Pwint Thit Sa Pharmacy

Pwint Thit Sa Pharmacy Contact information, map and directions, contact form, opening hours, services, ratings, photos, videos and announcements from Pwint Thit Sa Pharmacy, Pharmacy / Drugstore, Yangon.

29/09/2022

👉 အရေးပေါ်တားဆေး(Emergency Contraceptive Pills) ဆိုတာ ဘာလဲ?
အရေးပေါ်တားဆေးဆိုတာဟာ မတော်တဆအကာအကွယ်မဲ့လိင်ဆက်ဆံမိတဲ့အခါမျိုးမှာ ကိုယ်ဝန်မရစေဖို့ အမျိုးသမီးသောက်သုံးရတဲ့ဆေးဖြစ်ပါတယ်။

👉ဘယ်လိုအခြေအနေမှာ အရေးပေါ်ကိုယ်ဝန်တားဆေးကို သောက်ရတာလဲ?
📌 မတော်တဆ အကာအကွယ်မဲ့လိင်ဆက်ဆံမိတဲ့အခါမျိုး
📌ကွန်ဒုံးသုံးပေမယ့် ကွန်ဒုံးပေါက်ပြဲသွားတဲ့အခါမျိုး
📌နေ့စဥ်သောက်ဆေးကဒ်တွေ သောက်နေရင်းနဲ့မေ့သွားတဲ့အခါမျိုး
📌 အတင်းအဓမ္မပြုကျင့်ခံရတဲ့ အခါမျိုးတွေမှာ သောက်သုံးလို့ရပါတယ်။

🚨မတော်တဆအတူနေမိပြီး ကိုယ်ဝန်မရချင်ဘူးဆိုရင်တော့ မဖြစ်မနေသောက်ကို သောက်ရမယ့်ဆေးဖြစ်ပါတယ်။

👉 ဆေးကိုအတူနေပြီး ဘယ်နှရက်အတွင်းထိ သောက်လို့ရလဲ?
အတူနေပြီး ၃ရက် (၇၂ နာရီ) အတွင်းသောက်သုံးရမှာဖြစ်ပါတယ်။
(*အတူနေပြီး စောစောသောက်နိုင်လေလေ ပိုစိတ်ချရလေလေဖြစ်ပါတယ်)
❌ အတူမနေခင်ကြိုသောက်ထားလို့တော့မရပါ။

👉 ဆေးကိုဘယ်လိုဝယ်ပြီး ဘယ်လိုသောက်ရမလဲ?
နီးစပ်ရာဆေးဆိုင်များတွင် အရေးပေါ်တားဆေး (Emergency Pills) လို့ပြောပြီးဝယ်ယူလို့ရပါတယ်။ အရေးပေါ်တားဆေးမှာ (၁)လုံးထဲပါတာရှိသလို (၂)လုံးပါတာလည်းရှိပါတယ်။ ၂မျိုးစလုံးကတော့ တူတူပါပဲ။
📌 ၁လုံးထဲပါတဲ့ဆေးဆိုရင်တော့ အတူနေပြီးချိန်မှာ (၁)လုံးပဲသောက်ဖို့လိုပါတယ်။
📌 ၂လုံးပါတဲ့ဆေးဆိုရင်တော့ အတူနေပြီးချိန်မှာ (၂)လုံးစလုံးကို တစ်ပြိုင်နက်ထဲ သောက်လို့ရသလို အတူနေပြီးတဲ့အခါမှာ ၁လုံးကိုသောက် နောက် ၁၂နာရီနေတဲ့အခါမှ မဖြစ်မနေနောက်တစ်လုံးကိုသောက်လို့လည်းရပါတယ်။ (သောက်ဖို့မေ့မှာစိုးရင်တော့ ၂လုံးစလုံးတစ်ပြိုင်နက်ထဲသောက်လိုက်တာတော့ အကောင်းဆုံးဖြစ်ပါတယ်)
🤚 သင်ဟာ ကိုယ်အလေးချိန် ၁၆၅ပေါင်ကျော်ခဲ့ရင်ဆရာဝန်နဲ့ တိုင်ပင်ဆွေးနွေးပြီးမှ ဆရာဝန်ညွှန်ကြားတဲ့ အရေးပေါ်ကိုယ်ဝန်တားတဲ့ နည်းလမ်းအတိုင်းလုပ်ဆောင်သင့်ပါတယ်။

