WUTT YEE - Pharmacy

28/01/2026

လက်ရှိ အိန္ဒိယနိုင်ငံ အနောက်ဘင်္ဂလားပြည်နယ်မှာ တစ်ကျော့ပြန် ဖြစ်ပွားလာတဲ့ နီပါးဗိုင်းရပ်စ် ဟာ အာရှတစ်လွှားကို ထိတ်လန့်တုန်လှုပ်စေရုံတင်မကဘဲ ကမ္ဘာ့ကျန်းမာရေးအဖွဲ့ ကပါ ကပ်ရောဂါအသွင် ပြန့်ပွားနိုင်ခြေရှိတဲ့ ဦးစားပေးရောဂါ အဖြစ် သတ်မှတ်ထားရပါတယ် ဒီဗိုင်းရပ်စ်ဟာ ကုသဆေးနဲ့ ကာကွယ်ဆေး လုံးဝမရှိသေးတဲ့အပြင် ကူးစက်ခံရရင် လူ ၁၀၀ မှာ ၇၅ ယောက်အထိ သေဆုံးနိုင်တဲ့ အလွန်ကြောက်စရာကောင်းတဲ့ ရောဂါပိုးဖြစ်ပါတယ်

နီပါးဗိုင်းရပ်စ်ရဲ့ ရောဂါလက္ခဏာများ

နီပါးဗိုင်းရပ်စ်ရဲ့ အန္တရာယ်အရှိဆုံးအချက်ကတော့ ကူးစက်ခံရစမှာ သာမန်တုပ်ကွေးလိုလို ရောဂါလက္ခဏာတွေနဲ့ ရောထွေးနေတာပါပဲ ရောဂါပျိုးချိန်ဟာ ပုံမှန်အားဖြင့် ၄ ရက်ကနေ ၁၄ ရက်အတွင်း ကြာမြင့်တတ်ပေမဲ့ အချို့ဖြစ်ရပ်တွေမှာ ၄၅ ရက်အထိ ကြာမြင့်နိုင်ပါတယ်

၁။ အစောပိုင်း အဆင့်

အပြင်းအထန် ဖျားခြင်းနှင့် ခေါင်းကိုက်ခြင်း
ကြွက်သားများ နာကျင်ကိုက်ခဲခြင်းနှင့် အလွန်အမင်း နွမ်းနယ်ခြင်း
အော့အန်ခြင်းနှင့် လည်ချောင်းနာခြင်း
ချောင်းဆိုးခြင်းနှင့် အသက်ရှူရခက်ခဲခြင်း

၂။ ပြင်းထန်သော အဆင့်

ရောဂါပိုးဟာ ဦးနှောက်ထဲကို ထိုးဖောက်ဝင်ရောက်သွားတဲ့အခါ အောက်ပါ ကြောက်မက်ဖွယ်လက္ခဏာတွေ ပြလာပါတယ်

စိတ်ရှုပ်ထွေးခြင်းနှင့် ဂယောင်ဂတမ်းဖြစ်ခြင်း
ခန္ဓာကိုယ် တုန်ရီခြင်းနှင့် တက်ခြင်း
ဦးနှောက်ရောင်ရမ်းခြင်းကြောင့် သတိမေ့မြောသွားခြင်း
အလွန်ပြင်းထန်ပါက ၂၄ နာရီမှ ၄၈ နာရီအတွင်း သတိလစ်မေ့မြောသွားပြီးနောက် အသက်ဆုံးရှုံးနိုင်ပါတယ်

ဗိုင်းရပ်စ် ကူးစက်ပျံ့နှံ့ပုံ

နီပါးဗိုင်းရပ်စ်ဟာ တိရစ္ဆာန်မှ လူသို့ ကူးစက်တဲ့ ဗိုင်းရပ်စ် အမျိုးအစားဖြစ်ပါတယ်

လင်းနို့မှတစ်ဆင့် - သစ်သီးစားလင်းနို့တွေဟာ ဒီဗိုင်းရပ်စ်ရဲ့ ပင်မသိုလှောင်ရာ အရင်းအမြစ်ဖြစ်ပါတယ် လင်းနို့ကိုက်ထားတဲ့ သစ်သီးတွေ ဥပမာ - စောင်းလျားသီး၊ သရက်သီး၊ ထန်းရည် ကို လူတွေက စားမိရာကနေ ကူးစက်တာဖြစ်ပါတယ်

တိရစ္ဆာန်မှတစ်ဆင့် - ရောဂါပိုးရှိတဲ့ လင်းနို့ရဲ့ အညစ်အကြေး ဒါမှမဟုတ် တံတွေးနဲ့ ထိတွေ့ထားတဲ့ ဝက်၊ မြင်း၊ ဆိတ် စတဲ့ တိရစ္ဆာန်တွေနဲ့ နီးနီးကပ်ကပ် ထိတွေ့မိရာကနေလည်း ကူးစက်နိုင်ပါတယ်

လူအချင်းချင်း - ကူးစက်ခံထားရသူရဲ့ တံတွေး၊ ဆီး၊ သွေး စတဲ့ ခန္ဓာကိုယ်ထွက်အရည်တွေကို တိုက်ရိုက်ထိတွေ့မိရင် ကူးစက်နိုင်ပါတယ် အထူးသဖြင့် လူနာကို ပြုစုရတဲ့ မိသားစုဝင်တွေနဲ့ ကျန်းမာရေးဝန်ထမ်းတွေမှာ ကူးစက်မှု အများဆုံးဖြစ်ပါတယ်

နောက်ဆက်တွဲ ပြဿနာများ

နီပါးဗိုင်းရပ်စ်ဟာ သေဆုံးနိုင်ခြေ ၄၀ ရာခိုင်နှုန်းကနေ ၇၅ ရာခိုင်နှုန်းအထိ ရှိပါတယ် ဒါဟာ ကိုဗစ်-၁၉ ထက် အဆပေါင်းများစွာ ပိုမိုမြင့်မားတာဖြစ်ပါတယ် ရောဂါကနေ ပြန်လည်သက်သာလာသူတွေမှာတောင်မှ ရေရှည်နောက်ဆက်တွဲဆိုးကျိုးတွေ ခံစားရနိုင်ပါတယ်

ရောဂါကာကွယ်ရေး နည်းလမ်းများ

လက်ရှိအချိန်ထိ ထိရောက်တဲ့ ကုသဆေး မရှိသေးတာကြောင့် ကာကွယ်ရေးဟာ တစ်ခုတည်းသော နည်းလမ်းဖြစ်ပါတယ်

၁။ လင်းနို့ကိုက်ထားတဲ့ လက္ခဏာရှိတဲ့ သစ်သီးတွေကို လုံးဝမစားပါနဲ့

၂။ သစ်သီးတွေကို မစားခင်မှာ အခွံခွာတာ ဒါမှမဟုတ် သေချာစွာ ဆေးကြောတာမျိုး ပြုလုပ်ပါ

၃။ လင်းနို့တွေ နားတတ်တဲ့နေရာက ထွက်တဲ့ လတ်လတ်ဆတ်ဆတ် ထန်းရည်တွေကို သောက်သုံးခြင်းမှ ရှောင်ကြဉ်ပါ

၄။ ဖျားနာနေတဲ့ တိရစ္ဆာန်တွေနဲ့ ထိတွေ့ခြင်းကို ရှောင်ပါ

၅။ လူနာကို ပြုစုရတဲ့အခါ Mask၊ လက်အိတ်နဲ့ အကာအကွယ်ပစ္စည်းတွေကို စနစ်တကျ ဝတ်ဆင်ပါ

၆။ လက်ကို ဆပ်ပြာနဲ့ မကြာခဏ စင်ကြယ်အောင် ဆေးကြောပါ

နီပါးဗိုင်းရပ်စ်ဟာ ၁၉၉၈ ခုနှစ်က မလေးရှားမှာ စတင်တွေ့ရှိခဲ့တာဖြစ်ပြီး လက်ရှိမှာ အိမ်နီးချင်း အိန္ဒိယနိုင်ငံမှာ ကူးစက်မှုတွေ ပြန်လည်တွေ့ရှိနေရတာကြောင့် ပြည်သူတွေအနေနဲ့ ကျန်းမာရေး အသိသတိ မြင့်မားစွာနဲ့ နေထိုင်ကြဖို့ လိုအပ်နေပါပြီ

