Dr Wai Phyo

01/03/2026

“ဆရာ၊ ကျွန်မ သွေးဆုံးကိုင်မှာ ကြောက်တယ်…”

ဒါက ဆရာ မကြာခဏ ကြားရတဲ့ စကားပါ။

အမျိုးသမီးအများစုဟာ သားအိမ်နဲ့ သားဥအိမ်ရောဂါ ပြင်းထန်စွာ ခံစားနေရပြီး- အသားလုံး အကျိတ်တွေ၊ သွေးလုံး (endometriosis)၊ ထပ်ခါတလဲလဲ နာကျင်ကိုက်ခဲမှု၊ သွေးဆင်းများတာတွေ... စတာတွေ ဖြစ်နေကျပါတယ်။

ဒါပေမယ့် သူတို့ရဲ့ အကြီးမားဆုံး ကြောက်ရွံ့မှုက ရောဂါမဟုတ်ဘူး။

သူတို့ရဲ့ အကြီးမားဆုံး ကြောက်ရွံ့မှုကတော့-

👉 “ခွဲစိတ်ပြီးနောက် သွေးဆုံးရင် ဘာဖြစ်မလဲ”

အဲဒီကြောက်ရွံ့မှုကို ဆရာ နားလည်ပါတယ်။

လူမှုကွန်ရက် Facebook Tiktop တွေမှာ ပူပြင်းတဲ့ ချွေးထွက်ခြင်း၊ စိတ်ခံစားချက် ပြောင်းလဲခြင်း၊ အိုမင်းခြင်း၊ ခြောက်သွေ့ခြင်း၊ အားနည်းခြင်းတွေအကြောင်း ပြောကြတာကြောင့်…

သွေးဆုံးတာက ကြောက်စရာကောင်းတယ်လို့ ထင်ရစေပါတယ်။

ဒါပေမယ့် အဲလို ပြောနေတဲ့သူတွေက သားအိမ် သားဥအိမ် ထုတ်လို့ ဖြစ်နေကြတာတွေ ပြောနေတာဘဲ ဖြစ်ပြီး သူတို့သာ ရောဂါရှိတဲ့ သားအိမ် သားဥအိမ်တွေများ မထုတ်ခဲ့ရင် ဘာဖြစ်မယ်ဆိုတာ မပြောကြပါဘူး

သားဥအိမ်နဲ့ သားအိမ် နှစ်ခုစလုံး ပြင်းထန်စွာ ရောဂါရှိနေတဲ့အခါ ခန္ဓာကိုယ်ထဲမှာ သိမ်းဆည်းထားလို့ မရနိုင်ပါဘူး

တစ်ခါတစ်ရံမှာ ရောဂါကို ဖယ်ရှားတာက ခန္ဓာကိုယ်အတွက် အလုံခြုံဆုံးနဲ့ အကောင်းဆုံး ရွေးချယ်မှုပါပဲ။

ဟုတ်ပါတယ် - သားဥအိမ်နှစ်ခုလုံးကို သဘာဝအတိုင်း သွေးဆုံးခြင်း မတိုင်ခင် ဖယ်ရှားလိုက်ရင် သွေးဆုံးခြင်းရဲ့ လက္ခဏာတွေ ဖြစ်ပေါ်လာနိုင်ပါတယ်။

ဒါပေမယ့် အမှန်တရားကတော့-

🌿 အမျိုးသမီးတိုင်း ပြင်းထန်စွာ ခံစားရတာ မဟုတ်ပါဘူး။

🌿 ရောဂါလက္ခဏာတွေကို ကုသနိုင်ပါတယ်။

🌿 ဟော်မုန်း အစားထိုးကုထုံး (HRT) ကို စနစ်တကျ ကုသမယ်ဆိုရင် အမျိုးသမီးအများစုအတွက် ဘေးကင်းပါတယ်။

🌿 ဘဝအရည်အသွေး ကောင်းမွန်နေနိုင်ပါသေးတယ်။

ပိုအန္တရာယ်များတာကတော့ -
• အဆက်မပြတ်နာကျင်မှုနဲ့ နေထိုင်ခြင်း
• သွေးထွက်များပြီး သွေးအားနည်းရောဂါနဲ့ နေထိုင်ခြင်း
• ကြီးထွားလာတဲ့ အကျိတ်တွေနဲ့ နေထိုင်ခြင်း
• ကင်ဆာကို ကြောက်ရွံ့ခြင်းနဲ့ နေထိုင်ခြင်း

သွေးဆုံးခြင်းဟာ ဘဝရဲ့ အစိတ်အပိုင်းတစ်ခုပါ။
ကုသမှုမခံယူရတဲ့ ရောဂါဟာ အသက်အန္တရာယ်ပေးနိုင်ပါတယ်