👉 ဆေးသောက်ပြီး ပြန်အန်ရင် ဆေးကိုပြန်သောက်ဖို့လိုလား?
ဆေးသောက်ပြီး ၃နာရီအတွင်းအန်ရင် အစကနေ ပြန်သောက်ဖို့ လိုအပ်ပါတယ်။ (၁)လုံးထဲပါတဲ့ဆေးကဒ်ဆိုရင် (၁)လုံးပြန်သောက်ပေးရမှာဖြစ်သလို (၂)လုံးပါတဲ့ဆေးကဒ်ဆိုရင်လည်း (၂)လုံးစလုံးပြန်သောက်ပေးရမှာဖြစ်ပါတယ်။ အန်တတ်တယ်ဆိုရင်တော့ အအန်ပျောက်ဆေးနဲ့တွဲဖက်ပြီးလည်း သောက်သုံးလို့ရပါတယ်။

👉 အရေးပေါ်တားဆေးရဲ့ ဘေးထွက်ဆိုးကျိုးတွေကဘာလဲ?
အရေးပေါ်သန္ဓေတားဆေးတွေက အမျိုးသမီးအများစုအတွက် အန္တရာယ်ကင်းကြပါတယ်။ အရေးပေါ်တားဆေးမှာ ဟောမုန်းပိုများများပါဝင်တာကြောင့် ဟောမုန်းတွေရဲ့ ဘေးထွက်ဆိုးကျိုးတွေဖြစ်တဲ့ ပျို့ခြင်း၊ ခေါင်းမူးခြင်း၊ ခေါင်းကိုက်ခြင်း၊ ရင်သားနာကျင်ခြင်း၊ မောပန်းလွယ်ခြင်း၊ ဓမ္မတာလာတာစောခြင်း နောက်ကျခြင်း စတာတွေကိုတော့ ခံစားရနိုင်ပါတယ်။

👉 အရေးပေါ်တားဆေးသောက်ပြီး နောက်တစ်ကြိမ်လိင်ဆက်ဆံရင် ဆေးထပ်သောက်ဖို့လိုလား?
အရေးပေါ်တားဆေးဆိုတာ ဆေးမသောက်ခင်ဆက်ဆံခဲ့တာတွေအတွက်ပဲကာကွယ်ပေးနိုင်တာဖြစ်လို့ နောက်တစ်ကြိမ်ထပ်ဆက်ဆံမယ်ဆိုရင်တော့ အကာအကွယ်တစ်ခုခုအသုံးပြုဖို့လိုအပ်ပါတယ်။

🚨 ဟောမုန်းပမာဏအများကြီးပါတဲ့ အရေးပေါ်တားဆေးဆိုတာဟာ အရေးပေါ်တားဆေးဆိုတဲ့နာမည်အတိုင်း အရေးပေါ်ကိစ္စများအတွက်သာထုတ်လုပ်ထားတာဖြစ်တာကြောင့် အရေးပေါ် အခြေအနေအတွက်သာ အသုံးပြုသင့်ပါတယ်။

#အရေးပေါ်တားဆေး

13/09/2022

ဈေးတွေ မတရား တက်နေချိန်မှာ သောက်နေကြ အာဟာရမှုန့်တွေ၊ အားဆေးတွေ သောက်ဖို့ မတက်နိုင်တော့ဘူးဆိုရင် ????

ဈေးတွေ ကြောက်ခမန်း ဖြစ်လာတဲ့ အချိန်မှာ ဖြည့်စွက်စာ မသောက်ရလို့၊ ဖြည့်စွက် အာဟာရမှုန့် သောက်ဖို့ ဆိုတာ အန်မတန်ခက်ခဲလာပါတယ်။

ဖြည့်စွက်စာ ဆိုတဲ့အတိုင်း မဖြစ်မနေ မဟုတ်ဘူးဆိုတာ သိထားဖို့လိုပါတယ်။

ဥပမာ - ဆီးချို ဖြည့်စွက် အာဟာရမှုန့် ဆိုရင် ဆီးချို ကျစေတာမဟုတ်ပါဘူး။ ထမင်းအစားထိုး သောက်တဲ့ အာဟာရမှုန့် ဖြစ်ပါတယ်။ ထမင်းစားရင် အများကြီး စားမိပြီး ဆီးချို မထိန်း နိုင်တာတွေ ဖြစ်ရင် အခုလို ဖြည့်စွက် အာဟာရမှုန့် တခွက် လောက် ကို ထမင်း မစားပဲ သောက်ရတာဖြစ်ပါတယ်။

