04/12/2025
စိတ်ဒဏ်ရာဆိုတာ သင့်စိတ်ထဲမှာ စိုက်ပြီးကျန်ရစ်နေတဲ့ မမြင်ရတဲ့ဆူးတွေလိုပါပဲ သင်လှုပ်ရှားတိုင်း သင့်ကိုယ်သင် ထိခိုက်စေသလို၊ သင့်ဘေးကလူတွေကိုလည်း မတော်တဆ နာကျင်စေတတ်ပါတယ်။
သို့သော် ဒီဒဏ်ရာတွေကို ကုစားပြီးတဲ့အခါတော့ "ငါကံမကောင်းတဲ့သူ" ကနေ "ငါကျော်လွှားနိုင်တဲ့သူ" စတဲ့ အတွေးအခေါ် mindset တွေက အရင်ကနဲ့မတူတော့ဘဲ ကူးပြောင်းသွားတတ်ပါတယ်။
ဒါကို မြင်သာအောင် ဥပမာပေးရရင်...
ကလေးဘဝတုန်းက စကားပြောတိုင်း အထင်သေးခံလာရတဲ့သူတစ်ယောက်ဟာ...
✗ မကုစားခင်က - "ငါပြောတာတိုင်း မှားနေမှာပဲ" ဆိုပြီး လူစုလူအုပ်တွေမှာဆို နှုတ်ဆိတ်နေမိတတ်တယ်။ public ရှေ့မှာ ကိုယ့်ရဲ့အတွေးအမြင်တွေကို တစ်ခါမှထုတ်ဖော် ချမပြရဲဘူး။
✓ ကုစားပြီးနောက် - "ငါ့အမြင်တွေကို လွတ်လပ်စွာ မျှဝေခွင့်ရှိတယ်" ဆိုတဲ့ယုံကြည်မှုနဲ့ သူ့ထင်မြင်ချက်ကို ရဲရဲဝံ့ဝံ့ပြောလာနိုင်တယ်။
လူတိုင်းကို နားလည်စေချင်တာက စိတ်ဒဏ်ရာဆိုတာ သင့်ရဲ့အားနည်းချက်မဟုတ်ပါဘူး။ အဲ့တာက ငယ်တုန်းက ရလာခဲ့တဲ့ဒဏ်ရာတွေဆိုပြီး လူတကာကို လက်ညိုးထိုး အပြစ်ရှာနေစရာမလိုအပ်ပါဘူး။ လူသားတိုင်းရဲ့ ဘဝခရီးမှာ ဒါတွေက လူတိုင်းကြုံတွေ့ရနိုင်တဲ့ အတွေ့အကြုံတွေသာဖြစ်ပါတယ်။
အဓိက မိမိရဲ့ စိတ်ဒဏ်ရာတွေကို မိမိကိုယ်တိုင် သိရှိနားလည် သဘောပေါက်တဲ့အချိန်ကစပြီး ကောင်းမွန်တဲ့ဖက်ကို ကူးပြောင်းလာဖို့ ကုစားပေးဖို့ လိုအပ်ခြင်းပါပဲ။
ရရှိလာခဲ့တဲ့ ဒီဆူးတွေကို ဘယ်လို ဖယ်ရှားပြီး ကိုယ့်ရဲ့ ခရီးလမ်းကို ဘယ်လို ရှေ့ဆက်မလဲ ဆိုတာကို ကောင်းစွာ နားလည်သဘောပေါက်သွားရင် ဘဝမှာ ရှင်သန်ရတာ ပိုပြီး အဓိပ္ပါယ်ရှိလာပါလိမ့်မယ်။
ဒီအတွက် မိမိရဲ့စိတ်ထဲမှာ ဆူးသဖွယ်ကျန်ရစ်နေတဲ့ စိတ်ဒဏ်ရာတွေကို ဖယ်ရှားဖို့ အောက်ပါအချက်တွေကို လိုက်နာလုပ်ဆောင်ကြည့်ပေးလို့ ရပါတယ်နော်။
✔ အသိအမှတ်ပြုခြင်း - ကိုယ့်ရဲ့နာကျင်မှုကို သူများနဲ့ယှဉ်ပြီး ငြင်းမပယ်ပါနဲ့။ "ငါခံစားနေရတာ မှန်ကန်တယ်" လို့ ပြောပြီး ကိုယ့်ခံစားချက်ကို ဦးစွာအသိအမှတ်ပြုပေးပါ။
✔အတိတ်ကို လက်ခံခြင်း - အတိတ်ဆိုတာ ပြောင်းလဲလို့မရပေမယ့် ၊ အတိတ်ကနေ သင်ခန်းစာယူပြီး အနာဂတ်ကို မျှော်မှန်းလို့ရပါတယ်။ ဒီတော့ အတိတ်ကို လက်မခံနိုင်ဘဲ အတိတ်ထဲမှာ ပိတ်မိမနေပါစေနဲ့။
