22/10/2025
အခုနောက်ပိုင်း အိမ်တွေမှာ ရှင်းလို့မနိုင်ဖြစ်လာတဲ့ အကောင်လေးတွေရဲ့ စိတ်ဝင်စားဖွယ် အကြောင်းရင်း
ကိုယ်နေတဲ့ အိမ်၊ ကိုယ်နေတဲ့ နေရာ ရဲ့ မျက်နှာကျက်တွေ နံရံတွေ ဘီရိုကြားတွေ မှာ တွဲလွဲ ခိုကပ်နေတဲ့ အဖြူရောင်လိုလို မီးခိုရောင်လိုလို ဘာမှန်း မသိတဲ့ အကောင်လေးတွေ ရှိနေကြလား။ (ရှိ ကို ရှိမှာပါ။) ထူးဆန်းတာက အဲ့သည့် အကောင်တွေကို သည်ဘက် နှစ်နှစ် လောက်မှ တွေ့လာရတာ၊ အရင် က မမြင်ခဲ့သလိုပဲ။
အစကတော့ ကိုယ့်အိမ်မှာပဲ ရှိတယ် ထင်နေတာ။ မဟုတ်ဘူး။ အိမ်တိုင်း နေရာတိုင်း လိုလိုပဲ။ ဘဏ်တွေ မှာလည်း တွေ့တယ်။ ရုံးတွေ မှာလည်း တွေ့တယ်။ ဆေးရုံ ဆေးခန်းတွေ မှာလည်း တွေ့တယ်။ ဆောက်ပြီးစ အိမ်အသစ်မှာတောင် နှစ်လလောက်နေရင် တွေ့ပြီ။ ဘယ်လိုရောက်လာလဲတော့ မသိဘူး။
အဲ့သည့် အကောင်တွေကို Case-bearing moths, Case-making moths, Case-holding moths လို့ အမျိုးမျိုး ခေါ်ပါတယ်။ ပိုးဖလံ တစ်မျိုးပါပဲ။ ဥ က ပေါက်လာပြီးတဲ့ ပိုးလောက်လမ်းသား လေး က ဖုန်တွေ အမှုန်တွေကို သူ့ကိုယ်က အကျိအချွဲတွေ နဲ့ အခွံအိတ်လေးလို ဖြစ်အောင် လုပ်ပြီး ဝင်နေတာပါ။ ပိုးအိမ် ထဲ က ပိုးတုံးလုံးပေါ့။ အရွယ်ရောက်တဲ့ အချိန်မှာတော့ ပိုးအိမ်ထဲ က ထွက်ပြီး ဖလံကောင် ဘဝ ပြောင်းသွားလို့ အခွံချည်း ကျန်ခဲ့ပါတယ်။ ဖလံကောင် ကလည်း သေးသေးလေးပါ။ တလက်မ ရဲ့ လေးပုံတပုံ လောက်ပဲ ရှိပါတယ်။
သတိထား ကြည့်ရင် အိမ်ထဲမှာ အဲ့လို ဖလံကောင်လေးတွေ တွေ့တတ်ပါတယ်။ ပိုးအိမ်ခွံ အရောင်ကတော့ ပတ်ဝန်းကျင် က ဖုန်၊ အမှိုက်နဲ့ အမှုန်အမွှား၊ အမျှင်အစ တွေပေါ် မူတည်ပြီး ကွဲပြား နိုင်ပါတယ်။ တကောင် စ၊ နှစ်ကောင် စ တွေ့နေရင်း ကို များများ လာတာမျိုးပါ။ ပုံမှန် အားဖြင့် အန္တရာယ် မရှိပေမယ့် အကောင် ရှိိနေတဲ့အချိန် ကိုင်မိ ထိမိတဲ့အခါ ဓါတ်မတည့်တာမျိုး ကြောင့် ယားယံတာ ဖူ-းရော-င် ကို-က်ခဲတာ ရေကြည်ဖု ထတာ ဖြစ်တတ်ပါတယ်။ (လူတိုင်းတော့ မဟုတ်ဘူးနော်။ ဓါတ်မတည့်တဲ့ သူတွေ မှ ဖြစ်တတ်တာပါ။)
အထူးသဖြင့် "ကလေးကို ဘာကောင် ကိုက်လိုက်မှန်း မသိဘူး" ဆိုတာမျိုး က အဲ့သည့် အကောင်ကြောင့် ဖြစ်နိုင်ပါတယ်။ စိုးရိမ်စိတ်ပူစရာ မဟုတ်ပေမယ့် သတိထားနိုင်ဖို့ပါ။ အဆိုပါ အကောင်လေးတွေကို ရှင်းလင်းနိုင်မယ့် နည်းလမ်း မတွေ့သေးပါဘူး။ ခြင်ဆေးနဲ့ ဖြန်းလို့ ရပေမယ့် ထပ်ပြီး ရောက်လာကြပါတယ်။ အခန်းကို အလုံပိတ်ပြီး ခြင်ဆေးဖြန်းတဲ့ နည်းလမ်းကပဲ လတ်တလော အသုံးဝင်ပါတယ်။
#ပိုးဖလံ
#ဆေးဝါး
#ဆေးဆိုင်ဖွင့်သင်တန်း
#သူနာပြုအကူ
