Asia New Way, MedPark Hospital Agent

30/01/2026

✅✅Gastroscopy (အစာအိမ်မှန်ပြောင်း) စစ်ဆေးသင့်သူများ

ရောဂါလက္ခဏာ အခြေခံ၍ စစ်ဆေးသင့်သူများ
✔အစာမျိုရခက်ခြင်း၊ လည်ချောင်းတွင် အစာညပ်သလိုခံစားရခြင်း
✔ရင်ပူ၊ ရင်လေးဖြစ်ခြင်း၊ ရင်ဘတ်အောင့်ခြင်း (နှလုံးရောဂါနှင့် ခွဲခြားရန်)
✔ဗိုက်အထက်ပိုင်း ကြာရှည်အောင့်ခြင်း၊ နာခြင်း
✔အန်ခြင်း၊ သွေးအန်ခြင်း (ကော်ဖီရောင်ကဲ့သို့) သို့မဟုတ် ဝမ်းအမည်းသွားခြင်း
✔အကြောင်းရင်းမရှိဘဲ ကိုယ်အလေးချိန်ကျခြင်း၊ အားနည်းခြင်း၊ သွေးအားနည်းခြင်း

Risk ရှိပြီး ပုံမှန်စစ်ဆေးသင့်သူများ
✔အစာအိမ်နှင့် အစာရေမျိုပြွန်ကင်ဆာ မိသားစုရာဇဝင်ရှိသူများ
✔နာတာရှည် အစာအိမ်ရောင်ရောဂါ (Gastritis)၊ အစာအိမ်အနာရောဂါရှိသူများ
✔Barrett's esophagus ရောဂါရှိသူများ

✅✅Colonoscopy (အူမကြီးမှန်ပြောင်း) စစ်ဆေးသင့်သူများ

ရောဂါလက္ခဏာ အခြေခံ၍ စစ်ဆေးသင့်သူများ
✔ဝမ်းသွားသည့် အလေ့အထ ပြောင်းလဲခြင်း (ဝမ်းချုပ်ခြင်း၊ ဝမ်းလျှောခြင်း ရက်ကြာစွာဖြစ်ခြင်း)
✔ဝမ်းတွင် သွေးပါခြင်း၊ ချွဲပါခြင်း သို့မဟုတ် ဝမ်းအရောင်ပြောင်းခြင်း
✔ဗိုက်အောင့်ဗိုက်နာ ခဏခဏဖြစ်ခြင်း၊ အကြောင်းရင်းမရှိဘဲ ဗိုက်ပြည့်အင့်ခြင်း
✔ဝမ်းသွားပြီး ဝမ်းမကုန်သလို ခံစားရခြင်း
✔မောပန်းလွယ်ခြင်း၊ သွေးအားနည်းခြင်း (သံဓာတ်ချို့တဲ့သွေးအားနည်း)

ကင်ဆာစောင့်ကြည့်ရန် ပုံမှန်စစ်ဆေးသင့်သူများ
✔အသက် ၅၀ နှစ် ကျော်သူများ
✔အူမကြီး/အစာဟောင်းကင်ဆာ သို့မဟုတ် အူလမ်းကြောင်းအလုံးအကြိတ် မိသားစုရာဇဝင်ရှိသူများ
✔နာတာရှည် အူမကြီးရောင်ရမ်းသည့်ရောဂါ (Ulcerative Colitis, Crohn's Disease) ရှိသူများ
✔ယခင်က Colonoscopy စစ်ဆေးရာတွင် အကြိတ် (Polyps) တွေ့ဖူးသူများ (ဆရာဝန်ညွှန်ကြားသည့်အတိုင်း ပြန်စစ်ရန်)

အထက်ဖော်ပြပါ လက္ခဏာ သို့မဟုတ် အခြေအနေတစ်ခုခုရှိပါက အစာအိမ်နှင့်အူလမ်းကြောင်း အထူးကု (Gastroenterologist) နှင့် တိုင်ပင်ပြသရန်လိုအပ်ပါသည်။

👨‍⚕️အသေးစိတ်တိုင်ပင်ဆွေးနွေးလိုပါက အောက်ပါဖုန်းနံပါတ်များကို ဆက်သွယ်နိုင်ပါတယ်ရှင်

💙 𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ကိုယ်စားလှယ်ရုံး 💙

ရန်ကုန်ရုံး
🏠အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
☎️ 𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂ လမ်းကြား၊ ၄၂ ထောင့်အနီး။ (ယာယီ)
☎️𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)


#ကျန်းမာရေးစစ်ဆေးမှု #ကျန်းမာရေး #ကြိုတင်ကာကွယ်ခြင်း

27/01/2026

✅သင့်အသည်းကျန်းမာရေးကို FibroScanဖြင့် စစ်ဆေးပါ

❗အသည်းရောဂါတွေဟာ ကနဦးအဆင့်မှာ ရောဂါလက္ခဏာ သိပ်မပြတတ်တာကြောင့် "တိတ်တဆိတ်ရောဂါ"လို့ ခေါ်လို့ ရပါတယ်။
❗အဲ့ဒါကြောင့် FibroScanကဲ့သို့သော ခေတ်မီ နည်းပညာဖြင့် ခွဲစိတ်စရာမလို၊ နာကျင်မှုမရှိဘဲ အသည်းရဲ့ အခြေအနေကို မြန်ဆန်စွာသိရှိနိုင်ဖို့ စစ်ဆေးသင့်ပါတယ်။

👨‍⚕️FibroScanဆိုတာ ဘာလဲ?
📌အသံလှိုင်း (Vibration-Controlled Transient Elastography)ကို အသုံးပြုပြီး အသည်းအတွင်း အမာရွတ်တစ်သျှူး (Fibrosis) နှင့် အဆီဓာတ်စုပုံမှု (Steatosis) ရှိမရှိကို တိုင်းတာ စစ်ဆေးနိုင်တဲ့ စက်တစ်မျိုး ဖြစ်ပါတယ်။

👨‍⚕️ဘယ်သူတွေ စစ်ဆေးသင့်သလဲ?
✅အသည်းအဆီဖုံးခြင်း (Fatty Liver) ရှိသူများ
✅အသည်းရောင်အသားဝါ ဘီပိုး၊ စီပိုး ရောဂါရှိသူများ
✅အရက်ကို ပုံမှန် အလွန်အကျွံသောက်သုံးသူများ
✅ဆီးချိုရောဂါ (သို့) ကိုယ်အလေးချိန်များသူများ
✅အသည်းခြောက်ခြင်း (Cirrhosis) အတွက် စောင့်ကြည့်ကုသမှုခံယူနေသူများ
✅သွေးစစ်ကြည့်ရာတွင် အသည်းအင်ဇိုင်း (Liver Enzymes) မြင့်နေသူများ

👨‍⚕️FibroScanစစ်ဆေးခြင်းရဲ့ အားသာချက်များ
📌နာကျင်မှုမရှိ၊ ခွဲစိတ်ရန်မလို - အပ်စိုက်ခြင်း၊ ခွဲစိတ်ခြင်းမရှိပါ။
📌လျင်မြန်မှု - စစ်ဆေးချိန် ၅-၁၀ မိနစ်ခန့်သာ ကြာပါတယ်
📌တိကျမှန်ကန်မှုရှိခြင်း - အသည်းတစ်သျှူး အခြေအနေကို ကွန်ပျူတာဖြင့် တိုင်းတာပေးပါတယ်။
📌လူနာအတွက် ဘေးကင်းခြင်း - ဓာတ်ရောင်ခြည်မထွက်ပါ။
📌အသည်းအခြေအနေကို ကိန်းဂဏန်းဖြင့် သိရှိနိုင်ခြင်း - အသည်းအမာရွတ်တစ်သျှူးပမာဏ (kPa) နှင့် အသည်းအဆီဖုံးမှုအဆင့် (CAP) တို့ကို ဂဏန်းအဖြစ်ဖတ်ရှုနိုင်ပါတယ်။

👨‍⚕️ရလဒ်ကိုဖတ်ရှုခြင်း
✅အသည်းအမာရွတ်တစ်သျှူးပမာဏ (Liver Stiffness - kPa)
* F0-F1 (12.5 kPa): အသည်းခြောက်ခြင်း (Cirrhosis)

✅အသည်းအဆီဖုံးမှု (CAP - dB/m)
* ပုံမှန်/အဆီအနည်းငယ်: 268 dB/m

👨‍⚕️အာထရာဆောင်းနဲ့ ဘာကွာသလဲ?
🔺အာထရာဆောင်းက အသည်းရဲ့ ပုံသဏ္ဍာန်နဲ့ ဖွဲ့စည်းပုံကို ကြည့်ရှုရန် အကောင်းဆုံးဖြစ်ပြီး FibroScanကတော့ အသည်းရဲ့ လုပ်ဆောင်ချက်နှင့် တောင့်တင်းမှုကို တိုင်းတာရန်အတွက် သင့်တော်ပါတယ်။

