MyHealthcare

Home
Myanmar
Yangon
MyHealthcare

MyHealthcare: The users can consult with doctors round the clock, search for nearest physical healthcare units and give feedback on those at their fingertips.

It allows the residents to access quality health information and expertise.

25/03/2026

အခုခေတ်မှာ အရက်မသောက်ပဲ အသည်းအဆီ ဖုံးတာ လူအတော်များများ ဖြစ်နေကြပါတယ်။ အသည်းမှာရှိသင့်တဲ့ အဆီ ပမာဏ ထက်ပိုလွန်တဲ့အဆီ တွေရှိနေခြင်း ၊ အချို့လူများမှာအသည်း enzyme များတက်နေခြင်း ၊ တို့ဖြစ် နေတတ်ပါတယ်။

အရက်သောက်တတ်သော လူများမှာကတော့ အသည်း အဆီဖုံးတာတွေ့ ရမြဲဖြစ်ပါတယ်။ သို့ပါသော်လည်း၊ အရက် မသောက် ပဲလူ အတော်များများမှာ ဖြစ်နေကြတာကို ဖတ်ရှုရပါတယ်။ အထူးသဖြင့် ကိုယ်အလေးချိန် များ နေသူများ၊ Cholesterol/ Triglycerides များနေသူများ ဖြစ်ကြပါတယ်။အသည်း အဆီ ဖုံးခြင်းဟာ များသောအားဖြင့် ရောဂါ လက္ခဏာ များမပြတတ်သော်လည်း၊ မောပန်းနွမ်းလျ နေခြင်း၊ အသားဝါ ခြင်း၊ ခြေထောက် နှင့် ဗိုက်ဖောယောင် ခြင်း ၊ စိတ်ရှုပ်ရောထွေးနေတတ်ခြင်း တို့ ဖြစ်တတ်ပါတယ်။

ဒီအတိုင်းထားလိုက်ရင်၊ အသည်းပါ ယောင်လာတတ်ပါတယ်။ ဒီအချိန် မှာတော့ non alcoholic steatohepatitis အရက် မသောက်ပဲ အသည်းယောင် ခြင်း ဖြစ်လာတတ်ပါတယ်။ ဒီထက် ပိုဆိုးလာတဲ့အခါ၊ အသည်း ခြောက် ခြင်း၊ အသည်း ကင်ဆာ၊ အသည်း အလုပ် မလုပ် နိုင်တော့ခြင်းများ ဖြစ်လာတတ်ပါတယ်။ ဖြစ်ခါစ၊ သိပ်မဆိုးသေးတဲ့ အခြေအနေမှာ အစား အသောက် အနေ အထိုင် ကိုပြုပြင်နိုင်မယ်ဆိုရင် ပြန်ကောင်းသွားနိုင်ပါတယ်။ သတိ နဲ့ စား သောက်နေထိုင်ခြင်းအား ဖြင့်လည်းအခုလို အခြေအနေမျိုး မရောက်နိုင်တော့ပါ။

အရက်မသောက်ပဲ ၊ အသည်းအဆီဖုံးရခြင်းရဲ့ အဓိက အကြောင်း ကတော့ Fructose သကြားဖြစ်ပါတယ်။ ကျွန်မတို့တတွေ Fructose သကြားကို တတ်နိုင်သမျှ ရှောင်ကြရမှာ ဖြစ်လို့ ၊ ဒီသကြား ဘယ်လိုဟာမျိုး အစားအစာတွေ မှာပါနေတယ် ဆိုတာသိရမှာ ဖြစ်ပါတယ်။ High fructose corn syrup ( အချိုရည် အတော် များများမှာ ပါဝင်နေပါတယ် )။

သစ်သီးဖျော်ရည်များ ၊ ပျားရည် ၊ စက်ရုံ ထုတ် မုန့် မျိုးစုံ ကိတ် မုန့် ၊ cookies စသည်ဖြင့် ဖြစ်ပါတယ်။ နောက်ပိုင်း ice cream ထဲမှာတောင် သုံးနေကြပါတယ်။ ice cream တွေစားကြည့်ရင် ၊ အရင်က အရသာ မဟုတ်တော့ပါ။ အလွန် အမင်း ချိုနေတာကို သတိထား မိကြပါလိမ့်မယ်။ Fructose သကြားက အလွန်ချို ပါတယ်။ ဒီ fructose သကြားဟာ glucose သကြား နဲ့ ခန္ဓာကိုယ်ထဲ မှ ဇီဝဓာတုဗေဒ ဖြစ်စဉ်ခြင်း မတူပါ။

Glucose သကြားဟာ ၊ ကလာပ်စည်းတွေ ရဲ့ စွမ်းအင် ထုတ်လုပ်ဖို့ အသုံးချသော်လည်း ၊ fructose သကြားကတော့ ၊ အူကနေ အသည်းဆီ တိုက်ရိုက်သွားပါတယ်။ ဒီသကြားဟာ အရက် မသောက်ပဲ ၊ အရက်လိုပဲ အသည်းကို ဒုက္ခပေးတတ် ပါတယ်။ သူဟာ အသည်းအတွက် ရေရှည် ၊ အဆိပ် တစ်ခုဖြစ်ပါတယ်။ အသည်းထဲမှာ ဒီသကြားဟာ အဆီအဖြစ် ပြောင်းလဲသွားပါတယ်။

( Maillard reaction ) သူဟာ ပရိုတင်းဓာတ် နဲ့ လဲပေါင်းပြီး ၊ ခန္ဓာကိုယ် ယောင်ကိုင်း စေတတ်တဲ့ free radicals တွေလဲထွက်စေပါတယ်။( browning of meats ) အကောင်းဆုံး ဥပမာကတော့ အသားတွေကို အလွန် ပူနေတဲ့ ဒယ်အိုးထဲထည့်ပြီး ညိုလာအောင်လုပ်တာဖြစ်ပါတယ်။ ဒီသကြားဟာ သွေးထဲမှာ uric acid များနေစေတဲ့ အကြောင်း တစ်ခုလဲ ဖြစ်ပါတယ်။

ဒါကြောင့် သွေးထဲမှာ uric acid level များနေသူများ ဒီသကြားကို ရှောင်ဖို့ အရေးကြီးတာ ဖြစ်ပါတယ်။ နောက်ပိုင်းမှာ uric acid level ကို ကြည့်ပြီး ခန္ဓာကိုယ်ထဲမှာ fructose သကြားတွေ လွန်ကဲနေလား ဆိုတာ သိနိုင်တာ ဖြစ်ပါတယ်။ Fructose သကြား အပြင် အခြား ဖြစ်နိုင်တဲ့ အကြောင်းများကတော့ ဓာတု ဆေးမျိုးစုံ ဖြစ်ပါတယ်။

ဥပမာ —-BPA ( Bisphenol A ) ၊ တွေ့နိုင်တဲ့နေရာများကတော့ အချိုရည်ဗူးများ ၊ စည်သွတ်ဗူးများ ၊ ပလပ်စတစ်ဗူးများ ၊ အချို့ စတိုးဆိုင်များမှ receipts များမှာ BPA ပါတတ်ပါတယ်။ ကျွန်မအမြဲပြောနေ သလိုပါပဲ။ ကျွန်မတို့တတွေ ခေတ်မီလာကြတာ နဲ့ အမျှ၊ အစားအသောက် ၊ ပတ်ဝန်းကျင် အခြေအနေ တွေဟာ ပြောင်းလဲမြန်ဆန်နေတာမို့ ၊ လုံးဝရှောင်လို့ မရသော်လည်း၊ ကျန်းမာရေး ဗဟုသုတ တွေ နဲ့ ပြည့်စုံကြမယ်ဆိုရင် နည်းနည်းတော့ ခံသာပါလိမ့်မယ်။

လုပ်ငန်းရှင် တွေဟာ သူတို့ တွေ ဘာအပြောင်း လဲပဲလုပ်လုပ် ၊ ကိုယ်က မသိလိုက်ရင် ကိုယ်ပဲခံရမှာ ဖြစ်ပါတယ်။ ကုန်တိုက်တွေမှာ ဈေးဝယ်တဲ့ အခါဆိုရင်လဲ ingredient label ကို အမြဲဖတ်လေ့ရှိ တဲ့ အကျင့် လုပ်ထားရမှာဖြစ်ပါတယ်။ လူ တွေဟာ ပဋိသန္ဓေ ဇနကကံ အရှိန်ရှိ သလောက်နေကြရမှာ ဖြစ်သော်လည်း၊ ကျန်းမာနေကြမယ်ဆိုရင် ကိုယ့်ဘဝ အရည်အသွေး လဲ ကောင်း ၊ ကိုယ့် အိမ်သူအိမ်သားတွေ အပေါ်မှာလည်း ဝန်ထုတ်ကြီး တစ်ခုမဖြစ်တော့မှာ အမှန်ပဲ ဖြစ်ပါတယ်။ မိတ်ဆွေ များ အားလုံး အရာရာ မှာ သတိ နဲ့ စားသောက် နေထိုင်နိုင်ကြပါစေ။

