကားမပြောတတ်သေးတဲ့ကလေးငယ်များ
အကြောင်းရင်းမရှိဘဲ ကိုယ်ပူဖျားခြင်း၊ နို့စို့ရခက်ခြင်း သို့မဟုတ် အစားအသောက်ပျက်ခြင်း၊ ပုံမှန်ထက် ပိုပြီးဂျီကျခြင်း၊ ဆီးသွားသည့်အချိန်တွင် နာကျင်၍ငိုခြင်းနှင့် အော့အန်ခြင်း၊ ဝမ်းပျက်ခြင်း ည စတာတွေဖြစ်တတ်ပါတယ်။
👧စကားပြောတတ်တဲ့ ကလေးကြီးများ
ဆီးသွားရင် ပူတယ်၊ ဒါမှမဟုတ် နာတယ်လို့ ပြောခြင်း၊ ဆီးခဏခဏသွားခြင်း (သို့မဟုတ်) ဆီးမထိန်းနိုင်ဘဲ ထွက်ကျခြင်း၊ ဆီးနံ့ အလွန်နံခြင်းနှင့် ဆီးအရောင် နောက်နေခြင်း (သို့မဟုတ်) သွေးစအနည်းငယ် ပါလာခြင်းတို့ ကြုံတွေ့ရနိုင်ပါတယ်။

ကလေးမှာ UTI ရှိ၊ မရှိ သိနိုင်ဖို့ ဆီးကို အဏုကြည့်မှန်ဘီလူးနဲ့ စစ်ဆေးခြင်း (Urine RE) နဲ့ ပိုးအမျိုးအစားသိဖို့ ပိုးမွေးခြင်း (Urine Culture) တို့ ပြုလုပ်ရပါတယ်။
• ဘက်တီးရီးယားကြောင့် ဖြစ်တာမို့ ဆရာဝန်ညွှန်ကြားတဲ့ ပဋိဇီဝဆေးကို စနစ်တကျ တိုက်ကျွေးရပါမယ်ခင်ဗျာ။ မိမိသဘောနဲ့မိမိ ဆေးဝယ်တိုက်တာမျိုး လုံးဝမပြုလုပ်သင့်ပါဘူး။
• အဖျားကြီးပြီး အော့အန်တာ ပြင်းထန်ရင်တော့ ဆေးရုံတက်ပြီး ဆေးထိုးကုသဖို့ ပိုပြီး သင့်တော်ပါတယ်။

🍼အသက် ၅ နှစ်အောက် ကလေးတွေမှာ UTI ဖြစ်ရင် ဆီးလမ်းကြောင်း တည်ဆောက်ပုံ မူမမှန်တာ (ဥပမာ - ဆီးပြန်တက်ခြင်း) ရှိ၊ မရှိ သိနိုင်ဖို့ အာထရာဆောင်း (Ultrasound) ရိုက်ပြီး ထပ်မံစစ်ဆေးသင့်ပါတယ်။ မဟုတ်ရင် ပိုးခဏခဏ ပြန်ဝင်ပြီး ကျောက်ကပ်မှာ အမာရွတ်ထင်ကာ နာတာရှည် ကျောက်ကပ်ပျက်စီးတဲ့အထိ ဖြစ်လာနိုင်ပါတယ်။

ကလေးငယ်ရဲ့ ဆီးလမ်းကြောင်းကို ပိုးမွှားဒဏ်ကနေ ကာကွယ်ဖို့နဲ့ ကျန်းမာရေးပြန်လည်ကောင်းမွန်လာဖို့ အောက်ပါအချက်တွေကို ဂရုစိုက်ပေးရပါမယ်။