ဆရာဝန်တစ်ယောက်အနေနဲ့ ဆရာဟာ အကြောင်းပြချက်ခိုင်ခိုင်လုံလုံမရှိဘဲ ကိုယ်တွင်းအင်္ဂါတွေကို ဖယ်ရှားဖို့ မထောက်ခံပါဘူး။

ဆရာတို့ ခွဲစိတ်ကုသမှု အကြံပြုတဲ့အခါ လူနာကို ကာကွယ်ပေးချင်လို့ပါ - ထိခိုက်အောင် မဟုတ်ဘဲ ကယ်တင်ချင်လို့ပါ။

Facebook ပေါ်က ကြောက်ရွံ့မှုတွေကြောင့် သင့်လျော်တဲ့ ကုသမှုကို နှောင့်နှေးအောင် မလုပ်ပါနဲ့။

ကျန်းမာရေးက ကြောက်ရွံ့မှုထက် ပိုအရေးကြီးပါတယ်။

မိမိရဲ့ ဆရာဝန်ကို မေးခွန်းများများ မေးပါ။

ရောဂါအခြေအနေကို နားလည်ပါ။

ပြီးရင် ယုံကြည်မှုရှိရှိ ဆုံးဖြတ်ပါ။

🌸အမျိုးသမီးတိုင်းဟာ

🌸 နာကျင်မှု တစ်စုံတစ်ရာ မရှိဘဲ နေထိုင်ရန် ထိုက်တန်ပါတယ်

🌸 ကျန်းမာဘေးကင်းလုံခြုံမှုတွေနဲ့ ထိုက်တန်ပါတယ်။

🌸 သင့်လျော်တဲ့ ဂရုစိုက်မှုတွေ ကုသမှုတွေနဲ့ထိုက်တန်ပါတယ်။

🌸ကင်ဆာရောဂါဖြစ်မှာကို ကြောက်ရွှံစိုးထိတ်ပြီး မနေရတဲ့ ဘဝနဲ့ ထိုက်တန်ပါတယ်

16/02/2026

ကျွန်တော်နဲ့ သမီးကလေးအဆင်ပြေမှာပါနော်ဆရာဆိုတဲ့ မနှင်းနုအေး

ပထမ ကိုယ်ဝန်တုန်းက Origin မှာ IUI နဲ့ရခဲ့ပြီး အပါတ် ၂၀ မှာ ရေမွှာပေါက်တော့ အဆင်ပြေမှာပါနော် ဆရာလို့ မနှင်းနှအေးက မေးတော့ ဆရာ့မှာ ပြန်မဖြေနိုင်ခဲ့ 😔😔😔

တစ်ရက်တစ်ရက် သူ့အခန်းထဲ ဝင်လိုက်ရင် အုန်းပွဲ ဌက်ပျောတွေ အမွှေးတိုင်အနံ့တွေ တလှိုင်လှိုင်နဲ့ ဇွဲမလျှော့ခဲ့ 😳

အဲလိုနဲ့ ကိုယ်ဝန်က မယုံနိုင်လောက်အောင် တဖြည်းဖြည်းရင့်လာတော့ ဆရာတို့မှာတောင် အံ့ဩရတယ်။ ဆရာအဆင်ပြေမှာပါနော်လို့ မေးမေးနေတဲ့ မေးခွန်းလေးအတွက် ပြန်ဖြေဖို့ အားတွေရှိလာခဲ့တယ်😍

ကိုယ်ဝန် ၃၃ ပါတ်ထိ အရောက်မှာတော့ ရိုးရိုးမွေးပြီးတဲ့နောက် ဆရာခိုင်ရဲ့ team ကြောင့် သားသားလေးရသွားတော့ ဆရာ့ဘဝမှာ မေ့မရနိုင်တဲ့ အခိုက်အတန့်လေးပါဘဲ☺️☺️☺️☺️

ခုတော့ ဒုတိယ ကိုယ်ဝန်ကို သားအိမ်ခေါင်းကို ကြိုချုပ်ပေးခဲ့တော့ နေ့စေ့လစေ့ထိ ရောက်ပြီး ကိုးပေါင်သမီးလေးထပ်ရသွားတော့ ပြီးပြည့်စုံသွားတော့တာပေါ့ 😍😍😍😍

မနှင်းနှအေးအကြောင်းရေးမယ်ရေးမယ်နဲ့ အခုဒုတိယကလေးလေးမွေးမှဘဲ ရေးဖြစ်တော့တယ် 😁
ကျေးဇူးပါ ပခုက္ကူက မနှင်းနုအေးရေ🙏🙏🙏

