လပြည့်ဝန်း ဆေးဆိုင် - La Pyae Wonn Pharmacy

24/05/2022

20/05/2022

18/04/2022

လူတစ်ဦးအတွက် ဗီတာမင်စီ လိုအပ်ချက်
-------------------------------------
ကလေးတွေမှာတော့ ပျှမ်းမျှ တစ်နေ့ ၃၀ မီလီဂရမ် အနည်းဆုံးလိုအပ်ပြီး လူကြီးတွေကတော့ ၆၀ မီလီဂရမ် လိုအပ်ပါတယ်။ ဒါဟာလဲ အသက်အရွယ်၊ ကျား/မ ပေါ်မူတည်ပြီး အနည်းငယ်စီ ကွာခြားမှုရှိပါတယ်။ ကိုယ်ဝန်ဆောင်မိခင်၊ နို့တိုက်မိခင်တွေမှာ ၁၂၀ မီလီဂရမ် သောက်ဖို့လိုအပ်ပြီး ရောဂါတွေဖြစ်ရင်၂၀၀ မီလီဂရမ်လောက် လိုအပ်ပါတယ်။ ဥပမာအားဖြင့် ဖျားနာ၊ တုပ်ကွေး၊ ငှက်ဖျား၊ ထိခိုက်ဒဏ်ရာ၊ သွေးအားနည်းရောဂါ စတာတွေဖြစ်ပါတယ်။ ဒါဟာ မဖြစ်အောင်ကာကွယ်ပေးတဲ့ အနိမ့်ဆုံးလိုအပ်တဲ့ပမာဏပဲ ဖြစ်ပါတယ်။

ဒီထက်ပိုပြီး များများစားရင်ရော ဘာဖြစ်တတ်ပါသလဲ❓❓

ဗီတာမင်စီ ကြွယ်ဝတဲ့အစားအစာတွေကတော့ ဘယ်လောက်ပဲစားစား အဆိပ်အတောက် ဖြစ်တယ်ဆိုတာ မရှိပါဘူး။ ဒါပေမဲ့ ဗီတာမင်စီ ပါဝင်တဲ့ဆေးပြား အထူးသဖြင့် သဘာဝ ဗီတာမင်စီ မဟုတ်ဘဲ ဓာတ်ခွဲခန်းမှာ ဖန်တီးပြုလုပ်ထားတဲ့ ဗီတာမင်စီ ဆေးပြားတွေကို တစ်နေ့ 1 g ထက်ပိုစားရင်တော့ ဘေးထွက်ဆိုးကျိုးအနေနဲ့ ဗိုက်နာခြင်း၊ ဝမ်းပျက်ဝမ်းလျှောခြင်းနဲ့ ဆီးလမ်းကြောင်း ကျောက်တည်ခြင်း (Oxalate stone) တို့ဖြစ်တတ်ပါတယ်။

ဒေါက်တာခင်မောင်လွင် (FAME)

👉https://t.me/drkhinmaunglwin
👉https://t.me/drkhinmaunglwingroup

15/03/2022

ကျောက်ကပ်က ခန္ဓာကိုယ်အတွက် ဘာအလုပ်တွေလုပ်ပေးလဲ?

ကျောက်ကပ်သည် ဝမ်းဗိုက်၏အောက်ခြေနောက်ကျောဘက်တွင်တည်ရှိပြီး ပဲစေ့ပုံစံရှိသော (၂)ခုပါရှိသည့် အင်္ဂါအစိတ်အပိုင်း ဖြစ်ပါသည်။

ကျောက်ကပ်၏အဓိက လုပ်ဆောင်ချက်များကို အတိုကောက် "စစ်၊ထုတ်၊စုပ်၊ထိန်း" ဟုမှတ်သားနိုင်ပြီး ထိုလုပ်ဆောင်ချက်များကို "Nephron" ဟုခေါ်ဆိုသောကျောက်ကပ်၏အသေးငယ်ဆုံး အစိတ်အပိုင်းလေးများမှ လုပ်ဆောင်ပေးပါသည်။ကျောက်ကပ် တစ်ခုတွင် Nephrone ပေါင်း ၁ သန်းခန့်ပါရှိတာကြောင့် ကျောက်ကပ်တစ်စုံတွင်စုစုပေါင်း Nephron ၂သန်းခန့်ပါရှိပါသည်။

✅ကျောက်ကပ်ဟာ ဘာအလုပ်တွေလုပ်သလဲ?

(၁)စစ်

ဆီးထဲသို့ မပါသင့်သည့် ဓာတ်များပါမသွားအောင် ရေစစ်ကဲ့သို့ စစ်ယူပေးခြင်း(ဥပမာ- အသားဓာတ်များ၊သကြားဓာတ်များ)

(၂)ထုတ်

ဟော်မုန်းများထုတ်ပေးခြင်း (ဥပမာ- Erythropoietin ခေါ် သွေးနီဥဖြစ်ခြင်းကို အားပေးသည့် ဟော်မုန်းများ၊Renin ခေါ် သွေးပေါင်ချိန်ကို ထိန်းပေးသည့် ဟော်မုန်းများ)

မလိုအပ်သည့် အညစ်အကြေးများ(ဥပမာ- အမိုးနီးယား,urea,creatinine, uric acid နှင့် ဆေးဝါးများ၊ အဆိပ်အတောက်များ)ကို စွန့်ထုတ်ပေးခြင်း

