Physio ဖီဆီယို

24/07/2022

28/12/2021

အပြင်သွားစရာမလိုပဲ မိမ်ိအိမ်မှာလွယ်ကူရိုးရှင်းစွာပြုလုပ်နိုင်တဲ့လေ့ကျင့်ခန်းတွေလုပ်ကြရအောင် ကြာချိန် ၁၅မိနစ်
လေဝင်လေထွက်ကောင်းပီး နေရောင်ရတဲ့နေရာမှာလုပ်ရင် အဆုတ်နှင့် ကိုယ်ခံအားတေလဲတက်စေပါတယ်
video credit

28/10/2021

အဆုတ်အားကောင်းစေဖို့နှင့်အဆုတ်ထဲမှာရှိနေတဲ့ ချွဲသလိပ်တေကိုဖယ်ရှားနည်းတွေကို Australian Physiotherapist မှပြောပြထားတဲ့ ဗီဒီယိုလေးပါ
အသက် ၅၀ကျော်အရွယ်များနှင့် ရောဂါအခံရှိသူများကတော့ တတ်ကျွမ်းသည့်ဆေးပညာရှင်များနှင့်တိုင်ပင်၍ပြုလုပ်သင့်ပါသည်
အားလုံးကျန်းမာကြပါစေ
video credit
Physiotherapist

27/10/2021

ကျောရိုးနှင့်ပခုံးကြောကြွက်သားများပြေလျော့စေမယ့်အသက်အရွယ်မရွေးပြုလုပ်နိုင်သည့်လေ့ကျင့်ခန်းဗီဒီယိုလေးပါ
covid ရောဂါမှ ပြန်ကောင်းလာတဲ့သူတေအတွက်လဲ ဖြေးဖြေးမှန်မှန်လုပ်နိုင်ပါတယ်
လေ့ကျင့်ခန်း မလုပ်ခင်နှင့်လုပ်နေစဥ် အရမ်းမောတာ အသက်ရှုမဝတာ ရင်ဘတ်အောင့်တာတေဖြစ်ရင်တော့ ဆက်မလုပ်သင့်ပါနော်
အားလုံးကျန်းမာကြပါစေ
Video Credit
Physiotherapist

18/10/2020

အသက်ကြီးပေမယ့်မပျက်စီးစေဖို့လေ့ကျင့်ခန်းလုပ်ကြစို့
အသက်အရွယ်ရလာရင် ခန္ဓာကိုယ်ရဲ့ ဇီဝကမ္မဖြစ်စဥ်တေ အလိုလိုအားနည်းလာပါတယ် အလိုအလျောက်တုံ့ပြန်နိုင်စွမ်း ကြွက်သား အရိုးအဆစ်နှင့် ချဥ်ဆီတေအားနည်းလာပါတယ် ထို့နောက်မှာတော့ကြွက်သားထုထည်လျော့ကျခြင်း ကိုယ်ဟန်ချက်ထိန်းမှု balance အားနည်းတဲ့အတွက်ချော်လဲပီးအရိုးကျိုးခြင်း အစရှိတဲ့နောက်ဆက်တွဲဆိုးကျိုးတေကပ်လျက်ပါလာပါတယ် ဒါမျိုးတေမဖြစ်အောင် ကျန်းမာစွာစားသောက်နေထိုင်ခြင်း လေ့ကျင့်ခန်းလုပ်ခြင်းတို့ဖြင့်ကြိုတင်ကာကွယ်သင့်ပါတယ်
video credit
Physiotherapist

01/09/2020

ရန်ကုန်ကမိတ်ဆွေများအတွက်

ကိုယ်ကိုကိုယ် Covid19 လို့ သံသယရှိရင် ပုဂ္ဂလိက ဆေးရုံးများကို မသွားပဲ 🙅🙅
မြို့နယ်အသီးသီးရှိ Fever Clinic များကို သွားပါ
အချိန်စာရင်းနှင့် ဆက်သွယ်ရန်ဖုန်းနံပါတ်၊လိပ်စာများပါ

1. တာမွေမြို့နယ်

အချိန် ..... မနက် ၉ နာရီ မှ နေ့လည် ၁၂ နာရီ

နေရာ..... အမှတ်၃၇/၃၇ ဦးထွန်းမြတ်လမ်း၊ဗညားဒလလမ်းထောင့်(ရတနာမြိုင်ကွန်ဒို)

ဆေးခန်းဖွင့်ရက်.... တနင်္လာ၊ဗုဒ္ဓဟူး၊သောကြာ

တာဝန်ခံ ဆရာဝန်- ဒေါက်တာကျော်မင်းထွန်း( 095127449)

2. မင်္ဂလာတောင်ညွန့်မြို့နယ်

အချိန်....... မနက် ၉ နာရီ မှ နေ့လည် ၁၂ နာရီ

နေရာ........ မြယာကုန်းလမ်းမပေါ် ရှိ ဧရာဝတီဘဏ်ဘေး၊ အရင် 21st Century City Mart ရှေ့၊ ကျန်းမာရေးဌာန ၊မင်္ဂလာတောင်ညွန့်မြို့နယ်၊ရန်ကုန်။