Source: ဒေါကတာခင်နွယ်ဝင်း

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

23/03/2026

ရေကျောက်ရောဂါသည် အသက်အရွယ်မရွေးဖြစ်ပွါးနိုင်သော (အထူးသဖြင့် ကလေးများတွင် အဖြစ်များသည့်) ကူးစက်ရောဂါတစ်ခုဖြစ်သည်။ ရောဂါပိုးအထိအတွေ့ရှိသူများ၏ (၉၀%) ခန့်တွင် ရောဂါ ဖြစ်ပွါးစေနိုင်သည်။ သို့သော် ရောဂါဖြစ်သူအများစုတွင် ရောဂါပြင်းထန်ခြင်းနှင့် နောက်ဆက်တွဲ ပြဿနာများမရှိဘဲ အလိုအလျောက် သက်သာပျောက်ကင်းနိုင်သည်။ ရေကျောက်ကာကွယ်ဆေး ထိုးပေးခြင်းဖြင့်လည်း ရေကျောက်ရောဂါကို ကာကွယ်နိုင်သည်။

ဖြစ်ပေါ်ရသောအကြောင်းရင်း
ရေကျောက်ရောဂါသည် ရေကျောက်ရောဂါဗိုင်းရပ်စ်ပိုး (Varicella-zoster virus) ကြောင့် ဖြစ်ပွါးသည်။ အရေပြားအဖု၊ အနာများမှထွက်သော သားနံရည်များနှင့် ထိတွေ့မိခြင်း၊ ရောဂါရှိသူ နှာချေ၊ ချောင်းဆိုးရာမှထွက်သော အမှုန်၊ အမွှားများနှင့် ထိတွေ့ခြင်းများမှတစ်ဆင့် လူတစ်ဦးမှတစ်ဦးသို့ ကူးစက်နိုင်သည်။

ရောဂါကူးစက်နိုင်ခြေနှင့် ပြင်းထန်နိုင်ခြေရှိသူများ

အသက် (၃)နှစ် မှ (၆)နှစ်ကြား ကလေးများ
ကာကွယ်ဆေး တစ်ကြိမ်မျှ ထိုးနှံထားခြင်းမရှိသော ကလေးများ
ကျောင်းတက်နေသော ကလေးများ၊ ‌နေ့ကလေးထိန်း ပြုစုစောင့်ရှောက်ရေးဂေဟာများရှိ ကလေးများ (ရေကျောက်ရောဂါဖြစ်ပွါးသူ တစ်ဦးရှိပါက အခြားကလေးများသို့ အလွယ်တကူ ကူးစက်ပျံ့နှံ့သွားနိုင်သည်)
ရောဂါလက္ခဏာများ
ရောဂါပိုးနှင့်ထိတွေ့ပြီးနောက် အများအားဖြင့် (၁၀ – ၂၁) ရက်ကြား သို့မဟုတ် ပျမ်းမျှ (၁၄) ရက်ခန့်အကြာတွင် ‌‌အောက်ဖော်ပြပါ ရောဂါလက္ခဏာများ စတင်ခံစားရလေ့ရှိသည်။

အဖုများမထွက်မီ (၁ – ၂) ရက်အလိုတွင် ဖျားခြင်း
အနီစက်၊ အရည်ကြည်ဖုများထွက်ခြင်း
နုံးခြင်း၊ မအီမသာဖြစ်ခြင်း
ကိုယ်လက်ကိုက်ခဲခြင်း၊ ခေါင်းကိုက်ခြင်း
ဗိုက်အောင့်ခြင်း၊ အစားအသောက်ပျက်ခြင်းများ ခံစားရတတ်သည်။
ထို့နောက် အလွန်ယားယံသော အနီစက်၊ အရည်ကြည်ဖုများသည် အောက်ဖော်ပြပါ ပုံစံအဆင့် (၃) မျိုးအတိုင်း ထွက်ပေါ်လာသည်။

ပန်းရောင်၊ အနီရောင်၊ နီညိုရောင်အဖုများ စတင်ထွက်ခြင်း
အချိန်အနည်းငယ်အတွင်း အရည်ကြည်ဖုများအဖြစ် ပြောင်းလဲလာခြင်း
တစ်ရက်-နှစ်ရက်အတွင်း အရည်ကြည်ဖုများ ပေါက်ထွက်ကာ အနာဖေးများ ဖြစ်ပေါ်လာခြင်း
ထိုသို့အရေပြားပြောင်းလဲမှုများမှာ အလွန်လျင်မြန်သဖြင့် အထက်ပါအဆင့် (၃) မျိုးလုံးကို တစ်ပြိုင်နက်တည်း တွေ့ရတတ်သည်။ အဖုများသည် ကျော၊ ရင်ဘတ်တို့တွင် စတင်ဖြစ်ပေါ်ပြီး မျက်နှာနှင့် ခြေလက်များသို့ ပျံ့နှံ့သွားလေ့ရှိသည်။ အရေပြားအဖုများ၏ အဆင့်အားလုံးအတွက် ကြာချိန်သည် (၅ – ၁၀) ရက်ခန့်ဖြစ်သည်။

အထက်ပါလက္ခဏာများသည် ရေကျောက်ရောဂါ၏ ထူးခြားသိသာသည့် ဝိသေသလက္ခဏာများဖြစ်သည်။

နောက်ဆက်တွဲပြဿနာများ
ရေကျောက်သည် ပုံမှန်အားဖြင့် ပြင်းထန်ခြင်းမရှိဘဲ အလိုအလျောက် ပျောက်ကင်းနိုင်သောရောဂါ ဖြစ်သည်။ သို့သော်_

ပေါင်မပြည့်၊ လမစေ့သော ကလေးငယ်များ (အထူးသဖြင့် မိခင်တွင် ကာကွယ်ဆေးမထိုးထားသူများ)
အသက် (၁၈) နှစ်အထက် ဆယ်ကျော်သက်များ
ကိုယ်ခံအားစနစ် ချို့ယွင်းနေသူများ (ဥပမာ _ ကင်ဆာရောဂါရှိသူများ၊ အိတ်ချ်အိုင်ဗွီရောဂါရှိသူများ၊ ကင်ဆာဆေးသွင်းကုသမှု ခံယူထားသူများနှင့် ကိုယ်တွင်းအင်္ဂါ အစားထိုးကုသမှု ခံယူထားသူများ)
ကာကွယ်ဆေးမထိုးထားသော ကိုယ်ဝန်ဆောင်မိခင်များတွင် ရောဂါပြင်းထန်ခြင်း၊ နောက်ဆက်တွဲဆိုးကျိုး များပြားခြင်းတို့ကို တွေ့ရတတ်သည်။
အဖြစ်များသော နောက်ဆက်တွဲလက္ခဏာများ

ရေဓာတ်ခန်းခြောက်ခြင်း၊ ဓာတ်ဆားဓာတ်များ မညီမမျှဖြစ်ခြင်း
ဘက်တီးရီးယားပိုးဝင်ခြင်း၊ ပြည်တည်နာဖြစ်ခြင်း၊ ပိုးဆိပ်ပျံ့ခြင်း (Sepsis)
အဆုတ်ရောင်ခြင်း (Pneumonia)
အဖြစ်နည်းသော နောက်ဆက်တွဲလက္ခဏာများ

ဦးနှောက်ရောင်ခြင်း (encephalitis)၊ အာရုံကြောများရောင်ခြင်း
နှလုံး၊ ကျောက်ကပ်၊ ပန်ကရိယရောင်ခြင်း
မျက်ကြည်လွှာရောင်ခြင်း၊ မျက်စိအာရုံကြောရောင်ခြင်း
ခန္ဓာကိုယ်အနှံ့ သွေးယိုစီးခြင်း
ဆေးရုံ၊ ဆေးခန်းပြသရန်
ရေကျောက်ရောဂါသေချာပြီး ရောဂါပြင်းထန်မှုနှင့် နောက်ဆက်တွဲပြဿနာများမရှိလျှင် နေအိမ်၌ပင် ပြုစုနိုင်သည်။ သို့သော် အောက်ပါအခြေအနေများရှိလျှင် မိမိ၏မိသားစုဆရာဝန်နှင့် ပြသတိုင်ပင်ရန်လိုသည်။