27/01/2026

** လက်ရှိ အိန္ဒိယနိုင်ငံတွင်း နီပါပိုးကူးစက်မှုဖြစ်စဉ်တွင် သူနာပြု ၂ ဦး ကူးစက်ခံထားရသည့် အခြေအနေမှာ 👉 တစ်ဦးက သတိမေ့မြော (Coma) ဖြစ်နေကာ ကျန်တစ်ဦးမှာ အသက်ရှူစက် တပ်ထားရကြောင်း သိရသည်။
👉 ဒါဟာ နီပါဗိုင်းရပ်စ်ဟာ ဆေးရုံတွင်း ကူးစက်မှု (Hospital-acquired infection) ဖြစ်နိုင်ခြေ အလွန်မြင့်မားနေတာကို ဖော်ပြနေခြင်း ဖြစ်သည်။

​** ဖျားနာလူနာများကို ကုသပေးရသည့် ကျန်းမာရေးဝန်ထမ်းများအနေဖြင့် အပြင်းအဖျားရှိပြီး သတိလစ်ခြင်း သိုမဟုတ် အသက်ရှူလမ်းကြောင်းဆိုင်ရာ ပြဿနာရှိသည့် လူနာများကို ကိုင်တွယ်ရာတွင် စံသတ်မှတ်ထားသော ကာကွယ်ရေးဝတ်စုံများ (နှာခေါင်းစည်း၊ လက်အိတ်) ကို စနစ်တကျ ဝတ်ဆင်ရန် လိုအပ်ကြောင်း မီးမောင်းထိုးပြနေသည်။

** ​မြန်မာပြည်က ဆရာဝန်ကြီးတစ်ဦး လူမှုကွန်ရက်တွင် ပြောကြားထားသလို "စိတ်ပူရန်မရှိ" ဆိုသည်ထက် အိမ်နီးချင်းနိုင်ငံတွင် ဖြစ်ပွားနေသည့် ဖြစ်စဉ်အပေါ် အသိရှိရှိ သတိထားခြင်းက ပိုမိုမှန်ကန်ပါလိမ့်မည်။ ထိုင်း၊ စင်္ကာပူ၊ မလေးရှားဘက်က ကူးစက်မှုအခြေအနေကို စောင့်ကြည့်သည့်နေရာတွင်လည်း မိမိနိုင်ငံအတွင်း ကူးစက်ပျံ့နှံနိုင်ခြေရှိသော လမ်းကြောင်းများကို သေချာစွာ စစ်ဆေးကြပ်မတ်ရန် လိုအပ်ပါသည်။ (ပြည်သူများ ထိတ်လန့်တုန်လှုပ်မှု မဖြစ်စေလိုသည့် ဆရာဝန်ကြီး၏ စေတနာကို နားလည်သော်လည်း သတိရှိရှိ တုံပြန်ခြင်းက ပိုမိုထိရောက်နိုင်ပါသည်)
​အိန္ဒိယတွင် ကူးစက်ခံရသူ ၁၂၀ ကျော်ကို စောင့်ကြည့်နေရပြီး ‌ေ-သဆုံးနှုန်းမှာ ၄၀% မှ ၇၅% အထိ ရှိနေသည့်အတွက် တစ်ဦးတစ်ယောက် ကူးစက်ခံရရုံဖြင့် အသက်အန္တရာယ် အလွန်ကြီးမားနေပါသည်။

​** ထိုင်းနိုင်ငံတွင် အိန္ဒိယနိုင်ငံ အနောက်ဘင်္ဂလားမှ လာရောက်သူများကို လေဆိပ်များ၌ စတင် စစ်ဆေးမှုများ ပြုလုပ်နေပြီ ဖြစ်သည်။ ၎င်းမှာ အလွန်ထိရောက်သည့် တုံပြန်မှုဖြစ်သည်။
** မြန်မာနိုင်ငံအနေဖြင့်လည်း အိန္ဒိယနှင့် နယ်နိမိတ်ချင်း ထိစပ်နေသည့်အပြင် နယ်စပ်ဖြတ်ကျော် သွားလာမှုများ ရှိနေသောကြောင့် ထိုင်းနိုင်ငံကဲ့သိုပင် စောင့်ကြည့်စစ်ဆေးမှုများကို အထူးတင်းကျပ်ရန် အမှန်တကယ် လိုအပ်နေပြီ ဖြစ်ပါသည်။

Crd

27/01/2026

ဟောက်ခြင်း = ညတိုင်း ဦးနှောက် အောက်ဆီဂျင် ပြတ်လပ်နေခြင်း..
😴 ဟောက်တာဟာ... ညတိုင်း "ဦးနှောက် အသက်ရှူကျပ်နေတာ" ပါ။ ​ဒါဟာ ရယ်စရာကိစ္စ မဟုတ်ပါဘူး... ကိုယ်တိုင်မသိလိုက်ဘဲ "အယ်လ်ဇိုင်းမား (Alzheimer)" ရောဂါ (ဝေဒနာရှင်) တစ်ယောက် ဖြစ်လာအောင် ဦးတည်သွားစေနိုင်ပါတယ်။
​လူအတော်များများက "ဟောက်တယ်" ဆိုတာ အသံကျယ်ရုံပဲလို့ ထင်ကြပါတယ်။
ဒါပေမဲ့ ဆေးပညာအရ ခဏခဏဟောက်တာဟာ အိပ်ပျော်နေစဉ် အသက်ရှူရပ်ခြင်း (Sleep Apnea) ရဲ့ သတိပေးချက်တစ်ခု ဖြစ်ပါတယ်။
ဒါဟာ ဘာကို ဆိုလိုတာလဲဆိုရင်...
​🧠 ကျွန်ုပ်တို့ရဲ့ ဦးနှောက်ဟာ ညတိုင်း အောက်ဆီဂျင် ထပ်ခါတလဲလဲ ပြတ်လပ်နေတာ ဖြစ်နိုင်ပါတယ်။

​🔬 ဦးနှောက်မှာ ဘာတွေဖြစ်လာနိုင်သလဲ?
​ပြင်းပြင်းထန်ထန် ဟောက်တာ ဒါမှမဟုတ် အသက်ရှူရပ်သွားတဲ့ အချိန်မှာ သွေးထဲက အောက်ဆီဂျင်ပမာဏဟာ အခိုက်အတန့်အလိုက် ကျဆင်းသွားပါတယ်။ ဦးနှောက်ဟာ "လေပြတ်လပ်မှုဒဏ်" ကို အကြိမ်ကြိမ် အဖန်ဖန် အောင့်အည်းခံစားရပါတယ်။
​ယင်းရဲ့ အကျိုးဆက်က အိပ်ငိုက်ရုံတင် မဟုတ်ပါဘူး...
ဦးနှောက်ရောင်ရမ်းခြင်း + အာရုံကြောဆဲလ်များ ပျက်စီးခြင်း ကို ဖြစ်ပေါ်စေပါတယ်။
​📉 သုတေသနပြုချက်များအရ...
​Sleep Apnea (အိပ်စဉ်အသက်ရှူရပ်ခြင်း) ဝေဒနာရှင်များတွင် ဖြစ်နိုင်ခြေရှိသည်မှာ -
👉 မှတ်ဉာဏ် ပိုမိုမြန်ဆန်စွာ ယိုယွင်းခြင်း။
👉 ဦးနှောက်ရဲ့ မှတ်ဉာဏ်သိုလှောင်တဲ့အပိုင်း (Hippocampus) ကျုံ့သွားခြင်း။
👉 ပုံမှန်လူထက် အယ်လ်ဇိုင်းမား ဖြစ်နိုင်ခြေ ပိုများခြင်း။
​Harvard Medical School ရဲ့ သုတေသနနဲ့ Journal of Alzheimer’s Disease မှာ ဖော်ပြချက်အရ "အိပ်နေစဉ် အောက်ဆီဂျင်နည်းပါးခြင်း" က အယ်လ်ဇိုင်းမားရောဂါ ဖြစ်စေတဲ့ အဓိကတရားခံ Amyloid-β ပရိုတင်း တွေ စုပုံလာမှုကို ပိုမိုမြန်ဆန်စေတယ်လို့ ဆိုပါတယ်။