ဆေးခန်းဖွင့်ရက်.... တနင်္လာ၊ဗုဒ္ဓဟူး၊သောကြာ

တာဝန်ခံ ဆရာဝန် - ဒေါက်တာကိုကိုထွေး( 09253999600)

3. ဗိုလ်တထောင်မြို့နယ်

အချိန်...... ၂၄ နာရီ

နေရာ...... အရှေ့ပိုင်းဆေးရုံ(ဂန္ဒီဆေးရုံ)

တာဝန်ခံ ဆရာဝန် -ပါမောက္ခ ဒေါက်တာသက်ထွန်းချစ်၊ ဒေါက်တာနေမင်းထက်( 095044868)

4. လှိုင်သာယာမြို့နယ်

အချိန်....... မနက် ၉ နာရီ မှ နေ့လည် ၁၁ နာရီ

ဆေးခန်းဖွင့်ရက်... စနေ

နေရာ..... ဒေသန္တရဆေးခန်း မန္တလေးလမ်း ၁၂ရပ်ကွက် အထက ၂ကျောင်းအနီး

တာဝန်ခံ ဆရာဝန် - ဒေါက်တာနိုင်မင်းထွဋ်( 09963525140)

5. အင်းစိန်မြို့နယ်

အချိန်...... မနက် ၉ နာရီ မှ ၁၁ နာရီ

နေရာ.... အင်းစိန်မြို့တော်ခန်းမ

ဆေးခန်းဖွင့်ရက်..... တနင်္လာ၊ဗုဒ္ဓဟူး၊ကြာသပတေး၊သောကြာ

တာဝန်ခံ ဆရာဝန် - ပါမောက္ခဒေါက်တာဒေါ်မာမာကြည်၊ဒေါက်တာ သောင်းလင်း ( 09260206401)

6. အရှေ့ဒဂုံမြို့နယ်

အချိန်....... မနက် (၈) နာရီ မှ (၁၀) နာရီ

နေရာ........ ထ/၁၄ မင်းရဲကျော်စွာလမ်း ၇ ရပ်ကွက် ဒဂုံမြို့သစ် (အရှေ့ပိုင်း)မြို့နယ်
(ဂိတ်ဟောင်းမှတ်တိုင် နှင့် စျေးလမ်းမှတ်တိုင်ကြား)

ဆေးခန်းဖွင့်ရက်... တနင်္လာ၊ဗုဒ္ဓဟူး၊သောကြာ

တာဝန်ခံ ဆရာဝန် - ဒေါက်တာရဲညီညီထွဋ် ( 09972555220)

7. ရွှေပြည်သာ မြို့နယ်

အချိန်....... မနက် ၈ နာရီ မှ ၁၁ နာရီ

နေရာ....... ရွှေပြည်သာမြို့တော်ခန်းမ

ဆေးခန်းဖွင့်ရက်.... အင်္ဂါ၊ကြာသပတေး၊စနေ၊တနင်္ဂနွေ

တာဝန်ခံ ဆရာဝန် - ဒေါက်တာသစ်လွင်( 09450013533)

8. တောင်ဒဂုံ မြို့နယ်

အချိန်.....မနက် ၈ နာရီမှ ၁၁ နာရီထိ

နေရာ.....စု အသက်မွေးဝမ်းကျောင်းသိပ္ပံ(တောင်ဒဂုံ) အမှတ်(၁/က)ဇေယျာမြိုင်လမ်း(၅၄)ရပ်ကွက်၊
တောင်ဒဂုံမြို့နယ်

ဆေးခန်းဖွင့်ရက်....အပတ်စဉ်-တနင်္လာ-ဗုဒ္ဓဟူး-သောကြာ-တနင်္ဂနွေ

တာဝန်ခံ ဆရာဝန် - ဒေါက်တာ ဇော်လင်းဘို(
095086538)

9. တောင်ဥက္ကလာပမြို့နယ်

အချိန်.....မနက် ၉ နာရီမှ ၁၂ နာရီထိ

ဆေးခန်းလိပ်စာ........တောင်ဥက္ကလာ ၁၀ရပ်ကွက်
ဇေယျလမ်း ဟေမဝန်ဓမ္မာရုံဝင်းထဲ

ဆေးခန်းဖွင့်ရက်.... သောကြာ

တာဝန်ခံ ဆရာဝန် - ဒေါက်တာဉာဏ်လင်းမြင့်ထွန်း( 095198814)

10. ကြည့်မြင်တိုင်မြို့နယ်

အချိန်...... မနက် ၉ နာရီ မှ ၁၂ နာရီ ထိ

နေရာ....... မဟာပုညောပကာရဓမ္မာရုံ၊ကျောင်းကြီးလမ်း၊အိုးဘိုရပ်ကွက်၊ကြည့်မြင်တိုင်မြို့နယ်။

ဆေးခန်းဖွင့်ရက်... ဗုဒ္ဓဟူး၊စနေ

တာဝန်ခံ ဆရာဝန် - ဒေါက်တာ အောင်မွန်ကျော်( 09421137517)

