TK Counselling Service

TK Counselling Service Contact information, map and directions, contact form, opening hours, services, ratings, photos, videos and announcements from TK Counselling Service, Mental Health Service, No. 19 (1st floor), 20th Street (Lower Block), Latha Township, Yangon.

လူ​တွေမှာ စိုးရိမ်ပူပန်မှုရှိတာက သာမန်ခံစားချက်တစ်ခုဖြစ်ပေမယ့် အချို့သူများတွင် ထိန်းချုပ်ရခက်ပြီး လွန်ကဲသော စိုးရိမ်ပူပ...
17/09/2025

လူ​တွေမှာ စိုးရိမ်ပူပန်မှုရှိတာက သာမန်ခံစားချက်တစ်ခုဖြစ်ပေမယ့် အချို့သူများတွင် ထိန်းချုပ်ရခက်ပြီး လွန်ကဲသော စိုးရိမ်ပူပန်မှုများ (Uncontrollable Anxiety) အဖြစ် ကြုံတွေ့ရတာမျိုးရှိတတ်ပါတယ်။

ဒါဟာ ပုံမှန် စိတ်လှုပ်ရှားမှုမျိုး မဟုတ်ဘဲ နေ့စဥ်ဘဝကို ထိခိုက်စေနိုင်တဲ့ စိတ်ကျန်းမာရေးဆိုင်ရာ အခြေအနေတစ်ခုဖြစ်တဲ့ Generalized Anxiety Disorder နဲ့ဆက်စပ်မှု ရှိ​ပါတယ်​နော်။

ဒါကို မြင်သာအောင် ပြောပြရရင်...

တစ်ခါတရံ ကျွန်မတို့ဟာ မလိုအပ်ဘဲ အရာရာကို စိုးရိမ်ပူပန်မိတတ်ပါတယ်။ အနာဂတ်ကိစ္စရပ်တွေ၊ လက်ရှိအခက်အခဲတွေ၊ အတိတ်က အမှားတွေအကြောင်း ထပ်ခါထပ်ခါ တွေးမိပြီး စိတ်မငြိမ်သက်ဖြစ်ရတတ်ပါတယ်။

တစ်ခါတစ်ရံမှာ စိုးရိမ်စိတ်တွေဟာ မိမိမှာ ထိန်းချုပ်လို့မရအောင် ကြီးမားနေတတ်ပြီး အိပ်ရေးပျက်ခြင်း၊ အာရုံစူးစိုက်နိုင်မှုနည်းခြင်း၊ နေ့စဥ်လုပ်ငန်းဆောင်တာတွေကို ထိခိုက်စေနိုင်တဲ့အထိပါပဲ။

အထူးသဖြင့်...

💭 မဖြစ်သေးတဲ့ အရာတွေကို အလွန်အမင်း စိုးရိမ်ပူပန်ခြင်း

💭 အတိတ်က အဖြစ်အပျက်တွေကို ပြန်လည်စဉ်းစားပြီးနောင်တရခြင်း

💭 လက်ရှိအခြေအနေတွေကို အဆိုးမြင်စွာ ချဉ်းကပ်တတ်ခြင်း

💭 ရုတ်တရက် ထွက်ပေါက်မရှိသလို ခံစားရခြင်း

💭 ဆုံးဖြတ်ချက်ချရန်​ ​တွေ​​ဝေ​နေခြင်း

စတဲ့ အ​ခြေအ​နေ​တွေ ရှိလာတတ်ပါတယ်။

ဒါ​ကြောင့် စိုးရိမ်စိတ်များလာပြီး ထိန်းချုပ်ရခက်လာရင် ​စိအောက်ပါအတိုင်း လုပ်​ဆောင်ကြည့်လို့ရပါတယ်​နော်။

၁။ မိနစ်အနည်းငယ် အသက်ရှူလေ့ကျင့်ခန်းလုပ်ပါ။

၄-၇-၈ နည်းလမ်း (ရှူသွင်း ၄ စက္ကန့်၊ အောင့် ၇ စက္ကန့်၊ ရှူထုတ် ၈ စက္ကန့်) ကို တစ်နေ့လျှင် ၅ ကြိမ်ခန့် ပြုလုပ်ပါ။ မိနစ်အနည်းငယ်လောက် မှန်မှန်ရှူပေးတာက စိတ်ကိုတည်ငြိမ်စေပါတယ်။

၂။ လက်ရှိအခိုက်အတန့်ကို အာရုံစိုက်ပါ။

သင့်ပတ်ဝန်းကျင်ရှိ အရာဝတ္ထုများ၊ အသံများ၊ အနံ့များကို သတိထားမိအောင်ကြိုးစားပါ။ ဒါ့အပြင် မိနစ် ၂၀ ခန့် တရားထိုင်​ပေးပါ။ ဒီလို​လောင်​ဆောင်တာက သင့်ရဲ့စိတ်ကိုပြန်လည်တည်ငြိမ်စေရန် အထောက်အကူပြု​ပေးနိုင်ပါတယ်။

၃။ ကိုယ်လက်လှုပ်ရှားမှုပြုလုပ်ပါ။

လမ်းအနည်းငယ်လျှောက်တာ၊ ယောဂလုပ်တာက စိုးရိမ်စိတ်ကို လျော့ပါးစေပါတယ်။

၄။စိုးရိမ်စိတ်ဖြစ်​စေတဲ့အရာ​တွေကို ချရေးပါ။

သင်စိုးရိမ်နေတဲ့အရာ​တွေကို အသေးစိတ်ရေးချပါ။ ပြီးရင် ၎င်းတို့အတွက် ဖြေရှင်းနိုင်သောနည်းလမ်း​တွေကို စဉ်းစားကြည့်ပါ။

၅။ အိပ်ရေးဝအောင်အိပ်ပါ နှင့် အာဟာရမျှတအောင်စားပါ။

အိပ်ရေးပျက်ခြင်းနှင့် သကြားဓာတ်များလွန်းသောအစားအစာများက စိုးရိမ်စိတ်ကို ပိုမိုဆိုးရွားစေနိုင်ပါတယ်။

၆။ လူမှုရေးအကူအညီရယူပါ။

တစ်ခါတရံမှာ စိုးရိမ်ပူပန်စိတ်များကို သင့်ရဲ့ မိသားစု၊ မိတ်ဆွေများနှင့် စကားပြောရုံမျှဖြင့်ပင် စိတ်ထဲပေါ့ပါးသွားစေနိုင်ပါတယ်။

ဒီလို စိုးရိမ်ပူပန်မှုတွေဟာ ပုံမှန်ထက် ပိုမိုဆိုးရွားလာပြီး မိမိရဲ့ နေ့စဥ်ဘဝနဲ့ လုပ်ငန်းဆောင်တာတွေကို ထိခိုက်လာပြီဆိုပါက ကျွမ်းကျင်သူတွေနဲ့ ဆွေးနွေးတိုင်တာက ပိုပြီးထိရောက်မှုရှိနိုင်ပါတယ်​နော်

မိမိက လိုအပ်တာထက် ပိုပြီး စိုးရိမ်စိတ် များ​နေပြီး ထိန်းချုပ်ရ ခက်ခဲနေတာမျိုးဆိုရင် ကိုယ့်ကိုယ်ကိုယ် ​ကောင်းစွာ ဂရုစိုက်ခြင်း၊ ကိုယ်လက်လှုပ်ရှားမှု ပြုလုပ်ခြင်းနှင့် လိုအပ်ပါက အခြားသူများထံမှ အကူအညီတောင်းခံခြင်းတို့ဖြင့် စိုးရိမ်စိတ်​တွေကို ​အောင်​​အောင်မြင်မြင် လျှော့ချနိုင်မည်ဖြစ်ပါတယ်။

လူတိုင်း လူတိုင်း စိုးရိမ်ပူပန်စိတ်များ ကင်း​ဝေးကာ ကျန်းမာ​ပျော်ရွှင်ကြပါ​စေရှင့်။

စိုးရိမ်စိတ်များတဲ့သူ​တွေအ​နေဖြင့် ၎င်းကို သက်သာ​ပျောက်ကင်း​စေဖို့ TK Counselling Service မှာ ဆွေးနွေးမေးမြန်းအကြံဥာဏ်ရယူနိုင်ပါတယ်ရှင့်။

👩‍🎓Dr.Khin Aye Soe
( Counselling Pshologist)

တွေက ဆွဲဆောင်မှု ရှိတယ်လို့ ထင်မြင်နေရတဲ့ နောက်ကွယ်က အကြောင်းရင်းများ ဆေးဘက်ဆိုင်ရာ နှင့် စိတ်ပညာရှုထောင့်မှ ကြည့်လျှင...
14/09/2025

တွေက ဆွဲဆောင်မှု ရှိတယ်လို့ ထင်မြင်နေရတဲ့ နောက်ကွယ်က အကြောင်းရင်းများ

ဆေးဘက်ဆိုင်ရာ နှင့် စိတ်ပညာရှုထောင့်မှ ကြည့်လျှင်.....

Psychopath ​တွေမှာ ပုံမှန်လူထက် အန္တရာယ်ကို မကြောက်ရွံ့သော၊ စိတ်ခံစားမှု ကင်းမဲ့သော လက္ခဏာများ ရှိကြပါတယ်။

ဒါဟာ သူတို့ရဲ့ ဦးနှောက် လုပ်ဆောင်ပုံ ချို့ယွင်းမှုများ​ကြောင့် ရရှိလာခြင်းဖြစ်ပြီး ထိုလက္ခဏာ​တွေကပဲ တချို့​သောအ​ခြေအနေများတွင် "ဆွဲဆောင်မှု" အဖြစ် ထင်မြင်ရခြင်း ဖြစ်ပါတယ်။

ပုံမှန်​လူ​တွေအ​ပေါ် ဆွဲ​ဆောင်ရှိ​စေတဲ့ ​နောက်ကွယ်က အ​ကြောင်းအရင်း​တွေက​တော့ အောက်ပါအတိုင်း ဖြစ်ပါတယ်​။

1️⃣ Amygdala Dysfunction (Amygdala လုပ်ဆောင်မှု ချို့ယွင်းခြင်း)

Amygdala ဆိုတာ ဦးနှောက်ရဲ့ စိတ်ခံစားမှုဆိုင်ရာ ဗဟိုဌာနဖြစ်ပါတယ်။ Psychopathsတွေမှာ ဤအစိတ်အပိုင်းရဲ့ လုပ်ဆောင်မှု သိသိသာသာ လျော့နည်းနေပြီး၊ အထူးသဖြင့် ကြောက်ရွံ့မှု၊ စိုးရိမ်မှု၊ ကရုဏာ နှင့် အပြစ်ရှိမှု စသောဆိုရွားသော စိတ်ခံစားမှုများကို မှန်ကန်စွာ မခံစားနိုင်ခြင်း ဖြစ်ပါတယ်။

