Thiri Mon Clinic & Healthcare Service - သီရိမွန်အထွေထွေရောဂါကုဆေးခန်း

17/07/2023

အခုကာလမှာလူအတော်များများစိုးရိမ်နေကြတဲ့ အဆုတ်ရောင်ရောဂါဆိုတာဘာလဲ? ဘယ်လိုကူးစက်တတ်သလဲ? ရောဂါလက္ခဏာတွေကဘာတွေလဲ? ကာကွယ်နိုင်တဲ့နည်းလမ်းတွေရောရှိရဲ့လား? စတာတွေကို မျှဝေပေးသွားမှာဖြစ်ပါတယ်။

👉👉👉👉👉

အဆုတ်ရောင်ရောဂါဆိုတာ အဆုတ်ထဲကိုပိုးဝင်ပြီး အဆုတ်မှာရှိတဲ့ လေအိတ်ကလေးတွေ ရောင်ရမ်းလာစေတဲ့ရောဂါဖြစ်ပါတယ်။ လေအိတ်ကလေးတွေထဲမှာ အရည် (သို့) ပြည်တွေနဲ့ပြည့်နေတတ်ပြီး အဲဒီအရည်နဲ့ပြည်တွေကြောင့် ချောင်းဆိုးခြင်း၊ သလိပ်ထွက်ခြင်း၊ ဖျားခြင်း၊ ချမ်းတုန်ခြင်း၊ အသက်ရှူရခက်ခဲခြင်းစတဲ့လက္ခဏာတွေဖြစ်ပေါ်စေပါတယ်။

အဆုတ်ရောင်ခြင်းကိုဖြစ်စေတဲ့ ပိုးတွေကတော့ -

👉ဘက်တီးရီးယားပိုးများ (Eg. Streptococcus pneumoniae, Mycoplasma pneumoniae)
👉ဗိုင်းရပ်စ်ပိုးများ (Eg. Influenza Virus, Covid-19, Respiratory Syncytial Virus, Rhinovirus, MHPV, HPIV, etc)
👉မှိုပိုးများကြောင့်ဖြစ်ပါတယ်။

နမိုးနီးယားလို့ခေါ်တဲ့အဆုတ်ရောင်ရောဂါဖြစ်ပွားပြီဆိုရင် လက္ခဏာအပျော့စားကနေ အသက်အန္တရာယ်ရှိတဲ့အထိ ပြင်းထန်တာမျိုးလည်းဖြစ်တတ်ပါတယ်။ အထူးသဖြင့် အသက်တစ်နှစ်အောက်ကလေးငယ်တွေ၊ ကျောင်းနေအရွယ်ကလေးတွေ၊ အသက် (၆၅)နှစ်အထက်လူကြီးတွေ၊ နဂိုနာတာရှည်ရောဂါအခံရှိသူတွေ၊ ကိုယ်ခံအားနည်းနေသူတွေမှာ ပိုမိုပြင်းထန်တာကိုတွေ့ရပါတယ်။

ကူးစက်ပုံ -

🤧ရောဂါပိုးရှိနေသူ နှာချေ၊ ချောင်းဆိုးလိုက်ရာမှထွက်လာသော အမှုန်အမွှားများကိုရှူမိခြင်း၊ ထိုအမှုန်အမွှားများကပ်ငြိနေသော အရာဝတ္တုများ၊ မျက်နှာပြင်များကို လက်ဖြင့်ကိုင်တွယ်မိပြီး မိမိမျက်နှာ၊နှာခေါင်းများသို့ ထိမိခြင်းတို့မှ အဓိကကူးစက်နိုင်ပါတယ်။

အဆုတ်ရောင်ရောဂါရဲ့လက္ခဏာတွေကတော့ -

👉ဖျားခြင်း၊ ချမ်းတုန်ခြင်း၊ ချွေးထွက်များခြင်း၊
ချောင်းဆိုးခြင်း၊ သလိပ်ထွက်ခြင်း၊
👉နုံးနေခြင်း၊
👉အသက်ရှူရခက်ခဲခြင်း၊
👉အသက်ရှူသည့်အခါ ချောင်းဆိုးသည့်အခါများတွင် ရင်ဘတ်အောင့်ခြင်း၊
👉ပျို့အန်ခြင်း၊ ဝမ်းလျှောခြင်း၊
👉စိတ်မူမမှန်ခြင်း၊ စိတ်ရှုပ်ထွေးနေခြင်း (အထူးသဖြင့် အသက် ၆၅ နှစ်အထက်လူကြီးများမှာတွေ့ရတဲ့လက္ခဏာတွေဖြစ်ပါတယ်။)
👉ပုံမှန်ခန္ဓာကိုယ်အပူချိန်ထက်လျော့ကျနေခြင်း (အထူးသဖြင့် အသက် ၆၅ နှစ်အထက်လူကြီးတွေနဲ့ ကိုယ်ခံအားနည်းသူတွေမှာအတွေ့ရများပါတယ်။)

🤢အထက်ပါရောဂါလက္ခဏာတွေဟာ ခန္ဓာကိုယ်တွင်းဝင်ရောက်တဲ့ပိုးအမျိုးအစား၊ နဂိုရှိရင်းစွဲကျန်းမာရေးအခြေအနေတွေနဲ့ အသက်အရွယ်ပေါ်မူတည်ပြီး အပျော့စားကနေ ပြင်းထန်တဲ့ပုံစံမျိုးအထိတွေ့ရတတ်ပါတယ်။

🤢အဆုတ်ရောင်ရောဂါရဲ့လက္ခဏာတွေဟာသိပ်မပြင်းထန်တဲ့အခြေအနေမှာ သာမန်အအေးမိ/တုပ်ကွေး လက္ခဏာတွေနဲ့ဆင်တူပေမယ့် ပိုပြီးအချိန်ကြာကြာခံစားနေရတာမျိုးဖြစ်တတ်ပါတယ်။

🌡️မွေးကင်းစကလေးငယ်တွေနဲ့တစ်နှစ်အောက်ကလေးငယ်တွေမှာတော့ အဆုတ်ရောင်ရောဂါခံစားနေရပေမယ့် ရောဂါပိုးဝင်ရောက်နေတဲ့လက္ခဏာမပြတာမျိုးလည်းဖြစ်နိုင်ပါတယ်။ အချို့ကလေးငယ်တွေမှာတော့ ဖျားတာ၊ ချောင်းဆိုးတာ၊ ကဏှာမငြိမ်ဖြစ်နေတာ၊ မှိန်းနေတာ၊ နုံးခွေနေတာ၊ အစားမဝင်/နို့မစို့နိုင်တာနဲ့ အသက်ရှူရခက်ခဲတာ စတဲ့လက္ခဏာတွေတွေ့ရတတ်ပါတယ်။🌡️