ရေကျောက်ရောဂါဟု မသေချာခြင်း
မျက်လုံးများသို့ ကူးစက်ခြင်း
အဖုများ၊ အနာများသည် အလွန်ပူခြင်း၊ နာခြင်း
ကိုယ်ဝန်ဆောင်မိခင်များ ရေကျောက်ဖြစ်ခြင်း
အကြောင်းအမျိုးမျိုးကြောင့် ကိုယ်ခံအားစနစ်ချို့ယွင်းခြင်း
နောက်ဆက်တွဲဝေဒနာများ ခံစားရခြင်း
မိသားစုဆရာဝန်မှ လိုအပ်သည့် စစ်ဆေးစမ်းသပ်မှုများ ပြုလုပ်ခြင်း၊ ဓာတ်ခွဲစစ်ဆေးခြင်း၊ ဓာတ်မှန် (X-ray) ရိုက်ခြင်းစသည်တို့ဖြင့် ရောဂါရှာ‌ဖွေ ကုသပေးနိုင်သည်။ လိုအပ်ပါက မိသားစုဆရာဝန်မှ သက်ဆိုင်ရာ အထူးကုဆရာဝန်များနှင့် တိုင်ပင်ကုသခြင်း၊ လွှဲပြောင်းကုသခြင်းများ ပြုလုပ်ပေးမည်။

ရောဂါရှာဖွေခြင်း
ရေကျောက်ရောဂါဖြစ်သူနှင့် ထိတွေ့မှုရာဇဝင်နှင့် အရေပြားလက္ခဏာများအရ ရေကျောက်ရောဂါ ဖြစ်ကြောင်း ရှင်းလင်းစွာ သိသာနိုင်သည်။ အများအားဖြင့် ဓာတ်ခွဲစမ်းသပ်မှုများ မလိုအပ်ပါ။ သို့သော် အသေးစိတ် ပိုမိုတိကျစွာ စစ်ဆေးသိရှိလိုပါက ဓာတ်ခွဲခန်းတွင် ပဋိပစ္စည်း (Ig M antibody)ကို သွေးဖောက် စစ်ဆေးခြင်းဖြင့် ရှာဖွေနိုင်သည်။

ကုသခြင်း
ဗိုင်းရပ်စ်ပိုး‌ကြောင့်ဖြစ်သော ကူးစက်ရောဂါဖြစ်သည့်အတွက် သီးခြားကုသဆေး မလိုဘဲ ဖြစ်ပေါ်လာသော လက္ခဏာများကိုကုသ၍ သက်သာလာချိန်အထိ အိမ်တွင်စောင့်ကြည့်ရန်သာ လိုအပ်သည်။

ရေ၊ အရည်များများ တိုက်ကျွေးပါ
ကိုယ်ပူဖျားခြင်းအတွက် ပါရာစီတမောတိုက်ပါ၊ ရေဖတ်တင်ပါ
ယားယံခြင်းအတွက် ဆီထရီဇင်း (cetirizine)၊ ဘာမီတွန် (burmeton) ကဲ့သို့ ဟစ်တမင်းဆန့်ကျင်ဆေးများ တိုက်ကျွေးပါ
ယားယံမှုသက်သာရန်နှင့် ပိုးဝင်မှုလျှော့ချရန် ရေအေးနှင့် ရေချိုးပေးပါ၊ ရေချိုးစဉ် ချေးတွန်းခြင်း မပြုရပါ၊ ရေချိုးပြီးချိန်များတွင်လည်း ခန္ဓာကိုယ်ကို ခြောက်သွေ့အောင်‌ မျက်နှာသုတ်ပဝါဖြင့် ရေသုတ်ခြင်းများကို ‌ရှောင်ကြဥ်ပါ
ချောင်ချိသော အဝတ်အထည်များသာ ဝတ်ပါ
အယားသက်သာ၍ အရေပြားကိုအေးစေသော Cooling cream, Calamine lotion များ လိမ်းနိုင်သည်
ယားယံသည့်နေရာအား တတ်နိုင်သမျှ မကုတ်မိစေရန် သတိထားပါ
ကလေး၏လက်သည်းများကို တိုတိုညှပ်ပေးပါ
အက်စ်ပရင် (Aspirin) ကဲ့သို့ အနာသက်သာပျောက်ဆေးများ လုံးဝမသောက်ရပါ
ဗိုင်းရပ်စ်ပိုးသတ်ဆေးများကို သက်ဆိုင်ရာဆရာဝန်က ညွှန်ကြားမှသာ တိုက်ကျွေးရမည်။

ရေကျောက်ရောဂါဖြစ်ပွားသူသည် အရေပြားအနာများအားလုံးခြောက်မှသာ လူထူထပ်သောနေရာများ၊ အလုပ်၊ ကျောင်းစသည့် အများပြည်သူနှင့် သက်ဆိုင်သောနေရာများသို့ ပြန်လည်သွားရောက်သင့်သည်။

ကာကွယ်ခြင်း
ရေကျောက်သည် အရေပြားအဖုများမထွက်ပေါ်မီ (၂) ရက်ခန့်အလိုမှစ၍ အရေပြားအနာများအားလုံး ခြောက်သည်အထိ ကူးစက်နိုင်သည်။

ရောဂါကူးစက်မှုကို ကာကွယ်ရန် အောက်ပါအချက်များကို လိုက်နာသင့်သည်။

ရောဂါပိုးနှင့် ထိ‌တွေ့နိုင်ခြေရှိလျှင် လက်ကို ဆပ်ပြာ (သို့မဟုတ်) လက်ဆေးရည်ဖြင့် အနည်းဆုံး စက္ကန့် (၂၀) ကြာ စနစ်တကျ လက်ဆေးရန်
တစ်ကိုယ်ရေသန့်ရှင်းရေး အလေ့အထကောင်းများ သင်ကြားပေးရန်
ချောင်းဆိုး၊ နှာချေလျှင် လက်ကိုင်ပဝါဖြင့် အုပ်ရန်၊ တံတောင်ဖြင့် ကာရန်
မိမိအသုံးအဆောင်ပစ္စည်းများကို တခြားသူများနှင့် မျှဝေသုံးစွဲခြင်း မပြုရန်
ရောဂါပိုးကပ်ငြိနေနိုင်သော ပစ္စည်း၊ မျက်နှာပြင်များကို မကြာခဏ ပိုးသတ်သန့်ရှင်းရန် စသည်တို့ဖြစ်သည်။
ရေကျောက်ရောဂါကို အထိရောက်ဆုံး ကာကွယ်နည်းမှာ ရောဂါမဖြစ်ပွါးမီ ရေကျောက်ကာကွယ်ဆေး ထိုးနှံခြင်းဖြစ်သည်။ ရေကျောက်ကာကွယ်ဆေးကို ကလေးအသက် (၁) နှစ်မှစ၍ (၂) ကြိမ်ထိုးရမည်။ ကာကွယ်ဆေးထိုးခြင်းသည် ရောဂါဖြစ်ပွါးမှုကို ထိရောက်စွာ ကာကွယ်နိုင်သည့်အပြင် အကယ်၍ ရောဂါဖြစ်ပွါးခဲ့လျှင်လည်း ရောဂါပြင်းထန်မှုနှင့် နောက်ဆက်တွဲပြဿနာများ ဖြစ်ပွါးမှုနှုန်းကို သိသိသာသာ လျော့ကျစေသည်။

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

21/03/2026

ဝိတ်ချနေတာနဲ့ ၊ အစားအစာ အငတ်ခံတာ နဲ့ ကယ်လိုရီတွေကို တွက်ချက်ရင်းနဲ့ ဘာဖြစ်လို့ ဝိတ်မကျတာလဲဆိုတာကို အဖြေရှာရှာရတာ စိတ်ညစ်နေပြီး ထင်ပါတယ်။

ဒါကြောင့် ဝိတ်ချပါရဲ့နဲ့ ၊ အစာရှောင်ရဲ့နဲ့ သင်မထင်မှတ်လိုက်တဲ့ အပြုအမူတွေက သင့်ကို ဝိတ်စေတာပါပဲ။ ဘယ်လိုအပြုအမူတွေက သင့်ကို ဝိတ်တက်စေလဲဆိုတာနဲ့ ပတ်သက်ပြီး ဖော်ပြပေးလိုက်ပါတယ်။

၁ ။ အိပ်ရေးဝဝ မအိပ်ခြင်း

အိပ်ရေးဝဝ မအိပ်ခြင်းကြောင့် ခန္ဓာကိုယ်ဇဝဗေဒပြောင်းလဲအမူ နှောင်နှေးစေတဲ့ အပြင် ဆာလောင်ခြင်းကို ဖြစ်စေနိုင်ပါတယ်။ ဒါ့အပြင် ရောင်ရမ်းနာခြင်း နှင့် ဓာတ်မတည့်ခြင်းရောဂါများဖြစ်ခြင်းကို တိုးလာစေနိုင်ပါတယ်။ လေ့ကျင့်ခန်းပြုလုပ်တဲ့အချိန်တွေမှာလည်း သင့်ကို ပိုပြီး ပင်းပန်စေနိုင်ပါတယ်။

အကြံပြုချက် - တစ်နေ့ကို အနည်းဆုံး ၈ နာရီပြည့်အောင် အိပ်ဖို့လိုပါတယ်။

၂ ။ ညစားကို ပိုစားခြင်း

အထူးသဖြင့် ညဘက်တွေဆိုရင် အစားအသောက်ကို အလွန်အကျွံစားတာ ဒါမဟုတ် လိုတာထက်ပိုစားခဲ့မယ်ဆိုရင် သင့်ရဲ့ အစားခြေကို နှေးကွေးစေပါတယ်။ ဒါ့အပြင်ရုပ်ရှင်ကြည့်ပြီး အစားစာတာက သင့်ကို လိုတာထက်ပိုပြီး စားသုံးမိစေပါတယ်။

