https://www.facebook.com/103204818455610/

MOE KAUNG Treasure Maternal and Child Hospital, Moe Kaung Street, (15) Quarter, Yankin Township, Yangon (2026)

29/03/2026

#သားအိမ်ခေါင်းကင်ဆာကာကွယ်ဆေးဘာကြောင့် ထိုးသင့်တာလဲ?
အမျိုးသမီးတိုင်းအတွက် သားအိမ်ဆိုတာ တန်ဖိုးရှိတဲ့ ကိုယ်ခန္ဓာအစိတ်အပိုင်းတစ်ခုပဲ ဖြစ်ပါတယ်။ မိခင်ဘဝကို ပိုင်ဆိုင်ခွင့်ပေးသလို အမျိုးသမီးတစ်ယောက်ရဲ့ ကျန်းမာနုပျိုမှုကိုလည်း ထိန်းညှိပေးတဲ့ နေရာတစ်ခုပါ။
ဒီကနေ့ခေတ်မှာတော့ အမျိုးသမီးတွေကို အန္တရာယ်အပေးဆုံး ရောဂါတွေထဲမှာ သားအိမ်ခေါင်းကင်ဆာက ထိပ်ဆုံးက ပါဝင်နေပါတယ်။ ဒီရောဂါဆိုးကြီးကနေ ကင်းဝေးဖို့ အထိရောက်ဆုံး နည်းလမ်းကတော့ သားအိမ်ခေါင်းကင်ဆာ ကာကွယ်ဆေးထိုးခြင်းပါပဲ။
💉 ဘာကြောင့် မဖြစ်မနေ ထိုးသင့်တာလဲ?
သားအိမ်ခေါင်းကင်ဆာရဲ့ ၉၉% က HPV (Human Papillomavirus) ပိုးကြောင့် ဖြစ်တာပါ။ ကာကွယ်ဆေးထိုးထားခြင်းဖြင့် ဒီပိုးဝင်ရောက်မှုကို ကြိုတင်တားဆီးပေးနိုင်ပါတယ်။
တခြားကင်ဆာတွေနဲ့မတူဘဲ သားအိမ်ခေါင်းကင်ဆာက ကာကွယ်ဆေးနဲ့ ၉၀% နီးပါး ကြိုတင်ကာကွယ်လို့ရတဲ့ ကင်ဆာအမျိုးအစား ဖြစ်ပါတယ်။
ဒါ့အပြင် HPV Virus ကြောင့်ဖြစ်လာနိုင်တဲ့ မွေးလမ်းကြောင်းနဲ့ မိန်းမကိုယ်ကင်ဆာတွေ၊ စအိုကင်ဆာတွေ၊ လိင်အင်္ဂါကြွက်နို့တွေ မဖြစ်အောင်လည်း အထိုက်အလျောက် ကာကွယ်ပေးနိုင်ပါတယ်။
ကာကွယ်ဆေးထိုးထားခြင်းက မိမိကိုယ်တိုင်တင်မကဘဲ မိသားစုကိုပါ စိတ်ချမ်းသာမှု ပေးနိုင်ပါတယ်။ အထူးသဖြင့် အိမ်ထောင်မပြုခင် သို့မဟုတ် လိင်ဆက်ဆံမှုမရှိခင်အရွယ်မှာ ထိုးနှံထားရင် အထိရောက်ဆုံး အာနိသင်ကို ရရှိမှာပါ။ အသက် ၉ နှစ်ကနေ ၂၆ နှစ်အတွင်း အမျိုးသမီးတွေမှာ ကာကွယ်ဆေး ထိုးထားသင့်ပါတယ်။
💡 ဆေးထိုးပြီးရင်ရော စိတ်ချရပြီလား?
ကာကွယ်ဆေးထိုးထားပေမဲ့လည်း ၁၀၀% စိတ်ချရဖို့အတွက် သားအိမ်ခေါင်းကင်ဆာစစ်ဆေးမှုအနေနဲ့ HPV Test, Pap Test, HPV/Pap cotest တို့ကိုလည်း ဆက်လက်လုပ်ဆောင်ဖို့ လိုအပ်ပါတယ်။
မိုးကောင်းရတနာ မိခင်နဲ့ကလေးဆေးရုံကြီးမှာလည်း အမျိုးသမီးတို့အတွက် သားအိမ်ခေါင်းကင်ဆာ ကာကွယ်ဆေးထိုးနှံနိုင်ပါတယ်ရှင့်။
အသေးစိတ်သိရှိနိုင်ရန် အောက်ပါဖုန်းနံပါတ်မှတစ်ဆင့် ဆက်သွယ်မေးမြန်းနိုင်ပါသည်။
☎ 09 - 696908881, 09 - 340221960
📩 wchbaukhtaw@gmail.com
🌎 www.moekaungtreasurehospital.com
#သားအိမ်ခေါင်းကင်ဆာ #ကာကွယ်ဆေး #အမျိုးသမီးကျန်းမာရေး