အောက်ပါအခြေအနေများမှာတော့ ဆေးရုံ/ဆေးခန်းကိုမဖြစ်မနေပြသသင့်ပါတယ်။

♦️အသက်ရှူရခက်ခဲလျှင်
♦️ရင်ဘတ်အောင့်နေလျှင်
♦️ကိုယ်ပူကြီးလျှင် (၁၀၂ ဒီဂရီအထက်ရှိလျှင်)
♦️အဆက်မပြတ်ချောင်းဆိုးနေလျှင်
♦️ချွဲ၊သလိပ်များထွက်နေလျှင်

ပြင်းထန်အဆုတ်ရောင်ရောဂါဖြစ်ပွားနိုင်ချေ ပိုမိုရှိသူများ -

🔶အသက် (၆၅) နှစ်နှင့်အထက်လူကြီးများ
🔶အသက် (၂) နှစ်အောက်ကလေးငယ်များ
🔶နာတာရှည်ရောဂါရှိသူများ၊ အဆုတ်/နှလုံးနှင့်ပတ်သက်သည့်ရောဂါရှိသူများ၊ ကိုယ်ခံအားနည်းသူများ
🔶ကင်ဆာဆေးသွင်းနေရသူများ၊
🔶ကိုယ်ခံအားကျစေမည့်စတီးရွိုက်ကဲ့သို့သောဆေးများသောက်သုံးနေရသူများ၊
🔶ကိုယ်တွင်းအင်္ဂါအစားထိုးကုသထားရသူများ
🔶ဆေးလိပ်သောက်သူများ

အဆုတ်ရောင်ရောဂါ၏နောက်ဆက်တွဲဆိုးကျိုးများ -

❗️သွေးတွင်းပိုးဆိပ်ပျံ့ခြင်းကြောင့်ကိုယ်တွင်းင်္အဂါများထိခိုက်ပျက်စီးခြင်း၊
❗️အသက်ရှူရခက်ခဲပြီးအောက်စီဂျင်ကျခြင်း၊
❗️အဆုတ်တွင်အရည်များစုစည်းလာပြီးထိုအရည်များအားဖောက်ထုတ်ရနိုင်ခြင်း၊
❗️အဆုတ်ပြည်တည်နာဖြစ်ခြင်း စတာတွေဖြစ်လာနိုင်ပါတယ်။

အဆုတ်ရောင်ရောဂါမဖြစ်ပွားအောင်ကာကွယ်ရန် -

✅ အဆုတ်‌ရောင်ရောဂါဖြစ်ပွားစေသည့်ပိုးများကိုကာကွယ်နိုင်မည့် ကာကွယ်ဆေးများထိုးနှံထားခြင်း၊ (ဉပမာ - ပြင်းထန်အဆုတ်ရောင်ရောဂါကာကွယ်ဆေး၊ ရာသီတုပ်ကွေးကာကွယ်ဆေး၊ ကိုဗစ်ကာကွယ်ဆေး)
✅ တစ်ကိုယ်ရည်သန့်ရှင်းရေးဂရုစိုက်ခြင်း၊ (လက်ကိုဆပ်ပြာဖြင့်မကြာခဏဆေးကြောခြင်း၊ အပြင်ထွက်လျှင် ပါးစပ်/နှာခေါင်းစည်း စနစ်တကျဝတ်ဆင်ခြင်း၊ နှာချေ/ချောင်းဆိုးလျှင် နှာခေါင်းနှင့်ပါးစပ်ကို လက်ကိုင်ပုဝါ (သို့) လက်ဖြင့်အုပ်ထားခြင်း)
✅ ဆေးလိပ်သောက်ခြင်းမှရှောင်ကြဉ်ခြင်း၊
✅ မိမိ၏ကိုယ်ခံအားစနစ်ကိုကောင်းမွန်အောင်ပြုမူနေထိုင်ခြင်း၊ (အိပ်ရေးဝဝအိပ်ခြင်း၊ အာဟာရရှိပြီး ကျန်းမာရေးနှင့်ညီညွတ်သော အစားအစာများစားသုံးခြင်း၊ ကိုယ်လက်လေ့ကျင့်ခန်းပုံမှန်ပြုလုပ်ခြင်း)