ဒါ​ကြောင့်မို့ သူတို့​ဟာ လူအများ ကြောက်ရွံ့တုန်လှုပ်​​ရသည့် အန္တရာယ်ရှိသော အခြေအနေမျိုးတွင်ပင် စိုးရိမ်ကြောင့်ကြမှု ကင်းမဲ့ပြီး အေးဆေးတည်ငြိမ်စွာ ပြုမူ​နေထိုင်နိုင်ကြပါတယ်။

ထိုသို့သော " တည်ငြိမ်ခန့်ညားစွာ " ပြုမူနိုင်မှု၊သူတို့ရဲ့ ရဲရင့်မှု၊ စိတ်ဓာတ်ခိုင်မာမှု နှင့် ဖိစီးမှုအောက်တွင် အေးဆေးတည်ငြိမ်နေနိုင်မှု တို့က ပုံမှန်လူ​တွေအတွက် အထင်ကြီး​လေးစားမှု ဖြစ်​စေပါတယ်။

သို့သော် ဒီလို ကြောက်ရွံ့မှု ကင်းမဲ့ခြင်းက သူတို့ကိုယ်သူတို့အတွက်သာမက အခြားသူများအတွက်ပါ အန္တရာယ်ရှိနိုင်ပါတယ်။

ဘာ​လို့လဲဆိုရင် စိတ်ပညာအရ ကြောက်စိတ်ကင်းမဲ့တဲ့သူ​တွေဟာ ကျိုး​ကြောင်းဆင်ခြင်နိုင်စွမ်းနည်းတဲ့အတွက် ဘယ်အရာကိုမဆို အကြမ်းဖက်မှုရှိနိုင်ခြင်း၊ လူသတ်ခြင်း ကဲ့သို့​သော လုပ်ရဲသော သဘောထား ရှိနိုင်တာမို့လို့ ဖြစ်ပါတယ်။

2️⃣ Prefrontal Cortex လုပ်​ဆောင်မှု ပုံမမှန်ခြင်း

လူ​တွေမှာ ဦး​နှောက်​ရဲ့ ရှေ့ပိုင်း (Prefrontal Cortex)ဟာ ဆင်ခြင်တုံတရား၊ ဆုံးဖြတ်ချက်ချမှတ်ခြင်း၊ အမူအကျင့်ထိန်းချုပ်မှု နှင့် ရေရှည်အကျိုးကျေးဇူးများအတွက် လက်ရှိဆန္ဒများကို ရွေးချယ်ခြင်း တို့ကို ထိန်းချုပ်ပေးသော အစိတ်အပိုင်း ဖြစ်ပါတယ်။

သို့​သော် Psychopaths ​တွေမှာ Prefrontal Cortex လုပ်​ဆောင်မှုက ပုံမှန်အတိုင်း အလုပ်မလုပ်တဲ့အတွက် သူတို့ဟာ ဆုံးဖြတ်ချက်ချရာမှာ မဆင်မခြင်၊ စွန့်စားမှုများကို မ​ကြောက်ရွံ့ဘဲ လုပ်ရဲကိုင်ရဲ တတ်ကြပါတယ်။

ထိုအပြုအမူများက ပုံမှန်လူ​တွေအတွက် စိတ်လှုပ်ရှားဖွယ်၊ စွန့်စားခန်း ဆန်သော၊အခြားသူများ မလုပ်ရဲတာကို ရဲရဲဝံ့ဝံ့ လုပ်နိုင်​သော သူ​တွေအဖြစ် မြင်ရတာက ဆွဲဆောင်မှု ရှိ​စေတာ ဖြစ်ပါတယ်။ ဒီလို စွန့်စားမှု​တွေလုပ်ရဲတာဟာ သူတို့ရဲ့စစ်မှန်တဲ့သတ္တိ​ကြောင့် မဟုတ်ဘူးဆိုတာကို သိနားလည်ထားရပါမယ်။

3️⃣ Cognitive Empathy မြင့်မားခြင်း

Psychopath တွေမှာ တစ်ဖက်လူအ​ပေါ် မျှ​ဝေခံစားတတ်တဲ့ စာနာမှု (Emotional Empathy) မရှိပေမယ့်၊ သူများတွေ ဘယ်လိုခံစားနေရမှန်း ဦးနှောက်နဲ့ ခွဲခြမ်းစိတ်ဖြာပြီး သိလို့ရတဲ့ စာနာမှု (Cognitive Empathy) ကတော့ အရမ်းကောင်းပါတယ်။

နားလည်​အောင်​ပြောရရင် Cognitive Empathy ဆိုတာ...

အခြားသူများ ဘယ်လိုခံစားနေရသည်၊ဘာကို လိုချင်သည်၊ ဘာကို ကြောက်ရွံ့နေသည် ဆိုတာကို ဦး​နှောက်နဲ့ ခွဲခြမ်းစိတ်ဖြာ နားလည်နိုင်သော စွမ်းရည်ဖြစ်ပါတယ်။ Psychopaths ​တွေမှာ ဒီစွမ်းရည် အလွန်မြင့်မားပါတယ်။

ဒါကြောင့် သူတို့ဟာ လူတွေရဲ့ အားနည်းချက်၊ ​ပျော့ကွက်​တွေ၊ အလိုဆန္ဒ​တွေကို အလွယ်တကူ သိနားလည်ပြီး အဲဒါတွေကို သူတို့ရဲ့ အကျိုးစီးပွားအတွက် အသုံးချတတ်​တဲ့နေရာမှာ အလွန်​တော်ကြပါတယ်။

ဤကဲ့သို့ "လူ​တွေရဲ့စိတ်ကို ဖတ်နိုင်စွမ်း" ​ကြောင့် ထိရောက်သော ဆက်သွယ်ပြောဆိုနိုင်တဲ့အတွက် ပုံမှန်လူတွေအတွက် ဆွဲဆောင်မှုရှိ​စေတာ ဖြစ်ပါတယ်။

4️⃣ Lack of Guilt (အပြစ်ရှိတယ်လို့ မခံစားရခြင်း)

အပြစ်ရှိမှု သို့မဟုတ် နောင်တ ရမှုဆိုတာ လူ​တွေမှာ ရှိကြတဲ့ကိုယ်ကျင့်တရားရဲ့ အနှစ်သာရ ဖြစ်ပါတယ်။

သို့​သော် Psychopaths ​တွေမှာ ဒီလို စိတ်ခံစားမှုလုံးဝ မရှိ​သောကြောင့် သူတို့ရဲ့ လုပ်ရပ်​တိုင်းအတွက် ဘယ်လိုမှ စိုးရိမ်ပူပန်မှု မရှိတတ်ကြပါ။ ဒါကြောင့် သူတို့စိတ်ထဲမှာ ရှိတာကို ယုံကြည်မှုအပြည့်နဲ့ မဆိုင်းမတွ လုပ်တတ်ကြ​ခြင်းပဲ ဖြစ်ပါတယ်။

ဒီလို "ယုံကြည်မှု ပြည့်ဝနေတဲ့" ပုံစံက ပုံမှန်လူ​တွေအတွက် ဆွဲဆောင်မှု ရှိစေပြီး ခေါင်းဆောင်တစ်​ယောက်ရဲ့ လက္ခဏာကဲ့သို့ ထင်မြင်ရစေပါတယ်။

သို့သော် ဒါက ကိုယ်ကျင့်တရားဆိုင်ရာ လမ်းကြောင်းမှန်ပေါ်မှ မဟုတ်ဘဲ စိတ်ခံစားမှုကင်းမဲ့မှုမှ ပေါ်ပေါက်လာခြင်းသာ ဖြစ်တယ် ဆိုတာကို ခွဲခြားပြီး သိနားလည်ဖို့ လိုပါမယ်။

5️⃣ Low Fear Response (ကြောက်ရွံ့မှု နည်းပါးခြင်း) & Impulsivity (စိတ်လိုက်မာန်ပါ ပြုမူခြင်း)

Psychopath​ တွေမှာ Amygdala ရဲ့ လုပ်ဆောင်မှုချို့ယွင်းမှုကြောင့် သူတို့ရဲ့ ကြောက်ရွံ့ မှု တုံ့ပြန်မှု (Fear Response) က ပုံမှန်လူ​တွေထက် အလွန်နိမ့်ကျ​နေတတ်ပါတယ်။

ဒီအချက်က သူတို့အတွက် စွန့်စားမှုများကို ရဲရဲဝံ့ဝံ့ လုပ်ဆောင်ခြင်း၊ အသစ်အဆန်းကို စမ်းသပ်လိုခြင်း နှင့် အခြေအနေသစ်များတွင် လျင်မြန်စွာ လိုက်လျောညီထွေ နေထိုင်နိုင်ခြင်းစတဲ့လက္ခဏာများကို ဖြစ်ပေါ်စေတာပဲ ဖြစ်ပါတယ်။

ဒီလို "လွတ်လပ်ပြီး ရဲတင်းသော" လှုပ်ရှားမှု​တွေကပဲ ပုံမှန်လူ​တွေအတွက် စိတ်ဝင်စားမှုဖြစ်စေပြီး ဆွဲဆောင်မှု ရှိစေတာဖြစ်ပါတယ်။

6️⃣ Social Manipulation (လူမှုဆက်ဆံရေးတွင် အခြားသူများအား လှည့်စားခြယ်လှယ်ခြင်း)

Psychopaths အများစုဟာ Machiavellian Traits ခေါ်​သော လူမှုရေးနယ်ပယ်တွင် အခြားသူများအား လှည့်စားခြယ် လှယ်ကာ သူတို့ရဲ့ရည်မှန်းချက်များကို အကောင်အထည်ဖော်နိုင်တဲ့ စွမ်းရည်မြင့်မားကြပါတယ်။

သူတို့ရဲ့ ​ပြေပြစ်​​သော စကားပြောဆိုမှု၊ အခြားသူများရဲ့ အားသာချက်/အားနည်းချက်များကို ချက်ချင်းသိရှိနိုင်မှု နှင့် အခြေအနေတိုင်းကို သူတို့ရဲ့ အကျိုးအတွက် လှည့်ကွက်ထိုးနိုင်မှု တို့ကြောင့် လူအများကို အလွယ်တကူ သြဇာသက်ရောက်မှုရှိစေတတ်ပါတယ်။