🔺သတိပြုရန်အနေနဲ့ FibroScanဟာ အသည်းရောဂါအခြေအနေကို အကဲဖြတ်ရန် ကူညီပေးသော်လည်း ရောဂါရှာဖွေရန်အတွက် တစ်ခုတည်းသော စစ်ဆေးမှုမဟုတ်ပါ။
🔺သက်ဆိုင်ရာ အသည်းရောဂါအထူးကုဆရာဝန်နဲ့ တိုင်ပင်ပြသဖို့ လိုအပ်ပါတယ်။

🔺အသည်းကျန်းမာရေးကို စောစီးစွာသိရှိကာကွယ်ခြင်းဟာ ရောဂါပြင်းထန်မှုကို ထိရောက်စွာ ကာကွယ်နိုင်တဲ့ အကောင်းဆုံးနည်းလမ်းပဲ ဖြစ်ပါတယ်။

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

17/01/2026

👨‍⚕️အသည်းကင်ဆာ၏ ရောဂါလက္ခဏာများနှင့် ဖြစ်ပွားနိုင်ခြေ အကြောင်းရင်းများ

📌အသည်းကင်ဆာဟာ မြန်မာနိုင်ငံအပါအဝင် အာရှနိုင်ငံများတွင် အဖြစ်များသော ကင်ဆာရောဂါ တစ်ခုဖြစ်ပါတယ်။
📌စောစီးစွာ ရောဂါရှာဖွေတွေ့ရှိပါက ထိရောက်စွာ ကုသနိုင်တာကြောင့် ရောဂါလက္ခဏာများနဲ့ ဖြစ်ပွားစေနိုင်တဲ့ အကြောင်းရင်းများကို သိရှိထားဖို့က အရေးကြီးလှပါတယ်။

👨‍⚕️အသည်းကင်ဆာ၏ အဓိက လက္ခဏာများ
❗အသည်းကင်ဆာဟာ အစောပိုင်းအဆင့်မှာ သိသာထင်ရှားတဲ့ လက္ခဏာမပြတတ်ပါဘူး။
ရောဂါအဆင့် တိုးတက်လာတာနဲ့အမျှ

❗ဝမ်းဗိုက်ညာဘက်အပေါ်ပိုင်း (အသည်းရှိရာ) တွင် နာကျင်ခြင်း သို့မဟုတ် မအီမသာဖြစ်ခြင်း
❗ဗိုက်ပူလာခြင်း သို့မဟုတ် ဝမ်းဗိုက်တွင် အလုံးစမ်းမိခြင်း
❗မကြာခဏ ပျို့အန်ခြင်း၊ အစားအသောက်ပျက်ခြင်း၊ ပင်ပန်းနွမ်းနယ်ခြင်း
❗မျက်လုံး၊ အရေပြားနှင့် ဆီးဝါလာခြင်း (အသားဝါရောဂါ)
❗ရုတ်တရက် ကိုယ်အလေးချိန်ကျဆင်းခြင်း
❗အဖြူရောင်မဟုတ်သော ဝမ်းအရောင်ဖြစ်ခြင်း
❗အရေပြားယားယံခြင်း
❗ဖျားနာခြင်း

👨‍⚕️အသည်းကင်ဆာ ဖြစ်ပွားနိုင်ခြေ မြင့်စေသော အကြောင်းရင်းများ (Risk Factors)
အောက်ပါ အချက်များရှိသူများမှာ အသည်းကင်ဆာ ဖြစ်ပွားနိုင်ခြေ ပိုမိုမြင့်မားပါတယ်။

⭕နာတာရှည် အသည်းရောင်ရောဂါပိုး (ဘီ နှင့် စီ) ကူးစက်ခံရသူများ - မြန်မာနိုင်ငံတွင် အသည်းကင်ဆာ၏ အဓိကအကြောင်းရင်း ဖြစ်ပါတယ်။
⭕အသည်းခြောက်ရောဂါ (Liver Cirrhosis) - အရက်ကြာရှည်သောက်သုံးခြင်း၊ အဆီဖုံးခြင်းကြောင့် ဖြစ်သော အသည်းခြောက်ရောဂါရှိသူများ။
⭕အသည်းအဆီဖုံးရောဂါ (Non-alcoholic Fatty Liver Disease - NAFLD)
⭕အရက်ကို ကြာရှည်စွာ အလွန်အကျွံသောက်သုံးသူများ
⭕မှိုတွင် ပါဝင်သော toxinဒြပ်ပေါင်းကို ရေရှည်စားသုံးမိသူများ (ဥပမာ - မှိုစွဲကပ်နေသော ပြောင်း၊ ဆန်၊ ပဲအစိုများ)
⭕မွေးရာပါ ဇီဝကမ္မချို့ယွင်းမှု (ဥပမာ - Hemochromatosis - မွေးရာပါ ခန္ဓာကိုယ်တွင် သံဓာတ်စုပုံခြင်း)
⭕အဝလွန်ခြင်း နှင့် ဆီးချိုရောဂါရှိခြင်း
⭕မိသားစုတွင်း အသည်းကင်ဆာ ရာဇဝင်ရှိခြင်း

✨အသည်းကင်ဆာကို စောစီးစွာ ရှာဖွေတွေ့ရှိပါက ခွဲစိတ်ကုသမှု၊ ဓာတ်ကင်ကုထုံး၊ သွေးကြောပိတ်ကုထုံး စတဲ့ ထိရောက်သော ကုသမှုများ ရရှိနိုင်ပါတယ်။

✨မိမိရဲ့ ကျန်းမာရေးအတွက် သတိထားပြီး ပုံမှန်စစ်ဆေးမှုများ ပြုလုပ်ခြင်းဖြင့် ကြိုတင်ကာကွယ်နိုင်ပါတယ်ရှင့်။
✨ရောဂါလက္ခဏာများရှိလာပါက နှောင့်နှေးခြင်းမရှိဘဲ သက်ဆိုင်ရာ ကျွမ်းကျင်အထူးကုဆရာဝန်နဲ့ ချက်ချင်းပြသပါ။

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

10/01/2026

ကျန်းမာရေးစစ်ဆေးမှုတွေကို ပုံမှန်ပြုလုပ်ဖို့ ဘာကြောင့် လိုအပ်သလဲ ဆိုတာကို သိထားဖို့ အရေးကြီးပါတယ်။

1️⃣ ရောဂါကို စောစောသိရှိနိုင်ခြင်း
သွေးတိုး၊ ဆီးချို၊ နှလုံးရောဂါ၊ ကင်ဆာ စတဲ့ နာတာရှည်ရောဂါတွေကို လက္ခဏာမပြခင် စောစောသိနိုင်ပါတယ်။
စောစောသိရင် ကုသမှုပိုလွယ်ပြီး အသက်အန္တရာယ်ကနေ ကြိုတင်ကာကွယ်နိုင်ပါတယ်။

2️⃣ ကုသစရိတ်သက်သာစေခြင်း
ရောဂါကို အစပျိုးအဆင့်မှာ စောစောသိရင် ကုသမှုစရိတ်က နည်းပါတယ်။
နောက်ဆုံးအဆင့်ရောက်မှ ကုရင် ငွေကုန်ကြေးကျများပြီး ရှုပ်ထွေးနိုင်ပါတယ်။

3️⃣ နေထိုင်မှုပုံစံကို ပြင်ဆင်နိုင်ခြင်း
ကျန်းမာရေးစစ်ဆေးမှုရလဒ်တွေအရ၊ သင့်ရဲ့ အစားအသောက်၊ လှုပ်ရှားမှု၊ အနေအထိုင်တွေကို ပြင်ဆင်ဖို့ အကြံပြုချက်ရနိုင်ပါတယ်။

4️⃣ စိတ်ချရမှုရှိခြင်း
ကျန်းမာရေးကောင်းနေတယ်ဆိုတာ သိရင် စိတ်ဖိစီးမှုနည်းပြီး လူမှုဘဝကို ပျော်ရွှင်စွာ ဖြတ်သန်းနိုင်ပါတယ်။

5️⃣ မိသားစုအတွက် တာဝန်ယူမှု
သင်ကျန်းမာနေမှ မိသားစုကို စောင့်ရှောက်နိုင်မှာပါ။ သင့်ရဲ့ကျန်းမာရေးက သူတို့အတွက်ပါ အရေးကြီးပါတယ်။

✅ ကျန်းမာရေးစစ်ဆေးမှုကို နှစ်စဉ်ပုံမှန်ပြုလုပ်ပါ။ ရောဂါကို မကြောက်ပါနဲ့၊ ကာကွယ်ခြင်းက ကုသခြင်းထက် ပိုကောင်းပါတယ်။

💙 𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး 💙

ရန်ကုန်ရုံး
🏠အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
☎️ 𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂ လမ်းကြား၊ ၄၂ ထောင့်အနီး။ (ယာယီ)
☎️𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)


#ကျန်းမာရေးစစ်ဆေးမှု #ကျန်းမာရေး #ကြိုတင်ကာကွယ်ခြင်း

06/01/2026

Exercise Stress Test, ESTဆိုတာ ?