27/03/2026

၂၀၂၆ ခုနှစ် မတ်လ ၂၇ ရက်နေ့တွင် ကျရောက်သည့် ၈၁ ကြိမ်မြောက် တပ်မတော်နေ့အား ကျွန်မတို့ မိုးကောင်းရတနာ မိခင်နှင့်ကလေးဆေးရုံက ဂုဏ်ပြု ကြိုဆိုပါတယ်ရှင်.....

26/03/2026

#ပုံရိပ်ဖော်စက်များရဲ့အစွမ်း
-------------------------------------------
ခန္ဓာကိုယ်အတွင်းပိုင်းမှာ ဖြစ်ပေါ်နေတဲ့ ဝေဒနာတွေကို အပြင်ကကြည့်ရုံနဲ့ အဖြေရှာဖို့ ခက်ခဲပါတယ်။ ဒါကြောင့် အနာသိမှ ဆေးရှိ၊ အနာနဲ့ ဆေးတည့်ဖို့အတွက် 𝐌𝐨𝐞 𝐊𝐚𝐮𝐧𝐠 𝐖𝐞𝐥𝐥𝐧𝐞𝐬𝐬 𝐂𝐞𝐧𝐭𝐞𝐫 မှာ ခေတ်မီပုံရိပ်ဖော်စက်ကြီးတွေနဲ့ စစ်ဆေးနိုင်ပါတယ်နော်…
လက်ရှိအသုံးပြုနေတဲ့ ခေတ်မီပုံရိပ်ဖော်စက်ကိရိယာတွေအကြောင်း ဝေမျှပေးချင်ပါတယ်ရှင့်…

မေမေတို့နဲ့ အရင်းနှီးဆုံးဖြစ်တဲ့ Ultrasound (အာထရာဆောင်း) ကတော့ အသံလှိုင်းကို အသုံးပြုပြီး ပုံရိပ်ဖော်တာဖြစ်လို့ ဓာတ်ရောင်ခြည်အန္တရာယ် လုံးဝမရှိပါဘူး။ ကိုယ်ဝန်‌ဆောင်မိခင်နဲ့ ရင်သွေးငယ်ရဲ့ ကျန်းမာရေး၊ ခန္ဓာကိုယ်အတွင်းရှိ အသည်း၊ ကျောက်ကပ်၊ သည်းခြေနဲ့ အမျိုးသမီးတို့ရဲ့ သားအိမ် အခြေအနေတွေကို ဘေးထွက်ဆိုးကျိုးမရှိဘဲ Real-time အသေးစိတ် ကြည့်ရှုနိုင်ပါတယ်။

ဒုတိယတစ်ခုကတော့ X-Ray ပါ။ ဓာတ်ရောင်ခြည် အနည်းငယ်ကိုသုံးပြီး သိပ်သည်းဆများတဲ့ အစိတ်အပိုင်းတွေကို ရိုက်ကူးတာပါ။ အရိုးကျိုးတာ၊ အက်တာတွေအပြင် အဆုတ်‌ရောင်ခြင်း၊ သွားနဲ့ ခံတွင်းဆိုင်ရာ ပြဿနာတွေကို အချိန်တိုအတွင်း စစ်ဆေးသိရှိနိုင်ပါတယ်။

နောက်ဆုံးတစ်ခုက ခန္ဓာကိုယ်ကို အလွှာလိုက် အသေးစိတ် ပုံရိပ်ဖော်ပေးနိုင်တဲ့ CT Scan ပါ။ ဦးနှောက်အတွင်း သွေးယိုခြင်း၊ အကျိတ်နဲ့ ကင်ဆာရောဂါတွေ ရှာဖွေခြင်း၊ အတွင်းကလိစာတွေ ပြင်းထန်စွာ ထိခိုက်ဒဏ်ရာရခြင်းတွေကို ရိုးရိုးဓာတ်မှန်ထက် အဆပေါင်းများစွာ ပိုမိုတိကျစွာ ဖော်ထုတ်ပေးနိုင်ပါတယ်။

