We for you, Yangon (2026)

18/02/2022

အားလုံးပဲ မင်္ဂလာပါခင်ဗျ။

အခု Omicron ကာလကြီးမှာ ဆေးရုံဆေးခန်းသွားဖို့ ခက်ခဲနေတဲ့ သူတွေအတွက် ကျွန်တော်တို့ We for you page ကလေးကနေ ကျန်းမာရေးနဲ့ ပတ်သတ်တဲ့ မေးခွန်းလေးတွေကို page chat box ကနေ အခမဲ့ ဖြေကြားပေးနေပါတယ်ခင်ဗျ။ အခကြေးငွေ တစ်ပြားတစ်ချပ် မှပေးစရာ မလိုပါဘူး ခင်ဗျ။

သူငယ်ချင်းတို့ရဲ့ ကျန်းမာရေးပြဿနာများကို အတတ်နိုင်ဆုံး စေတနာ အပြည့်ထားပြီး ဖြေရှင်းပေးသွားမှာပါခင်ဗျ။

အားလုံး ကျန်းမာချမ်းသာကြပါစေ။

17/02/2022

“ဥမ္မာခင်ကြောင့် ချောင်းတအားဆိုးနေရင်”

သူငယ်ချင်းတို့ရေ...

ဥမ္မာခင်ကြောင့် ချောင်းတွေတအားဆိုးနေပါသလား။ ချောင်းဆိုးပျောက်စေမယ့်နည်းလမ်းလေးတွေကို မင်မင်တို့က ဖော်ပြပေးတော့မှာမလို့ ကြည့်လိုက်ရအောင်။

၁။ ရေနွေးငွေ့ရှူကြည့်ပါ။

ချောင်းဆိုးတယ်ဆိုတာ အသက်ရှူလမ်းကြောင်းမှာရှိတဲ့ ဖုန်တွေ အမှုန်တွေ သလိပ်တွေ ရောဂါပိုးမွှားတွေ အစရှိသဖြင့် ပြင်ပအရာဝတ္ထုတွေရှိနေတဲ့အတွက် ခန္ဓာကိုယ်က တုံ့ပြန်ပြီး အပြင်ကို ဟပ်ထုတ်စေတာပါ။ ဒီတော့ ရေနွေးငွေ့လေးရှူပေးခြင်းအားဖြင့် အသက်ရှူလမ်းကြောင်းတစ်လျှောက်က အညစ်အကြေးတွေကို ပျော်ဝင်စေတဲ့အတွက် ချောင်းဆိုးသက်သာစေပါတယ်တဲ့။

၂။ ရေနွေးပူပူလေး တစ်ခွက်သောက်ကြည့်ပါ။

အထက်မှာ ဖော်ပြထားသလိုပါပဲ။ ရေနွေးလေးသောက်လိုက်တဲ့ အခါမှာ လည်ချောင်းထဲမှာရှိတဲ့ ချွဲသလိပ်တွေ ပျော်သွားစေတဲ့အတွက် ချောင်းဆိုးပျောက်စေနိုင်ပါတယ်တဲ့။

၃။ ဂျင်းပြုတ်ရည်လေးသောက်ကြည့်ပါ။

ဂျင်းမှာ anti inflammatory လို့ခေါ်တဲ့ အရောင်ကျစေတဲ့ အာနိသင်ရှိပါတယ်ဗျ။ ဒါကြောင့်မလို့ လေပြွန်ရောင်တာကို သက်သာစေလို့ ချောင်းဆိုး ပျောက်အောင်ကူညီပေးမှာပါတဲ့။

၄။ ပျားရည်လေးသောက်ကြည့်ပါ။

ချောင်းဆိုးတာ အချိုတွေစားခိုင်းတယ်ဖြစ်မယ်နော်။ မဟုတ်ပါဘူးဗျ။ ထူးထူးခြားခြား ပျားရည်မှာပါတဲ့ antioxidant အာနိသင်နဲ့၊ တချို့သော ရောဂါပိုးမွှားတွေကို သေစေနိုင်တဲ့ အာနိသင်ကြောင့် ချောင်းဆိုးတာကို သက်သာစေနိုင်ပါတယ်တဲ့။ ညဘက် အိပ်ခါနီး ပျားရည်လေး တစ်ဇွန်းလောက်နဲ့ ရေနွေးလေးရောပြီးသောက်ကြည့်တာမျိုး၊ ဖျော်ရည်လေးထဲ ပျားရည်လေးတစ်ဇွန်းလောက်ထည့်သောက်တာမျိုးလေး စမ်းကြည့်လို့ရပါတယ်တဲ့။

၅။ ရေများများသောက်ပါ။

ရေသောက်နည်းတဲ့အခါမှာ ရေဓါတ်ခမ်းခြောက်ပြီး လည်ပင်းတစ်လျောက် ခြောက်ကပ်နေတဲ့အတွက် ချောင်းပိုဆိုးတတ်ပါတယ်တဲ့။ ဒီတော့ တစ်ရက်ကို ရေ ၃ လီတာလောက်သောက်ပေးခြင်းဖြင့် ရေဓါတ်မခမ်းအောင် ထိမ်းထားနိုင်မှာဖြစ်ပါတယ်။

၆။ ဆားရည်နှင့် အာလုတ်ကျင်းပါ။

ဆားရည်နှင့် အာလုတ်ကျင်းပေးခြင်းအားဖြင့် ပါးစပ်နှင့် လည်ချောင်း ကြား ချောင်ဂျိုချောင်ကြားရှိ သလိပ်တွေ၊ ရောဂါပိုးမွှားတွေကိုပါ ဖယ်ရှားပေးလို့ ဆားရည်လေးနဲ့ တစ်ရက် ၃ ကြိမ်လောက်အာလုတ်ကျင်းဖို့ အကြံပေးလိုက်ပါတယ်နော်။

၇။ ငုံဆေးလေးတွေ ငုံကြည့်ပါ။

ငုံဆေးလေးတွေ တော်တော်များများက ပူပူရှိန်းရှိန်းလေးနဲ့ ငုံလိုက်တဲ့အချိန်မှာ လည်ချောင်းထဲမှာရှိတဲ့ ချွဲသလိပ်တွေကို ပျော်စေလို့ ချောင်းဆိုးသက်သာစေပါတယ်တဲ့။

၈။ သလိပ်တွေကို ထွေးထုတ်ပါ။

ချောင်းဆိုးတဲ့အခါ ထွက်လာတဲ့ သလိပ်တွေ ရှိမယ်ဆိုးရင် ထွေးထုတ်လိုက်ပါတဲ့။ အကယ်၍ မထွေးထုတ်ပဲ မျိုချလိုက်မယ်ဆိုရင် လည်ချောင်းယားတာ မသက်သာပဲ ချောင်းပိုဆိုးစေပါတယ်တဲ့။

၉။ အငွေ့တွေရှောင်ပါ။ ဆေးလိပ်သောက်တာရှောင်ပါ။

ချောင်းဆိုးနေတဲ့အချိန်မှာ ဆေးလိပ်ငွေ့တွေ၊ တခြားသော အငွေ့တွေဖြစ်တဲ့ ခြင်ဆေးငွေ့တွေ၊ မီးဖိုငွေ့တွေ ရှူမိမယ်ဆိုရင် လည်ချောင်းတစ်လျောက်ပိုပြီး အနှောင့်အယှက်ဖြစ်စေတာမလို့ အငွေ့တွေ မရှူမိအောင် လည်း သတိထားပေးကြပါအူးနော်။

၁၀။ သောက်ဆေးတွေ

ချောင်းဆိုးပျောက်ဆေးလို့ပြောရင် ၂ မျိုး ရှိပါတယ်။
-anti tussive လို့ခေါ်တဲ့ ချောင်းဆိုးပျောက်ဆေး
-mucolytic or expectorant လို့ခေါ်တဲ့ ချွဲပျော်ဆေးပါ

ချောင်းခြောက်ဆိုးတဲ့လူမှာ anti tussive လို့ခေါ်တဲ့ ချောင်းဆိုးပျောက်ဆေးကို သောက်ရပြီး ချွဲသလိပ်ထွက်တဲ့ သူတွေကတော့ mucolytic လို့ခေါ်တဲ့ ချွဲပျော်ဆေးကို သောက်ရပါတယ်။ ကိုယ် သောက်တဲ့ဆေးနဲ့ ကိုယ်ဆိုးတဲ့ချောင်း အံမဝင်ရင်လည်း ချောင်းဆိုး မသက်သာစေပါဘူးတဲ့။

၁၁။ ဆရာဝန်နှင့် ပြသင့်တဲ့ ချောင်းတွေ

- ကာလကြာရှည်ဆိုးနေရင် (၈ပတ်နှင့်အထက်)
- ချောင်းဆိုး သွေးပါရင်
- ချောင်းဆိုးတဲ့ အခါ အရမ်းမောနေရင်
- ချောင်းဆိုးတဲ့အခါ ရင်ဘတ်တွေအောင့်နေရင်
- ချောင်းဆိုးတဲ့အခါ အန်ပါအန်ရင်
- ချောင်းဆိုးပြီးတစ်ကိုယ်လုံး ပြာနှမ်းသွားရင်

ဟုတ်ကဲ့ပါခင်ဗျ။ ကျွန်တော် အခုပြောပြသွားတာကတော့ ဥမ္မာခင်ကာလမှာ ချောင်းဆိုးသက်သာအောင် ဘယ်လိုနည်းလမ်းလေးတွေ နဲ့ သက်သာအောင်လုပ်လို့ရသလဲဆိုတာတွေပဲ ဖြစ်ပါတယ်။ သူငယ်ချင်းတို့အားလုံး ဒီ ကပ်ဆိုးကြီးရန်ကို အမြန်တိုက်ထုတ်နိုင်ပါစေဗျာ။

အားလုံး ကျန်းမာရွှင်လန်းကြပါစေ။

#မောင်ခမ်း_ဆေး၁

14/02/2022

“ဥမ္မာခင်ကြောင့် နှာစေး နှာပိတ်သက်သာချင်ရင်”