11. မှော်ဘီ မြို့နယ်

အချိန်..... နံနက် ၉ နာရီ မှ ၁၁ နာရီထိ

နေရာ...... အားကစားခန်းမ၊မှော်ဘီ

ဆေးခန်းဖွင့်ရက်..... အပတ်စဉ်-အင်္ဂါ

တာဝန်ခံ ဆရာဝန်- ဒေါက်တာ ကျော်လင်းထွန်း
(09972021450)

12. ဒဂုံမြို့သစ်မြောက်ပိုင်းမြို့နယ်

ခေတ္တယာယီ ပိတ်ထားပါသည်။လိုအပ်ပါကပြန်လည်ဖွင့်လှစ်သွားပါမည်။

တာဝန်ခံ ဆရာဝန် - ဒေါက်တာ ရဲမောင်
(09261957090)

13. ရန်ကင်း မြို့နယ်

အချိန်.... မနက် ၉:၃၀ မှ ၁၂ နာရီ ထိ

နေရာ.... မိုးကောင်းကျောင်းတိုက်ဝင်း၊ရန်ကင်း

ဆေးခန်းဖွင့်ရက်....အပတ်စဉ်-တနင်္လာ၊ဗုဒ္ဓဟူး၊စနေ

တာဝန်ခံ ဆရာဝန်....ဒေါက်တာ အိအိခိုင်
(09978807029)

14. လှိုင် မြို့နယ်

အချိန်.....မနက် ၈ နာရီ မှ ၁၁ နာရီ ထိ

နေရာ..... အမှတ် (၅) ရပ်ကွက် အပိုင်း(၂)၊ ခရေ(၄)လမ်း၊ဓမ္မပါလကျောင်းတိုက်ဘေး၊
အ.မ.က (၂၆) လှိုင်မြို့နယ်။

ဆေးခန်းဖွင့်ရက်.....အပတ်စဉ် - တနင်္လာ၊ဗုဒ္ဓဟူး၊သောကြာ

ဆေးခန်း တာဝန်ခံ- ဒေါက်တာ အောင်မော်မင်း( 0943067059)

15. သာကေတမြို့နယ်

အချိန်...... မနက် ၉ နာရီ မှ ၁၁ နာရီ ထိ

နေရာ.... မိုးလုံလေလုံ အားကစားရုံ၊သာကေသမြို့နယ် ဘောလုံးကွင်း(စာတိုက်မှတ်တိုင် အနီး)

ဆေးခန်းဖွင့်ရက်....အပတ်စဉ်-အင်္ဂါ၊စနေ

တာဝန်ခံဆရာဝန်....ဒေါက်တာ မြတ်မိုးလွင်
(09425306298)

16. မြောက်ဥက္ကလာပ မြို့နယ်

အချိန်....မနက် ၉ နာရီ မှ ၁၁ နာရီ ထိ

နေရာ.... မြောက်ဥက္ကလာပြည်သူ့ဆေးရုံကြီး

ဆေးခန်းဖွင့်ရက်....အပတ်စဉ်-တနင်္လာ မှ သောကြာ

တာဝန်ခံ ဆရာဝန် - ဒေါက်တာစိုးဝေဖြိုး( 09960197369)

17. မရမ်းကုန်းမြို့နယ်

အချိန်.... မနက် ၉ နာရီ မှ နေ့လည် ၁၂ နာရီ ထိ

ဆေးခန်းဖွင့်ရက်..... အင်္ဂါ၊စနေ

နေရာ... ကျိုက်ဝိုင်းဘုရား ၊ဘောလုံးကွင်း
အမှတ်(၃) ရပ်ကွက်၊မရမ်းကုန်းမြို့နယ်၊ရန်ကုန်။

တာဝန်ခံဆရာဝန်- ဒေါက်တာရဲလင်းစိုး( 09773030870)

18. တွံတေးမြို့နယ်

အချိန်.... မနက် ၉ နာရီ မှ နေ့လည် ၁၂ နာရီ ထိ

ဆေးခန်းဖွင့်ရက်..... တနင်္လာ၊ဗုဒ္ဓဟူး၊သောကြာ

နေရာ... သာသနာ့ဗိဗ္မာန် တွံတေးမြို့

တာဝန်ခံဆရာဝန်- ဒေါက်တာကျော်ဇင်ဦး(0943083337)

19. ခရမ်းမြို့နယ်

ခေတ္တယာယီ ပိတ်ထားပါသည်။လိုအပ်ပါကပြန်လည်ဖွင့်လှစ်သွားပါမည်။

တာဝန်ခံ ဆရာဝန်..... ဒေါက်တာ ဇော်ဝင်း(09965530919)

20. သန်လျင်မြို့နယ်

အချိန်.... မနက် ၉ နာရီ မှ နေ့လည် ၃ နာရီ

နေရာ.... သန်လျင်ပြည်သူ့ဆေးရုံကြီး

တာဝန်ခံဆရာဝန်.... ဒေါက်တာမြကြေးမုံ(09452293526)

