MSC Specialist Clinic and Medical Laboratory

17/11/2025

ချက်ထိုးပိန်ဆေးဆိုတာတကယ်ထိရောက်သလား❓❓❓❓

Semaglutide လို့ခေါ်တဲ့ပိန်ဆေးကို စားဆေး ချက်ထိုးဆေးဆိုပြီးသုံးလာကြတာများလို့ ကောင်းကျိုး ဆိုးကျိုးတွေကိုသိစေဖို့ အသေးစိတ်မျှဝေပေးလိုက်ပါတယ်

🔸Semaglutide ဆေးပေါ်ပေါက်လာပုံ
အရင်ဦးဆုံးအနေနဲ့ ဒီဆေးကို ဆီးချိုကျဆေးအနေနဲ့စတင်တွေ့ရှိခဲ့တာပါ ဆီးချိုရှိမှသာသုံးခဲ့ကြတာပါ

🔸Semaglutide ဆေးထူးခြားချက်
ဆီးချိုကျဆေးအနေနဲ့စတင်အသုံးပြုလာခဲ့ပြီး နောက်ပိုင်းမှာ ထူးခြားစွာတွေ့ရှိလာခဲ့တာကတော့ ဝိတ်သိသာစွာကျတယ် ဆီးချိုဝေဒနာရှင်တွေ နှလုံး ကျောက်ကပ်ရောဂါကြောင့် tay စေနိုင်တာကို လျော့ချပေးတယ်ဆိုတာကိုတွေ့လာရတာပါပဲ
2017 ကနေစပြီးတွေ့လာတဲ့ ဒီဆေးကို 2021 နောက်ပိုင်းမှာ ဝိတ်ချဆေးအနေနဲ့အသုံးပြုမူများလာတာပဲဖြစ်ပါတယ်

🔸Semaglutide ဆေးလုပ်ဆောင်ချက်
ဒီအချက်ကလေးကိုကျွန်တော်နည်းနည်းပြောချင်ပါတယ် ဒါကိုလည်းသိကိုသိထားသင့်တယ်လို့ယူဆမိပါတယ်
- အစာစားပြီးတဲ့နောက်ပိုင်းမှာ glucose ဆိုတဲ့အချိုဓာတ်ကိုရပါတယ်
- အချိုဓာတ်ပေါ်လာတာနဲ့ အူသိမ်ပိုင်းကနေ -1 (glucagon like peptide-1) ဆိုတဲ့ ဟော်မုန်းကထွက်လာပါတယ်
- ဒီဟော်မုန်းရဲ့ အာနိသင်က ဗိုက်ဝေစေပါတယ် အချိုဓာတ်ကိုချပေးပါတယ်
- အင်ဆူလင်လို့အများကြားဖူးကြတဲ့ ဟော်မုန်းကိုအားပေးပါတယ် ဒါကြောင့် အချိုဓာတ်ကျပါတယ်
ဒီလောက်သိရင် လုံလောက်ပါပြီ

🔸Semaglutide ဆေးအသုံးပြုရန်အညွှန်း
- ဆီးချိုအမျိုးအစား(၂)ရှိသူတွေ ဆီးချိုဆေးသောက်ပြီး အချိုဓာတ်မကျသူတွေ
- အလွန်ဝပြီး နောက်ဆက်တွဲ အသည်းအဆီဖုံးရောဂါကြောင့် အသည်းရောင်ရောဂါရှိသူတွေ
- BMI 30 အထက်(အဝကိန်းညွှန်ပြချက်) ရှိပြီး ရေရှည် ဝိတ်ထိန်ရမယ့်သူတွေ

🔸Semaglutide ဆေးအသုံးပြုပုံ
တတ်ကျွမ်းတဲ့ ဆရာဝန်များနှင့်သာတိုင်ပင်ပြီး သုံးသင့်ပါတယ်

🔸Semaglutide ဆေးဘေးထွက်ဆိုးကျိုး
- ပျို့ခြင်း
- အန်ခြင်း
- ဝမ်းလျှော
- ဝမ်းချုပ်
- ခေါင်းကိုက်
- အစာမကြေ ရင်ပြည့်ရင်ကယ်
- မုန့်ချိုအိတ်ရောင်စေခြင်း
- သည်းခြေကျောက်တည်ခြင်း
- သိုင်းရွှက် ကင်ဆာရှိသူများ ပိုပြီးရောဂါတိုးခြင်း

🔸Semaglutide #ချက်ထိုးပိန်ဆေး နောက်ဆုံးလေ့လာတွေ့ရှိချက်
ဒီပိန်ဆေးကိုလိုအပ်လို့အသုံးပြုလာတဲ့အချိန်မှာ ရေရှည်ဝိတ်ထိန်ဖို့ကို ဆေးအပြင် ကယ်လိုရီနည်းသောအစားအစာ ကိုယ်လက်လှုပ်ရှားမူပါဝင်ရမယ်ဆိုတဲ့အချက်ကို သတိပြုမိကြတာနည်းတယ်လို့ပြောပါတယ်

ဆေးကိုသာအားကိုးပြီးသုံးနေမယ်ဆိုရင် တစ်ချိန်မှာဆေးရပ်ထိုးရပ်လိုက်တာနဲ့ ဝိတ်ပြန်တက်ဖို့နှုန်းက မူလဝိတ်ထက်ကို တစ်ဝက်ကျော်ကျော်တက်မယ်ဆိုတဲ့အချက်ပဲဖြစ်ပါတယ်

ဒီမျှဝေချက်မှာအငြင်းပွါးဖွယ်ရာရှိမယ်ဆိုတာကိုလည်းသိပါတယ် အပြုသဘောနဲ့သက်သေသာဓကများနဲ့တော့ လာပေးကြပါ ကြိုဆိုပါတယ်
ဆေးပညာဆိုတာအမြဲတမ်းပြောင်းလဲနေတာဖြစ်ပါတယ်

မှန်ကန်သောကျန်းမာရေးဗဟုသုတများရကြပါစေဆုတောင်လျှက်…
Dr Kyaw


#ချက်ထိုးပိန်ဆေး
#ပိိန်ဆေး
#ကျန်းမာရေး
#ကျန်းမာရေးဗဟုသုတ

02/10/2025

ကလေးက လိမ်တဲ့အခါ .... 🛑

ကလေးတွေလည်း လိမ်ပါတယ်။ သူတို့မှာလည်း လိမ်ရတဲ့ အကြောင်းရင်းလေးတွေ ရှိနေတတ်တယ်။ မလိမ်ဖို့ မသင်ပေးခင် ...

