24/01/2026
မွေးရာပါနှလုံးရောဂါသည်တွေ ကိုယ်ဝန်ရနိုင်လား❓
မွေးရာပါ နှလုံးရောဂါရှိတဲ့ အမျိုးသမီးတွေမှာ ကိုယ်ဝန်မဆောင်မီ သားဖွားမီးယပ်ဆရာဝန်၊ နှလုံးအထူးကုဆရာဝန်တို့နဲ့ ကြိုတင်အသိပေး တိုင်ပင်ဖို့ လိုအပ်ပါတယ်။ဘာကြောင့်လဲဆို မိမိနှလုံးရဲ့ အခြေအနေပေါ် မူတည်ပြီး လိုအပ်တဲ့ ဆေးစစ်မှုများကို ပုံမှန်ပြုလုပ်ဖို့ လိုအပ်တာကြောင့်ဖြစ်ပါတယ်။
ဒါ့အပြင် မွေးရာပါ နှလုံးရောဂါရှိတဲ့ အမျိုးသမီးတွေဟာ အဆင်ပြေစွာ ကလေးမွေးဖွားနိုင်ဖို့အတွက် ပုံမှန်ကိုယ်ဝန်ဆောင်မိခင်များထက် ပိုဂရုစိုက်ဖို့နဲ့ ကြိုတင်ပြင်ဆင်မှုများ ပြုလုပ်ဖို့ လိုအပ်ပါတယ်။
💢ဆေးဝါးသောက်သုံးခြင်း
မွေးရာပါ နှလုံးရောဂါရှိတဲ့ အမျိုးသမီးတွေမှာ မိမိသောက်နေတဲ့ဆေးများဟာ သန္ဓေသားကို ထိခိုက်နိုင်ခြင်း ရှိ၊ မရှိ ဆရာဝန်နဲ့ တိုင်ပင်ပါ။ဒါ့အပြင် ဆေးကို ဆရာဝန်ညွှန်ကြားချက်အတိုင်း သောက်သင့်ပါတယ်။
💢ကိုယ်ဝန်ဆောင်စဉ် အပြောင်းအလဲများ
ကိုယ်ဝန်ဆောင်ချိန်မှာ နှလုံးဟာ ပုံမှန်ထက် ၄၀ ရာခိုင်နှုန်း ပိုအလုပ်လုပ်ရတာကြောင့် မောပန်းခြင်း၊ သွေးပေါင်ကျခြင်းနဲ့ သွေးခဲနိုင်ခြေ ပိုဖြစ်နိုင်ပါတယ်။
💢ကလေးမွေးဖွားခြင်း
ဖြစ်နိုင်ပါက မွေးရာပါ နှလုံးရောဂါရှိတဲ့ အမျိုးသမီးတွေဟာ သဘာဝအတိုင်း မွေးဖွားခြင်း (Normal Delivery)ဟာ အကောင်းဆုံးဖြစ်ပြီး၊ လိုအပ်မှသာ ခွဲစိတ်မွေးဖွားခြင်း (C-Section) ကို ရွေးချယ်သင့် ပါတယ်။
💢ဖြစ်နိုင်တဲ့ ဘေးထွက်ဆိုးကျိုးများ
❌🚫 မွေးရာပါ နှလုံးရောဂါရှိတဲ့ အမျိုးသမီးတွေဟာ နှလုံးခုန်မမှန်ခြင်း၊ နှလုံးအားနည်းခြင်းတို့ ဖြစ်နိုင်သလို၊ကိုယ်ဝန်ပျက်ကျခြင်း၊ လမစေ့ဘဲမွေးခြင်းနဲ့ ပေါင်မပြည့်ပဲ မွေးဖွားခြင်းတို့ ဖြစ်တတ်ပါတယ်။
✅ဒါကြောင့် ဖော်ပြပါ အချက်တွေကို လိုက်နာကျင့်သုံးသင့်ပါတယ်။
✔ပုံမှန် ဆေးစစ်ဆေးချက် ခံယူပါ။
✔အနားယူချိန် များများထားပါ။
✔ကိုယ်အလေးချိန် ထိန်းသိမ်းပြီး စိတ်ဖိစီးမှု လျှော့ချပါ။
✔ဆေးလိပ်၊ အရက်နဲ့ မူးယစ်ဆေးဝါးများကို လုံးဝရှောင်ကျဉ်ပါ။
ဒါကြောင့် နှလုံးရောဂါရှိလည်း ဆရာဝန်နဲ့ စနစ်တကျတိုင်ပင်ပြီး မိမိကိုယ်ကိုယ် ကျန်းမာအောင် နေထိုင်ပါက ဘေးကင်းစိတ်ချစွာဖြင့် မိခင်ဘဝကို ပိုင်ဆိုင်နိုင်မှာ ဖြစ်ပါတယ်။❤
#နှလုံးကျန်းမာရေး #မွေးရာပါနှလုံးရောဂါ #ကိုယ်ဝန်ဆောင်ကျန်းမာရေး
----------------------------------------------------------------------------------------