အကြံပြုချက် - ညဘက်တွေမှာ ပေါ့ပေါ့ပါးပါး အစားအစာဖြစ်တဲ့ ပရိုတင်းပါတဲ့အစားအစာ နဲ့ အသီးအရွက်တွေကို စားသုံးပေးနိုင်ပါတယ်။

၃ ။ အစားစာပြီးပြီးချင်း အိပ်စက်ခြင်း

အစားစာပြီးပြီးချင်း အိပ်စက်ခြင်းဟာ သင့်ခန္ဓာကိုယ်မှာရှိတဲ့ အဆီဓာတ်ဆဲလ်တွေကို စုပြုံစေတက်ပြီး အစားခြေဖျတ်ခြင်းမှာ ပြဿနာရှိစေနိုင်ပါတယ်။

အကြံပြုချက် - အစားအစာသုံးပြီး ၁ နာရီခွဲ ဒါမှမဟုတ် ၂ နာရီ ခြားပြီး အိပ်စက်ခြင်းက အကောင်းဆုံးပါပဲ။

၄ ။ ဆီကြော်အစားအစာများကို ညစာအဖြစ်စားသုံးခြင်း

ဆီကြော်အစားအစာများကို ညစာအဖြစ်စားသုံးခြင်းမယ်ဆိုရင် ကယ်လိုရီတွေကို ပိုးတိုလာစေပြီး အဆီများ ပိုးတိုးလာစေခြင်း နှင့် ခန္ဓာကိုယ်ကို မအီမသာဖြစ်ခြင်းတွေက သင့်ကို ကောင်းကောင်းအိပ်ပျော်စေမှာ မဟုတ်ပါဘူး။

အကြံပြုချက် - ညဘက်တွေမှာ ဖုတ်ထားတဲ့ အစားအစာ ၊ ကင်ထားတဲ့အစားအစာ ဒါမှမဟုတ် ချက်ပြုတ်ထားတဲ့ အစားအစာတွေကို ရွယ်ချယ်စားသောက်ဖို့ အကောင်းဆုံးပါပဲ။

၅ ။ အစပ်ပါဝင်သော အစားအစာများ

အစပ်ပါဝင်သော အစားအစာတွေက အစားခြေခြင်းကို နှေးကွေးစေပြီး သင့်ကို ကောင်းကောင်းအိပ်ပျော်စေမှာ မဟုတ်ပါဘူး။ အစပ်ပါဝင်သော အစားအစာတွေက ညဘက်တွေ နာရီပေါင်းများစွာ ဘာမှ မစားမသောက်ပဲနဲ့ သင့်ကို ရင်ပူခြင်းများ ဖြစ်စေနိုင်ပါတယ်။

အစပ်ပါဝင်သော အစားအစာတွေက ခန္ဓာကိုယ်ဇဝ ဖြစ်စဉ်ပြောင်းလဲခြင်းကို အားကောင်းစေပြီး ညဘက်မှာ စားသုံးဖို့ အချိန်ကောင်း မဟုတ်ပါဘူး။

အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

17/03/2026

အပူဖြတ်ခြင်းအကြောင်း သိပါရစေ

အပူလွန်ကဲခြင်း (Heat Stroke ) သို့မဟုတ် အပူ အရေးပေါ်အခြေအနေ (Heatstroke) သည် ခန္ဓာကိုယ် အပူလွန်ကဲခြင်းကြောင့် ဖြစ်ပေါ်လာသော အခြေအနေတစ်ခုဖြစ်သည်။ ၎င်းသည် အများအားဖြင့် အပူချိန်မြင့်မားသော ပတ်ဝန်းကျင်တွင် အလုပ်လုပ်ခြင်း၊ အလုပ်ကြမ်းလုပ်ခြင်း သို့မဟုတ် လေ့ကျင့်ခန်းလုပ်ခြင်းတို့ကြောင့် ဖြစ်တတ်ပါသည်။ ခန္ဓာကိုယ်အပူချိန် 40 ဒီဂရီစင်တီဂရိတ် (104 ဖာရင်ဟိုက် ) သို့မဟုတ် ထို့ထက်ပိုသောအခါတွင် အပူလေဖြတ်ခြင်းသည် များသောအားဖြင့် နွေရာသီတွင် သို့မဟုတ် စိုထိုင်းဆများသောနေရာများတွင် ဖြစ်ပွားနိုင်ချေပိုများသည်။

အပူဒဏ်ကြောင့် ဦးနှောက်၊ နှလုံး၊ အဆုတ်၊ ကျောက်ကပ်နှင့် ကြွက်သားများကဲ့သို့ အရေးကြီးသော အင်္ဂါများကို ထိခိုက်ပျက်စီးစေနိုင်သည်။ မှန်ကန်သောကုသမှုကို အချိန်မီမခံယူပါက အရေးကြီးသည်မှာ လူနာများသည် ကုသမှု နှောင့်နှေးပါက အန္တရာယ်ရှိသော နောက်ဆက်တွဲများ ဖြစ်နိုင်ချေရှိသည်။ တချို့က မသန်မစွမ်းဖြစ်ပြီး သေတောင် သေသွားနိုင်တယ်။

Heatstroke သည် Stroke နှင့် ကွဲပြားသည် ၊ ကျဉ်းမြောင်းခြင်း / ပိတ်ဆို့ခြင်း (Ischemic Stroke) သို့မဟုတ် ပေါက်ပြဲခြင်း (Hemorrhagic Stroke) ကြောင့်ဖြစ်သော အာရုံကြောစနစ်၏ အရေးပေါ်အခြေအနေဖြစ်သည့် Stroke နှင့် ကွဲပြားသည်၊၊ မကြာခဏဆိုသလို အားနည်းခြင်း၊ ထုံခြင်း၊ စကားပြောရခက်ခဲခြင်း၊ ပါးစပ်ပုံမမှန်ခြင်း သို့မဟုတ် ပုံမှန်မဟုတ်သော လက္ခဏာများ ဖြစ်စေသည်။ ဟန်ချက်ညီ၍ ပုံမှန် စူးရှသော လေဖြတ် လူနာများနှင့် အရေးပေါ် ကုသမှု ခံယူနေရပေသည်။ ဒါပေမယ့် Heatstroke ထက် ကွဲပြားတဲ့ ရောဂါရှာဖွေ ကုသနည်းဗျူဟာ ရှိပါတယ်။

အပူလေဖြတ်ခြင်း၏အကြောင်းရင်းများ

Heatstroke ကို ၎င်း၏ အကြောင်းရင်းများ အရ အဓိက အမျိုးအစား ၂ မျိုး ခွဲခြားထားသည်။

Classic Heatstroke သို့မဟုတ် Non – Exertional Heatstroke သည် အပူချိန်မြင့်မားသော ပတ်ဝန်းကျင်တွင် ရှိနေခြင်းကြောင့် ဖြစ်ပေါ်လာခြင်းဖြစ်သည်။ ခန္ဓာကိုယ်အပူချိန်ကို မြင့်စေတယ်။ ပူပြီး စိုစွတ်သော နေရာများတွင် အချိန်အကြာကြီး နေတတ်သူများတွင် တွေ့ရတတ်သည်။
ဤအခြေအနေတွင် Exertional Heatstroke သည် အပူချိန်မြင့်သောနေရာတွင် အလုပ်လုပ်ခြင်း သို့မဟုတ် ပြင်းပြင်းထန်ထန် လေ့ကျင့်ခန်းလုပ်ခြင်းမှ ခန္ဓာကိုယ်အပူချိန် မြင့်တက်လာသည်။ ပူပြင်းတဲ့ရာသီဥတုကို အသုံးမချတဲ့သူတွေမှာ ဒီလိုဖြစ်နိုင်ခြေပိုများတယ်။ အရမ်းထူပြီး အလွန်အကျွံဝတ်ထားတာကြောင့် ချွေးတွေက အငွေ့ပျံပြီး အေးမြဖို့ ခက်ခဲပါတယ်။ အရည်ချို့တဲ့ခြင်း။ အရက်သောက်ခြင်း။ ဒါက ခန္ဓာကိုယ်ရဲ့ အပူချိန်ထိန်းညှိမှု ယန္တရား မူမမှန်ဖြစ်လာပြီး Heatstroke ရဲ့ အဖြစ်များတဲ့ အကြောင်းရင်းတစ်ခုပါ။
အပူဒဏ်အတွက် အန္တရာယ်အချက်များ
အန္တရာယ်အချက်များစွာ ၎င်းသည် အချို့သောလူနာများ အပါအဝင် အပူလေဖြတ်ခြင်းကို ပိုမိုဖြစ်ပွားစေသည်-