1️⃣ ဘာကြောင့်လိမ်လဲဆိုတဲ့ အကြောင်းရင်းကို ရှာပါ
ကလေးတွေ လိမ်တဲ့အကြောင်းရင်းကို မိဘက သိရှိ နားလည်ဖို့ လိုပါတယ်။ ကလေးတွေဟာ စိုးရိမ်လို့၊ ကြောက်လို့၊ မိဘရဲ့ အာရုံစိုက်တာ ခံချင်လို့ ဒါမှမဟုတ် အပြစ်တစ်ခုခုက လွတ်ဖို့ လိမ်တတ်ကြပါတယ်။

2️⃣ ကလေးနဲ့ မိဘကြား ပွင့်လင်းမြင်သာတဲ့ ဆက်ဆံရေး ရှိရမယ်
ကလေးကို သူတို့အနေနဲ့ မှန်မှန် ပြောပြရင်လည်း ဘယ်လိုအပြစ်မှ မရှိဘူးဆိုတာ နားလည်အောင် ရှင်းပြပါ။ ကလေးကို ယုံကြည်ပေးရင် သူတို့ရဲ့ ခံစားချက်တွေကို မလိမ်ညာဘဲ မိဘကို ပိုပြောလာပါလိမ့်မယ်။

3️⃣ လိမ်ခြင်းရဲ့ ဆိုးကျိုးတွေကို ရှင်းပြပါ
ကလေးကို လိမ်တာဟာ လူတွေကိုယ့်အပေါ်ထားတဲ့ ယုံကြည်မှုကို ထိခိုက်စေနိုင်ပြီး လူမှုဆက်ဆံရေးမှာ ပြဿနာတွေ ဖြစ်စေနိုင်တယ်။ လိမ်တတ်တဲ့ သူတွေကို လူတွေက မယုံကြဘူးလို့ ပြောပြပေးပါ။ လိမ်မိတာကို မမိအောင် ထပ်ထပ်လိမ်ရတဲ့အတွက် စိတ်ပင်ပန်းရတာကိုလည်း နားလည်အောင် ရှင်းပြပါ။

4️⃣ အပြစ်မပေးပါနဲ့ သင်ကြားပေးပါ
ကလေးက အမှားကို သင်ခန်းစာယူပြီး ပြုပြင်နိုင်အောင် ကူညီပါ။ ဒီလိုမပြောဘဲ ဘယ်လို ဖြေရှင်းလို့ရလဲဆိုတာ ပြောပြ သင်ပြပေးသင့်တယ်။

5️⃣ အမှန်ကိုပြောဖို့ အားပေးပါ
ကလေးက မလိမ်ဘဲ အမှန်အတိုင်း ပြောဆို ပြုမူတဲ့အခါ ချီးကျူးပါ။ ဒါကို အားပေးခြင်းဖြင့် လိမ်ညာတာထက် မှန်ကန်တဲ့ လမ်းကြောင်းကို ကလေးက ပိုရွေးချယ်လာပါလိမ့်မယ်။

7️⃣ စံနမူနာဖြစ်စေ
မိဘတွေနဲ့ အုပ်ထိန်းသူတွေဟာ ကလေးတွေအတွက် စံနမူနာဖြစ်ပါတယ်။ ကလေးတွေကို မှန်ကန်တဲ့ အပြုအမူတွေ သင်ကြားပေးဖို့ ကိုယ်တိုင်ကလည်း အတတ်နိုင်ဆုံး နမူနာအဖြစ် နေပြပါ။

8️⃣ ကလေး မျက်ခြေမပြတ် အာရုံစိုက် လေ့လာပါ။
ကလေးရဲ့ အပြုအမူတွေကို လေ့လာပြီး ထပ်ခါတလဲလဲ လိမ်တာတွေ မဖြစ်အောင် ကူညီပေးပါ။ လိုအပ်ရင် ဆရာဝန်၊ စိတ်ပညာရှင်တွေနဲ့ တိုင်ပင်ဆွေးနွေးပြီး အကြံဉာဏ်တွေ ရယူပါ။

9️⃣ စိတ်ရှည်သည်းခံပါ
ကလေးတွေဟာ အရွယ်ရောက်လာတာနဲ့အမျှ သူတို့ရဲ့ အပြုအမူတွေ ပြောင်းလဲလာတတ်ပါတယ်။ လမ်းကြောင်းမှန်ပေါ်ရောက်အောင် မိဘက စိတ်ရှည်ရှည်နဲ့ သည်းခံပြီး သင်ကြားပေးပါ။ ကူညီပေးပါ။

ကလေးတွေဟာ သင်ယူနေဆဲဖြစ်တာကြောင့် သူတို့ရဲ့ အမှားတွေကို မိဘက နားလည်ပေးပြီး လိုအပ်တာကို ပြုပြင်နိုင်အောင် ကူညီပေးဖို့ လိုပါတယ်။

❤️နွယ်နီကံဝင်း❤️

01/10/2025

"စာလုပ်ရင် ဂနာမငြိမ်တဲ့ ကလေး ပိုင်ဆိုင်ထားရလား?"