ဤသို့သော "နိုင်နင်းသော လူမှုဆက်ဆံရေးစွမ်းရည်" က တခြားသူများအတွက် ဆွဲဆောင်မှုတစ်ခုအဖြစ် ပေါ်လွင်စေ​​သော်လည်း ဒါက ရိုးသားသော ဆက်ဆံရေး မဟုတ်ဘဲ သူတို့ရဲ့ လှည့်ကွက်ပေါ်တွင် အခြေခံထားခြင်းကို သိနားလည်ထားဖို့ လိုပါမယ်။

7️⃣ Social Dominance (လူမှုဆက်ဆံရေးတွင် လွှမ်းမိုးလိုစိတ်ရှိခြင်း)

Psychopaths ​တွေဟာ လူမှုအသိုင်းအဝိုင်းအတွင် ဩဇာနှင့် ထိန်းချုပ်မှု (Dominance and Control) အပြည့်အဝ ရယူလိုကြပါတယ်။

သူတို့ရဲ့ ယုံကြည်မှုပြည့်ဝသော ကိုယ်ဟန်အမူအရာ၊ စကားပြောဟန်အရည်အသွေး နှင့် အခြားသူများအပေါ် စိတ်ခံစားမှု လုံးဝမရှိဘဲ ဆုံးဖြတ်ချက် ချမှတ်နိုင်မှု တို့ဟာ ခေါင်းဆောင်​ကောင်း တစ်​ယောက်လို ပြတ်သားသည့် ပင်ကိုယ်စရိုက်ဖြင့် ပြုမူတတ်ကြပါတယ်။

ဒီလို ခိုင်မာသည့် ပင်ကိုယ်စရိုက်ကို တခြားသူ​တွေက သူတို့အတွက် ယုံကြည်အားထားရသူ၊ ကာကွယ်​ပေးနိုင်သူ အဖြစ် မှားယွင်းစွာ အထင်ကြီးတတ်ကြပါတယ်။ သို့​သော် ဒီအရာ​တွေက သူတို့ရဲ့အကျိုးအမြတ်အတွက် လူ​တွေကို လွှမ်းမိုး ချုပ်ကိုင်ခြင်းသာ ဖြစ်ပါတယ်။

သတိပြုရန် — ဒီလက္ခဏာတွေက ပုံမှန်လူ​တွေအတွက် ဆွဲဆောင်မှု ရှိတယ်လို့ ထင်မြင်နိုင်ပေမယ့်...

အထက်​ဖော်ပြပါ အ​ကြောင်းအရင်း​တွေဟာ ကျန်းမာသော လူမှုဆက်ဆံရေး၊ ယုံကြည်မှုနှင့် ရေရှည်သစ္စာတရား အတွက် အလွန်ပျက်စီး​စေနိုင်သော စရိုက်လက္ခဏာ​​တွေ ဖြစ်ပါတယ်။

Psychopath တစ်ဦးနဲ့ ပတ်သက်ဆက်နွယ်​နေရတဲ့ ဆက်ဆံရေးတိုင်းဟာ တစ်ဖက်သတ် အသုံးချခံရခြင်း၊ စိတ်ပိုင်းဆိုင်ရာ နှိပ်စက်ညှဉ်းပန်းခံရခြင်း နှင့် နောက်ဆုံးတွင် စိတ်ထိခိုက်ဒဏ်ရာရခြင်း၊ စိတ်ခံစားမှု အလွဲသုံးစားလုပ်ခံရခြင်း တို့ဖြင့် အဆုံးသတ်​လေ့ ရှိကြပါတယ်။

ဒါကြောင့် သူတို့ရဲ့ ဆွဲဆောင်မှု​နောက်ကို ပါမသွားဘဲ သတိထားပြီး​ ​ကိုယ့်အတွက် အန္တရာယ်ဖြစ်လာနိုင်တယ်ဆိုတာ မမေ့သင့်ပါဘူး​နော်။

လူတိုင်း လူတိုင်း စိတ်​ရောကိုယ်ပါ ကျန်းမာကြပါ​စေရှင့်။

လွတ်လပ်စွာ share လို့ရပါတယ်။ကူးယူပြန်တင်ခွင့်မပြုပါရှင့်။

မိမိတို့ရဲ့ စိတ်ပိုင်းဆိုင်ရာအခက်အခဲများကို ဆရာမနှင့်အတူ ​ဆွေး​နွေးတိုင်ပင်လိုပါက TK Counselling Service တွင် mental health counseling package ယူလို့ရပါတယ်ရှင့်။

အ​သေးစိတ်သိလိုပါက page messenger တွင် စုံစမ်း​မေးမြန်းနိုင်ပါတယ်ရှင့်။

👩‍🎓Dr.Khin Aye Soe
(Counseling Psychologist)



Neuroticism မြင့်တဲ့သူ​တွေက ဘာ​ကြောင့် စိတ်ကျန်းမာရေးပြဿနာကို ပိုခံစားရ​လေ့ ရှိတာလဲ....Neuroticism ဆိုတာ Big Five Person...
09/09/2025

Neuroticism မြင့်တဲ့သူ​တွေက ဘာ​ကြောင့် စိတ်ကျန်းမာရေးပြဿနာကို ပိုခံစားရ​လေ့ ရှိတာလဲ....

Neuroticism ဆိုတာ Big Five Personality Traits ထဲက trait တစ်ခုဖြစ်ပြီး စိတ်ခံစားမှုဆိုင်ရာ မတည်ငြိမ်မှု၊ စိုးရိမ်ပူပန်မှု နဲ့ ဆန့်ကျင်ဘက် အခြေအနေတွေကို ခံနိုင်ရည်မရှိတဲ့ ပင်ကိုယ်စရိုက်လက္ခဏာရှိခြင်းကို ရည်ညွှန်းခြင်း ဖြစ်ပါတယ်။

လူတစ်​ယောက်မှာ ဒီလို ပင်ကိုယ်စရိုက်လက္ခဏာရှိ​နေရင် စိတ်ကျန်းမာ​ရေးကို တခြားသူ​တွေထက် ပိုပြီး​တော့ အထူး ဂရုစိုက်​ပြီး နေထိုင်သင့်ပါတယ်။

ဘာ​ကြောင့်လဲဆိုရင် Neuroticism မြင့်မားတဲ့သူ​​တွေဟာ တခြားသူ​တွေထက် စိတ်ကျန်းမာရေးပြဿနာများ ပိုခံစားရနိုင်ခြေ ရှိနိုင်တယ်လို့ သိပ္ပံနည်းကျ လေ့လာမှုများစွာက အတည်ပြုထားလို့ပါပဲ။

ဘာကြောင့် ဒီလူတွေက စိတ်ကျန်းမာ​ရေးပြဿနာ ပိုခံစားရတာလဲ ဆိုတဲ့ အ​ကြောင်းအရင်း​တွေကို ​ဖော်ပြ​ပေးလိုက်ပါတယ်​နော်။

🚨 ဦးနှောက်ရဲ့ ခြိမ်းခြောက်မှုကို တုန့်ပြန်မှုစနစ်က အလွန်အမင်း အလုပ်လုပ်ခြင်း

Neuroticism မြင့်သူတွေရဲ့ ဦးနှောက်ဟာ အန္တရာယ်နဲ့ ခြိမ်းခြောက်မှုတွေကို ပိုမိုတွေ့ မြင်ပြီး ပိုမိုပြင်းထန်စွာ တုန့်ပြန်တတ်ပါတယ်။ ဒါကြောင့် ဒီလူ​တွေက သာမန်အခြေအနေကိုပင် စိတ်ဖိစီးမှုအဖြစ် မြင်တတ်ကြပြီး နေ့စဉ်ဘဝမှာ ခံစားရတဲ့ ဖိစီးမှုပမာဏဟာ သူများထက် ပိုများနေတတ်ပါတယ်။ ဒါကပဲ သူတို့အတွက် စိတ်ကျန်းမာပြဿနာကို ဦးတည်သွား​စေတဲ့ အ​ကြောင်းအရင်းတစ်ခုဖြစ်လာပါတယ်။

⛔ အနုတ်လက္ခဏာစိတ်ခံစားမှုများကို ပိုမိုကြာရှည်စွာ ခံစားရခြင်း

စိတ်ဆိုးမိခြင်း၊စိုးရိမ်မိခြင်း၊ ဝမ်းနည်းမိခြင်းဟာ လူတိုင်းနီးပါး ကြုံတွေ့ရတတ်ပေမယ့် Neuroticism မြင့်သူတွေဟာ ဒီစိတ်ခံစားမှုတွေကနေ ပြန်ပြီးထွက်လာဖို့ ခက်ခဲပါတယ်။ သူတို့ဟာ အဖြစ်အပျက်တစ်ခုရဲ့ အနုတ်လက္ခဏာဘက်ကိုသာ အာရုံစိုက်ပြီး ချည်းကပ်တတ်ကာ ဒီစိတ်ခံစားမှုတွေထဲမှာ ရှိနေတဲ့ အချိန်ကြာမြင့်တတ်ပါတယ်။ ဥပမာ...မ​ကောင်းတဲ့ခံစားချက်တစ်ခုခု ရှိလာရင် စီး​မျှောခံစား​နေတာ၊ ကိုယ့်ရဲ့အားနည်းချက်​တွေကိုပဲ သတိထားမိ​နေတာ​ စတဲ့ negative ဆန်တဲ့ စိတ်ခံစား​တွေ​ကြောင့်ပဲ သူတို့အတွက် စိတ်ကျန်းမာပြဿနာကို ဖြစ်သွား​စေနိုင်တဲ့ အ​ကြောင်းအရင်းတစ်ခု ဖြစ်ပါတယ်။

🚨စိတ်ခံစားချက်များကို ​ကောင်းမွန်စွာ ထိန်းချုပ်နိုင်မှု နည်းပါးခြင်း

Neuroticism မြင့်တဲ့သူတွေဟာ စိတ်ခံစားချက်တွေကိုထိန်းညှိပြီး ပြန်လည်ညှိယူနိုင်စွမ်း (Emotional Regulation) အားနည်းတတ်ပါတယ်။ ဒါကြောင့် စိတ်ကျဝေဒနာ (သို့မဟုတ်) စိုးရိမ်ပူပန်မှုဝေဒနာရဲ့ လက္ခဏာတွေဖြစ်တဲ့ အိပ်မပျော်ခြင်း၊ အာရုံစူးစိုက်ရခက်ခြင်း၊ ပင်ပန်းနွမ်းနယ်ခြင်းတို့ကို တခြားသူ​တွေထက် ပိုမိုခံစားရစေပါတယ်။

ဒါ​ကြောင့် Neuroticism မြင့်မားခြင်းဟာ အောက်ပါစိတ်ကျန်းမာရေးရောဂါများ နှင့် ဆက်စပ်မှု အလွန်မြင့်မားကြောင်း သု​တေသန​စာ​စောင်​တွေမှာ ​ဖော်ပြ​ရေးသားထားခြင်း ဖြစ်ပါတယ်။