ရေနှင့် အရည်များများတိုက်ပါ💦
ဆီးခဏခဏသွားခြင်းက ဆီးလမ်းကြောင်းထဲက ဘက်တီးရီးယားပိုးမွှားတွေကို သဘာဝအတိုင်း ဆေးကြောဖယ်ရှားပေးတာကြောင့် ရေများများတိုက်ပေးဖို့ အလွန်အရေးကြီးပါတယ်။
သန့်ရှင်းရေးကို အလေးထားပါ🚿
ဒိုင်ပါ (Diaper) ကို စိုစွတ်နေအောင် မထားဘဲ ခဏခဏလဲပေးပါခင်ဗျာ။ အထူးသဖြင့် မိန်းကလေးငယ်တွေကို သန့်ရှင်းရေးလုပ်ပေးတဲ့အခါ ဘက်တီးရီးယားတွေ မဝင်ရောက်နိုင်အောင် ရှေ့မှနောက်သို့ (Front to Back) စနစ်တကျ ဆေးကြောသုတ်သင်ပေးရပါမယ်။

အာဟာရပြည့်ဝအောင် ကျွေးမွေးပါ 🥗
ဖျားနာနေချိန်မှာ အစာစားချင်စိတ် နည်းနေတတ်တာကြောင့် အစာကို နည်းနည်းနဲ့ ခဏခဏ ကျွေးပေးခြင်းဖြင့် ကလေးကို အားရှိအောင် ဂရုစိုက်ပေးရပါမယ်။
ဝမ်းမချုပ်အောင် ဂရုစိုက်ပါ‼️
ဝမ်းချုပ်ခြင်းက ဆီးလမ်းကြောင်းပိုးဝင်ခြင်းကို ပိုဖြစ်စေနိုင်တာကြောင့် အသီးအနှံနဲ့ အမျှင်ဓာတ်ပါတဲ့ အစားအစာတွေ ကျွေးမွေးသင့်ပါတယ်။

ကလေးငယ်တွေမှာ UTI ဟာ မကုသဘဲထားရင် ကျောက်ကပ်ကို ထိခိုက်စေနိုင်တဲ့အထိ စိုးရိမ်ရပါတယ်။ ဒါကြောင့် ကလေးမှာ ပုံမှန်မဟုတ်တဲ့ လက္ခဏာတွေ့တာနဲ့ အချိန်မဆွဲဘဲ ကလေးအထူးကုဆရာဝန်နဲ့ အမြန်ဆုံး ပြသတိုင်ပင်ပြီး မှန်ကန်တဲ့ကုသမှု ခံယူဖို့ တိုက်တွန်းပါရစေခင်ဗျာ။
#ကျန်းမာရေးဗဟုသုတ #ဆီး #ဆီးကျန်းမာရေး #ကလေး

17/02/2026

🧧 2026 Happy Chinese New Year!
ကံကောင်းခြင်း၊ ကျန်းမာခြင်းနဲ့
အောင်မြင်မှုတွေ ပြည့်ဝတဲ့ နှစ်သစ်ဖြစ်ပါစေ ✨

12/02/2026

(၁၂.၂.၂၀၂၆) နေ့ရက်တွင် ကျရောက်သော (၇၉)ကြိမ်မြောက် ပြည်ထောင်စုနေ့အား ဂုဏ်ပြု ကြိုဆိုလိုက်ပါသည်🩷

10/02/2026

ဆီးသွားချင်ပေမယ့် သွားလို့မရတာ ဘာကြောင့်လဲ?

ဆီးသွားချင်ရက်နဲ့ သွားလို့မရတဲ့ပြဿနာဟာ အလွန်ခံရခက်သလို အမျိုးသားတွေမှာ ပိုပြီး အဖြစ်များပါတယ်ခင်ဗျာ။ ဒီအခြေအနေကို အဓိကအားဖြင့် (၂) မျိုး ခွဲခြားနိုင်ပါတယ်။