သားကို သင်္ချာအိမ်စာလုပ်ဖို့ ထိုင်ခိုင်းလိုက်တယ်။
ခဏနေတော့ ကုလားထိုင်ကို နောက်လှန်ယိမ်းနေပြီး လက်ကလဲ ဘောပင်ကို တစ်တောက်တောက်နဲ့
ဆော့နေတယ်။

ဒီလိုအခြေအနေတွေမှာ မိဘတွေအနေနဲ့
"ငါ့ကလေးပဲ စည်းကမ်းမရှိတာလား"၊
"စာ ကို အလေးမထားတာလား"၊
"အာရုံစူးစိုက်မှုရော ရှိရဲ့လား" ဆိုပြီး
စိတ်ညစ်ဒေါသထွက်ရတာ အကြိမ်ကြိမ်ပါပဲ။

ခုလို ကြုံတွေ့နေရတယ်ဆိုရင်
ဖေဖေမေမေတို့ရဲ့
ကလေးပဲ ဖြစ်တာ မဟုတ်ပါဘူး။ ❎️

မိဘအများစု ကြုံနေရတာက
ကလေး က စာသင်ရင် ငြိမ်မနေလို့
ကလေး က စာမလုပ်ဘူးဆိုပြီး
အတန်းထဲမှာ အဆူခံရတယ်
ခဏခဏအတိုင်ခံရတယ်လို့
ပြောကြပါတယ်။

ဒီလို အပြုအမူရှိတဲ့ ကလေးရဲ့
လှုပ်ရှားမှုတွေဟာ စာကိုအာရုံမစိုက်တာ၊
စည်းကမ်းမဲ့တာမဟုတ်ဘဲ၊

သူတို့ရဲ့ဦးနှောက်က သင်ယူဖို့အတွက်
အကောင်းဆုံးကြိုးစားနေတဲ့
"နည်းလမ်း" တစ်ခုဆိုရင်ရော
သင်လက်ခံနိုင်မလား !!!

တချို့ကလေးတွေ ဘာလို့ စာသင်ရင်
ငြိမ်ငြိမ်မနေတာလဲ ဆိုတဲ့အချက်ကို
Mie ရှင်းပြပေးပါမယ်။

တကယ်တမ်းက သင့်ကလေးက
ငြိမ်ငြိမ်မနေတာ မဟုတ်ပါဘူး။

လူတိုင်းမှာ ကိုယ်နဲ့ကိုက်ညီတဲ့
သင်ယူမှုပုံစံ (𝐋𝐞𝐚𝐫𝐧𝐢𝐧𝐠 𝐒𝐭𝐲𝐥𝐞) ရှိပြီး
ဒါဟာ တစ်သက်လုံး အပြောင်းအလဲ
သိပ်မရှိတတ်ပါဘူး။

သင့်ကလေးက ငြိမ်ငြိမ်ထိုင်ပြီး
စာသင်ရတာကို ငြင်းဆန်နေရင်
𝐊𝐢𝐧𝐞𝐬𝐭𝐡𝐞𝐭𝐢𝐜 𝐋𝐞𝐚𝐫𝐧𝐞𝐫
(ကိုယ်လက်လှုပ်ရှားမှုဖြင့် သင်ယူသူ) ဖြစ်နေဖို့
သေချာသလောက်ပါပဲ။ ✅

𝐊𝐢𝐧𝐞𝐬𝐭𝐡𝐞𝐭𝐢𝐜 𝐋𝐞𝐚𝐫𝐧𝐞𝐫 တွေရဲ့
ဦးနှောက်ဟာ ခန္ဓာကိုယ်လှုပ်ရှားမှုနဲ့မှ
အကောင်းဆုံး ချိတ်ဆက်မိတာပါ။

သူတို့အတွက် ငြိမ်ငြိမ်ထိုင်ပြီး
စာသင်ခန်းထဲမှာ တစ်နာရီကြာ
နားထောင်နေရတာဟာ
ရုပ်ရှင်တစ်ကားကို အသံပိတ်ပြီး
ကြည့်နေရသလိုပါပဲ။

မြင်တော့မြင်နေရတယ်၊
ဒါပေမဲ့ ဘာမှခေါင်းထဲမရောက်ပါဘူး။

သူတို့ရဲ့ ခန္ဓာကိုယ် လှုပ်ရှားလိုက်မှ၊
လက်က တစ်ခုခုကို လုပ်လိုက်မှ
ဦးနှောက်ကို"ဖွင့်" ပေးလိုက်သလိုဖြစ်ပြီး
သင်ယူမှု က ထိရောက်သွားတာပါ။

ဆယ်ကျော်သက်ကလေး နှစ်ယောက်ကို
ယှဉ်ကြည့်ရအောင်။
ဘယ်ကလေးက ပိုသင်ယူနိုင်စွမ်းရှိမလဲ?

ကလေး A : စာကြည့်စားပွဲမှာ
တစ်နာရီကြာ ငြိမ်ငြိမ်လေးထိုင်တယ်။
စာအုပ်ကို highlighter တွေနဲ့ တမှတ်မှတ်လုပ်နေတယ်။
မျက်လုံးက စာမျက်နှာပေါ်မှာ၊
ဒါပေမဲ့ စိတ်က သူငယ်ချင်းတွေနဲ့ chat ဖို့၊
ပိတ်ရက်မှာ ဘောလုံးကန်ဖို့ဆီ ရောက်နေတယ်။
စာတစ်ပိုဒ်တည်းကို ၅ ခေါက်လောက်
ပြန်ဖတ်တာတောင် ဘာမှမှတ်မိမှာမဟုတ်ပါဘူး။

ကလေး B : သိပ္ပံစာလုံးအဓိပ္ပာယ်တွေကို
အခန်းထဲမှာ လမ်းလျှောက်ရင်း လိုက်မှတ်နေတယ်။

သမိုင်းကို Whiteboard အကြီးကြီးပေါ်မှာ
Mind map ဆွဲပြီး မှတ်သားနေတယ်။

စာဖတ်နေရင်းနဲ့ လက်ထဲမှာ Stress Ball တစ်လုံးကို ညှစ်နေတယ်။ သူ့ရဲ့ခန္ဓာကိုယ်လှုပ်ရှားနေတာနဲ့အမျှ
သူ့ဦးနှောက်ကလည်း တက်ကြွစွာ
ချိတ်ဆက်မှုတွေပြုလုပ်ပြီး
မှတ်ဉာဏ်တွေကို တည်ဆောက်နေပါတယ်။

မြင်တဲ့အတိုင်းပါပဲ... လှုပ်ရှားမှုဟာ
သင်ယူခြင်းရဲ့ ရန်သူမဟုတ်ပါဘူး။

ကလေးတော်တော်များများအတွက်
လှုပ်ရှားမှုဟာ သင်ယူခြင်းဆီသွားတဲ့
တံခါးပေါက်တစ်ခုပါပဲ။

အငြိမ်မနေတဲ့ ကလေး၊ ဆယ်ကျော်သက်နဲ့အတူ ဘယ်လိုစာသင်ကြမလဲ?