Credit to Ma Wyne Pye

27/08/2020

အားလုံးဂရုစိုက်ကြပါနော် လူများတဲ့နေရာတေရှောင်ပါ mask တပ်လက်မကြာခနဆေးပါ မိမိကိုယ်ကိုကာကွယ်ခြင်းဟာ ကိုယ့်မိသားစုနဲ့ အားလုံးကိုကာကွယ်တာဖြစ်ပါတယ်
ကမ္ဘာကြီးမြန်မြန်နေကောင်းပါစေ🙏🙏🙏

31/05/2020

ခြေဖဝါးဘာကြောင့်နာသလဲ
Plantar Fascitis
​ ခြေဖနောင့်အရိုးနှင့်ခြေချောင်းလေးများအားတွယ်ဆက်ပေးထားသောတစ်ရှူးအမျှင်များနှင့်ဖွဲ့စည်းထားသောအရွတ်ပြားစုတ်ပြဲခြင်းယောင်ယမ်းခြင်းကြောင့်အဖြစ်များသည် ထိုအရွတ်ပြားသည်မတ်တပ်ရပ်ချိန် လမ်းလျှောက်ချိန် ကိုယ်အလေးချိန်ကိုထမ်းထားရသည့်အချိန်တွင် အရိုးပေါ်သို့ပြင်းထန်သောအားသက်ရောက်မှုမရှိစေရန် အလေးချိန်ထိန်းပေးသည်

ရောဂါလက္ခဏာများ
-မတ်တပ်ရပ်ချိန် လမ်းလျှောက်ချိန်တွင်ခြေဖနောင့် နှင့် ခြေဖဝါးအလယ်တွင် စူးခနဲ မျက်ခနဲ နာကျင်ခြင်း ခြေဖဝါးကျိန်းခြင်း
-လှေကားတက်ခြင်း ခြေဖျားထောက်၍လျှောက်ခြင်း မာသောမျက်နှာပြင်ပေါ်တွင်ခြေဗလာဖြင့်လမ်းလျှောက်ခြင်း စသည့်အပြုအမူများသည်အရွတ်ပြားအားဆွဲဆန့်စေသည့်အတွက်နာကျင်မှုပို၍ခံစားရသည်

အဖြစ်များသောအချိန်မှာ
-မနက်အိပ်ယာထ လမ်းလျှောက်သောအခါ
-မတ်တပ်ကြာကြာရပ်သောအခါ
-ကြာကြာထိုင်၍လမ်းထလျှောက်သောအခါ

ဘယ်လိုလူတွေမှာအဖြစ်များလဲ
-အသက် ၄၀ မှ ၆၀အရွယ်ရှိသူများနှင့်အမျိုးသမီးများမှာပို၍တွေ့ရတတ်သည်
-လမ်းလျှောက် မတ်တပ်ရပ်ချိန်များသောသူများ နှင့် ခြေကျင်းဝတ်အသုံးများသူများ(အပြေးသမားများ ဘဲလေးကသူများ ဘောလုံးသမားများ)
-ကိုယ်အလေးချိန်များသောသူများ
-ခြေဖဝါးအခုံးမြင့်လွန်းသူများနှင့်ခြေဖဝါးပြားသူများ
-ခြေထောက်ကြွက်သားအားနည်းသူများ
-ကိုယ်ဝန်ဆောင်နှင့်ဒေါက်ဖိနပ်အစီးများသူများ
-အချို့သောဆီးချိုရောဂါသည်များ

​ခြေဖနောင့်နာကျင်မှုခံစားရသည့် ကိုးဆယ်ရာခိုင်နှုန်းသောသူများသည် ခွဲစိတ်ရန်မလိုအပ်ပဲ
Physiotherapy ကုသမှုခံယူခြင်း သို့ ဆရာဝန် နှင့်ပြသ၍ဆေးသောက်ဆေးထိုးခြင်းဖြင့်သက်သာပျောက်ကင်းနိုင်သည်
စောစောကုသခြင်းဖြင့်မလိုလားအပ်သောနောက်ဆက်တွဲဆိုးကျိုးများ ဥပမာ ဒူးနာခြင်း ခါးနာခြင်း အခြားဆက်စပ်နာကျင်မှုများမဖြစ်အောင် ကာကွယ်သင့်သည်

Physiotherapy ကုသမှုနည်းလမ်းများ
-ခြေကျင်းဝတ်နှင့်ခြေချောင်း ကြွက်သားများသန်မာစေသောလေ့ကျင့်ခန်းများပြုလုပ်ခြင်း
-ကြွက်သားပျော့ပျောင်းစေသောလေ့ကျင့်ခန်းများလုပ်ဆောင်ခြင်း
-အရွတ်ပြားယောင်ယမ်းနာကျင်မှုသက်သာစေသော ကုသရေးစက်ကိရိယာများ(Laser/shock wave/TENS) သို့ အကူပစ္စည်းများ(night splints/Orthotics/Arch supports insert) ဖြင့်ကုသခြင်း
-အရွတ်ပြား နာကျင်မှုသက်သာစေရန်နှင့်ခြေကျင်းဝတ်အားထောက်ပံ့ပေးနိုင်ရန် Kinesio Taping ပြုလုပ်ခြင်း