​⚠️ လျစ်လျူမရှုသင့်တဲ့ အန္တရာယ်လက္ခဏာများ
• ​ညတိုင်း အသံကျယ်ကျယ် ဟောက်ခြင်း။
• ​​အိပ်နေရင်း အသက်ရှူကျပ်လို့ လန့်နိုးလာခြင်း။
• ​တစ်ညလုံး အိပ်ပေမဲ့ မနက်ကျရင် နုံးနေခြင်း၊ ငိုက်မြည်းနေခြင်း။
• ​မှတ်ဉာဏ်တိုလာပြီး အာရုံစူးစိုက်ရ ခက်လာခြင်း။
🛑 သတင်းကောင်းကတော့... "ကာကွယ်လို့ ရပါတယ်"
​✔️ ဝိတ်ချပါ - ကိုယ်အလေးချိန် လျော့ကျခြင်းက အသက်ရှူလမ်းကြောင်းကို ပွင့်စေပါတယ်။
✔️ အရက်ရှောင်ပါ - မအိပ်ခင် သောက်တာဟာ ကြွက်သားတွေကို ပျော့ခွေစေပြီး ပိုဟောက်စေပါတယ်။
✔️ ဘေးစောင်းအိပ်ပါ - ပက်လက်အိပ်ခြင်းထက် အသက်ရှူရ ပိုချောမွေ့စေပါတယ်။
✔️ Sleep Test စစ်ဆေးပါ - လိုအပ်ရင် ဆရာဝန်နဲ့တိုင်ပင်ပြီး အိပ်စက်မှုကို စစ်ဆေးပါ။
✔️ စောစောစီးစီး ကုသခြင်း = ရေရှည်အတွက် ဦးနှောက်ကို ကာကွယ်ခြင်း။

​💬 အနှစ်ချုပ်
​ဟောက်ခြင်းဟာ ဘေးကလူကို အနှောင့်အယှက်ပေးရုံတင် မဟုတ်ပါဘူး။ သင့်ဦးနှောက်က "ငါ အောက်ဆီဂျင် ပြတ်နေပြီ" လို့ အော်ဟစ် အကူအညီတောင်းနေတာပါ။
​👉 အိပ်စက်မှုကို ဂရုစိုက်ခြင်း = ဦးနှောက်ကို ဂရုစိုက်ခြင်း
👉 ဒီနေ့ ဟောက်တာကို ကုသခြင်း = အနာဂတ်မှာ အယ်လ်ဇိုင်းမား ဖြစ်နိုင်ခြေကို လျှော့ချခြင်း

​✅ အဆုံးထိ ဖတ်ပြီးသွားသူများ "ကောင်းသည်" လို့ ကော်မန့်ပေးခဲ့ကြပါဦး။ ဆရာမတူး အတွက်လည်း Share ပေးသွားကြပါဦးနော်။ ❤️❤️

MON SOUNG


#ဦးနှောက်

26/01/2026

25/01/2026

ဖြစ်နေတာကတော့ India မှာပါ
သတိတော့ထားမှ

Crd AI info team
🔴 နီပါဗိုင်းရပ်စ် (Nipah Virus)၏ ရှေ့ပြေး
လက္ခဏာများနှင့် စစ်ဆေးအတည်ပြုခြင်း

အိန္ဒိယနိုင်ငံ၊ အနောက်ဘင်္ဂလားပြည်နယ်အတွင်း နီပါးဗိုင်းရပ်စ် ပြန်လည်ခေါင်းထောင်လာခြင်းကြောင့် လူထုအတွင်း စိုးရိမ်ပူပန်မှုများ ရှိနေပါသည်။ ကာကွယ်ဆေးမရှိသေးသော ဗိုင်းရပ်စ်အကြောင်း ကြားရသည့်အခါ ကြောက်ရွံ့ခြင်းမှာ သဘာဝဖြစ်သော်လည်း၊ ကြိုတင်သိရှိနားလည်
ထားခြင်းဖြင့် ဤအန္တရာယ်ကို ကာကွယ်နိုင်မည်
ဖြစ်သည်။

⚠️ အဓိကမှတ်သားရန်အချက်များ

▫️ နီပါးဗိုင်းရပ်စ်၏ ရှေ့ပြေးလက္ခဏာများသည် သာမန်တုပ်ကွေးနှင့် ဆင်တူသော်လည်း လျင်မြန်စွာပင် ပြင်းထန်သော ဦးနှောက်ရောင်ခြင်း (Encephalitis) အဆင့်သို့ ရောက်ရှိသွားနိုင်သည်။

▫️ ရောဂါပိုးကို စစ်ဆေးရာတွင် သာမန်သွေးစစ်ချက်ဖြင့် မရနိုင်ဘဲ အထူးပြုလုပ်ထားသော RT-PCR စစ်ဆေးမှုများ လိုအပ်သည်။

▫️လက်ရှိတွင် သီးသန့်ကုသဆေး မရှိသေးသဖြင့် ရောဂါလက္ခဏာပြသည်နှင့် ချက်ချင်းသီးသန့်ခွဲထားပြီး လိုအပ်သော ထောက်ပံ့ကုသမှုများ (Supportive Care) ကို ပေးရမည်ဖြစ်သည်။

⚠️ ရောဂါဖြစ်စဉ် အဆင့်ဆင့်ကို နားလည်ခြင်း

▫️နီပါးဗိုင်းရပ်စ်သည် ခန္ဓာကိုယ်ထဲသို့ ရောက်ရှိပြီးနောက် ချက်ချင်းလက္ခဏာမပြတတ်ပါ။ ရောဂါပျိုးချိန် (Incubation Period) မှာ ပုံမှန်အားဖြင့် ၄ ရက်မှ ၁၄ ရက် အတွင်း ဖြစ်သော်လည်း၊ အချို့ဖြစ်ရပ်များတွင် ၄၅ ရက် အထိ ကြာမြင့်နိုင်သည်။

▪️အဆင့် (၁) - တုပ်ကွေးကဲ့သို့ လက္ခဏာပြခြင်း (Flu-like Stage)
ကနဦးတွင် သာမန်ဖျားနာခြင်းနှင့် မှားယွင်းနိုင်သဖြင့် အောက်ပါလက္ခဏာများကို ဂရုပြုပါ:
- ရုတ်တရက် အပြင်းဖျားခြင်း၊
- ပြင်းထန်စွာ ခေါင်းကိုက်ခြင်း၊
- ကြွက်သားများ နာကျင်ကိုက်ခဲခြင်း၊
- လည်ချောင်းနာခြင်းနှင့် ပျို့အန်ခြင်း၊

▪️ အဆင့် (၂) - အန္တရာယ်ရှိ အာရုံကြောလက္ခဏာများ (Neurological Signs)
ဤအဆင့်တွင် ဗိုင်းရပ်စ်သည် ဦးနှောက်ကို စတင်တိုက်ခိုက်လာသည်။
- မူးဝေခြင်းနှင့် အလွန်အမင်း အိပ်ငိုက်ခြင်း၊
- သတိလစ်ခြင်း သို့မဟုတ် လူ၊ နေရာ၊ အချိန်တို့ကို ဝေခွဲမရဘဲ စိတ်ရှုပ်ထွေးခြင်း၊
- အသက်ရှူရ ခက်ခဲလာခြင်း၊
- အကြောဆွဲခြင်း သို့မဟုတ် အတက်ရောဂါကဲ့သို့ ဖြစ်ခြင်း၊
- ပြင်းထန်ပါက ၂၄ နာရီမှ ၄၈ နာရီအတွင်း သတိမေ့မြောခြင်း (Coma) ဖြစ်သွားနိုင်သည်။

⚠️ ရောဂါပိုးကို မည်သို့ စစ်ဆေးသနည်း?

နီပါးဗိုင်းရပ်စ်ကို -
အိမ်သုံးစစ်ဆေးကိရိယာ သို့မဟုတ် သာမန်သွေးစစ်
ချက်ဖြင့် မသိနိုင်ပါ။

• ရောဂါဖြစ်ပွားနေစဉ်
နှာခေါင်း၊ လည်ချောင်း သို့မဟုတ် ဆီးနှင့် သွေးနမူ
နာများကိုယူ၍ RT-PCR နည်းဖြင့် စစ်ဆေးသည်။

• ပြန်လည်ကျန်းမာလာချိန်
ခန္ဓာကိုယ်အတွင်းရှိ ခုခံအား (Antibodies) ကို
ELISA နည်းဖြင့် စစ်ဆေး၍ ယခင်က ကူးစက်ခံ
ခဲ့ရခြင်း ရှိ၊ မရှိ အတည်ပြုသည်။

🩺 ကာကွယ်ရေးလမ်းညွှန်ချက်များ (Do's and Don'ts)
ကုသဆေးမရှိသေးသဖြင့် ကာကွယ်ခြင်းသည်
အကောင်းဆုံးဖြစ်သည်။

• ထန်းရည်အစိမ်း မသောက်ပါနှင့်
လင်းနို့များ ကိုယ်တွင်းအရည်များဖြင့် ညစ်ညမ်း
နေနိုင်သဖြင့် မသောက်မီ သေချာကျိုချက်ပါ။