သူတို့ကို ငြိမ်အောင်လုပ်ဖို့ အချိန်ကုန်ခံမယ့်အစား၊
သူတို့ရဲ့ စွမ်းအင်တွေကို သင်ယူမှုဘက်ရောက်အောင်

အောက်ပါနည်းလမ်းတွေနဲ့ လမ်းကြောင်းလွှဲပေးလိုက်ပါ။

၁။ သင်ယူမှုကို လက်တွေ့လှုပ်ရှားမှုအဖြစ် ပြောင်းလဲပါ။
၂။ "Study Walks" ကိုအားပေးပါ (လမ်းလျှောက်ရင်း စာကျက်ခြင်း)။
၃။ အာရုံစိုက်မှုကိုကူညီတဲ့ လှုပ်ရှားမှုလေးတွေကို ခွင့်ပြုပါ ။
၄။ အချိန်ပိုင်းပြီး အနားပေးတဲ့ နည်းလမ်းသုံးပါ ။
၅။ နောက်ခံတေးဂီတနဲ့ စာလုပ်ခွင့်ပြုကြည့်ပါ။

သင့် မှာ စည်းကမ်းမရှိတဲ့
ကလေးတစ်ယောက်
ရှိနေတာမဟုတ်ပါဘူး။

သင့်မှာ "လှုပ်ရှားရင်း တွေးခေါ်တတ်တဲ့"၊
"လက်တွေ့လုပ်ဆောင်ရင်း သင်ယူတတ်တဲ့"
တီထွင်ဖန်တီးနိုင်စွမ်းမြင့်မားတဲ့
ကလေးတစ်ယောက် ရှိနေတာပါ။

Mie တို့ မိဘ၊ ဆရာဆရာမတွေရဲ့ တာဝန်က
သူတို့ကို ထိုင်ခုံမှာ
ငြိမ်အောင်ချည်တုပ်ထားဖို့မဟုတ်ဘဲ၊

သူတို့ရဲ့ သင်ယူမှုပုံစံနဲ့ကိုက်ညီတဲ့
ပျော်ရွှင်စရာလမ်းကြောင်းတစ်ခုကို
ရှာဖွေ ဖော်ထုတ် ထိန်းညှိ ဖန်တီးပေးဖို့သာ ဖြစ်ပါတယ်။

ဖေဖေ၊ မေမေတို့ဆီမှာရော
စာလုပ်ရင် အငြိမ်မနေတဲ့ကလေးရှိလား?

ဒါဆိုရင်တော့ Comment မှာ "ရှိ" လို့ မန့်ခဲ့ပါဦးနော်။

တခြားမိဘတွေနဲ့ အတွေ့အကြုံတွေ ဖလှယ်လိုက်ကြည့်ရအောင်။

~ 𝐘𝐨𝐮𝐫 𝐏𝐚𝐫𝐞𝐧𝐭𝐢𝐧𝐠 𝐏𝐚𝐫𝐭𝐧𝐞𝐫 - 𝐃𝐫.𝐌𝐢𝐞 🎀


⭐️ Dr.Mie page မှ စာများကို သဘောကျနှစ်သက်ပါက ပြန်လည်ကူးယူ post မတင်ဘဲ လွတ်လပ်စွာ share နိုင်ပါသည်။

24/09/2025

Rabies vaccine ခွေးရူပြန်ရောဂါကာကွယ်ဆေး

တစ်ဘူး - ၂၅၀၀၀ ကျပ်

အရေအတွက်ရှိသလောက်ပဲရပါမယ်

Contact 09798909999



#ခွေးရူးပြန်ကာကွယ်ဆေး

03/09/2025

✅ဆေးရုံဆေးခန်းက စစ်ခိုင်းလို့သာ စစ်လိုက်ရတယ်
ဘာတွေကို ဘာလို့စစ်ခိုင်းတယ်ဆိုတာ မသိဘူးဆိုပီး
လာမေးထားလို့

@ ECG (Electro Cardiogram )- နှလုံးစစ်ဆေးတာ
(နှလုံး ကြွက်သားလုပ်ဆောင်ချက်နဲ့ နှလုံးရောဂါများကို စစ်ဆေးတာ)

> EST (exercise stress test ) - ပြေးစက်ပေါ် နှလုံးစမ်းသပ်တာ

@ Urine test - ဆီးစစ်ဆေးတာ ( ဆီးလမ်းကြောင်း တစ်လျှောက်ပိုး၀င်ခြင်း မူမှန်မမှန်နဲ့ ကျောက်ကပ်ကို စစ်ဆေးတာ )
> Urine RE - ဆီးစစ္​တာ

@ HbA1c - ( 3လအတွင်း ဆီးချိုရောဂါ ထိန်းသိမ်းမှုအတွက် စစ်ဆေးတာ )

>Blood Sugar - သွေးတွင်းသကြားပမာဏ စစ်ဆေးတာ(ဆီးချိုးရောဂါရှိမရှိ သိရှိရန် အတွက် အစစ်များ )
>FBS (fasting Blood Sugar )- အစာရပ်ပီး ဆီးချိုစစ်တာ

@ SGOT, SGPT, Serum Bilirubin.,ALT - အသည်းရဲ့စွမ်းဆောင်ရည် အင်ဇိုင်းပမာဏနဲ့ သွေးတွင်း ဘီလီယူဘင်ကိုစစ်တာ
(အသားဝါစေသော ဓာတ်ကို အကဲဖြတ်မလို့ အစစ်များ)