𝐌𝐨𝐞 𝐊𝐚𝐮𝐧𝐠 𝐖𝐞𝐥𝐥𝐧𝐞𝐬𝐬 𝐂𝐞𝐧𝐭𝐞𝐫 မှာဆိုရင်တော့ ဒီလို နောက်ဆုံးပေါ် ခေတ်မီစက်ကိရိယာတွေကို ကျွမ်းကျင်ဓာတ်မှန်ပညာရှင်များ၊ အထူးကုဆရာဝန်ကြီးများ ကိုယ်တိုင် စနစ်တကျ အသုံးပြုပြီး စမ်းသပ်စစ်ဆေးနေတာဖြစ်လို့ တိကျသေချာတဲ့ ဆေးစစ်ချက်ရလဒ်တွေအတွက် စိတ်ပူစရာမလိုတော့ဘူးနော်။

အသေးစိတ်သိရှိနိုင်ရန် အောက်ပါဖုန်းနံပါတ်မှတစ်ဆင့် ဆက်သွယ်မေးမြန်းနိုင်ပါသည်။
☎ 09 - 696908881, 09 - 340221960
📩 wchbaukhtaw@gmail.com
🌎 www.moekaungtreasurehospital.com

24/03/2026

- ရုတ်တရက် အစာနင်ရင် ပြုစုကုသနည်းများ
-----------------------------------------------------------

အစာနင်ခြင်းက အသက်အန္တရာယ်ရှိတာဖြစ်လို့ အချိန်မီပြစုရန် လိုအပ်ပါတယ်။ အထူးသဖြင့် ကလေးငယ်တွေဟာ ကစားစရာသေးသေးလေးတွေ ဒါမှမဟုတ် အစားအသောက်တွေကို မတော်တဆ မျိုချမိရာကနေ အစာနင်တာ၊ အသက်ရှူလမ်းကြောင်း ပိတ်တာမျိုးတွေ ဖြစ်တတ်ပါတယ်။
ဒီလိုအခြေအနေမျိုးက စက္ကန့်ပိုင်းအတွင်း အသက်အန္တရာယ်ရှိနိုင်တာမို့ အိမ်မှာတင် အမြန်ဆုံး ပြုစုပေးနိုင်ဖို့ ဒီနည်းလမ်းတွေကို သိထားရပါမယ်။

🆘 အစာနင်နေကြောင်း ဘယ်လိုသိနိုင်မလဲ?
လူနာက စကားမပြောနိုင်တော့ခြင်း
အသက်ရှူရခက်ခဲပြီး တရွှူးရွှူးအသံထွက်လာခြင်း
မျက်နှာနဲ့ နှုတ်ခမ်းများ ပြာနှမ်းလာခြင်း
လည်ပင်းကို လက်နဲ့ဆုပ်ကိုင်ပြီး အကူအညီတောင်းခြင်း

✅ အဆင့်ဆင့် ပြုစုနည်း
၁။ ကိုယ်တိုင် ချောင်းဆိုးခိုင်းပါ
လူနာက အသံထွက်နိုင်သေးရင် သို့မဟုတ် အားပြင်းပြင်းနဲ့ ချောင်းဆိုးနိုင်သေးရင် အစာထွက်လာအောင် ကိုယ်တိုင် ချောင်းဆိုးဖို့ တိုက်တွန်းပါ။

၂။ နောက်ကျောကို ပုတ်ပါ
လူနာရဲ့ ကျောဘက်မှာရပ်ပြီး လက်တစ်ဖက်နဲ့ ရင်ဘတ်ကို ထောက်ထားပေးပါ။ လူနာကို ရှေ့သို့ အနည်းငယ် ကိုင်းခိုင်းပြီး ပခုံးရိုးနှစ်ခုကြားကို လက်ဖနောင့်ဖြင့် (၅) ကြိမ် ခပ်ပြင်းပြင်း ပုတ်ပေးပါ။

၃။ ဝမ်းဗိုက်ကို တွန်းတင်ပါ
ချောင်းဆိုးလို့မှ အစာမထွက်လာရင် လူနာရဲ့နောက်ကနေ သိုင်းဖက်ပါ။ လက်တစ်ဖက်ကို လက်သီးဆုပ်ပြီး ချက်နဲ့ ရင်ညွန့်ကြား မှာ ထားပါ။ ကျန်လက်တစ်ဖက်နဲ့ အပေါ်ကနေ ထပ်ဖိပြီး အတွင်းနဲ့ အပေါ်ဘက်သို့ (၅) ကြိမ် ခပ်ပြင်းပြင်း ဆောင့်ပြီး တွန်းတင်ပေးပါ။