(၃)စုပ်

ခန္ဓာကိုယ်အတွက်လိုအပ်သော ဓာတ်များ ဆီးထဲသို့ ပါသင့်သည့် ပမာဏထက် ပိုပါသွားပါက ပြန်လည်စုပ်ယူထားခြင်း(ဥပမာ- ရေ၊သကြားဓာတ်၊အသားဓာတ် နှင့် ဆားများ)

(၄)ထိန်း

ရေဓာတ်နှင့် ဆားဓာတ်ကို ထိန်းညှိပေးခြင်း၊ calciuim နှင့် phosphate ပမာဏကို ထိန်းညှိပေးခြင်း၊vitamin D ဖြစ်စဉ်ကို ထိန်းပေးခြင်း၊သွေးပေါင်ချိန်ကို ထိန်းညှိပေးခြင်း စသည့်functions များကို လပြ်ဆောင်ပေးပါသည်။

✅ကေ​ျာက်ကပ်မှာ ပြဿနာရှိနေရင် ပြနိုင်သော အဖြစ်များတဲ့လက္ခဏာများမှာ-

🔺ဆီးထဲသွေးပါခြင်း
🔺ဆီးအမြုပ်ထခြင်း
🔺ဆီးသွားနည်းခြင်း/များခြင်း
🔺မျက်လုံးတစ်ဝိုက်နှင့် ခြေကျင်းဝတ်ရောင်ခြင်း
🔺အစားအသောက်ပျက်ခြင်း
🔺မောခြင်း
🔺အာရုံမစူးစိုက်နိုင်ခြင်း
🔺အိပ်ရခက်ခဲခြင်း
🔺အရေပြားယားယံခြင်း၊ခြောက်သွေ့ခြင်း
🔺ကြွက်တက်ခြင်း

✅ကျောက်ကပ်ကျန်းမာဖို့အတွက် လုပ်သင့်တဲ့ အချက်များမှာ-

❤️ဆား(အငန်)အလွန်အကျွံစားသုံးခြင်းရှောင်ကြဉ်ပါ။

❤️လေ့ကျင့်ခန်းပုံမှန်လုပ်ပါ။

သွေးပေါင်ချိန်များခြင်းဟာ ရေရှည်မှာ ကျောက်ကပ်ကို ထိခိုက်စေပါတယ်။ပုံမှန်လေ့ကျင့်ခန်း လုပ်ခြင်းဟာ ဝိတ်ကျစေသလို သွေးပေါင်ချိန်ကိုလည်း လျော့ကျစေပါတယ်

❤️ရေဓာတ်ပြည့်ဝစွာ နေထိုင်ပါ။

ရေများများသောက်ခြင်းက ဆီးကနေတစ်ဆင့် မလိုအပ်သည့် အညစ်အကြေးများကို စွန့်ထုတ်ရာတွင် ကူညီပါတယ်။(❗️ခြွင်းချက် - ကျောက်ကပ်ပျက်စီးနေသူများတွင် ဆရာဝန်သတ်မှတ်ပေးထားသော ရေပမာဏထက် ပို မသောက်သုံးသင့်ပါ❗️)

❤️ကျောက်ကပ် အားနည်းခြင်းကို ပိုမိုဆိုးရွားစေမည့် အကိုက်အခဲပေ​ျာက်ဆေးများကို စနစ်တကျသုံးစွဲပါ (သို့မဟုတ်)ရှောင်ကြဉ်ပါ။

❤️နောက်ပိုင်းတွင်ကျောက်ကပ်ပျက်စီးခြင်းကို ဖြစ်စေမည့် ရောဂါများကို ကြိုတင်သိရှိအောင် လက်ဦးမှုရယူထားပါ။
ဥပမာ- ဆီးချိုရောဂါ၊အဝလွန်ခြင်း၊သွေးတိုးရောဂါ၊မိသားစုထဲတွင်ကျောက်ကပ်ရောဂါ ရာဇဝင်ရှိထားခြင်း စသည်တို့ကို စစ်ဆေးထားပါ။

"ခေတ်မြတ်နိုး - ဆီးနှင့်ကျောက်ကပ်အထူးကုဆေးခန်း"

✅"ကျောက်ကပ်ကျန်းမာအားထားရာ... ခေတ်မြတ်နိုးကိုလှမ်းခဲ့ပါ"✅

#ခေတ်မြတ်နိုး #ကျောက်ကပ်

ခေတ်မြတ်နိုး ဆီးနှင့်ကျောက်ကပ်အထူးကုဆေးခန်းတွင် သွေးစစ်ခြင်းများနှင့်ပက်သက်ပြီးမေးမြန်းစုံစမ်းလိုပါက - https://www.facebook.com/1726278317702860/posts/3053001898363822/

11/03/2022

🔹 ဆီးချိုရောဂါ ရှိ/မရှိ သေချာအောင် စမ်းသပ်စစ်ဆေးခြင်း 🔹

ဆီးချိုရောဂါ အမှန်တကယ် ဖြစ်နေကြောင်း စမ်းသပ်မှုများ ပြုလုပ်ရသလို ဆီးချိုရောဂါ ဖြစ်ပွားရသည့် အကြောင်းအရင်းကို သိစေရန် ဆီးချိုရောဂါ၏ နောက်ဆက်တွဲဆိုးကျိုးများ ရှိ/မရှိ စစ်ဆေးရန်နှင့် မိမိကုသနေသော လူနာ၏အခြေအနေ တိုးတက်မှု ရှိ/မရှိ သိရှိနိုင်စေရန် အောက်ပါ စမ်းသပ်စစ်ဆေးမှုများကို ပြုလုပ်ရလေ့ရှိပါသည်။

