TT Yoga & Bodyfitness

17/11/2025

ကိုယ့်ကိုယ်ကိုယ် ဆုံးမခြင်း
==============

လူတချို့နဲ့ ကိစ္စတချို့ကို မေ့လိုက်ပါ
မှားနေတဲ့ မျော်လင့်ချက်တွေ မထားမိစေနဲ့

ချစ်ခြင်း မေတ္တာမှာလည်း ငတုံး မဖြစ်စေနဲ့
ကိုယ့်နှလုံးသားကို သေချာစောင့်ရှောက်ပါ

လူတိုင်းကို ယုံကြည်မှုတွေ မလွန်ကဲစေနဲ့
တစ်ခုခုဆို အားနာတတ်တဲ့ အကျင့်ကိုပြင်ပါ

ကိုယ့်ကိုယ်ကိုယ် သန်မာအောင် ကြိုးစားပါ
စိတ်ရော ကိုယ်ပါ ကျန်းမာအောင် ဂရုစိုက်ပါ😊

ဘဝ ကို ကိုယ့်ပုံစံတိုင်း ဆက်လျှောက်လှမ်းပါ
ဘယ်သူ့ကြောင့်မှ ခေါင်းအရှုပ် မခံပါနဲ့

ကိုယ့်ကိုယ်ကိုယ်သာ မျော်လင့်ပါ အားကိုးပါ
လောကဓံ လှိုင်းတွေကို ရင်ဆိုင်ဖို့ သတ္တိ မွေးပါ

သူများ ဘဝတွေကို သွားမနှောင့်ယှက် ပါနဲ့
အကျိုးမရှိတဲ့ ကိစ္စတွေနဲ့ အချိန်မဖြုန်းပါနဲ့

ဘဝမှာ မတန်တာတွေ အများကြီးရှိတယ်"
ဒါကြောင့် မို့ ~~
နွေ ၊ မိုး ၊ ဆောင်း ၊ ပြောင်းလဲ သွားတိုင်း
ကျန်းကျန်းမာမာ ရှိအောင် သေချာဂရုစိုက်ပါ

အဓိက"က တော့ ~~~
ဘယ်သူတွေ ကိုယ့်ကို ချစ်ချစ် မ ချစ်ချစ်
ကိုယ့်တန်ဖိုးကို ကိုယ်တိုင် မြင်အောင်ကြည့်ပါ

ကိုယ့်ပျော့ညံ့ချက်ကို မျက်ရည်နဲ့ ထုတ်မပြနဲ့
ကိုယ့်အပေါ်ကိုယ် ပြန်ကောင်းဖို့ မမေ့ပါနဲ့

ဘဝ တစ်သက်တာလုံး မှာ
ကိုယ့်ကိုယ်ကိုယ် ကာကွယ် စောင့်ရှောင့်ရင်း
လုပ်စရာရှိတာကို အာရုံစိုက် လုပ်ဆောင်နေပါ

အသိတရားတွေ ရင့်ကျက်အောင် သင်ယူပါ
အသိတရား ရင့်ကျက်လာတဲ့ နောက်ပိုင်းမှာ
နောင်တ ကင်းတဲ့ ဘဝကို ပိုင်ဆိုင်ရ ပါတယ်"
ဘဝ ဆိုတာ ရန်မရှာဖို့နဲ့ သန်မာဖို့ပါ။

03/11/2025

မှန်မှန်လေ့ကျင့်ခန်းလုပ်နော်ယူတို့ ကျန်းမာလှပပါစေ❤️

23/10/2025

❤️အအားမနေပဲတစ်မျိုးမျိုးကိုမှန်မှန်လေ့ကျင့်ပေးပါ ကျန်းမာမှချမ်းသာမယ့်ခေတ်မှာ ခေတ်မှီအောင်လေ့ကျင့်ခန်းလုပ်ကြပါနော် ဆေးဘိုးအခွန်မဆောင်ရဘဲ လှလှပပကျန်းကျန်းမာမာစိတ်ချမ်းသာဖို့ရွေးစရာလမ်းကတစ်ခုပဲ မအားတဲ့ကြားကပဲရောက်အောင်လာကစားပေးပါ အသက်ရလာလေ ပိုပီးကြံ့ခိုင်ဖို့လိုလေပဲ ခုကစပီးTT yogaမှာ ယောဂကျင့်ပီးgym ဆော့လိုက်တော့ မိန်းခလေးသီးသန့်မို့ ယူတို့ကိုရှယ်ပလန်နဲ့လှစေမှာပါ
❤️၂၆/၂၁လမ်းအရှေ့ သာကေတ
❤️၀၉၂၅၀၂၀၀၉၄၄/၀၉၉၈၀၃၅၃၄၃၈