၄။ အလှည့်ကျ ပြုလုပ်ပါ
အစာထွက်မလာမချင်း သို့မဟုတ် လူနာ သတိလစ်မသွားမချင်း နောက်ကျောပုတ်ပေးတာနဲ့ ဝမ်းဗိုက်တွန်းတင်တာကို အလှည့်ကျ ဆက်တိုက် ပြုလုပ်ပေးရပါမယ်။

၅။ လူနာ သတိလစ်သွားပါက
လူနာကို မြေပြင်ပေါ် ညင်သာစွာချပြီး CPR ကို ချက်ချင်း စတင်လုပ်ဆောင်ပါ။ တစ်ချိန်တည်းမှာပဲ အရေးပေါ် လူနာတင်ယာဉ်ကို အမြန်ဆုံး ခေါ်ဆိုပါ။

💡 သတိပြုရန်
အစာနင်တဲ့အခါ နှိုက်ထုတ်ဖို့ ကြိုးစားခြင်းက အစာကို ပိုဝင်သွားစေနိုင်တာမို့ အထက်ပါ နည်းလမ်းအတိုင်းသာ စနစ်တကျ ပြုစုပေးဖို့ အကြံပြုလိုပါတယ်။
အသေးစိတ်သိရှိနိုင်ရန် အောက်ပါဖုန်းနံပါတ်မှတစ်ဆင့် ဆက်သွယ်မေးမြန်းနိုင်ပါသည်။
☎ 09 - 696908881, 09 - 340221960
📩 wchbaukhtaw@gmail.com
🌎 www.moekaungtreasurehospital.com
#အစာနင်ခြင်း #ရှေးဦးသူနာပြုစုနည်း #အသက်ကယ်နည်း #ကျန်းမာရေးဗဟုသုတ

20/03/2026

ရင်သွေးလေးကို ဂရုစိုက်ဖို့ဆိုတာ မေမေကိုယ်တိုင်လည်း ကျန်းမာနေဖို့ လိုအပ်ပါတယ် ❤️

ရင်သွေးလေး မွေးဖွားပြီးတဲ့နောက်မှာ မေမေတို့ရဲ့ အချိန်အားလုံးက ကလေးလေးအတွက်ပဲ ဖြစ်သွားတတ်ကြပါတယ်။ ဒါပေမဲ့ မေ့ထားလို့မဖြစ်တာက မေမေတို့ရဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးပါ။

ဒီ Video လေးထဲမှာ မိုးကောင်းရတနာဆေးရုံကနေ မေမေတို့အတွက် အဖိုးတန်တဲ့ အကြံပြုချက်တွေကို မျှဝေပေးထားပါတယ်။

✨ မိမိကိုယ်ကိုယ် ချစ်ခင်ဂရုစိုက်ခြင်းဟာ သားသားမီးမီးတို့ကို အကောင်းဆုံးပြုစုစောင့်ရှောက်နိုင်ခြင်းရဲ့ အစပျိုးခြင်းပါပဲ။

#မိုးကောင်းရတနာဆေးရုံ

19/03/2026

ကြိုတင်ကာကွယ် Heat Stroke အန္တရာယ်
-------------------------------------------------
ပူပြင်းတဲ့နွေရာသီမှာ အဖြစ်များတဲ့ Heat Stroke (အပူလျှပ်ခြင်း) က ခန္ဓာကိုယ်အပူချိန် အလွန်အမင်း မြင့်တက်လာစေပြီး အသက်အန္တရာယ်အထိ ဖြစ်စေနိုင်လို့ ကြိုတင်ကာကွယ်ဖို့ လိုအပ်ပါတယ်။

🚨 ဒါတွေဖြစ်ရင် သတိထားပါ
၁။ ကိုယ်အပူချိန် ၁၀၄ ဒီဂရီဖာရင်ဟိုက် (၄၀ ဒီဂရီစင်တီဂရိတ်) ကျော်နေမယ်
၂။ ချွေးမထွက်တော့ဘဲ အသားအရေ ပူစပ်ပြီး နီမြန်းလာမယ်
၃။ ခေါင်းကိုက်မယ်
၄။ မူးဝေ၊ ပျို့အန်လာမယ်
၅။ နှလုံးခုန်မြန်လာမယ်
၆။ စိတ်ရှုပ်ထွေးလာမယ်
ဒီအချက်တွေဖြစ်နေပြီဆိုရင်တော့ Heat Stroke ကို ခံစားနေရပါတယ်။