> Alkaline Phosphates - အသည်းစစ်တာ
>AFP - အသည်းကင်ဆာစစ်တာ

@ Blood urea and Serum Creatinine. - သွေးတွင်းယူရီးယား,ခရီယေတနင်းဓာတ်ကိုစစ်တာ(ကျောက်ကပ်စွမ်းဆောင်ရည်သိရှိ အကဲဖြတ်ဖို့အတွက် )

> Creatinine GFR - ခရီယေတနင်းဓာတ်ကို စစ်တာ
> BUN (Blood Urea Nitrogen) - ကျောက်ကပ်စစ်တာ

@ Lipid Profile - သွေးတွင်းအဆီ ပမာဏက်ိုစစ်တာ (ကောင်းကျိုးပေးသောအဆီနဲ့ မကောင်းတဲ့အဆီတွေကို ကြည့်ပီးနှလုံးကျန်းမာရေး အကဲဖြတ်နိုင်ရန်အတွက် )

> Cholesterol - သွေးထဲရှိ ကိုလက်စထရောစစ်တာ
>Triglyceride - ထရိုင်ဂလီစရိုက်ဓာတ်ကိုစစ်တာ
> HDL Cholesterol- သွေးထဲရှိ အကျိုးပြုတဲ့ ကောင်းတဲ့ အဆီဓာတ် ကိုစစ်တာ
> LDL Cholesterol -အကျိုးမပြုတဲ့ မကောင်းတဲ့ အဆီဓာတ်ကို
စစ္​တာ

@ Haemogram - (သွေးဖြူဥ ,သွေးနီဥ, သွေးမွှားဆဲလ် စတာတွေကို အဏုစိတ် စစ်ဆေးတာ)
> CP Auto - သွေးဖြူဥ သွေးနီဥ စစ်တာ

@ HBs Antigen ,HCV Antibody- အသည်းရောင်အသားဝါ ဘီပိုး,စီပိုး ရှိမရှိစစ်တာ
>HBsAg -အသည်းရောင်အသားဝါ Bပိုးစစ်တာ
>Anti HBS - Bပိုး ကိုယ်ခံအားစစ်တာ
> Anti HCV - C ပိုးစစ္​တာ

@( X -ray )- ဓာတ်မှန်ရိုက်တာ (ရင်ဘတ်ဓာတ်မှန် နဲ့ အရိုးကျိုး အက် စတာတွေအတွက်စစ်တာ)
(Chest X-ray)
ရင်ဘတ်ဓာတ်မှန် ရင်ခေါင်းအတွင်းရှိ အဆုတ်နဲ့ နှလုံး ပုံမှန်ဟုတ်မဟုတ် ရောဂါရှိမရှိ စစ်ဆေးတာ

@ USG (Ultrasound) - အယ်ထရာဆောင်း (တယ်လီဗီးရှင်း ဓာတ်မှန်ရိုက်တာ) အသည်း
သည်းခြေအိတ် ကျောက်ကပ် မုန့်ချိုအိတ် သရက်ရွက် ဆီးကျောက်တည်ခြင်း သည်းခြေကျောက်တည်ခြင်း စသည့်၀မ်းတွင်း အင်္ဂါများရောဂါများရှာဖွေရန်နဲ့ ကိုယ်၀န်ဆောင် များ အစစ်များ

@ Thyroid Function Test - လည်ပင်းကြီးဟော်မုန်းစစ်တာ
> T3,T4,TSH - သိုင်းရွိုက် ဟော်မုန်းစစ်တာ

@> HIV - HIV ပိုးစစ္​တာ
@> VDRL - ကာလသားရောဂါ ပိုး စစ်တာ
@> Vitamin D (total ) - အရိုးပွရောဂါအတွက်စစ်တာ
@>Uric acid (Gout ) - အဆစ်အမြစ်ရောဂါ . ဂေါက်ရောဂါ အတွက်စစ်ဆေးတာ
@> RA -သွေးကြောင့်ဖြစ်တဲ့ လေးဖက်နာရောဂါကို စစ်တာ
@> ESR - သွေးနီဥတွေ တစ်နာရီအတွင်း အနယ်ထိုင်တဲ့နှုန်းကို စစ်တာ(သွေးအားနည်း နှလုံးရောင် ကျောက်ကပ်မကောင်း
အရိုးအတွင်းရောင် ကိုယ်၀န်ဆောင် လေးဘက်နာ (ရူမက်တစ် )
အဆစ်နာရောဂါ ဆစ်ဖလက် လည်ပင်ကြီး တီဘီ အဆစ်နာရောဂါ
စတဲ့သူတွေကို စစ်တာ
@>PSA/CA 125/CA 153 -ကင်ဆာဖြစ်နိုင်ခြေရှိမရှိ
စစ်ဆေးတာ
@> PSA - ဆီးကျိတ်ကင်ဆာ စစ်တာ
@> CEA - အစာအိမ်နဲ့ အူလမ်းကြောင်း ကင်ဆာစစ်တာ
@> AFP - အသည်းကင်ဆာ စစ်တာ
@> faecal Occoult Blood - ၀မ်းတွင်းသွေးပါမပါ စစ်တာ
@> Digital Mammogram - ရင်သားဓာတ်မှန် ရိုက်တာ
@> CRP ( C Reactive Protein) - သွေးကြောရောင်
ကိုင်းတာကို စစ်တာ


Credit..... Original Uploader

28/08/2025

Individualized Approach to the Management of T2DM and Comorbidities : discover how to enhance patient outcomes with tailored strategies for type 2 diabetes management.