ဆီးစစ်ဆေးခြင်း (Urine RE)
--------------------------
ဆီးထဲ၌ ဂလူးကို့စ် ပါ/မပါ စစ်ဆေးခြင်းဖြစ်သည်။ သာမန် ကျန်းမာနေသူ၏ ဆီးထဲတွင် ဂလူးကို့စ် မပါဝင်ရပါ။ အကယ်၍ ဆီးကိုစစ်ကြည့်ပြီး ဂလူးကို့စ်ပါနေပါက ဆီးချိုရောဂါ ဖြစ်နိုင်ပါသည်။ ဆီးကို အစာစားပြီး ၂ နာရီ အကြာ၌ ယူလျှင် အကောင်းဆုံးဖြစ်သည်။ ဆီးထဲ၌ ဂလူးကို့စ်တွေ့ရုံနှင့် ဆီးချိုရောဂါ ရှိနေပြီဟု တန်းပြော၍ မရသေးပါ။ သေချာအောင် သွေးထဲရှိ ဂလူးကို့စ်ကို စစ်ဆေးပြီး သွေးထဲမှာပါ များနေမှသာ ဆီးချိုဟု ပြောနိုင်ပါသည်။ အချို့သူများ (ဥပမာ ကိုယ်ဝန်ဆောင်များ၊ ကျောက်ကပ်က ဂလူးကို့စ်ကို ပုံမှန်စွန့်ထုတ်နေသူများ) တွင် သွေးထဲ၌ ဂလူးကို့စ် များလေ့မရှိပါ။ အချို့သောဆေးများ (ဥပမာ Ampicillin, Amoxycillin, Levodopa, Aspirin) သည်လည်း ဂလူးကို့စ် စမ်းသပ်မှုကို နှောင့်ယှက်ဟန့်တားနိုင်ပါသည်။

ဆီးစစ်ရာတွင် ဆီးချိုရောဂါသည်များ ဖြစ်လေ့ရှိသည့် ဆီးလမ်းကြောင်း ပိုးဝင်သောလက္ခဏာများ (ဥပမာ ဆီးတွင်း၌ ဘက်တီးရီးယားပိုးများ တွေ့ခြင်း၊ ပြည်များ တွေ့ခြင်း) ရှိ/မရှိ သိနိုင်သလို ကျောက်ကပ်ပျက်စီးမှု ရှိ/မရှိကိုလည်း ဆီးတွင်း၌ ပရိုတင်းဓာတ် (Urine protein) ပါဝင်မှု ရှိ/မရှိကို ကြည့်၍လည်း သိနိုင်ပါသည်။ အခြားသော အချက်အလက်များဖြစ်သည့် ကီတုံးများ (Ketones) ပါဝင်ပါက ဆီးချိုထိန်းသိမ်းမှု ပို၍ဂရုစိုက်ရန်လိုကြောင်း ပြသပေးသဖြင့် အကျိုးရှိပါသည်။

သွေးတွင်းဂလူးကို့စ် စစ်ဆေးခြင်း (Blood glucose testing)
----------------------------------------------------
သွေးဖောက်၍ စစ်ဆေးရာတွင် အဓိကအားဖြင့် လက်မောင်းရှိ သွေးပြန်ကြောမှ ဖောက်ယူလေ့ရှိသည်။ အိမ်တွင်တိုင်းသည့် သွေးတွင်းရှိ ဂလူးကို့စ်တိုင်းသောစက် (Glucometer) ဖြင့် တိုင်းပါက လက်ထိပ်ရှိ ဆံခြည်မျှင် သွေးကြောများမှ သွေး (Capillary blood) ကို ယူခြင်းဖြစ်၍ လက်မောင်းသွေးပြန်ကြောမှယူသော သွေးထက် ဂလူးကို့စ်ပမာဏ အနည်းငယ် ပိုများနိုင်သည်။

သွေးဖောက်သည့် အချိန်ပေါ်မူတည်၍ သွေးတွင်းရှိ ဂလူးကို့စ်ပမာဏ အပြောင်းအလဲရှိသည်။ ထို့ကြောင့် မည်သည့်အချိန်တွင် သွေးဖောက်သည်ကိုပါ ပူးတွဲဖော်ပြရပါမည်။ တစ်ညလုံး အစားမစားဘဲ မနက်မိုးလင်းလင်းချင်း သွေးဖောက်စစ်ဆေး၍ ရသည့်အဖြေကို Fasting blood glucose ဟုခေါ်သည်။ ယင်းကိုစံပြုပြီး အမြဲတိုင်းတာလေ့ရှိသည်။ အစာ စားပြီး ၂ နာရီကြာမှ တိုင်းခြင်းကို 2 hours postprandial glucose ဟုခေါ်သည်။ ယင်းသည် သွေးအတွင်း အစာစားပြီး ဂလူးကို့စ် မည်မျှအသုံးပြုနိုင်သည်ကို ပြသခြင်းဖြစ်သည်။

အချို့မှာ ကြိုတင်စီစဉ်ထားခြင်း မရှိဘဲ ၂၄ နာရီအတွင်း ကြုံသည့်အချိန်တွင် သွေးဖောက်စစ်ဆေးခြင်းကို Random blood glucose ဟုခေါ်သည်။ ဆေးရုံ၊ ဆေးခန်းသို့ ရောက်လာသော လူနာများ၊ ယခင်က ဆီးချိုရှိမှန်း မသိသော လူနာများအား ဆီးချိုသံသယရှိပါက ချက်ချင်းသိစေရန် စစ်ဆေးခြင်းဖြစ်သည်။ ယင်းသို့စစ်ဆေးပြီး သွေးတွင်းဂလူးကို့စ် များစွာတက်နေလျှင်လည်း ဆီးချိုရှိသည်ဟု သတ်မှတ်နိုင်သည်။