⛔စိုးရိမ်ပူပန်မှုလွန်ကဲသော ရောဂါ (Anxiety Disorders) - အထူးသဖြင့် အရာရာကို စိုးရိမ်ပူပန်မှုလွန်ကဲခြင်း(GAD)၊ ​​ကြောက်ရွံ့မှု၊ စိုးရိမ်ထိတ်လန့်မှုများခြင်း (Panic Disorder)
⛔စိတ်ကျရောဂါ (Major Depressive Disorder)
⛔လူ​ကြောက်ခြင်း (Social Anxiety Disorder)
⛔တစ်စုံတစ်ခုအ​ပေါ် စွဲလမ်းမှုများခြင်း - စိတ်ဖိစီးမှုကို ​ရှောင်နိုင်ရန် မူးယစ်ဆေး၊ အရက်သောက်သုံးခြင်းစတဲ့ မကောင်းတဲ့နည်းလမ်းတွေကို အသုံးပြုတတ်ပါတယ်။

သို့​သော် Neuroticism မြင့်တိုင်း စိတ်ရောဂါခံစားရမယ် လို့ အတိအကျ မ​ပြောနိုင်​ပေမယ့် ခံစားရနိုင်ခြေ (Risk Factor) မြင့်မားမှု ရှိနိုင်​တာမို့လို့ သတိ​ပေး​အ​နေနဲ့ ရေးသားလိုက်ခြင်း ဖြစ်ပါတယ်။

မိမိက Neuroticism မြင့်​မားသော်လည်း စိတ်ကျန်းမာ​ရေးကို အထူးဂရုစိုက်ပြီး ​နေထိုင်တယ်ဆိုရင် စိတ်ကျန်းမာရေးပြဿနာတွေ ဖြစ်ပွားနိုင်ခြေကို သိသိသာသာ လျှော့ချပေးနိုင်ပါတယ်။

ဒါ​ကြောင့် မိမိရဲ့ ဒီစရိုက်လက္ခဏာကို သိရှိပြီး စိတ်ဖိစီးမှုကို ကျန်းမာရေးနဲ့ညီညွတ်တဲ့နည်းလမ်းတွေနဲ့ စီမံခန့်ခွဲတတ်ခြင်း (ဥပမာ- ကိုယ်လက်လှုပ်ရှားမှုလုပ်ခြင်း၊ တရားထိုင်ခြင်း၊ အနုပညာလုပ်ခြင်း)၊ လူမှုရေးအကူအညီကောင်းကောင်းရရှိခြင်း တို့ဟာ စိတ်ကျန်းမာရေးပြဿနာတွေ ဖြစ်ပွားနိုင်ခြေကို သိသိသာသာ လျှော့ချပေးနိုင်ပါတယ်။

Personality Test စစ်ရာမှာ Neuroticism ဟာ စိတ်ကျန်းမာရေးအတွက် တိုင်းတာတဲ့အခါ အရေးကြီးတဲ့ ညွှန်းကိန်းတစ်ခုဖြစ်ပါတယ်။ မိမိကိုယ်တိုင်(သို့) မိမိချစ်ရသူတစ်ဦးဟာ Neuroticism မြင့်မားပြီး နေ့စဉ်ဘဝနဲ့ လုပ်ငန်းဆောင် တာတွေမှာ ထိခိုက်လာတယ်ဆိုရင် စိတ်ကျန်းမာရေးနယ်ပယ်မှ ပညာရှင်တစ်ဦးဦးနဲ့ တိုင်ပင်ဆွေးနွေးသင့်​ကြောင်း အကြံပြု​​​ရေး​ပေးလိုက်ပါတယ်နော်။

လူတိုင်း လူတိုင်း စိတ်​ရောကိုယ်ပါ ကျန်းမာကြပါ​စေရှင့်။

မိမိရဲ့ personality ကို စစ်​ဆေးလိုသူများ အ​နေဖြင့် TK Counselling Service တွင် စစ်​​ဆေးလို့ရတဲ့အပြင် ထိုလူများအတွက် self-transformation package ပါစီစဥ်​ပေးထားတာရှိပါတယ်ရှင့်။

အ​သေးစိတ် သိလိုပါက page messenger တွင်စုံစမ်း​မေးမြန်းနိုင်ပါတယ်ရှင့်။

လွတ်လပ်စွာ share လို့ ရပါတယ်။ကူးယူပြန်တင်ခွင့်မပြုပါရှင့်။

👩‍🎓Dr.Khin Aye Soe
(Conselling Psychologist)


"ကိုယ်က ဘယ်လိုလူလဲ" ဆိုတာ တစ်ခါတလေ ကိုယ့်ကိုယ်ကိုယ်တောင် သေချာမသိဘူး ဆိုရင် ခု​ရေးတင်​ပေးလိုက်တဲ့ ပို့စ်​ကို ဆုံး​အောင် ...
02/09/2025

"ကိုယ်က ဘယ်လိုလူလဲ" ဆိုတာ တစ်ခါတလေ ကိုယ့်ကိုယ်ကိုယ်တောင် သေချာမသိဘူး ဆိုရင် ခု​ရေးတင်​ပေးလိုက်တဲ့ ပို့စ်​ကို ဆုံး​အောင် ဖတ်ကြည့်လိုက်ပါ​နော် ....

လူတိုင်းမှာ သူ့ရဲ့ ကိုယ်ပိုင်​ အတွေး​ပုံစံ၊ အပြုအမူပုံစံ၊ စရိုက်လက္ခဏာတွေ ရှိကြပါတယ်။ ဒီအရာတွေပေါင်းစပ်မှုကိုပဲ အဲ့လူရဲ့ "Personality" လို့ ခေါ်ဆိုရခြင်း ဖြစ်ပါတယ်။

လူတစ်​ယောက်နှင့်တစ်​ယောက် Personality က မတူညီကြတဲ့အတွက် ​ပေါင်းသင်းဆက်ဆံရာမှာ တစ်ခါတလေ နားလည်းမလည်နိုင်၊ အဆင်မပြေမှုတွေ ကြုံကြရတာဖြစ်ပါတယ်။

ဒါ​ကြောင့် လူ​တွေရဲ့ပင်ကိုယ်စရိုက်​လက္ခဏာတွေကို လေ့လာထားတဲ့ Big Five Personality Traits ​တွေ​ ​ရေးသားဖော်ပြ​ပေးလိုက်ပါတယ်။

ဒီ (၅) မျိုးထဲမှာ ကိုယ်က ဘာ​တွေမှာ ပိုပြီး ပါဝင်နေလဲဆိုတာ သိထားရင် ကိုယ့်ကိုယ်ကိုယ် ပိုသိလာပြီး တခြားသူတွေနဲ့လည်း ပေါင်းသင်းဆက်ဆံရတာ ပိုပြီး အဆင်ပြေလာနိုင်မှာ ဖြစ်ပါတယ်။

Personality Traits (၅) မျိုးမှာ...

1️⃣ စမ်းသပ်လေ့လာလိုစိတ် (Openness)

ဒီလူ​တွေက- အသစ်အဆန်းတွေကို စိတ်ဝင်စားတယ်။ စွန့်စားရတာ၊ စိတ်ကူးယဉ်ရတာ၊ အနုပညာတွေကို ကြိုက်နှစ်သက်တတ်တယ်။

အားသာချက် - ဆန်းသစ်တီထွင်နိုင်စွမ်းကောင်းတယ်။
သတိထားရမယ့်အချက် - တစ်ခါတလေ လက်တွေ့မကျတဲ့ စိတ်ကူးတွေ များနေတတ်ပါတယ်။

2️⃣ တာဝန်ယူမှုရှိမှု (Conscientiousness)

ဒီလူ​တွေက - စနစ်တကျနဲ့ တိတိကျကျ လုပ်တတ်တယ်။ အချိန်မှန်မှန် လုပ်တယ်။ မပျင်းဘူး၊ဇွဲ​ကောင်းတယ်။

အားသာချက် - ယုံကြည်ရတဲ့သူ၊ စိတ်ချရတဲ့သူဖြစ်တယ်။
သတိထားရမယ့်အချက် - တစ်ခါတလေ ပြီးပြည့်စုံဖို့ကြိုးစားရင်းနဲ့ အသေးစိတ်တွေမှာလိုက်ပြီး စိတ်ဖိစီးတတ်တယ်။

3️⃣ လူမှုဆက်ဆံရေး​​​​ကောင်းမွန်မှု(Extraversion)

ဒီလူ​တွေက - လူအများကြားထဲမှာ စွမ်းအင်ပြည့်ဝနေတတ်တယ်။ စကားပြောရတာ၊ အပြင်ထွက်ရတာ ကြိုက်တယ်။

အားသာချက် - လူအများနဲ့ လွယ်လွယ်ကူကူ ခင်မင်နိုင်တယ်။
သတိထားရမယ့်အချက် - တစ်ယောက်တည်း အချိန်ကုန်ဆုံးဖို့ မေ့ထားတတ်တယ်။

4️⃣ သဘောထားကြီးမှု (Agreeableness)

ဒီလူ​တွေက- သူတစ်ပါးကို နားလည်ပေးတတ်၊ ကူညီတတ်တယ်။ ရန်မဖြစ်တတ်ဘူး။ သဘောထားကြီးတယ်။

အားသာချက် - လူအများနဲ့ သဟဇာတ ဖြစ်လွယ်တယ်။
သတိထားရမယ့်အချက် - အခြားသူတွေကို လိုက်လျောရင်းနဲ့ ကိုယ့်အလိုဆန္ဒတွေကို မေ့ထားတတ်တယ်။

5️⃣စိတ်ခံစားမှုမငြိမ်သက်မှု (Neuroticism)

ဒီလူ​တွေက- စိတ်ဖိစီးလွယ်တယ်။ စိုးရိမ်ပူပန်မှုများတယ်။ စိတ်အခြေအနေ မကြာခဏ ပြောင်းလဲတတ်တယ်။

အားသာချက် - အန္တရာယ်တွေကို ကြိုတင်သတိထားမိတတ်တယ်။
သတိထားရမယ့်အချက် - အနှုတ်လက္ခဏာတွေ ပိုတွေးမိတတ်ပြီး စိတ်ညစ်ရတာများတယ်။

လူတိုင်းမှာ ဒီ (၅) မျိုး စလုံးက အနည်းနဲ့အများရှိကြပြီး တစ်ခုချင်းစီမှာ ကောင်းတဲ့အချက်နဲ့ သတိထားရမယ့်အချက်တွေ ရှိနေတတ်ပါတယ်။

ဘယ်ဟာကမှ အကောင်းဆုံး (သို့) အဆိုးဆုံး ဆိုတာမျိုး မဟုတ်ပါဘူး​။ သို့​​သော် ဒီအချက်တွေကို သိနားလည်ထားရင်...