ကာကွယ်ဆေးများအနေနဲ့ -

💉ရာသီတုပ်ကွေးကာကွယ်ဆေးများကို အသက် (၅) နှစ်အောက်ကလေးငယ်များနှင့် (၆၅) နှစ်အထက်လူကြီးများ နှစ်စဉ်ထိုးနှံထားသင့်ပါတယ်။ ကျန်းမာရေးဝန်ထမ်းများ၊ ကိုယ်ခံအားနည်းသူများ၊ လူထူထပ်သည့်နေရာများတွင် အလုပ်လုပ်ကိုင်နေရသူများ၊ နှစ်စဉ်တုပ်ကွေးရာသီတွင်ဖျားတတ်သူများလည်း ရာသီတုပ်ကွေးကာကွယ်ဆေးကို နှစ်စဉ်ထိုးနှံသင့်ပါတယ်။
💉ကိုဗစ်ကာကွယ်ဆေးကို ကနဉီးအကြိမ်ရေပြည့်ထိုးနှံပြီးနောက် ထပ်ဆောင်းကာကွယ်ဆေးများကို လိုအပ်သလို ထိုးနှံထားသင့်ပါတယ်။
💉ပြင်းထန်အဆုတ်ရောင်ရောဂါကာကွယ်ဆေးကတော့ မြန်မာနိုင်ငံရဲ့တိုးချဲ့ကာကွယ်ဆေးထိုးစီမံချက် (EPI) မှာပါဝင်ပြီး ကလေးငယ်များ အသက် (၂) လမှာတစ်ကြိမ်၊ (၄) လမှာတစ်ကြိမ်၊ (၆) လမှာတစ်ကြိမ်ထိုးနှံပေးပြီးဖြစ်ပါတယ်။ မိမိရင်သွေးလေးများဟာ မွေးကင်းစကနေအသက်အရွယ်အလိုက် ကာကွယ်ဆေးများကိုပုံမှန်ထိုးနှံခဲ့မယ်ဆိုရင် ပြင်းထန်အဆုတ်ရောင်ရောဂါကာကွယ်ဆေးကို ကလေးအသက် (၆) လမှာ သုံးကြိမ်ထိုးနှံပြီးဖြစ်ပါလိမ့်မယ်။
💉ပြင်းထန်အဆုတ်ရောင်ကာကွယ်ဆေးကိုထပ်ဆောင်းထိုးနှံပေးလိုတယ်ဆိုရင်တော့ ဆရာဝန်နှင့်တိုင်ပင်ဆွေး‌နွေးပြီးမှ ထိုးနှံသင့်ပါတယ်။
💉အရွယ်ရောက်ပြီးသူများအနေနဲ့လည်း ပြင်းထန်အဆုတ်ရောင်ရောဂါကာကွယ်ဆေး (Pneumococcal Vaccine) ကို ထိုးနှံထားလို့ရပါတယ်။ ပြင်းထန်အဆုတ်ရောင်ရောဂါကာကွယ်ဆေးကို အရွယ်ရောက်ပြီးသူများထိုးနှံမယ်ဆိုရင် ရာသီတုပ်ကွေး ကာကွယ်ဆေးကဲ့သို့ နှစ်စဉ်ထိုးနှံရန်မလိုအပ်ပဲ တစ်ကြိမ်ထိုးနှံခြင်းဖြင့်လုံလောက်ပါတယ်။
💉အချို့သောကျန်းမာရေးအခြေအနေတွေ(ဉပမာ - ကိုယ်တွင်းအင်္ဂါအစားထိုးကုသမှုခံယူထားသူများ၊ သွေးခြင်ဆီပင်မဆဲလ်အစားထိုးကုသမှုခံယူထားသူများ) မှာတော့ ထပ်ဆောင်းထိုးဖို့လိုအပ်နိုင်ပါတယ်။

အဆုတ်ရောင်ရောဂါရဲ့ရောဂါလက္ခဏာတွေနဲ့ပတ်သက်ပြီးဖြစ်ဖြစ်၊ ကာကွယ်ဆေးတွေအကြောင်းသိလိုတာ ဖြစ်ဖြစ် မေတ္တာမွန်ဆေးခန်းရဲ့ Viber ဖုန်းနံပါတ် 09789100812 သို့ စာပေးပို့၍ဖြစ်စေ၊ အသံဖိုင်ပေးပို့၍ဖြစ်စေ မေးမြန်းနိုင်ပါတယ်။ ဆရာဝန်များမှ အခမဲ့ဖြေကြားပေးနေပါတယ်။ မေးမြန်းသူများပြားတဲ့အတွက် Viber မှ ဖုန်းခေါ်ဆိုခြင်းမပြုလုပ်ပဲ စာ/အသံဖိုင်များဖြင့်သာမေးမြန်းပေးပါရန်နှင့် ပြန်လည်ဖြေကြားမှုအနည်းငယ် နောက်ကျခဲ့ပါက နားလည်ပေးပါရန် အထူးမေတ္တာရပ်ခံလိုပါတယ်။
မိသားစုများအားလုံးရောဂါဘယကင်းကွာပြီး စိတ်ချမ်းသာ ကိုယ်ကျန်းမာကြပါစေ။
Credit : Mitta Mon Clinic
Reference : Mayo Clinic, CDC

#အဆုတ်ရောင်
#ပြင်းထန်အဆုတ်ရောင်
#ကာကွယ်ဆေး

12/07/2023

06/07/2023

၄ နှစ်ခံသန္ဓေတားပစ္စည်း လက်မောင်းတွင်းထည့်ခြင်း/ထုတ်ခြင်း။

၇ နှစ်ခံသန္ဓေတားပစ္စည်း သားအိမ်တွင်းထည့်ခြင်း/ထုတ်ခြင်း။

သုံးလခံသန္ဓေတားဆေးထိုးပေးခြင်း။

စသည့် သန္ဓေတားနည်းလမ်းအမျိုးမျိုးကို ပိုးမွှားကင်းစင်စွာ လွယ်ကူလျင်မြန်စွာ လုပ်ဆောင်ပေးနေပါသည်။

ကြိုတင်ရက်ချိန်းယူရန် -
09789100812
09444707977

26/06/2023

အခုကာလ တုပ်ကွေးဖျားနာသူတွေအတွေ့ရများလာပါပြီ၊ ရာသီတုပ်ကွေးရောဂါဟာ ကလေးလူကြီးမရွေးကူးစက်တတ်တာကြောင့် တုပ်ကွေးနဲ့ပတ်သက်ပြီး သိထားသင့်တဲ့အကြောင်းအရာလေးတွေကို ကလေးအထူးကုဆရာဝန် ဒေါက်တာဆု မှ မျှဝေပေးထားပါတယ်။

Credit : CDC, Photo credit : WHO Myanmar
..........

ရာသီတုပ်​ကွေး​ရောဂါသည် Influenza virus ဟု​ခေါ်သည့် virus ပိုးတစ်မျိုး အသက်ရှူလမ်း​ကြောင်းမှတဆင့် ခန္ဓာကိုယ်အတွင်းသို့ဝင်​​ရောက်လာခြင်း​ကြောင့် ဖြစ်ပွားခြင်း ဖြစ်သည်။

တစ်ကမ္ဘာလုံးအတိုင်းအတာနှင့် ကူးစက်ပြန့်နှံ့နေပြီး နှစ်စဉ် အရွယ်​ရောက်ပြီးလူဦး​ရေ၏ 5% မှ 10%၊ ကလေးများတွင် 20 မှ 30% (အယောက် ၁၀၀ လျှင် ၂၀ မှ ၃၀) အထိ ကူးစက်မှုရှိိိကြောင်း ကမ္ဘာ့ကျန်းမာ​ရေးအဖွဲ့အစည်း (WHO)မှ ခန့်မှန်းထားသည်။

ပြင်းထန်ရာသီတုပ်​ကွေး​ရောဂါ ဖြစ်ပွားမှုနှုန်းမှာ နှစ်စဥ် ကမ္ဘာ့လူဦး​ရေ၏ ၃ သန်း မှ ၅ သန်း အထိ ရှိနိုင်ပြီး သိန်းနှင့်ချီ၍ ​သေဆုံးမှုများရှိ​နေပါသည်။ ​