ဂလူးကို့စ် ဖျော်ရည်သောက်ပြီး စမ်းသပ်ခြင်း (Oral Glucose Tolerance Test: OGTT)
----------------------------------------------------
လူနာကို ဂလူးကို့စ် ဖျော်ရည်တိုက်ပြီး သွေးတွင်း၌ ဂလူးကို့စ် မည်မျှတက်လာသည်၊ ခန္ဓာကိုယ်ကနေ မည်သို့တုံ့ပြန်သည်ကို စမ်းသပ်ခြင်းဖြစ်သည်။ ဤစမ်းသပ်မှုကို ၁၉၂၃ ခုနှစ် တွင် ဂျာရုန်း ကောင်း (Jerome W. Conn) ဆိုသူက စတင်တီထွင်ခဲ့ရာ ယနေ့အထိ အသုံးဝင်နေဆဲ ဖြစ်သည်။ လူနာတိုင်းကို ပြုလုပ်ရန် မလိုအပ်သော်လည်း အချို့လူနာများတွင် ဤစမ်းသပ်မှုကို ပြုလုပ်ခြင်းဖြင့် လူနာ၏ အခြေအနေကို ပို၍ အသေးစိတ် သိနိုင်ပါသည်။ လုပ်ရလွယ်ကူခြင်း၊ ကုန်ကျစရိတ် မများခြင်းတို့ကြောင့် ပြုလုပ်သင့်သည့် စမ်းသပ်မှုတစ်ခုဟု ဆိုနိုင်သည်။

ဒေါက်တာခင်မောင်လွင် (FAME)

ကိုးကားချက် - "ဆီးချိုရောဂါ" စာအုပ်၊ အခန်း (၁) ဆီးချိုရောဂါဆိုသည်မှာ မှ ထုတ်နုတ်ဖော်ပြသည်။

👉https://t.me/drkhinmaunglwin
👉https://t.me/drkhinmaunglwingroup

13/11/2021

အူမကြီးကင်ဆာ ( CA re**um) မှာ ဝမ်းအိတ်ဗိုက်ဖေါက် Colostomy လုပ်ဖို့ လိုသလား။
>>>>>>>>>>>>>>>>>>>>>>>>>>>>>

အူမကြီးကင်ဆာလို့ လွယ်လွယ်ကူကူ အရပ်ပြော နားလည်အောင်ပြောရပေမယ့် ဒီနေရာမှာ ကျွန်တော်ဆိုလိုချင်တဲ့ အူမကြီးက re**um လို့ ဆေးပညာက ခေါ်ကြတဲ့ ၊ တခါတခါ အစာဟောင်းအိမ်လို့ ခေါ်ကြတဲ့ နေရာ။ တနည်း လွယ်လွယ်ကူကူပြောရရင် စအိုဝနဲ့ အနီးဆုံးနေရာမှာရှိတဲ့ အူမကြီးကို ဆေးပညာအရ re**um ( ရက်တမ် လို့ အသံထွက်) လို့ခေါ်တယ်။

ဗိုက်ထဲမှာ အခွေလိုက် အရှည်ကြီးရှိတာကို colon ( ကိုလုံ လို့ အသံထွက်) လို့ခေါ်တယ်။

မြန်မာလိုသာ အူမကြီးလို့ ရောချလုံးထွေးပြီး ခေါ်နေကြပေမယ့် တကယ်တမ်းဆေးပညာ အလိုအရ အူမကြီးမှာ အဓိက အပိုင်းကြီး နှစ်ခုရှိတယ်။ စအိုဝနဲ့ နီးတဲ့ အူမကြီးအပိုင်းကို re**um လို့ခေါ်ပြီး စအိုဝနဲ့ ဝေးတဲ့ ဗိုက်ထဲက အပိုင်းကို colon လို့ခေါ်တယ်။

အခုဒီမှာ အဓိကပြောမယ့်အကြောင်းက CA re**um လို့ခေါ်တဲ့ အူမကြီးကင်ဆာအကြောင်းပါပဲ။

Ca re**um နဲ့ Ca colon ကို မရောထွေးဖို့လိုတယ်။ ကုသပုံခြင်းလဲ မတူဘူး။ ချဉ်းကပ်ပုံခြင်းလဲ မတူဘူး။

ဆရာဝန်မဟုတ်တဲ့ သာမန်လူ နားလည်လွယ်အောင်ပြောရရင် Ca colon ဟာ ဝမ်းအိတ်ဗိုက်ဖေါက်လုပ်ဖို့ သာမန်အားဖြင့်မလိုဘူး။ ဓါတ်ရောင်ခြည်ပြဖို့လဲ သာမန်အားဖြင့် မလိုဘူး။ ခွဲရစိတ်ရတာလဲ သာမန်အားဖြင့် ပိုလွယ်တယ်လို့ပြောလို့ရတယ်။

Ca Re**um ကတော့ Ca colon လိုမဟုတ်ဘူး။ ခွဲစိတ်ရတာခက်တယ်။ လက်ဝင်တယ်။ အထူးကျွမ်းကျင်ဖို့လိုတယ်။ ဓါတ်ရောင်ခြည်လဲ ပြရနိုင်တယ်။