💭ကိုယ့်ရဲ့ အားသာချက်တွေ အားနည်းချက်တွေကို သိလာနိုင်မယ်။

💭ဘယ်အချက်တွေကို ပိုပြီးတိုးတက်အောင် လုပ်သင့်လဲဆိုတာ ဆုံးဖြတ်လာနိုင်မယ်။

💭တခြားသူတွေရဲ့ စရိုက်ကိုနားလည်လာပြီး ဆက်ဆံရေးမှာ ပိုအဆင်ပြေနိုင်လာမယ်။

စတဲ့ အကျိုး​ကျေးဇူး​တွေ ရှိပါတယ်​နော်။

ဒါ​ကြောင့် ကိုယ့်ရဲ့ Personality ကို သိနားလည်ခြင်းဟာ ကိုယ့်ဘဝ၊ အလုပ်၊ မိသားစု နဲ့ ပေါင်းသင်းဆက်ဆံရေးတွေအားလုံးကို ပိုမိုဟန်ချက်ညီညီနဲ့ စီမံနိုင်ဖို့အတွက် များစွာ အ​ထောက်အကူ ပြု​ပေးနိုင်ပါတယ်။

ဒါ့အပြင် ဒီလိုသိခြင်းအားဖြင့် ကိုယ့်ကိုယ်ကိုယ် ပိုချစ်တတ်လာ၊ ပိုတန်ဖိုးထားတတ်လာပြီး တခြားသူတွေရဲ့ ကွဲပြားခြားနားမှုကိုလည်း လေးစားနားလည်တတ်လာမှာ အမှန်ပါပဲရှင်။

လူတိုင်း လူတိုင်း စိတ်​ရောကိုယ်ပါ ကျန်းမာကြပါ​စေရှင့်။

မိမိရဲ့ personality ကို စစ်​ဆေးလိုသူများ အ​နေဖြင့် TK Counselling Service တွင် စစ်​​ဆေးလို့ရတဲ့အပြင် ထိုလူများအတွက် self-transformation package ပါစီစဥ်​ပေးထားတာရှိပါတယ်ရှင့်။

အ​သေးစိတ် သိလိုပါက page messenger တွင်စုံစမ်း​မေးမြန်းနိုင်ပါတယ်ရှင့်။

လွတ်လပ်စွာ share လို့ရပါတယ်။ကူးယူပြန်တင်ခွင့်မပြုပါရှင့်။

👩‍🎓Dr.Khin Aye Soe
( Counselling Psychologist)



ဘာကြောင့် Toxic Relationship ထဲက ရုန်းမထွက်နိုင်ကြတာလဲ? လူတိုင်းဟာ ချစ်ခြင်းမေတ္တာ၊ ယုံကြည်မှု နဲ့ လေးစားမှုတွေအပေါ် အခြ...
27/08/2025

ဘာကြောင့် Toxic Relationship ထဲက ရုန်းမထွက်နိုင်ကြတာလဲ?

လူတိုင်းဟာ ချစ်ခြင်းမေတ္တာ၊ ယုံကြည်မှု နဲ့ လေးစားမှုတွေအပေါ် အခြေခံတဲ့ ဆက်ဆံရေးကို လိုလားကြ​တယ်။

သို့​သော် ဆက်ဆံ​ရေးမှာ ကိုယ်​မျှော်မှန်းထားတဲ့အတိုင်း ဖြစ်မလာတဲ့အခါ နာကျင်မှု​တွေ ခံစားလာရတာပါပဲ။ အထူးသဖြင့် Toxic Relationship ထဲမှာဆို ပိုဆိုးပါတယ်။

ဒီလိုဆက်ဆံ​ရေးထဲ​ ရောက်သွားပြီဆိုရင် ​တော်ရုံနဲ့ရုန်းမထွက်နိုင်ကြဘူး ဘာကြောင့်လဲဆိုရင်...​အောက်ပါအ​ခြေအ​နေ​တွေ​ကြောင့်ပဲ ဖြစ်ပါတယ်။

😕 ၁။ "သူ ပြောင်းလဲသွားမှာကို မျှော်လင့်နေတာ"

တစ်ယောက်ယောက်ကို ချစ်မိသွားတဲ့အခါ "သူ နောက်ကျရင် ပြန်ကောင်းသွားမှာပါ" ဆိုတဲ့ မျှော်လင့်ချက်နဲ့ စောင့်နေတတ်တယ်။ တကယ်တော့ ဒါဟာ ကိုယ့်ကိုယ်ကိုယ် လှည့်စားနေတာပါပဲ။ တခြားသူတစ်​ယောက်ရဲ့ "အကျင့်ဗီဇ" ကို ​ပြောင်းလဲဖို့ဆိုတာ လက်​တွေ့ မှာ မလွယ်ကူနိုင်ပါဘူး ဆိုတာကို အသိဝင်​ဖို့ လိုပါမယ်။

😢 ၂။ "တစ်ယောက်တည်း ဖြစ်မှာကို ကြောက်တယ်"

Psychology အရ လူ​တွေက ကိုယ်ရဲ့ ရင်းနှီးကျွမ်းတဝင်ရှိတဲ့လူအ​ပေါ် တွယ်တာ​နှောင်ဖွယ်တတ်တဲ့ သ​ဘောရှိတတ်ကြပါတယ်။ ဒီလူ​သာမရှိရင် ငါ့ဘဝက အထီးကျန်​နေမယ်။ ဒါ​ကြောင့် လူအများစုဟာ တစ်ယောက်တည်းရှိ​နေဖို့ကို မ​ရွေးချယ်ဘဲ နာကျင်တဲ့ဆက်ဆံရေးကိုပဲ ပိုရွေးချယ်ကြခြင်းဖြစ်ပါတယ်။ ဒါပေမယ့် တစ်ယောက်တည်းနေရတာ ထက်စာရင် တစ်ယောက်တည်း နာကျင်စွာခံစားရတာ က ပိုးပြီး ဆိုးတယ် ဆိုတာကို သတိရပါ။

🫣 ၃။ "ငါ့မှာအခြားရွေးချယ်စရာမရှိဘူး"

Toxic Relationship ထဲမှာ အ​နေကြာလာတဲ့အခါ ကိုယ့်ကိုယ်ကိုယ် ယုံကြည်မှုတွေ ကျလာပြီး သိမ်ငယ်စိတ်ဝင်လာတတ်ပါတယ်။ ​နောက်ပြီး "ငါက ဒီလိုဆက်ဆံရေးနဲ့ပဲ ထိုက်တန်တယ်" ဆိုတဲ့ အတွေးမျိုး ဝင်လာတတ်ပါတယ်။ တကယ်တော့ လူတိုင်းဟာ ပိုကောင်းတဲ့ဆက်ဆံရေးနဲ့ ထိုက်တန်ပါတယ်​။ ငါ့မှာ တခြား​ရွေးချယ်စရာမရှိဘူးလို့ မြင်​နေရင် ကိုယ်ယုံကြည်ရတဲ့ သူ​တွေဆီမှာ ကိုယ့်ရဲ့အခက်အခဲကို ရင်ဖွင့်ပြီး အ​ကူအညီ​တောင်းကြည့်ပါ။ တစ်ခါတ​လေမှာ သူတို့က သင့်မှာ ​ရွေးချယ်စရာရှိတာကို မြင်လာ​အောင် လမ်းဖွင့်​ပေးနိုင်တာမျိုး ရှိတတ်ပါတယ်​။

😔 ၄။ "သူက ငါမရှိရင် မဖြစ်ဘူး"

တစ်ခါတလေ ကိုယ်က တစ်ဖက်သားအတွက် "ကယ်တင်ရှင်" ဖြစ်ချင်စိတ်ဝင်တတ်တယ်။ "ငါက သူ့ကိုချစ်​ရင် သူ့အတွက် ဘာမဆိုဖြည့်ဆည်း​ပေးရမယ်၊ သည်းခံ​ပေးရမယ်၊နားလည်​ပေးရမယ် စသဖြင့် ကယ်တင်ရှင်ကြီးလုပ်ပြီး​တော့ နာကျင်မှုကို ခံယူမယ်" စသဖြင့်​တွေးတာမျိုးပါ။ အဲ့စိတ်က အဆိုးဆုံးပါပဲ​။ ကုရခက်တယ်၊ တကယ်တော့ သင်က သူ့ကိုမကယ်ဘဲ သင့်ကိုယ်သင် ကယ်ဖို့လိုနေတာပါ။ သင့်ရဲ့သနားကြင်နာစိတ်က တဖက်လူအတွက်​ စ​တေး​ပေးဖို့ သက်သက် ​မွေးဖွားလာတာ မဟုတ်ပါဘူး။ အဓိက သင့်ကိုယ်သင် ချစ်ခင်ကြင်နာ သနားတတ်ဖို့လဲ လိုပါမယ်။

😥 ၅။ "လူတွေက ငါ့ကိုဘယ်လိုမြင်မလဲ"

လူမှုရေးဖိအားတွေကြောင့် Toxic Relationship ထဲမှာ ညှဉ်းပန်းခံနေတဲ့သူ​တွေလည်း အများကြီးပါပဲ။ ဒီဆက်ဆံ​ရေးသာပျက်စီးသွားရင် "လူတွေက ငါ့ကိုဘယ်လိုမြင်မလဲ" "သူတို့က ငါ့ကိုဘာပြောမလဲ" ဆိုပြီး လူ​တွေရဲ့အထင်အမြင်​တွေကို အလွန်အမင်း ဂရုစိုက်​နေပြီး ကိုယ်က​တော့ ​သေလု​မျှောပါး ဖြစ်​နေတာမျိုးပါ။ တကယ်တော့ သင့်ရဲ့ဘဝက သင်ပိုင်ဆိုင်တဲ့ဘဝမို့ သင့်ရဲ့လွတ်​​မြောက်လမ်းကိုသာ ​ရွေးချယ်ပါ။

😔၆။ " ပတ်ဝန်းကျင်က နားမလည်​ပေးကြဘူး "

မိသားစု၊ မိတ်ဆွေတွေက "သည်းခံပါ၊ သူ့နဲ့ပဲဆက်နေပါ" ဆိုပြီး ဖိအားပေးတာ၊ နားလည် နှစ်သိမ့်​ပေးပြီး လမ်း​ကြောင်းမှန်ပြမယ့်သူ မရှိတာ​ကြောင့် ဒီဆက်ဆံ​ရေးမှာဘဲ ဆက်ရှိ​နေရခြင်း ဖြစ်ပါတယ်။

ဒါ​တွေအားလုံးဟာ သင့်ကို မကောင်းတဲ့ဆက်ဆံရေးထဲမှာ ပိတ်မိ​စေနိုင်တဲ့ အဓိကအကြောင်းရင်းတွေပဲဖြစ်ပါတယ်။

သို့​သော် သတိရ ရမှာက- သင့်ရဲ့ပျော်ရွှင်မှုနဲ့ စိတ်ချမ်းသာမှုဟာ အရေးကြီးတယ် ဆိုတာကိုပါပဲ။ သင့်ကိုယ်သင် ချစ်ဖို့လိုပါမယ်။

🌈 ဒါ​ကြောင့် ဒီကနေ ရုန်းထွက်ဖို့ ဘာလုပ်သင့်လဲဆိုရင်....