• သစ်သီးများကို သေချာဆေးပါ
လင်းနို့ကိုက်ရာပါသော အသီးများကို လုံးဝမစား
ပါနှင့်။ အသီးများကို အခွံနွှာစားပါ။

• တိရစ္ဆာန်များနှင့် ကင်းကင်းနေပါ
အထူးသဖြင့် လင်းနို့နှင့် ဝက်များကို တိုက်ရိုက်ထိ
တွေ့ခြင်း ရှောင်ပါ။

• လူနာပြုစုသူများ သတိထားပါ
Mask တပ်ပါ၊ လက်ကို မကြာခဏဆေးပါ။ လူအ
ချင်းချင်း ခန္ဓာကိုယ်ထွက်ရည်များမှတဆင့် ကူးစက်
နိုင်သည်။

အနောက်ဘင်္ဂလားပြည်နယ် နောက်ဆုံးရသတင်း
၂၀၂၆ ဇန်နဝါရီ အစီရင်ခံစာအရ မြောက်ပိုင်း (North 24 Parganas) အပါအဝင် နယ်စပ်ခရိုင်များတွင် သံသယဖြစ်ဖွယ် ကူးစက်မှုများရှိနေသဖြင့် ကျန်းမာရေးဌာနများက အမြင့်ဆုံး သတိပေးချက် ထုတ်ပြန်ထားသည်။

ပြင်းထန်သော တုပ်ကွေးလက္ခဏာနှင့်အတူ စိတ်ရှုပ်ထွေးခြင်း သို့မဟုတ် အသက်ရှူရခက်ခဲခြင်းတို့ တွဲဖြစ်လာပါက လုံးဝမပေါ့ဆပါနှင့်။ အချိန်မီ ဆေးရုံတက်ရောက် ကုသခြင်းဖြင့် အသက်အန္တရာယ်မှ ကယ်တင်နိုင်ပါသည်။

🇲🇲 မြန်မာနိုင်ငံသားများအတွက် အကြံပြုချက်

အကယ်၍ အိန္ဒိယနိုင်ငံ (အထူးသဖြင့် ကာလကတ္တားနှင့် အနီးတဝိုက်) သို့ သွားရောက်ရန်ရှိပါက အထက်ပါအချက်များကို အထူးဂရုပြု လိုက်နာကြပါရန် တိုက်တွန်းအပ်ပါသည်။

🌿 AI Info Team 🌿
23 JAN 2026 | NIPAH VIRUS

25/01/2026

ကာကွယ်ကုသဖို့ ​ဆေးမရှိ​သေးတဲ့ နီပါ ဗိုင်းရပ်စ် 🦇 🦠

English version in the comments below 👇

အိန္ဒိယနိုင်ငံ၊ ကိုလ်ကတ္တားမြို့အနီးက Barasat မြို့မှာ ကျန်းမာရေးဝန်ထမ်းတွေအပါအဝင် နီပါဗိုင်းရပ်စ် ကူးစက်မှုအချို့ကို ဇန်နဝါရီလလယ်ပိုင်းက စတင်တွေ့ရှိခဲ့ပါတယ်။ ဒါဟာ အနောက်ဘင်္ဂလားပြည်နယ်မှာ နှစ်ပေါင်းများစွာအတွင်း ပထမဆုံးအကြိမ် ပြန်လည်တွေ့ရှိရတာဖြစ်လို့ အထူးသတိပြုဖို့ လိုအပ်ပါတယ်။

🔴 သိထားသင့်တဲ့ အချက်အလက်များ -

* ကူးစက်ပုံ - အသီးစားလင်းနို့တွေဆီကနေတစ်ဆင့် ကူးစက်တတ်ပါတယ်။ လင်းနို့ကိုက်ထားတဲ့ အသီးအနှံတွေ၊ လင်းနို့ရဲ့ တံတွေး၊ ဆီးတို့နဲ့ ထိတွေ့ထားတဲ့ အရာတွေကို စားသုံးမိရာကနေ လူဆီကို ကူးစက်တာပါ။

* လူအချင်းချင်းကူးစက်မှု - ရောဂါရှိသူရဲ့ ခန္ဓာကိုယ်ထွက်ရည် (တံတွေး၊ နှာရည်) တွေနဲ့ တိုက်ရိုက်ထိတွေ့မိရင် လူအချင်းချင်းလည်း ကူးစက်နိုင်ပါတယ်။

* ရောဂါလက္ခဏာ - အဖျားတက်ခြင်း၊ ခေါင်းကိုက်ခြင်း၊ ချောင်းဆိုးခြင်း၊ အသက်ရှူရခက်ခဲခြင်းတို့ ဖြစ်တတ်ပြီး ပြင်းထန်ရင် ဦးနှောက်ရောင်ရမ်းတာမျိုးအထိ ဖြစ်နိုင်ပါတယ်။

* ကာကွယ်ဆေး - လက်ရှိအချိန်အထိ နီပါဗိုင်းရပ်စ်အတွက် တရားဝင် ကာကွယ်ဆေးနဲ့ ကုသဆေး မရှိသေးပါဘူး။ ကြိုတင်ကာကွယ်ခြင်းကသာ အကောင်းဆုံးပါ။

✅ ဘယ်လိုကာကွယ်မလဲ?

* လင်းနို့ကိုက်ရာပါတဲ့ အသီးအနှံတွေကို လုံးဝမစားပါနဲ့။ 🍎🚫

* သစ်သီးတွေကို သေချာဆေးကြောပြီးမှ စားပါ။ 🧼

* သစ်သီးဖျော်ရည်တွေ သောက်မယ်ဆိုရင်လည်း လတ်လတ်ဆတ်ဆတ်နဲ့ သန့်ရှင်းဖို့ လိုပါတယ်။

* လက်ကို ဆပ်ပြာနဲ့ ခဏခဏ ဆေးကြောပါ။ 🙌

* ဖျားနာနေသူတွေကို ပြုစုရမယ်ဆိုရင် Mask နဲ့ လက်အိတ်တို့ကို စနစ်တကျ သုံးစွဲပါ။ 😷🧤

အခုလက်ရှိမှာ သက်ဆိုင်ရာ ကျန်းမာရေးအာဏာပိုင်တွေက အခြေအနေကို ထိန်းချုပ်ဖို့ ကြိုးစားနေတာမို့ စိုးရိမ်ထိတ်လန့်ခြင်းထက် သတိရှိရှိနဲ့ ကာကွယ်နေထိုင်ကြဖို့ တိုက်တွန်းလိုက်ပါတယ်။

ကူးယူဖော်ပြခွင့်မပြုပါ။ လွတ်လပ်စွာ မျှဝေနိုင်ပါတယ် ခင်ဗျာ ✅️

Dr. Beast 🦇 🦠

Disclaimer : ဓါတ်ပုံသည် အေအိုင်မှ စိတ်ကူးယဥ်ဖန်တီးထားသော ပုံ ဖြစ်ပါတယ်။ ဒီ စာစုသည် သင့်ရဲ့ ဆရာဝန် ညွှန်ကြားချက်များကို အစားထိုးရန်မဟုတ်ပါ။ ကျန်းမာရေး ဗဟုသုတများသာ ဖြစ်ပါတယ်။ သင့်ကျန်းမာရေး/ အခြေအနေများနဲ့ ကွဲလွဲချက်များရှိပါက/ လိုက်လံလုပ်ဆောင်ရန်သင့်မသင့်ကို သင့်ရဲ့ ဆရာဝန်နဲ့ အရင် တိုင်ပင်ပါ။

#နီပါဗိုင်းရပ်စ် #ကျန်းမာရေးသတိပေးချက်

25/01/2026

သွေးလေအကြောပိတ်ခြင်း... ရောဂါပေါင်းစုံရဲ့ အစပြုရာ
​"ကျန်းမာခြင်းရဲ့ အစ... ဝမ်းဗိုက်ကစတယ်" — ဒါဟာ အခုထက်ထိ မှန်ကန်နေဆဲဖြစ်တဲ့ ဆိုရိုးစကားတစ်ခုပါ။
​ထိုင်းရိုးရာဆေးပညာအရ လူသားတွေရဲ့ ခန္ဓာကိုယ် လှုပ်ရှားနိုင်စွမ်းဟာ "လေ" ပေါ်မှာ မူတည်ပါတယ်။ လေဆိုတာ သွေးလှည့်ပတ်မှုကို တွန်းအားပေးတဲ့၊ အစားအစာတွေကို စွမ်းအင်အဖြစ် ပြောင်းလဲပေးတဲ့အပြင် ရုပ်ပိုင်းနဲ့ စိတ်ပိုင်းဆိုင်ရာကို အာဟာရဓာတ်တွေ ပျံ့နှံ့ရောက်ရှိစေတဲ့ "ဇီဝစွမ်းအင်" ဖြစ်ပါတယ်။
​ဒါပေမဲ့ လေလှည့်ပတ်မှု မကောင်းတဲ့အခါ —
သွေးတွေ စုခဲလာမယ်၊ အကြောတွေ တင်းမာလာမယ်၊ ကြွက်သားတွေ နာကျင်လာပြီး အင်္ဂါအစိတ်အပိုင်းတွေ အားနည်းလာပါလိမ့်မယ်။ ဒါဟာ ထိုင်းရိုးရာသမားတော်တွေရဲ့ အမြင်အရ ရောဂါဝေဒနာအားလုံးရဲ့ အစပြုခြင်းပဲ ဖြစ်ပါတယ်။