သူငယ်ချင်းတို့ရေ

အားလုံးပဲ မင်္ဂလာပါနော်။ Omicron ကလည်း အဖြစ်များလာတာနဲ့အမျှ အဖြစ်များလာတဲ့ လက္ခဏာတွေထဲမှာ နှာစေး နှာပိတ်တယ်ဆိုတဲ့ လက္ခဏာကလည်း တစ်ခုအပါအဝင်ပဲနော်။ ဒီတော့ မင်မင်တို့က နှာစေး နှာပိတ်တာ သက်သာအောင်ဘယ်လိုနည်းလမ်းလေးတွေနဲ့ လုပ်ပေးရမလဲဆိုတာ ပြောပြပေးမှာပါနော်။ ကြည့်လိုက်ရအောင်။

၁။ ရေနွေးငွေ့လေး ရှူပေးကြည့်ပါ။

ရေနွေးငွေ့ရှူပေးတဲ့အတွက်ကြောင့် အသက်ရှူလမ်းကြောင်းတစ်လျှောက်မှာရှိတဲ့ ချွဲသလိပ်တွေကို ပျော်စေနိုင်တဲ့အတွက်ကြောင့် နှာစေး နှာပိတ်နေတာကို အမြန်သက်သာစေနိုင်ပါတယ်တဲ့။

၂။ ရေများများသောက်ပါ။

ခန္ဓာကိုယ်မှာရေဓါတ်ခမ်းခြောက်နေမယ်ဆိုရင်တော့ အသက်ရှူလမ်းကြောင်းတစ်လျှောက်မှာလည်း ခြောက်ကပ်ပြီး နှာစေး နှာပိတ်တာကို ပိုဆိုးစေနိုင်ပါတယ်တဲ့။ ဒါကြောင့်မလို့ omicron လို့ သံသယရှိပြီဆိုရင်တော့ တစ်ရက်ကို ရေ ၂-၃ လီတာခန့်သောက်ပေးဖို့လိုပါလိမ့်မယ်။ ဒါမှသာလျှင် အသက်ရှူလမ်းကြောင်းတစ်လျှောက်မှာ ခြောက်ကပ်မနေတော့ပဲ နှာစေး နှာပိတ်ခြင်းကို အမြန် သက်သာစေပါတယ်တဲ့။

၃။ ရေနွေးပူပူလေးတစ်ခွက် သောက်ကြည့်ပါ။

ကျွန်တော်တို့ လူသားတွေရဲ့ နှာခေါင်းနဲ့ ပါးစပ်ဟာ ဆက်သွယ်နေပါတယ်တဲ့။ ဒါကြောင့် ရေနွေးပူပူလေးဟာဆိုရင် ချွဲသလိပ်တွေပျော်စေရုံမျှမက နှာစေး နှာပိတ်တာကိုလည်း သက်သာစေပါတယ်တဲ့။ ဒါ့အပြင် နှာခေါင်းထဲမှာရှိတဲ့ အာရုံကြောလေးတွေကို လှုံ့ဆော်ပေးနိုင်တာကြောင့် နှာစေး နှာပိတ်ကို သက်သာစေပါတယ်တဲ့။

၄။ နှာခေါင်းအစက် ချဆေးလေးသုံးကြည့်ပါ။

ပုံမှန်ဆေးဖျော်တဲ့အခါမှာ သုံးတဲ့ မိုးရေ (sterile water)၊ ဒါမှမဟုတ် စလိုင်း (normal saline) တစ်စက်လောက်ကို နှာပိတ်နေတဲ့ အခါမှာ ပိတ်နေတဲ့ နှာခေါင်းဘက် ထည့်ကြည့်လိုက်ပါ။ သိသိသာသာ နှာခေါင်းပြန်ပွင့်လာတာကိုတွေ့ရမှာပါ။ ဒါတင်မကသေးပါဘူး nasla spray လေးတွေသုံးပေးခြင်းအားဖြင့်လည်း နှာခေါင်းပိတ်နေတာကို အမြန်သက်သာစေပါတယ်တဲ့။ အကယ်၍ ဆေးတွေဝယ်ရအဆင်မပြေဘူးဆိုရင်တော့ ရေသန့်လေး တစ်စက်လောက်ကို ထည့်ကြည့်ပေးလည်းရပါတယ်တဲ့။

၅။ Vitamin C စားပေးပါ။

Vitamin C ဟာ ခန္ဓာကိုယ်ရဲ့ ခုခံအားကို ကောင်းမွန်စေတာကြောင့်မလို့ နှာစေး နှာပိတ်ဖြစ်ခြင်းကို ကာကွယ်ပေးနိုင်သလို၊ ဖြစ်နေတဲ့သူတွေမှာလည်း မြန်မြန်သက်သာစေနိုင်ပါတယ်တဲ့။ ဒါကြောင့်မလို့ Vitamin C ကြွယ်ဝတဲ့ သံပုရာသီး၊ ရှောက်သီး၊ လိမ္မော်သီး စတာတွေကို စားပေးနိုင်သလို Vitamin C အားဆေး တစ်ရက်တစ်လုံးစောက်ပေးမယ်ဆိုရင်တော့ နှာစေး နှာပိတ်တာတွေကို တာတာ ပြလို့ရပြီနော်။

၆။ နှာညှစ်ပေးပါ။

နှာညှစ်ပေးခြင်းအားဖြင့် နှာပိတ်နေတာကို သက်သာစေရုံမကပါဘူးတဲ့ နှာခေါင်းအတွင်းမှာရှိတဲ့ allergy ဖြစ်စေနိုင်တဲ့ ဖုန်မှုန့်ကလေးတွေကိုပါ ရှင်းထုတ်ပေးနိုင်လို့ နှာစေးနှာပိတ်တာကို သက်သာစေနိုင်ပါတယ်တဲ့နော်။

၇။ ဂျင်းစားပေးပါ။

ဂျင်းထဲမှာပါတဲ့ anti histamine ဓါတ်ကြောင့်မလို့ allergy ဖြစ်တာကို အမြန်သက်သာစေနိုင်ပါတယ်တဲ့။ ဒါကြောင့်မလို့ ဂျင်းပြုတ်ရည်ပူပူလေးတစ်ခွက် သောက်ပေးမယ်ဆိုရင်တော့ ချွဲသလိပ်တွေကြေရုံမက allergy ဖြစ်တာကိုပါ သက်သာစေပါတယ်တဲ့။

၈။ လက်ဆေးပေးပါ။

လက်ဆေးနည်းကတော့ တကူးတက မပြောတော့ဘူးနော်။ အဓိကက လက်ဆေးပေးခြင်းအားဖြင့် လက်ကြားတွေမှာ ကပ်ငြိနေတတ်တဲ့ bacteria တွေ virus တွေကိုသေစေနိုင်လို့ နှာစေး နှာပိတ် ဒါဏ်ကို ကာကွယ်ပေးနိုင်ပါတယ်တဲ့။

၉။ အိပ်ရေးဝဝ အိပ်လိုက်ပါ။

အိပ်စက်ခြင်းအားဖြင့် ခန္ဓာကိုယ်ရဲ့ ခုခံအားကို ပြန်လည်ဖြည့်တင်းပေးနိုင်တာကြောင့် လူခန္ဓာကိုယ်ထဲဝင်လာမဲ့ ရောဂါပိုးမွှားတွေကို ကာကွယ်ပေးနိုင်ပါတယ်တဲ့။

၁၀။ သောက်ဆေးများ

အထက်ပါနည်းလမ်းတွေနဲ့ မသက်သာဘူးဆိုရင်တော့ anti histamine ပါတဲ့ cetrene တို့ allerday တို့ ကို သောက်ပေးလို့ရပါတယ်တဲ့။ ဒါပေမဲ့ သောက်ဆေး တွေဟာ လူနုံးစေနိုင်တဲ့အတွက် ညဘက်မှာသောက်ရင် ပိုအဆင်ပြေနိုင်ပါတယ်တဲ့။ နှာစေးနှာပိတ် အရမ်းဆိုးတဲ့ လူနာတွေ၊ မနက်ပိုင်း ထွေထွေထူးထူး လုပ်စရာမရှိတဲ့ အချိန်တွေဆိုရင်တော့ မနက်ပိုင်းမှာလည်း သောက်လို့ရပါတယ်တဲ့။

ကဲ ဥမ္မာခင်ကြောင့် နှာစေး နှာပိတ်နေတဲ့ ဘော်ဒါတွေအတွက် ဘယ်လို နည်းလမ်းလေးတွေနဲ့ နှာစေးနှာပိတ်သက်သာအောင်လုပ်ပေးရမလဲလို့ ပြောပြပေးထားတာပါ။ သူငယ်ချင်းတို့လည်း ကျန်းမာချမ်းသာပြီး ဒီကပ်ဆိုးကြီး ဒါဏ်ကနေ အမြန် ကျော်လွှားနိုင်ပါစေ။

#မောင်ခမ်း_ဆေး၁

12/02/2022

***ဥမ္မာခင်ကြောင့် လည်ချောင်းနာရင် ဘာတွေလုပ်ကြမလဲ***

သူငယ်ချင်းတို့ရေ

အားလုံးပဲ မင်္ဂလာပါနော်။ ဒီရက်ပိုင်း ဥမ္မာခင်ကလည်း တော်တော်လေးသောင်းကျန်းနေတယ်နော်။ ဥမ္မာခင်နဲ့ အတူ လူတော်တော်များများ အဖြစ်များကြတာက လည်ချောင်းကြီး ပြုတ်ထွက်မတတ်နာကြတယ်ဆိုတာပါ။ ဒီတော့ ဒီတစ်ခါ မင်မင်တို့က လည်ချောင်းနာ သက်သာအောင် ဘယ်လို နည်းလမ်းလေးတွေနဲ့ လုပ်ပေးလို့ရလဲဆိုတာလေး ပြောပြပေးမယ်နော်။