💭 ယုံကြည်အားကိုးရတဲ့သူ​တွေနဲ့တိုင်ပင်ပါ - သင့်ရဲ့ခံစားချက်ကို မျှဝေပါ။

💭 ကိုယ့်ကိုယ်ကိုယ် ယုံကြည်မှု တည်ဆောက်ပါ - သင့်ရဲ့တန်ဖိုးကို သင်သိပါ။

💭 ပြောင်းလဲဖို့သတ္တိရှိပါ - နာကျင်မှုထက် ငြိမ်းချမ်းမှုကိုရွေးချယ်ပါ။

Toxic Relationship ထဲမှာနေရတာ သင့်အတွက် မှန်တယ်လို့ မထင်ပါနဲ့။ သင့်ရဲ့တန်ဖိုးက ဒီထက်မက ကြီးမားပါတယ်။ သင့်ကိုယ်သင် အပြည့်အဝ ဂရုစိုက်လိုက်ပါ။ ဒါမှသာ သင့်ရဲ့ဘဝကို သင်ပြန်ပိုင်ဆိုင်ဖို့ စိတ်ခွန်အား​တွေ ရှိလာမှာ ဖြစ်ပါတယ်။

လူတိုင်း လူတိုင်း Toxic Relationship က​နေရုန်းထွက်နိုင်ကြပြီး ကျန်းမာ​ပျော်ရွှင်​သောနေ့ရက်တိုင်းကို ပိုင်ဆိုင်နိုင်ကြပါ​စေရှင့်။

Toxic Relationship ပြသနာကို ​ကျော်လွှားနိုင်ဖို့ TK Counselling Service မှာ relationship counseling package ယုလို့ရပါတယ်ရှင့်။

👩‍🎓Dr.Khin Aye Soe
(Counselling Psychologist)


တစ်ခါတလေမှာ ကိုယ့်ကိုယ်ကိုယ် ယုံကြည်မှုအပြည့်ရှိပြီး တစ်ခါတလေကျ ဘာလို့ဒီလိုဖြစ်ရတာလဲဆိုတာ မသိဘဲ စိတ်ဓာတ်ကျနေတတ်လား? အဲဒါ...
19/08/2025

တစ်ခါတလေမှာ ကိုယ့်ကိုယ်ကိုယ် ယုံကြည်မှုအပြည့်ရှိပြီး တစ်ခါတလေကျ ဘာလို့ဒီလိုဖြစ်ရတာလဲဆိုတာ မသိဘဲ စိတ်ဓာတ်ကျနေတတ်လား?

အဲဒါဟာ Cognitive Biases တွေရဲ့ သက်ရောက်မှုကြောင့်ပဲဖြစ်ပါတယ်​နော်။

​နေ့စဥ်ဘဝမှာ ကျမတို့ရဲ့ အတွေးအခေါ်၊ ဆုံးဖြတ်ချက်နဲ့ ကိုယ့်ကိုယ်ကိုယ် အကဲဖြတ်မှုတွေမှာ Cognitive Biases ရဲ့ လွှမ်းမိုးမှုကို ​မသိမသာ ခံနေရတတ်ပါတယ်။

အထူးသဖြင့် လူငယ်တွေ အနေနဲ့ ဘဝမှာ ကြိုးစားအားထုတ်​​နေတဲ့သူဆိုရင် ဒီသဘောတရားတွေကို ပိုမိုနားလည်ထားဖို့လိုအပ်ပါမယ်။

ဒါမှသာ ကိုယ့်ရဲ့အားနည်းချက်တွေကို ကျော်လွှားနိုင်ပြီး အောင်မြင်မှု​တွေကို ပိုမို ရရှိလာနိုင်မှာပဲ ဖြစ်ပါတယ်။

ဒါ​ကြောင့် ကြိုးစား​နေတဲ့ လူငယ်​တွေအတွက် Cognitive Biases ( ၅) ခုအ​ကြောင်းကို နားလည်ထားဖို့ နှင့် ဒါကိုဘယ်လို ရင်ဆိုင်​ဖြေရှင်းရမလဲ ဆိုတာ စိတ်ပညာရူ​​​ထောင့်က​နေ ​ရေးသားဖော်ပြ​​ပေးလိုက်ပါတယ်​နော်။

🛑 Dunning-Kruger Effect (မပြည့်တဲ့အိုး ဘောင်ဘင်ခတ်ခြင်း)

ဒီသဘောတရားက...
အသိပညာနည်းသူတွေဟာ သူတို့ကိုယ်သူတို့ အလွန်အမင်း ယုံကြည်တဲ့ဖြစ်စဥ်ပါ။ ဒီဖြစ်စဉ်အရ လူတွေဟာ ကိုယ်မကျွမ်းကျင်တဲ့အရာတွေမှာ ကိုယ့်ရဲ့အရည်အချင်းကို လွန်ကဲစွာ အမှတ်ပေးတတ်ကြပြီး ကိုယ့်ရဲ့အားနည်းချက်တွေကို မမြင်တတ်မျိုးဖြစ်တတ်ပါတယ်။

နယ်ပယ်တစ်ခုကို စတင်လေ့လာချိန်မှာ "ငါဒါကို အကုန်သိနေပြီ"လို့ ထင်မိတတ်တာကြောင့် နောက်ထပ်လေ့လာဖို့ မေ့လျော့တတ်ကြတယ်။

ဒါ​ကြောင့် ဒါကို ​ကျော်လွှားဖို့ ဖြေရှင်းနည်းက​တော့- ကိုယ့်အသိပညာကို အမြဲစစ်ဆေးပါ။ "ငါ ဘာတွေ မသိသေးလဲ" ဆိုတဲ့ မေးခွန်းကို မေးပါ။

ဒါမှသာ တိုးတက်မှု​​အောင်မြင်မှုတွေ ရရှိလာမှာ ဖြစ်ပါတယ်။

🛑 Imposter Syndrome (ကိုယ့်စွမ်းရည်ကို မယုံကြည်ခြင်း)

ဒီသ​ဘောတရားက ကိုယ်က အောင်မြင်နေတဲ့သူဖြစ်ခဲ့ရင်တောင် "ငါကဒီနေရာနဲ့ မထိုက်တန်ဘူး၊ ကံကောင်းလို့ပဲ" လို့ ခံစားရတတ်တဲ့ ဖြစ်စဉ်ပါ။

ကြိုးစား​နေတဲ့လူငယ်​တွေဟာ တစ်ခါတ​လေ အောင်မြင်မှုတွေကို မိမိကြောင့် မဟုတ်ဘူးလို့ ထင်တတ်တာကြောင့် စိတ်ဓာတ်ကျတတ်ပါတယ်။

ဒီအတွက်​ကြောင့် ဒါကို ​ကျော်လွှားနိုင်ဖို့ဆိုရင် ကိုယ်ရရှိထားတဲ့ အောင်မြင်မှုတွေကို မှတ်တမ်းတင်ပါ။ "ငါ့ကြိုးစားမှုကြောင့် ဒီရလဒ်ရတာ" ဆိုတဲ့ အသိစိတ်ကို မွေးမြူဖို့ လိုပါမယ်။

🛑 The Spotlight Effect (လူတွေက ငါ့ကိုပဲ အာရုံစိုက်နေသလို ထင်ခြင်း)

ဒီသ​ဘောတရားက သင့်အ​နေနဲ့ သင့်ကို လူ​တွေက အာရုံစိုက်​နေတယ်လို့ထင်​နေတာ တကယ်​တော့ လူတွေဟာ သင့်ကို သင်ထင်သလောက် ဂရုမစိုက်ဘူး ဆိုတဲ့ အချက်ကို သိ​စေချင်တာပါ။

လူငယ်​တွေဟာ များ​သောအားဖြင့် လူများရှေ့မှာ အမှားလုပ်မိမှာ၊ ဝေဖန်ခံရမှာ ကြောက်တတ်တယ်။ ဒီလို စိတ်ခံစားချက်ရှိတဲ့အတွက်မို့ ဘာမှ မလုပ်ရဲမကိုင်ရဲဘဲ ဖြစ်လာကာ မိမိရရှိမယ့် အခွင့်အလမ်း​တွေကို ဆုံးရှုံး​နေရတတ်ပါတယ်။

ဒါ​ကြောင့်မို့ ဒီဟာကို ​ကျော်လွှားနိုင်ဖို့ဆိုရင်- "လူတွေက ငါ့အမှားကို ၅မိနစ်ပဲ မှတ်မိမယ်" ဆိုတဲ့ အသိကို မှတ်ထားလိုက်ပါ။ လူ​တွေက ကိုယ်ထင်​နေသလို တစ်ချိန်လုံး ကိုယ့်ကို အာရုံစိုက်​နေမှာ မဟုတ်ပါဘူး။ ဒီအတွက်​ကြောင့် ကိုယ့်လုပ်စရာရှိတာကိုပဲ အာရုံစိုက်ပြီးလုပ်ပါ။

🛑 The Pygmalion Effect (မျှော်လင့်ချက်က စွမ်းရည်ကို ဖန်တီးခြင်း)

ဒီသ​ဘောတရားက ...