၁။ ချက်ချင်းလတ်တလော ဖြစ်ခြင်း (Acute)
ဆီးအိမ် တင်းနေပေမယ့် လုံးဝသွားလို့မရဘဲ ဗိုက်အောက်ပိုင်းက ပြင်းပြင်းထန်ထန် နာကျင်တာမျိုး ဖြစ်ပါတယ်။ ဒါက အရေးပေါ် အခြေအနေမို့ ဆရာဝန်ဆီ ချက်ချင်းသွားရပါမယ် 👩‍⚕️💉
၂။ နာတာရှည် ဖြစ်ခြင်း (Chronic)
ဆီးက လုံးဝသွားလို့မရတာမျိုး မဟုတ်ဘဲ နည်းနည်းပဲထွက်တာ၊ ဆီးကျန်နေသလို ခံစားရတာ၊ ဆီးစထွက်ဖို့ မနည်းညှစ်နေရတာမျိုးတွေ လပေါင်းများစွာ ဖြစ်နေတတ်ပါတယ် 🥹🥲

အဓိကဖြစ်စေတဲ့ အကြောင်းအရင်းတွေကတော့
👉ဆီးကျိတ်ကြီးခြင်း: အမျိုးသားတွေမှာ အဖြစ်အများဆုံး အကြောင်းရင်း ဖြစ်ပြီး ကြီးလာတဲ့ ဆီးကျိတ်က ဆီးပြွန်ကို သွားဖိထားလို့ ဆီးထွက်ရခက်သွားတာ ဖြစ်ပါတယ်။
👉အာရုံကြော ထိခိုက်ခြင်း: လေဖြတ်ခြင်း၊ ကျောရိုးထိခိုက်ခြင်း သို့မဟုတ် ဆီးချိုကြောင့် အာရုံကြော အားနည်းတဲ့အခါ ဆီးအိမ်က ဆီးညှစ်ထုတ်ဖို့ အချက်ပြချက် မရတော့ပါဘူး။
👉ကြွက်သားအားနည်းခြင်း: ကလေးမွေးထားတဲ့ မိခင်တွေမှာ ဆီးခုံကြွက်သား အားနည်းတာမျိုး ဒါမှမဟုတ် ဆီးအိမ်ကြွက်သား အားနည်းတာကြောင့်လည်း ဖြစ်တတ်ပါတယ်။

💡 ဘယ်လိုဖြေရှင်းကြမလဲ?
• အိမ်မှာတင် ဆီးခုံပေါ် ရေနွေးအိတ် ကပ်ပေးခြင်းက ကြွက်သားတွေကို ပြေလျော့စေပြီး ဆီးသွားရတာ နည်းနည်း ပိုလွယ်ကူစေနိုင်ပါတယ်။
• ဆရာဝန်နဲ့ သွားရောက်ပြသခြင်းက အထိရောက်ဆုံး နည်းလမ်းပါပဲ။ ဆရာဝန်က လိုအပ်ရင် ဆီးပိုက်ထည့်ပေးတာ၊ ဆီးလမ်းကြောင်းချဲ့တာ ဒါမှမဟုတ် ဆီးကျိတ်ဆေးပေးတာမျိုးတွေ လုပ်ဆောင်ပေးပါလိမ့်မယ်။