တုပ်​ကွေး​ဖြစ်ပွါးစေနိုင်သည့်ရောဂါပိုး Influenza virus အမျိုးအစား ၄ မျိုးရှိ၍ အမျိုးအစား A သို့မဟုတ် B ​ကြောင့် ​ရောဂါဖြစ်ပွားလေ့ရှိသည်။ မြန်မာနိုင်ငံတွင် မိုးဦးကျကာလများနှင့် ​ဆောင်းအကုန် ​နွေအကူးကာလများတွင် အဖြစ်များဆုံး ဖြစ်သည်။

👉 တုပ်ကွေး​ရောဂါပိုး မည်ကဲ့သို့ကူးစက်ပြန့်နှံ့နိုင်သလဲ။

တုပ်ကွေး​​​ရောဂါပိုးသည် လူတစ်ဦးမှတစ်ဦးသို့ လျင်မြန်စွာကူးစက်​နိုင်ပြီး က​လေးများတွင် ကူးစက်မှုနှုန်းပိုမိုမြင့်မား​ကြောင်း​တွေ့ရှိရသည်။ ​​

ကူးစက်ပုံမှာ ရောဂါပိုးရှိသူ၏ အသက်ရှူလမ်းကြောင်းမှ ထွက်သည့်အရည်များ၊ နှာချေခြင်း၊ ချောင်းဆိုးခြင်း သို့မဟုတ် နှာ​ခေါင်းစည်း (mask) မတပ်ဘဲ စကားပြောဆိုသည့်အခါတွင် လူတစ်ဦးမှတစ်ဦးဆီသို့ အသက်ရှုလမ်း​ကြောင်းမှတဆင့် ​ရောဂါပိုးဝင်​ရောက်သွားပြီး ကူးစက်နိုင်သည်။ ထို့ပြင် တုပ်ကွေး virus ပိုးရှိနေသော မျက်နှာပြင် သို့မဟုတ် အရာဝတ္တုကဲ့သို့သော အရာတစ်ခုကို ထိတွေ့ပြီးနောက် လက်မ​ဆေးဘဲ ပါးစပ် သို့မဟုတ် နှာခေါင်းတို့ကို ထိခြင်းဖြင့်လည်း ကူးစက်နိုင်သည်။

👉 တုပ်ကွေးရောဂါလက္ခဏာတွေက ဘာတွေလဲ။

တုပ်​ကွေးရောဂါလက္ခဏာများမှာ အခြား virus ပိုးကူးစက်ခံရခြင်း​ကြောင့်ဖြစ်​ပေါ်လာသည့် လက္ခဏာများနှင့် တူညီမှုရှိသည်။

ဥပမာ- ​ရုတ်တရက် အဖျားတက်ခြင်း၊ ချောင်းဆိုးခြင်း (များသောအားဖြင့် ​ချောင်းခြောက်ဆိုးခြင်း)၊ ခေါင်းကိုက်ခြင်း၊ ကြွက်သားနှင့် အဆစ်အမြစ်များ နာကျင်ခြင်း၊ လည်ချောင်းနာခြင်းနှင့် နှာရည်ယိုခြင်းတို့ ပါဝင်သည်။ ကလေးများတွင် ပျို့အန်ခြင်း၊ အော့အန်ခြင်းနှင့် ဝမ်းလျှောခြင်းကဲ့သို့သော နောက်ဆက်တွဲလက္ခဏာများရှိနိုင်သည်။

👉 ပြင်းထန်ရာသီတုပ်ကွေး​ရောဂါသည် မည်သူတို့တွင်ဖြစ်​ပေါ်နိုင်သနည်း။

ပြင်းထန်ရာသီတုပ်ကွေးဖြစ်ပွါးနိုင်ချေ အရှိဆုံးသူများမှာ-

- ၅ နှစ်အောက်ကလေးငယ်များ

- အသက် ၆၅ နှစ်အထက်လူကြီးများ

- ကိုယ်ဝန်​ဆောင်မိခင်များ

- HIV/AIDS ခုခံအားကျရောဂါ၊ ပန်းနာရင်ကျပ်၊ နှလုံး​ရောဂါ၊ အဆုတ်ရောဂါနှင့် ဆီးချိုရောဂါကဲ့သို့သော နာတာရှည်ရောဂါဝေဒနာရှင်များ၊ Steroid ကဲ့သို့အပြင်းစားအရောင်ကျဆေးများ၊ ကင်ဆာဆေးများကို ​သောက်သုံး​နေရသူများ၊ ကျန်းမာရေးဝန်ထမ်းတွေ အပါအဝင် တုပ်ကွေးနဲ့ ထိတွေ့နိုင်ချေပိုများတဲ့သူတွေမှာ ပြင်းထန်ရာသီတုပ်ကွေးရောဂါဖြစ်ပွါးနိုင်ပါတယ်။

​👉 ရောဂါဖြစ်ပွားလျှင်မည်ကဲ့သို့ကုသနိုင်သလဲ။

တုပ်ကွေးရောဂါဖြစ်ပွါးနေသူများသည် ကျန်းမာ​ရေးနှင့်ညီညွတ်​သော အစားအစာများစားသုံးခြင်း၊ ရေများများသောက်ပြီး အနားယူခြင်းများပြုလုပ်သင့်သည်။

လူအများစုသည် virus ပိုးသတ်​ဆေး ​သောက်ရန်မလိုအပ်ဘဲ တစ်ပတ်အတွင်း ပြန်လည်ကောင်းမွန်လာမည်ဖြစ်သည်။

Antibiotics ဟု​ခေါ်သည့် ပဋိဇီဝဆေးများသည်လည်း တုပ်ကွေးဗိုင်းရပ်စ်များကို တိုက်ဖျက်ရာတွင် ထိရောက်မှုမရှိပါ။

သို့​သော် ပြင်းထန်တုပ်​ကွေး​ရောဂါ ဖြစ်ပွားနိုင်​ခြေရှိသူများသည် ဆရာဝန်နှင့်​ဆွေး​နွေးတိုင်ပင်သင့်သည်။