✅ ဘယ်လိုကာကွယ်ကြမလဲ?
၁။ ရေများများသောက်ပါ - ရေငတ်သည်ဖြစ်စေ၊ မငတ်သည်ဖြစ်စေ ရေနဲ့ ဓာတ်ဆားရည်ကို မကြာခဏ သောက်ပေးပါ။
၂။ နေရောင်ခြည်ကို ရှောင်ပါ - မွန်းတည့် (၁၁) နာရီကနေ ညနေ (၄) နာရီအတွင်း အပြင်ထွက်ခြင်းကို တတ်နိုင်သမျှ ရှောင်ကြဉ်ပါ။
၃။ အဝတ်အစား ရွေးချယ်ပါ - ပေါ့ပါးပြီး လေဝင်လေထွက်ကောင်းတဲ့ ချည်သားပွပွများကို ဝတ်ဆင်ပါ။
၄။ အပူဒဏ်လျှော့ချပါ - နေပူထဲက ပြန်လာလျှင် ချက်ချင်းရေမချိုးဘဲ ခဏနားပြီးမှ ရေချိုးပါ။
၅။ အရိပ်ထဲမှာ နားပါ - အတတ်နိုင်ဆုံး အိမ်ထဲမှာ နေထိုင်ပါ။ အပြင်ထွက်ရပါက ထီး၊ ဦးထုပ် သုံးစွဲပြီး အရိပ်ရတဲ့နေရာမှာ ခဏခဏ နားပေးပါ။

ကလေးငယ်တွေနဲ့ သက်ကြီးရွယ်အိုတွေက အပူဒဏ်ကို ပိုမိုခံစားရလွယ်တာမို့ မိသားစုဝင်တွေက အထူးဂရုစိုက်ပေးဖို့ လိုအပ်ပါတယ်။ မိမိကိုယ်တိုင် (သို့မဟုတ်) မိသားစုဝင်တစ်ဦးဦးမှာ အထက်ပါ လက္ခဏာတွေ တွေ့ရှိလာပါက နီးစပ်ရာ ဆေးရုံဆေးခန်းသို့ အမြန်ဆုံး ပြသပေးဖို့ အရေးကြီးပါတယ်။

အသေးစိတ်သိရှိနိုင်ရန် အောက်ပါဖုန်းနံပါတ်မှတစ်ဆင့် ဆက်သွယ်မေးမြန်းနိုင်ပါသည်။
☎ 09 - 696908881, 09 - 340221960
📩 wchbaukhtaw@gmail.com
🌎 www.moekaungtreasurehospital.com
#အပူလျှပ်ခြင်း

16/03/2026

National Immunization Day
ယနေ့ March 16 တွင်ကျရောက်သော National Immunization Day တွင်အားလုံးကျန်းမာသောဘဝပိုင်ဆိုင်နိုင်ကြပါစေလို့ ကျွန်မတို့ မိုးကောင်းရတနာ မိခင်နှင့် ကလေးဆေးရုံက ဆုတောင်းပေးလိုက်ပါတယ်ရှင်....
ကာကွယ်ဆေးနှင့်ပတ်သက်ရင် ကျမတို့ မိုးကောင်း ရတနာဆေးရုံမှာရှိတဲ့ Royal Mommy မှာ ထိုးနှံနိုင်ပါတယ်။
ဆက်သွယ်ရန် ဖုန်းနံပါတ်ကတော့ 09663438699 ဖြစ်ပါတယ်ရှင့် -----
Immunization Day

14/03/2026

🙏အနာဂတ်မိခင်လောင်းများ အတွက် Maternity Package🙏
LCSC Package (ခွဲစိတ်မွေးဖွားခြင်း)
Normal Labour Package (ရိုးရိုးမွေးဖွားခြင်း)