၁။ ရေဓါတ်ပြန်လည်ဖြည့်တင်းပါ။

ဥမ္မာခင်ဖြစ်လာပြီဆိုရင် အဖျားတက်လာကြပါတယ်။ တချို့ဆို ၁၀၃ လောက်ထိတက်ကြတဲ့အတွက်ကြောင့် ခန္ဓာကိုယ်မှာရေဓါတ်ခမ်းခြောက်လာရပါတယ်တဲ့။ ရေဓါတ်ခမ်းခြောက်လာတဲ့အတွက်ကြောင့် လည်ချောင်းတစ်ဝှိုက်မှာလည်း ခြောက်ကပ်လာရပြီး လည်ချောင်းနာခြင်းကို ပိုမို ဖြစ်ပေါ်စေနိုင်ပါတယ်တဲ့။ ဒီတော့ သူငယ်ချင်းတို့အနေနဲ့ ဥမ္မာခင် ဖြစ်တယ်လို့ သံသယရှိတယ်ဆိုရင် ရေဓါတ်ကြိုတင်ဖြည့်တင်းထားဖို့လိုပါတယ်တဲ့။ တစ်ရက်ကို အရည် စုစုပေါင်း ၃ လီတာလောက် သောက်သုံးသင့်ပါတယ်တဲ့။ အရည်လို့ပြောတဲ့နေရာမှာ ရိုးရိုး ရေသန့်အပြင်၊ လတ်လတ်ဆတ်ဆတ် သစ်သီးဖျော်ရည်မျိုး၊ ဓါတ်ဆားရည်မျိုး၊ စွပ်ပြုတ် ဆန်ပြုတ်လိုမျိုး စတဲ့ အာဟာရဖြစ်မဲ့ အရည်တွေကို လည်းသောက်သုံးလို့ရပါတယ်တဲ့။

၂။ အရက်ရှောင်ပေးပါ။

အရက်သောက်သုံးခြင်းဟာ ရေဓါတ်ခမ်းခြောက်ခြင်းကိုဖြစ်ပေါ်စေပါတယ်တဲ့။ သူငယ်ချင်းတို့လည်း သိကြမှာပါနော်။ ဘီယာသောက်ရင် ဆီးရွှင်တယ်ဆိုတာလေ။ ဘီယာရယ်မှမဟုတ်ပါဘူး alcohol ပါတဲ့ ဘီယာ၊ အရက်၊ ဆိုဂျူး၊ ဝိုင် အစရှိသည်တို့ဟာ ဆီးရွှင်စေတဲ့ diuretic effect ပါတာကြောင့် ဆီးများများသွားပြီး ရေဓါတ်ခမ်းစေပါတယ်တဲ့။ ဒါကြောင့် သူငယ်ချင်းတို့လည်း လည်ချောင်းနာတာ ပိုးသေအောင် ဘီယာလေးနဲ့ ပိုးသတ်လိုက်ဦးမယ်လို့ မလုပ်ကြပါနဲ့နော် 😁

၃။ ကောင်းစွာအိပ်စက် အနားယူပါ။

ကောင်းစွာအိပ်စက်အနားယူပေးခြင်းဟာလည်း ခန္ဓာကိုယ်ကို ပေါ့ပါးလန်းဆန်းစေရုံမကပါဘူးတဲ့ ခန္ဓာကိုယ်ရဲ့ ခုခံအားစနစ်ကို ပိုမိုကောင်းမွန်စေတာမလို့ လည်ချောင်းနာတာကိုလည်း ကာကွယ်ပေးပါတယ်တဲ့နော်။ ဒါတင်မကသေးပါဘူး။ ခုခံအားကောင်းနေမယ်ဆိုရင် ဥမ္မာခင်ကိုလည်း မြန်မြန်တိုက်ထုတ်ပြီးသားဖြစ်လို့ ကောင်းကောင်းလေး အနားယူပစ်လိုက်ဖို့ အကြံပေးလိုပါတယ်ခင်ဗျ။

၄။ ဆားရည် နွေးနွေးလေးနဲ့ အာလုတ်ကျင်းမယ်။

အိမ်သုံးဆား လက်ဖက်စားဇွန်းလေး ၁/၄(လေးပုံတစ်ပုံ) နဲ့ ရေတစ်ဖန်ခွက် ၂၅၀ စီစီ လောက်ကို ရောစပ်ပြီး အာလုတ်ကျင်းပေးလို့လည်း ရပါတယ်တဲ့။ ဆားရည်နဲ့ အာလုတ်ကျင်းပေးခြင်းအားဖြင့် လည်ချောင်းရဲ့ ချောင်ချိုချောင်ကြားထဲမှာကပ်ညှိနေတဲ့ အညစ်အကြေးတွေ၊ virus တွေကိုပါ ဆွဲထုတ်ပြီးတစ်ခါတည်း ရောပါသွားစေတဲ့ အတွက်ကြောင့် လည်ချောင်းနာတာကို သက်သာစေမှာပါတဲ့။

၅။ ခံတွင်းသန်းရှင်းရေးကို ဂရုစိုက်မယ်။

လည်ချောင်းနာခြင်းဟာ ခံတွင်းထဲမှာရှိတဲ့ bacteria တွေ ကြောင့်လည်း ပိုမို ဆိုးရွားလာတတ်ပါတယ်တဲ့။ တစ်ရက် ၂ ကြိမ် သွားတိုက်ပေးမယ်၊ ခံတွင်းသန့်ဆေးရည်လေးတွေနဲ့ပါ တစ်ရက် ၄ ကြိမ်လောက်အာလုတ်ကျင်းပေးမယ်ဆိုရင် ပါးစပ်ထဲမှာရှိတဲ့ ရောဂါပိုးမွှားတွေကို သေစေနိုင်ပါတယ်တဲ့။

၆။ ရေနွေးငွေ့လေးရှူပေးမယ်။

ရေနွေးငွေ့ရှူပေးခြင်းဟာလည်း လည်ချောင်းခြောက်သွေ့ခြင်းကို ကာကွယ်ပေးနိုင်တဲ့ အတွက်ကြောင့် လည်ချောင်းနာတာကို သက်သာစေနိုင်ပါတယ်တဲ့။

၇။ သောက်ဆေး၊ ငုံဆေးများ

အထက်ပါနည်းလမ်းလေးတွေနဲ့ မှ အဆင်မပြေဘူးဆိုရင်တော့ အကိုက်အခဲပျောက်ဆေးလေးတွေဖြစ်တဲ့ paracetamol တို့ ibuprofen တို့ကို သောက်သုံးပေးလို့ရပါတယ်တဲ့။ အကိုက်အခဲပျောက်ဆေးတွေဖြစ်တဲ့ အတွက် အစာစားပြီးမှ သောက်သုံးဖို့ လည်းသတိပေးလိုက်ပါတယ်နော်။ သောက်ဆေးရယ်မှမဟုတ်ဘူး ငုံဆေးလေးတွေလည်း ငုံပေးလို့ရပါတယ်တဲ့။

၈။ ဘယ်အချိန် ဆရာဝန်နဲ့ ပြသင့်လဲ။

လည်ချောင်းနာတဲ့ သူတိုင်းဟာ ဆရာဝန်ပြဖို့ မလိုပေမဲ့ အရမ်းလည်းပေါ့ဆဖို့ မသင့်ပါဘူးတဲ့။ Secondary bacteria infection လို့ခေါ်တဲ့ နေမကောင်းတဲ့သူတွေမှာ တစ်ပူပေါ် နှစ်ပူဆင့်ဆိုသလို ဘက်တီးရီးယားပိုးတွေဟာလည်း အလွယ်တကူပေါက်ဖွားတတ်ပါတယ်တဲ့။ ဒီတော့ အောက်ပါအချက်ကလေးတွေရှိမယ်ဆိုရင်တော့ သူငယ်ချင်းတို့အနေနဲ့ တတ်ကျွမ်ူနားလည်တဲ့ ဆရာဝန်တွေနဲ့ တိုင်ပင်ကြည့်သင့်ပါတယ်တဲ့။
- လည်ပင်းအကျိတ်များကြီးလာခြင်း
- အစာမျို၍မရလောက်အောင် လည်ချောင်းနာလာခြင်း
- အာသီးယောင်လာခြင်း
- အသက်ရှူရ ခက်ခဲလာခြင်း
- အာခေါင်ပေါ်တွင်အနီစက်များထွက်လာခြင်း
- အဖျားအလွန်ကြီးခြင်း (၁၀၂ အထက်)

ကဲ အထက်မှာ ဖော်ပြပေးထားတာကတော့ အိမ်မှာ ဘယ်လို နည်းလမ်းလေးတွေနဲ့ လည်ချောင်းနာသက်သာအောင် လုပ်လို့ရလဲဆိုတဲ့ နည်းလမ်းလေးတွေပါခင်ဗျ။ သူငယ်ချင်းတို့အားလုံး ကျန်းမာ ချမ်းသာကြပါစေ။

#မောင်ခမ်း_ဆေး၁

31/12/2021

မအလ မအလ
မအလ မအလ
မအလ မအလ

အရေးတော်ပုံ အောင်ရမည်
အရေးတော်ပုံ အောင်ရမည်
အရေးတော်ပုံ အောင်ရမည်

30/12/2021

ဆီးချိုဆေး Metformin နှင့် အမေးများသော မေးခွန်းများ
------------------------------------------------------------
အားလုံးပဲ မင်္ဂလာပါခင်ဗျ။ We for You page ကလေးကနေပြန်လည်ကြိုဆိုလိုက်ပါတယ်နော်။ ဒီတစ်ခါ မင်မင်တို့ပြောပြပေးမယ့် အကြောင်းအရာလေးကတော့ ဆီးချိုရောဂါရှင်တိုင်း ရင်းနီးကြတဲ့ metformin ဆိုတဲ့ ဆီးချိုဆေးလေးအကြောင်းပဲဖြစ်ပါတယ်ခင်ဗျ။

ဆီးချို ရောဂါဟာ ကမ္ဘာ နဲ့ အဝှမ်း တဖြည်းဖြည်း အဖြစ်များလာပီး ဆီးချို ရောဂါရဲ့ နောက်ဆက်တွဲ မျက်စိကွယ်တာ၊ ကျောက်ကပ်ပျက်စီးတာ၊ လေဖြတ်တာ စတဲ့ ဆိုးကျိုးတွေ ဟာလည်း ကျွန်တော်တို့ လူသားတွေကို တဖြည်းဖြည်း ချိန်းခြောက်လာနေပါတယ်။

ဆီးချိုရောဂါ လို့ပြောလိုက်တာနဲ့ ဆီးချိုဆေး Metformin ဟာလည်း ကမ္ဘာတဝှမ်းမှာ တွင်တွင် ကျယ်ကျယ် အသုံးပြုနေကြတာကိုလည်း သူငယ်ချင်းတို့ သိပီးသားဖြစ်မှာပါ။ ဒါဆို Metformin နဲ့ ပတ်သတ်ပီး လူနာတွေ ဆီက အမေးများတဲ့ မေးခွန်းလေးတွေကို ကြည့်ကြရအောင်....