📌Exercise Stress Test, ESTဆိုတာ ကိုယ်လက်လှုပ်ရှားမှုပြုလုပ်စဉ်၊ နှလုံးသွေးလည်ပတ်မှု လိုအပ်ချက် မြင့်မားနေချိန်မှာ နှလုံး လုပ်ဆောင်ချက်ကို စစ်ဆေးတဲ့ စမ်းသပ်မှုတစ်ခုဖြစ်ပါတယ်။

📌စမ်းသပ်ခံယူသူများဟာ လမ်းလျှောက်စက်ပေါ်တွင် မြန်မြန်လျှောက်ရန် (သို့) ပြေးရန်၊ ဒါမှမဟုတ် စက်ဘီးငြိမ်တစ်စီး (Stationary Cycling)ကို နင်းရန် လိုအပ်ပြီး
📌၎င်းတို့၏ နှလုံးခုန်နှုန်း၊ သွေးပေါင်ချိန်၊ သွေးအတွင်း အောက်ဆီဂျင်ပမာဏနှင့် နှလုံး၏လျှပ်စစ်လှုပ်ရှားမှုများကို စောင့်ကြည့်ခြင်းနှင့် မှတ်တမ်းတင်ခြင်း ဖြစ်ပါတယ်။


👨‍⚕️Exercise Stress Testကို ဘယ်သူတွေ စစ်ဆေးသင့်သလဲ?

✅သက်ဆိုင်ရာကျွမ်းကျင်ဆရာဝန်က အသက်၊ ကျား/မ၊ ကိုယ်တိုင်နဲ့ မိသားစု နှလုံးရောဂါအခြေအနေများ၊ နေထိုင်မှုပုံစံ၊ ဆေးလိပ်သောက်ခြင်းနဲ့ အခြားသော ကျန်းမာရေးအခြေအနေများကို စုပေါင်းပြီး စမ်းသပ်မှု လို မလိုကို ဆုံးဖြတ်ပေးပါတယ်။

✅အောက်ပါ ရောဂါလက္ခဏာများ ရှိသူများကတော့ စစ်ဆေးသင့်ပါတယ်။
❗ရင်ဘတ်အောင့်ခြင်း (သို့) နာခြင်း
❗နှလုံးခုန် မမှန်ခြင်း
❗အသက်ရှူမဝခြင်း (သို့) မောခြင်း
❗ခေါင်းမူးခြင်း
✅ရောဂါတွေအနေနဲ့
❗ဆီးချိုရောဂါ
❗သွေးတိုးရောဂါ
❗သွေးတွင်းအဆီဓာတ်များခြင်း ရှိသူများ
❗မိသားစုမျိုးရိုးထဲတွင် နှလုံးရောဂါ စောစောဖြစ်ဖူးသူများ

✅အားကစားသမားများ
✅နှလုံးရောဂါရှိတယ်လို့ မသိရသေးသူများလဲ ကြိုတင်ကာကွယ်မှုအနေနဲ့ စစ်ဆေးသင့်ပါတယ်။

👨‍⚕️ဘာတွေကို သိနိုင်မလဲ?
🫀နှလုံးသွေးညှစ်အား ကျဆင်းခြင်း (congestive heart failure)
🫀နှလုံးသွေးကြောကျဥ်းရောဂါ (coronary artery disease)
🫀နှလုံးအဆို့ရှင်ရောဂါ (valves disease)
🫀နှလုံးကြွက်သား ထူထဲခြင်းရောဂါ (Hypertrophic cardiomyopathy)
🫀မွေးရာပါနှလုံးရောဂါ

📌နှလုံးရောဂါရှိပြီးသားသူတွေမှာတော့ စစ်ဆေးမှုကို
📌လက်ရှိကုသနေတဲ့ ဆေးဝါးကုသမှုရဲ့ ထိရောက်မှုကို စစ်ဆေးလိုလျှင်
📌နှလုံးရောဂါရဲ့ နောက်ဆက်တွဲရောဂါများ ဖြစ်နိုင်ခြေများအတွက် နှလုံးအထူးကုဆရာဝန်ရဲ့ ကြီးကျပ်မှုနဲ့အတူ စစ်ဆေးလို့ ရပါတယ်။

👨‍⚕️စစ်ဆေးမှုမတိုင်ခင် ဘာတွေ ပြင်ဆင်ရမလဲ?
✨မစစ်ဆေးခင် ၄-၆နာရီအတွင်း အစာစားခြင်း မပြုရ
✨ကဖင်းဓာတ် (ကော်ဖီ၊ လက်ဖက်ရည်၊ အချိုရည်) စတာတွေကို ၂၄နာရီ ကြိုတင် ရှောင်ထားရပါမယ်
✨ဆရာဝန်ညွှန်ကြားထားတဲ့ ဆေးတချို့ကို ရပ်ရန် လိုအပ်ပါတယ်။ (ဥပမာ - Beta blocker-ဘီတာ ဘလောကာဆေးများ)
✨နှလုံးဆေးဝါးများကို မိမိသဘောဖြင့် မရပ်ရပါ
✨သက်တောင့်သက်သာရှိသော လေ့ကျင့်ခန်းလုပ်ရန်သင့်တော်သော အဝတ်အစားနဲ့ အားကစားဖိနပ် ဝတ်ဆင်လာပေးပါ
✨ဆရာဝန်နှင့် ကြိုတင် တိုင်ပင်ပါ

⭕စစ်ဆေးနေချိန်အတွင်း နှလုံးသွေးကြောကျဥ်းခြင်း လက္ခဏာများ ပေါ်ပေါက်လာပါက နှလုံးသွေးကြော ပုံရိပ်ဖမ်းစစ်ဆေးခြင်း (cardiac catheterization), နှလုံးသွေးကြော ကွန်ပြူတာဓာတ်မှန် (CT coronary angiogram)ကဲ့သို့သော နောက်ဆက်တွဲစစ်ဆေးမှုတွေ ဆက်လုပ်သင့်ပါတယ်။

👨‍⚕️စစ်ဆေးမှုအဖြေတွေအနေနဲ့
❗ပုံမှန်ရလဒ် - လေ့ကျင့်ခန်းအတွင်း ECG ပြောင်းလဲမှု မရှိခြင်း၊ ရင်ဘတ်အောင့်ခြင်းမရှိခြင်း၊ သွေးပေါင်ချိန်တက်ခြင်း ပုံမှန်ဖြစ်ခြင်း။
❗ပုံမှန်မဟုတ်သော ရလဒ် - ECG တွင် သွေးကြောကျဉ်းခြင်းကို ညွှန်ပြသော ပြောင်းလဲမှုများ (ST segment depression) ရှိခြင်း၊ ရင်ဘတ်အောင့်ခြင်း၊ သွေးပေါင်ချိန် ကျဆင်းခြင်း သို့မဟုတ် ပုံမှန်မဟုတ်စွာ မြင့်တက်ခြင်း၊ နှလုံးခုန်မမှန်ခြင်းများ ဖြစ်ပေါ်ခြင်း။
❗ပုံမှန်မဟုတ်သောရလဒ်များတွေ့ရှိပါက နောက်ထပ် စစ်ဆေးမှုများ (ဥပမာ - Coronary Angiogram) ပြုလုပ်ရန် လိုအပ်နိုင်ပါတယ်။

⭕သတိပြုရန်အနေနဲ့ ESTက နှလုံးနဲ့သက်ဆိုင်တဲ့ ရောဂါရှိ မရှိကို စစ်ဆေးရာမှာ အရေးပါသော်လည်း ၁၀၀% မမှန်ကန်နိုင်ပါ။
⭕အဲ့ဒါကြောင့် သက်ဆိုင်ရာကျွမ်းကျင်ဆရာဝန်နဲ့ ကနဦးတိုင်ပင်ပြီးမှသာ စစ်ဆေးမှုကို ပြုလုပ်သင့်ပါတယ်ရှင့်။

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

01/01/2026

ပတ်စ်ပို့အမြန်လုပ်လိုသူများအတွက် ပတ်စ်ပို့ရုံးမှ ထုတ်ပြန်ကြေညာချက်အသစ်ကို အောက်ပါအတိုင်းမျှဝေလိုက်ပါတယ်