15/10/2025

✅အသီးစိမ်ထားတဲ့ရေ ကို ထမင်းစားပြီးလျှင်

သောက်ကြည့်ပါ။

✅အဆီအစိမ့်လဲပြေပြီးအသည်း နှင်ကျာက်ကပ်ကိုလည်းသန့်စင်ပေးပါတယ်

✅အခုတလော နိုင်ငံတကာ ကျန်းမာရေးစာမျက်နှာများမှာ အလွန်ခေတ်စားနေတဲ့ Detox Water အကြောင်းကို မျှဝေပေးချင်ပါတယ်။ Detox Water ဆိုတာ သစ်သီးများကို ရေဖြင့် စိမ်ထားတဲ့ သစ်သီးစိမ်ရေကို ဆိုလိုတာ ဖြစ်ပါတယ်။

✅သစ်သီးစိမ်ရေကို သောက်ခြင်းအားဖြင့် လူတို့နေ့စဉ်စားသောက်ထားတဲ့ အစားအစာများကို စစ်ထုတ်ပေးနေတဲ့အသည်းနှင့် ကျောက်ကပ်တို့မှ အဆိပ်အတောက်များကို သန့်စင်ရှင်းလင်းပေးပြီး အသည်းနှင့်ကျောက်ကပ်ကို ရောဂါကင်းစင်စေကာ သန်မာလာစေတယ်လို့ ဆိုပါတယ်။

✅Detox Water ပြုလုပ်နည်းများထဲမှ နည်းလမ်းအချို့ကို ကိုယ်တိုင်အလွယ်တကူ ပြုလုပ်၍ သောက်သုံးနိုင်ရန် မျှဝေပေးလိုက်ပါတယ်။

(၁) Cucumber Lemon Mint Detox Water
ပုံထဲမှာပါသည့်အတိုင်း ဖန်ခွက်၊ ရေခရား၊ အ၀ကျယ်ပုလင်းပု တစ်ခုခုထဲကို သောက်ရေထည့်ပါ။ ပြီးလျှင် သခွါးသီးကွင်း၊ သံပယိုသီးကွင်းနှင့် ပူစီနံရွက်တို့ကို ရေနှင့်ချိန်ဆ၍ အနေတော်ထည့်ပြီး (၅)နာရီခန့် ရေခဲသေတ္ထာထဲ ထည့်ထားပြီး သောက်ပါ။

(၂) Apple Cinnamon Detox Water
ပန်းသီးစိတ်နှင့် သစ်ဂျပိုးမှုန့် အနည်းငယ်ကို သောက်ရေထဲ ထည့်စိမ်ပြီး သောက်ပါ။

(၃) Apple Cider Vinegar Detox Water
ACV လို့ခေါ်တဲ့ ပန်းသီးအရည်ကို သောက်ရေခွက်ထဲ အနည်းငယ် ထည့်စိမ်၍ သောက်ပါ။ (Apple Cider Vinegar ကို ကုန်တိုက်များမှာ ၀ယ်ယူနိုင်ပါတယ်)

(၄) Strawberry Detox Water
စတော်ဘယ်ရီသီးလေးများကို သောက်ရေထဲ ထည့်စိမ်၍ သောက်ပါ။

(၅) Simple Detox Water
သံပုရာသီး၊ သံပုယိုသီး၊ ရှောက်သီး တစ်မျိုးမျီုးကို သောက်ရေထဲသို့ တစ်စိပ်လောက် ညှစ်ထဲ့၍ သောက်ပါ။

(၆) Weight Loss Detox Water
Grapefruit သီး၊ မန်ကျည်းသီးမှည့်၊ သခွားသီးတို့ကို အနည်းစီ ထည့်စိမ်၍ သောက်ပါ။ ဝိတ်ကိုလည်း ကျစေပါတယ်။