✔ကျေးဇူးတင်ခြင်း - ရရှိခဲ့တဲ့ ဒဏ်ရာကိုကျေးဇူးတင်ခိုင်းတာမဟုတ်ပါ။ ဘဝမှာရှိနေတဲ့ အလင်းစေ့လေးတွေ၊ နောက်ထပ်ရောက်ရှိလာမယ့်အခွင့်အရေးတွေ၊ ကျေးဇူးပြုနိုင်သူတွေကို ကျေးဇူးတင်တတ်ဖို့ပါ။
✔ မိမိကိုယ်ကို သနားခြင်း - ကိုယ့်ကိုယ်ကိုယ် နားလည်ပေးပါ။ ကိုယ်ခံစားနေရတာကို ကိုယ်တိုင်က နားလည်ပေးနိုင်မှ သက်သာရာရမှာပါ။
✔ အကူအညီတောင်းခံခြင်း - အရာအားလုံးကို ကိုယ်တစ်ယောက်တည်း ရင်ဆိုင်ဖို့ ဖြေရှင်းနေဖို့မလိုပါ။ လိုအပ်ရင်ယုံကြည်ရသူ၊ ကျွမ်းကျင်သူတွေဆီက အကူအညီတောင်းခံလို့ရပါတယ်။
✔ အသစ်တဖန်စတင်ခြင်း - ကိုယ်နှစ်သက်ရာ၊ ကိုယ်တတ်နိုင်တာလေးတွေနဲ့ ဘဝကိုအသစ်ပြန်စပါ။ သင်ဟာ သင့်ဒဏ်ရာထက် ပိုပြီးအစွမ်းထက်တယ်ဆိုတာကိုယုံကြည်ပါ။ သင့်မှာ သင်ထင်ထားတာထက် လုပ်နိုင်စွမ်းတွေ အများကြီးရှိပါတယ်။
ဒဏ်ရာတိုင်းဟာ မကောင်းတဲ့ အရာတွေကြီးပဲ မဟုတ်ပါဘူး အကောင်းဖက်ကနေ ပြောင်းတွေးတတ်ရင် ဒီဒဏ်ရာတွေက သင့်ကို ပိုမိုနက်ရှိုင်းသော နားလည်မှု၊ ပိုမိုကြီးမားသော ကရုဏာနဲ့ ပိုမိုခိုင်မာသော စိတ်ဓာတ်ကို ပေးစွမ်းနိုင်တဲ့ အခွင့်အရေးတစ်ခုဖြစ်လာနိုင်ပါတယ်။
ဒါကြောင့် သင့်ရဲ့ခရီးလမ်းကို ကောင်းမွန်စွာဆက်လက်လျှောက်လှမ်းပါ။ လမ်းကြောင်းသစ်တွေ၊ အလင်းရောင်သစ်တွေက သင့်ကိုပေးဖို့ အဆင်သင့် စောင့်ဆိုင်းနေပါတယ်။
ဒါကြောင့် ဒီဒဏ်ရာတွေထဲမှာ ပိတ်မိမနေပါနဲ့ ဒီစာကိုဖတ်မိတဲ့အချိန်ကနေစပြီး ရုန်းထွက်လိုက်ပါနော်။
သင့်အတွက် ကံကောင်းခြင်းလေးတွေ ရောက်ရှိလာပါစေလို့ ဆုတောင်းပေးလိုက်ပါတယ်။
ဒါနဲ့ ကိုယ်ရောစိတ်ပါ ကျန်းမာအောင်နေဖို့၊ဂရုစိုက်ပေးဖို့လည်း မမေ့နဲ့ဦးနော် 💙
မိမိရဲ့စိတ်ဒဏ်ရာများကို စနစ်တကျ ကုစားလိုသူတွေအတွက် TK Counselling Service တွင် self transformation package , mental health counseling package စီစဥ်ပေးထားတာ ရှိပါတယ်ရှင့်။
အသေးစိတ် သိလိုပါက page messenger တွင် စုံစမ်းမေးမြန်းနိုင်ပါတယ်ရှင့်။
လွတ်လပ်စွာ share လို့ရပါတယ်၊ကူးယူပြန်တင်ခွင့်မပြုပါရှင့်။
👩🎓Dr.Khin Aye Soe
( Counselling Psychologist)