22/08/2025

#စီးပွါးတက်ချင်ကြိုတင်ပြင် 🍀❤️

၁။ မိုးလင်းလာရင်ဆူပူနေသောအိမ်မျိုးမဖြစ်ရဘူး။

၂။ ဟိုဟာမရှိဘူး ဒီဟာမရှိဘူး ကုန်ပြီလို့ ခနခနမပြောရဘူး။

၃။ ပွစိပွစိလုပ်တတ်တဲ့အကျင့်ကိုသတိထားပြုပြင်ပါ။

၄။ ကလေးအော်ဟစ်ငိုသံမကြားရအောင် ဂရုစိုက်ပြီးကြိုတင်ပြင်ဆင်ပေးပါ။

၅။ မနက်ည ပုံမှန်မြတ်စွာဘုရားရှင်အား သောက်တော်ရေ ကပ်လှူပေးပါ။ သက်ရှိထင်ရှားဘုရားရှင်ကိုရည်ရွယ်စိတ်ညွတ်ပြီး ဆွမ်းတော်ကပ်လှူပါ။

၆။ မိမိစိတ်ကို အမြဲဆန်းစစ်ပါ။

၇။ နေ့စဉ်စိတ်ငြိမ်းချမ်းအောင် တရားဓမ္မတို့ကို နာကြားပါ။

၈။ ဖိနပ်အစုတ်၊ ထီးအစုတ် ၊ ကျိုးပဲ့နေသော ပစ္စည်းများကို စွန့်ပစ်ပါ။ မလိုအပ်တာတွေကို အိမ်မှာမထားပါနှင့်။

၉။ လင်မယားစောစောစီးစီးစကားများရန်ဖြစ်မလုပ်မိပါစေနှင့်။

၁၀။ မနက်မိုးလင်းမှာကုသိုလ်တရားနဲ့အစပြုပါ၊ ညအချိန်မှာကုသိုလ်တရားနဲ့အိပ်ရာဝင်ပါ။

#မှတ်သားစရာများ

10/08/2025

"ရေရှည်မှာ ဘာဖြစ်မလဲ?" – လုပ်ငန်းခွင်နဲ့ လက်တွေ့ဘဝမှာ ဆုံးဖြတ်ချက်ကောင်းချင်ရင်
​+++++++++++++++++++++++

လုပ်ငန်းခွင်မှာပဲဖြစ်ဖြစ်၊ ကိုယ်ပိုင်ဘဝမှာပဲဖြစ်ဖြစ် ဆုံးဖြတ်ချက်တစ်ခုခုချတော့မယ်ဆိုရင် လူတိုင်းမှာ ရှိတတ်တဲ့ စိတ်တစ်ခုရှိပါတယ်။ အဲဒါကတော့ "အခုချက်ချင်း အဆင်ပြေစေချင်တဲ့စိတ်" ပါပဲ။ ဥပမာ- ပင်ပန်းလာတဲ့အခါ အလုပ်ကနေ ထွက်လိုက်ချင်တာ၊ ပိုက်ဆံပေါ်လာရင် ကြိုက်တာဝယ်လိုက်ချင်တာမျိုးပေါ့။ ဒါပေမဲ့ ဒီဆုံးဖြတ်ချက်တွေက ရေရှည်မှာ ဘယ်လိုအကျိုးဆက်တွေ ဖြစ်လာမလဲဆိုတာကို တစ်ခါတလေ ကောင်းကောင်း မတွေးမိကြပါဘူး။
​
တကယ်တော့ အောင်မြင်တဲ့သူတွေရဲ့ လျှို့ဝှက်ချက်က "ရေရှည်အကျိုးဆက်ကို ကြိုတွေးပြီး ဆုံးဖြတ်နိုင်တာ" ပါပဲ။ အခုချက်ချင်း အဆင်ပြေအောင် လုပ်လိုက်တာထက် အနာဂတ်အတွက် ပိုကောင်းမယ့် လမ်းကိုရွေးချယ်နိုင်ဖို့ ဒီအတွေးအခေါ်ကို လက်တွေ့ဘဝနဲ့ လုပ်ငန်းခွင်မှာ ဘယ်လိုအသုံးချရမလဲဆိုတာ ဥပမာတွေနဲ့ ပြောပြပေးချင်ပါတယ်။
​
၁။ "ရေရှည်မှာ ဘာဖြစ်မလဲ?" ဆိုတဲ့ မေးခွန်းက ဘာကြောင့် အရေးကြီးတာလဲ?
​
ဆုံးဖြတ်ချက်တစ်ခုချတိုင်း "ဒီဆုံးဖြတ်ချက်က နောက် ၁ လ၊ ၆ လ၊ ၁ နှစ်နေရင် ဘယ်လိုအကျိုးသက်ရောက်မှုတွေ ရှိလာမလဲ?" ဆိုတဲ့ မေးခွန်းကို ကိုယ့်ကိုယ်ကိုယ် အရင်မေးပါ။ ဒီမေးခွန်းက ကိုယ့်ကို ရေတိုအဆင်ပြေမှုကို ကျော်လွန်ပြီး ရေရှည်မှာ ဖြစ်လာမယ့် ကောင်းကျိုး၊ ဆိုးကျိုးတွေကို သေချာစဉ်းစားနိုင်အောင် ကူညီပေးပါလိမ့်မယ်။
​
ဥပမာအားဖြင့်-

• ​အလုပ်မှာ အချိန်ပို အလွန်အကျွံလုပ်ခြင်း → ရေတိုမှာ ပိုက်ဆံပိုရမယ်၊ အလုပ်ပြီးမယ်။ ဒါပေမဲ့ ၆ လလောက်ကြာတဲ့အခါ Burnout ဖြစ်ပြီး စိတ်ရော၊ ကိုယ်ပါ ပင်ပန်းနွမ်းနယ်လာမယ်။ နောက်ဆုံး အလုပ်စွမ်းဆောင်ရည် ကျဆင်းပြီး အလုပ်ထွက်ချင်စိတ် ဖြစ်လာနိုင်တယ်။

