19/11/2025
၂၀၂၅ ခုနှစ် နိုဝင်ဘာ (၁၉) ရက်နေ့သည် “ကမ္ဘာ့ နာတာရှည်အဆုတ်ပွ လေပြွန်ကျဉ်းရောဂါနေ့” “World COPD Day” နေ့ ဖြစ်ပါတယ်။
COPD (သို့) နာတာရှည် အဆုတ်ပွ လေပြွန်ကျဉ်းရောဂါသည် လေလမ်းကြောင်းပိတ်ဆို့ခြင်းနှင့် အသက်ရှူလမ်းကြောင်းဆိုင်ရာ ပြဿနာများကို ဖြစ်စေသည့် ရောဂါတစ်မျိုး ဖြစ်ပါတယ်။
ယခုနှစ်အတွက် ဆောင်ပုဒ်မှာ “Short of Breath, Think COPD.” ဖြစ်ပြီး အသက်ရှူမဝခြင်း၊ မောပန်းလွယ်ခြင်းကဲ့သို့သော လက္ခဏာများကို လျစ်လျူမရှုဘဲ COPD ရောဂါဖြစ်နိုင်ခြေကို သတိပြုပြီး ဆောလျင်စွာ စစ်ဆေးကုသမှုခံယူနိုင်စေရန် ရည်ရွယ်ထားခြင်း ဖြစ်ပါတယ်။
COPD (သို့) နာတာရှည် အဆုတ်ပွ လေပြွန်ကျဉ်းရောဂါ ခံစားနေရသူများသည် အသက်ရှူမဝခြင်းကို ကြုံတွေ့ရနိုင်ပြီး အသက်အန္တရာယ်ရှိနိုင်ပါသည်။ လူသန်းပေါင်းများစွာက COPD ရှိနေကြတာကို ကိုယ်တိုင်ပင် မသိရှိကြပါ။ ဒါကြောင့် COPD (သို့) နာတာရှည် အဆုတ်ပွ လေပြွန်ကျဉ်းရောဂါ၏ ရောဂါလက္ခဏာများကို ဖော်ပြပေးလိုက်ပါတယ်။
COPD (သို့) နာတာရှည် အဆုတ်ပွ လေပြွန်ကျဉ်းရောဂါလက္ခဏာများမှာ
🔹 မောပန်းခြင်း
🔹 နာတာရှည်ချောင်းဆိုးခြင်း
🔹 ချွဲ၊သလိပ်များ ထွက်နေခြင်း
🔹 အသက်ရှူမဝခြင်း
🔹 အသက်ရှူရခက်ခြင်း
🔹 ရင်ဘတ်ထဲမှာ တင်းကြပ်နေခြင်း
🔹 အသက်ရှူနေလျှင် အသံမြည်နေခြင်း
🔹 မကြာခဏ အသက်ရှူလမ်းကြောင်း ပိုးဝင်ခြင်း
🔹 ဝိတ်ကျသွားခြင်း
🔹 ခြေလက်များ ဖောရောင်နေခြင်း စသည်တို့ ဖြစ်ပါတယ်။
COPDရောဂါလက္ခဏာများကို စောစီးစွာ သိရှိပြီး လိုအပ်သည့် ကုသမှုများကို ခံယူနိုင်ပြီး ကျန်းမာပျော်ရွှင်သော ဘဝလေးများကို ပိုင်ဆိုင်နိုင်ကြပါစေကြောင်း ဆုမွန်ကောင်းတောင်းလိုက်ပါတယ်ရှင်။
,Think COPD