ဆီးသွားချင်ပေမယ့် သွားလို့မရတဲ့ ပြဿနာဟာ သာမန်နေထိုင်မှုပုံစံကြောင့်တင် မဟုတ်ဘဲ ခန္ဓာကိုယ်ရဲ့ ကျန်းမာရေးတစ်ခုခု ချို့ယွင်းနေပြီဆိုတာကို အချက်ပြနေတာဖြစ်ပါတယ်။ အထူးသဖြင့် ဆီးကျိတ်ပြဿနာနဲ့ အာရုံကြောအားနည်းတာတွေဟာ အချိန်မီ မကုသဘဲ ထားလိုက်ရင် ကျောက်ကပ်ထိခိုက်တဲ့အထိ နောက်ဆက်တွဲ ဆိုးကျိုးတွေ ဖြစ်လာနိုင်ပါတယ်။
ဒါကြောင့် မိမိမှာ ဆီးခဏခဏသွားနေရတာ၊ ဆီးသွားရင် မကုန်သလို ခံစားရတာ ဒါမှမဟုတ် ဆီးအတင်းညှစ်နေရတာမျိုးတွေ ရှိနေရင် မပေါ့ဆသင့်ပါဘူး‼️
ဆရာဝန်နဲ့ စနစ်တကျ ပြသပြီး မိမိမှာ ဖြစ်နေတဲ့ အကြောင်းရင်းကို အဖြေရှာ ကုသဖို့ တိုက်တွန်းပါရစေခင်ဗျာ။ ဆီးလမ်းကြောင်း ကျန်းမာမှ စိတ်အေးချမ်းသာစွာနဲ့ နေ့စဉ်ဘဝကို ဖြတ်သန်းနိုင်မှာ ဖြစ်ပါတယ်ခင်ဗျာ..
#ကျန်းမာရေးဗဟုသုတ #ဆီး #ကျောက်ကပ်ကျန်းမာရေး #ဆီးကျန်းမာရေး

09/02/2026

ဆီးလမ်းကြောင်းပိုးဝင်ခြင်းနဲ့ ကျောက်ကပ်ကျန်းမာရေး

🌟ဆီးအိမ်မှာပဲ ရှိနေတဲ့ပိုးကို အမြစ်ပြတ်အောင် မကုသတဲ့အခါ ပိုးတွေဟာ ဆီးပြွန်ကတစ်ဆင့် ကျောက်ကပ်ဆီ ရောက်သွားပြီး ကျောက်ကပ်ပိုးဝင်ခြင်း (Kidney Infection / Pyelonephritis) ကို ဖြစ်စေပါတယ်ခင်ဗျာ။ ဒီလိုဖြစ်လာရင် ကျောက်ကပ်ဆဲလ်တွေ ပျက်စီးပြီး ရေရှည်မှာ ကျောက်ကပ်လုပ်ဆောင်ချက်တွေ လျော့နည်းသွားနိုင်ပါတယ်။ အဆိုးရွားဆုံးအဆင့်မှာတော့ ပိုးက သွေးထဲအထိ ပြန့်သွားပြီး အသက်အန္တရာယ်ရှိတဲ့အထိ ပြင်းထန်နိုင်ပါတယ်ခင်ဗျာ။

ကျောက်ကပ်ထိခိုက်နေပြီဆိုတာ ဘယ်လိုသိနိုင်မလဲ🤔?
ဆီးပူ၊ ဆီးကျင်ရုံတင်မကဘဲ အောက်ပါလက္ခဏာတွေ ပြလာပြီဆိုရင် ကျောက်ကပ်ကို ပိုးရောက်နေပြီလို့ ယူဆနိုင်ပါတယ်။
• ခါးနောက်ကျော နာကျင်ခြင်း
• ကိုယ်ပူဖျားနာခြင်း
• ဆီးအရောင်ပြောင်းလဲခြင်း စတာတွေပဲဖြစ်ပါတယ်။

ကြိုတင်ကာကွယ်နိုင်မည့် နည်းလမ်းတွေအနေနဲ့
💧ရေများများသောက်ပါ
ရေဓာတ်ပြည့်ဝနေမှ ဆီးလမ်းကြောင်းထဲက ပိုးတွေကို အပြင်ကို တွန်းထုတ်ပေးနိုင်မှာ ဖြစ်ပါတယ်။
❗️ဆီးမအောင့်ပါနဲ့
ဆီးအောင့်တဲ့အကျင့်က ပိုးပွားဖို့ အခွင့်အရေးပေးလိုက်တာပါဖြစ်ပါတယ်။