ဆောင်ရန်/ရှောင်ရန်
-နာကျင်မှုသက်သာစေရန် ရေခဲအိတ်/ရေနွေးအိတ်ကပ်ခြင်း​ အနားယူခြင်းများပြုလုပ်သင့်သည်
-မနက်အိပ်ယာမထခင် နှင့် လှုပ်ရှားမှုမပြုလုပ်မီခြေကျင်းဝတ်လေ့ကျင့်ခန်းများငါးမိနစ်ခန့်ပြုလုပ်သင့်သည်
-အုန်းမုန့်ခွက်နင်းခြင်း မပြုသင့်ပါ
-ကိုယ်အလေးချိန်များနေပါကလျှော့သင့်သည်
-​သက်တောင့်သက်သာရှိသောဖိနပ်ကိုရွေးချယ်ဝတ်ဆင်သင့်သည်
-မိမိနှင့်သင့်တော်သောလေ့ကျင့်ခန်းကိုရွေးချယ်ပြုလုပ်သင့်သည် ခုန်ခြင်းပြေးခြင်းတို့ကိုရှောင်ပါ
-နာကျင်မှုပေါ်အခြေအနေပေါ်မူတည်၍အရွတ်ပြားသည်ပုံမှန်အတိုင်းပြန်ကောင်းရန်အနည်းဆုံး ၆လမှ ၂နှစ်အထိကြာမြင့်နိုင်သည်
-​နားလည်တတ်ကျွမ်းသူနှင့်ပြသ၍မှန်ကန်ထိရောက်သော ကုသမှုကိုခံယူပါ

Physiotherapist

22/05/2020

Exercise tips
လေ့ကျင့်ခန်းအမျိုးအစားများ
၁)နှလုံးနှင့်အဆုတ်အားကောင်းစေသော လေ့ကျင့်ခန်း(လမ်းမြန်မြန်လျှောက်ခြင်း စက်ဘီးနင်းခြင်း zumba ကခြင်း ရေကူးခြင်း ) မိနစ်၅၀ တပတ်လျှင်သုံးကြိမ်
၂)ကြွက်သားသန်မာစေသောလေ့ကျင့်ခန်း
မိမိခန္ဓာကိုယ်အလေးချိန်ကိုအသုံးပြုသောလေ့ကျင့်ခန်း( ဥပမာ ထိုင်ထလုပ်ခြင်း လှေကားအတက်အဆင်းလုပ်ခြင်း ) နှင့် အလေးတုံး သို့ အားပြုကိရိယာများသုံးပီးလေ့ကျင့်ခန်းလုပ်ခြင်း(Physiotherapist နှင့်ဆွေးနွေးတိုင်ပင်ပါ)
မိနစ် ၃၀ တပတ်လျှင် ၂ကြိမ်
သင့်လျော်သောအလေးတုံးသို့အားပြုကိရိယာအားအသုံးပြု၍ အကြိမ်ရေများများနှင့်မြန်မြန် လေ့ကျင့်ခြင်း (လျင်မြန်စွာတုံ့ပြန်ရန်လိုအပ်သောအချိန်တွင်မှန်ကန်သောကြွက်သားကိုအသုံးပြုနိုင်စေရန်)
၃)ဟန်ချက်ထိန်းလေ့ကျင့်ခန်း(​ဘေးတိုက်လျှောက်ခြင်း ခြေဖျားထောက်၍လျှောက်ခြင်း ခြေထောက်တချောင်းတည်းပေါ်တွင်ရပ်ခြင်း နှင့် ထိုက်ချိလေ့ကျင့်ခန်း) ထိုလေ့ကျင့်ခန်းများပြုလုပ်ပါက အနားတွင်စောင့်ကြည့်ကူညီပေးမည့်သူ သို့ ကိုင်စရာတန်းတခုခုရှိသင့်ပါသည် ၁၅မိနစ် တပတ်လျှင် ၃ကြိမ်
၄)ကြွက်သားပျော့ပျောင်းစေသောလေ့ကျင့်ခန်း
ခြေသလုံး ပေါင် ပုခုံး ခါးကြွက်သား အကြောလျော့လေ့ကျင့်ခန်းများနှင့် ယောဂလေ့ကျင့်ခန်းများ (အကြောလျော့သည့်အခါ မိမိခံနိုင်ရည်ရှိသလောက်သာပြုလုပ်သင့်သည် ကြွက်သားနာကျင်သည့်အထိဆွဲဆန့်ခြင်းမျိုးမပြုသင့်ပါ)
၁၅မိနစ် တပတ်လျှင်၃ကြိမ်
၅)ဦးနှောက်အာရုံကြောများအားလှုံ့ဆော်ပေးသောလေ့ကျင့်ခန်းများ (video တွင်ကြည့်ပါ)