​💨 "လေ" ရဲ့ မြစ်ဖျားခံရာဟာ ဝမ်းဗိုက်... ဒါမှမဟုတ် "မြင်းမိုရ်တောင်"
​ထိုင်းရိုးရာဆေးကျမ်းများတွင် ဤသို့ဆိုထားသည် -
​"အဓိက လေခြောက်မျိုးစလုံးသည် ဝမ်းဗိုက်တွင် တည်ရှိသည်"
​ဝမ်းဗိုက်ဟာ ခန္ဓာကိုယ်ရဲ့ ဗဟိုချက်မဖြစ်ပြီး စကြဝဠာရဲ့ စွမ်းအင်ဗဟိုချက် "မြင်းမိုရ်တောင်" နဲ့ တူပါတယ်။ ဒီနေရာကနေတစ်ဆင့် လေဟာ အထက်ပိုင်းကို တိုက်ခတ်ပြီး ဦးနှောက်၊ နှလုံးနဲ့ အဆုတ်တို့ကို ထောက်ပံ့ပေးသလို၊ အောက်ပိုင်းကို တိုက်ခတ်ပြီး ကျောက်ကပ်နဲ့ အူလမ်းကြောင်းကတစ်ဆင့် အညစ်အကြေးတွေကို စွန့်ထုတ်ပေးပါတယ်။

​အကယ်၍ ဝမ်းဗိုက်မကောင်းရင် လေဟာ လမ်းကြောင်းမှားတိုက်ခတ်ပြီး လေပိတ်တာ၊ လေဆန်တာတွေ ဖြစ်တတ်ပါတယ်။ အဲဒီအခါမှာ အောက်ပါဝေဒနာတွေ ခံစားရနိုင်ပါတယ် -
• ​ခေါင်းကိုက်ခြင်း၊ မျက်စိပြာခြင်း၊ မူးဝေခြင်း
• ​ရင်ဘတ်အောင့်ခြင်း၊ အသက်ရှူမဝခြင်း
• ​ဗိုက်အောင့်၊ ဗိုက်ပွ၊ လေပူထွက်ခြင်း
• ​ဇက်ကြောနှင့် ပုခုံးများ တောင့်တင်းနာကျင်ခြင်း
• ​လက်ဖျားခြေဖျား အေးစက်ခြင်း သို့မဟုတ် ထုံကျင်ခြင်း
• ​ရာသီသွေး မမှန်ခြင်း
​ဒီဝေဒနာတွေအားလုံးဟာ အင်္ဂါအစိတ်အပိုင်းတစ်ခုခု သီးသန့်ပျက်စီးလို့ မဟုတ်ဘဲ "ဝမ်းဗိုက်ကလေက သွေးကို ခန္ဓာကိုယ်အနှံ့ မပို့ဆောင်ပေးနိုင်လို့" ဖြစ်ရတာပါ။

​🩸 သွေးလေကို ပြန်လည်နိုးထစေခြင်း — ကျန်းမာရေးကောင်းဖို့ အစပြုစို့
​ထိုင်းသမားတော်ကြီးများက အလေးထားပြောဆိုသည်မှာ -
"ဝမ်းဗိုက်ကို ကောင်းမွန်အောင် ဂရုစိုက်ခြင်းသည် မိမိခန္ဓာကိုယ်တွင်းရှိ မြင်းမိုရ်တောင်ကို ကုသခြင်းဖြစ်သည်"
​✅ ၁။ အစာခြေစနစ် (တေဇောဓာတ်) ကို ဂရုစိုက်ပါ
အစာကို အချိန်မှန်စားပါ။ အလွန်အေးတဲ့အစာတွေနဲ့ အကြော်အလှော်၊ ဂျုံဖြူကဲ့သို့ အစာကြေခဲတဲ့အရာတွေကို ရှောင်ပါ။ အစာခြေမီး (တေဇောဓာတ်) အားနည်းရင် သွေးနဲ့လေပါ အားနည်းသွားတတ်ပါတယ်။
​✅ ၂။ အစားအစာနဲ့ သွေးအားကောင်းစေတဲ့ ဆေးဖက်ဝင်အပင်များ သုံးဆောင်ပါ
ဥပမာ - ဆူးပန်းပွင့်၊ နံ့သာနီ၊ ချဉ်ပေါင်ဖတ်၊ ဆီးဖြူသီး၊ ဖန်ခါးသီး။ ဒါတွေဟာ သွေးကို သန့်စင်စေပြီး သွေးပျစ်ခြင်းကို ကာကွယ်ပေးကာ သွေးလှည့်ပတ်မှု ကောင်းစေပါတယ်။
​✅ ၃။ လှုပ်ရှားမှုဖြင့် လေကို လည်ပတ်စေပါ
လမ်းလျှောက်တာ၊ အကြောဆန့်တာ ဒါမှမဟုတ် ဆေးဖက်ဝင်အထုပ်နဲ့ အပူပေးနှိပ်နယ်တာတွေက လေကို ပွင့်စေပြီး အကြောတင်းတာနဲ့ သွေးစုခဲတာတွေကို သက်သာစေပါတယ်။
​✅ ၄။ စိတ်ကို ငြိမ်သက်အောင် ထားပါ
ခန္ဓာကိုယ်ထဲက လေဟာ စိတ်နဲ့ ဆက်စပ်နေပါတယ်။ စိတ်ဖိစီးရင် လေဓာတ်တွေ ကယောက်ကယက် ဖြစ်တတ်ပေမဲ့ စိတ်တည်ငြိမ်ရင် လေဟာလည်း အေးချမ်းစွာ စီးဆင်းပါတယ်။

​"သွေးသည် ဘဝ၏ မြစ်ဖျားခံရာဖြစ်ပြီး၊ လေသည် ထိုသွေးကို တစ်ကိုယ်လုံးသို့ ပို့ဆောင်ပေးသည့် ရေစီးကြောင်းဖြစ်သည်။ ဝမ်းဗိုက်ကောင်းလျှင် လေလည်ပတ်မှုကောင်းမည်၊ ထိုအခါ သွေးလည်း ပြည့်စုံပြီး ရောဂါဘယ ကင်းဝေးပေလိမ့်မည်။"

​ဒါကြောင့် ဒီနေ့ သင်ဗိုက်အောင့်၊ ဗိုက်ကယ်၊ နာကျင်ကိုက်ခဲပြီး နုံးချည့်နေတယ်ဆိုရင် တခြားအရာတွေထက် "ဝမ်းဗိုက်" ကို အရင်ဆုံး ဂရုစိုက်လိုက်ပါ။ အဲဒီနေရာဟာ သင့်ကျန်းမာရေးရဲ့ ဗဟိုချက်မဖြစ်သလို အမြဲတမ်းခိုင်ခံ့အောင် ထိန်းသိမ်းရမယ့် သင့်ဘဝရဲ့ မြင်းမိုရ်တောင်ပဲ ဖြစ်ပါတယ်။ 🌿

MON SOUNG


#သွေးလေလည်ပတ်ခြင်း

24/01/2026

ညဘက် အိမ်သာခဏခဏထပြီး ဆီးသွားရတာကို စိတ်ပျက်နေသူတွေအတွက် ဒေါက်တာ အိတ္ထိရစ် (Dr. Itthirit) ရဲ့ ရေမှန်ကန်စွာသောက်သုံးနည်း လမ်းညွှန်ချက်...