ဒီတခေါက်ရေးတဲ့စာမှာ အထူးပြုပြီးပြောချင်တာက Ca re**um ဆိုတာထက် colostomy လို့ခေါ်ကြတဲ့ ဝမ်းအိတ်ဖေါက်တဲ့ ကိစ္စပါ။

အူမကြီးကင်ဆာဟေ့လို့ လူနာတွေက ရောဂါအတပ်ခံရရင် အဓိက အကြီးမားဆုံး စိတ်ပူကြတာ သောကရောက်ရတဲ့ အကြောင်းအရင်း တစ်ခုက “ ဆရာ ကျွန်တော် ဗိုက်ဖေါက်ပြီး ဝမ်းအိတ်နဲ့ တသက်လုံး နေရတော့မှာလား “ဆိုတဲ့ မေးခွန်းပါပဲ။

အလွယ်ကူ အရိုးရှင်းဆုံးဖြေရရင်တော့ ဒီနေ့ခေတ်အချိန်အခါမှာ သင်ဟာ ကျွမ်းကျင်တဲ့ ခွဲစိတ်ဆရာဝန်ရဲ့လက်ကို ရောက်ခဲ့ရင် ၊ သင်ဟာ ဓါတ်ရောင်ခြည် ကုသမှုကိုသာ ကောင်းကောင်းမွန်မွန်ရနိုင်ခဲ့ရင် colostomy လို့ခေါ်တဲ့ ဝမ်းအိတ်နဲ့ တသက်လုံးနေရဖို့ဆိုတာ အလွန်အင်မတန် နည်းပါးသွားပြီလို့ပဲ ဖြေရပါလိမ့်မယ်။

ဘာဖြစ်လို့ တိုးတက်လာတဲ့ ဒီနေ့ခေတ်မှာ ဝမ်းအိတ်ဖေါက်ရတာ နည်းသွားရတာလဲဆိုတာဟာ အကြောင်းရှိပါတယ်။ အလကားနေရင်း တိုးတက်လာတာတော့ မဟုတ်ပါဘူး။ ဘာအချက်တွေကြောင့်လဲဆိုတာ ရှင်းပြပါ့မယ်။

အရေးအကြီးဆုံးအချက်ကတော့ ခွဲစိတ်ဆရာဝန်တွေရဲ့ ခွဲစိတ်မှုတွေဟာ အထူးပြုခွဲစိတ်မှုဖက်ကို အလေးပေးလာပါတယ်။ အရင်လို ခေါင်းအစ ခြေအဆုံး အကုန်လုံးအထွေထွေခွဲမယ်ဆိုတာထက် အူမကြီးကိုခွဲတဲ့ ခွဲစိတ်ဆရာဝန်က အမြဲအူမကြီးကိုပဲ ခွဲစိတ်လေ့လာနေတဲ့အခါ ဒီအပိုင်းဟာ သူအကျွမ်းကျင်ဆုံးအပိုင်းရယ်လို့ဖြစ်လာပါတယ်။ နိုင်ငံတကာမှာလဲ colorectal surgery လို့ခေါ်ကြတဲ့ အူမကြီးကိုပဲ ခွဲစိတ်တဲ့ဆရာဝန်တွေဟာ အူမကြီးအပိုင်းကိုပဲ အထူးပြု ခွဲစိတ်လာကြပါတယ်။ အာဆီယံနိုင်ငံတွေမှာ မြန်မာ၊ လာအို၊ ကမ္ဘောဒီးယားကလွဲလို့ ကျန်တဲ့နိုင်ငံတွေမှာ အူမကြီးရောဂါတွေကို အူမကြီးခွဲစိတ်ဆရာဝန် စပယ်ရှယ်လစ်တွေကပဲ ခွဲပါတယ်။ မြန်မာပြည်မှာလဲ အူမကြီးကိုပဲ အထူးပြုခွဲစိတ်တဲ့ ခွဲစိတ်ဌာနတည်ထောင်ဖို့ ကြိုးပမ်းနေတာ ၁၀ နှစ်နီးပါးရှိလာပြီ ဖြစ်ပေမယ့် အစိုးရအဆက်ဆက် ခွင့်ပြုချက်မရသေးလို့ အခုထိတော့ မအောင်မြင်သေးပါဘူး။ အူမကြီးခွဲစိတ်မှုတွေကို အထူးပြုလေ့လာတဲ့ ခွဲစိတ်ဆရာဝန်အစုအဖွဲ့ society အနေနဲ့တော့ တရားဝင် မြန်မာပြည်မှာ ရှိနေပါပြီ။ ပြောချင်တာက လူသားရဲ့ ကျွမ်းကျင်မှုဟာ ၊ တနည်း ခွဲစိတ်ဆရာဝန်ရဲ့ ကျွမ်းကျင်မှုဟာ ဝမ်းအိတ်ကို ရှောင်ရှားဖို့အတွက် အဓိက အချက်တစ်ခုပါ။

