23/10/2025
နာမည်တပ်၍ ခေါ်စေချင်
လူတစ်ယောက်ချင်းစီတိုင်းမှာ နာမည်လေးတွေရှိကြပါတယ်။ တချို့က မိဘ၊ အဘိုးအဘွား၊ ဆွေမျိုးများက အမှတ်တရ ၊ မှတ်မှတ်ရရပေးထားတာမျိုး၊
တချို့ကြ သူငယ်ချင်း ချစ်သူ မိတ်ဆွေများက ချစ်စနိုးနဲ့ ပေးထားကြတာမျိုး၊
တချို့က ကိုယ်ကိုယ်တိုင်က ကိုယ်ကြိုက်တဲ့ နာမည်ပေးထားတာမျိုး အစသဖြင့် အမျိုးမျိုးရှိကြတယ်။
လူတစ်ယောက် နဲ့ တစ်ယောက် ကြား တန်ဖိုးထား လေးစားသမှုနဲ့ ပေါင်းသင်းဆက်ဆံကြတဲ့အခါ နာမည်လေး သို့မဟုတ် သူခေါ်စေချင်တဲ့ နာမည်လေးတပ်ခေါ်ခြင်းဖြင့် တစ်ဦးနဲ့ တစ်ဦးလေးစားမှုကို မြင်ရစေပါတယ်။
ကျွန်မတို့ ပတ်ဝန်းကျင်မှာ တချို့က နာမည်ကို ဖျက်ပြီး ကိုယ်ခေါ်ချင်တဲ့နာမည်တွေ တပ်ခေါ်တာမျိုး၊ နာမည် ပြောင်လုပ်တာမျိုး၊ ဥပမာ - ဝ လို့ ဝက်ကလေး၊ LGBTQ တွေကိုလည်း နာမည်လျှောက်တပ်ခေါ်တာမျိုး အစရှိ
သဖြင့် တစ်ဖက်လူရဲ့ ဆန္ဒပါ၊ မပါ၊ ကြိုက်၊ မကြိုက်ကို ထည့်မတွက်ပဲ ရည်ရွယ်၍ ဖြစ်စေ၊ မရည်ရွယ်ပဲနဲ့ ဖြစ်စေ
မိမိတို့ အဆင်ပြေသလို၊ အဆင်ပြေအောင်ခေါ်လိုက်ခြင်းက တစ်ဦးနဲ့တစ်ဦးကြားဆက်ဆံရေးတွေကို အကျည်းတန် ရုပ်ဆိုးစေနိုင်သလို၊
အမည်တပ်ခံရတဲ့သူမှာလည်း စိတ်မကောင်း နာကျင်မှုတွေများစွာဖြစ်စေပါတယ်။ တစ်ချို့ဆို ကိုယ့်ကိုယ်ကို ယုံကြည်မှု ကျဆင်းတဲ့ အထိ စိတ်ပိုင်းဆိုင်ရာ ခံစားကြရပါတယ်။
ထို့ကြောင့် တစ်ဦးနဲ့တစ်ဦးပေါင်းသင်းဆက်ဆံရေးတွေမှာ အမည်၊နာမည်တပ်ခေါ်ခြင်းကလည်း အရေးကြီးဆုံး အစိတ်အပိုင်းတစ်ခုမှာပါပါသဖြင့် ပေါင်းသင်းဆက်ဆံရေးတွေမှာ သူများကိုနာကျင်သွားအောင် မလုပ်မိဖို့လိုသလို၊ ကိုယ့်ကိုယ်လည်း အမည်နာမ တပ်ပြီး ကိုယ့်မကြိုက်သည့် နာမ်စားသုံးလာရင်လည်း ငြင်းဆန်တတ်ဖို့လိုပါတယ်။ ဘယ်လိုခေါ်ရမလဲ မေးလာသည့်အခါ ကိုယ့်ကိုယ်ခေါ်စေချင်တဲ့ အတိုင်း တိတိကျကျ လေး ပြန်မိတ်ဆက်ပေးပါ။ အားမနာပါနဲ့နော်။ အားနာပြီး ရတယ် ဘာဖြစ်ဖြစ် အဆင်ပြေပါတယ်ဆိုပြီးတော့ ကိုယ့်ကိုယ် သူများက ခေါ်ချင်သလို ခေါ်ခွင့် မပေးလိုက်ပါနဲ့နော် ။
မင်းရဲ့ငြိမ်း