နှလုံးရောဂါ၊ အဆုတ်ရောဂါ၊ အဝလွန်ခြင်း သို့မဟုတ် ကိုယ်လက်လှုပ်ရှားမှု နည်းပါးခြင်းစသည့် မွေးရာပါရောဂါများ ရှိသည်။
အရည်ဆုံးရှုံးမှုဖြစ်စေသော ဆေးဝါးအချို့ကို အသုံးပြုခြင်း သို့မဟုတ် မြင့်မားသောခန္ဓာကိုယ်အပူချိန်ကို အပြည့်အဝ မတုံ့ပြန်နိုင်ခြင်း၊ (Vasoconstrictors)၊ သွေးပေါင်ကျစေသောဆေးဝါးများ (သို့) နှလုံးရောဂါ (Beta-Blockers)၊ ဆီးထိန်းဆေး (Diuretics) နှင့် စိတ်ရောဂါကုဆေးအချို့။ Amphetamines နှင့် Co***ne အုပ်စုများမှ မူးယစ်ဆေးဝါးများ အပါအဝင် (စိတ်ကျဆေး၊ စိတ်ကျဆေးနှင့် စိတ်ကြွဆေးများ) ။
ပူပြင်းသော ရာသီဥတုရှိသော နိုင်ငံသို့ ခရီးထွက်ခြင်းကဲ့သို့ ခန္ဓာကိုယ်သည် ရုတ်တရက် အပူချိန် တိုးလာခြင်းဖြစ်သည်။ သို့မဟုတ် အပူလှိုင်း တစ်ခုအတွင်း ခန္ဓာကိုယ်က လိုက်လျောညီထွေမဖြစ်နိုင်သောကြောင့် အပူလေဖြတ်ခြင်းကို ပိုမိုလွယ်ကူစေသည်။ပူပြင်းတဲ့ရာသီဥတုမှာ အပူဒဏ်ကို သတိထားရမယ်။

Heatstroke လက္ခဏာများ

အပူဒဏ်ခံလူနာများသည် ခန္ဓာကိုယ်အပူချိန် 40 ဒီဂရီစင်တီဂရိတ် သို့မဟုတ် ထို့ထက်ပို၍ ရှိလိမ့်မည်။ ပြောင်းလဲလာသော အသိစိတ်နှင့် အတူ ၎င်းတို့သည် စိတ်ရှုပ်ထွေးခြင်း၊ တုန်လှုပ်ချောက်ချားခြင်း၊ မေ့မျောခြင်း၊ တက်ခြင်း သို့မဟုတ် သတိလစ်ခြင်းတို့ကို ကြုံတွေ့ရနိုင်သည်။ နှလုံးခုန်နှုန်းမြန်ခြင်းနှင့် ပေါင်းစပ်ခြင်း။ အသက်ရှုနှုန်း တိုးလာသည်။ အချို့လူနာများတွင် ခေါင်းကိုက်ခြင်း၊ ပျို့အန်ခြင်း၊ အော့အန်ခြင်းနှင့် နီရဲခြင်း၊ ပူသော်လည်း အရေပြားခြောက်သွေ့ခြင်းများ ခံစားရတတ်ပါသည်။ Exertional Heatstroke ဝေဒနာရှင်များမှလွဲ၍ အရေပြား အနည်းငယ် စိုစွတ်လာနိုင်သည့် အချို့သော အခြေအနေများ ရှိပါသည်။

အပူလေဖြတ်ခြင်း၏ရောဂါရှာဖွေခြင်း။

ဆရာဝန်များသည် လူနာ၏ ရာဇဝင်ကို သိရှိခြင်းဖြင့် ဤအခြေအနေအတွက် ဖြစ်နိုင်ခြေများ ရှိမရှိ၊ အထူးသဖြင့် အပူနှင့်ထိတွေ့ခြင်း (Heat Exposure) ရှိမရှိ၊ လူနာ၏ ရာဇဝင်ကို သိရှိခြင်းဖြင့် အပူဒဏ်ကို သိရှိနိုင်ပြီး ရုပ်ပိုင်းဆိုင်ရာ စစ်ဆေးမှုများသည် စနစ်အမျိုးမျိုးရှိ လက္ခဏာများနှင့်အတူ ခန္ဓာကိုယ်အပူချိန် မြင့်မားသည်ကို ပြသနိုင်ပြီး အချို့ကိစ္စများတွင် ၎င်း၊ အပူရှိန်၏နောက်ဆက်တွဲပြဿနာများကိုရှာဖွေရန် သွေးစစ်ဆေးမှုများနှင့် ဓာတ်မှန်ရိုက်ခြင်းတို့ဖြင့် ပေါင်းစပ်နိုင်ပါသည်။ အပူရှိန်ကြောင့်ဟု သံသယလူနာတစ်ဦးနှင့် ကြုံတွေ့ရပါက အရေးပေါ်ဆေးဌာန သို့မဟုတ် အနီးနားရှိ ဆေးရုံသို့ ချက်ချင်းဆက်သွယ်၍ အကူအညီတောင်းခံသင့်ပါသည်။

အချို့လူနာများတွင် ရှိရင်းစွဲ အာရုံကြောဆိုင်ရာ ရောဂါများနှင့် မူမမှန်မှုများ၊ မြင့်မားသောအပူချိန်နှင့် အချိန်အကြာကြီး ထိတွေ့သောအခါ သို့မဟုတ် များစွာသော နဗ်ကြောရောဂါ သို့မဟုတ် ဝက်ရူးပြန်ရောဂါရှိသော လူနာများကဲ့သို့ ယခင် အာရုံကြောဆိုင်ရာ လက္ခဏာများ ပြန်လည်ဖြစ်ပေါ်လာစေသည့် ခန္ဓာကိုယ်အပူချိန် သိသိသာသာ မြင့်တက်စေသည့် အခြေအနေများ ရှိပါသည်။ ရောဂါလက္ခဏာများ ပိုမိုဖြစ်ပွားစေသည့် ယန္တရားများသည် နိုင်ငံတစ်ခုစီတွင် မတူညီပါ။ ရောဂါ

အပူဒဏ်ကို ကုသပါ။

ကနဦးကုသမှု (ပထမ-အကူအညီနှင့် စီမံခန့်ခွဲမှု) သည် ခန္ဓာကိုယ်အပူချိန်ကို လျှော့ချခြင်းဖြင့် လုပ်ဆောင်နိုင်သည်။ လူနာကို အိမ်တွင်း သို့မဟုတ် လေအေးပေးစက်နှင့် အေးသောအပူချိန်ရှိသော နေရာတွင် ယူဆောင်လာခြင်းဖြင့်။ အဝတ်အစားတွေကို ဖယ်ပြီး တင်းကျပ်တဲ့အဝတ်အစားတွေကို ဖြည်လိုက်ပါ။ ပြီးလျှင် ရေအေးဖြင့် စိုစွတ်သော အဝတ်ဖြင့် သုတ်နိုင်ပါသည်။ ခေါင်း၊ လည်ပင်း၊ ချိုင်းကြားနှင့် ပေါင်ခြံတို့တွင် ရေခဲအိတ်များ ထားပေးပါ။ အေးမြသောရေဖြန်း သို့မဟုတ် ရေချိုးခန်းသုံးပါ။ သို့မဟုတ် လူနာတင်ကားကို စောင့်နေစဉ် လူနာအား အေးသောရေချိုးကန်ထဲတွင် ထည့်ထားပါ။ အရေးကြီးသောအချက်မှာ သကြားပါသော သို့မဟုတ် အရက်ယမကာများ မသောက်ပါနှင့် အဘယ်ကြောင့်ဆိုသော် ယင်းအချိုရည်များသည် ခန္ဓာကိုယ်၏ အပူချိန်ထိန်းညှိနိုင်စွမ်းကို ဆုံးရှုံးစေသောကြောင့် ဖြစ်သည်။ ရေအေးက ဗိုက်အောင့်ခြင်းကို ဖြစ်စေနိုင်ပါတယ်။

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

15/03/2026

ပျားရည်ဟာ ကျန်းမာရေးအတွက်ရော အလှအပဆိုင်ရာအတွက်ပါ အသုံးတည့်ပြီး အကျိုးရှိတယ်ဆိုတာကို လူတိုင်း သိထားကြမှာပါ။ အခုဖော်ပြပေးမှာကတော့ ပျားရည်ကို တခြားအချိန်တွေမှာထက် အိပ်ရာ မဝင်ခင် စားသုံးပေးခြင်းအားဖြင့် ရရှိနိုင်မယ့် ကျန်းမာရေးကောင်းကျိုးတွေပဲ ဖြစ်ပါတယ်။