ကလေးများတွင်​ အရေးကြီးလက္ခဏာ​- ဥပမာ နို့စို့အရမ်းလျော့နည်းသွားတာ၊ အရည်မဝင်တာ၊ အရမ်းမှိန်းတာ စသည်တို့ရှိလာလျှင် နီးစပ်ရာ ဆေးရုံ/​ဆေးခန်းသို့ပြသင့်ပါသည်။

👉 တုပ်ကွေး​ရောဂါမဖြစ်အောင် ဘယ်လိုကာကွယ်နိုင်မလဲ။

နှစ်စဉ် ရာသီတုပ်ကွေးကာကွယ်ဆေးထိုးနှံခြင်းသည် တုပ်ကွေးရောဂါကူးစက်မှုနှင့်ဖြစ်ပွါးမှုကို ကာကွယ်ရန် အ​ကောင်းဆုံးနည်းလမ်းဖြစ်သည်။

ကျန်းမာရေးဝန်ထမ်းတွေ အပါအဝင် အန္တရာယ်များတဲ့ အုပ်စုတွေအတွက် နှစ်စဉ် ကာကွယ်ဆေးထိုးဖို့ WHO က အကြံပြုထားပါတယ်။

အထိရောက်ဆုံး ကာကွယ်နိုင်ရန် တုပ်ကွေးရာသီမစတင်မီတွင် ကာကွယ်ဆေးထိုးရန်လိိုအပ်သော်လည်း တုပ်ကွေးရာသီအတွင်း မည်သည့်အချိန်တွင်မဆို ကာကွယ်ဆေးထိုးခြင်းဖြင့်လည်း တုပ်ကွေးကူးစက်မှုကို ကာကွယ်နိုင်ဆဲဖြစ်ပါသည်။ ​

အကယ်၍ ရောဂါဖြစ်ပွားခဲ့လျှင် ကာကွယ်​ဆေးထိုးထားသူများသည် ​ဆေးမထိုးရ​​သေး​သောသူများထက် ပြင်းထန်တုပ်​ကွေး​ရောဂါဖြစ်နှုန်း များစွာ​လျော့နည်း​ကြောင်း ​တွေ့ရှိရပါသည်။

👉 ဘယ်သူတွေ ကာကွယ်ဆေးထိုးသင့်လဲ။

အသက် 6 လနှင့်အထက် မည်သူမဆို တုပ်ကွေးကာကွယ်ဆေးကို နှစ်စဉ် ထိုးသင့်ပါသည်။

ဤ​နေရာတွင်သတိပြုရန်မှာ ကာကွယ်ဆေးဆိုတာကလေးတွေအသက်ဖြစ်ပါတယ်။

နှစ်စဉ် ကလေးအချို့ တုပ်ကွေးရောဂါဖြင့် သေဆုံးကြသည်။ သေဆုံးမှုအများစုမှာ ကာကွယ်ဆေးမထိုးရ​​သေးသော ကလေးများဖြစ်​ကြောင်း တွေ့ရှိရသည်။

ထို့ပြင်ကာကွယ်ဆေးဆိုတာသူ့အချိန်နဲ့သူအချိန်မှန်မှန်ထိုးနိုင်ရင်အကောင်းဆုံးဖြစ်ပါတယ်။

ကိုယ်ဝန်ဆောင်မိခင်များလည်း ရာသီတုပ်ကွေးကာကွယ်ဆေးထိုးနှံနိုင်ပြီး မိခင်ကာကွယ်ဆေးထိုးထားပါက မွေးဖွားလာသည့် ကလေးငယ်တွင် အသက် ၆ လအထိ ကိုယ်ခံအားရရှိနေမည်ဖြစ်ပါသည်။

တုပ်​ကွေး​ရောဂါကာကွယ်ဆေးမထိုးရသေးသော မွေးကင်းစကလေးများအတွက်​တော့ ​ရောဂါဖြစ်ပွားခြင်းမှအကာအကွယ်ပေးနိုင်ရန် မိဘများ၊ အဖိုးအဖွား အပါအဝင် ကလေးနှင့် အနီးကပ်ထိတွေ့လာသူများအားလုံး ကာကွယ်ဆေးထိုးနှံသင့်ပါသည်။

👉 ကာကွယ်ဆေးကို ဘယ်လိုထိုးရမလဲ။

ယခင်က တုပ်ကွေးကာကွယ်ဆေးမထိုးရသေးသော အသက် ၉ နှစ်နှင့်အောက်ကလေးများသည် တုပ်ကွေးကာကွယ်ဆေးကို တစ်ကြိမ်နှင့် တစ်ကြိမ် ၄ ပတ်ခြားပြီးနှစ်ကြိမ်ထိုးနှံရပါမည်၊ ၉ နှစ်အောက်ကလေးများယခင်ကတုပ်ကွေးကာကွယ်ဆေးထိူးနှံဖူးပါက တစ်ကြိမ်သာထိုးရန်လိုအပ်ပါသည်။ ၉ နှစ်အထက် ကလေးများနှင့် လူကြီးများကတော့ ယခင်ကရာသီတုပ်ကွေးကာကွယ်ဆေးထိုးနှံဖူးသည်ဖြစ်စေ၊ မထိုးနှံဖူးသည်ဖြစ်စေ တစ်ကြိမ်သာထိုးရန်လိုအပ်ပါသည်။ ရာသီတုပ်ကွေးကာကွယ်ဆေးကို တစ်နှစ်လျှင် တစ်ကြိမ် နှစ်စဉ်မှန်မှန်ထိုးနှံသင့်ပါသည်။

01/06/2023

သီရိမွန်ဆေးခန်းတွင် အောက်ပါကာကွယ်ဆေးအမျိုးမျိုးကို အရည်အသွေးစိတ်ချစွာ၊ စျေးနှုန်းမှန်ကန်စွာဖြင့် ထိုးနှံနိုင်ပါပြီ။ ကာကွယ်ဆေးများအတွက်လိုအပ်သည့်အပူချိန် 2 to 8 degree celsius အတွင်း အချိန်ပြည့်ရှိနေအောင် Medical grade vaccine refrigerator (ကာကွယ်ဆေးသီးသန့်ထားသိုရသည့်ရေခဲသေတ္တာ) ဖြင့် သိမ်းဆည်းထားသည့်အတွက် မီးပျက်လျှင်လည်း Cold chain ပျက်မှာ စိတ်ပူရန်မလိုပါ။