✅ ​ဗဟုသုတရှိရှိ ရေသောက်ခြင်းနှင့် ဆီးသွားခြင်း
​ဒီဘက်ခေတ်မှာ လူတော်တော်များများဟာ "ရေများများသောက်ပါ" ဆိုတဲ့ တိုက်တွန်းချက်တွေကြောင့် ရေကို အလွန်အကျွံသောက်မိပြီး ကျန်းမာရေးပြဿနာတွေ ကြုံနေရပါတယ်။ အောက်ပါအချက်များကို တစ်ချက်ချင်း သေချာဖတ်ကြည့်ပေးပါ။

1. ​ဆီးဆိုသည်မှာ ကျောက်ကပ်က သွေးကိုစစ်ထုတ်ပြီး ယူရီးယား (Urea) နဲ့ ပိုလျှံနေတဲ့ ရေဓာတ်တွေကို ခန္ဓာကိုယ်ပြင်ပသို့ စွန့်ထုတ်လိုက်ခြင်း ဖြစ်ပါတယ်။

2. ​ပုံမှန်အားဖြင့် ရေသောက်ပြီးနောက် ၄ နာရီခန့် ကြာရင် ခန္ဓာကိုယ်က ပြန်လည်စွန့်ထုတ်ပါတယ်။

3. ​ရေဓာတ်နည်းလွန်းရင် Dehydration (ရေဓာတ်ခမ်းခြောက်ခြင်း) ဖြစ်နိုင်သလို၊ များလွန်းရင်လည်း မကောင်းပါဘူး။

4. ​ရေဓာတ်လိုမလို သိနိုင်ဖို့ ဆီးရဲ့ သိပ်သည်းဆ (Specific Gravity) ကို တိုင်းတာရမှာဖြစ်ပေမဲ့ နေ့စဉ်ဘဝမှာတော့ ဒါက မလွယ်ကူပါဘူး။

5. ​ဒါကြောင့် ဆီးအရောင် ကို ကြည့်ရပါမယ်။ ဆီးဟာ ရေလိုကြည်တောက်မနေသင့်သလို (ရေများလွန်းခြင်း)၊ အဝါရင့်ရောင်လည်း မဖြစ်သင့်ပါဘူး (ရေဓာတ်ခမ်းခြောက်ခြင်း)။

6. ​တစ်နေ့တာ ရေသောက်ရမည့်ပမာဏ - မိမိကိုယ်အလေးချိန် × 30 (ဥပမာ- အလေးချိန် 60 kg ရှိရင် 60 × 30 = 1,800 cc သို့မဟုတ် 1.8 လီတာ)။ ဒီထက်ပိုသောက်ရင် ရေများလွန်းနေပါပြီ။

7. လေ့ကျင့်ခန်းလုပ်ရင်တော့ ဒီထက်ပိုသောက်နိုင်ပါတယ်။ ဆီးအရောင်ကိုပဲ အဓိကကြည့်ပါ။

8. ​ညဘက်မှာ ကျောက်ကပ်ကို နားခွင့်ပေးပါ။ အိပ်ခါနီး ရေအများကြီးမသောက်ပါနဲ့။ ကျောက်ကပ်ဟာ ရေသန့်စက်လိုပါပဲ၊ အလုပ်အရမ်းလုပ်ရရင် စက်ပျက်ပါလိမ့်မယ်။ လူမှာက လဲလှယ်ဖို့ အပိုပစ္စည်းမရှိတာ သတိပြုပါ။

9. ​ဆီးအရောင်ဟာ လွန်ခဲ့တဲ့ ၃-၄ နာရီက အခြေအနေကို ပြတာပါ။ အိမ်ပြန်ရောက်လို့ ဆီးသွားတဲ့အခါ အရောင်အရမ်းရင့်နေရင် လွန်ခဲ့တဲ့ ၃-၄ နာရီက ရေသောက်နည်းခဲ့တာကို ဆိုလိုပါတယ်။

10. ​တစ်ကြိမ်တည်းနဲ့ ရေ 500 cc ထက်ပိုမသောက်ပါနဲ့။ သွေးထဲမှာ ဆိုဒီယမ်ဓာတ် မမျှမတဖြစ်ပြီး ဦးနှောက်ရောင်ခြင်း၊ မူးဝေခြင်းနဲ့ အသက်အန္တရာယ်အထိ ဖြစ်စေနိုင်ပါတယ်။

11. ​ရေဓာတ်ခမ်းခြောက်နေရင် တစ်ခါတည်း အတင်းအများကြီးမသောက်ဘဲ မိနစ် ၃၀ အတွင်း တဖြည်းဖြည်းချင်း ခွဲသောက်ပါ။

12. ​ခန္ဓာကိုယ်အတွက် အနည်းဆုံး လိုအပ်တဲ့ရေပမာဏဟာ တစ်နာရီကို 60 cc ခန့် ဖြစ်ပါတယ်။

13. ​ဒါကြောင့် မနက်နိုးတဲ့အခါ ညကအိပ်နေတဲ့ ၈ နာရီစာအတွက် 60 × 8 = 480 cc ခန့် သောက်ပေးသင့်ပါတယ်။

14. ​ဒါပေမဲ့ မနက်နိုးနိုးချင်း ရေကို အတင်းမော့မချပါနဲ့။ တစ်နာရီအတွင်း တဖြည်းဖြည်းချင်း သောက်ပေးပါ။

15. ​ခရီးသွားစရာရှိလို့ လမ်းမှာ ဆီးမသွားချင်ရင် ရေသောက်မယ့်အချိန်ကို သေချာတွက်ချက်ပါ။

16. ​အိပ်ခါနီး ၃ နာရီမှ ၃ နာရီခွဲအလို ကတည်းက ရေသောက်တာကို ရပ်ထားရပါမယ်။ ဒါမှ ခန္ဓာကိုယ်က ပိုလျှံရေတွေကို အိပ်မပျော်ခင် စွန့်ထုတ်နိုင်မှာဖြစ်ပြီး တစ်ညလုံး နှစ်ခြိုက်စွာ အိပ်ပျော်ပါလိမ့်မယ်။

17. ​ဥပမာ- ည ၁၁ နာရီအိပ်မယ်ဆိုရင် ည ၈ နာရီလောက်မှာ နောက်ဆုံးအကြိမ် ရေများများသောက်ထားနိုင်ပါတယ်။

18. ​အိပ်ခါနီး ၃ နာရီအတွင်းမှာတော့ ရေသောက်ချင်ရင် 100 cc ထက် ပိုမသောက်သင့်ပါဘူး။

19. ​အိပ်ခါနီး ရေ သို့မဟုတ် နွားနို့ အများကြီးသောက်ရင် မနက် ၂ နာရီ၊ ၃ နာရီမှာ နိုးလာတတ်ပြီး ပြန်အိပ်ဖို့ ခက်ခဲတတ်ပါတယ်။

20. ​ဆီးအိမ်ထဲမှာ ဆီး 100 cc လောက်ရှိရင်ကို ဆီးသွားချင်စိတ် စဖြစ်လာတာမို့လို့ ညဘက်နှစ်ခြိုက်စွာ အိပ်ချင်ရင် အိပ်ခါနီး ရေလျှော့သောက်ပါ။

21. ​(အမျိုးသမီးများအတွက်) ဆီးပြွန်ဟာ ၄ စင်တီမီတာပဲ ရှည်တာကြောင့် ဘက်တီးရီးယား ဝင်ရောက်ဖို့ အရမ်းလွယ်ပါတယ်။

22. ​ဒါကြောင့် ၃-၄ နာရီခြားတစ်ခါ ဆီးသွားချင်သည်ဖြစ်စေ၊ မသွားချင်သည်ဖြစ်စေ ဆီးအိမ်ထဲက ပိုးမွှားတွေကို ရှင်းထုတ်ဖို့ အိမ်သာသွားပေးသင့်ပါတယ်။ မဟုတ်ရင် ဆီးအိမ်ရောင်ရမ်းခြင်း ဖြစ်နိုင်ပါတယ်။

23. ​ရေလုံလုံလောက်လောက် သောက်မသောက် သိနိုင်တဲ့နည်းကတော့ ၃-၄ နာရီခြားတစ်ခါ ဆီးသွားချင်စိတ် ရှိရပါမယ်။

24. ​၃ နာရီထက် စောပြီး ခဏခဏသွားနေရရင် ရေများနေလို့ပါ။ ၄ နာရီကျော်တဲ့အထိ ဆီးမသွားချင်သေးရင် ရေသောက်နည်းနေလို့ပါ။

25. ​ဟင်းရည် သို့မဟုတ် ရေဓာတ်များတဲ့ အသီးအနှံတွေစားထားရင် ရေသောက်တဲ့ပမာဏကို လျှော့ချပေးရပါမယ်။

​ဒီအချက်အလက်တွေက သင့်ရဲ့ ညဘက်အိပ်စက်မှုကို ပိုမိုကောင်းမွန်စေဖို့ ကူညီပေးနိုင်မယ်လို့ မျှော်လင့်ပါတယ်။