ဆိုလိုတာ က သောက်ရမယ့် နည်းစနစ် ကို သိသွားပြီဆိုရင် ဒါတွေဟာ မဖြစ်မနေ သောက်ရမယ့် အရာတွေ မဟုတ်တော့ပါဘူး။

အားဆေးတွေလဲ ထိုနည်းတူ ပါပဲ။ ရောဂါကြောင့် မဖြစ်မနေ သောက်ရမယ့် ကုသဆေးတွေ က အဓိက ပါ။ အခု လို ဈေးမတရား တက်နေချိန်မှာ အားဆေး တွေက ဒုတိယ ဦးစားပေး သာ ဖြစ်ပါတယ်။ မသောက်လို့ ဘာမှ ထွေထွေထူးထူး မဖြစ်သွားပါဘူး။

ဒါဆို အာဟာမှုန့် သောက်ဖို့ အဆင်မပြေတော့ဘူး တခြား ဘာနည်းလမ်းတွေ ရှိလဲ?

1. ဆီးချို သမား များ - ဆီးချို မတက်အောင် ဆန်ကြမ်း၊ ဂျုံကြမ်း စားပေးပါ။ ပဲ၊ ကြက်ဥ အကာ သေချာစားပေးပါ။ နို့သောက်ချင်ပါက အဆီထုတ်နို့သောက်ပါ။ အစေ့အဆန် ရှိရင် ဥပမာ မြေပဲ လက်တဆုပ် လောက် စားပေးပါ။ အရွက် များများ ထည့်စားပါ။
2. ကင်ဆာသမားများ - အသား၊ ငါး၊ ပဲ၊ ဥ ၊ နို့ ပါအောင် ကျွေးပါ။ အသားကျွေးဖို့ အခက်အခဲ ရှိပါက ကြက်ဥ အကာ နှင့် ပဲ သေချာကျွေးပါ။ ထမင်း ကျွေးရင် ပုံမှန် ဆန်ကျွေးလို့ရပါတယ်။ အရမ်းကြမ်းတာမကျွေးပါနှင့် အဆာခံ ပြီး အစားသိပ်မဝင်မှာ စိုးလို့ပါ။ အသီးတစ်နေ့တလုံးကျွေးပေးပါ။
3. အသက်ကြီးသူများ - နို့ တိုက်ပါ။ (ကယ်လိုရီများပြီး ကျန်းမာရေးအတွက် အဆင်ပြေအောင် အဆီထုတ်နို့ကို အစေ့အဆန် ကြိတ်ပြီး ထည့်ကျိုတိုက်ပါ) ထမင်း ကျွေးရင် ဆီ သတိထားပြီးထည့်ကျွေးပါ။ (ကယ်လိုရီ တက်အောင်ပါ)။ ပူတင်း၊ သာကူ၊ နို့ထမင်း စတဲ့ ပျော့ပျောင်းတာတွေ ကျွေးပါ။ နည်းနည်း နဲ့ ခဏ ခဏ ကျွေးပါ။

အခုချိန် အရမ်း ခက်ခဲ နေကြပါတယ်။ ဒါကြောင့် အာဟာရ ဖြည့်စွက်စာတွေ သောက်ဖို့ အခက်အခဲ ရှိလာပြီဆိုရင် အခုလို နည်းလမ်းတွေ လုပ်ကြည့်ပါ။

ရောဂါအတွက် လိုအပ်တဲ့ အဓိက ဆေးဝါးတွေကတော့ သောက်ကို သောက်ရမှာ ဖြစ်လို့ အကယ်၍ ဈေးအရမ်းတက်နေပါက နာမည်မတူ ပဲ အမျိုးအစားတူ တဲ့ ဆေး သက်သာတဲ့ ဆေး ကို ဆေးဆိုင်မှာ သေချာမေးဝယ်ကြပါ ခင်ဗျာ

လေးစားစွာဖြင့်
ဒေါက်တာ ညီညီကျော်

Address

Yangon

Website

Alerts

Be the first to know and let us send you an email when Pwint Thit Sa Pharmacy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Pwint Thit Sa Pharmacy:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category