အသေးစိတ်စုံစမ်းရန်နှင့် စာရင်းပေးရန် -

09444707977

ဆေးခန်းသို့လာရောက်ထိုးနှံနိုင်သလို အိမ်အရောက်ဝန်ဆောင်မှုကိုလည်း အထူးသက်သာသော နှုန်းထားဖြင့် ဝန်ဆောင်မှုပေးလျက်ရှိပါသည်။

လိပ်စာ -
အမှတ် ၁၉၁၊ သီရိမြိုင် ၁၀ လမ်း၊ ၁၃ ရပ်ကွက်၊ လှိုင်မြို့နယ်၊ ရန်ကုန်။

09/04/2023

မြန်မာနှစ်သစ်ကူးကာလအတွင်း သီရိမွန်ဆေးခန်းအား ၁၃.၄.၂၀၂၃ မှ ၁၇.၄.၂၀၂၃ အထိခေတ္တပိတ်မည်ဖြစ်ပါသည်။

၁၈.၄.၂၀၂၃ နှစ်ဆန်းနှစ်ရက်နေ့တွင်ပုံမှန်အတိုင်းပြန်လည်ဖွင့်လှစ်ပါမည်။

30/03/2023

ကူးစက်ရောဂါတွေများပြားလှတဲ့ ကမ္ဘာကြီးမှာ မိမိနဲ့ မိမိချစ်ခင်ရသူတွေကို ရောဂါပိုးတွေကူးစက်ခြင်းမှ အတတ်နိုင်ဆုံးကာကွယ်ထားမယ်ဆိုရင် အကောင်းဆုံးပါ။

ဒီလိုကူးစက်ရောဂါတွေကိုကာကွယ်ဖို့အတွက် ကာကွယ်ဆေးအမျိုးမျိုးလည်းရှိလို့နေပါတယ်။

အဲဒီထဲကမှ အသည်းရောင်၊အသားဝါ ဘီပိုးကူးစက်ခြင်းကို ကာကွယ်လိုတယ်ဆိုရင်တော့ သီရိမွန်ဆေးခန်းရဲ့ ဘီပိုးကာကွယ်ဆေးထိုး ပက်ကေ့ချ်လေးနဲ့မိတ်ဆက်ပေးပါရစေ။

ဒီပက်ကေ့ချ်လေးမှာပါဝင်တဲ့ဝန်ဆောင်မှုတွေကတော့ -

✅ အသည်းရောင်အသားဝါဘီရောဂါအကြောင်းကိုဆရာဝန်မှ ဆွေးနွေးရှင်းပြခြင်း၊

✅ အသည်းရောင်၊ အသားဝါ ဘီပိုးရှိ/မရှိ သွေးစစ်ဆေးခြင်း၊

✅ ကာကွယ်ဆေးမထိုးမီ ကိုယ်ပူချိန်၊ သွေးပေါင်ချိန်၊ သွေးတွင်းအောက်စီဂျင်တိုင်းတာပေးခြင်း၊

✅ ဘီပိုးကာကွယ်ဆေး (၃) ကြိမ်ထိုးနှံခြင်း၊

✅ ကာကွယ်ဆေးထိုးပြီးနောက်ဓာတ်မတည့်မှုဖြစ်ပေါ်ခြင်းရှိ/မရှိစောင့်ကြည့်ပေးခြင်း၊

✅ ကာကွယ်ဆေးထိုးမှတ်တမ်းထုတ်ပေးခြင်း၊ (Hard copy/Soft copy)

📣အထက်ပါဝန်ဆောင်မှုတွေအားလုံးပါဝင်တဲ့ Package လေးက ၆၀,၀၀၀ ကျပ်သာ ကျသင့်မှာဖြစ်ပါတယ်။📣

ဘီပိုးကာကွယ်ဆေးထိုးနှံသင့်သူတွေကတော့ -

👉နိုင်ငံခြားသွားရောက်အလုပ်လုပ်ကိုင်မည့်သူများ၊

👉မွေးကင်းစကလေးများ၊

👉ဘီပိုးရှိသူနှင့်အတူနေသူများ/မိသားစုများ၊

👉ဘီပိုးရှိသူမိခင်မှမွေးဖွားလာသောကလေးများ၊

👉ကျန်းမာရေးစောင့်ရှောက်မှုပေးသူများ၊

👉ဆီးချိုရောဂါရှိသူများ၊

👉အသည်းရောဂါရှိသူများ၊

👉ကိုယ်ခံအားနည်းသူများ၊

👉မိမိကိုယ်ကိုဘီပိုးကူးစက်ခြင်းမှကာကွယ်လိုသူများ၊

ဘီပိုးကူးစက်နိုင်သည့်နည်းလမ်းများ -

🔍ဘီပိုးရှိသူနှင့် လိင်ဆက်ဆံခြင်း၊

🔍ဘီပိုးရှိသူ၏ခန္ဓာကိုယ်မှထွက်သောအရည်များနှင့်ထိတွေ့မိခြင်း၊

🔍ဘီပိုးရှိသည့်သွေးသွင်းမိခြင်း၊

🔍ဘီပိုးရှိသူနှင့် ဆေးထိုးအပ်၊ သွားတိုက်တံ၊ မုတ်ဆိတ်ရိတ်ဓား၊ နားကပ် စသည်တို့ကိုမျှဝေသုံးစွဲမိခြင်း၊

🔍တက်တူးထိုးခြင်း၊ နားဖောက်ခြင်း၊ စသည်တို့ကိုပြုလုပ်ရာတွင် တစ်ခါသုံးပစ္စည်းများအသုံးမပြုခြင်း၊ စသည်တို့ပဲဖြစ်ပါတယ်။

ဘီပိုးကာကွယ်ဆေး (၃) ကြိမ်ပြည့်အောင်ထိုးနှံပြီးသူတွေအနေနဲ့ ကာကွယ်ဆေးအောင်/မအောင် စစ်လိုလျှင်လည်း ဆေးခန်းမှာ အထူးသက်သာသောနှုန်းထားဖြင့်စစ်ဆေးပေးပါတယ်။

ဘီပိုးကာကွယ်ဆေးထပ်ဆောင်းထိုးလိုသူတွေအနေနဲ့ဆရာဝန်နှင့်အသေးစိတ်တိုင်ပင်ပြီး သက်သာသောနှုန်းထားဖြင့်ထိုးနှံနိုင်ပါတယ်။

