27/11/2025
ပန်ခရိယဆိုတာ လူအတော်များများ ဘယ်လိုအင်္ဂါအစိတ်အပိုင်းမှန်း သတိမထားမိကြပေမဲ့ ခန္ဓာကိုယ်အတွက် အရေးပါတဲ့ အစိတ်အပိုင်းတစ်ခုဖြစ်ပါတယ်။
ပန်ခရိယကို သရက်ရွက် ဒါမှမဟုတ် မုန့်ချိုအိတ်ဆိုပြီး အမျိုးမျိုးခေါ်ဝေါ်ကြလေ့လည်းရှိပါတယ်။ ပန်ကရိယမှာ အဓိကလုပ်ဆောင်ချက် နှစ်မျိုးရှိပါတယ်။ အဲဒါတွေကတော့ အစာချေဖျက်ဖို့အတွက် Exocrine Gland တွေကနေ အင်ဇိုင်းမ်တွေကို ထုတ်လွှတ်ပေးခြင်းနဲ့ သွေးတွင်းသကြားဓာတ်ကို ထိန်းညှိပေးဖို့အတွက် Endocrine Gland ကနေ အင်ဆူလင်နဲ့ ဟော်မုန်းတွေကို ထုတ်လွှတ်ပေးခြင်းတို့ပဲဖြစ်ပါတယ်။
ပန်ခရိယကင်ဆာဟာ ကင်ဆာတွေထဲမှာ အသိရခက်ဆုံး၊ လက္ခဏာ အပြနည်းဆုံး ကင်ဆာတစ်မျိုး ဖြစ်တာကြောင့် သူ့ကို “တိတ်တဆိတ်ရောဂါ” (Silent Disease) လို့ တင်စားခေါ်ဝေါ်ကြပါတယ်။ များသောအားဖြင့် အသက် ၆၀ ကနေ ၈၀ ကြားမှာ ဖြစ်ပွားလာတတ်ပါတယ်။
ပန်ခရိယကင်ဆာဖြစ်နေတဲ့ လူအများစုရဲ့ အစောပိုင်းအဆင့်တွေမှာ ဘာရောဂါလက္ခဏာမှ မပြတတ်ကြပါဘူး။ ဒါကြောင့် မကြာခဏဆိုသလို ရောဂါက ပိုအဆင့်မြင့်တက်သွားလေ့ရှိသလို ကုသဖို့ခက်ခဲတဲ့ (ဒါမှမဟုတ် ကုသလို့မရတဲ့) အခြေအနေမရောက်ခင် ကြိုတင်သိရှိဖို့ကလည်း အတော်လေးကို ခက်ခဲပါတယ်။
🔎 သတိထားသင့်သော အစောပိုင်းလက္ခဏာများ
ပန်ခရိယကင်ဆာက ရောဂါလက္ခဏာတွေ ပေါ်လာတဲ့အခါမှာတောင် အဖြစ်များတဲ့ တခြားရောဂါတွေနဲ့ ဆင်တူနေတတ်တာ ဒါမှမဟုတ် မသဲမကွဲဖြစ်နေတတ်တာကြောင့် အလွယ်တကူ သတိမပြုမိဘဲ ကျော်သွားတတ်ကြပါတယ်။ ဒါပေမဲ့ ကြိုတင်ဆင်ခြင်မိနိုင်အောင်တော့ အစောပိုင်း သတိပေးလက္ခဏာတွေကို ဖော်ပြပေးလိုက်ပါတယ်။
◾ အကြောင်းရင်းမရှိဘဲ ကိုယ်အလေးချိန် သိသိသာသာ ကျဆင်းခြင်း
◾ အစားအသောက် ပျက်ခြင်း
◾ ဗိုက်အောင့်ခြင်း (အထူးသဖြင့် အစာစားပြီးချိန်မှာ အောင့်ပြီး နောက်ကျောဘက်အထိ ပျံ့နှံ့နာကျင်တတ်ခြင်း)
◾ အသားဝါခြင်း၊ မျက်လုံးဝါခြင်း (Jaundice)၊ အရေပြား ယားယံခြင်း
◾ ဆီးအရောင် ရင့်လာခြင်း သို့မဟုတ် မစင်အရောင် ဖျော့တော့ခြင်း
◾ ရုတ်တရက် ဆီးချိုရောဂါ စတင်ဖြစ်ပွားခြင်း
◾ ပျို့အန်ခြင်း၊ အားအင်ကုန်ခမ်းခြင်း
⚠️ သတိထားသင့်တဲ့ Risk Factor များ
ပန်ခရိယကင်ဆာဖြစ်နိုင်ခြေ မြင့်မားစေတဲ့ အဓိကအကြောင်းအချက်တွေကတော့