၁။ Metformin ဆိုတာဘာလဲ?

- Metformin ဆိုတာ ဆီးချို ရောဂါ အမျိုးအစား ၂ အတွက် သုံးတဲ့ ဆီးချို ဆေး တစ်မျိုးပါ။ ဆီးချိုရောဂါ ကို အကြမ်းအားဖြင့် အမျိုးအစား ၁ နဲ့ ၂ ဆိုပီး ၂ မျိုး ခွဲထားပါတယ်။ အမျိုး အစား ၁ ဆီးချိုဟာ မုန့်ချို အိတ်လို့ခေါ်တဲ့ pancreas ကနေ insulin လုံးဝ မထုတ်နိုင်တဲ့ ဆီးချို အမျိုးအစား ဖြစ်ပီး ဒီလို ဆီးချို ရောဂါမှာ insulin သာ အဓိက ထိုးပေးရပါ တယ်။ အမျိုးအစား ၂ ဆီးချို ကတော့ ကျွန်တော်တို့ရဲ့ မုန့်ချို အိတ်ကနေ insulin ထုတ်ပေးနိုင်ပေမဲ့ အဲ့ဒီ insulin တွေဟာ ဆဲလ်တွေထဲ ဝင်လို့မရ (insulin resistance) ဖြစ်နေတာပါ။ Metformin ဟာ insulin sensitizer ဖြစ်ပီး တစ်နည်းပြောရရင် insulin တွေကို ဆဲလ်တွေ ထဲ မြန်မြန် ဝင်လို့ရအောင် ကူညီပေးတဲ့ ဆေးပဲ ဖြစ်ပါတယ်။

၂။ Metformin သောက်ထားရင် အစားအသောက် မရှောင်ပဲ ကြိုက်တာစားလို့ ရသလား?

- လုံးဝ မရပါဘူး။ Metformin သောက်ထားပေမဲ့ အစားအသောက် ဆင်ခြင်ရပါမယ်။ အလွန်ချို တဲ့ အစားအစာတွေ ဥပမာ ရေခဲမုန့်၊ သရက်သီး၊ ကိတ်မုန့်၊ သကြားလုံး စတာတွေ လုံးဝ မစားရပါ။ ကဆီဓာတ်ပါတဲ့ ဆန်၊ဂျုံ ပြောင်း ဥပမာ ထမင်း၊ ခေါက်ဆွဲ၊ ကြာဆံ၊ အာလူး၊ ပေါင်မုန့် စတာတွေကို သာမာန်ထက် လျော့စားရပါမယ်။ အသား၊ ငါး အမျိုးမျိုးနဲ့ အရွက်အမျိုးမျိုးကတော့ ကြိုက်သလောက် စားလို့ရပါတယ်။

၃။ Metformin သောက်ရင် ဘာဘေးထွက်ဆိုးကျိုးတွေ ဖြစ်နိုင်သလဲ?

- အကြမ်းအားဖြင့်ပြောရရင် metformin သောက်ရင် အစားအသောက် အနည်းငယ် ပျက်တတ်ပါတယ်။ ခေါင်းမူးတာ၊ အော့အန်တာ၊ ဗိုက်အောင့်တာ၊ ဝမ်းလျောတာတွေလည်း အခန့် မသင့်ရင် ဖြစ်တတ်ပါတယ်။ ရှားရှားပါးပါး အနေနဲ့ metformin သောက်တဲ့ လူနာ ၃၀၀၀၀ မှာ ၁ ယောက်လောက်က lactic acidosis လို့ခေါ်တဲ့ ဆိုးကျိုးတစ်မျိုး လည်း ဖြစ်တတ်ပါတယ်တဲ့။ lactic acidosis ဖြစ်လာရင်တော့ တစ်ကိုယ်လုံး ညောင်းကိုက်လာတာ၊ မောပန်းနွမ်းနယ်လာတာ စတာတွေ ဖြစ်လာတတ်ပါတယ်။ အဲလို ဘေးထွက်ဆိုးကျိုးတွေ ဖြစ်လာရင်တော့ သက်ဆိုင်ရာ ကျွမ်းကျင် ဆရာဝန်တွေနဲ့ ဆွေးနွေးတိုင်ပင် သင့်ပါတယ်။

၄။ Metformin ကို အစာ မစားခင်သောက်ရမှာလား? စားပီးမှသောက်ရမှာလား?

- မစားခင်ကော စားပီးကော သောက်လို့ရပါတယ်။ ဒါပေမဲ့ metformin ဟာ အစားအသောက်ပျက်တတ်လို့ စားပီးမှသောက်တာက လူနာတွေ အတွက် ပိုပီး အဆင်ပြေစေပါတယ်။

၅။ Metformin ကို ဘယ်လောက်ကြာကြာ သောက်ရမှာလဲ?

- ဒါကတော့ လူနာပေါ်မှာပဲမူတည်ပါတယ်။ တချို့ လူနာတွေဟာ တဖြည်းဖြည်း ဆီးချို ရောဂါကို ထိန်းချုပ်လာနိုင်ပီး နောက်ဆုံး ဆေးမသောက်ရတဲ့ထိ ဖြစ်လာနိုင်ပါတယ်။ သက်ဆိုင်ရာ သမားတော်ရဲ့ လမ်းညွှန်ချက် အတိုင်း လိုက်နာ သင့်ပီး မိမိသဘောနဲ့ ဆေးမဖြတ်သင့်ပါဘူး။

၆။ ကျောက်ကပ်ရောဂါ ရှိရင် Merformin မသောက်ရဘူးဆို တာ ဟုတ်သလား?

- အကြမ်းအားဖြင့်တော့ ဟုတ်ပါတယ်။ ဒါပေမဲ့ ကျောက်ကပ် ရောဂါ အဆင့် တွက်ချက်ပီး ကျောက်ကပ်အနေအထား ကောင်းသေးရင်တော့ ဆရာဝန် ညွှန်ကြားတဲ့ အတိုင်း သောက်လို့ရပါတယ်။

၇။ ကိုယ်ဝန်ရှိရင်ကော Metformin သောက်လို့ ရသလား?

- ယခု လက်ရှိ လေ့လာစမ်းစစ် ချက်တွေ အရတော့ Metformin ဟာ ကိုယ်ဝန်ရှိတဲ့ အမျိုးသမီးတွေမှာ အသုံးပြုလို့ရပါတယ်။ သန္ဓေသားကို လည်း ထိခိုက်မှု မရှိ နိုင်ပါဘူး တဲ့။

၈။ Metformin သောက်တာ ဆေးတိုး မတိုး ဘယ်လိုသိမလဲ?

- အဓိက ကတော့ သွေးတွင်း သကြားဓာတ် မှတ်တမ်းလေး ထားပေးထားရင် ဆေး တိုးမတိုး သိနိုင်တဲ့ အပြင် ဆေးကုသရာမှာ လည်းများစွာ အကျိုးရှိစေမှာပါ။ မနက်စာ မစားခင်၊ နေ့လည်စာ စားပီး ၂ နာရီ၊ ညစာစားပီး ၂ နာရီ အချိန်တွေမှာ သွေးချို စစ်ပေးရမှာ ဖြစ်ပီး စစ်ဆေးလို့ရတဲ့ အဖြေတွေကို မှတ်တမ်းလေးနဲ့ မှတ်ပေးထားသင့်ပါတယ်။

၉။ Metformin သောက်ပီး သွေးချို တအား ကျသွားတတ်လား?

- မကျတတ်ပါဘူး။ Metformin ဟာ insulin တွေကို ဆဲလ်ထဲ ဝင်အောင်သာ လုပ်ပေးပီး insulin ပိုထွက်လာတာမျိုး မရှိတဲ့ အတွက် သွေး ချို အရမ်းကျဖို့ အလွန်ရှားပါတယ်။ ဒါပေမဲ့ အလုပ်ပင်ပင် ပန်းပန်း လုပ်တာ၊ အစာလုံးဝ မစားတာမျိုးတွေ ရှိရင်တော့ ဆီးချို ပြုတ်ကျနိုင်ပါတယ်။

၁၀။ Metformin ကို ကိုဗစ်ကာလတုန်းက ကိုဗစ်လူနာတွေမှာ မသောက်ဖို့ပြောတာတွေ့ဖူးပါတယ်။ ဘာဖြစ်လို့လဲ?

Metformin ဟာ ခုန အထက်မှာပြောထားသလို lactic acidosis ဆိုတဲ့ ဘေးထွက်ဆိုးကျိုးရှိပါတယ်။ ကိုဗစ်လူနာတွေမှာ အောက်ဆီဂျင်ကျသွားတဲ့အခါ lactate ဆိုတဲ့ chemical လေးတွေထွက်လာတတ်လို့ lactic acidosis ကို ပိုဆိုးတတ်ပါတယ်တဲ့။ ဒါကြောင့် ကိုဗစ်လူနာတိုင်းတော့ မဟုတ်ပေမယ့် အောက်ဆီဂျင် ကျနေတဲ့ ကိုဗစ်လူနာတွေမှာတော့ မသုံးသင့်ပါဘူး။

အထက်မှာ ဖော်ပြ ထားတာတွေကတော့ Metformin နဲ့ ပတ်သတ်ပီး အမေးများတဲ့ မေးခွန်းလေးတွေဖြစ်ပါတယ်။ အားလုံး လည်း ဗဟုသုတ ရကြပီး ကျန်းမာ ပျော်ရွှင် နိုင်ပါစေ။

27/12/2021

သင်သိပါသလား Collection.

