Happy Health Mental Health Services Center

03/01/2023

အားလုံးပဲမင်္ဂလာပါ ယနေ့မှာဆိုရင် 3.1.2022 ခုနှစ်တွင်စတင်တည်ထောင်ခဲ့သော ကျွန်မတို့၏ Happy Health Mental Health Services Co.,Ltd ၏ တစ်နှစ်မြောက်နှစ်ပတ်လည်နေ့လေးပဲဖြစ်ပါတယ်။ ဦးဆောင်သူလူငယ်များနှင့်စတင်ခဲ့သော ကျွန်မတို့ Happy Health အနေဖြင့် ဤတစ်နှစ်တာအတွင်းစိန်ခေါ်မှုအသစ်များနှင့်အတူ တန်ဖိုးရှိသောအတွေ့အကြုံများစွာလည်းရရှိခဲ့သလို အချို့သောအခက်အခဲလေးတွေကိုလည်းဖြတ်ကျော်နိုင်ခဲ့ပီးဖြစ်ပါတယ်။ ကျွန်မတို့အနေဖြင့် ဤလမ်းကြောင်းပေါ်စတင်လျှောက်လမ်းသည့်အချိန်မှစ၍ ယနေ့အထိ ကျွန်မတို့နှင့်အတူ ယုံယုံကြည်ကြည်ဖြင့် လက်တွဲပေးခဲ့သော/လက်တွဲလျှက်ရှိသော client များအားလုံးကိုလည်း အထူးပင်ကျေးဇူးတင်ရှိပါတယ်ရှင်။ ဤတစ်နှစ်ပြည့်မှသည် နောင်လာမည့်အချ်ိန်များတွင်လည်း ယခုထက်ပို၍ကောင်းမွန်သော service များပေးနိုင်ရန်ရည်ရွယ်ရင်း ကျွန်မတို့ Happy Health Mental Health Services Co.,Ltd ၏ တစ်နှစ်မြောက်နှစ်ပတ်လည်နေ့လေးအား အမှတ်တရအဖြစ်မျှဝေလိုက်ပါတယ်ရှင်။

25/12/2022

We wish you a Merry Christmas🎶
We wish you a Merry Christmas🎵
We wish you a Merry Christmas and a happy new year🎶✨🎄🎉

23/12/2022

အားလုံးပဲ မင်္ဂလာပါ၊ ဒီနေ့မှာတော့ ကျွန်တော်တို့ Happy Health ကနေ "Self-esteem" ဆိုတဲ့ "မိမိကိုယ်ကိုယ်လေးစားတန်ဖိုးထားခြင်း" နဲ့ပတ်သက်ပြီး ဖော်ပြပေးသွားမှာဘဲ ဖြစ်ပါတယ်။

မိမိကိုယ်ကိုယ်လေးစားတန်ဖိုးထားခြင်း (Self-esteem) ဆိုတာ မိမိရဲ့ပတ်ဝန်းကျင်ကအရာတွေ၊ အခြားသူတွေရဲ့ သတ်မှတ်ထားတဲ့ စံနှုန်းတွေ၊ တန်ဖိုးတွေထက် မိမိ ကိုယ်ပိုင်တန်ဖိုးနဲ့ နေထိုင်တာဘဲ ဖြစ်ပါတယ်။ ကိုယ်ပိုင်တန်ဖိုးနဲ့ နေထိုင်တာဆိုတာမှာ မိမိရဲ့ အားသာချက်၊ မိမိတန်ဖိုးထားတဲ့အရာ‌တွေ၊ မိမိကြိုက်နှစ်သက်တာတွေ၊ မိမိကိုယ်ကိုယ် ယုံကြည်မှု၊ စိတ်ပိုင်းဆိုင်ရာ လုံခြုံမှု စတာတွေပါဝင်ပါတယ်။ Self-esteem က လူတစ်ယောက်ရဲ့ ဘဝပန်းတိုင်၊ အောင်မြင်မှု၊ ပျော်ရွင်မှု စတာတွေနဲ့ ဆက်စပ်နေတာကြောင့် Self-esteem မြင့်ဖို့အရေးကြီးပါတယ်။

📍 ဘာကြောင့် မိမိကိုယ်ကိုယ်လေးစားတန်ဖိုးထားခြင်းက အရေးပါရသလဲ

Self-esteem က တစ်ခုခုကို ဆုံးဖြတ်ချတဲ့အခါ၊ ကိုယ့်ရဲ့ Relationship၊ စိတ်ကျန်းမာရေး‌တွေအပါအဝင် ကိုယ့်ရဲ့ Well-being တစ်ခုလုံးအပေါ် သက်ရောက်မှုရှိတာကြောင့် အရေးပါရခြင်းဖြစ်ပါတယ်။ Self-esteem မြင့်တဲ့သူတစ်‌ယောက် ဟာဆိုရင်