(၇) Fruits Detox Water
ဒီနည်းကတော့ အကောင်းဆုံးနဲ့ အရသာအရှိဆုံး ဖြစ်ပါတယ်။ သခွါးသီး၊ ပန်းသီး၊ သံပုယိုသီး၊ ဘယ်ရီသီး၊ ပူစီနံရွက် စသည်တို့ကို လတ်လတ်ဆတ်ဆတ် စုံနိုင်သလောက် စုံအောင်ထည့်စိမ်ပြီး သောက်ပါ။

✅ဒီနည်းတွေထဲမှ မိမိနှင့်အဆင်ပြေနိုင်မည့် နည်းတစ်ခုခုကို ရွေးချယ်၍ လုပ်နိုင်ပါသည်။

✅အနည်းဆုံး ၆ နာရီမှ ၁၀ ခန့်အထိ စိမ်ထားပြီးလျှင် စတင်သောက်သုံးနိုင်ပါပြီ။ ရေနည်းသွားလျှင် ပြန်ဖြည့်ထားနိုင်ပါသည်။

✅စိမ်ထားသည့် ရေများကို ၂ရက်(၄၈) နာရီအတွင်း ကုန်အောင် သောက်နိုင်လျှင် ပိုကောင်းပါသည်။ ဒီထက် ပိုကြာသွားလျှင် မလတ်ဆတ်တော့ပါဘူး။

✅ပိုမိုထိရောက်စေလိုလျှင် အလုပ်နားသည့်ရက်မှာ ထမင်းဟင်းများကို လုံး၀မစားပဲ Detox Water ကိုသာ တစ်နေ့လုံး သောက်ပေးပါ။ စိမ်ထားသော အသီးအနှံနှင့် အခြားဖျော်ရည်များကိုလည်း သောက်ပေးနိုင်ပါသည်။

✅၀မ်းတွင်းမှ ကလီစာများကို အနားပေးပြီး ဆေးကျောသန့်စင်သည့် သဘောဖြင့် တစ်ပတ်ကို အနည်းဆုံး တစ်ရက်ခန့် ပြုလုပ်ပေးပါက သင်သည် အသည်းနှင့် ကျောက်ကပ်ရောဂါဖြစ်မှာကို လုံး၀ပူပန်စရာမလိုသည့် လူသားတစ်ဦး ဖြစ်လာမှာ အမှန်ပါပဲ။

✅လူတို့၏ ကျန်းမာရေးကို ဒုက္ခပေးနေသော သကြားနှင့်ဂတ်စ်တို့ဖြင့် ထုတ်လုပ်ထားသည့် အချိုရည်အမျိုးမျိုးကို သောက်သုံးမည့်အစား သန့်ရှင်းလတ်ဆတ်သော ကိုယ်တိုင်လုပ် သစ်သီးစိတ်ရည်ကို သောက်သုံးဖြင့် သင့်ကျန်းမာရေးကို ဒီနေ့ကစပြီး ဂရုစိုက်ပေးလိုက်ပါ။

#ကျန်းမာရေးဗဟုသုတရကြပါစေ
#မေတ္တာဖြင့်ပြန်လည်မျှဝေပါသည်

10/10/2025

ကျန်းမာပီးလန်းဆန်းအောင်ယောဂကျင့် ပါနော်❤️❤️❤️
သီတင်းကျွတ်သင်တန်းသစ်လေးတွေစပါပီရှင်😘😘😘

29/09/2025

ကျန်းမာဖို့ နေ့စဉ်လေ့ကျင့်ကြပါစို့TT yoga မာန်ပြေ၂၁လမ်းအရှေ့ သာကေတ၀၉၂၅၀၂၀၀၉၄၄ ဝါကျွတ်ပီနော် ချစ်တွေအေးဆေးကစားလို့ရပါပီလို့

25/09/2025

Yogaလုပ်ပီးအကြောလျော့ပါ့မယ် နောက်နေ့အလေးနဲ့ပြန်ဆော့မယ်အိုကေ

14/09/2025

TT ကယောဂသင်ရုံမဟုတ်ဘူးစာပါသင်ပေးတယ်နော်ကျောင်းစာရော အဘိဓမ္မာပါသိသလောက်သင်ပေးပါတယ်ရှင့် ဝါသနာအရပါ🙏🙏🙏