နောက်အကြောင်းအရင်း တစ်ခုကတော့ လူသားရဲ့ ပိုမိုကျွမ်းကျင်လာမှုနဲ့အတူ အမြဲယှဉ်တွဲပါလာလေ့ရှိတဲ့ နည်းပညာပါ။ re**um လို့ခေါ်တဲ့ အူမကြီးအပိုင်းဟာ ခွဲရစိတ်ရတာ ခက်ပါတယ်။ ကျဉ်းမြောင်းတဲ့ တင်းပါးဆုံအရိုးကြားထဲမှာ ရှိတဲ့အပိုင်းဖြစ်တဲ့အတွက် ရိုးရိုးသာမန်ခွဲစိတ်ကိရိယာတွေနဲ့ဆို အင်မတန်လက်ဝင်ပြီး ခက်ခဲပင်ပန်းပါတယ်။ ဝတဲ့သူတွေ ၊ ယောင်္ကျားတွေဆိုရင် တင်ပါးဆုံအရိုးကျဉ်းတာကြောင့် ပိုလို့တောင် ချွေးပြန်ရပါသေးတယ်။ ဒီနေရာမှာ အမျိုးသမီး ca re**um လူနာ ဖြစ်ရတာ ကံကောင်းပါတယ်။ အမျိုးသမီးတွေက တင်းပါးဆုံကျယ်တော့ လုပ်ရတာ နဲနဲတော်သေးတာပေါ့။ ဟိုအရင်ခေတ်က Ca re**um ဖြစ်ရင် ယောင်္ကျားဆို ဝမ်းအိတ်ဖေါက်ပစ်လိုက်လို့တောင် ကျွန်တော်တို့ သင်ကြားခြင်းခံရပါသေးတယ်။ တင်းပါးဆုံရိုးကျဉ်းလို့ အဲ့အထဲမှာ အူကိုဖြတ်တောက်ပြီး ပြန်ဆက်ဖို့ အရမ်းခက်ခဲ ခဲ့ကြလို့ပါပဲ။ လွန်ခဲ့သော အနှစ် ၃၀ လောက်က အတွေးအခေါ်ပေါ့။ အခုခေတ်မှာ အူတွေကို လက်နဲ့ချုပ်ပြီး ပြန်ဆက်စရာမလိုတော့ပါဘူး။ surgical stapler လို့ခေါ်တဲ့ အော်တိုမစ်တစ် အူပြန်ဆက်တဲ့ ကိရိယာတွေကို အများအပြား အမျိုးအစားအစုံအလင် တီထွင်လာကြပါတယ်။ အော်ရီဂျင်နယ် စတယ်ပလာ stapler တွေဟာ ၅ သိန်း ကနေ ၈ သိန်းလောက်အထိ စျေးကြီးတော့ ပထမပိုင်း မြန်မာပြည်မှာ မသုံနိုင်ကျ၊ များများစားစားလဲ မသုံးခဲ့ကြပါဘူး။ ဒါပေမယ့် ထုံးစံအတိုင်း ဆွေမျိုးပေါက်ဖော်ကြီးက အော်ရီဂျင်နယ် stapler ကြီးအတိုင်းကို ပုံတူကူးပြီး ရွှေမြန်မာကို ဖြန့်ချီလိုက်တော့ စျေးတွေက တချောင်းကို ၂ သိန်းလောက်ဖြစ်သွားပါတယ်။ ပေါက်ဖော်ကြီး ကျေးဇူးနဲ့ပဲ ကျွန်တော်တို့ stapler တွေ တဖြည်းဖြည်းအသုံးများလာပြီး လူနာတွေအတွက် အတော်အကျိုးရှိ၊ ဝမ်းအိတ်ဖေါက်တာတွေ ရှောင်ရှားလာနိုင်တာကတော့ ငြင်းမရပါဘူး။ ဒါက နည်းပညာပေါ့။ နိုင်ငံခြားမှာတော့ robot လို့ခေါ်တဲ့ စက်ရုပ်နဲ့ ခွဲတာတွေ လုပ်နေကြပြီ ဖြစ်ပေမယ့် မြန်မာပြည်မှာတော့ မှန်ပြောင်းနဲ့ ခွဲရဖို့ အတော်ကြိုးစားနေရဆဲပါပဲ။

ဝမ်းအိတ်ဖေါက်တာကို ရှောင်ရှားဖို့ နောက်ထပ်အရေးကြီးတဲ့ အချက်ကတော့ ဓါတ်ရောင်ခြည်ကုထုံး အတွက် စက်အလုံအလောက်ရှိဖို့ပါ။ အားလုံးသော လူနာများသိတော်မူကြတဲ့အတိုင်း အစိုးရဆေးရုံကြီးများမှာ ဓါတ်ရောင်ခြည်နဲ့ ဓါတ်ကင်ရဖို့ဆိုတာ လပေါင်းများစွာစောင့်ရပါတယ်။ ထုံးစံအတိုင်း မြန်မာလူနာအများစုဟာ အူမကြီးကင်ဆာကို အသိနောက်ကျတာများတဲ့အတွက် တချို့သော လူနာတွေမှာ ရောင်ခြည်ပြပြီး ကင်ဆာအကျိတ်က သေးသွားကျုံ့သွားမှသာ ခွဲရစိတ်ရတာ အဆင်ပြေပြီး အူပြန်ဆက်လို့ရမှာပါ။ အူပြန်ဆက်လို့ရမှာ ဝမ်းအိတ်နဲ့ အပေါက်ဖေါက်တာကို ရှောင်လွှဲလို့ရမှာပါ။ ဒါကြောင့် radiation therapy လို့ခေါ်တဲ့ ဓါတ်ရောင်ခြည်စက်တွေ တနိုင်ငံလုံး အလုံအလောက်ရှိရေး၊ ရောဂါကိုသိတာနဲ့ အချိန်နဲ့အညီ ရောင်ခြည်ပြကုသမှုကို ခံယူနိုင်ရေးကလဲ အလွန်အရေးကြီးပါတယ်။ ပြင်ပ ပုဂ္ဂလိက ဆေးရုံအနေနဲ့ကတော့ ပင်လုံဆေးရုံနဲ့ ဂရန်းဟံသာဆေးရုံမှာ ရောင်ခြည်ပြလို့ရပေမယ့် ငွေရေးကြေးရေး အကန့်အသတ်ရှိတဲ့ လူနာတွေအတွက်ကျ အဆင်မပြေပါဘူး။ ဒီ ဓါတ်ရောင်ခြည်စက် မလောက်တဲ့ ပြဿနာဟာလဲ နှစ်ရှည်လများစွဲကပ်နေတဲ့ ပြဿနာဖြစ်တဲ့အတွက် အူမကြီးကင်ဆာကို နိုင်ငံတကာနဲ့တန်းတူ လူလူသူသူ ကုသချင်ရင် ဒီစက်တွေ မရှိဘဲ မဖြစ်ပါဘူး။