သတိပြုရန်အချက်များ
-အသက်၅၀နှင့်အထက် သို့ ရောဂါအခံရှိသူများသည်လေ့ကျင့်ခန်းမလုပ်ခင်နားလည်တတ်ကျွမ်းသောပညာရှင်နှင့်ဆွေးနွေးတိုင်ပင်ရမည်
-လေ့ကျင့်ခန်းအစတိုင်းတွင် သွေးပူလေ့ကျင့်ခန်းနှင့်အဆုံးတွင်အကြောလျော့လေ့ကျင့်ခန်းပြုလုပ်သင့်သည်
-လေ့ကျင့်ခန်းလုပ်နေသည့်အချိန်အတွင်းအသက်ရှုအောင့်ထားခြင်းမပြုရ ပုံမှန်ရှုထုတ်ပါ
-လေ့ကျင့်ခန်းလုပ်နေစဥ် ခေါင်းမူးခြင်း နှလုံးအောင့်ခြင်း နှင့် အသက်ရှုကြပ်ခြင်းများခံစားရပါက ဆက်မလုပ်ပါနှင့် လိုအပ်သောကုသမှုခံယူပါ
-လေ့ကျင့်ခန်းပြုလုပ်ရာတွင် အကြိမ်ရေ နည်းနည်းနှင့်ခံနိုင်ရည်ရှိသလောကစတင်၍ဖြည်းဖြည်းချင်း ကြာချိန်သို့အကြိမ်ရေတိုး၍လုပ်ဆောင်သင့်သည်
-ချွေးထွက်များသောလေ့ကျင့်ခန်းပြုလုပ်ပါက ရေမကြာခနသောက်ပေးပါ
-ကြွက်သားအားကောင်းဖို့ရန် အနည်းဆုံး ၄ပတ်မှ ၈ပတ်အထိအချိန်ကြာမြင့်သည်
-လေ့ကျင့်ခန်းတမျိုးလျှင် ၁၀ကြိမ်မှ၁၅ကြိမ် နှစ်ကျော့ ဖြင့်ကြွက်သားအနည်းငယ်ညောင်းလာပါကသင့်တော် မှန်ကန်သောလေ့ကျင့်ခန်းဖြစ်သည်
-ကြွက်သားအားလုံးသန်မာစေရန်မျှတစွာ လေ့ကျင့်သင့်သည်

လေ့ကျင့်ခန်းလုပ်ချိန်တွင်ရှိသင့်သည့် နှလုံးခုန်နှုန်းတွက်ချက်နည်း

၂၂၀-မိမိအသက်=အမြင့်ဆုံးနှလုံးခုန်နှုန်း
အမြင့်ဆုံးနှလုံးခုန်နှုန်း ၏ ၆၀ရာခိုင်နှုန်း မှ ၈၅ရာခိုင်နှုန်းအတွင်းသာလေ့ကျင့်ခန်းပြုလုပ်ရမည်
ဥပမာ အသက် ၅၇နှစ်
၂၂၀-၅၇=၁၆၃ကြိမ်
၁၆၃×၀•၆= ၉၈ကြိမ်
၁၆၃×၀•၈၅=၁၃၉ကြိမ်
အသက်၅၇နှစ်အရွယ်ရှိသူသည်လေ့ကျင့်ခန်းလုပ်ချိန်တွင်နှလုံးခုန်နှုန်းအနိမ့်ဆုံး ၉၈ကြိမ် မှ
အမြင့်ဆုံး ၁၃၉ကြိမ် ထိသာရှိသင့်သည်
လေ့ကျင့်ခန်းလုပ်ပြီးချိန်တွင်နှလုံးခုန်နှုန်း အကြိမ်ရေ ၁၀၀ အောက်သို့ငါးမိနစ်မှဆယ်မိနစ်အတွင်းပြန်လည်ရောက်ရှိသင့်သည်

လေ့ကျင့်ခန်း အစွမ်းအံ့မခန်း
-အစာခြေဖျက်အားကောင်းမွန်စေပြီးကိုယ်အလေးချိန်ထိန်းညှိပေးခြင်း
-ဆီးချို သွေးတိုး နှလုံးရောဂါများအားကာကွယ်ပေးခြင်း
-အဆုတ်အားကောင်း၍အမောခံနိုင်ခြင်း
-ကိုယ်ခံအားစနစ်မြှင့်တင်ပေးခြင်း
-အရိုးသိပ်သည်းဆများစေခြင်းနှင့် မှတ်ဥာဏ်အားကောင်းခြင်း
-ကြွက်သားသန်မာစေ၍ချော်မလဲစေရန်ထိန်းထားပေးနိုင်ခြင်း

အသက်၅၀ကျော်လူကြီးများနှင့်သွေးဆုံးပြီးသောအမျိုးသမီးများသည် တပတ်လျှင်အနည်းဆုံး သုံးကြိမ်လေ့ကျင့်ခန်းမဖြစ်မနေပြုလုပ်သင့်သည် လေ့ကျင့်ခန်းအမျိုးအစားအမျိုးမျိုးပြောင်းလဲလုပ်ဆောင်ခြင်းဖြင့် စိတ်အားတက်ကြွစေသည် ထိုသို့လုပ်ဆောင်ခြင်းဖြင့် ကျန်းမာသန်စွမ်း၍ဖျတ်လတ်တက်ကြွသော စိတ်နှင့်ခန္ဓာကိုပိုင်ဆိုင်နိုင်ကြပါစေ