(၁) သွေးပေါင်ချိန်ကို ထိန်းညှိပေးနိုင်တယ်

ပျားရည်မှာ ပါဝင်တဲ့ Antioxidant ဟာ သွေးပေါင်ချိန် ရုတ်တရက် မြင့်တက်လာခြင်းကို ကာကွယ်ပေးနိုင်တာကြောင့် ညအိပ်ရာ ဝင်ခါနီးတိုင်း ပျားရည် လက်ဖက်ရည်ဇွန်း ၁ ဇွန်းခန့် စားသုံးပေးခြင်းဟာ သွေးပေါင်ချိန် မြင့်တက်ခြင်းကို လျော့ကျစေနိုင်ပါတယ်။

(၂) အိုမင်းရင့်ရော်ခြင်းကို နှေးကွေးစေတယ်

ပျားရည်မှာ ပါဝင်တဲ့ အာဟာရဓာတ်တွေဟာ အိုမင်းရင့်ရော်ခြင်းကို နှေးကွေးစေနိုင်ပြီး မျက်နှာပေါ်က အရေးအကြောင်းတွေ အလွယ်တကူ ဖြစ်ပေါ်ခြင်းကို တားဆီးပေးနိုင်ပါတယ်။

(၃) စိတ်ဖိစီးမှုကို လျော့ကျစေနိုင်တယ်

စိတ်ပညာရှင်တွေရဲ့အဆိုအရ ပျားရည်မှာ ပါဝင်တဲ့ Polyphenol ဓာတ်ဟာ ဦးနှောက်ဆဲလ်တွေကို ဖွံ့ဖြိုးစေပြီး အာရုံကြောစနစ်ကို ကောင်းမွန်စေတာကြောင့် စိတ်ဖိစီးမှု အပါအဝင် စိတ်ပိုင်းဆိုင်ရာ ကျန်းမာရေးပြဿနာတွေကို လျော့ကျစေနိုင်တယ်လို့ ဆိုပါတယ်။

(၄) ချောင်းဆိုးခြင်းနဲ့ လည်ချောင်းနာခြင်းတို့ကို သက်သာစေနိုင်တယ်

ရာသီဥတု အကူးအပြောင်းကြောင့် လည်ချောင်းနာတာနဲ့ ချောင်းဆိုးတာတွေ ဖြစ်ပေါ်တဲ့အခါ ညအိပ်ရာ ဝင်ခါနီးတိုင်း ပျားရည် ၁ ဇွန်းခန့် သောက်သုံးပေးခြင်းအားဖြင့် သက်သာ ပျောက်ကင်းစေနိုင်ပါတယ်။

(၅) ကိုယ်ခံအားစနစ်ကို ကောင်းမွန်စေတယ်

ပျားရည်မှာ ဘက်တီးရီးယားတွေကို သေစေနိုင်တဲ့ Antibacterial နဲ့ Antioxidant တို့ ကြွယ်ဝစွာ ပါဝင်တာကြောင့် ရာသီဥတု အကူးအပြောင်းမှာ ဖြစ်တဲ့ တုပ်ကွေးဖျားနာခြင်းနဲ့ မကြာခဏ ဖျားနာခြင်းတွေကို ကာကွယ်ပေးနိုင်ပါတယ်။

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

12/03/2026

မိမိကိုယ်ခန္ဓာပေါ်မှာ အလုံးတစ်လုံးသို့မဟုတ် အကျိတ်တစ်လုံးစမ်းမိသည်နှင့် တစ်ပြိုင်နက် ကင်ဆာဖြစ်လေမလားဟု စိုးရိမ်စိတ်မေးခွန်းတွေ ပေါ်လာတတ်ပါတယ်။

အလုံး ၊ အကျိတ်စမ်းမိတိုင်း ကင်ဆာဖြစ်မယ် လို့တော့ မပြောနိုင်ပါ။ အန္တရာယ်မပြုသော အလုံးအကျိတ်များလည်း ရှိပါတယ်။ ရောဂါများကြောင့် အရေပြားအပေါ်သို့မဟုတ် အရေပြားအောက်တွင် အလုံး အကျိတ်ပေါ်တတ်ပါတယ်။

ဘယ်လိုအခြေအနေမျိုးရှိလျှင် အလုံးအကျိတ်က စိတ်ပူစရာမရှိတာလဲ?

အိတ်အလုံးများသည် ဆဲလ်ပွားပြီး အိတိကဲ့သို့ ဖြစ်လာသောကြောင့် အထဲတွင် လေ၊ အရည်နှင့် အပျော့ခဲများ စုနေတတ်ပါတယ်။ အလုံးအကျိတ်သည် ပျော့မယ် ၊ ရွှေ့မယ် ၊ ဖိလိုက်လျှင် ပုံပြောင်းမယ် ၊ အပေါ်ယံအလွှာ သို့မဟုတ် အဆီ သို့မဟုတ် အရေပြားပေါ်တွင်ရှိခဲ့သော် ၊ လူပ်ရှားမှုတွေမှာ နာကျင်ကြီးထွားသော်လည်း အနားယူလျှင် အရွယ်သေးခဲ့ရင်တော့ အကြမ်းဖျင်းအားဖြင့် စိုးရိမ်ဖွယ်မရှိဟု ယူဆရနိုင်ပါတယ်။ အချက်များ ရှိခဲ့လျှင် အလုံးအကျိတ်များသည် အရည်များဖြင့်ပြည့်နေတတ်သော အရည်အိတ်အလုံးများ ဖြစ်နိုင်ပါတယ်။ အခြားသော ရောင်ခြင်း ၊ ပိုးဝင်ခြင်းနှင့် လေးဘက်နာ အဆစ်အမြစ်ရောင်ခြင်း နှင့် တွဲလျက် အရွတ်ရောင်ခြင်းနှင့် ပြန်ရေကြောအကျိတ် ကြီးခြင်းများလည်း ဖြစ်နိုင်ပါတယ်။

ကင်ဆာအကျိတ်များ

ကင်ဆာအကျိတ်များသည် မူမမှန်ဆဲလ်ပွားခြင်းကြောင့် ဖြစ်လာခြင်း ဖြစ်ပါတယ်။ အချို့ အရေပြားအဖု အကျိတ် အလုံးများသည် မှန်းဆရ ခက်တတ်ပါတယ်။ ကင်ဆာလို့ မှန်းရနိုင်တဲ့ အခြေအနေများကတော့ အလုံးအကျိတ်သည် မာမယ်၊ ပုံမှန် ကြီးထွားလာမယ်၊ ထိလျှင် မနာကျင်ပါ၊ ရုတ်တရက်ပေါ်ပေါက်လာမယ် စသည်အခြေအနေများကြောင့် ယူဆရပါမယ်။ အလုံးရဲ့ အရွယ်အစားက တဖြေးဖြေး ကြီးထွားလာတတ်ပါတယ်။ ရင်သား ၊ ဝှေးစေ့နှင့် လည်ပင်းစသော ကိုယ်ခန္ဓာ အပြင်ဘက်တွင် စမ်းမိတတ်ပါတယ်။

ကင်ဆာအကျိတ်များသည် အလျင်အမြန် ကြီးထွားအမြစ်တွယ်သောကြောင့် အနီးအနားရှိ ကိုယ်အင်္ဂါအစိတ်အပိုင်း လုပ်ဆောင်မှုအပေါ်တွင် အန္တရာယ်ပြုတတ်ပါတယ်။ အလုံးအကျိတ်ကို အဆင့် ၃ ဆင့်သတ်မှတ်ခွဲခြားနိုင်ပါတယ်။ ကင်ဆာမဟုတ်သောအဆင့် ၊ ကင်ဆာဖြစ်နိုင်ချေရှိသောအဆင့် ၊ ကင်ဆာအဆင့် ဆိုပြီး သုံးမျိုးရှိပါတယ်။ ကင်ဆာအကျိတ်များသည် ပွားနူန်းမြန်၍ အရွယ်အစားကြီးထွားမှုမြန်ပြီး တစ်နရာနှင့် တစ်နေရာ ကူးစက်မှုနူန်းမြန်ကာ ဘေးပတ်ဝန်းကျင်ရှိ တစ်ရူးအကောင်းများကိုလည်း ဖျက်ဆီးတတ်ပါတယ်။

အရေးကြီးဆုံးအချက်ကတော့ မိမိစမ်းမိသော အလုံးအကျိတ်သည် နှစ်လက်မထက် ပိုကြီးခြင်း ၊ မည်သည့် အလုံးအကျိတ်မဆို ရုတ်တရက် ပိုကြီးလာခြင်းများ ရှိလျှင် နာကျင်ခြင်းများ ရှိ မရှိ မစဉ်းစားပဲ ဆရာဝန်နဲ့ စမ်းသပ်စစ်ဆေးမှု ခံယူပါ။ ကင်ဆာအကျိတ် ဖြစ်စေနိုင်သော အချက်များကတော့ ၊ ဓာတ်ရောင်ခြည်များ ၊ ပတ်ဝန်းကျင်ညစ်ညမ်းမှုများ ၊ ကျန်းမာရေးနှင့် ညီညွတ်စွာ နေထိုင်မှုမရှိခြင်းနှင့် ကိုယ်လက်လေ့ကျင့်မှုမရှိခြင်း ၊ အဝလွန်ခြင်း ၊ ဆေးလိပ်သောက်ခြင်းနှင့် ရောဂါပိုးကူးစက်ခြင်းတို့ကြောင့် ဖြစ်နိုင်ချေရှိပါတယ်။