ဆေးခန်းသို့လူကိုယ်တိုင်မလာရောက်လိုသူများအတွက် အိမ်အရောက်ကာကွယ်ဆေးထိုးဝန်ဆောင်မှုလည်းရှိပါတယ်။

ကာကွယ်ဆေးများရဲ့အရည်အသွေးပြည့်ဝစေရန် ကာကွယ်ဆေးသီးသန့်သိမ်းဆည်းရသည့် Medical grade vaccine refrigerator ဖြင့်ထားသိုသည့်အတွက် မီးပျက်လျှင်လည်း Cold chain ပျက်မှာ စိတ်ပူရန်မလိုပါ။

ကာကွယ်ဆေးများမထိုးနှံမီသိလိုတာတွေကြိုတင်မေးမြန်းထားချငိတယ်ဆိုရင်တော့ 09789100812 ကို Viber မှ ဆက်သွယ်ပြီးမေးမြန်းထားနိုင်ပါတယ်။

ဆက်သွယ်ရန် -
09789100812
09444707977

ဆေးခန်းလိပ်စာ -
အမှတ် ၁၉၁၊ သီရိမြိုင် ၁၀ လမ်း၊ ၁၃ ရပ်ကွက်၊ လှိုင်မြို့နယ်၊ ရန်ကုန်။

29/03/2023

ရာသီတုပ်ကွေးကာကွယ်ဆေး စောစောထိုးလိုသူများအတွက်သတင်းကောင်း 📣📣📣

မီးခဏခဏပျက်နေတဲ့ အချိန်မှာ Cold chain မပျက်အောင်ထိန်းပေးထားနိုင်တဲ့ ကာကွယ်ဆေးထိုးလို့ရမယ့်နေရာကိုရှာနေတာဆိုရင်တော့ သီရိမွန်ဆေးခန်းကိုရွေးချယ်ခြင်းဟာ အမှန်ကန်ဆုံးပါပဲ။

ကုမ္ပဏီမှတရားဝင်တင်သွင်းသော Cold chain စိတ်ချရသည့် Myanmar FDA approved ကာကွယ်ဆေးများသီရိမွန်ဆေးခန်းတွင်ထိုးနှံနိုင်ပြီဖြစ်ပါသည်။

စျေးနှုန်းအနေနဲ့ကတော့ -
လေးမျိုးစပ် ပြင်းထန်ရာသီတုပ်ကွေးကာကွယ်ဆေး

Influvac Tetra 2023 - 38,000 ကျပ် (ဆေးဖိုး+ဆရာဝန်မှဆေးထိုးနှံပေးခ အပြီးအစီး) ဖြစ်ပါတယ်။

ထိုးနှံနိုင်သည့်အသက်အရွယ် - အသက် (၆) လအရွယ်မှစတင်၍ထိုးနှံနိုင်ပါသည်။

အသက် (၉)နှစ်နှင့်အထက် တစ်ကြိမ်သာထိုးရန်လိုအပ်ပြီး အသက် (၉)နှစ်​အောက် က​လေးငယ်များ ယခင်က တုပ်​ကွေးကာကွယ်​ဆေးထိုးနှံဖူးခြင်းမရှိပါက စထိုးသည့်နှစ်တွင် တစ်လခြားပြီး (၂) ကြိမ်ထိုးရန်လိုအပ်ပါတယ်။ အသက် (၉) နှစ်​အောက် က​လေးငယ်များ ယခင်က တုပ်​ကွေးကာကွယ်​ဆေးထိုးနှံဖူးပါက တစ်ကြိမ်သာထိုးရန်လိုအပ်ပါသည်။

ထိုးနှံသင့်သူများ -
✅က​လေးငယ်များ
✅အသက်အရွယ်ကြီးသူဘိုးဘိုးဘွားဘွားများ
✅နာတာရှည်​ရောဂါအခံရှိသူများ
✅ကိုယ်ခံအားနည်းသူများ
✅​နေ့စဥ်လူထုထဲအလုပ်လုပ်​နေရပြီးကူးစက်နိုင်​ချေရှိသူများ
✅ကိုယ်ဝန်​ဆောင်မိခင်များ
✅ကျန်းမာ​ရေးလုပ်သားများ

***သွေးလွန်တုပ်ကွေးရောဂါကိုမကာကွယ်နိုင်ပါ***

ရာသီတုပ်​ကွေးကာကွယ်​ဆေးထိုးပြီး ၇ - ၁၀ ရက်ကြာမှကိုယ်ခံအား စထွက်တာမို့ တုပ်​ကွေးရာသီမစမီ ​စော​စောထိုး​လေ ပို​ကောင်း​လေပါ။

​​ဆေးခန်းသို့လာ​ရောက်ထိုးနှံနိုင်သလို အိမ်အ​ရောက်ဝန်​ဆောင်မှုလည်းရှိပါတယ်။ မြို့နယ်အလိုက် ခရီးစရိတ်အား အထူးသက်သာ​သောနှုန်းထားများဖြင့် စီစဥ်ထားပါတယ်။ တစ်​နေရာတည်းတွင် လူ (၁၀) ဦးနှင့်အထက်ထိုးနှံပါက ခရီးစရိတ်အခမဲ့ပါ။

ကာကွယ်​ဆေးများအရည်အ​သွေးအပြည့်အဝရ​စေရန် WHO အသိအမှတ်ပြု ကာကွယ်​ဆေးသီးသန့်ထားသိုသည့်​ရေခဲ​သေတ္တာ (Medical grade ice-lined refrigerator) ဖြင့်ထားသိုသည့်အတွက် မီးပျက်ခဲ့လျှင်တောင် ကာကွယ်ဆေးများအတွက်လိုအပ်သော အပူချိန် 2 to 8 degree အတွင်း နာရီ ၆၀ ကြာထိန်းပေးထားနိုင်သည်ဖြစ်သောကြောင့် အခုလိုမီးခဏခဏပျက်နေတဲ့အချိန်မှာ Cold chain ပျက်မှာ စိတ်ပူစရာမလို​တော့ပါ။

(ကုပ္မဏီများ၊​သင်တန်း​ကျောင်းများ၊စက်ရုံ၊အလုပ်ရုံများ၊ အသင်းအဖွဲ့များအတွက်အထူး​​စျေးနှုန်းများရှိပါတယ်။)