✅ ကိုယ့်ရဲ့ နေထိုင်မှုဘဝကို စိတ်ကျေနပ်မှုရှိမယ်
✅ စိန်ခေါ်မှုအသစ်တွေ လုပ်ဆောင်ဖို့ကိုလည်း စိတ်အားထက်သန်စွာ လုပ်ဆောင်နိုင်မယ်
✅ ကိုယ်မနှစ်သက်တာဆိုရင် မကြိုက်ကြောင်းကို ပြောနိုင်တယ် (Say No)
✅ မိမိကိုယ်ကိုယ်ယုံကြည်မှုရှိတယ်
✅ ကိုယ်ဘာတွေ အားသန်လည်းကို သေချာသိပြီး ကိုယ်ရဲ့ အားနည်း‌ချက်တွေကိုလည်း လက်ခံနိုင်တယ့်အပြင်
✅ စိတ်ဖိစီးမှုတွေကိုလည်း ကိုင်တွယ်ဖြေရှင်းနိုင်စွမ်းတွေ ရှိပါတယ်။

ဒါကြောင့် Self-esteem မြင့်တဲ့သူတွေက စိတ်ဖိစီးမှုဒဏ်တွေကြောင့် နောက်ဆက်တွဲ ဖြစ်ပေါ်လာနိုင်တဲ့ စိတ်ပိုင်းဆိုင်ရာပြဿနာတွေကို ခံစားရနိုင်ခြေနည်းပါတယ်။ ဒီလို Self-esteem မြင့်တာကြောင့် လူမှုဆက်ဆံရေးမှာလည်း သင့်လျော်တဲ့ စည်းဘောင်တွေကို သတ်မှတ်နိုင်ပြီး မိမိကိုယ်တိုင်ရော၊ အခြားသူ‌တွေနဲ့ရော ကောင်းမွန်တဲ့ ဆက်ဆံရေးတွေကို ထိန်းသိမ်းထားနိုင်မှာ ဖြစ်ပါတယ်။

📍 Self-esteem နိမ့်တဲ့သူတစ်ယောက်ဟာဆိုရင်

❗ကိုယ်လုပ်လိုက်တဲ့ အရာတွေ၊ ဆုံးဖြတ်ချက်တွေအပေါ်မှာ အမြဲသံသယဝင်နေတတ်တယ်
❗အခြားသူတွေနဲ့ နှိုင်းယှဉ်ပြီး သိမ်ငယ်တတ်တယ်
❗အခြားသူကို ငြင်းဆိုရမှာကိုလည်း အမြဲကြောက်ရွံ့နေတတ်ပြီး ကိုယ့်ကိုယ်ကိုယ်ထက် အခြားသူတွေကို ပိုပြီးအလေးပေးလေ့ရှိတယ်
❗လူမှုဆက်ဆံရေးမှာလည်း လိုအပ်တဲ့ Boundaries တွေမသတ်မှတ်ထားတာကြောင့် အချိန်ကြာလာတာနဲ့အမျှ အခြားသူတွေနဲ့ ဆက်ဆံရေးမပြေလည်တာမျိုးတွေ ကြုံတွေ့ရတတ်ပါတယ်။ ဒါ့အပြင် အမှားတစ်ခုခုလုပ်မိတဲ့အခါမှာလည်း စိတ်ဓာတ်ကျလွယ်တတ်ကြပါတယ်။

📍 ဒါဆို Self-esteem မြင့်အောင် ဘာတွေလုပ်နိုင်သလဲ

✅ ကိုယ့်ကို ချီးကျူးတဲ့သူ၊ အကောင်းမြင်တဲ့သူတွေနဲ့ ဆက်ဆံရေးတည်ဆောက်ဖို့ ကြိုးစားပါ။ ကိုယ့်ရဲ့ ပတ်ဝန်းကျင်မှာ ကိုယ့်ကိုယ်မကောင်းပြောတဲ့သူတွေ၊ အပြစ်ပြောတဲ့သူတွေ ရှိကောင်းရှိပါလိမ့်မယ်။ ဒီလို မကောင်းမြင်တဲ့သူတွေနဲ့ အမြဲထိတွေ့ဆက်ဆံ‌တာကို လျှော့နိုင်သမျှ လျှော့ပါ (ဒါမှမဟုတ်) သူတို့ပြောလိုက်တာတွေကြောင့် ကိုယ် ဘယ်လိုခံစားရတယ်ဆိုတာကို ပွင့်ပွင့်လင်းလင်းပြောပြပါ။