• ​လစဉ်လတိုင်း လစာကုန်တဲ့အထိ သုံးခြင်း → ရေတိုမှာ ပျော်ရွှင်ရမယ်။ ဒါပေမဲ့ ၁ နှစ်ကြာတဲ့အခါမှာတော့ ငွေကြေးစုဆောင်းမိတာ ဘာမှမရှိဘဲ ရုတ်တရက် အရေးပေါ်ငွေလိုတဲ့အခါမျိုးမှာ အခက်တွေ့နိုင်တယ်။
​
ဒါကြောင့် ဘယ်လိုဆုံးဖြတ်ချက်မျိုးကိုပဲချချ "ရေရှည်မှာ ဘယ်လိုဖြစ်မလဲ?" ဆိုတာကို မေးဖို့ အရေးကြီးပါတယ်။
​
၂။ လုပ်ငန်းခွင်မှာ ဒီနည်းလမ်းကို ဘယ်လိုသုံးမလဲ?
​
(က) ပရောဂျက်အသစ်တစ်ခုကို လက်ခံ/ငြင်းပယ်တဲ့အခါ
​သင်က မန်နေဂျာတစ်ယောက်ဆိုပါစို့။ ရေတိုမှာ အမြတ်အစွန်းကောင်းကောင်း ရနိုင်မယ့် ဖောက်သည်အသစ်တစ်ခုကနေ ပရောဂျက်တစ်ခု ကမ်းလှမ်းလာတယ်။ ဒီအခါ "Yes" လို့ ချက်ချင်းမပြောဘဲ ဒီမေးခွန်းလေးတွေနဲ့ စဉ်းစားကြည့်ပါ။

• ​"ဒီဖောက်သည်နဲ့ ၁ နှစ်ဆက်လုပ်ရင် ကျွန်တော်တို့ရဲ့ လုပ်ငန်းပုံရိပ် (Brand Image) ကို ထိခိုက်နိုင်သလား?"

• ​ဖောက်သည်က နာမည်ကောင်းရှိပြီး လုပ်ငန်းအချင်းချင်း ယုံကြည်မှုရှိတယ်ဆိုရင် Yes ပြောသင့်တယ်။

• ​ဒါပေမဲ့ ဖောက်သည်က စျေးသက်သာအောင်ပဲ တောင်းဆိုပြီး အလုပ်ရဲ့ အရည်အသွေး (Quality) ကို အမြဲတမ်း ညှိနေမယ်ဆိုရင် ရေရှည်မှာ သင့်ကုမ္ပဏီရဲ့ ဂုဏ်သိက္ခာကျဆင်းနိုင်တယ်။ ဒါဆို No ပြောတာက ပိုကောင်းတယ်။

• ​"ဒီပရောဂျက်က အချိန်ကြာလာတာနဲ့အမျှ တန်ဖိုးပိုတက်လာမယ့် ပရောဂျက်မျိုးလား၊ ဒါမှမဟုတ် နောက်ပိုင်းမှာ ပြန်ပြင်ရမယ့် အလုပ်တွေ များနိုင်လား?"

• ​ပရောဂျက်က ရေရှည်မှာ အသစ်အသစ်တွေ ထပ်တိုးလို့ရမယ့် အလားအလာရှိလား၊ ဒါမှမဟုတ် အခုချက်ချင်း ပြီးသွားပြီး ဘာမှဆက်လုပ်စရာ မရှိတော့တာမျိုးလား ဆိုတာကို စဉ်းစားရမယ်။
​
(ခ) ဝန်ထမ်းခန့်တာ၊ ထုတ်တာမျိုးမှာ

​သင်က HR ဒါမှမဟုတ် Manager တစ်ယောက်အနေနဲ့ ဝန်ထမ်းတစ်ဦးရဲ့ စွမ်းဆောင်ရည် (Performance) မကောင်းလို့ အလုပ်ထုတ်ဖို့ စဉ်းစားနေတယ်ဆိုရင်...

• ​"ဒီဝန်ထမ်းကို အလုပ်ထုတ်လိုက်ရင် နောက် ၃ လအတွင်း ဝန်ထမ်းအသစ်ရှာဖို့၊ အင်တာဗျူးဖို့၊ လေ့ကျင့်ပေးဖို့ ကုန်ကျမယ့် အချိန်နဲ့ ငွေက ဘယ်လောက်ရှိမလဲ?"

• ​"ဒီဝန်ထမ်းကို နောက် ၆ လ Training ပေးရင် ပိုကောင်းလာနိုင်တဲ့ အလားအလာရှိမလား?"

​ဒီလိုမေးခွန်းတွေနဲ့ စဉ်းစားပြီးမှ ဆုံးဖြတ်တာက အကျိုးရှိပါတယ်။ ဥပမာ- အလုပ်စွမ်းဆောင်ရည် နည်းတဲ့ ဝန်ထမ်းကို ချက်ချင်းမထုတ်ဘဲ နောက်ထပ် ၃ လလောက် Training အစီအစဉ်တစ်ခုပေးပြီး စောင့်ကြည့်လိုက်တာက ရေရှည်မှာ ဝန်ထမ်းအသစ် ထပ်ခန့်ရမယ့် ကုန်ကျစရိတ်တွေထက် အများကြီး သက်သာနိုင်တယ်။
​
၃။ ကိုယ်ပိုင်ဘဝမှာ ဒီနည်းလမ်းကို ဘယ်လိုအသုံးချမလဲ?
​
(က) ငွေကြေးသုံးစွဲမှု ဆုံးဖြတ်ချက်များ

​လစာတစ်သိန်းရတဲ့အချိန်မှာ ဖုန်းအသစ် ၂ သိန်းတန်တစ်ခုကို အရစ်ကျနဲ့ ဝယ်ဖို့စဉ်းစားနေတယ်ဆိုရင်...

• ​"ဒီဖုန်းကို အရစ်ကျနဲ့ ဝယ်လိုက်ရင် နောက် ၃ လအတွင်း ကိုယ့်ရဲ့နေ့စဉ်စားသောက်ရေးအတွက် ငွေကြေးဖိစီးမှုတွေ ဖြစ်လာနိုင်မလား?"

• ​"တစ်နှစ်ကြာရင် ဒီဖုန်းက ငါ့အတွက် တကယ်လိုအပ်နေသေးလား၊ ဒါမှမဟုတ် အသစ်ထပ်ဝယ်ချင်စိတ် ဖြစ်နေဦးမလား?"

​ဒီမေးခွန်းတွေက သင့်ကို ရေတိုဆန္ဒကို ထိန်းချုပ်ပြီး ငွေရေးကြေးရေး ပိုမိုတည်ငြိမ်အောင် ကူညီပေးနိုင်ပါလိမ့်မယ်။
​
(ခ) အလုပ်ပြောင်းဖို့ ဆုံးဖြတ်တဲ့အခါ

​လက်ရှိအလုပ်က ပင်ပန်းပြီး အဆင်မပြေလို့ အလုပ်ပြောင်းဖို့ စိတ်ကူးနေတယ်ဆိုရင်...