MON SOUNG


#ရေသောက်ခြင်း

21/01/2026

သွေးတိုးရောဂါဆိုတာ "အငန်စားခြင်း" တစ်ခုတည်းကြောင့် ဖြစ်တာမဟုတ်ပါဘူး။
​လူအတော်များများက...
❌ အငန်မစားရင် = သွေးမတိုးနိုင်ဘူး လို့ ယုံကြည်နေကြပါတယ်။
​ဒါပေမဲ့ တကယ့်အမှန်တရားကတော့...
👉 သင်မသိလိုက်ဘဲ လုပ်ဆောင်နေမိတဲ့ နေ့စဉ်နေထိုင်မှု အမူအကျင့်တွေက သင့်ရဲ့သွေးဖိအားကို တဖြည်းဖြည်း မြင့်တက်လာစေတာပဲ ဖြစ်ပါတယ်။
​🔍 သုတေသနတွေက ဘာပြောသလဲ?
​Harvard Medical School ရဲ့ သုတေသနပြုချက်အရ-
အငန်မစားရင်တောင်မှ အချိန်ကြာမြင့်စွာ ထိုင်နေခြင်း၊ ကိုယ်လက်လှုပ်ရှားမှု နည်းခြင်းနဲ့ စိတ်ဖိစီးမှုတွေ စုပုံလာခြင်းဟာ သွေးကြောတွေကို ကျဉ်းစေပြီး သွေးတိုးနှုန်းကို မြင့်တက်စေပါတယ်။
​ကမ္ဘာ့ကျန်းမာရေးအဖွဲ့ (WHO) ကလည်း-
တစ်နေ့လုံး ထိုင်နေတဲ့ "ငြိမ်သက်လွန်းတဲ့ လူနေမှုပုံစံ" (Sedentary behavior) ဟာ လူကြီးတွေမှာ သွေးတိုးရောဂါဖြစ်စေတဲ့ အဓိကအချက်တွေထဲက တစ်ခုဖြစ်တယ်လို့ ဆိုထားပါတယ်။

​⚠️ သွေးဖိအားကို တိတ်တဆိတ် မြင့်တက်စေတဲ့ အချက်များ...
• ​နာရီပေါင်းများစွာ ထိုင်ခုံမှာပဲ ကပ်ထိုင်နေခြင်း။
• ​စိတ်ဖိစီးနေတာကို မိမိကိုယ်ကိုယ် သတိမထားမိခြင်း။
• ​အသင့်စား အစားအစာနဲ့ ပြုပြင်ထားတဲ့ အစားအစာ (Processed Food) များကို ခဏခဏ စားခြင်း။
• ​ကိုယ်လက်လှုပ်ရှားမှု အလွန်နည်းခြင်း။
• ​"ဘာမှမဖြစ်သေးဘူး" လို့ ထင်ပြီး သွေးပေါင်ချိန် ဘယ်တော့မှ မတိုင်းခြင်း။
သတိပြုရန် - သွေးတိုးရောဂါဟာ နာကျင်မှုမရှိပေမဲ့ နှလုံး၊ ဦးနှောက်နဲ့ သွေးကြောတွေကို တိတ်တဆိတ် ဖျက်ဆီးပစ်တာကြောင့် "တိတ်တဆိတ် လူသlတ်သမား" လို့ ခေါ်ကြပါတယ်။

​✅ သုတေသနက အကြံပြုထားတဲ့ ကျန်းမာရေးအတွက် လိုက်နာသင့်တဲ့ နည်းလမ်းကောင်း (၅) သွယ်
​1️⃣ မိနစ် ၃၀ တိုင်း တစ်ကြိမ် ထလှုပ်ရှားပါ -
မတ်တပ်ရပ်တာ၊ လမ်းလျှောက်တာ (သို့) အကြောဆန့်ပေးရုံနဲ့တင် သွေးဖိအားကို ထိုနေ့ချင်းမှာတင် ကျဆင်းစေနိုင်ပါတယ်။

​2️⃣ မိမိဘာသာ ချက်ပြုတ်စားသောက်ပါ -
အိမ်ချက်စားပါ - ဆား၊ သကြားနဲ့ ဆီကို ကိုယ်တိုင်ထိန်းချုပ်နိုင်တာကြောင့် အသင့်စားတာထက် အများကြီး ပိုကျန်းမာပါတယ်။

​3️⃣ တစ်နေ့တာအတွင်း စိတ်ဖိစီးမှုကို ခေတ္တဖြေဖျောက်ပါ
စိတ်ဖိစီးမှုကို ခဏလေးဖြစ်ဖြစ် လျှော့ချပါ - တစ်နေ့ကို ၁ မိနစ်၊ ၂ မိနစ်လောက် အသက်ပြင်းပြင်းရှူပေးတာက အာရုံကြောစနစ်ကို တည်ငြိမ်စေပါတယ်။

​4️⃣ ပုံမှန် ကိုယ်လက်လှုပ်ရှားပါ (ပြင်းထန်ဖို့ မလိုပါ) -
​ပုံမှန် လမ်းလျှောက်ပါ - တစ်နေ့ကို မိနစ် ၂၀-၃၀ လောက် လမ်းလျှောက်ပေးရုံနဲ့ သွေးကြောတွေ ကျန်းမာလာပါလိမ့်မယ်။

​5️⃣ သွေးပေါင်ချိန် တိုင်းတာခြင်းကို အလေ့အကျင့်လုပ်ပါ -
စောစောသိလေ = အချိန်မီ ပြုပြင်နိုင်လေ = ကာကွယ်နိုင်လေ ဖြစ်ပါတယ်။

​💡 မှတ်သားစရာ
​🧠 Journal of Hypertension ရဲ့ ဖော်ပြချက်အရ-
​တစ်နေ့တာလုံးမှာ ခဏခဏ ထလှုပ်ရှားပေးတာဟာ ပြင်းထန်တဲ့ လေ့ကျင့်ခန်းတွေ လုပ်တာထက်တောင် အပေါ်သွေး (Systolic BP) ကို ပိုပြီး ထိထိရောက်ရောက် ကျဆင်းစေနိုင်ပါတယ်။

​❤️ အနှစ်ချုပ်
​သွေးတိုးရောဂါဟာ ဖျားနာတဲ့အချိန်မှ စတာမဟုတ်ဘဲ "နေ့စဉ်လုပ်ဆောင်နေတဲ့ အမူအကျင့်သေးသေးလေးတွေ" ကနေ တိတ်တဆိတ် ရောက်လာတာ ဖြစ်ပါတယ်။
​အကယ်၍ သင် (သို့မဟုတ်) သင်ချစ်ရသူက အသက် ၄၀ ကျော်ပြီဆိုရင် ဒီအချက်အလက်တွေဟာ ထင်ထားတာထက် ပိုပြီး အကျိုးရှိစေမှာပါ။

​📌 သင့်သူငယ်ချင်းတွေနဲ့ မိသားစုဝင်တွေကို သတိပေးနိုင်ဖို့ မျှဝေပေးလိုက်ပါ။
ကျန်းမာရေး ကောင်းမွန်ခြင်းဆိုတာ အသိပညာရှိခြင်းကနေ စတင်ပါတယ်။ ကျန်းမာရေးဗဟုသုတရှိမှ ရောဂါကို ကြိုတင်ကာကွယ်နိုင်မှာပါ။
​✅ ဆုံးအောင်ဖတ်ပြီးရင် "ကောင်းတယ်" လို့ မှတ်ချက်ပေးခဲ့ပြီး ဆရာမတူး အတွက်လည်း Share ပေးသွားပါဦးနော်။ ❤️❤️

MON SOUNG


#သွေးတိုး

20/01/2026

ဦးဇင်းကိုယ်တိုင်သုံးကြည့်ပြီးလို့ တကယ်အကျိုးလက်တွေ့ ခံစားရသော ဆေးနည်းဖြစ်လို့မျှဝေးလိုက်ပါတယ်။

လေးညှင်းပွင့် ဆေးဖက်ဝင်ပုံ

သင် မနက်အိပ်ယာထ မျက်နှာသစ်သွားတိုက်ပြီးတာနဲ့
ရေအေးတစ်ခွက်သောက်ပြီး နောက် လေးညှင်းပွင့်
တစ်ပွင့်ကိုယူပြီး ခံတွင်းမှာငုံထားလိုက်ပါ။
သို့မဟုတ် ပါးစောင်မှာငုံထားလိုက်ပါ။