✅ ကိုယ်ကဘာတွေကို ကောင်းကောင်းလုပ်နိုင်သလဲ၊ ကိုယ့်အားသာချက်‌တွေက ဘာတွေလည်းစတာတွေကို သေချာနားလည်အောင် အရင်လုပ်ပြီး ကိုယ်လုပ်နိုင်တာတွေကို ပိုပြီး‌တော်လာအောင်လုပ်ပါ။ ကိုယ့်မှာရှိတဲ့ အားနည်းချက်တွေကို လက်ခံပြီး ကိုယ်လုပ်နိုင်တဲ့ အရာတွေအပေါ် အာရုံစိုက်ဖို့ လိုပါတယ်။

✅ ကိုယ်မလုပ်ချင်တာ၊ မကြိုက်တာတွေကို ငြင်းဖို့ အခြားသူတွေအပေါ် အမြဲအားနာမနေပါနဲ့။ ကိုယ့်စိတ်ပါတာ၊ ကိုယ်ဝါဿနာပါတာတွေကိုဘဲ လုပ်ပါ။ တစ်ခုရှိတာက "ကိုယ်လုပ်ချင်တာလုပ်မယ်၊ တခြားဟာတွေကို ဂရုမစိုက်ဘူး" ဆိုပြီး လျစ်လျူရှုခိုင်းတာမဟုတ်ပါဘူး။ ကိုယ်မကြိုက်တာတွေ၊ စိတ်မပါတာမျိုးတွေ လုပ်ခိုင်းတဲ့အခါ တစ်ဖက်သူအပေါ် မလိုအပ်ဘဲ အားမနာဘဲ ငြင်းနိုင်အောင် ကြိုးစားပါ။

✅ ကိုယ့်ကိုယ်ကိုယ်အကောင်းမြင်ပါ။ "ငါကမတော်ဘူး" "ငါလုပ်တာမလုံလောက်သေးဘူး" စတဲ့ ကိုယ့်ကိုယ်ကိုယ် ဝေဖန်အပြစ်တင်တာမျိုးတွေရှိတတ်ကြပါတယ်။ ဒီလိုအမြဲ Self critize လုပ်တာထက် အပြောင်းအလဲအနေနဲ့ "ငါက အမြဲ perfect ဖြစ်နေဖို့မလိုဘူး၊ ‌အကောင်းဆုံးကြိုးစားဖို့ဘဲလိုတာ" "ဒါကအမှားတစ်ခုဘဲ၊ နောက်တစ်ခါကြိုးစားပြီး ပိုကောင်းအောင်လုပ်မယ်" စတဲ့ အပြုသဘောဆောင်တဲ့ Self Talk တွေကို ပြောင်းပြီးပြောကြည့်ပါ၊

✅ ကိုယ့်ကိုယ်ကိုယ်ဂရုစိုက်ပါ။ ကိုယ်လုပ်ချင်တဲ့အရာတစ်ခုကို စိတ်အပန်းပြေဖို့ လုပ်တာ၊ ကိုယ်လုပ်ချင်တာကို အချိန်ပေးပြီးလုပ်လိုက်တာမျိုးက တခြားသူ‌​တွေ ကိုယ့်ကိုလုပ်စေချင်လို့ လုပ်တာထက် အများကြီးပိုကောင်းပါတယ်။ ဒါ့အပြင် လေ့ကျင့်ခန်းများများလုပ်တာ၊ အစားကောင်းကောင်းစားတာ၊ အိပ်ရေးဝဝအိပ်တာ၊ ကိုယ့်ရဲ့ ရုပ်ပိုင်းဆိုင်ရာကို ဂရုစိုက်ဖို့ကလည်း ကိုယ့်ကိုယ်ကိုယ်ပိုပြီး တန်ဖိုးထားတတ်လာပြီး သဘောကျလာစေမှာဖြစ်ပါတယ်။

အခုဆိုရင် Self-esteem အကြောင်းရယ်၊ Self-esteem တိုးတက်အောင် တည်ဆောက်နိုင်မယ့် နည်းလမ်းလေးတွေကို ဖော်ပြပေးခဲ့တာပဲ ဖြစ်ပါတယ်။

06/12/2022

အားလုံးပဲ မင်္ဂလာပါ။ ဒီတစ်ခေါက်မှာတော့ ကျွန်မ တို့ ဆယ်ကျော်သက်တွေကြားမှာအဖြစ်များတဲ့ peer pressure အကြောင်းကို ပြောပြပေးချင်ပါတယ်။