ပြည်သူများထံ အသိပေးပန်ကြားချက် (01-01-2026)
------------------------------------------------
✔အရေးကြီး/ အရေးပေါ်ဖြင့် ပြည်ပသို့ သွားရောက်လိုသူများ Online Booking တင်ရာတွင်လည်းကောင်း၊ ရုံးတွင်းဆောင်ရွက်ရာတွင်လည်းကောင်း စောင့်ဆိုင်းရန် မလိုဘဲ အမြန်ဝန်ဆောင်မှု (Express Service) ဖြင့် လျှောက်ထားနိုင်ရေး စီစဉ်ထားပါကြောင်း၊
✔မည်သည့်အိမ်ထောင်စုစာရင်းဝင်မဆို မြန်မာနိုင်ငံကူးလက်မှတ်ထုတ်ပေးရေးရုံး (ရန်ကုန်၊ မန္တလေး၊ နေပြည်တော်) တို့တွင် လျှောက်ထားနိုင်ပါကြောင်း၊
✔လျှောက်လွှာလက်ခံပြီး ၅ ရက်အကြာတွင် နိုင်ငံကူးလက်မှတ်စာအုပ်ရမည် ဖြစ်ပါကြောင်း၊
✔အမြန်ဝန်ဆောင်ခမှာ စာအုပ်ဖိုးအပါအဝင် ၅၄၅,၀၀၀ ကျပ် ဖြစ်ကြောင်း၊
✔အမြန်ဝန်ဆောင်မှု (Express Service) အား ၅-၁-၂၀၂၆ ရက်မှ စတင်မည် ဖြစ်ပါကြောင်း၊

မှတ်ချက်။ အမည်မည်းစာရင်းတွင် ပါဝင်သူများ၊ ပြစ်မှုကျူးလွန်ပြီး စစ်ဆေးချက် မပြီးစီးသူများ၊ ပြစ်ဒဏ်ကာလမပြီးမီ လွတ်ငြိမ်းချမ်းသာဖြင့် လွတ်မြောက်လာသူများ၊ ပြည်ပထွက်ခွာမှု တားဆီးခံရသူများ၊ လက်ရှိနိုင်ငံ့ဝန်ထမ်းများ၊ အစိုးရအဖွဲ့အစည်းများ၊ အစိုးရမဟုတ်သော အခြားအဖွဲ့အစည်းများနှင့် ပုဂ္ဂလိအဖွဲ့အစည်းများမှ ထောက်ခံချက်လိုအပ်သူများအနေဖြင့် ငွေ မဆုံးရှုံးစေရေးအတွက် ရုံးများတွင် စုံစမ်းပြီးမှသာ လျှောက်ထားရန်။

01/01/2026

25/12/2025

Merry Christmas and Happy New Year

23/12/2025

✨Reasons You Should Have Breast Cancer Screenings at Medpark Hospital

✨Medparkဆေးရုံတွင် ရင်သားစစ်ဆေးမှု ပြုလုပ်သင့်သည့် အကြောင်းရင်းများ
( Mammogram and Breast Ultrasound)

👨‍⚕️ကျွမ်းကျင်သော ကျန်းမာရေးဝန်ထမ်းအဖွဲ့ ( highly experienced Team)
📌ရင်သားကင်ဆာ စစ်ဆေးမှုနယ်ပယ်တွင် အထူးအတွေ့အကြုံရှိတဲ့
❗ရင်သားခွဲစိတ်ဆရာဝန်၊
❗ဓာတ်မှန်ဆရာဝန်၊
❗ဓာတ်မှန်နည်းပညာရှင်များနဲ့
❗သူနာပြုများက စစ်ဆေးမှုကို ဆောင်ရွက်ပေးခြင်း၊ လမ်းညွှန်မှုပေးခြင်းနှင့် လွယ်ကူစွာနားလည်နိုင်သော ရှင်းလင်းချက်များ ပြုလုပ်ပေးခြင်း

👨‍⚕️ခေတ်မီစက်ကိရိယာများ ( The state-of-the-art screening equipment )
📌နည်းပညာမြင့် စစ်ဆေးရေး ကိရိယာတွေနဲ့ ရင်သားမှာရှိတဲ့ အစောပိုင်း ပုံမှန်မဟုတ်သော အခြေအနေများကို တိကျစွာ ရှာဖွေနိုင်ခြင်း
📌ရင်သားတစ်သျှူး၊ အဆီနှင့် ကယ်လ်စီယမ်စုခြင်းများကို အသေးစိတ် ပုံရိပ်ဖော်ပေးနိုင်ခြင်း
📌အခဲအလုံးများနှင့် အရည်ပြည့်နေသော အလုံးများကို ခွဲခြားသိရှိခြင်း
📌အယ်လ်ထရာဆောင်း စစ်ဆေးမှုနှင့် ပူးတွဲအသုံးပြုခြင်းဖြင့် ရောဂါရှာဖွေရာတွင် တိကျမှုမြင့်မားစေခြင်း

👨‍⚕️ရလဒ် မှန်ကုန် မြန်ဆန်မှု ရှိခြင်း ( Same-day Precised test results)
📌စစ်ဆေးမှု ရလဒ်များကို ဓာတ်မှန်ဆရာဝန်နှင့် ရင်သားခွဲစိတ်ဆရာဝန်တို့ ပူးပေါင်းသုံးသပ်၍ ရောဂါရှာဖွေခြင်းကြောင့် မှန်ကန်မှုရှိခြင်း

👨‍⚕️အသေးစိတ်ရှင်းလင်းချက် ( Detailed explanation)
📌ရင်သားခွဲစိတ်ဆရာဝန်က ဒီဂျစ်တယ် ဓာတ်မှန်ပုံများကို အရည်အသွေးမြင့် မော်နီတာ မျက်နှာပြင်ပေါ်တွင် ရှင်းလင်းပြသပေးခြင်း
📌ရင်သားအတွင်းရှိ တည်ဆောက်ပုံများနှင့် ပုံမှန်မဟုတ်သော အခြေအနေများကို သင်ကိုယ်တိုင် မြင်တွေ့နိုင်ပြီး ခွဲစိတ်ဆရာဝန်၏ ရှင်းလင်းချက်များကို ပိုမိုနားလည်သဘောပေါက်စေခြင်း

👨‍⚕️အခြားစစ်ဆေးမှုများအတွက် အဆင်သင့်ရှိနေခြင်း ( further diagnostic examinations )
📌ပုံမှန်မဟုတ်သော အခြေအနေများတွင် ဥပမာ - ကင်ဆာကို ညွှန်ပြနေပါက ဆရာဝန်မှ အသားစ စစ်ဆေးခြင်း သို့မဟုတ် သံလိုက်ဓာတ်မှန် (MRI) စကင်ရိုက်ခြင်းကဲ့သို့သော နောက်ထပ် ရောဂါရှာဖွေရေး စစ်ဆေးမှုများ ပြုလုပ်ရန် အဆင်သင့် ရှိခြင်း
📌ကျွမ်းကျင် ဆေးဘက်ဆိုင်ရာဝန်ထမ်းများ၊ ဇီဝဗေဓဓာတ်ခွဲခန်းများ ရှိပြီး တိကျသော ရောဂါရှာဖွေမှုကို ဆောင်ရွက်နိုင်ခြင်း

👨‍⚕️ကုသမှုများအတွက် အဆင်သင့်ရှိခြင်း ( Proficient treatment - ensuring improved quality of life)
📌အရေးပေါ်ကုသမှုလိုအပ်သော လူနာများအတွက် ဆေးရုံတွင် ခွဲစိတ်မှုနည်းပညာအမျိုးမျိုးတွင် ကျွမ်းကျင်သော ရင်သားခွဲစိတ်ဆရာဝန်အဖွဲ့ များ ရှိခြင်း
📌ရောဂါပေါ်မူတည်ပြီး ရင်သားအစိတ်အပိုင်းချန်ထားတဲ့ခွဲစိတ်မှု၊ ရင်သားတခုလုံး ဖြတ်ထုတ်ရန်လိုအပ်သော ခွဲစိတ်မှု၊ ပြန်ရည်ကျိတ်ပါ တပါထဲ ခွဲထုတ်ဖို့လိုတဲ့ ခွဲစိတ်မှုများကို ဆောင်ရွက်ပေးနိုင်ပြီး ပိုမိုကောင်းမွန်သော လူနေမှုဘဝများ ရရှိနိုင်စေခြင်း

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

11/12/2025

နှလုံးသွေးကြောအတွင်း ကယ်လ်စီယမ် စစ်ဆေးခြင်း (CAC - Coronary Artery Calcium Scoring)