14/09/2025

04/09/2025

တစ်ခါတစ်လေ သင်ဟာ သစ်ပင်ပါ။

အခက်ခဲဖြစ်တဲ့အခါ သန်မာမှုကို
အမြစ်လိုခိုင်ခိုင်မာမာထားပါ။

စိတ်ထိခိုက်ဝမ်းနည်းတဲ့အခါ
သောကတွေကိုရွက်ဟောင်းတွေလို
ကြွေပစ်ပါ။

ပတ်ဝန်းကျင်ကြမ်းတမ်းတဲ့အခါ
ရှင်သန်မှုကို ပင်စည်ရဲ့ ကြီးပြင်းမှုလို
မျိုးထမ်းပိုးပါ။

ဒဏ်ရာဒဏ်ချက်ရတဲ့အခါ
နာကျင်မှုကို ပွင့်ခတ်လိုမျိုး
လှလှပပဝေဆာပစ်ပါ။

တစ်ကယ့်ဘဝမှာအပင်တွေဟာ
အဆိုးဆုံး မုန်းတိုင်းတွေပဲ တွေ့ပစေ
ပြိုလဲကျမှုတွေပဲ ရပစေ

တိမ်တွေငိုပြီးရင် လေတွေထန်ပြီးရင်တော့
ပန်းတွေဟာ အလှဆုံးပွင့်ကြတာပါပဲ။

သူတို့ဟာတစ်နေ့ထက် တစ်နေ့ပို
လှပစွာရှင်သန်ကြတယ်။

အခက်ခဲ ဒုက္ခနှင့် ပတ်ဝန်းကျင်ရိုက်ခတ်မှု
တွေကို သူတို့အတွက် ကောင်းမွန်ခြင်း
အဖြစ်ဖန်တီးကြပါတယ်။

ပြီးတော့ ပိုလှပစွာ ရှင်သန်ကြပါတယ်။

ဒါကြောင့်တစ်ခါတစ်လေကျရင် သင်လည်း သစ်ပင် တစ်ပင်လိုရှင်သန်ဖို့မမေ့ပါနဲ့။

သင်ဟာ အားလုံးထက်ပိုပြီး သန်မာ
သလို ပိုလှပစွာလဲ ရှင်သန်ကြီးပြင်း
တတ်ပါတယ်။
ဘဝမှာ သာယာဖို့ကျန်းမာရမယ် စိတ်ချမ်းသာရမယ် စွမ်းဆောင်နိုင်ရမယ်မှန်မှန်လေးလေ့ကျင့်ခန်းလုပ်မျှတစွာစား အကျိုးရှိမှာကိုလုပ် သစ်ပင်လိုအများကိုအရိပ်ပေး အားဖြည့်လုပ်နိုင်ရင်နေပျော်ပီလေ@@@&ဆန္ဒနဲ့ဘဝထပ်တူမကျနိုင်တောင် အနီးဆုံးပေါ့

01/09/2025

Yoga ကျင့် မှန်မှန်လေးကျန်းမာစေမယ်နော် gymဆော့bodyလှမယ်ok

26/08/2025

ထမင်းစားပြီးနောက် မလုပ်သင့်သည့် ကျန်းမာရေး အန္တရာယ် (၈) ရပ်

(၁) ဆေးလိပ် မသောက်ပါနှင့်။
ထမင်းစားပြီးနောက် စီးကရက် ၁-လိပ်သောက်ခြင်း သည် သာမန် အချိန် စီးကရက်၁၀-လိပ်သောက်ခြင်းနှင့် ညီ မျှပြီး၊ ကင်ဆာ ရောဂါဖြစ်နိုင်ချေ အလားအလာပိုများကြောင်း ဆေးသိပ္ပံပညာရှင် များက သတိပေးထား သည်။

(၂) သစ်သီးများ အလျင်စလို မစားပါနှင့်။
ထမင်စားပြီးနောက် အချိုပွဲ သစ်သီး စားခြင်းသည် မှားယွင်းသော အစဉ်အလာ တစ်ခုဖြစ်နေကြပါသည်။ အမှန် အားဖြင့် ထမင်းစား ပြီးပြီးချင်း သစ်သီးစားခြင်းက လေပွစေပြီး၊ အစာအိမ် ကို ဘေးဥပါသ်ဖြစ်စေ၏။
ထို့ကြောင့် ထမင်းစားပြီး အနည်းဆုံး နာရီ၀က်ခန့် ကြာမှ သာ သစ်သီး စားသင့်သည်။
(ကျန်းမာရေး အမြင် ရှိသော ဟိုတယ်ကြီးများနှင့် စားသောက်ဆိုင် အချို့တွင် သစ်သီးအစား၊ ဥပမာ ဌက်ပျောသီးပေါင်း (သို့မဟုတ်) ရွှေဖရုံသီးပေါင်း စသည့် တို့ကို အချိုပွဲ အဖြစ်တည်ခင်း ဧည့်ခံလာကြသည်)