"မင်းတော်တယ်" လို့ ယုံကြည်ခံရတဲ့သူဟာ တကယ်တော်လာတတ်သလို၊ "မင်းညံ့တယ်" လို့ ခံရတဲ့သူဟာ တကယ်ညံ့သွားတတ်တဲ့ သဘောတရား။ ဒါဟာ ကိုယ့်ကိုယ်ကိုယ် ထည့်သွင်းပြောဆိုတဲ့ စကားတွေရဲ့ အင်အားဖြစ်လို့ပါပဲ။

ကိုယ့်ကိုယ်ကို "ငါမတတ်နိုင်ဘူး" လို့ ပြောနေရင် တကယ်မတတ်နိုင်တော့ဘူး။ မလုပ်နိုင်ဘူးလို့ ​တွေးရင် တကယ် မလုပ်နိုင်​တော့ပါဘူး။

ဒါ​ကြောင့် ဒီအ​ခြေအ​နေကို ​ကျော်လွှားဖို့ ဖြေရှင်းနည်းက​တော့ - ငါ လုပ်နိုင်တယ်" (I can do this) ဆိုတဲ့ Positive Self-Talk (ကိုယ့်ကိုယ်ကိုယ် အပြုသဘော ပြောဆိုမှု) ကို အကျင့်လုပ်ပါ။ ကိုယ့်ကိုယ်ကိုယ် အားပေးမယ့်၊ ယုံကြည်မယ့်သူတွေနဲ့ ဝန်းရံထားပါ။ "မတတ်နိုင်ဘူး" ဆိုတဲ့စကားကို ဖယ်ထုတ်လိုက်ပါ။

🛑The Curse of Knowledge (အသိပညာရဲ့ ကျိန်စာ)

ဒီသ​ဘောတရားက ...

တစ်ခုခုကို ​ကောင်း​ကောင်း သိပြီးသားသူတွေက မသိသေးသူတွေရဲ့ အမြင်ကိုနားမလည်တတ်ကြဘူး။ သူတို့ပြောတဲ့အရာ​တွေက သူတို့အတွက်ရှင်းလင်းပေမယ့် အခြားသူတွေအတွက်တော့ နားမလည်နိုင်တဲ့ ဂန္ထဝင်ဘာသာစကားလို ဖြစ်နေတတ်ပါတယ်။

ဒါ​ကြောင့် ပညာရှင်​တွေအများစုဟာ သာမန်လူတွေကို ရှင်းပြတဲ့အခါနားမလည်အောင် ပြောမိတတ်ကြပါတယ်။

ဒါ​ကြောင့် ဒီအ​ခြေအ​နေကို ကျော်လွှားဖို့ ဖြေရှင်းနည်းက​တော့- ကိုယ့်အသိကို ရိုးရိုးရှင်းရှင်း အဆင့်ဆင့် ပြန်ရှင်းပြတတ်ဖို့ လေ့ကျင့်ပါ။ ကိုယ်ပြောနေတဲ့သူက ကလေးတစ်ယောက် (သို့) နယ်ပယ် လုံးဝအသစ်က လူလို့ ယူဆပြီး ရှင်းပြ​ပေးဖို့ လိုပါမယ်။

Cognitive Biases တွေဟာ လူတိုင်းနီးပါး ကြုံတွေ့နေရတဲ့ စိတ်ပိုင်းဆိုင်ရာ အခန်းကဏ္ဍတွေဖြစ်ပါတယ်။

ဒါပေမယ့် ဒီသဘောတရားတွေကို သိထားပြီး၊ သတိထားရှောင်ရှားမယ်ဆိုရင် ကိုယ့်ရဲ့စွမ်းရည်ကို ပိုပြီး အပြည့်အဝ အသုံးချလာနိုင်မှာ ဖြစ်ပါတယ်။

"ကိုယ့်ကိုယ်ကိုယ် သိခြင်းဟာ အောင်မြင်မှုရဲ့ ပထမဆုံးခြေလှမ်းပါပဲ"

ဒါကြောင့် ဒီအချက်တွေကို အခြေခံပြီး သတိရှိရှိနဲ့ ကြိုးစားမယ်ဆိုရင် ဘဝမှာ ပိုမိုအောင်မြင်တဲ့ သူတစ်​ယောက် ဖြစ်လာနိုင်ပါတယ်​နော်။

လူတိုင်း လူတိုင်း စိတ်ချမ်းသာ ကိုယ်ကျန်းမာကြ၍ မိမိတို့​လျှောက်လှမ်းရတဲ့လမ်းခရီးတိုင်းမှာ အဆင်​ပြေ​​ချော​မွေ့ကြပါ​​စေရှင့်။

တိုးတက်​ပြောင်းလဲချင်တဲ့ လူငယ်​တွေအတွက် TK Counselling Service မှာ self tansformation package ယူလို့ရပါတယ်​နော်။ အ​သေးစိတ် သိလိုပါက page messenger တွင် စုံစမ်း​မေးမြန်းနိုင်ပါတယ်ရှင့်။

👩‍🎓Dr.Khin Aye Soe
(Counselling Psychologist)



ယ​နေ့ခေတ်တွင် လူငယ်အများစုဟာ ပညာရေး၊အလုပ်အကိုင်၊ လူမှုဆက်ဆံရေး စတဲ့ ဖိစီးမှုများကြောင့် စိတ်ပိုင်းဆိုင်ရာပြဿနာများကို ခံ...
18/08/2025

ယ​နေ့ခေတ်တွင် လူငယ်အများစုဟာ ပညာရေး၊အလုပ်အကိုင်၊ လူမှုဆက်ဆံရေး စတဲ့ ဖိစီးမှုများကြောင့် စိတ်ပိုင်းဆိုင်ရာပြဿနာများကို ခံစား​နေကြရပါတယ်။

အထူးသဖြင့် ခု​နောက်ပိုင်းမှာ Anxiety Disorder (စိုးရိမ်ပူပန်မှုလွန်ကဲခြင်း) က လူငယ်များတွင် အဖြစ်များသော စိတ်ကျန်းမာရေး ပြဿနာတစ်ခုအဖြစ် ဆရာမတို့ ​တွေ့လာရတယ်။

သူတို့မှာ ဒီလို စိုးရိမ်ပူပန်မှု ဖြစ်လာရတဲ့ အဓိကအကြောင်းရင်း​တွေက​တော့....

🔥ဖိစီးမှုများခြင်း - စာမေးပွဲ၊ အလုပ်အကိုင်၊ အနာဂတ်စိုးရိမ်မှုများက စိတ်ဖိစီးမှုကို ဖြစ်စေခြင်း။

🔥ဆိုရှယ်မီဒီယာရဲ့သက်ရောက်မှု - အခြားသူများရဲ့အောင်မြင်မှု​တွေကို မကြာခဏ မြင်ရပြီး မိမိကိုယ်ကို ယှဉ်ပြိုင်မှု ဖြစ်လာခြင်း။

🔥မိသားစုရဲ့ဖိအားပေးမှု - မိဘတွေရဲ့မျှော်လင့်ချက်မြင့်မားမှုက စိတ်ဖိစီးမှုကို ဖြစ်စေခြင်း။

🔥အတိတ်က စိတ်ဒဏ်ရာများ​ကြုံ​တွေ့ရခြင်း - ငယ်စဉ်က စိတ်ဒဏ်ရာ ရဖူးသူများတွင် ပိုအဖြစ်များခြင်း

စတဲ့အ​ကြောင်းအရင်း​တွေ​ကြောင့် ဖြစ်သွားနိုင်ပါတယ်။

စိုးရိမ်ပူပန်မှု ဖြစ်လာရင် ပြသတဲ့လက္ခဏာ​တွေက​တော့..

✔စိန်ခေါ်မှု​​သေး​သေး​​လေးကအစ အလွန်အမင်း ကြောက်ရွံ့​နေခြင်း
✔နှလုံးခုန်မြန်ခြင်း၊ ချွေးစေးပြန်ခြင်း၊ ရင်တုန်ခြင်း စသည့် ရုပ်ပိုင်းဆိုင်ရာ လက္ခဏာများ ခံစားရခြင်း
✔အလိုလိုနေရင်း စိတ်ထဲတွင် မကြာခဏ ပူပန်နေခြင်း
✔အာရုံစူးစိုက်ရခက်လာခြင်း၊ အိပ်မပျော်​တော့ခြင်း
✔လူမှုပတ်ဝန်းကျင် နှင့် ရှောင်ဖယ်လာခြင်း

စတဲ့ လက္ခဏာ​တွေ ရှိလာတတ်ပါတယ်။

စိုးရိမ်ပူပန်မှု ဖြစ်လာချိန် ကာကွယ်လို့ရနိုင်မယ့် နည်းလမ်း​တွေက​​တော့...

✔စိတ်ကို ဖြေလျှော့ခြင်း - ယောဂ၊ တရားထိုင်ခြင်း၊ အသက်ရှူလေ့ကျင့်ခန်းများ ပြုလုပ်ပါ။

✔ကျန်းမာရေးနှင့် ညီညွတ်သော နေထိုင်မှုပုံစံ - အိပ်ရေးဝအောင် အိပ်ပါ၊ အာဟာရပြည့်ဝစွာ စားပါ။

✔ချစ်ရသူများနှင့် ​ပြောဆိုဆွေးနွေးပါ - မိသားစု၊ သူငယ်ချင်းများနှင့် စိတ်အခံရဆုံးသော အကြောင်းအရာများကို မျှဝေပါ။

✔ပညာရှင်နှင့် တိုင်ပင်ပါ - လိုအပ်ပါက စိတ်ကျန်းမာရေး ဆရာဝန်၊စိတ်ပညာရှင်​တို့ နှင့် ဆွေးနွေးကုသမှု ခံယူပါ။

စိုးရိမ်ပူပန်မှု လွန်ကဲခြင်းဟာ လူငယ်များအတွက် ကြီးမားသော စိန်ခေါ်မှုတစ်ရပ်ဖြစ်သော်လည်း စနစ်တကျ ကိုင်တွယ်ဖြေရှင်းနိုင်ပါက ကျော်လွှားနိုင်သည့် ပြဿနာပဲ ဖြစ်ပါတယ်​နော်။

ဒီအတွက်​ကြောင့် လူငယ်များအ​နေဖြင့် မိမိ၏ စိတ်ခံစားချက်ကို အလေးထားပြီး လိုအပ်သော အကူအညီကို ရယူခြင်းဖြင့် ပိုမိုကောင်းမွန်သော စိတ်ကျန်းမာရေးဘဝကို တည်ဆောက်ဖို့ လိုပါမယ်​နော်။

"စိတ်ချမ်းသာမှသာ ကိုယ်ကျန်းမာမည်"ဆိုတဲ့ အတိုင်းပဲ မိမိတို့ရဲ့ စိတ်ကျန်းမာရေးကို ဂရုစိုက်ကြဖို့ မ​မေ့ကြပါ​နော်။

လူတိုင်း လူတိုင်း စိုးရိမ်ပူပန်မှုများ ကင်း​ဝေးကြပြီး ​​လျှောက်လှမ်းရမယ့် လမ်းခရီးတိုင်းကို အဆင်​ပြေ​ပြေ​လျှောက်လှမ်းနိုင်ကြပါ​စေရှင့်။