🫀နှလုံးသွေးကြောအတွင်း ကယ်လ်စီယမ် စစ်ဆေးခြင်း (CAC)ဆိုတာ နှလုံးသွေးကြောတွေရဲ့ အတွင်းနံရံမှာ ကယ်လ်စီယမ် စုပုံမှုကို စစ်ဆေးခြင်းဖြစ်ပါတယ်။
ကယ်လ်စီယမ်အပါအဝင် အဆီခဲများ အစုအဝေးကို plaqueလို့ ခေါ်ပါတယ်။
🫀plaqueစုပုံမှုများလာလေ သွေးကြောနံရံများ ကျဥ်းမြောင်းမာကြောလာကာ လေဖြတ်ခြင်းနဲ့ အခြားသော နှလုံးရောဂါဖြစ်ပွားမှုတွေကို မြင့်တက်စေပါတယ်။
အဲ့ဒါကြောင့် စစ်ဆေးမှုကို စောစီးစွာ ပြုလုပ်ဖို့ လိုအပ်လှပါတယ်။

🫀နှလုံးသွေးကြောအတွင်း ကယ်လ်စီယမ် စစ်ဆေးခြင်း (CAC)ကို -
* Coronary Calcium Score
* Calcium Scan of the Heart
* Calcium Scan Test
* Cardiac Scoring
* Cardiac CT for Calcium Scoring စသဖြင့် ခေါ်ဆိုနိုင်ပါတယ်။

✅ဤစစ်ဆေးမှုမှာ
✅ကွန်ပြူတာ ဓာတ်မှန်ရိုက်ခြင်း (CT scan) ကိုအသုံးပြု၍
✅နှလုံးသွေးကြောများရဲ့ ပုံရိပ်များကို ဖော်ထုတ်ပြီး
✅ကယ်လ်စီယမ်နှင့် ပလတ်ခ်များ ရှိ/မရှိ၊
✅မည်သည့်နေရာတွင် ရှိနေသည်ကို စစ်ဆေးခြင်း
✅Plaqueများ ရှိနေခြင်းက သွေးကြောမာကြောရောဂါ (Arteriosclerosis)ရဲ့ အညွှန်းကိန်းဖြစ်ကာ
✅နှလုံးနှင့်သွေးကြောရောဂါများ ဖြစ်ပွားနိုင်ခြေကို ကြိုတင်ခန့်မှန်းနိုင်ပါတယ်။

👨‍⚕️CAC စစ်ဆေးခြင်းရဲ့ အားသာချက်များ
📌မြန်ဆန်ခြင်း
📌နာကျင်မှု မရှိခြင်း
📌ခန္ဓာကိုယ်ကို ဖောက်ထွင်းရန် မလိုအပ်သော လုပ်ငန်းစဥ်ဖြစ်ပြီး
📌ဆေးရုံတက်စရာ မလိုပါ
📌ဓာတ်ရောင်ခြည် ထိတွေ့မှု အလွန်နည်းပါး

👨‍⚕️ဘယ်လိုလူတွေ စစ်ဆေးခြင်း ပြုလုပ်သင့်သလဲ?

❗အသက် ၄၀ နှစ် နှင့် အထက်
❗မိသားစုမျိုးရိုးထဲတွင် နှလုံးရောဂါရှိသောသူများ
❗သွေးတွင်း အဆီဓာတ်များခြင်း (Hyperlipidemia)
❗သွေးတိုးရောဂါရှိသူများ
❗ကိုယ်လက်လှုပ်ရှားမှု နည်းပါးခြင်း
❗ကိုယ်အလေးချိန် များပြားခြင်း
❗ယခင်က သို့မဟုတ် အခုလက်ရှိ ဆေးလိပ်သောက်နေသူများ
❗ဆီးချိုရောဂါရှိသူများ
❗မိသားစုတွင် မျိုးရိုးလိုက်သော အဆီဓာတ်များခြင်း (Familial Hypercholesterolemia) ရောဂါရှိပါက အသက် ၄၀ မတိုင်မီကတည်းက စစ်ဆေးသင့်ပါတယ်။

🛑စစ်ဆေးမှု မပြုလုပ်မီ ၄ နာရီအတွင်း ဆေးလိပ်၊ အရက်နှင့် ကဖင်းဓာတ်ပါသော အစားအသောက်များ ရှောင်ကြဉ်ပါ။
🛑စစ်ဆေးမှု ပြုလုပ်နေစဥ်
🛑နှလုံး၏ လှုပ်ရှားမှုကို မှတ်တမ်းတင်နိုင်ရန် ရင်ဘတ်တွင် လျှပ်ကူးပြားများ တပ်ဆင်ထားပါမယ်။
🛑CT စကင်နာထဲသို့ ရွေ့လျားဝင်ရောက်နိုင်သော စားပွဲပေါ်တွင် လဲလျောင်းနေရပါမယ်။
🛑နှလုံးရဲ့ ပုံရိပ်များကို ကောင်းစွာ မြင်ရဖို့အတွက် လိုအပ်ရင် နှလုံးခုန်နှုန်းနှေးစေသော ဆေးဝါးများ ပေးနိုင်ပါတယ်။
🛑ပုံရိပ်များ ရိုက်ကူးနေစဥ် အသက် ခန အောင့်ထားရန် လိုအပ်ပါတယ်။
🛑ရိုက်ကူးနေစဥ် ညွှန်ကြားမှု ပေးပါလိမ့်မယ်
🛑စစ်ဆေးမှုက ၁၀ မှ ၁၅ မိနစ်ခန့် ကြာပါမယ်။

👨‍⚕️စစ်ဆေးမှု အဖြေအနေနဲ့
⭕Score - 0 ကယ်လ်စီယမ် မတွေ့ရှိပါ၊ နှလုံးဖောက်ခြင်း ဖြစ်ပွားနိုင်‌ခြေ အလွန်နည်းပါးပါတယ်။
⭕Score 100 - 300 - Plaqueများ အသင့်အတင့် စုပုံနေပြီး နှလုံးရောဂါ ဖြစ်ပွားနိုင်ခြေ အနည်းငယ် မြင့်မားပါတယ်။
⭕Score >300 နှလုံးရောဂါဖြစ်နိုင်ခြေ အလွန်မြင့်မားပါတယ်။

🫀CAC scoring systemက နှလုံးရောဂါ ဖြစ်ပွားနိုင်ခြေကို ခန့်မှန်းရန် နည်းလမ်းတစ်ခုသာဖြစ်ပြီး မိသားစုမျိုးရိုး၊ ဆေးလိပ်သောက်သုံးမှုအလေ့အထ၊ သွေးပေါင်ချိန်၊ ကိုလက်စထရောအဆင့် စတဲ့ အခြားသော အချက်များကိုလဲ ထည့်သွင်းစဥ်းစားဖို့ လိုအပ်ပါတယ်။

👨‍⚕️CAC Scoring မြင့်နေရင် ဘာလုပ်လို့ ရမလဲ?
✨အဖြေကတော့ Lifestyle Modification နေထိုင်မှုပုံစံ ပြောင်းလဲခြင်းပါ

1️⃣အစားအသောက်ပုံစံ ပြောင်းလဲခြင်း
❗Trans Fatsကို ရှောင်ကြဉ်ပါ - ပြုပြင်ထားသောအစားအစာများ၊ ကြော်ထားသောအစားအစာများနှင့် မုန့်အချိုပွဲများကို ရှောင်ကြဉ်ပါ။
❗Saturated Fats (ပြည့်ဝဆီများ) ကို လျှော့ချပါ - အနီရောင်အသား၊ အဆီပြည့်နို့ထွက်ပစ္စည်းများ၊
❗ကျန်းမာရေးနှင့်ညီညွတ်သော အဆီများဖြစ်တဲ့ ထောပတ်သီး၊ အခွံမာသီးများ (ဗာဒံစေ့၊ သစ်ကြားသီး)၊ စေ့များနှင့် သံလွင်ဆီတို့ကို ထည့်သွင်းစားသုံးပါ။
❗Soluble Fiber (ပျော်ဝင်နိုင်သော အမျှင်ဓာတ်) ကို ပိုမိုစားသုံးပါ - အုတ်ဂျုံ၊ ဘာလီ၊ ပဲမျိုးစုံ၊ ပန်းသီးနှင့် ချဉ်သောအသီးများမှ ရရှိနိုင်ပါတယ်။
❗Omega-3 Fatty Acids ကို ပိုမိုစားသုံးပါ - အဆီများသောငါးများ (ဆယ်လ်မွန်၊ မက်ကရယ်၊ ဆာဒင်းငါး) ကို စားသုံးခြင်းနှင့် ဆေးဝါးများမှ ရရှိပါမယ်။
❗ဆိုဒီယမ် (ဆား) ကို ကန့်သတ်ပါ - သွေးပေါင်ချိန်ထိန်းချုပ်ရန် ။
❗ဆိုဒါ၊ အချိုရည်နှင့် စွမ်းအားဖြည့်အချိုရည်များကို ရှောင်ကြဉ်ပါ။