နောက်ဆုံးအနေနဲ့ ပြောရရင် Ca re**um လို့ခေါ်တဲ့ အူမကြီးကင်ဆာ ခွဲစိတ်ကုသမှုမှာ ပြီးခဲ့တဲ့ဆယ်စုနှစ်အတွင်း အတွေးအခေါ်အများကြီး ပြောင်းလဲတိုးတက်သွားတယ်လို့ ဆိုရမှာ ဖြစ်တယ်။ ကင်ဆာကိုပြောင်စင်အောင် ခွဲစိတ်ဖို့၊ အသက်ရှည်ဖို့ဆိုတဲ့ ကိစ္စတွေကိုတင်မကဘဲ Ca re**um လူနာတွေ သဘာဝအတိုင်း စအိုလမ်းကြောင်းက ဝမ်းသွားနိုင်ရေးအတွက် ဆရာဝန်တွေက အလွန်ကို တလေးတစား အရေးထား စဉ်းစားလာကြပါတယ်။ Quality of life ဆိုတဲ့ လူကောင်းတယောက်ကဲ့သို့ နေထိုင်သွားလာ လှုပ်ရှားနိုင်ရေးဟာ ထိပ်တန်းအရေးကြီး ကိစ္စပါ။ လူသာမန်လို ပြန်ဖြစ်ဖို့ဆိုရင် ဝမ်းအိတ်မဖေါက်ရရေးဟာလဲ ထိပ်တန်းက အရေးပါလာတာပေါ့။ နည်းပညာတွေကလဲ ခွဲစိတ်ဆရာဝန်တွေ တောင်းဆိုလာသမျှကို ဖြည့်ဆည်းပေးလာနိုင်တာကိုး။

ပေးချင်တဲ့ သတင်းစကားက ဟိုးအရင် အနှစ် ၂၀ ကလို ဒီခေတ်ဟာ လွယ်လွယ်ကူကူ ပေါ့ပေါ့လေးစဉ်းစားပြီး ဝမ်းအိတ်ဖေါက်၊ ဗိုက်ဖေါက်ပြီး လူနာက တသက်လုံး colostomy ဝမ်းအိတ်နဲ့ နေရမယ့်ခေတ်မဟုတ်တော့ပါဘူး။ လူနာရဲ့ အူလမ်းကြောင်းတွေ စအိုတွေကို သဘာဝအတိုင်းကျန်အောင် လူသားရဲ့ ကျွမ်းကျင်မှု နဲ့ နည်းပညာအကူအညီ ပေါင်းစပ်ရမယ့် အချိန်ရောက်ပြီ။

လူနာတွေဖက်ကလဲ ရောဂါကို စောစောစီးစီးသိအောင် သတိနဲ့ စစ်ဆေးဖို့လိုတယ်။ လုပ်ချင်တာတွေလုပ် ပစ်ထားပြီး ရောဂါအရမ်းဆိုးမှ ဆိုရင်တော့လဲ ခွဲရစိတ်ရတာ အတော်ခက်တယ်။ ဘယ်လိုမှ ရလဒ်က စောစောသိတဲ့သူနဲ့ ယှဉ်လို့မရနိုင်ဘူး။

ကျွန်တော်တို့ ခွဲစိတ်ဆရာဝန်တွေဖက်ကလဲ လူနာတွေရဲ့ သဘာဝလမ်းကြောင်းတွေကို တယုတယ တန်ဖိုးထားခွဲစိတ်ပြီး ကင်ဆာရောဂါရှင်တွေကို အကောင်းဆုံးဘဝကို ပေးနိုင်အောင် ကြိုးစားကြဖို့ လိုတာပဲ။

ဒီစာကနေ ca re**um လူနာတွေဟာ သဘာဝလမ်းကြောင်းအတိုင်း ဆက်နေနိုင်ဖို့ ဘာတွေလိုအပ်နိုင်တယ်၊ ခွဲစိတ်ပေးမယ့် ဆရာဝန်ကို မေးစရာမေးခွန်းတွေ အများကြီးရမယ်လို့ ယုံကြည်ပါတယ်။

သဘာဝဆိုတာ လောကကြီးမှာ အကောင်းဆုံးမဟုတ်ပါလား။

ဒေါက်တာမျိုးသက်အောင်
Consultant Surgeon/ ပင်လုံဆေးရုံ



#အူမကြီးကင်ဆာ
**um


Credit

13/10/2021

ပုံမှာပြထားတဲ့ အဖုသေးသေးလေးတွေကိုမြင်ရင် အချို့သူတွေသိကြပါလိမ့်မယ်

အဖုသေးသေးလေးတွေစုပြီးတော့ လက်ဖဝါး လက်ချောင်းနဲ့ ခြေခွကြားတွေမှာ အစုလိုက်ပေါက်တတ်ပါတယ် အဖုလေးတွေထဲမှာတော့ အရည်ကြည်လေးတွေပြည့်နေတတ်ပါတယ်