◾ အသက် ၆၀ ကျော်လာခြင်း
◾ ဆေးလိပ်သောက်သုံးခြင်း
◾ အဝလွန်ခြင်းနှင့် ကျန်းမာရေးနဲ့ မညီညွတ်တဲ့ အစားအသောက်ပုံစံရှိခြင်း
◾ အရက်အလွန်အကျွံ သောက်သုံးခြင်း
◾ မိသားစုမျိုးရိုးထဲတွင် ပန်ကရိယကင်ဆာ သို့မဟုတ် ဆက်စပ်ကင်ဆာရောဂါ ဖြစ်ဖူးသူရှိခြင်း
◾ BRCA1 နှင့် BRCA2 ကဲ့သို့သော အမွေဆက်ခံရရှိသည့် မျိုးဗီဇချို့ယွင်းမှုများနှင့် အချို့သော မျိုးဗီဇဆိုင်ရာ ရောဂါလက္ခဏာစုများ
◾ နာတာရှည် ပန်ကရိယရောင်ရမ်းခြင်း
💉 စောစီးစွာသိရှိနိုင်ဖို့ YOC မှာ ဘာတွေစစ်ဆေးနိုင်မလဲ
ပန်ခရိယကင်ဆာဟာ တိတ်တဆိတ်ဖြစ်တတ်တဲ့ သဘောသဘာဝကြောင့် ကြိုတင်သိရှိနိုင်ဖို့ ခက်ခဲပါတယ်။ ဒါပေမယ့် အပေါ် မှာပြောပြခဲ့တဲ့ Risk Factor တွေရှိသူများနဲ့ အထူးသဖြင့် မျိုးရိုးလိုက်နိုင်ခြေရှိသူများအနေနဲ့ကတော့ Yangon Oncology Clinic (YOC) မှာ ကြိုတင်စစ်ဆေးမှုတွေ လုပ်ဆောင်နိုင်ပါတယ်။
YOC မှာ အဆင့်မြင့်ဓာတ်ခွဲခန်းဝန်ဆောင်မှုများဖြင့် အောက်ပါစစ်ဆေးမှုများကို ပြုလုပ်နိုင်ပါပြီ။
🔬 CA 19-9 Tumor Marker Blood Test - သွေးတွင်း ကင်ဆာ အမှတ်အသား တစ်မျိုးကို စစ်ဆေးခြင်း
🔬 မျိုးရိုးဗီဇစစ်ဆေးခြင်း (Genetic Testing) - မျိုးရိုးလိုက်နိုင်ခြေ ရှိသူများအတွက် BRCA1, BRCA2 လိုမျိုး မျိုးရိုးဗီဇပြောင်းလဲမှုတွေကို အဆင့်မြင့်ဓာတ်ခွဲခန်းနည်းပညာဖြင့် စစ်ဆေးခြင်းတို့ပဲဖြစ်ပါတယ်။
ဒါကြောင့် ကျန်းမာရေးအတွက် စိုးရိမ်ပူပန်မှုရှိနေတာ ဒါမှမဟုတ် ရောဂါလက္ခဏာတွေပြသနေပြီး Risk Factors တွေနဲ့လည်း ကိုက်ညီနေတယ်ဆို YOC ရဲ့ ဝါရင့်ကျွမ်းကျင် သမားတော်ကြီးများနဲ့ အမြန်ဆုံးလာရောက် ဆွေးနွေးတိုင်ပင်လိုက်ပါ။
YOC ဆေးခန်းလိပ်စာ
🏥 တိုက် ၃ အေ၊ လမ်းသစ်ရိပ်သာ၊ ဘုန်းကြီးလမ်း၊ အပေါ်ဘလောက်၊ လမ်းမတော်မြို့နယ်၊ ရန်ကုန်မြို့။
🏥 Shop House Building 3 A, Lan thit Yeik Thar Avenue, Lanmadaw Tsp, Yangon.
📍 လမ်းညွှန် - ဘုန်းကြီးလမ်းအပေါ် ဘလောက်မှာ စမ်းသော်တာ မျက်စိဆေးရုံတွေ့တဲ့အခါ လမ်းသစ်ရိပ်သာ ထဲကို ဝင်ခဲ့လိုက်ပါ။ စမ်းသော်တာနဲ့ ကပ်ရပ်မှာရှိနေပါတယ်။
☎️ ဆက်သွယ်ရန်ဖုန်းနံပါတ်များ - 09966800022 ၊ 09943033332 ၊ 09943033334
🗺️ Google Map - https://maps.app.goo.gl/fzzxnWeYd4uACR6PA