2️⃣ကိုယ်လက်လှုပ်ရှားမှု
✅ကိုယ်လက်လှုပ်ရှားမှုကို နေ့စဥ်အလေ့အကျင့်တစ်ခုအဖြစ် ပြုလုပ်ဖို့ လိုအပ်ပါတယ်
✅တရက်ကို မိနစ် ၃၀ခန့် လမ်းလျှောက်ခြင်း

3️⃣ဆေးလိပ်ဖြတ်ခြင်း
⭕ဆေးလိပ်သောက်ခြင်းက သွေးကြောနံရံများကို ပျက်စီးစေပြီး plaqueဖြစ်စေခြင်း၊ သွေးခဲခြင်း စတာတွေကို ပိုမိုမြန်ဆန်စေပါတယ်။

4️⃣ကိုယ်အလေးချိန် ထိန်းသိမ်းခြင်း
✅ကျန်းမာသော ကိုယ်အလေးချိန်ကို ထိန်းသိမ်းပါ
✅ကိုယ်အလေးချိန်ကို ၅-၁၀% လျှော့ချခြင်းကပင်
သွေးပေါင်ချိန်၊ ကိုလက်စထရောနှင့် သွေးတွင်းသကြားဓာတ်များကို သိသိသာသာ လျော့ကျစေနိုင်ပါတယ်။

5️⃣အရက် ဘီယာ အလွန်အကျွံသောက်သုံးခြင်းက
⭕သွေးပေါင်ချိန်နဲ့ ကိုလက်စထရောကို မြင့်တက်စေပြီး ကိုယ်အလေးချိန် တက်စေနိုင်ပါတယ်။

6️⃣ဆေးဝါးဖြင့် ကုသခြင်း
✅သွေးတွင်းအဆီကျဆေး - LDL ကိုလက်စထရောကို ထိရောက်စွာ လျှော့ချပေးရန်
✅ဆီးချိုရောဂါအတွက် ဆေးဝါးများ
✅သွေးတိုးရောဂါအတွက် ဆေးဝါးများ

🍀အဓိက အရေးကြီးတဲ့အချက်အနေနဲ့ CAC scoringအမှတ်များကို ကနဦး သတိပေးချက်အနေနဲ့ သဘောထားရန် လိုအပ်ပါတယ်။
🍀Lifestyle Modificationဖြင့် ကျန်းမာပျော်ရွှင်သော နေထိုင်မှုပုံစံကို ပြောင်းလဲပြီး
🍀သက်ရှည်ကျန်းမာသော ဘဝများ ရရှိနိုင်ရန်
🍀သက်ဆိုင်ရာအထူးကုဆရာဝန်နဲ့ စောစီးစွာ ကုသနိုင်ရန်အတွက် ရည်ရွယ်ပါတယ်။

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

29/11/2025

👨‍⚕️ဓာတ်ရောင်ခြည်ကုသမှု(Radiotherapy)အတွက် Medparkဆေးရုံကို ဘာကြောင့် ရွေးချယ်သင့်တာလဲ?

🍀မက်ပါခ်ဆေးရုံမှ ရောင်ခြည်ကုထုံးဝန်ဆောင်မှု

✅ထိုင်းနိုင်ငံ၊ ဘန်ကောက်မြို့ရှိ မက်ပါခ်ဆေးရုံ၊ Light of Day Radiation Oncology Center** ဟာ ကင်ဆာရောဂါကုသရာမှာ ထိပ်တန်းစံချိန်စံညွှန်းများနှင့် အကောင်းဆုံးလုပ်ထုံးလုပ်နည်းများကို အသုံးပြု၍ အစောပိုင်းအဆင့်မှ ရှုပ်ထွေးခက်ခဲသော အဆင့်အထိ ကင်ဆာအမျိုးအစားအားလုံးအတွက် စုံလင်သည့် ကုသမှုဝန်ဆောင်မှုများ ပေးအပ်လျက်ရှိပါတယ်။

✅အတွေ့အကြုံရင့် ရောင်ခြည်ကုသဆေးပညာရှင်များမှ ဦးဆောင်ပြီး ကုသမှုအစီအစဉ်ကို ရေးဆွဲဆောင်ရွက်ပေးခြင်း
✅ပေါင်းစပ်ကုထုံးများ - ကီမိုဆေးသွင်းကုထုံး၊ ကိုယ်ခံအားကုထုံး၊ ပစ်မှတ်ထားကုထုံး၊ ရောင်ခြည်ကုထုံး၊ ရိုးတွင်းခြင်ဆီ အစားထိုးကုထုံးနှင့် ခွဲစိတ်ကုထုံးစသည့် ကုထုံးမျိုးစုံကို လိုက်လျောညီထွေရှိစွာ ပေါင်းစပ်အသုံးပြုကုသပေးခြင်း
✅ခေတ်မီအဆင့်မြင့် ဆေးပညာစက်ကိရိယာများ - နည်းပညာအသစ်များနှင့် ခေတ်မီသော စက်ကိရိယာများကို အသုံးပြု၍ ကုသမှုပေးခြင်း။
✅စဥ်ဆက်မပြတ် ကြည့်ရှုစောင့်ရှောက်မှု - ကုသမှုအပြီး ပုံမှန်ပြန်လည်စစ်ဆေးကာ ရေရှည်စောင့်ကြည့်မှုများ ဆောင်ရွက်ပေးခြင်း။

👨‍⚕️Radiotherapyနဲ့ ပတ်သက်ပြီး အမေးများသော မေးခွန်းများ

👨‍⚕️နာကျင်မှုရှိလား။
📌ရောင်ခြည်ကုထုံးခံယူရာတွင် ရုတ်တရက် နာကျင်မှု သို့မဟုတ် ပူလောင်မှုကို ခံစားရခြင်း မရှိပါ။
📌ကုသမှုအတွင်း အသုံးပြုသော ရောင်ခြည်သည် ရင်ဘတ်ဓာတ်မှန် သို့မဟုတ် ကွန်ပျူတာဓာတ်မှန် (CT scan) တွင် အသုံးပြုသည့် ရောင်ခြည်နှင့် ဆင်တူပါတယ်။

👨‍⚕️ရောင်ခြည်ကုထုံးကြောင့် ဆံပင်ကျွတ်သလား။
📌Radiotherapyဆိုတာ ဖြစ်နေတဲ့ ကင်ဆာအစိတ်အပိုင်းကိုသာ အဓိကထားပြီး ဓာတ်ရောင်ခြည် ပေးခြင်းဖြစ်ပါတယ်။
📌ဥပမာ - ရင်သားကင်ဆာအတွက် ရောင်ခြည်ကုထုံးဟာ ရင်သားနေရာကိုသာ သက်ရောက်မှုရှိပြီး ဆံပင်ကျွတ်ခြင်းကို မဖြစ်စေနိုင်ပါ။
📌ခေါင်းအတွက် ရောင်ခြည်ကုထုံးခံယူမှသာ ထိုနေရာတွင်ရှိသော ဆံပင်ကျွတ်ခြင်း ဘေးထွက်ဆိုးကျိုး ဖြစ်နိုင်ပါတယ်။

👨‍⚕️ရောင်ခြည်ကုထုံးနှင့် ကီမိုကုထုံး ဘာကွာလဲ။
📌ကီမိုကုထုံးက ဆေးများကို သွေးကြောထဲသို့ သို့မဟုတ် ပါးစပ်မှတစ်ဆင့် ပေးခြင်းဖြင့် ခန္ဓာကိုယ်တစ်ခုလုံးရှိ ကင်ဆာဆဲလ်များကို ရည်ရွယ်ပါတယ်။
📌ရောင်ခြည်ကုထုံးကတော့ ဓာတ်ရောင်ခြည်များကို အသုံးပြု၍ အကျိတ် (သို့) ကင်ဆာဖြစ်နေသော ခန္ဓာကိုယ်၏ အစိတ်အပိုင်းတစ်ခုတည်းကိုသာ အဓိကထား တိုက်ခိုက်ခြင်း ဖြစ်ပါတယ်။

👨‍⚕️ရောင်ခြည်ကုထုံး ဘယ်လောက်ကြာကြာခံယူရလဲ။
📌စုစုပေါင်းကုသမှုကာလက ၂ ပတ်မှ ၇ ပတ်အထိ ကြာတတ်ပါတယ်။
📌ကြာချိန်ကတော့ ၁၅-၂၀ မိနစ်ခန့် ကြာပြီး
📌ရောဂါအမျိုးအစားပေါ် မူတည်ပါတယ်