မိမိတို့ရဲ့စိတ်ပိုင်းဆိုင်ရာ ပြဿနာများကို ​ဆွေး​နွေးတိုင်ပင်လိုပါက TK Counselling Service တွင် ကြိုတင် booking ယူလို့ရပါတယ်ရှင့်။

👩‍🎓Dr.Khin Aye Soe
(Counselling Psychologist)


တစ်ခါတလေ ကိုယ့်ရဲ့ အတွေးတွေ၊ ဆုံးဖြတ်ချက်တွေဟာ စိတ်ခံစားချက်ရဲ့ လှည့်စားမှုကြောင့် မှားယွင်းသွားတတ်ပါတယ်။ အထူးသဖြင့် ရည်...
16/08/2025

တစ်ခါတလေ ကိုယ့်ရဲ့ အတွေးတွေ၊ ဆုံးဖြတ်ချက်တွေဟာ စိတ်ခံစားချက်ရဲ့ လှည့်စားမှုကြောင့် မှားယွင်းသွားတတ်ပါတယ်။

အထူးသဖြင့် ရည်မှန်းချက်ကြီးမားသူ လူငယ်တစ်ယောက်အနေနဲ့ ဘဝတက်လမ်းမှာ စိတ်အလိုလိုက်ပြီး လွဲမှားစွာ ရွေးချယ်မိခြင်းဟာ သူ့ရဲ့ အနာဂတ်ကိုပါ ထိခိုက်စေနိုင်ပါတယ်။

ဒါကြောင့် Emotional Biases (စိတ်ခံစားချက်ဆိုင်ရာ လှည့်စားမှု)​တွေရဲ့ အကြောင်းကို သိထားဖို့ အရေးကြီးပါတယ်​နော်။ဘာလို့လဲဆို​ရင် "စိတ်ခံစားချက်​တွေက လူ​တွေရဲ့ ဦးနှောက်ကို လှည့်စားတတ်လို့ပါပဲ။

ဒီအတွက်​ကြောင့် လူငယ်​တွေအ​နေဖြင့် ကိုယ့်စိတ်ကို ကိုယ်ထိန်းချုပ်နိုင်မှသာ ပိုမိုတိကျမှန်ကန်တဲ့ဆုံးဖြတ်ချက်တွေကို ချမှတ်လာနိုင်မှာဖြစ်ပြီး၊ အောင်မြင်မှုဆီကို ခိုင်မာတဲ့ခြေလှမ်းတွေနဲ့ လျှောက်လှမ်းနိုင်မှာပဲ ဖြစ်ပါတယ်။

ဒါ​ကြောင့် ဒီ​​နေ့မှာ လူငယ်တိုင်း သိထားသင့်တဲ့ Emotional Biases (၅) မျိုးကို မျှဝေပေးလိုက်ပါတယ်​နော်...

၁။ 🛑 ရှုံးနိမ့်မှာကြောက်ခြင်း (Loss Aversion Bias)

လူတွေဟာ အရှုံးကို အမြတ်ထက် ပိုကြောက်တတ်ကြတယ်။ အထူးသဖြင့် ငယ်ရွယ်တဲ့လူငယ်​တွေဟာ risk မယူရဲကြပါဘူး။ ဥပမာ - ၁၀ သိန်းရနိုင်ခြေရှိတဲ့ အခွင့်အလမ်းကို ၅သိန်းဆုံးရှုံးမှာကြောက်လို့ မယူတတ်ကြဘူး။

ဒါကြောင့် ကြီးမားတဲ့ အခွင့်အလမ်းတွေကို လက်လွတ်ဆုံးရှုံးရခြင်းဖြစ်ပါတယ်။

၂။ 😤 အမျက်ဒေါသကို အလွယ်တကူထွက်ခြင်း (Hot-State Bias)

လူငယ်တွေဟာ စိတ်လှုပ်ရှားမှုမြန်တယ်။ ဒီအတွက် အလုပ်ခွင်မှာ၊ ဆက်ဆံရေးမှာ အဆင်မ​ပြေမှု​တွေ ရှိကြပြီး သူတို့ကိုယ်တိုင်ရရှိရမယ့် အခွင့်အလမ်းတွေ ဆုံးရှုံး​နေတတ်ကြပါတယ်။

ဒါ​ကြောင့်မို့ လူငယ်​တွေအ​နေဖြင့် စိတ်လှုပ်ရှားနေချိန် (ဒေါသထွက်နေချိန်၊ အရမ်းပျော်နေချိန်)မှာ ဆုံးဖြတ်ချက်တွေ မ​စောဖို့ သတိထားဆင်ခြင်ဖို့ လိုပါမယ်။ ဒီလို ကိုယ့်ရဲ့ စိတ်ခံစားချက်​တွေကို ထိန်းချုပ်နိုင်မယ်ဆိုရင် အနာဂတ်မှာ ကိုယ့်အတွက် အခွင့်အလမ်း​​​တွေ အများကြီး ရရှိနိုင်ပါလိမ့်မယ်။

၃။ 🌟 လက်ရှိအခြေအနေကိုပဲ ကပ်ပြီးတွေးခြင်း (Present Bias)

လူငယ်တွေအများစုဟာ လက်ရှိအကျိုးကိုသာ ဦးစားပေးပြီး အနာဂတ်အတွက် ကြိုတင်ပြင်ဆင်စဉ်းစား တတ်တာမျိုး နည်းပါတယ်။ ဒီအတွက်ကြောင့်ပဲ လက်ရှိမှာ ကိုယ့်အတွက် တကယ်လို​နေတာထက် စိတ်ခံစားချက်ကို ဦးစား​ပေးပြီး မလိုအပ်ပဲ သုံးစွဲ​နေတာက ပိုများ​​နေတတ်တာပါ။ (ဥပမာ - လက်ရှိပျော်ရွှင်မှုအတွက် ပိုက်ဆံသုံးပြီး အနာဂတ်အတွက် စုမထားတာမျိုး)

လူငယ်​တွေအ​နေဖြင့် ဒီလို ကိုယ့်ရဲ့စိတ်ခံစားချက်ကို အလွန်အမင်း လိုက်​လျောမိ​နေရင် သတိထားဆင်ခြင်ဖို့ လိုအပ်ပါမယ်​နော်။ ဒါမှသာ အနာဂတ်မှာ ​ပိုမိုကောင်းမွန်တဲ့ဘဝ​တွေကို ပိုင်ဆိုင်ရမှာပဲ ဖြစ်ပါတယ်။

၄။ 🤯 လူများနဲ့ပါသွားခြင်း (Bandwagon Effect)

လူငယ်တွေဟာ Social Media, Peer Pressure တွေရဲ့လွမ်းမိုးမှု​တွေကြောင့် ကိုယ်နဲ့မသက်ဆိုင်တဲ့၊ ကိုယ်ဝါသနာမပါတဲ့ လမ်းကြောင်းကို လျှောက်မိတတ်ကြပါတယ်။

သူများလုပ်နေတာကို​တွေ့ရင် ငါလည်းပဲ လုပ်ရမယ်ဆိုပြီး မဆင်မခြင် လိုက်လုပ်ချင်တဲ့ စိတ်ခံစားချက်​တွေ ရှိတတ်ကြပါတယ်။ (ဥပမာ - Trend တစ်ခုကို လူတိုင်းလုပ်နေလို့ ကိုယ်ပါလုပ်မိတာမျိုးပါ)။

၅။ 😰 အတိတ်အမှားတွေကို ကြောက်ရွံ့ခြင်း (Hindsight Bias)

အတိတ်က အမှားတစ်ခုကြောင့် "ငါဒီတစ်ခါလည်း မှားဦးမယ်" လို့ အလိုလိုထင်နေတတ်တယ်။ ဒါ​ကြောင့်ပဲ လူငယ်တွေဟာ တစ်ခါကျရှုံးရင် နောက်တစ်ခါ ထပ်ပြီး မကြိုးစားချင်ကြတော့ပါဘူး။ ဒီအတွက်​ကြောင့် ​နောက်ထပ်ရရှိလာမယ့် ​အောင်မြင်​တွေမှုကို မရရှိကြခြင်းပဲ ဖြစ်ပါတယ်။

ဒါ​ကြောင့် လူငယ်​တွေအ​နေဖြင့် ဒီလို စိတ်ခံစားချက်​​တွေရဲ့ နောက်ကို လိုက်​နေတာထက် "အတိတ်က ရှုံးဆုံးမှု​တွေ၊ အမှား​တွေက အနာဂတ်အတွက် သင်ခန်းစာ" ဆိုတဲ့ အမြင်ကို မွေးမြူပြီး ပြန်စသင့်ပါတယ်​နော်။

လူငယ်​တွေအ​နေဖြင့် အထက်ပါ စိတ်ခံစားချက် လှည့်စားမှု​တွေ၊ဘက်လိုက်မှု​တွေကို နားလည်ထားခြင်းအားဖြင့် ကိုယ့်ဘဝကို ပိုမိုထိန်းချုပ်လာနိုင်မှာ ဖြစ်သလို ပိုပြီးတည်ငြိမ်တဲ့၊​အောင်မြင်တဲ့ ဘဝတစ်ခုကို တည်ဆောက်လာနိုင်မှာပဲ ဖြစ်ပါတယ်ရှင့်။

ဒါကြောင့် လူငယ်​တွေအ​နေဖြင့် ဒီအချက်တွေကို နေ့စဥ်ဘဝမှာ အသုံးချပြီး ကိုယ့်ရဲ့စိတ်ကို ပိုမိုကျွမ်းကျင်စွာ စီမံနိုင်ကြပါ​စေရှင့်။

မိမိဘဝကို တိုးတက်​ပြောင်းလဲချင်တဲ့ လူငယ်​တွေအတွက် TK Counselling Service မှာ self transformation package စီစဥ်​ပေးထားတာ ရှိပါတယ်​နော်။

အ​သေးစိတ် သိလိုပါက page messenger တွင် စုံစမ်း​မေးမြန်း နိုင်ပါတယ်ရှင့်။

👩‍🎓Dr.Khin Aye Soe
(Counselling Psychologist)




Address

No. 19 (1st Floor), 20th Street (Lower Block), Latha Township
Yangon

Opening Hours

Monday 06:00 - 21:00
Tuesday 06:00 - 21:00
Wednesday 06:00 - 21:00
Thursday 06:00 - 21:00
Friday 06:00 - 21:00
Saturday 06:00 - 21:00
Sunday 06:00 - 21:00

Telephone

+959450334140

Website

Alerts

Be the first to know and let us send you an email when TK Counselling Service posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to TK Counselling Service:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

); }) .always(function() { gettingMore = false; }); } map._clearMarkers = function() { markersLayer.clearLayers(); } }); }, 4000); });