ဒါကြောင့် ဆီးလမ်းကြောင်း ပိုးမဝင်အောင် ရေများများသောက်ဖို့နဲ့ ဆီးမအောင့်ဖို့ အလွန်အရေးကြီးပါတယ်ခင်ဗျာ။ ဆီးလမ်းကြောင်းကို စနစ်တကျ ကာကွယ်ပြီး ပိုးတွေကို အမြစ်ပြတ်ရှင်းထုတ်နိုင်ဖို့ဆိုရင်တော့ သဘာဝ Cranberry Extract ပါဝင်တဲ့ U-Well ကို ရွေးချယ်သင့်ပါတယ်ခင်ဗျာ။
👉U-Well ဟာ ဆီးလမ်းကြောင်းနံရံမှာ ပိုးမွှားတွေ တွယ်ကပ်ပွားများတာကို တားဆီးပေးပြီး ဆီးပူဆီးကျင်တာတွေကို သက်သာစေတဲ့အပြင် ကျောက်ကပ်အထိ ပိုးပြန့်မသွားအောင် ကာကွယ်ပေးနိုင်ပါတယ်။ ဆီးပိုး ခဏခဏ ပြန်ဖြစ်တတ်သူတွေအနေနဲ့လည်း U-Well သဘာဝဖြည့်စွက်စာကို မှန်မှန်မှီဝဲပေးခြင်းဖြင့် ဆီးလမ်းကြောင်း ကျန်းမာရေးကို စိတ်ချလက်ချ ထိန်းသိမ်းနိုင်မှာပဲ ဖြစ်ပါတယ်ခင်ဗျာ❤️🩷
#ဆီး #ကျောက်ကပ်ပိုးဝင်ခြင်း #ဆီးကျန်းမာရေး #ကျောက်ကပ်ကျန်းမာရေး #ကျန်းမာရေးဗဟုသုတ

29/01/2026

ဆီးလမ်းကြောင်းနာကျင်ခြင်း

ဆီးလမ်းကြောင်း နာကျင်ခြင်းဆိုတာ ဆီးသွားစဉ်မှာ ဖြစ်စေ၊ ဆီးအိမ်နဲ့ ဆီးပြွန်တစ်လျှောက်မှာဖြစ်စေ ပူစပ်ပူလောင်ဖြစ်တာ၊ အောင့်တာနဲ့ နာကျင်တာတွေကို ဆိုလိုပါတယ်။ ဒါဟာ ခန္ဓာကိုယ်ရဲ့ ကျန်းမာရေး အချက်ပြသံတစ်ခုဖြစ်လို့ ပေါ့ဆလို့ မရပါဘူး။

⚠️ အဓိက ဖြစ်နိုင်တဲ့ အကြောင်းရင်းတွေကတော့

👉ဆီးလမ်းကြောင်း ပိုးဝင်ခြင်း (UTI)
ဗက်တီးရီးယားပိုးကြောင့် ရောင်ရမ်းနာကျင်ရခြင်းဖြစ်ပြီး အဖြစ်အများဆုံး အကြောင်းရင်းပဲ ဖြစ်ပါတယ်။

👉ကျောက်တည်ခြင်း
ကျောက်ကပ် ဒါမှမဟုတ် ဆီးလမ်းကြောင်းမှာ ကျောက်ရှိနေရင် ဆီးသွားရခက်ပြီး ပြင်းထန်စွာ နာ⚡ကျင်တတ်ပါတယ်။

👉ဓာတ်မတည့်ခြင်း
ဆပ်ပြာ ဒါမှမဟုတ် အမျိုးသမီးသုံး ပစ္စည်းအချို့နဲ့ ဓာတ်မတည့်ဘဲ ဆီးလမ်းကြောင်း ရောင်ရမ်းတတ်ပါတယ်။