27/12/2021

လွန်ခဲ့တဲ့ နှစ်က ရေးထားတာလေးပါ။ အဲ့တုန်းကတော့ အရမ်း အလုပ်လုပ်တဲ့ ဆရာဝန် ပေါက်စလေးပေါ့။ ခုတော့ ၁၀၉ ၁၁၀ 😁။

“လှမေ ပြုံးနိုင်ပါပီ”

(၁)

"ဟဲ့ လှမေ နင့် သမီးကိုယ်ဝန်ရှိနေပီဆို"

"ဟုတ်တယ် မဆွေရေ ကျွန်မ သမီးက ကျွန်မထက်သွက်တယ်။ အိမ်ထောင်ကျပီးတာ ၂နှစ်ပဲရှိသေးတာ ခုကလေးတစ်ကောင်ထွက်တော့မယ်လေ။ ကျွန်မတောင် သူ့ကို အိမ်ထောင်ကျပီး ၄ နှစ်ကျော်မှရတာ"

"အေးပါလှမေရေ သားဦးမလား ဂရုစိုက်ဦးနော်။ အစားအသောက် အသွားအလာ အကုန်သတိထား။ လိုတာရှိလည်းပြောဦး။ ငါ့ယောကျာ်း ရှေ့အပတ်ထဲ မြို့တက်ဖို့ရှိတယ်။ တစ်ခါတည်း မှာပေးလိုက်မယ်"

"ကျေးဇူးပါ မဆွေရေ။ အခုလက်ရှိတော့ ဘာမှမလိုသေးပါဘူး။ လိုမှပဲပြောတော့မယ်"

"အေး ဒါနဲ့ ကိုယ်ဝန်က ဘယ်နလ တုန်းဟ။ မြို့တက်ပီး ကိုယ်ဝန်လေးဘာလေး အပ်ဦးလေ။ ကိုယ်ဝန်က စောစောသိရင် စောစောအပ်ရတယ်တဲ့"

"အော် ဟုတ်ဟုတ် မဆွေ"

ဒေါ်လှမေတစ်ယောက်လည်း ပြောလက်စ စကား အမြန်ဖြတ်လိုက်ရသည်။ အဲ့ဒီ ဒေါ် ဆွေဆွေမြင့်ဆိုသည့် မိန်းမကြီးကို ဒေါ်လှမေတစ်ယောက် ကြည့်မရ။ ငယ်ငယ်ထဲက တစ်ရွာထဲနေခဲ့ကြပေမဲ့ သူကဆယ်တန်းအောင်ပီး မြို့တက် အလုပ်လုပ်၊ မြို့က ဦးဘတူးနဲ့ အိမ်ထောင်ကျကာ မြို့နဲ့ရွာ ကူးချည်သန်းချည်နဲ့။ ပိုက်ဆံကလေးကနဲနဲရှိတော့ သူ့ဘာသာသူ ဆရာမကြီးလိုလို ဘာလိုလိုနဲ့။ ခုလည်းကြည့်လေ ကိုယ်တွေကလေး ၄ ယောက်မွေးတယ်။ အိမ်မှာပဲ အေးဆေး။ မြို့နဲ့ ကိုယ်တွေရွာနဲ့ က အလှမ်းဝေးပါဘိ။ သွားရလာရလည်းအဆင်မပြေဘူး။ သူ့လို အားအားယားယားထင်နေလားမသိဘူး။

ဒေါ်လှမေတို့ကတော့ တောသူတောင်သား လက်လုပ် လက်စားတွေလေ။ ဒေါ်လှမေမှာက အခုကိုယ်ဝန်ရှိနေတဲ့ သမီး နှင်းနု ကတော့ သမီး အကြီးဆုံးပေါ့။ သမီးကြီးပီပီ အားကိုးရပါတယ်။ အိမ်မှာ အချက်အပြုတ် အလျှော် အဖွတ်ကတော့ ဒေါ်လှမေ လှည့်ကြည့်စရာမလို။ ကောက်စိုက် ပျိုးနှုတ် အချိန်ရရင် ရသလိုလည်း ကူညီတတ်သေးသည်။ ရွာက ကာလသား မောင်ရင်မောင်နှင့် ရည်ငံတော့လည်း အဖေ အမေ မောင် ညီမ တွေကို ငှဲ့ရှာသည်လေ။ ၃ နှစ် ၃ မိုး ချစ်ကြိုက်ပီးမှ အိမ်ထောင်ပြုကြသည်။ ခုတော့ နှင်းနုတစ်ယောက် အမေဖြစ်တော့မပေါ့။ ဒေါ်လှမေတစ်ယောက် သူ့သမီး နှင်းနု အကြောင်းတွေးပီး ပီတိ ဖြစ်နေရှာသည်။

(၂)

"ဟဲ့ သမီး နှင်းနု အိမ်အလုပ်တွေ နင့်ညီမ ကို ခိုင်းစမ်းပါအေ။ နင်က မပေါ့ မပါးကြီးနဲ့ အနားယူဦး ခု ကိုယ်ဝန်က ၄ လကျော်လို့ ၅ လထဲမှာမလား။"

"ရပါတယ်အမေရဲ့။ သမီး နိုင်တာလေးတွေပဲ လုပ်တာပါ။ အငယ်မကို ခိုင်းရင် ယှက်ပြာရှက်ပြာနဲ့ နောက်က လိုက်သိမ်းရတာ သမီး ပိုပင်ပန်းတယ် အမေရဲ့။"

"အေးအေး လုပ်စရာ ရှိတာလည်းဖြေးဖြေးလုပ်။ မနက်က အမေ သမီးစားဖို့ ငါးခြောက်လေးကြော်ထားသေးတယ်။ စားလိုက်ဦးနော်။ ငါးပိလေးလည်း ခေါင်းရင်းအိမ်က လာပေးထားတာ ကောင်းမှကောင်းသမီးရေ။ အမေတော့ ခုနကပဲ စားလိုက်ပီးပီ။ သမီး အလုပ်တွေပီး စားလိုက်တော့"

"ဟုတ်ဟုတ် အမေ။ သမီး ဒီ အဝတ်လေး လျှော်ပီးစားလိုက်မယ်နော်"

ဒီနေ့က အိမ်မှာ ဒေါ်လှမေနဲ့ နှင်းနုတို့ သားအမိ နှစ်ယောက်ပဲ ကျန်ခဲ့တာလေ။ အလတ်ကောင်နဲ့ အငယ်ကောင်ကတော့ သူတို့ အဖေနဲ့ တောထဲ ထင်းခွေ လိုက်သွားကြလေရဲ့။ အငယ်မကတော့ ဘေးအိမ်က သူ့သူငယ်ချင်းတွေနဲ့ သွားကစားလေရဲ့။ နှင်းနုရဲ့ အမျိုးသားကတော့ မြို့တက်ပီး အလုပ်လုပ်တာ ဒီနေ့နဲ့ဆို ၃ လလောက်တော့ရှိပီထင်သည်။အဆင်ပြေတယ်လို့တော့ နှင်းနုကပြောရှာသည်။ဒေါ်လှမေလည်း အသက်ကလေး ရလာလို့လားမသိ၊ တစ်ခါတစ်ခါ ခေါင်းနဲနဲ မူးသလို၊ ဒူးနာသလို၊ ခါးလေးနာသလိုဖြစ်ဖြစ်လာသည်။ အရင်လို သွက်သွက်လက်လက် သိပ်မရှိချင်တော့။ တော်သေးသည် အကြီးမ နှင်းနုက အားကိုးရသည်။ ဘာပြောပြောပါလေ၊ နှင်းနုလည်း ကိုယ်လေးလက်ဝန်နဲ့ နားနားနေနေ လုပ်ခိုင်းဦးမှပါ။ နေ့စေ့လစေ့ခါနီးတော့ မောင်ရင်မောင့်ကို ပြန်လာခိုင်း ဦးမှ။ သူ့ယောကျာ်းရှိတော့ သူလည်းအားတက်ရှာမှာပေါ့။

(၃)

ဘဝ ဆိုတာက ကိုယ်ဖြစ်ချင်တဲ့ အတိုင်း ဖြစ်လာကြတာမှမဟုတ်တာ။ လူသားတိုင်းက ကံစီမံရာ ဇာတ်ခုံပေါ်မှာ နိမ့်တစ်လှည့် မြင့်တစ်လှည့်မလား။ ခုလည်း ဒေါ်လှမေတို့ အတွက် ကံကြမ္မာက မျက်နှာသာမပေးပါ။ ဒေါ်လှမေရဲ့ အမျိုးသား ဦးလှမောင်တစ်ယောက် လေဖြတ်လို့လေ။ အရမ်းကြီးမဆိုးလို့ တော်သေးတာပေါ့။ ဘယ်ဘက်ပါးလေးနဲနဲစောင်းပီး ညာဘက် တစ်ခြမ်း နဲနဲလေးတာက လွဲရင် သွားလာလို့တော့ ရသေးသည်။

"သွေးတွေ တိုးတယ် အန်တီလှမေ။ ဘကြီး ဆီမှာသွေးတိုးရောဂါရှိတာ မသိဘူးလားဗျ"

ရွာက ဆေးမှူးလေးကတော့ အိမ်လာကြည့်ပေးရှာပါသည်။ သွေးပေါင်တိုင်းကြည့်တော့ သွေးတိုးရှိသည်တဲ့။ အပေါ်သွေး ၁၈၀ အောက်သွေး ၁၂၀ တဲ့။

"ဒေါင်ဒေါင်မြည်ကြီးလေ ဆရာလေးရဲ့ သွေးတိုးမှန်း ဘယ်သိပါ့မလဲတော်"