ကင်ဆာအကျိတ်လက္ခဏာများရှိပါက လိုအပ်သော စစ်ဆေးမှုများ ပြုလုပ်သင့်ပါတယ်။ ကင်ဆာဟုအတည်ပြုနိုင်ရန် အသားစစစ်ဆေးမှု ပြုလုပ်ရမှာ ဖြစ်ပါတယ်။ ကင်ဆာအကျိတ် ဖြစ်ခဲ့လျှင် ခွဲစိတ်ခြင်း၊ ဆေးသွင်းခြင်းနှင့် ဓာတ်ကင်ခြင်း ပြုလုပ်ရမှာ ဖြစ်ပါတယ်။ ကင်ဆာအကျိတ် ပျောက်ကင်းမှုကတော့ ကင်ဆာအမျိုးအစား၊ တည်နေရာနှင့် ရောဂါအတိမ်အနက် ပေါ်မူတည်ပါတယ်။ လိုအပ်လျှင်အသားစ စစ်ဆေးအတည်ပြုရမှာ ဖြစ်ပါတယ်။ ကင်ဆာမဟုတ်သော အလုံးအကျိတ်များစွာ ရှိပါတယ်။ အရည်အိတ်များသည် အရွယ်အစားမျိုးစုံ တည်နေရာမျိုးစုံပေါ် မူတည်ရျ် အရေးကြီးပါတယ်။

မိမိအရေပြားပေါ်တွင်ဖြစ်လေ့ရှိသော အကျိတ်များကတော့ အရည်ပြားအရည်အိတ်များ ၊ ချယ်ရီ အမ်ဂျီးရှိမားလို့ခေါ်တဲ့ အနီရောင်ချောချော အဖုလေးများ ၊ ချိုင်းနှင့် ခြေထောက်များတွင် ဖြစ်လေ့ရှိသော အန္တရာယ်မပေးသော နီညိုရောင်လုံးဝန်းသော အဖုများ (dermatofibromas) ၊ အဆီကျိတ်များ ၊ ကင်ဆာမဟုတ်သော ရင်သားအကျိတ်များ (FIBROADENOMA) ၊ မွှေးကျွတ်နာအဖုများ ၊ မွေးရာပါ ကိုယ်ခန္ဓာအာရုံကြောများတွ င်ဖြစ်လေ့ရှိသော အကျိတ်များ (neurofibroma)တို့ပဲ ဖြစ်ပါတယ်။ မည်သည့်အလုံးအကျိတ်မဆို လိုအပ်လျှင် အသားစ စစ်ဆေးမှသာ ကင်ဆာ အကျိတ်ဖြစ်တယ်ဟု အတိအကျ ပြောနိုင်ပါလိမ့်မယ်။

မိမိကိုယ်ထဲတွင်ရောဂါပိုးရှိလျှင် အကျိတ်များ ပေါ်ပေါက်တတ်ပါတယ်။ (ဥပမာ တီဘီအကျိတ်များ) ကင်ဆာအကျိတ် မဟုတ်သော အလုံးအကျိတ်ဖြစ်စေကာမူ လိုအပ်လျှင် ခွဲစိတ်ဖယ်ရှားကာ အသားစစစ်ရလေ့ ရှိပါတယ်။ ထို့ကြောင့် အကျိတ်အလုံး စမ်းမိလျှင် စိုးရိမ်စိတ် ဖယ်ရှားကာ ဆရာဝန် နှင့်သေချာစစ်ဆေးစမ်းသပ်မှု ခံယူခြင်းသာ အကောင်းဆုံးဖြစ်ပါတယ်။

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

10/03/2026

ဒီလိုပူပြင်းတဲ့ရာသီဥတုကို အံတုနိုင်ဖို့ဆို မိမိ ခန္ဓာကိုယ်မှာ ရေဓာတ်ပြည့်ဝနေဖို့ လိုအပ်ပါတယ်။ ရေဓာတ်ပြည့်ဝစေဖို့ သောက်သုံးစရာရေအပြင် အခြားသဘာဝသစ်သီးဖျော်ရည်များဖြင့်လည်း ပြန်လည် ဖြည့်တင်းနိုင်ပါတယ်။

(၁) ပူဒီနာရေတစ်ခွက်

ရေဓာတ် ခ န်းခြောက်မှုကို ဟန့်တားရန်အတွက် အခြားဘာသစ်သီးဖျော်ရည်မှ မသောက်ချင်တဲ့သူတွေအ တွက် ရေတစ်ဖန်ခွက်ထဲကို ပူဒီနာရွက် ၁၀ ရွက်စိမ်ပြီး သောက်သုံးပေးပါ။ အာနိသင်ပိုမိုရရှိစေရန် ၇ မိနစ်ခန့် စိမ်ပြီးမှ သောက်သုံးပေးသင့်ပါတယ်။ ပူဒီနာရွက်၏ အနံ့အရသာ ကြောင့် စိတ်ကို ကြည်လင်လန်းဆန်းစေပြီး ရေဓာတ်ခန်းခြောက်မှုကို ဟန့်တားပေးနိုင်ပါတယ်။

(၂) ပန်းသီးရှာလကာရည်

ပန်းသီးရှာလကာရည်ဟာ အိမ်မှာအလွုယ်တကူပြုလုပ်နိုင်တဲ့ ကျန်းမာရေးအထောက်အကူပြု အရည်တမျိုးပါ။ ပန်းသီးတစ်လုံးကို အစိတ်လေးများပြုလုပ်ပြီင်္း ရေတစ်ဖန်ခွက်ထဲမှာ သစ်ကြံပိုးခေါက်နှင့်အ တူရေစိမ်ပေးပါ။ မိနစ် ၂၀ ခန့်ထားပြီး သောက်သုံးပေးမယ်ဆိုပါက ချွေးထွက်လွန်ခြင်းကြောင့်ဖြစ်တတ်သော ရောဂါများကို ကာကွယ်ပေးပြီးသားဖြစ်မှာပါ။

(၃) လိမ္မော် ၊ ချင်းဖျော်ရည်

လိမ္မော်သီး (သို့) ရှောက်သီးကို အသုံးပြုရမှာပါ။ လိမ္မော်သီးတွင် ပါဝင်သည့် ဗီတာမင် စီဓာတ်က စိတ်ကိုလန်းဆန်းစေပြီး Antioxidants ကြွယ်ဝစွာပါဝင်မှုကြောင့် ကျန်းမာရေးကို များစွာအထောက်အကူပြုပါတယ်။ အော်ဂန်းနစ် ပန်းသီး၊ ရှောက်သီး၊ လိမ္မော်သီး ကို အခွံပ့ါထည့်ပြီး အကွင်းလိုက်လေးလှီး၍ ရေတစ်လီတာထဲကိုချင်းနဲ့အတူ စိမ်ထားပေးပါ။ ရေခဲသေတ္တာထဲကို ၂ နာရီခန့် ထည့်ထားပြီးနောက် အရသာလည်းရှိ၊ ကျန်းမာရေးအတွက်လည်းကောင်းတဲ့ လိမ္မော်ဖျော်ရည်ကို သောက်သုံး နိုင်ပါပြီ။

(၄) စပျစ်၊ သံပရာရည်

ရေတစ်လီတာထဲကို စပျစ်သီး ၁၅ လုံးခန့်ထက်ခြမ်းခြမ်းပြီး သံပရာသီး တစ်လုံးတို့ကို ရောစပ်ထည့်ထားပါ။ မိနစ် ၂၀ ခန့် စိမ်ထားပြီး အရသာရှိသည့် စပျစ်။သံပရာရည် ကို သောက်လို့ရပါပြီ။ စပျစ်သီးနှင့် သံပရာသီးက ရေဓာတ်ခန်းခြောက်မှုကို ဟန့်တားပေးနိုင်ပြီး စိတ်ကို ကြည်လင်လန်းဆန်းစေပါတယ်။

(၅) စတော်ဘယ်ရီ ၊ သခွားဖျော်ရည်

စတော်ဘယ်ရီ သီး ၅ လုံးလောက်ကို ထက်ခြမ်းခြမ်းပြီး သခွားသီး အကွင်းလိုက်လေး ၁၅ ခုနှင့်အတူ ရေတစ်လီတာထဲရောစိမ်ထားပေးပါ။ ၅ မိနစ်၊ ၇ မိနစ် ခန့်ထားပြီး သောက်သုံးပေးပါက စတော်ဘယ်ရီ၏ Antioxidants ကြွယ်ဝမှုကြောင့် ကျန်းမာရေးကို အထူးကောင်းမွန်မှာပါ။