🚩 တွေ့ရတတ်တဲ့ လက္ခဏာတွေကတော့
• ဆီးခဏခဏ သွားချင်ပေမဲ့ သွားတဲ့အခါ ပမာဏနည်းနည်းပဲ ထွက်ပြီး ပူစပ်ပူလောင် ဖြစ်ပါတယ်။
• ဆီးသွားပြီးရင်လည်း ဆီးကျန်နေသလိုမျိုး မသက်မသာ ခံစားရပါတယ်။
• ဆီးအရောင် နောက်ကျိတာ၊ အနံ့ပြင်းတာနဲ့ သွေးစအနည်းငယ် ပါလာတတ်ပါတယ်။
• ဆီးခုံ (ဗိုက်အောက်ပိုင်း) ဒါမှမဟုတ် ခါးနောက်ဘက်တွေမှာ ကိုက်ခဲနာကျင်တတ်ပါတယ်။

🛡️ ဘယ်လို သက်သာအောင် လုပ်ရမလဲ?
၁။ ရေများများသောက်ပါ
တစ်နေ့ကို ရေ အနည်းဆုံး ၃ လီတာခန့် သောက်ပေးခြင်းဖြင့် ပိုးမွှားတွေကို ဆီးနဲ့အတူ အပြင်ကို မြန်မြန် စွန့်ထုတ်နိုင်ပါတယ်။
၂။ သန့်ရှင်းရေး ဂရုစိုက်ပါ
အထူးသဖြင့် အမျိုးသမီးတွေအနေနဲ့ အိမ်သာတက်ပြီးတိုင်း ရှေ့မှနောက်သို့ စနစ်တကျ သန့်ရှင်းရေးလုပ်တဲ့ အလေ့အကျင့် ထားရပါမယ်။

၃။ ဆီးမအောင့်ထားပါနဲ့
ဆီးသွားချင်လာရင် ချက်ချင်းသွားပေးဖို့ လိုပါတယ်။ ဆီးအောင့်တာက ပိုးမွှားတွေကို ပိုမိုပွားများစေပါတယ်။

⚡ဆီးလမ်းကြောင်း နာကျင်တာဟာ အချိန်မီ မကုသရင် ကျောက်ကပ်အထိ ပိုးပြန့်သွားနိုင်တဲ့အတွက် အထူးသတိထားရပါမယ်။
ဒါကြောင့် ဆီးလမ်းကြောင်း ပိုးဝင်ခြင်းကို ကာကွယ်ဖို့နဲ့ သက်သာစေဖို့အတွက် Cranberry Extract (ကရန်ဘယ်ရီသီးအဆီအနှစ်) နဲ့ D Mannose စတာတွေ ပါဝင်တဲ့ U-Well လိုမျိုး အားဆေးကို မှီဝဲသင့်ပါတယ်။ U-Well ဟာ ဆီးလမ်းကြောင်း နံရံတွေမှာ ဗက်တီးရီးယားပိုးမွှားတွေ ကပ်ငြိတာကို တားဆီးပေးပြီး ဆီးလမ်းကြောင်းကို သန့်စင်စေတာကြောင့် ဆီးခဏခဏ သွားတာနဲ့ နာကျင်တာတွေကို ထိရောက်စွာ သက်သာစေမှာပဲ ဖြစ်ပါတယ်ခင်ဗျာ🥰🤩!
#ဆီးကျန်းမာရေး #ကျောက်ကပ်ကျန်းမာရေး #ကျန်းမာရေးဗဟုသုတ #ဆီး #ကျောက်ကပ်ပိုးဝင်ခြင်း

U-Well Myanmar

04/03/2026

02/03/2026

02/03/2026

27/02/2026

26/02/2026

23/02/2026

19/02/2026

17/02/2026

12/02/2026

10/02/2026

09/02/2026

29/01/2026

Address

Opening Hours

Telephone

Website

Alerts

Shortcuts

Share

Category

Monday	08:30 - 17:00
Tuesday	08:30 - 17:00
Wednesday	08:30 - 17:00
Thursday	08:30 - 17:00
Friday	08:30 - 17:00
Saturday	08:30 - 17:00