"ဆေးတော့မှန်မှန်သောက်ရမယ်အန်တီရေ။ ခုတော့ ယာယီလေးပဲ ကျွန်တော်ပေးထားဦးမယ်။ မြို့တက်ပီးတော့ ဓါတ်မှန်တွေဘာတွေရိုက်ပီး ဆရာဝန်နဲ့ပြကြည့်ဦးလေ။ ရွာမှာက ပစ္စည်းကိရိယာ မစုံဘူး အန်တီရဲ့။"

"ဆရာလေးကလည်း ဆရာလေးပဲ ကုပေးလိုက်လို့ မရဘူးလား။ ခုလည်း အရမ်းဆိုးနေတာမှမဟုတ်တာ။ သွားလာလို့လည်းရနေသေးတာပဲဟာ။ လေဖြတ်တဲ့လူနာတွေ ဒီလိုပဲ ပြန်ကောင်းသွားကြတာပဲမလား။ ဟိုဘက်ရွာက ဦးသာထူးဆို ၁ လ ၂ လနေ ပြန်ကောင်းသွားရော။ အလကား ရှုတ်ရှုတ်ယှက်ယှက်ဆရာလေးရယ်။ ပိုက်ဆံလည်းအပိုကုန်ပါတယ်။"

"ကျွန်တော်က အကြမ်းဖျင်းပဲကုပေးလို့ ရတာအန်တီလှမေ။ ရောဂါ အကြောင်းအရင်းသေသေချာချာသိမှ အနာနဲ့ဆေး တိုးတာလေ"

"ရပါတယ် ဆရာလေးရယ် ဆရာလေးသာကုလိုက် ကျွန်မတို့ ဆရာလေးကိုယုံပါတယ်။"

"အန်တီတို့က ပြောရ တယ်ခက်သကိုး။"

(၄)

ဒေါ်လှမေဆုံးဖြတ်ချက်မှန်ပါသည်။ ဦးလှမောင်တစ်ယောက် ၁ လလောက်ကြာတော့ ပါးတစ်ခြမ်းရွဲ့တာ အတော်လေး ကောင်းလာပီ။ ထင်ပါတယ် အစကတည်းက ဒီလိုဖြစ်မယ်မှန်း။ မဟုတ်ရင် မြို့တက်ရတာနဲ့ အလုပ်က ပြတ်ဦးမည်။ မြို့တက်ဖို့ဆိုတာကလည်းလွယ်တာမဟုတ်ဘူးလေ။ ဒီခေတ်ကြီးထဲမှာက အစစ အရာရာ စျေးတွေက ကြီးပါဘိနဲ့။ ခုတော့ တော်သေးသည်မလား။

"အမေ နှင်းနု ခေါင်းတွေနဲနဲ မူးနေလို့။ အန်ချင်သလို ပျို့ချင်သလိုနဲ့။ မျက်စိတွေလည်းနဲနဲ ဝါးနေတယ်။"

"အော်သမီးရယ်။ ကိုယ်ဝန်လရင့် လာလို့နေမှာပါ။ အမေ့တုန်းကလည်းဒီလိုပဲသမီး။ ညကလည်း နင်အိပ်တာ နောက်ကျတယ်မလား။ တရေး ပြန်အိပ်လိုက်သမီး၊ ကောင်းသွားလိမ့်မယ်။"

"သမီး ဆေးမှူးလေးနဲ့ သွားပြကြည့်လိုက်ရမလားအမေ။"

“ပြမနေပါနဲ့အေ။ အဲ့ဆေးမှူးလေးက ထစ်ခနဲဆို မြို့တက်ခိုင်းနေတာအေ့။ နင်သွားပြလည်း အဖြစ်ရှိမှာမဟုတ်ပါဘူး။ မြို့ပဲတက်ပြခိုင်းမှာ။ ကိုယ့်ဘာသာ တရေးလောက်အိပ်လိုက်။ ပီးမှ မလုံးတင်တို့ ခေါ်ပီး အမေ နဲနဲပြကြည့်လိုက်မယ်။ နင့်ဗိုက်လည်း ၇လကျော်ပီ မလား။ လိုရင်လည်း ဗိုက်ပြင်ရအောင်လို့။”

(၅)

"ဟဲ့ သမီး နှင်းနု သတိထားလေ။ ဟဲ့...

လုပ်ကြပါဦးရှင် ကျွန်မ သမီးလေး တက်နေလို့။ ဟဲ့ အလတ်ကောင် ဆေးမှူးလေးသွားပင့်ချေ။ မြန်မြန် လုပ် ဒီမှာနင့်အမ ဘာဖြစ်မှန်းမသိဘူး။ ဟဲ့ နှင်းနု နှင်းနု သတိထားမှပေါ့ သမီးရယ်"

တအောင့်နေတော့ ဆေးမှူးလေး ရောက်လာပါသည်။

"ဟာ မရဘူးအန်တီ မြို့ကို မြန်မြန်ခေါ်သွားတော့ အရေးကြီးနေပီ။ အသက်အန္တရာယ်ရှိတယ်။"

ဆေးမှူးလေးပြောလို့ မြို့တက်ဖို့ အမြန်စီစဉ်ရတော့သည်။ ရှိတာလေးတွေကောက်ထဲ့ ကားငှားဖို့ ပြင်ရတော့သည်။ ရုတ်တရက်မို့ မြို့တက်မည့်ကားက ငှားမရပါ။

တော်သေးသည် မဆွေတို့ အမျိုးသား ဦးဘတူး မြို့ကပြန်ရောက်နေသည့် အချိန်မလို့။ မဆွေတို့က အားကိုးရပါသည်။ သူတို့ကိုယ်တိုင်ကားမောင်းပီး မြို့က ဆေးရုံကြိီးကို လိုက်ပို့ပေးရှာပါသည်။

(၆)

၃နာရီလောက်မောင်းပီးတော့ ပြည်နယ်ဆေးရုံကြီးသို့ ရောက်ရှိလာပါပီ။

"ဟာ ဆရာမ eclampsia case လာတယ် အမြန် အမြန်"

"လူနာကို vital sign အမြန်ယူ။ Magnesium sulphate ပြင်ထား။ OG အမ ကို အမြန်အကြောင်းကြားပေး။ OT inform ဖို့လည်းလုပ်ထားဟေ့။"

အရေးပေါ်ရှိဆရာဝန်လေးကတော့ အရွယ်နဲ့ မလိုက်အောင် သွက်လက်ရှာပါသည်။

"လူနာ နာမည်ပြောပါ။ ဘာတော်လည်းမသိဘူးလူနာနဲ့။"

"ဆရာရေ pressure က ၂၀၀/၁၂၀"

"အေးအေး MgSO4 4G ထိုးလိုက်တော့။"

"လူနာကို ချုပ်ထားပေးဦး လူနာစောင့်တွေ"

"အန်တီရေ လူနာက သွေးပေါင်တွေ အရမ်းတက်ပီး ကိုယ်ဝန်ဆိပ်တက်တာပါ။ အရမ်းစိုးရိမ်ရပါတယ်။ခုချိန်မှာ အမေကော ကလေးကော အသက်အန္တရာယ်ရှိတယ်။ အရေးပေါ်ခွဲမွေးမှရပါမယ်။ အဲ့တာ သဘောတူကြောင်း လက်မှတ်လေး ထိုးပေးပါ"

(၇)

ခဏနေတော့ အရေးပေါ် ခွဲခန်းထဲ သမီးနှင်းနု ဝင်သွားပါသည်။ ၁နာရီ ၂ နာရီလောက်ကြာတော့ ခုနဆရာလေးနဲ့ OG ဆရာမကြီးတို့ ခွဲခန်းထဲမှ ထွက်လာပါသည်။

"လူနာရှင် ထင်တယ်။ ဒီမယ် ရှင်တို့သမီး ကိုယ်ဝန်ဆောင်တုန်းသွေးတိုးရှိမှန်းမသိဘူးလား။ ခုဟာက ကိုယ်ဝန်ဆိပ်တက်တာခေါ်တယ်။ အရမ်း အသက်အန္တရာယ်များတယ်။ ခုခွဲပီးပေမဲ့ အသက်အန္တရာယ်က လွတ်ပီလို့ ပြောလို့မရသေးဘူး။ ကျွန်မတို့ စောင့်ကြည့်ရဦးမယ်။"

" ကျွန်မ သမီးက ကျန်းကျန်းမာမာပါပဲ နဂိုကလည်း ဘာရောဂါမှ မရှိဘူး။ ခုဘယ်လိုလုပ်ပီး သွေတိုးသွားရတာတုန်း။"

"ရှင်တို့ ကိုယ်ဝန်ဘယ်မှာ အပ်သလဲ။ ကိုယ်ဝန်အပ်တုန်း သွေးပေါင်မတိုင်းဘူးလား။"

"မအပ် ဖြစ်ဘူး ဆရာမကြီးရဲ့။ ကျွန်မ တုန်းကလည်း ဒီလိုပဲ မွေးလိုက်တာပဲ။ ဘာပြဿနာမှ မဖြစ်ခဲ့ဘူးလေ။"

"ဟဲ့ တူမလား လူတစ်ယောက်နဲ့ တစ်ယောက်။ အဲ့တာတွေကြောင့်ခက်တာ။ လူနာတွေက စကားလည်းနားမထောင်ကြဘူး။ ဖြစ်မှ အသည်းအသန်"

ဆရာမကြီးလည်း ပြောပြော ဆိုဆိုနဲ့ ထွက်သွားလေသည်။

ဆရာလေးကတော့ပြောရှာသည်။ ကလေးကတော့ ကလေးဆောင်ပို့ လိုက်ရသည်တဲ့။ ရနိုင်မရနိုင်တာတော့ ကံပဲတဲ့။

"ကျွန်မ မြေးလေးကို ကယ်ပါ ဆရာလေးရယ်။ ကျွန်မ ထိုင်ကန်တော့ပါတယ်။"