04/02/2026

တွေ့သမျှ တွေထဲမှာ အဆိုးဆုံး အခံရဆုံးသော Adenomyosis လို့ခေါ်တဲ့ အသားအိမ်အသားအတွင်း သွေးလုံးတည်ခြင်း or သားအိမ်ပွခြင်း အကြောင်း

785 likes, 34 comments. “Adenomyosis သားအိမ်ပွတယ် သားအိမ်အတွင်း သွေးလုံးတည်ခြင်းလို့ခေါ်တယ်”

03/02/2026

ဆရာ သမီးကိုယ်ဝန်က ရုပ်ရှင်ထဲလို မပျို့မအန်ဘူး ဖြစ်နေတယ် 😒😒😒

ရုပ်ရှင်ထဲလို ပန်းအိုးတွေကော ကျကွဲခဲ့သေးလား 😏😏

နှစ်ယောက် တစ်ယောက်မျက်နှာ တစ်ယောက် ကြည့်ပြီး အဲလိုတော့ မဖြစ်ခဲ့ဖူးတဲ့ 😁😁😁

အဲဒါကြောင့် မအန်တာ 😁😁😁
ရူးချင်နေပါပြီ 😅
အန်တဲ့သူတွေက ပန်းအိုးကျကွဲခဲ့လို့ 🫢😛😁

02/02/2026

ခက်ခက်ခဲခဲ ကြိုးစားပေးလို့ရသွားတဲ့ မိသားစုလေးတွေဆိုရင် ခုပြန်တွေ့တိုင်း ရင်ထဲမောမောသွားတယ် သူတို့ဆို ဘယ်လောက်တောင်မောလိုက်မလဲ 😍

01/02/2026

Polycystic ovaries အကြောင်း

Tik Tok မှာ short video တွေ တင်ကြည့်နေပါတယ်

ကတော့မက ဘူးနော် 😁

Check out Dr. Wai Phyo’s video.

30/01/2026

2017 Myanmar Idol တုန်းက ဆရာ “မ” ဘက်လိုက်ပြီး မှားခဲ့တာတွေကို 🙄🫣😁😁Baby လေးရအောင် ကြိုးစားပေးပြီး အကြွေးဆပ်လိုက်ပြီနော် 😁😁😅

ဆရာက OG ဆိုတော့ “မ” ဘက်ပါခဲ့မိတာပါ 😜😁😁

ပြင်ဦးလွင်ကနေ တကူးတက ဆရာခေါ်တိုင်း မငြီးမငြူ လာလာ ပြတဲ့ IVF first time မှာတင် အောင်မြင်သွားတဲ့ ကိုသားငယ်နဲ့ မချစ်စုဝေ တို့အတွက် ဝမ်းသာကျေနပ်ရပါတယ်😍🙏😍

26/01/2026

🌸 ကိုယ်ဝန်ဆောင်စဉ် OGTT နှင့် D-dimer စစ်ဆေးခြင်းအကြောင်း သိထားသင့်တာများ 🌸

ခဏခဏ မေးနေကြတဲ့ OGTT and D-dimer

👶 OGTT (Oral Glucose Tolerance Test)

ကိုယ်ဝန်ဆောင်အမျိုးသမီးအားလုံးမှာ
👉 24–28 ပတ်အတွင်း OGTT စစ်ဆေးသင့်ပါတယ်

ဘာကြောင့်လဲ❓

ကိုယ်ဝန်ဆောင်ချိန်မှာ
⚠️ သွေးချိုတက်နိုင်ပါတယ် (Gestational Diabetes)
အချို့မိခင်တွေမှာ လက္ခဏာမပြဘဲဖြစ်နိုင်ပါတယ်

OGTT စစ်ဆေးခြင်းက —

✅ ကလေးအလွန်ကြီးမားခြင်းကို ကာကွယ်နိုင်
✅ မွေးဖွားချိန် အန္တရာယ်လျော့နည်းစေ
✅ မိခင်တွင် နောက်တစ်ခါ ဆီးချိုဖြစ်နိုင်မှု လျော့နည်းစေ

👉 ဒါကြောင့် ကိုယ်ဝန်ဆောင်အားလုံး စစ်ဆေးသင့်ပါတယ်

⸻

🩸 D-dimer စစ်ဆေးခြင်း

❌ ကိုယ်ဝန်ဆောင်အားလုံးအတွက် ပုံမှန်စစ်ဆေးရန် မလိုအပ်ပါ

ဘာကြောင့်လဲ❓

ကိုယ်ဝန်ဆောင်ချိန်မှာ
📈 D-dimer သဘာဝအတိုင်း မြင့်တက်လာတတ်ပါတယ်

ဒါကြောင့် —
⚠️ မလိုအပ်တဲ့ စိုးရိမ်ပူပန်မှုများ
⚠️ မလိုအပ်တဲ့ စမ်းသပ်မှုများ ဖြစ်စေနိုင်ပါတယ်