အသေးစိတ်သိချင်ရင်တော့ chat box မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

06/03/2026

ကန်စွန်းဥဟာ သဘာဝအလျောက် ချိုမြိန်တဲ့ သစ်ဥသစ်ဖုတစ်မျိုးဖြစ်ပြီး ပြုတ်စား၊ ဖုတ်ထားလို့ရသလို ဟင်းချက်စားလို့လည်း ရပါတယ်။ အောက်ဖော်ပြပါ ကျန်းမာရေးအကျိုးကျေးဇူးတွေကို ရရှိစေဖို့အတွက် ကန်စွန်းဥများများ စားပေးသင့်ပါတယ်။

၁။ အစာကြေစေတယ်

ကန်စွန်းဥမှာပါဝင်တဲ့ အမျှင်ဓာတ်ဟာ အာလူးထက်ပိုမိုမြင့်မားပြီး အရသာလည်း ပိုကောင်းပါတယ်။ အဲဒီအမှျှင်ဓာတ်ကိုမှ မဂ္ဂနီစီယမ်လို သတ္ထုဓာတ်တစ်မျိုးနဲ့ ပေါင်းစပ်လိုက်ချိန်မှာတော့ သဘာဝ အစာကြေဆေးတစ်မျိုး ဖြစ်သွားပါတော့တယ်။ ကစီဓာတ်ပါဝင်မှုကြောင့် ကန်စွန်းဥတွေကိုစားရင် လွယ်ကူစွာ အစာကြေစေနိုင်ပါတယ်။ ဒါ့အပြင် ကန်စွန်းဥစားခြင်းဖြင့် အစာအိမ်နဲ့ အူလမ်းကြောင်းကိုလည်း သက်သာစေနိုင်ပါတယ်။

၂။ ဝိတ်တက်စေတယ်

ကန်စွန်းဥထဲမှာ ကစီဓာတ်၊ ကျန်းမာစေတဲ့ ဗိုက်တာမင်၊ သတ္ထုဓာတ်နဲ့ ပရိုတိန်းတို့ ကြွယ်ဝစွာပါဝင်ပါတယ်။ ဒါကြောင့် ဝိတ်တင်နေသူတွေအတွက် ခန္ဓာကိုယ်စွမ်းအင်နဲ့ အလေးချိန်တိုးစေနိုင်တဲ့ အာဟာရဓာတ်တွေကို ရရှိစေနိုင်ပါတယ်။ ပိန်လွန်းလို့ အရိုးလို့ အခေါ်ခံနေရသူတွေနဲ့ LCD ဘဝရောက်နေလို့ ရွယ်တူမိန်းကလေးတွေကြားမှာ အားငယ်နေရသူတွေ ကန်စွန်းဥစားပေးမယ်ဆိုရင် အာဟာရ ပြည့်ဝစေရုံသာမက ဝိတ်လည်းတက်စေနိုင်လို့ ပုံမှန်စားပေးသင့်ပါတယ်။

၃။ ကိုယ်ခံအားကောင်းစေတယ်

ကန်စွန်းဥထဲမှာပါဝင်တဲ့ အဓိက antioxidant တစ်မျိုးဖြစ်တဲ့ beta-carotene ဟာ ခန္ဓာကိုယ် ကိုယ်ခံအားစနစ်ကို အားကောင်းစေတဲ့ အာဟာရဓာတ်တစ်မျိုးပါ။ ဒါ့အပြင် ဗိုက်တာမင်၊ သံဓာတ်၊ ဖော့စ်ဖရတ်စ် စတာတွေလည်း ကြွယ်ဝတဲ့အတွက် ကန်စွန်းဥစားခြင်းဟာ ခန္ဓာကိုယ်ထဲကို တော်ရုံ ဘက်တီးရီးယားနဲ့ ဗိုင်းရပ်စ်ပိုး ဝင်မတိုးနိုင်လောက်အောင် အားကောင်းစေနိုင်ပါလိမ့်မယ်။

၄။ ပန်းနာရင်ကြပ် သက်သာစေတယ်

ဆောင်းတွင်းမှာ ကန်စွန်းဥပြုတ်ပူပူလေးကို နှမ်းဆီလေးနဲ့ တို့စားခြင်းက ရင်ကိုနွေးစေသလို ပန်းနာရင်ကြပ်သမားတွေ အတွက်လည်း ကောင်းပါတယ်။ ဘာလို့လဲဆိုတော့ ကန်စွန်းဥဟာ နှာခေါင်း၊ အသက်ရှူလမ်းကြောင်းနဲ့ အဆုတ်ဝန်းကျင်မှာ ပိတ်ဆို့ခြင်းကို ရှင်းလင်းပေးနိုင်လို့ပါပဲ။ တစ်နည်းအားဖြင့် ပန်းနာရင်ကြပ်သမားတွေအတွက် သတင်းကောင်းပါပဲ။

၅။ အဆစ်အမြစ်ရောင်ရောဂါကို သက်သာစေတယ်

Beta-carotene (ဘီတာကာရိုတင်းန်)၊ မဂ္ဂနီစီယမ်၊ ဇင့်နဲ့ ဗိုက်တာမင်ဘီတို့ဟာ ကန်စွန်းဥကို အဆစ်အမြစ်ရောင်ရောဂါ ဝေဒနာရှင်တို့အတွက် အားကိုးရာဖြစ်စေတဲ့ အကြောင်းရင်းတစ်ခုပါပဲ။ ဆောင်းတွင်းဘက် ခြေဆစ်၊ လက်ဆစ်တွေကိုက်ခဲရင် ကန်စွန်းဥပြုတ် ပူပူလေးစားပေးခြင်းဖြင့် ဝေဒနာလျော့ပါးသက်သာစေနိုင်ပါတယ်။ ဒါမှမဟုတ် ကန်စွန်းဥပြုတ်ရည်ကို အရိုးအဆစ်အမြစ်တွေနားမှာ လိမ်းပေးခြင်းကလည်း ဝေဒနာလျော့ပါး သက်သာစေမယ့် နည်းလမ်းပါ။

၆။ ဆီးချိုထိန်းချုပ်ပေးတယ်

တချို့တွေက ကန်စွန်းဥရဲ့အချိုဓာတ်ကြောင့် ဆီးချိုတက်စေမယ်လို့ထင်ကြပါတယ်။ တကယ်တမ်းကျတော့ ပြောင်းပြန်ပါပဲ။ ကန်စွန်းဥဟာ သွေးတွင်းအချိုဓာတ်တွေကို ထိန်းညှိပေးရာမှာ အသုံးဝင်ပြီး အင်ဆူလင်လုပ်ဆောင်မှုတွေကို ထောက်ပံ့ပေးနိုင်ပါတယ်။ ထမင်းအစား ကန်စွန်းဥစားပေးရင်တောင် ဆီးချိုသမားတွေအတွက် ဆီးချိုကျစေနိုင်ပြီး ကျန်းမာရေးကောင်းစေနိုင်မှာပါ။

ကျန်းမာရေးအကြောင်းအရာများနှင်ပတ်သက်လို့ အသေးစိတ်သိချင်ရင်တော့ chatbox မှာဖြစ်ဖြစ်၊ ကောမန့်မှာဖြစ်ဖြစ် မေးခဲ့လို့ရပါတယ်ရှင်။

MyHealthcare မှာ အရည်အချင်းပြည့်ဝပြီး အတွေ့အကြုံရင့်ကျက်တဲ့ ကျွမ်းကျင်ဆရာဝန်များစွာက မိတ်ဆွေတို့ရဲ့ ကျန်းမာရေးပြဿနာတွေကို နွေးနွေးထွေးထွေးနဲ့ အဖြေရှာပေးနေပါပြီ😍 အသေးစိတ်သိချင်ရင်တော့ chatbox မှာ "ဟယ်လို" လုပ်လိုက်ရုံပဲနော် 🤗
*အသက်သာဆုံးဈေးနှုန်း၊ ပျုငှာတဲ့ဝန်ဆောင်မှုတွေနဲ့ စိတ်ချရတဲ့ ကျန်းမာရေးစောင့်ရှောက်မှုတွေကို ရယူနိုင်ဖို့ MyHealthcare App ကို အခုပဲ ရယူလိုက်ပါ။
Android app link 👉 http://bit.ly/2Tr7j8s
iOS app link 👉https://apple.co/32yVJer
HMC PHARMACY Marketplace Website - http://pharmacy.myhealthcare.com.mm/
HMC PHARMACY Marketplace Application - https://bit.ly/3n9PeZJ
အသေးစိတ်စုံစမ်းရန် 09 78 8830 352

Address

• MICT Park • Building (19), Room-606, 5th Floor, Hlaing Campus
Yangon
00951

Telephone

+959788830352

Website

https://www.myhealthcare.com.mm/

Alerts

Be the first to know and let us send you an email when MyHealthcare posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to MyHealthcare:

Shortcuts

Want your practice to be the top-listed Clinic in Yangon?