• ​"ဒီအလုပ်ကနေ နောက် ၁ နှစ်နေရင် ငါ့ရဲ့ ကျွမ်းကျင်မှု (Skill Set) တွေ တိုးတက်လာနိုင်သေးသလား၊ ဒါမှမဟုတ် တစ်နေရာတည်းမှာပဲ ရပ်နေမှာလား?"

• ​"အခုပြောင်းလိုက်မယ့် အလုပ်အသစ်က လက်ရှိအလုပ်ထက် ရေရှည်မှာ ပိုကောင်းတဲ့ အခွင့်အလမ်းတွေ ပေးနိုင်မလား၊ ဒါမှမဟုတ် အလုပ်ရဲ့သဘောသဘာဝက အခုလက်ရှိအလုပ်နဲ့ အတူတူပဲလား?"
​
ဒီလိုမေးခွန်းတွေနဲ့ သေချာဆန်းစစ်ပြီးမှ အလုပ်ပြောင်းတာက သင့်အတွက် ပိုကောင်းတဲ့ အလုပ်အကိုင်လမ်းကြောင်းကို ရွေးချယ်နိုင်စေပါလိမ့်မယ်။
​
နိဂုံး- ရေရှည်အတွက် တွေးပြီး အလေ့အကျင့်လုပ်ပါ။
​
အလုပ်မှာပဲဖြစ်ဖြစ်၊ ဘဝမှာပဲဖြစ်ဖြစ် ဆုံးဖြတ်ချက်တစ်ခုချတိုင်း "၁ နှစ်ကြာရင် ဒီဆုံးဖြတ်ချက်က ငါ့အတွက် အကျိုးရှိနေဦးမလား?" ဆိုတာကို ကိုယ့်ကိုယ်ကိုယ် အမြဲပြန်မေးပါ။
​
ရေတိုမှာ သက်သောင့်သက်သာဖြစ်ပေမဲ့ ရေရှည်မှာ ဒုက္ခပေးနိုင်တဲ့ အရာတွေကို ရှောင်ကြဉ်ပြီး ရေရှည်မှာ အကျိုးရှိစေမယ့် ဆုံးဖြတ်ချက်တွေသာ ချမှတ်နိုင်အောင် အလေ့အကျင့်လုပ်ပါ။ ဒါဆိုရင် သင်ဟာ အနာဂတ်အတွက် ပိုပြီး တည်ငြိမ်ပြီး အောင်မြင်တဲ့ ဆုံးဖြတ်ချက်တွေ ချနိုင်လာပါလိမ့်မယ်။

---

"ဒီဆောင်းပါးက မိတ်ဆွေအတွက် အကျိုးရှိရင် Like, Follow & Share ပေးဖို့ မမေ့နဲ့နော်" 😊

Zar Ni Kyaw - Soft Skill Trainer

Be the Better You.

08/08/2025

စကားလက်ဆောင် ၁၀ ခွန်း

1. ကိုယ် မကျွမ်းတဲ့တောကို အရမ်းမဝင်နဲ့ "

2. ကိုယ် မသိတဲ့သူကို အရမ်းမယုံနဲ့ "

3. ကိုယ် မပိုင်တဲ့ကိစ္စတွေကို ခေါင်းမခံနဲ့ "

4. ကိုယ့်မှာ မရှိသေးရင် အရမ်းမသုံးနဲ့ "

5. ကိုယ့်ကို မချစ်တဲ့သူကို ကပ်တွယ် မနေနဲ့ "

6. ကိုယ် မပျော်တဲ့အလုပ်မှာ တစ်သက်လုံး မလုပ်နဲ့ "

7. ကိုယ့်ကို မနာလိုသူတွေကို ဂရု မစိုက်နဲ့ "

8. ကိုယ့်ရဲ့ မိသားစုကို အချိန်ပေးဖို့ မမေ့နဲ့ "

9. ကိုယ့်ကို မယုံကြည်သူတွေကို အလုပ်နဲ့သာ
သက်သေ ပြလိုက် "

10. ကိုယ့်ဘဝကို ကိုယ်သာပိုင်ပြီး ကိုယ်ရောက်ချင်တဲ့
ပန်းတိုင်ကို ကိုယ်တိုင်ပဲ ရောက်အောင်သွားရမယ်
ဆိုတာ ဘယ်တော့မှ မမေ့နဲ့ "

လေးစားစွာဖြင့်

05/06/2025

မွန်မြတ်စေတနာ အထူးကုဆေးခန်းတွင်

ဝါရင့်ကျွမ်းကျင်သောဆရာဝန်ကြီးများနှင့်

အလှအပရေးရာဆိုင်ရာ

Healthy Skin Treatment
Glow Skin Treatment
Acne Treatment
Anti-aging Treatment
PRP Treatment
Exosome Treatment
Body Whitening Treatment
Body Slimming Treatment
Skin Boosting Treatment

များကို ဆွေးနွေးတိုင်ပင် ကုသမှုများ ခံယူနိုင်ပါသည်။

❤️❤️❤️

ကြိုတင် Booking ရယူရန်

Phone Number - 09750225527
Viber Number - 09798909999

30/05/2025

မွန်မြတ်စေတနာ အထူးကုဆေးခန်းတွင်

အသည်းရောင်အသားဝါ ဘီပိုး ကာကွယ်ဆေးကို

အိမ်တိုင်ရာရောက်ထိုးနှံပေးခြင်း (Home Service)

လည်းရှိပါတယ်ရှင့် ❤️

လိပ်စာ - အမှတ် (၆၉) အထက်ကြည့်မြင်တိုင်လမ်း၊ ကြည့်မြင်တိုင်ဘူတာမှတ်တိုင်နှင့် ညစျေးမှတ်တိုင်ကြား၊ ကြည့်မြင်တိုင်မြို့နယ်၊ ရန်ကုန်မြို့။

04/05/2025