ကြိုတင်စာရင်း​ပေးရန်နှင့်စုံစမ်း​မေးမြန်းရန်
09444707977 (Viber, Phone call)
09789100812 (Viber)

လိပ်စာ
အမှတ် ၁၉၁၊ သီရိမြိုင် ၁၀ လမ်း၊ ၁၃ ရပ်ကွက်၊ လှိုင်မြို့နယ်၊ ရန်ကုန်။

25/03/2023

စောစောထိုး စောစောကာကွယ် ရာသီတုပ်ကွေးအန္တရာယ်

2023 ခုနှစ်အတွက် ရာသီတုပ်ကွေးကာကွယ်ဆေးထိုးလို့ရပါပြီ။

Influvac Tetra 2023 - 38,000 ကျပ်
Vaxigrip Tetra 2023 - 36,000 - 45,000 ကျပ်

(ဆေးဖိုး+ဆရာဝန်နှင့်ဆေးထိုးနှံခအပြီးအစီး)

09789100812
09444707977

အမှတ် ၁၉၁၊ သီရိမြိုင် ၁၀ လမ်း၊ ၁၃ ရပ်ကွက်၊ လှိုင်မြို့နယ်၊ ရန်ကုန်။

ဆေးခန်းသို့လာရောက်ထိုးနှံနိုင်သလို အိမ်အရောက်ဝန်ဆောင်မှုလည်းရှိပါတယ်။

07/03/2023

၂၀၂၃ ခုနှစ်အတွက် ရာသီတုပ်ကွေးကာကွယ်ဆေး စောစောထိုးလိုသူများအတွက်သတင်းကောင်း . . .

၂၀၂၃ ခုနှစ်အတွက် ပြင်းထန်ရာသီတုပ်ကွေးကာကွယ်ဆေးများ မတ်လကုန် ဧပြီလဆန်းတွင်ရောက်ဖို့ရှိပါတယ်။

စျေးနှုန်းအနေနဲ့ကတော့ -
Vaxigrip Tetra 2023 -45,000 ကျပ်ဝန်းကျင်နဲ့
Influvac Tetra 2023 - 38,000 ကျပ်ဝန်းကျင် ဖြစ်ပါမယ်။ စျေးနှုန်းအတိအကျကို ဆေးများရောက်ရှိတဲ့အခါတင်ပေးပါမယ်။

ထိုးနှံနိုင်သည့်အသက်အရွယ် - အသက် (၆) လအရွယ်မှစတင်၍ထိုးနှံနိုင်ပါသည်။

အသက် (၉)နှစ်နှင့်အထက် တစ်ကြိမ်သာထိုးရန်လိုအပ်ပြီး အသက် (၉)နှစ်​အောက် က​လေးငယ်များ ယခင်က တုပ်​ကွေးကာကွယ်​ဆေးထိုးနှံဖူးခြင်းမရှိပါက စထိုးသည့်နှစ်တွင် တစ်လခြားပြီး (၂) ကြိမ်ထိုးရန်လိုအပ်ပါတယ်။ အသက် (၉) နှစ်​အောက် က​လေးငယ်များ ယခင်က တုပ်​ကွေးကာကွယ်​ဆေးထိုးနှံဖူးပါက တစ်ကြိမ်သာထိုးရန်လိုအပ်ပါသည်။

ထိုးနှံသင့်သူများ -
✅က​လေးငယ်များ
✅အသက်အရွယ်ကြီးသူဘိုးဘိုးဘွားဘွားများ
✅နာတာရှည်​ရောဂါအခံရှိသူများ
✅ကိုယ်ခံအားနည်းသူများ
✅​နေ့စဥ်လူထုထဲအလုပ်လုပ်​နေရပြီးကူးစက်နိုင်​ချေရှိသူများ
✅ကိုယ်ဝန်​ဆောင်မိခင်များ
✅ကျန်းမာ​ရေးလုပ်သားများ

ရာသီတုပ်​ကွေးကာကွယ်​ဆေးထိုးပြီး ၇ - ၁၀ ရက်ကြာမှကိုယ်ခံအား စထွက်တာမို့ တုပ်​ကွေးရာသီမစမီ ​စော​စောထိုး​လေ ပို​ကောင်း​လေပါ။

​​ဆေးခန်းသို့လာ​ရောက်ထိုးနှံနိုင်သလို အိမ်အ​ရောက်ဝန်​ဆောင်မှုလည်းရှိပါတယ်။ မြို့နယ်အလိုက် ခရီးစရိတ်အား အထူးသက်သာ​သောနှုန်းထားများဖြင့် စီစဥ်ထားပါတယ်။ တစ်​နေရာတည်းတွင် လူ (၁၀) ဦးနှင့်အထက်ထိုးနှံပါက ခရီးစရိတ်အခမဲ့ပါ။

ကာကွယ်​ဆေးများအရည်အ​သွေးအပြည့်အဝရ​စေရန် WHO အသိအမှတ်ပြု ကာကွယ်​ဆေးသီးသန့်ထားသိုသည့်​ရေခဲ​သေတ္တာ (Medical grade ice-lined refrigerator) ဖြင့်ထားသိုသည့်အတွက် မီးပျက်ခဲ့လျှင်တောင် ကာကွယ်ဆေးများအတွက်လိုအပ်သော အပူချိန် 2 to 8 degree အတွင်း နာရီ ၆၀ ကြာထိန်းပေးထားနိုင်သည်ဖြစ်သောကြောင့် အခုလိုမီးခဏခဏပျက်နေတဲ့အချိန်မှာ Cold chain ပျက်မှာ စိတ်ပူစရာမလို​တော့ပါ။

(ကုပ္မဏီများ၊​သင်တန်း​ကျောင်းများ၊စက်ရုံ၊အလုပ်ရုံများ၊ အသင်းအဖွဲ့များအတွက်အထူး​​စျေးနှုန်းများရှိပါတယ်။)

ကြိုတင်စာရင်း​ပေးရန်နှင့်စုံစမ်း​မေးမြန်းရန်
09444707977 (Viber, Phone call)
09789100812 (Viber)
Page messenger

ဆေးခန်းလိပ်စာ
အမှတ် ၁၉၁၊ သီရိမြိုင် ၁၀ လမ်း၊ ၁၃ ရပ်ကွက်၊ လှိုင်မြို့နယ်၊ ရန်ကုန်။