ရင်သွေးငယ်လေးတွေကိုမီးဖွားဖို့ မေမေတို့တွေစိတ်လှုပ်ရှားနေကြပြီလား?
မေမေတို့အတွက် အသင့်တော်ဆုံးဆေးရုံတွေ့ရှိပြီလား?
ဒါဆိုရင်တော့ ကျွန်မတို့မိုးကောင်းရတနာမိခင်နှင့်ကလေးဆေးရုံမှ မီးဖွားခါနီးမေမေတို့အတွက် အကောင်းဆုံးသောဝန်ဆောင်မှုများပေးစွမ်းပါရစေရှင်။

ကျွန်မတို့မိုးကောင်းရတနာမိခင်နှင့်ကလေးဆေးရုံမှာဆိုရင် ရင်သွေးငယ်နှင့်မိခင်ကျန်းမာရေးစောင့်ရှောက်မှုအတွက် သားဖွားမီးယပ်ဆရာဝန်ကြီးများနှင့် ကလေးအထူးဆရာဝန်ကြီးများမှ Round လှည့်ကြည့်ရှုပေးခြင်း၊ တာဝန်ကျဆရာဝန်များ၊ သူနာပြုဆရာ/ဆရာမများကို အသင့်ထားရှိပေးထားခြင်း၊ တစ်ခါသုံးအိပ်ရာခင်းနှင့်ခေါင်းအုံးစွပ်များအသုံးပြုပေးခြင်း၊ Laundry Service ရရှိနိုင်ခြင်း၊ မွေးကင်းစကလေးများ၏ အလှဓာတ်ပုံရိုက်ပေးခြင်း၊ မွေးကင်းစကလေးငယ်များဝတ်ဆင်နိုင်ရန် ချစ်စဖွယ်အင်္ကျီနှင့် ပိုးသတ်ထားသောအနှီးများ၊ မိခင်အတွက် ဆေးရုံအင်္ကျီနှင့် ကလေးနို့တိုက်ကျွေးရန် အင်္ကျီလှလှလေးများကိုပါပေးလျက်ရှိပါတယ်။

ဒါ့အပြင် ကလေးနှလုံးခုန်သံနှင့် မိခင်၏သားအိမ်ညှစ်အားတို့ကိုသိရှိနိုင်ရန်အတွက် CTG တစ်ကြိမ်ဆွဲပေးခြင်း၊ ကလေးမွေးပြီးခါစ မိခင်များအတွက် Physiotherapy Care တစ်ကြိမ်၊ အာဟာရဆိုင်ရာဆရာဝန်ကြီးများမှ အာဟာရဆိုင်ရာအကြံပေးခြင်းတစ်ကြိမ်ပြုလုပ်ပေးခြင်း၊ ကလေးသွေးအုပ်စုအမျိုးအစားနှင့် G6PD အင်ဇိုင်းချို့တဲ့မှုရှိ/မရှိ အချင်းသွေးမှ စစ်ဆေးပေးခြင်း၊ မွေးကင်းစကလေးများကို ပထမအကြိမ် အသည်းရောင်အသားဝါရောဂါ (ဘီ)ကာကွယ်ဆေးနှင့် ဘီတာမင် (ကေ)ထိုးပေးခြင်းများလည်း ပြုလုပ်ပေးပါတယ်ရှင်။

Room Type အနေနဲ့ကတော့ Aster Room၊ Single Room (Grade A) နှင့် Single Room (Grade B) ဆိုပြီး ၃မျိုးရှိပါတယ်။ Package အမျိုးအစားတွင် LSCS Package (ခွဲစိတ်မွေးဖွားခြင်း) နှင့် Normal Labour Package (ရိုးရိုးမွေးဖွားခြင်း)တို့ဖြစ်ပြီး မေမေတို့အနေဖြင့် မိမိယူလိုသော Package အမျိုးအစားအပေါ်မူတည်၍ နှစ်သက်ရာအခန်းများကိုရွေးချယ်နိုင်ပါတယ်။

လူကြီးမင်းတို့အနေဖြင့် ကြိုတင်၍ Appointment များ ရယူလိုပါက
Hot Line- 09696908881~3, 09340221960 သို့ ဆက်သွယ်နိုင်ကြောင်းပြောကြားရင်း

လူနာများကို စဉ်ဆက်မပြတ် နွေးထွေးပျူငှာစွာဆက်ဆံပေးလျက်ရှိသော မိုးကောင်းရတနာ မိခင်နဲ့ကလေးဆေးရုံကြီးသို့ လာရောက်၍ ကုထုံးများခံယူဖို့ ဖိတ်ခေါ်ပါရစေရှင်။