👨‍⚕️ကင်ဆာပျောက်ကင်းနိုင်သလား။
📌ပျောက်ကင်းမှု ရလာဒ်က ကင်ဆာအမျိုးအစားနဲ့ အဆင့်ပေါ်မှာ မူတည်ပါတယ်။
📌အစောပိုင်းအဆင့်မှာ ရှာဖွေတွေ့ရှိပါက ကုသပျောက်ကင်းနိုင်ခြေ ၉၀% ထိ ရှိနိုင်ပါတယ်။
📌ကင်ဆာအဆင့်မြင့်နေတဲ့ လူနာတွေမှာ ဓာတ်ရောင်ခြည်ကုသမှုရဲ့ ရည်ရွယ်ချက်မှာ ရောဂါလက္ခဏာများ သက်သာစေရန် အဓိက ဖြစ်ပါတယ်။

✅အဲ့ဒါကြောင့် နှစ်စဥ် ကျန်းမာရေးစစ်ဆေးမှုတွေ ပြုလုပ်ပြီး ရောဂါများကို အစောပိုင်းအဆင့်မှာ ရှာဖွေတွေ့ရှိနိုင်ဖို့က အရေးကြီးလှပါတယ်။

👨‍⚕️ရောင်ခြည်ကုထုံး ခံယူပြီးနောက် မိမိကိုယ်ကို ဂရုစိုက်နည်း

ရောင်ခြည်ကုထုံးခံယူပြီးနောက် ခန္ဓာကိုယ်ပြန်လည်သန်စွမ်းရေးနှင့် ဘေးထွက်ဆိုးကျိုးများ သက်သာစေရန်အတွက် အောက်ပါအတိုင်း မိမိကိုယ်ကို ဂရုစိုက်သင့်ပါတယ်

✨ဆရာဝန်ညွှန်ကြားထားသော ဆေးဝါးအားလုံးကို ညွှန်ကြားချက်အတိုင်း မှန်မှန်သောက်သုံးပါ။
✨ပုံမှန်အတိုင်း ရေချိုးနိုင်သော်လည်း ရောင်ခြည်သင့်ထားသော အရေပြားနေရာနှင့် အမှတ်အသားပြုထားသည့် နေရာများကို ပွတ်တိုက်ခြင်းမှ ရှောင်ကြဉ်ပါ။
✨ရောင်ခြည်သင့်ထားသော အရေပြားကို နေရောင်ခြည် သို့မဟုတ် အပူချိန်မြင့်မားခြင်းမှ ကာကွယ်ပါ။
✨ရေဓာတ်ပြည့်ဝစေရန် ရေများများသောက်ပါ။
✨အသား၊ ငါး၊ ဥအမျိုးမျိုး၊ နို့ထွက်ပစ္စည်းများ၊ ပဲအမျိုးမျိုးကဲ့သို့သော ပရိုတင်းဓာတ်ကြွယ်ဝသည့် အစားအစာများကို မျှတစွာ စားသုံးပါ။
✨ကိုယ်လက်လှုပ်ရှားမှု ပုံမှန်ပြုလုပ်ပါ။
✨အိပ်ရေးဝဝအိပ်ပါ။
✨ဆေးလိပ်သောက်ခြင်း၊ အရက်သောက်ခြင်း၊ ဆရာဝန်ခွင့်မပြုသော ဆေးဖက်ဝင်အပင်များ သို့မဟုတ် ဆေးဝါးများ အသုံးပြုခြင်းမှ ရှောင်ကြဉ်ပါ။
✨နူးညံ့သော Brushပါတဲ့ သွားတိုက်တံကို အသုံးပြုပါ။ သွားကြားထိုးခြင်း (dental floss) ကို ပုံမှန်ပြုလုပ်ပါ။
✨ဆရာဝန် ညွှန်ကြားထားသော ခံတွင်းဆေးရည်ဖြင့် မကြာခဏ ပလုပ်ကျင်းပါ

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#

26/11/2025

👨‍⚕️ရောင်ခြည်ကုထုံး (Radiotherapy)ဆိုတာ?

✅ကင်ဆာရောဂါကုသရေးအတွက် အခြေခံဖြစ်တဲ့ ကုထုံးတစ်မျိုးဖြစ်ပြီး

✅ကင်ဆာဆဲလ်များရဲ့ မျိုးရိုးဗီဇ (DNA) ကို ဖျက်ဆီးကာ ထပ်မပွားအောင်၊

✅တဖြည်းဖြည်း သေဆုံးသွားအောင်နဲ့ နောက်ဆုံးမှာ ခန္ဓာကိုယ်ကနေ ပပျောက်သွားစေဖို့အတွက်

✅ဓာတ်မှန် (X-rays)၊ ဂမ်မရောင်ခြည် (gamma rays) သို့မဟုတ် ဓာတ်ရောင်ခြည် အမှုန်များ (charged particles) ကဲ့သို့သော စွမ်းအင်မြင့် ရောင်ခြည်များကို အကျိတ်ပေါ်သို့ သက်ရောက်စေခြင်းဖြစ်ပါတယ်။

✅ရောင်ခြည်ကုထုံးဟာ အကျိတ်များကို ကျုံ့သွားစေခြင်း၊ ကင်ဆာနှင့်ဆက်စပ်သော နာကျင်မှုများကို သက်သာစေခြင်း၊ ကင်ဆာ ပြန်ဖြစ်နိုင်ခြေ လျော့ကျစေခြင်းနှင့် ခွဲစိတ်ကုထုံး၊ ကီမိုဆေးသွင်းကုထုံး သို့မဟုတ် ပစ်မှတ်ထားကုထုံးစသော အခြားသော ပေါင်းစပ်ကုထုံးများရဲ့ ထိရောက်မှုကို မြှင့်တင်ပေးနိုင်ပါတယ်။

✅ရောင်ခြည်ကုထုံးဟာလည်း လူတစ်ဦးနှင့်တစ်ဦး ကွဲပြားမှုရှိတဲ့အတွက်ကြောင့် ရောင်ခြည်ကုသဆေးပညာရှင်က ကင်ဆာ အမျိုးအစား၊ အဆင့်နဲ့ အကျိတ် အရွယ်အစား၊ လူနာရဲ့ ကျန်းမာရေးအခြေအနေ စတာတွေအပေါ်မူတည်ပြီး ကုသမှုပုံစံကို ဆုံးဖြတ်ပေးပါတယ်။

✅ယခုအခါတွင် ရောင်ခြည်ကုသရေး စက်ပစ္စည်းများဟာ ပိုမိုအဆင့်မြင့်မားလာပြီး ခေတ်မီသော ရောင်ခြည်စက်များက ကင်ဆာဆဲလ်များကို အတိအကျ ဖျက်ဆီးနိုင်စွမ်းရှိသလို အနီးအနားမှာရှိတဲ့ ကျန်းမာသော တစ်ရှူးများအပေါ် သက်ရောက်မှု အနည်းငယ်သာ ရှိစေပါတယ်။

👨‍⚕️ရောင်ခြည်ကုထုံးရဲ့ ကောင်းကျိုးများ

▫️ရောဂါကို ထိန်းချုပ်ခြင်း
📌ကင်ဆာ ကြီးထွားမှုကို ရပ်တန့်စေပြီး ကျုံ့သွားစေကာ အနီးအနားမှာရှိတဲ့ အစိတ်အပိုင်းတွေဆီကို ကင်ဆာဆဲလ်များ ပြန့်ပွားမှုကိုလည်း ကာကွယ်ပေးနိုင်ပါတယ်။

▫️ကုသမှု ထိရောက်စေရန် မြှင့်တင်ခြင်း
📌အခြားကင်ဆာဆေးကုထုံးများ မစတင်မီ သို့မဟုတ် ကင်ဆာဆေးများသွင်းပြီးနောက် (ဖြည့်စွက်ကုထုံး) ရောင်ခြည်ကုထုံး
📌ခွဲစိတ်ကုသပြီးနောက် ကင်ဆာပြန်ဖြစ်နိုင်ခြေ သို့မဟုတ် ပြန်ရည်ကြောများသို့ ပြန့်ပွားနိုင်ခြေကို လျှော့ချရန်

▫️ရောဂါဝေဒနာ သက်သာရေး
📌ကင်ဆာရောဂါသည်များ နောက်ဆုံးအဆင့်သို့ ရောက်ရှိပါက ရောင်ခြည်ကုထုံးဟာ
နာကျင်မှုဝေဒနာကို သက်သာစေခြင်း၊
📌အကိုက်အခဲပျောက်ဆေးများ အသုံးပြုရန် လိုအပ်ချက်ကို လျှော့ချပေးခြင်း၊
📌ကင်ဆာအကျိတ်မှ သွေးယိုစိမ့်မှုကို ထိန်းချုပ်ပေးခြင်းတို့ဖြင့် လူနာရဲ့ နေ့စဉ်ဘဝအရည်အသွေးကို မြှင့်တင်ပေးနိုင်ပါတယ်။