👉 သွေးကြောပိတ်ဆို့မှု (DVT, PE) သံသယရှိမှသာ အသုံးပြုပါတယ်

⸻

📌 အကျဉ်းချုပ်

✔ OGTT – ကိုယ်ဝန်ဆောင်အားလုံး စစ်ဆေးသင့်
❌ D-dimer – ပုံမှန်မလိုအပ်

12/01/2026

ကလေးလေး လိုချင်နေပေမယ့်👶

ကိုယ်တိုင်က ကို့ကို့ကလေးလေးဘဲ ဖြစ်နေတုန်းဆိုတော့😒

ဆရာက ရက် ဘယ်လို တွက်ပေးရမလဲ😩😩😁😁

05/01/2026

ဆရာ့ကို အားကိုးတယ်နော်လို့ ပြောရင် သက်ပြင်းလေးခိုးခိုးချမိပြီး ပိုပိုပြီး ကြိုးစားမိပါတယ်နော်

Origin ရဲ့ ရည်ရွယ်ချက်တွေ၊ ရနိုင်တဲ့ ဝန်ဆောင်မှုတွေ၊ future plan လေးတွေပြောပြထားပါတယ်နော်

28/12/2025

ပြီးခဲ့တဲ့လက ဇနီးမောင်နှံအတွဲလေးလာပြတယ် ကလေးမယူခင် လာဆွေးနွေးတာတဲ့
စစ်ဆေးစရာတွေအားလုံးစစ်ဆေးပြီးတော့ ကောင်းနေတာနဲ့ ယူပါလို့ ပြောလိုက်တယ်
ဒီလ ဗိုက်လာ အပ်တယ် 🙄

တော်လိုက်တာ သမီးတို့ကရဲမျက်မှန်တွေလို့ ပြောတော့ နားမလည်ကြဘူး 🤔🤔

ဒီ ခေတ်ကလေးတွေနဲ့တော့ ခက်ပါတယ် 😁😁
အားလုံး ရဲမျက်မှန်တွေ ဖြစ်ရင်ကောင်းမယ် 🙏🙏😅

07/12/2025

ဒီ ဇနီးမောင်နှံ ကလေးလိုချင်လို့ လာပြတာ ကြာလာတော့ IVF လုပ်ဖို့ ဖြစ်လာခဲ့တယ်

သ​န္ဓေသားလေးတွေ ကောင်းကောင်းရပေမယ့် မေမေက သားအိမ်နံရံ မထူတော့ သန္ဓသားလေးတွေ ပြန်ထည့်ဖို့က အချိန်ယူနေရတာပေါ့

တစ်နေ့ အမျိုးသားရဲ့ ဆံတော်က တော်တော်ရှည်နေတာကို သတိထားမိတော့ သွားပြီး စပ်စုမိတာပေါ့ 😏😏😏

ဆရာ ကျွန်တော် ကလေးမရမခြင်း ဆံပင် မညှပ်တော့ဘူး ဆိုဘဲ 😩😩😩

အဲမှာ စတာဘဲ 😅😅😅

သူဝင်လာတိုင်း အဲ ဆံပင်ရှည်ကြီးကို မကြည့်ဘဲနဲ့ကို မနေနိုင်တော့တာ 😏😅

ကိုယ်တောချောကလည်း မျိုးကြီးတို့ လေးဖြူတို့လို ဆံပင်ကို ခါလိုက်၊ ဖွလိုက်နဲ့ 🙄🙄😅 ဆံပင်ကို စီးလာလိုက်၊ ဘီးကုတ်တွေ တပ်လိုက်နဲ့ 🫢😅😅

ပထမဆုံးအကြိမ်မှာဘဲ ကိုယ်ဝန်ရသွားပေမယ့် ကံဆိုးပြီး ပျက်သွားတော့ ထပ်ပြီးစောင့်ရလေ သူ့ ဆံပင်ကရှည်လာလေဘဲ စိတ်တွေလည်း ညစ်ရပါတယ် 😏😏😩😅

ဒုတိယအကြိမ် သ​န္ဓေသားလေး ထည့်ပေးလို့ အောင်မြင့်တော့မှ ဖေဖေ ဖြစ်ပြီဆိုတာနဲ့ ဆံပင်လေးကို သပ်သပ်ရပ်ရပ် ညှပ်လာမှ ဆရာ့ မျက်နှာကြီးလည်း ပြုံးလို့ရွှင်လို့ပေါ့ 😁😁😁😁