အဲတာလေးတွေက နှင်းခူအမျိုးအစားမှာ ပါဝင်ပါတယ် လူအတော်များများက ဒါတွေမြင်ရင် ဝဲပေါက်တယ်လို့ထင်ကြပါတယ်

မသန့်ရှင်းလို့ဖြစ်တာလည်းမဟုတ်ပါ
စိတ်ဖိစီးမှုနဲ့ ဓာတ်မတည့်တာတွေကြောင့် ဖြစ်တတ်ပါတယ် ဒီအဖုလေးတွေက ၂ပတ်ကနေ ၄ပတ်အတွင်း သူ့အလိုအလျောက် ပျောက်နိုင်ပါတယ်

ဒါပေမဲ့ ဖြစ်နေတဲ့အချိန်အတွင်းမှာတော့ အတော်ယားယံတတ်ပါတယ် ဖြစ်တာသုံးပတ်ပြည့်ပီးရင်တော့ အဖုလေးတွေသူ့အလိုလိုခြောက်ကပ်သွားတတ်ပါတယ် အဲဒီအချိန်မှာတော့ အရေပြားကွဲအက်တတ်ပီး အနည်းငယ်နာကျင်တတ်ပါတယ်

အဖုလေးတွေကို လက်နဲ့မကုတ်မဖဲ့ရင် ဘက်တီးရီးယားပိုးမဝင်နိုင်သလို ပျောက်တဲ့အချိန်မှာလည်း အမာရွတ်မကျန်ပါ

အိမ်တွင်းကုထုံးအနေနဲ့ ယားယံတာသက်သာဖို့ ရေခဲကပ်ပေးလို့ရပါတယ် ရေခဲကပ်ပီးရင်တော့ အစိုဓာတ်ထိန်းဖို့ vaseline jellyလို ဟာတွေကို လိမ်းပေးရပါမယ်

လက္ခဏာတွေ အမြန်သက်သာဖို့ဆိုရင် steroid ပါတဲ့လိမ်းဆေး(eg.Antergan or Beta-Dipo)ကို ဖြစ်တဲ့နေရာမှာ လိမ်းပေးလို့ရသလို antihistamine(cetirizine or loratidine)ကိုလည်း တွဲဖက် သောက်လို့လည်းရပါတယ်

ကျန်းမာတဲ့ အသားအရည်ကိုပိုင်ဆိုင်ကြပါစေ🤗

Dyshidrotic_eczema
နှင်းခူ
wrt_by_TRL

14/07/2021

(၁)။ ဈေးကွက်အတွင်း ဘာကြောင့်
ဆေးတွေ ပြတ်လတ်ရပါသလဲ????

(၂)။ ဆေးဈေးနူန်းများအဆမတန် ဘာကြောင့်
ဈေးကစားခွင့်ပေးကြပ့ါသလဲ ????

မိမိသဘောဖြင့်ဆေးများကို အလွယ်တကူဝယ်ယူသောက်သုံးသူများ ပြားလာရခြင်း။

Covid -19 ကို အမှန်တကယ် ကာကွယ်တယ် ထင်ပြီး

Online ပေါ်မှ ကြည့်ရှုပြီး ဆေးများ ဝယ်ယူ
သိုလှောင်ထားကြခြင်း။

ဆေးကုမ္ပဏီများမှဆေးဝယ်ယူမှုများပြားသော
ကြောင့် ဆေးများအချိန်မှီမပို့ဆောင်နိုင်ခြင်း

လူတိုင်းကိုယ်စီငွေကြေးနှင့်ဝန်ဆောင်မှု

အပိုင်းကိုမနိုင်ဝန်ထမ်းရသောကြောင့်
အခက်အခဲပေါင်းများစွာကို

လူပင်ပန်းစိကိပင်ပန်းကြီးစွာ လုပ်ဆောင်ရခြင်း။

ဒါတွေအားလုံးကိုတပြိုက်တည်းစုပြုံခံရသော​အခါ
ဆေးဈေးနူန်းများ
မတည်ငြိမ်မှုကိုဖြစ်စေတော့တာပါဘဲ။

ဒါကြောင့်:::::;::မလိုအပ်ဘဲဆေးများကိုအလွယ်တကူမသောက်သုံးကြရန်မေတ္တာရပ်ခံပါတယ်။

မိမိတစ်ဦးစီမှစ၍

(1)-မလိုအပ်ဘဲအိမ်အပြင်လုံးဝမထွက်ပါနဲ့

(2)-Maskကိုမဖြစ်မနေစနစ်တကျတပ်ဆင်ပါ

(3)-အားရှိစေမဲ့အာဟာရဖြစ်စေမဲ့အသီး-အရွက်-အသားငါး-ပဲအားလုံးကိုမရွေးချယ်ဘဲစားသုံးကြပါ။

(4)အရေးအကြီးဆုံးအချက်က အိပ်ရေးဝလင်အောင်အိပ်ကိုအိပ်ရပါမယ်။

(5)-စိက်ကိုပျော်ရွှင်အောင်နေပါ

(6)-တရားနဲ့နေပါ

(7)-ကိုယ်လက်လေ့ကျင့်ခန်းလုပ်ပါ။

ငါတို့သည် ငါတို့ဘဝအတွက် Covid-19ကို
မုချအောင်မြင်အောင်တိုက်ထုတ်နိုင်ရပါမည်။

မေတ္တာဖြင့်
မယ်သီတာ
Credit
Win Thida Win

06/07/2021