Gear up your body and mind with exercise
Physiotherapist

16/05/2020

အိမ်မှာနေတာကြာလို့ပျင်းနေကြပီလား တန်ဖိုးရှိတဲ့အချိန်မှာကိုယ့်ကျန်းမာရေးအတွက် လေ့ကျင့်ခန်းလုပ်ပီးရင်းနှီးမြုပ်နှံလိုက်ကြရအောင် ရှစ်မိနစ်ပဲဆိုတော့သိပ်မကြာပါဘူးနော်

13/05/2020

Falls Prevention

ကမ္ဘာ့ရောဂါကာကွယ်ထိန်းချုပ်ရေးဌာန၏အဆိုအရချော်လဲခြင်းကြောင့်တနှစ်လျှင်လူပေါင်းနှစ်သန်းကျော်လောက်သည်ဆေးရုံသို့အရေးပေါ်တက်ရောက်ကြရပါသည်။ချော်လဲခြင်းကြောင့်အသက်ခြောက်ဆယ်နှင့်အထက်လူကြီးများတွင်အရိုးကျိုးခြင်း မသန်မစွမ်းဖြစ်ခြင်းနှင့် ငွေကုန်လူပင်ပန်းခြင်းအစရှိသည့်နောက်ဆက်တွဲဆိုးကျိုးများကိုခံစားရပါသည်။

အောက်ပါမေးခွန်းများဖြင့်ချော်လဲနိုင်ခြေမည်မျှရှိသည်ကိုဆန်းစစ်ကြည့်နိုင်ပါ သည်။
၁)ပြီးခဲ့တဲ့တနှစ်အတွင်းဘယ်နှစ်ကြိမ်ချော်လဲဖူးပါသလဲ
၂)မတ်တပ်ရပ်သို့လမ်းလျှောက်တဲ့အချိန်တွင်ခြေထောက်များအားနည်းခြင်းသို့လဲကျတော့မည်ဟုခံစားရပါသလား
၃)ထိုင်ရာမှမတ်တပ်ရပ်ရန်တစုံတခုကိုအားပြုရပါသလား
၄)လမ်းလျှောက်သည့်အချိန်တွင်ယိမ်းယိုင်ခြင်းမဖြစ်အောင်နံရံသို့စားပွဲထိုင်ခုံများအားထိကိုင်ရပါသလား
၅)ခေါင်းမူးခြင်းသို့ပင်ပန်းနွမ်းနယ်ခြင်းစသည့်ဘေးထွက်ဆိုးကျိုးရှိသည့်ဆေးဝါးများအားသောက်သုံးရပါသလား

အထက်ပါမေးခွန်းငါးခုမှသုံးခုသည် အမှန် ဖြစ်ပါကချော်လဲနိုင်ခြေရှိပြီးသင်သည်အသက်၆၅နှစ်အထက်ဖြစ်ပါကချော်လဲနိုင်ခြေအမြင့်ဆုံးဖြစ်ပါသည်။

လူကြီးအများစုချော်လဲသည့်နေရာမှာအိမ်မှာပဲဖြစ်ကြပါသည်။ဒါကြောင့်ထိရောက်ပြီးငွေကုန်သက်သာစေသည့်နည်းလမ်းများဖြင့်ချော်မလဲအောင်ကာကွယ်လိုက်ကြရအောင်