"ဟာ အန်တီ ထထ မဟုတ်တာ။ ကျွန်တော်တို့လည်းအတတ်နိုင်ဆုံးကြိုးစားထားပါတယ်။ ခုလည်း ကလေးဆောင်မှာ စောင့်ကြည့်ရမဲ့အနေ အထားကို ပြောပြတာပါ။ အန်တီတို့ကလည်း ကိုယ်ဝန်ရှိရင် ကိုယ်ဝန်အပ်ရမှန်း မသိဘူးလား။ နောက်ဆိုရင်လည်း သတိထား။ ဘယ်တော့မဆို ကိုယ်ဝန်ဆောင်တစ်ယောက်က ကိုယ်ဝန်ရှိမှန်းသိလာရင် သိသိချင်းကိုယ်ဝန်အပ်ပေးရတယ်။ ရက်ချိန်းလည်း မှန်မှန်ပြပေးရတယ်။ ကျွန်တော်တို့ ကိုယ်ဝန်စောစောအပ်စောစောအပ်ပြောနေတာ အန်တီတို့ လူနာတွေ အတွက်ပဲ။ ကိုယ်ဝန်အပ်တိုင်း သွေးပေါင်ချိန်မယ် ကိုယ်အလေးချိန်ချိန်မယ် လိုအပ်တဲ့ သွေးတွေစစ်ထားမယ်ပေါ့။ သွေးတိုး ဆီးချို တွေက ကိုယ်ဝန်ဆောင်တုန်း ဟော်မုန်းအပြောင်းအလဲနဲ့ ဖြစ်လာတတ်တယ်ဗျ။ သားဦးကိုယ်ဝန်ဆို ပိုဆိုးတာပေါ့။ ကိုယ်ဝန် စောစောအပ်ထားမှ ဖြစ်လာနိုင်တဲ့ ပြဿနာတွေကို စောစောသိပီး စောစောကုနိုင်တာဗျ။ သွေးပေါင်မှန်မှန်ချိန်ရင်းနဲ့လည်း ကိုယ်ဝန်ဆောင်ချိန်သွေးတိုးရင် အစားအသောက်ဆင်ခြင်တာ၊ သွေးတိုးကျဆေးသောက်ထားတာတို့ လုပ်ထားလို့ရတာပေါ့ဗျ။ မဟုတ်ရင် သွေးနဲနဲတိုးတာကို မသိလိုက်ပဲ ပေါ့ပေါ့လေးနေလိုက်ရင် ခုလိုပဲ မလိုလားအပ်တဲ့ ကိုယ်ဝန်ဆိပ်တက်တာတွေ၊ ဖြစ်လာတတ်ရင် အမေကော ကလေးကောအတွက် အန္တရာယ်ဖြစ်လာရော။ နောက်ဆိုရင်တော့ သတိထားဗျာ"

(၈)

သမီးလေး နှင်းနု ခွဲခန်းထဲက ထွက်ပီး တစ်ရက်နှစ်ရက်ကြာမှ သတိ ကောင်းကောင်းလည်လာသည်။ ခွဲပီးပီးချင်းတော့ အရေးပေါ်ခန်းထဲမှာ ထားလိုက်ရသည်။ ဘေးနားမှာလည်း သွေးပေါင်ချိန်တိုင်းတဲ့ စက်ကြီးတက်ထားရသည်။ သွေးပေါင်က တစ်ရက်ကျော် လောက်မှ ပုံမှန်ဖြစ်လာသည်။ တာဝန်ကျ ဆရာလေး ဆရာမလေးတွေ ကလည်း ဂရုစိုက်ရှာပါသည်။ ခဏခဏ ဝင်ကြည့်ကြသည်။ သွေးပေါင်မှန်ရဲ့လား။ ရှူးရှူးပေါက်ရဲ့လားနဲ့ လာလာကြည့်ကြသည်။ OG ဆရာမကြီးကတော့ မနက်တစ်ခါ ညနေ တစ်ခါ လာလာကြည့်ပေးပါသည်။ ဆရာမကြီးတို့ကျေးဇူး ဆရာလေး ဆရာမလေးတွေ ကျေးဇူးနဲ့ သမီးလေးနှင်းနု သတိပြန်လည်လာပါပီ။ ဒေါ်လှမေ အားလုံးကို ကျေးဇူးတင်လိုက်တာ။

မြေးလေးကတော့ ကံမကောင်းရှာပါ။ မွေးပီး ၃ ရက်မြောက်နေ့တွင် ဆုံးပါးသွားခဲ့ပါသည်။ ဒေါ်လှမေ ယူကြုံးမရ ဖြစ်လိုက်တာ။ ဒါပေမဲ့ ဘာပြောပြော သမီးလေးနှင်းနု ပြန်ကောင်းလာတာကိုပဲ ကျေးဇူးတင်ရပါမည်။ ကလေးဆိုတာ အမေရှိရင်ပြန်ယူလို့ ရတာပါပဲလေ။ ဒေါ်လှမေ ကိုယ့်ဘာသာ ဖြေသိမ့်ပါသည်။ နှင်းနုကတော့ သူ့ကလေး ဆုံးသွားတာ သိသိချင်းငိုလိုက်တာ။

"ဘာပြောပြောပါသမီးရေ။ သမီးအသက်ရှင်နေတာပဲ ကံကောင်းလှပါပီ။ သမီးအသက်လဲ ငယ်သေးတာပဲလေ။ ကလေးပြန်ယူလို့ရပါသေးတယ်။"

ခွဲစိတ်ပီး ၅ ရက်မြောက်နေ့တွင် သမီးလေးနှင်းနု ဆေးရုံ ဆင်းခွင့်ရပါပီ။ သွေးပေါင်ကျဆေးတော့ ဆက်သောက်ရမည် ပြောပါသည်။ လာပြရမည့် ရက်ကိုလည်း ပြန်ချိန်းပေးပါသည်။

ဒေါ်လှမေတစ်ယောက် မြေးဦးလေးနဲ့ ရင်းပီး အသိတစ်ခု ရလိုက်ပါသည်။ နောက်နောင် ကိုယ်ဝန်ဆောင်လာလျှင် ကိုယ်ဝန်စောစောအပ်ဖို့။

(၉)

အချိန်တွေ ပြောင်း ရက်တွေ နှောင်းရင်း ရာသီစက်ဝန်း နှစ်ပတ်လည်ခဲ့ပေပီ။

"ဟဲ့ လှမေ နင့်သမီး ကိုယ်ဝန်ရှိနေပီဆို"

"ဟုတ်တယ် မဆွေရေ အရင်အပတ်ကပဲ မြို့တက်ပီးကိုယ်ဝန်အပ်လိုက်တယ်လေ။ သွေးပေါင်ချိန်လည်းကောင်းတယ် ၃ လတော့ရှိပီတဲ့။ ရှေ့တစ်လကြာမှရက်ချိန်းသွားပြရမယ်"

ဒေါ်လှမေတစ်ယောက် ခုတော့ ဒေါ်ဆွေဆွေမြင့်ကို အပြုံးစစ်စစ်နဲ့ ပြုံးပြနိုင်ခဲ့ပါပီ။

#မောင်ခမ်း_ဆေး_၁

19/12/2021

Page ကို ဒီတစ်လော ဂရုမစိုက်နိုင်ဖြစ်သွားတာတော်တော်ကြာသွားပါတယ်။ အဓိကက မင်မင်တို့တွေ click နှိပ်တဲ့ ဘက်ကို အာရုံစိုက်ပီး မိုးလင်းမိုးချုပ် click နေကြတာရယ် မအားတာလေတွေရယ်ကြောင့်ပါ။ အသစ်လေးတွေပြန်တင်ရင်ကောင်းမလား စဉ်းစားနေပေမဲ့ click နှိပ်တဲ့ ဘက်ကိုလည်း အားနည်းသွားမှာ စိုးရိမ်နေပြန်ရော။ စာတစ်ပုဒ်တင်ဖို့ကလည်း စာဖတ်ရတာရယ် ရေးရတာရယ်နဲ့ အချိန်အတော်ကုန်လို့ပါ။ ဘယ်လိုလုပ်ရမလဲ မစဉ်းစားတတ်တော့ဘူးဗျ။ ခုတော့ click ဘက်တဲ့ ပိုင်းလေးကော page ဘက်ကိုပါ မျှလုပ်ဖို့ စဉ်းစားထားပါတယ်။ သူငယ်ချင်းတို့ကော ဘာလုပ်ရင်ကောင်းမလဲ အကြံပေးကြပါအူးနော်။

22/11/2021

အားလုံးပဲ မင်္ဂလာပါခင်ဗျ။

ဒီရက်ပိုင်း မင်မင်တို့ အားလုံးလဲ စိတ်နာနာ နဲ့ ထိုင်နှိပ်နေကြတာ ဆောင်းပါးလေးတွေတောင်မတင်ဖြစ်ဘူးခင်ဗျ။ စာဖတ်ပရိတ်သတ်ကြီးလည်း ဒီ စာလေးမြင်ရင် ချက်ချင်းသွားပြီး app တစ်ခုကို ပွိုင့် ၅၀ လောက်စီယူပေးကြအူးနော်။ အခု ပန်းသီးတွေမှာ ThaDin ကော Lattsaung ပါရနေပြီဆိုတော့ ပန်းသီးသမားလေးတွေလည်း ရှယ်၀ုန်းကြတော့နော်။ စက်ရုပ်ကလေးတွေကတော့ ထုံးစံအတိုင်း ဆက်လက်၀ုန်းပေးကြပါလို့။

မင်မင်တို့ page မှာ ဆောင်းပါးလေးတွေ အတင်ကြဲနေပေမဲ့ ကျန်းမာရေးပြဿနာတွေကိုတော့ တောက်လျောက်ဖြေပေးနေပါတယ်နော်။

14/11/2021

***Collection 5***

အားလုံးပဲမင်္ဂလာပါနော်။ မင်မင်တို့ page ကလေးကနေ တင်ပြီးသမျှ ဆောင်းပါးလေးတွေ ၀တ္ထုတိုလေးတွေကို ပြန်စုစည်းပေးထားပါတယ်။ အရင် collection တွေကိုလည်း ပြန်ရှာရ လွယ်အောင် ထည့်ပေးထားပါတယ်ခင်ဗျ။ အားလုံးပဲ ကျန်းမာ ရွှင်လန်းကြပါစေ။