13/03/2026

ကင်ဆာဆေးကုသမှု ခံယူနေရတဲ့ အချိန်ဟာ လူနာရော မိသားစုဝင်တွေအတွက်ပါ စိန်ခေါ်မှုကြီးမားတဲ့ အချိန်တစ်ခုပါ။ 🥀

ဒီလိုအချိန်မျိုးမှာ ဆေးဝါးကုသမှုအပြင် လူနာရဲ့ ခန္ဓာကိုယ်က ပြန်လည်အားပြည့်လာဖို့ "မှန်ကန်တဲ့ အာဟာရ" က အသက်တမျှ အရေးကြီးပါတယ်။ အစားအသောက် ပုံမှန်စားဖို့ ခက်ခဲနေတဲ့ လူနာတွေအတွက် ဘယ်လို ပြင်ဆင်ကျွေးမွေးရမလဲ? ဆေးသွင်းကုသမှုဒဏ်ကို ကြံ့ကြံ့ခံနိုင်ဖို့ ဘာတွေက အထောက်အကူပြုမလဲ? 🤔

ဒီမေးခွန်းတွေကို မိုးကောင်းဆေးရုံမှ ဒေါက်တာဟိန်းတေဇစိုး ကနေပြီးတော့ စေတနာအပြည့်နဲ့ အသေးစိတ် အကြံပြုဆွေးနွေးပေးထားပါတယ်။

မိမိတို့ရဲ့ ချစ်ခင်ရသူ ဝေဒနာရှင်များ ကုသမှု ခရီးလမ်းမှာ အဆင်ပြေချောမွေ့စေဖို့ ဒီဗီဒီယိုလေးကို ကြည့်ရှုပြီး လိုက်နာဆောင်ရွက်ပေးနိုင်ပါတယ်ရှင်။ ❤️

(ဗီဒီယိုကို အဆုံးထိကြည့်ရှုဖို့ တိုက်တွန်းပါရစေ။)

#ကင်ဆာဝေဒနာရှင်များအတွက် #အာဟာရလမ်းညွှန် #ဒေါက်တာဟိန်းတေဇစိုး #မိုးကောင်းဆေးရုံ

10/03/2026

လူတွေ လွဲမှားနေတဲ့ အယူအဆတွေကို မိုးကောင်းဆေးရုံမှ ရှင်းလင်းပြောကြားခြင်း 🩺🚫

"ကင်ဆာဖြစ်ရင် မပျောက်တော့ဘူး"၊ "အသားစားရင် ကင်ဆာပိုဆိုးတယ်"၊ "အသားစယူစစ်ရင် ကင်ဆာက ပိုပြန့်တတ်တယ်" စတဲ့ ကြားဖူးနားဝ အယူအဆတွေကြောင့် ကြောက်ရွံ့နေကြသူတွေ ရှိပါသလား? 🤔

ဒီနေ့မှာတော့ မိုးကောင်းဆေးရုံမှ ကင်ဆာရောဂါနဲ့ ပတ်သက်ပြီး လူတွေကြားမှာ အမြဲတမ်း လွဲမှားနေတတ်တဲ့ အချက်တွေကို သိပ္ပံနည်းကျကျ ရှင်းလင်းပေးထားပါတယ်။

အယူအဆအမှားတွေကြောင့် ကုသမှုနောက်ကျတာမျိုး မဖြစ်ရအောင် ဒီဗီဒီယိုလေးကို အဆုံးထိကြည့်ပြီး သင့်ရဲ့ နီးစပ်ရာ လူသားချင်းတွေကိုလည်း ပြန်လည်မျှဝေပေးလိုက်ပါဦး။ ❤️

#အယူအဆအမှားများ #မိုးကောင်းဆေးရုံ #ကျန်းမာရေးဗဟုသုတ

08/03/2026

မင်္ဂလာပါရှင်
ယနေ့ကျရောက်သော International Women’s Day အား ကျွန်မတို့ မိုးကောင်းရတနာ မိခင်နှင့်ကလေးဆေးရုံမှ လှိုက်လှဲစွာ ကြိုဆိုအပ်ပါ သည်၊၊
"အနွေးထွေးဆုံး ယုယကြင်နာ
ချစ်ခြင်းမေတ္တာ မိုးကောင်းရတနာ"
“Perfect Life, Perfect Place”

ကြိုတင်ရက်ချိန်းရယူရန်နှင့် အသေးစိတ်သိရှိလိုပါက သိရှိလိုပါက အောက်ပါဖုန်းနံပါတ်များသို့ ဆက်သွယ် စုံစမ်းနိုင်ပါသည်။
Hot Line- 09696908884~6, 09340221960