▫️အရှင်းပျောက်ကင်းစေရန်
📌ရောင်ခြည်ကုထုံးဖြင့် ကင်ဆာရောဂါကို အပြီးတိုင် ကုသနိုင်ရန် ရည်ရွယ်ပါတယ်။
📌ကင်ဆာအမျိုးအစားအချို့ဟာ ရောင်ခြည်ကုထုံးတစ်မျိုးတည်းနဲ့ သို့မဟုတ် အခြားကုထုံးများနဲ့ ပေါင်းစပ်ကုသကာ ပျောက်ကင်းနိုင်ပါတယ်။

👨‍⚕️ရောင်ခြည်ကုထုံးဖြင့် ကုသနိုင်သော ရောဂါများ

⭕ခေါင်းနှင့် လည်ချောင်း regionကင်ဆာများ
* ဦးနှောက်ကင်ဆာ
* နှာခေါင်းနှင့် နှာခေါင်းအတွင်းပိုင်း လေအိတ်ကင်ဆာ
* နှာခေါင်းနောက်ပိုင်း လည်ချောင်းအထက် ကင်ဆာ (Nasopharyngeal Cancer)
* ပါးစောင်၊ သွားဖုံး၊ နှုတ်ခမ်း၊ ပါးစောင်အောက်ခြေကင်ဆာ (Oral Cancer)
* သိုင်းရွိုက် ကင်ဆာ
* အာသီးကင်ဆာ
* လည်ချောင်းသံပြွန်ကင်ဆာ (Laryngeal Cancer)
* လျှာကင်ဆာ

⭕ရင်ဘတ်ပိုင်း
* အဆုတ်ကင်ဆာ
* ရင်သားကင်ဆာ

⭕အစာအိမ်နှင့် အူလမ်းကြောင်းကင်ဆာများ
* အစာပြွန်ကင်ဆာ
* အူမကြီးကင်ဆာ
* အသည်းကင်ဆာ
* ပန်ကရိယ (သရက်ရွက်) ကင်ဆာ

⭕ဆီးလမ်းကြောင်းနှင့် မျိုးပွားအင်္ဂါကင်ဆာများ
* ဆီးအိမ်ကင်ဆာ
* သားအိမ်ကင်ဆာ
* သားအိမ်ခေါင်းကင်ဆာ
* သားအိမ်အတွင်းဆုံးအလွှာကင်ဆာ (Endometrial Cancer)
* ဆီးကြိတ် (ပရော့စတိတ်) ကင်ဆာ

⭕အခြားသော အခြေအနေများ
* ကယ်လွိုက် (Keloid) သို့မဟုတ် ဟိုက်ပါထရိုဖစ် (Hypertrophic) အမာရွတ်များ ပြန်လည်မ ပေါက်ပွားစေရန် ကာကွယ်ကုသခြင်း။

👨‍⚕️ရောင်ခြည်ကုထုံး အမျိုးအစားများ

လက်ရှိတွင် အသုံးပြုနေသော ရောင်ခြည်ကုထုံး အမျိုးအစား (၂) မျိုး ရှိပါတယ်

1️⃣ခန္ဓာကိုယ်ပြင်ပ ရောင်ခြည်ကုထုံး (External Beam Radiotherapy - EBRT)
🛑ဤကုထုံးတွင် ခန္ဓာကိုယ်ပြင်ပ၌ ရှိသော လီနီယာ အရှိန်မြှင့်စက် (Linear Accelerator Machine) မှ ထုတ်လွှတ်သည့် စွမ်းအင်မြင့် ရောင်ခြည်တန်းကို ခန္ဓာကိုယ်အတွင်းရှိ အကျိတ် သို့မဟုတ် ကင်ဆာဆဲလ်များဆီသို့ တိုက်ရိုက် ထိုးသွင်းခြင်း ပါဝင်သည်။
🛑ထိုသို့ ထိုးသွင်းရာတွင် (၂) ဖက်မြင်ပုံစံ (2D), (၃) ဖက်မြင်ပုံစံ (3D Conformal Radiotherapy - CRT), ရောင်ခြည်ပြင်းအား ထိန်းညှိခြင်း (Intensity-Modulated Radiation Therapy - IMRT) သို့မဟုတ် ထုထည်အလိုက် ရောင်ခြည်ပြင်းအား ထိန်းညှိခြင်း (Volumetric Modulated Arc Therapy - VMAT) စသည့် နည်းပညာများကို အသုံးပြုပါသည်။
🛑အကျိတ်၏ တည်နေရာနှင့် ပမာဏကို အတိအကျ သတ်မှတ်ရန် CT Simulator ကို အသုံးပြုပါသည်။
🛑တိကျသော ပုံရိပ်ဖော်ခြင်းဖြင့် ရောင်ခြည်တန်း၏ အရွယ်အစား၊ ပုံသဏ္ဍာန်၊ ထိုးသွင်းသည့်လမ်းကြောင်းနှင့် ပမာဏ (ပြင်းအား) ကို သတ်မှတ်ကာ အနီးအနားရှိ ကျန်းမာသော တစ်ရှူးများကို အနည်းဆုံး ထိခိုက်မှုဖြင့် အကျိတ်ဆီသို့ မှန်ကန်သော ရောင်ခြည်ပမာဏ ရောက်ရှိစေပါတယ်။

2️⃣ခန္ဓာကိုယ်တွင်း ရောင်ခြည်ကုထုံး (Brachytherapy)
🛑ဤနည်းလမ်းတွင် ရေဒီယိုသတ္တိကြွ ပစ္စည်းကို ခန္ဓာကိုယ်အတွင်းသို့ အကျိတ်အတွင်း သို့မဟုတ် အကျိတ်နှင့် ကပ်လျက်ကို တိုက်ရိုက် ထည့်သွင်းခြင်း ဖြစ်ပါတယ်။
🛑Brachytherapy သည် ကင်ဆာဆဲလ်များကို ဖျက်ဆီးရန်အတွက် ကင်ဆာဆဲလ်များဆီသို့ တိကျသော ရောင်ခြည်ပမာဏကို အချိန်တိုအတွင်း တိုက်ရိုက် ထုတ်လွှတ်ပေးပါတယ်။
🛑ထို့နောက် ရေဒီယိုသတ္တိကြွ ပစ္စည်းများကို ခန္ဓာကိုယ်မှ ပြန်လည် ထုတ်ယူပြီး ကျန်ရှိနေသော ရောင်ခြည်သင့်မှု မရှိသလို အနီးအနားရှိ သူများအတွက်လည်း အန္တရာယ် မရှိစေပါ။
🛑 ကုသမှုအစီအစဉ်နှင့် ထည့်သွင်းရမည့် နေရာအတိအကျလမ်းညွှန်ရန်အတွက် အာထရာဆောင်း သို့မဟုတ် CT ရိုက်ခြင်းကို ပြုလုပ်ရပါတယ်။

❤️𝐌𝐞𝐝𝐏𝐚𝐫𝐤 𝐇𝐨𝐬𝐩𝐢𝐭𝐚𝐥 မြန်မာပြည်ရုံး ❤️

ရန်ကုန်ရုံး
🏠 အမှတ် ၉၀၊ ဗိုလ်တထောင်စျေးလမ်း၊ ကုန်သည်လမ်းနှင့် ကမ်းနားလမ်းကြား၊ ဗိုလ်တထောင်မြို့နယ်။
𝟎𝟗 𝟕𝟕𝟐 𝟖𝟖𝟖𝟖 𝟓𝟕 (𝐇𝐨𝐭 𝐋𝐢𝐧𝐞), 𝟎𝟗 𝟗𝟒 𝟎𝟎𝟎𝟎 𝟔𝟖𝟖 (𝐎𝐟𝐟𝐢𝐜𝐞 𝐇𝐨𝐮𝐫𝐬)

မန္တလေးရုံး
🏠 ၆၆လမ်း၊ ၄၁ နှင့် ၄၂လမ်းကြား၊ ၄၂ထောင့်အနီး။
𝟎𝟗 𝟕𝟕𝟐 𝟕𝟕𝟐 𝟔𝟐𝟖 (𝐇𝐨𝐭 𝐋𝐢𝐧𝐞), 𝟎𝟗 𝟒𝟎𝟕𝟐 𝟗𝟗 𝟖𝟏𝟐 (𝐎𝐟𝐟𝐢𝐜𝐞 𝐇𝐨𝐮𝐫𝐬)

#