၁။ Sleep paralysis (ဘီလူးစီးခြင်း)
https://www.facebook.com/106216265116463/posts/122687243469365/

၂။ စိတ်ဖိစီးမှုကို သဘာ၀အတိုင်း ဘယ်လိုလျော့ချမလဲ?
https://www.facebook.com/106216265116463/posts/122796436791779/

၃။ အတက်ရောဂါ (Epilepsy)
https://www.facebook.com/106216265116463/posts/123288473409242/

၄။ ဆီးချိုရောဂါနဲ့ပတ်သတ်ပြီး ဘယ်လိုပြုမူနေထိုင်စားသောက်ရမလဲ?
https://www.facebook.com/106216265116463/posts/123732420031514/

၅။ ဆီးချိုရောဂါ part 1
https://www.facebook.com/106216265116463/posts/124639353274154/

၆။ သန္ဓေတားနည်း အမျိုးမျိုး
https://www.facebook.com/106216265116463/posts/125083693229720/

၇။ အူအတက်ရောင်ခြင်း (Appendicitis)
https://www.facebook.com/106216265116463/posts/125494183188671/

၈။ ဆီးချိုရောဂါ part 2
https://www.facebook.com/106216265116463/posts/125758013162288/

၉။ အိမ်ပြန်ချင်တယ်မေမေရယ် (၀တ္ထုတို)
https://www.facebook.com/106216265116463/posts/126068526464570/

၁၀။ နှလုံးရောဂါမဖြစ်အောင် ကာကွယ်ကြမယ်။
https://www.facebook.com/106216265116463/posts/128159789588777/

၁၁။ နှာခေါင်းသွေးလျှံခြင်း
https://www.facebook.com/106216265116463/posts/128417582896331/

၁၂။ ဆီးကျိတ်ယောင်ခြင်း
https://www.facebook.com/106216265116463/posts/128868666184556/

၁၃။ ဝမ်းထဲသွေးပါပြီဆိုရင် (အပိုင်း ၁)
https://www.facebook.com/106216265116463/posts/129325632805526/

၁၄။ အသားမဲခြင်း၏ အနှစ်သာရ
https://www.facebook.com/106216265116463/posts/130045296066893/

Collection 1
https://m.facebook.com/story.php?story_fbid=111386591266097&id=106216265116463

Collection 2
https://m.facebook.com/story.php?story_fbid=113635107707912&id=106216265116463

Collection 3
https://m.facebook.com/story.php?story_fbid=118409393897150&id=106216265116463

Collection 4
https://www.facebook.com/106216265116463/posts/122210993516990/

မင်မင်တို့ရဲ့ telegram channel လေး ကိုလည်း join ထားလို့ရပါတယ်ဗျ
t.me/we_for_you

13/11/2021

အသားမဲခြင်း၏ အနှစ်သာရ

သူငယ်ချင်းတို့အားလုံး မင်္ဂလာပါနော်။ We for you page ကလေးကနေ ပြန်လည်ကြိုဆိုလိုက်ပါတယ်ခင်ဗျ။ အသားဖြူ အလကားလူ အသားမဲ ပတ္တမြားခဲတဲ့။ ဟိုးငယ်ငယ်လေးထဲက အချင်းချင်း ကျီစယ်ကြတဲ့ စကားလေးပါ။ ဟုတ်ပါတယ်ခင်ဗျ။ အသားမဲတဲ့လူတွေက အသားဖြူတဲ့လူတွေထက်စာရင် ကျန်းမာရေးအရပိုပြီး အကျိုးရှိတာကို တွေ့ရှိရပါတယ်တဲ့ခင်ဗျ။ ဘာဖြစ်လို့ပါလဲတဲ့။

ကျွန်တော်တို့ လူသားတွေရဲ့ အရေပြား၊ ဆံသားနဲ့ မျက်လုံးတွေမှာ အရောင်ကိုဖြစ်စေတဲ့ melanin ဆိုတဲ့ pigment ကလေးရှိပါတယ်တဲ့။ ဒီ melanin ဆိုတဲ့ pigment ကလေး များရင် အရောင်ပိုရင့်တဲ့ အတွက်ကြောင့် အသားပိုမဲတာ၊ ဆံပင် အရောင်နက်တာ၊ မျက်စိအရောင်နက်တာ စတာတွေဖြစ်နိုင်ပါတယ်တဲ့။ ခန္ဓာကိုယ်မှာ melanin များတာ ဘာအကျိုးရှိလို့လဲဆိုတာ တစ်ချက်ကြည့်လိုက်ကြရအောင်နော်။

၁။ UV light ဒါဏ်မှ ကာကွယ်ပေးပါတယ်။

ကျွန်တော်တို့ရဲ့ အရေပြားမှာ melanin pigment လေးရှိနေခြင်းအားဖြင့် နေရောင်ခြည်မှလာတဲ့ ခရမ်းလွန်ရောင်ခြည် UV light ဒါဏ်မှ ကာကွယ်ပေးပါတယ်တဲ့။ ခရမ်းလွန်ရောင်ခြည်ဟာ အရေပြားကို တိုက်ရိုက်ထိတွေတဲ့ အခါ အရေပြားရဲ့ ဆဲလ်တွေကို သေဆုံးစေပြီး အဆိုးဆုံးအနေနဲ့ အရေပြားကင်ဆာ အထိဖြစ်ပွားစေနိုင်ပါတယ်တဲ့။ ဒီ melanin pigment လေးဟာ အရေပြားပေါ်ကျလာတဲ့ ခရမ်းလွန် ရောင်ခြည်တွေကို စုပ်ယူပေးထားနိုင်တဲ့အတွက် အရေပြားပျက်ဆီးခြင်းကို ကာကွယ်ပေးနိုင်ပါတယ်တဲ့။

၂။ Antioxidant အာနိသင်ရှိပါတယ်

ခန္ဓာကိုယ်မှာ ဇီ၀ကမ္မဖြစ်စဉ်တွေကြောင့် ဓါတ်တိုးဖြစ်စဉ်တွေဖြစ်ပွားတတ်ပါတယ်။ ဒီလို ဓါတ်တိုးဖြစ်စဉ်တွေအပြီး ထွက်လာတဲ့ အညစ်အကြေးတွေ (Reactive Oxygen Species - ROS) တွေကြောင့်လည်း ခန္ဓာကိုယ်ရဲ့ ဆဲလ်တွေ သေကြေပျက်ဆီးရပါတယ်။ melanin pigment လေးဟာ ဒီ ROS တွေကို လိုက်လံ သိမ်းဆည်းပြီး စွန့်ပစ်စေတဲ့ အတွက်ကြောင့် ခန္ဓာကိုယ်ရဲ့ ဆဲလ်တွေ ပျက်ဆီးခြင်းမှ ကာကွယ်ပေးနိုင်ပါတယ်တဲ့။

၃။ ဆံပင်

Melanin pigment ကလေးများတဲ့ ဆံသားပိုင်ရှင်တွေဟာ ပုံမှန်သူတွေထက် ဆံပင်ဖြူတာ ပိုနှေးကြပါတယ်တဲ့။ ဒါတင်မကသေးပါဘူး ဆံသားခြောက်ခြင်း၊ ဆံပင်ကျွတ်ခြင်း ဒါဏ်မှလည်း ကာကွယ်ပေးတာကိုတွေ့ရှိရပါသေးတယ်တဲ့။ ဒါ့အပြင် ခရမ်းလွန်ရောင်ခြည်ဒါဏ်ကလည်း ကာကွယ်ပေးသေးတဲ့အတွက် ဆံသားပျက်ဆီးခြင်းကိုလည်း ကာကွယ်ပေးပြန်ပါသေးတယ်တဲ့။

၄။ မျက်လုံး

မျက်လုံးမှာလည်းထိုနည်း လည်းကောင်းပါပဲခင်ဗျ။ မျက်လုံးအမဲရောင်ပိုင်ရှင်တွေဟာ အသက်ကြီးလာရင် တခြားမျက်လုံးအရောင်ပိုင်ရှင်တွေထက် မျက်စိမှုန်တာ၊ ဝါးတာ အဖြစ်ပိုနည်းပါတယ်တဲ့။

၅။ အခြားအကျိုးကျေးဇူးများ

ထူးခြားချက်အနေနဲ့ melanin များတဲ့ သူတွေဟာ ခန္ဓာကိုယ်ထဲမှာ folic acid ချေဖြတ်ခြင်းကို တားဆီးပေးစေပါတယ်တဲ့။ Folic acid ဟာ အမျိုးသမီးတွေမှာဆိုရင် မ မျိုးဥ အတွက်လိုအပ်တာကြောင့် အိမ်ထောင်ရှင်အမျိုးသမီးတွေမှာဆို ကလေးရနိုင်ချေပိုများပါတယ်တဲ့။ ဒါတင်မကသေးပါဘူး။ ကလေးလေးမွေးဖွားလာလို့ရှိရင်လည်း Neural tube defect လို့ခေါ်တဲ့ မွေးရာပါ အာရုံကြော ချို့တဲ့မှု မဖြစ်အောင်လည်း ကာကွယ်ပေးနေပြန်ပါသတဲ့။

ကဲ ဒီလောက်ဆိုရင် ပတ္တမြားခဲလေးတွေရဲ့ အကျိုးကျေးဇူး ဘာတွေရှိသလဲ အကြမ်းအားဖြင့်သိလောက်ပါပြီနော်။

ကျန်းမာရေးနဲ့ ပတ်သတ်ပြီး မေးမြန်းလိုတာလေးတွေရှိရင်လည်း မင်မင်တို့ page မှာ အခမဲ့ လာရောက်မေးမြန်းနိုင်ပါတယ်နော်။

We for you

18/02/2022

17/02/2022

14/02/2022

12/02/2022

31/12/2021

30/12/2021

27/12/2021

27/12/2021

19/12/2021

22/11/2021

14/11/2021

13/11/2021

Address

Website

Alerts

Shortcuts

Share

Category