ချော်မလဲစေရန်ကာကွယ်နိုင်သည့်နည်းလမ်းများ

၁)မိမိနေထိုင်သည့်အိမ်အတွင်းပိုင်းအားသပ်ရပ်စွာထားခြင်း
(ချော်လဲနိုင်သည့်ခြေသုတ်ပုဝါများအစားချော်မလဲအောင်ပြုလုပ်ထားသည့်ခြေသုတ်ပုဝါများအသုံးပြုခြင်း၊ဖိတ်စင်ထားသည့်အရည်သို့အစားအစာများကိုတခါတည်းသန့်ရှင်းရေးပြုလုပ်ခြင်း၊သုံးနေကျပစ္စည်းများကိုလက်လှမ်းမီရာနေရာတွင်ထားရှိ ခြင်း၊အခန်းများအားအလင်းရောင်ကောင်းစွာထားခြင်း၊ကြမ်းပြင်နှင့်လျှောက်လမ်းတလျှောက်အားရှင်းလင်းစွာထားခြင်း၊အိပ်ယာဘေးတွင်ညလင်းမီးထားရှိခြင်း၊ရေချိုးခန်းအိမ်သာခန်းအတွင်း၌လက်ကိုင်တန်းများတပ်ဆင်ခြင်းနှင့်ဝါယာကြိုးများအား သပ်ရပ်စွာစုစည်းထားခြင်း) ။
၂)ပုံမှန်လေ့ကျင့်ခန်းများပြုလုပ်ခြင်း
(ကြွက်သားသန်မာစေသောလေ့ကျင့်ခန်း၊ခန္ဓာကိုယ်ဟန်ချက်ထိန်းနိုင်မှုအားကောင်းစေသောလေ့ကျင့်ခန်း၊အဆုတ်နှင့်နှလုံးအားကောင်းစေသောလေ့ကျင့်ခန်း)များအားတကြိမ်လျှင်၄၅မိနစ်နှင့်တပတ်လျှင်အနည်းဆုံးသုံးကြိမ်ပြုလုပ်သင့်ပါသည်။
၃)အရိုးများသန်မာစေရန် ကယ်ဆီယမ်ပါဝင်သည့်နို့နှင့်နို့ထွက်ပစ္စည်းများပိုမိုစားသုံးခြင်းနှင့် ခန္ဓာကိုယ်မှဗီတာမင်ဒီထုတ်ပေးမှုပိုမိုကောင်းမွန်စေရန်နေရောင်ထဲတွင်လမ်းလျှောက်ခြင်းကိုနေ့စဥ်အနည်းဆုံးမိနစ်၃၀လုပ်ဆောင်သင့်ပါသည်။
၄)မျက်စိအမြင်စမ်းသပ်ခြင်း
ခေါင်းမူးခြင်းနှင့်အမြင်မှုန်ဝါးခြင်းကြောင့်ဖြစ်သောချော်လဲခြင်းမှကာကွယ်ရန်မျက်စိဆရာဝန်နှင့်တနှစ်လျှင်တကြိမ်စမ်းသပ်စစ်ဆေးသင့်ပါသည်။
၅)မှန်ကန်သည့်ဖိနပ်အားရွေးချယ်ခြင်း
ကြိုးသိုင်းဖိနပ်နှင့်အောက်ခံမျက်နှာပြင်ကြမ်းသောဖိနပ်များအားဝတ်ဆင်သင့်သည်။
ချော်လဲရန်လွယ်ကူသည့်ခြေညပ်ဖိနပ်နှင့်အောက်ခံချောမွေ့လွန်းသောဖိနပ်များအားမဝတ်ဆင်သင့်ပါ။
၆)ပုံမှန်သောက်သုံးနေသည့်ဆေးများ၏ဘေးထွက်ဆိုးကျိုးများ
မိမိသောက်သုံးနေသည့်ဆေးများ၏ဘေးထွက်ဆိုးကျိုးများကိုမိသားစုဆရာဝန်နှင့်တိုင်ပင်၍လိုအပ်လျှင်အတိုးအလျှော့လုပ်ခြင်းဖြင့်ချော်လဲခြင်းအား ကာကွယ်နိုင်ပါသည်။
၇)အခြားအချက်များ
လှေကားအတက်အဆင်းပြုလုပ်သည့်အခါလက်ကိုင်နှစ်ဖက်အသုံးပြုခြင်း
ကျွမ်းကျင်သောပညာရှင်နှင့်တိုင်ပင်၍လိုအပ်လျှင်လမ်းလျှောက် သို့ မတ်တပ်ရပ် သည့်အချိန်၌လေးချောင်းထောက်သို့တုတ်ကောက်အသုံးပြုခြင်း
အိမ်ခန်း၊ရေချိုးခန်း၊ဧည့်ခန်းနှင့်မီးဖိုချောင်အတွင်းပစ္စည်းများအားသပ်ရပ်စွာ ထားခြင်း
အမြင့်တွင်ထားရှိသောပစ္စည်းများအားခုံခု၍ သို့ တစုံတယောက်အကူအညီဖြင့်ရယူခြင်း

အကယ်၍ချော်လဲခဲ့ပါကဘယ်လိုလုပ်သင့်သလဲ

ချော်လဲခဲ့လျှင်အမြန်ဆုံးမတ်တပ်ထရပ်ရန်မကြိုးစားပါနှင့်ပထမဦးစွာစိတ်ကိုတည် ငြိမ်အောင်ထားပါ။နာကျင်ခြင်းနှင့်မူးဝေခြင်းများခံစားရပါကလှုပ်ရှားမှုမပြုပါနှင့်။အခြားသူများထံမှအကူအညီတောင်းခံပါ။ထိခိုက်နာကျင်မှုမရှိပါကနီးစပ်ရာကုတင်သို့ထိုင်ခုံဆီသို့လေးဘက်ထောက်သို့တွားသွားပါ။ ခုံသို့ကုတင်ကိုမျက်နှာမူ၍လက်နှင့်သန်သောခြေထောက်ကိုအားပြုပြီးရပ်ပါ။ ထို့နောက်ခန္ဓာကိုယ်ကိုလှည့်၍ခုံသို့ကုတင်ပေါ်တွင်ထိုင်ပါ။ အောက်ပါပုံမှနည်းလမ်းအတိုင်းအသုံးပြုပါ။
ပုံများအားလေ့လာ၍မိမိအိမ်၌ပစ္စည်းများကိုပြန်လည်နေရာချထားခြင်း၊သင့်လျော်သောပြင်ဆင်မှုများကိုဆောင်ရွက်ခြင်းဖြင့်လုံခြုံစိတ်ချရသောပတ်ဝန်းကျင်ကိုဖန်တီးရန်တိုက်တွန်းလိုက်ရပါသည်။

Stay safe and strong
Physiotherapist