07/03/2026

မိုးကောင်းကင်ဆာကုသရေးစင်တာရဲ့ ထူးခြားချက်များ
---------------------------------------------------------

ကင်ဆာရောဂါကို ကုသဖို့အတွက် ပြည်ပအထိ သွားရောက်ဖို့ စဥ်းစားနေပါသလား?
အခုဆိုရင် ဘန်ကောက်အထိ သွားစရာမလိုဘဲ နိုင်ငံတကာအဆင့်မီ ကင်ဆာကုသမှုတွေကို မြန်မာနိုင်ငံမှာတင် ဈေးနှုန်းသက်သာစွာနဲ့ စိတ်အေးချမ်းသာစွာ ခံယူနိုင်ပါပြီ…

မိုးကောင်းကင်ဆာကုသရေးစင်တာက ဘာတွေ ထူးခြားလဲ? 👇
✅နည်းပညာမြင့် ကုထုံးများ
ခေတ်မီနည်းပညာအမြင့်မားဆုံး ကင်ဆာရောဂါရှာဖွေမှုတွေအပြင် ကင်ဆာဆေးသွင်းကုသခြင်း၊ ဓာတ်ရောင်ခြည်ကုသခြင်း၊ ဓာတ်အပ်စိုက်ကုသခြင်းနဲ့ ကင်ဆာခွဲစိတ်မှုတွေကို တစ်နေရာတည်းမှာပဲ ခံယူနိုင်ပါတယ်။
✅ Digital Online Waiting System
Digital Online Waiting System ရှိလို့ ဆရာဝန်ကြီးတွေကို အကြာကြီး စောင့်နေစရာမလိုတော့သလို အလှည့်ကျော်တာမျိုးမရှိဘဲ စနစ်တကျ ပြသနိုင်မှာ ဖြစ်ပါတယ်။
✅ သက်သောင့်သက်သာနဲ့ စိတ်အေးလက်အေးရှိခြင်း
ကင်ဆာ‌ဆေးသွင်းနေစဥ်မှာ စိတ်အေးလက်အေးနဲ့ သက်သောင့်သက်သာ အနားယူနိုင်ဖို့ကို အထူးပြင်ဆင်ထားပြီး ဆေးရုံတက်ရောက်ကုသရမယ့်သူတွေအတွက်လည်း သန့်ရှင်းသပ်ရပ်ကျယ်ဝန်းတဲ့ အခန်းတွေကို စီစဥ်ပေးထားပါတယ်။
✅ထူးချွန်ထက်မြက်တဲ့ ကင်ဆာပါရဂူကြီးများ
မြန်မာနိုင်ငံရဲ့ ထူးချွန်တဲ့ ကင်ဆာပါရဂူကြီးတွေ ကိုယ်တိုင် အသေးစိတ် တိုင်ပင်ဆွေးနွေးပေးမှာဖြစ်ပြီး ဖော်ရွေပျူငှာတဲ့ Nurse တွေနဲ့ ဝန်ထမ်းတွေကလည်း မိသားစုသဖွယ် ဂရုတစိုက်ပြုစုစောင့်‌ရှောက်ပေးပါတယ်။

ကင်ဆာဝေဒနာကို အောင်မြင်စွာ ကျော်ဖြတ်နိုင်ဖို့အတွက် မိုးကောင်းကင်ဆာကုသရေးစင်တာက လူကြီးမင်းတို့ရဲ့ ဘေးမှာ အမြဲရှိနေမှာပါ။
ကင်ဆာကုထုံးတွေနဲ့ ပတ်သက်ပြီး အသေးစိတ်သိရှိလိုပါက အောက်ပါဖုန်းနံပါတ်မှတစ်ဆင့် ဆက်သွယ်မေးမြန်းနိုင်ပါသည်။
☎ 09 - 696908881, 09 - 340221960
📩 wchbaukhtaw@gmail.com
🌎 www.moekaungtreasurehospital.com

MOE KAUNG Treasure Maternal and Child Hospital

29/03/2026

27/03/2026

26/03/2026

24/03/2026

20/03/2026

19/03/2026

16/03/2026

14/03/2026

13/03/2026

10/03/2026

08/03/2026

07/03/2026

Address

Telephone

Website

Alerts

Contact The Practice

Shortcuts

Share

Category