(၃) လ္ဘက်ရည် မသောက်ပါနှင့်။
လ္ဘက်ရည် အချိုခြောက် ထဲတွင် အက်ဆစ်ဓာတ် အမြောက်အများ ပါရှိကြပေရာ၊ ၄င်းတို့က ထမင်း ဟင်းထဲတွင် ပါရှိသည့် ပရိုတင်း များကို အနှောင့်် အယှက်ပြုကာ အစာချေဖျက်မှု ကိုလည်း ဟန့်တားစေပါသည်။

(၄) ခါးပတ်ကြိုး မလျော့ပါနှင့်။
ထမင်း စားပြီးပြီးချင်း ခါးပတ်ကြိုး (သို့မဟုတ်) ပုဆိုး၊ လုံချည်လျော့၀တ်ခြင်း က အူသိမ် အူမ တို့ကို လိမ်ခေါက် ၍ အူလမ်းကြောင်း ပိတ်ဆို့စေပါသည်။

(၅) ရေ မချိုးပါနှင့်။
ထမင်းစားပြီးနောက် ရေချိုးခြင်း သည် လက်/ခြေထောက်နှင့် ခန္ဓာကိုယ် တစ်ခုလုံးရှိ သွေး လည်ပတ်စီးဆင်း မှု တိုးပွားလာပြီး၊ အစာအိမ် တဝိုက် သွေးလည်ပတ် စီးဆင်းမှု လျော့ကျ လာသောကြောင့် အစာအိမ်ကောင်းစွာ အလုပ် မလုပ်နိုင်တော့ပေ။

(၆) သွက်သွက် လမ်း မလျှောက်ပါနှင့်။
ရှေး လူကြီးမျာက ထမင်းစားပြီး အချိုစား၊ ခြေလှမ်း ၂၀၀ သွား ဟု အဆို ရှိခဲ့ကြလေ၏။ ထို အဆိုမှာ တက် တက် စင် မှားယွင်းနေ ကြောင်း ယနေ့ဆေးသိပ္ပံပညာရှင် များက အတည်ပြုထားကြသည်။
အကြောင်းရင်း မှာ . ထမင်း စားပြီးချင်း ခပ် သွက်သွက် လမ်းလျှောက်ခြင်း က ဗိုက်အောင့်စေတတ်ပြီး၊ ထမင်း ဟင်း ထဲမှပါ၀င်သော အာဟာရ စုပ်ယူရန် အတွက် အစာချေ စံနစ်ကို အနှောင့် အယှက်ဖြစ် စေ တတ် သည်။ (ထမင်းစားပြီး ငြိမ်ငြိမ် ထိုင်နေရမည် ဟု မဆိုလိုပါ) ကျန်းမာရေး နဲ့ ညီညွတ်စေဖို့အတွက် ထမင်းစားပြီး ပါက အနည်းဆုံး ၁၅-မိနစ်ခန့် မတ်တပ် ရပ်နေပါ (သို့မဟုတ်) ဖြည်းဖြည်း မှန်မှန်လမ်းလျှောက်ပါ။

(၇) မအိပ်ပါနှင့်။
ထမင်းစားပြီး ချက်ချင်း လှဲအိပ်ခြင်းသည် အစာကောင်းစွာ မကျေညက်စေတော့ဘဲ၊ အစာအိမ်ရောဂါဖြစ်စေသည့်ပြင်၊ အူ များကို ကူးစက်ရောဂါပိုး ဝင်စေပါသည်။

(၈) အားကစား မလုပ်ပါနှင့်။
အားကစား မလုပ်ခင် အနည်းဆုံး နာရီ၀က် မှ အများဆုံး ၂-နာရီ ခန့်ကြိုတင်၍ ထမင်းစားထားပါ။ သို့မဟုတ် ပါက၊ အကြော ဆွဲခြင်း (သို့မဟုတ်) ရုတ်တရက်နှလုံးခုန် ရပ်တန့်ခြင်း (သို့မဟုတ်) အသက်သေစေနိုင်သည်
ကိုယ်ကျန်းမာ စိတ်ချမ်းသာကြပါစေ။🙏

Credit original writter