ရရှိမဲ့အကျိုးကျေးဇူးကတော့ သင်ဟာခါတိုင်း
မနက်ထဝမ်းမသွားဘူး ဝမ်းချုပ်တတ်သူဆိုရင်
မကြာခင် ဝမ်းသွားချင်လာပါလိမ့်မယ်။

သင်ဟာခံတွင်းပျက်ပြီး စားချင်သောက်ချင်စိတ်မရှိသူ
ဖြစ်နေရင်တောင် လေးညင်းပွင့်ငုံထားပြီး မကြာခင်မှာ
စားချင်သောက်ချင်စိတ်တွေပေါ်လာပါလိမ့်မယ်။

သင်ဟာ ခံတွင်းအနံ့ဆိုးသူဆိုရင် လေးညှင်းပွင့်က
သင့်ကို စကားပြောတဲ့အခါ အာပုတ်နံ့ထွက်ခြင်းမှ
ကာကွယ်ပေးနိုင်ပါတယ်။

သွားမှာအခေါင်းရှိသူတွေ၊ သွားခြေမှာရောင်ရမ်းမှု
ရျှိသူတှေ၊ သွားကိုက်တတ်သူတွေအတွက် လေးညှင်းပွင့်က
သွားဆရာဝန်သဖွယ်ဘဲ။

အအေးပတ် နှာစီး၊ နှာရည်ကျသူအတွက်ကုဆေးကတော့
လေးညှင်းပွင့်ပြုတ်ရည်ပူပူလေးကို မှုတ်သောက်ပေးပြီး
လေးညှင်းပွင့်ကို တစ်ပွင့်ပြီးတစ်ပွင့် အာနီသင်ကုန်သွားရင်
အသစ်လဲပြီး ပါးစပ်ထဲမှာငုံထားပေးရင် သုံးရက်အတွင်း
နှာစေးရောဂါပျောက်ပါတယ်။

ခေါင်းကိုက်သူများ လေးညှင်းပွင့်ကို ငုံထားခြင်းဖြင့်
တဖြည်းဖြည်းသက်သာလာတာကိုတွေ့ရပါတယ်။

ဆီးချိုရောဂါရှိသူများဟာ ထမင်းစားပြီးတိုင်း လေးညှင်းပွင့်
(၃)ပွင့် ငုံထားပြီး တဖြည်းဖြည်း ဝါးပြီးအရည်ကိုမျိုချကြည့်ပါ။
ဆီးချိုမတက်တာတွေ့ရပါလိမ့်မယ်။

သွေ:တိုးရှိသူများဟာ မနက်ထ မျက်နှာသစ်ပြီး
သွားတိုက်ပြီးတာနဲ့ လေးညှင်းပွင့်နှစ်ပွင့် ငုံပေးထားရင်
သွေ:တိုးခြင်းမှကာကွယ်ပေးနိုင်ပါတယ်။

ညအိပ် မပျော်သူများဟာ မအိပ္ပ်မိ တစ်နာရီခန့်ကြိုတင်ပြီး
လေးညှင်းပွင့်ငုံထားပေးခြင်းဖြင့်အိပ်ပျော်စေနိုင်ပါတယ်။

(လေးညှင်းပွင့်ဟာ တိုင်းရင်းဆေ:ကျမ်းများအလိုအရ
ထက်မြက်တဲ့ဂုဏ်ရှိပါတယ်။

ပွင့်စေတဲ့သတ္တီအာကာသသတ္တီရှိပါတယ်။
ဝမ်းမီးတောက် အစာကြေ အူလမ်းကြောင်းပွင့်စေတဲ့
သတ္တီလည်းရှိတယ်။

အနောက်တိုင်း Harval medicine အရေတာ့ လေးညှင်းရဲ့
သတ္တီဟာ ရောဂါဗေဒမှာကုသရအခက်ဆုံးဖြစ်တဲ့
ကင်ဆာကိုတောင် ကာကွယ်နိုင်တဲ့ သတ္တီရှိတယ်လို့
ဆိုပါတယ်🥰

🌿🌿🌿🌿🌿🌿🌿🌿🌿🌿🌿🌿🌿🌿🌿🌿

၁။ ဝမ်းဗိုက် အမြဲထိုးအောင့် နာကျင်၍
ဝမ်းဖြူဖြူ အရေ ကျဲကျဲများ သွားပါက
လေးညှင်းမှုန့် ကို ပျားရည်နှင့် ရော၍ လျက်သော် ပျောက်၏။

၂။ လေးညှင်းပွင့် နှင့် ကနခို တို့ကို ညက်ညက် ကြိတ်၍
လုံးပြီး အရိပ်၌ အခြောက်လှန်း၍ ရေနွေးနှင့် သုံးဆောင်ပါက ဓာတ်ချုပ်ခြင်း၊ စမြင်းခံခြင်း၊ သလိပ် ကျပ်ခဲခြင်း တို့ပျောက်၏။

၃။ လေးညှင်းပွင့် ကို သွေး၍ သကြားခဲ ကျိုရည် ပျစ်ပျစ် နှင့် ရောလျက်သော် ကိုယ်ဝန် တည်စ အန်သော ရောဂါ ပျောက်၏။

၄။ လေးညှင်းပွင့် ကို ဆေးခါးကြီး နှင့် ရောကြိတ်ပြီး ရေနွေး ပူပူနှင့် သောက်သော် အဖျားရောဂါ နှင့် အားအင် ကုန်ခန်းခြင်း များကို ပျောက်ကင်းစေ၏။

၅။ ကြေးနီခွက် သန့်သန့်၌ လေးညှင်းပွင့် ကို ပျားရည်နှင့် ထုခြေ၍ မျက်စဉ်း ခတ်သော် မျက်စိနာခြင်း၊ မျက်လုံး၌ တိမ်ဖြူစွဲ ခြင်း ပျောက်၏။

၆။ လေးညှင်းပွင့် ကို ရေနှင့် ကြိတ်၍ ခပ်နွေးနွေး ပြုပြီး သောက်သော် ရေငတ်ခြင်း၊ ပျို့အန်လိုခြင်း၊ လျှာခြောက်ခြင်း၊ ချွဲခြင်း၊ အရသာ မပေါ်ခြင်း များပျောက်၏။

၇။ လေးညှင်းပွင့် နနွင်း ဆတူ စပ်၍ ကြိတ်ပြီး မြုံနေသော အနာများ ပေါ်တွင် လိမ်းပေးသော် ပျောက်၏။

၈။ သလဲသီး အချဉ် အရည်နှင့် လေးညှင်း ရောသောက်သော် ဝက်ရူးနာ ထ၍ အန်ခြင်းနှင့် ရိုးရိုး အန်သော ရောဂါ များ ပျောက်၏။

၉။ အထိုင် အထတို့ ၌ မူး၍ မျက်စိ မူးမိုက် သော် လေးညှင်း ကို ရေအေးနှင့် သွေးပြီး မျက်စဉ်းခတ် ပေးက ပျောက်၏။

၁၀။ လေးညှင်းပွင့်ကို မီးနှင့်လှော်၍ ကြိတ်ပြီး ပျားရည်နှင့် ရောလျက်သော် ကြက်ညှာ ချောင်းဆိုး ပျောက်၏။

အဆီ

၁။ လေးညှင်းဆီ သို့မဟုတ် လေးညှင်းပွင့် ကို သွေး၍ သွားနာ၊ သွားကိုက်သော နေရာသို့ လိမ်းပေးသော် သွားနာ၊ သွားကိုက် ပျောက်၏။

၂။ လေးညှင်းဆီကို မုန်ညင်းဆီနှင့် ရောလိမ်းသေCreditာ် အဆစ် အမျက် ကိုက်ခဲ နာကျင်ခြင်း များပျောက်၏။

၃။ မျက်နှာ နဖူး၏ အထက်ပိုင်းသို့ လေးညှင်းဆီကို လိမ်းပေးသော် ခေါင်းကိုက် ရောဂါ ပျောက်၏။

မိမိပြုသောကံ မိမိထံပြန်လာမည် မိမိကိုယ်ကိုယ်
ချစ်သလို သင့်မိတ်ဆွေတွေကိုလဲချစ်ခင်တန်ဖိုးထားတယ်
ဆိုရင် ဒီဆောင်းပါးကို မိတ်ဆွေများဆီ မျှဝေခြင်းဖြင့်
ကူညီနိုင်ပါတယ်။🥰

#ကျန်းမာရေးအတွက်တဆင့်ပြန်လည်မျှဝေပေးခြင်းဖြစ်ပါတယ်ရှင် #ကျန်းမာရေးဗဟုသုတ ゚viralシ