📍 Peer Pressure ဆိုတာဘာလဲ

Peer Pressure ဆိုတာဟာ သက်တူရွယ်တူအဖွဲ့အတွင်း သူငယ်ချင်းအချင်းချင်းအပေါ် "ဩဇာသက်ရောက်မှု" ကိုဆိုလိုခြင်းဖြစ်ပါတယ်။ ဥပမာ- အဖွဲ့ထဲရှိသူငယ်ချင်းများပြုလုပ်သော အရာတစ်ခုကို မိမိမှ မနှစ်သက်သော်လည်း သူငယ်ချင်းအုပ်စုရဲ့လွှမ်းမိုးမှုများကြောင့် မတတ်သာ၍လိုက်လုပ်ရခြင်းကို ဆိုလိုပါတယ်။ များသောအားဖြင့် Peer Pressure ကြောင့်ဖြစ်ပေါ်လာတဲ့ မကောင်းသောအပြုမှုများကတော့ ဆေးလိပ် (သို့) အရက် (သို့) မှုးယစ်ဆေးဝါး စသည်တို့ကို လက်တွေ့စမ်းသပ်ပြုလုပ်လာခြင်းတို့ ပါဝင်ပါတယ်။ ဒါပေမယ့် Peer Pressure ကြောင့် ကောင်းကျိုးရရှိစေနိုင်တဲ့အရာများလည်း ဖြစ်ပေါ်စေနိုင်ပါတယ်။ ဥပမာ- သင်ကစာမလုပ်ချင်ပေမယ့်လည်း သင့်သူငယ်ချင်းတွေအားလုံးက စာလုပ်ဖို့စိတ်ပြင်းပျနေကြတဲ့အချိန်အခါမျိုးမှာ သင်လဲစာအတူတူဝင်လုပ်ဖြစ်သွားနိုင်ပါတယ်။ အဆိုပါ Peer Pressure ကြောင့် self-confidence ကိုပါမြင့်တက်စေနိုင်ပါတယ်။

လေ့လာတွေ့ရှိချက်များအရ peer pressure ကို အသက် (၁၂) နှစ် မှ (၁၉) နှစ် အရွယ်တွင် အများဆုံးတွေ့ရှိရပါတယ်။

Peer Pressure ကိုဖြစ်စေနိုင်တဲ့ အဓိကအကြောင်းအရင်းများကတော့ Self-esteem နိမ့်ကျခြင်း၊ သူငယ်ချင်းများမှ ပြစ်ပယ်ခံမှာကိုကြောက်ရွံ့ခြင်း တို့ကြောင့်ဖြစ်ပါတယ်။

📍 Negative Peer Pressure ဆိုတာဘာလဲ

Negative Peer Pressure ဆိုတာ သူငယ်ချင်းအပေါင်းအသင်းတွေကြားဝင်ဆံ့အောင်၊ ကိုယ့်ကို လက်ခံနိုင်အောင် ကိုယ်မနှစ်သက်သောအရာများကို ပြုလုပ်ရခြင်းဖြစ်ပါတယ်။ (ဥပမာ- ကိုယ်က အရက်သောက်လေ့မရှိသော်လည်း သူငယ်ချင်းအပေါင်းအသင်းများကြောင့် သောက်ရခြင်း) Negative peer pressure ခံရသူတွေဟာ မိမိခံယူထားတဲ့ တန်ဖိုး၊ ယုံကြည်ချက်များနှင့် အပြုအမူများက ကွဲလွဲလာသောကြောင့် မိမိကိုယ်ကိုယ် လိပ်ပြာမလုံခြင်း၊ အပြစ်ရှိသည်ဟုခံစားရခြင်း၊ မိမိပြုလုပ်နေရသည်များကို စိတ်မချမ်းမသာဖြစ်လာခြင်းတို့ကို မကြာခဏဆိုသလို ခံစားရတတ်ပါတယ်။

📌 Negative Peer Pressure ကိုဘယ်လိုကိုင်တွယ်ဖြေရှင်းမလဲ

အကယ်၍ သင်က negative peer pressure ကို ခံစားနေရမယ်ဆိုရင်ကိုင်တွယ်ဖြေရှင်းနိုင်မယ့် နည်းလမ်းတချို့ကတော့

❗️အရင်ဦးဆုံး မိမိဘယ်လိုခံစားနေရလဲဆိုတာကို သတိပြုသင့်ပါတယ်

❗️ကြိုတင်စဉ်းစားထားပါ။ နောက်ထပ် negative peer pressure ထပ်ခံရမည့်အခြေအနေမှာ ထို pressure ကို မိမိဘယ်လိုတုံ့ပြန်မယ်၊ ဘယ်လိုလုပ်မယ်ဆိုတာကို ကြိုတင်စဉ်းစားထားသင့်ပါတယ်။

❗️သေချာရှင်းပြပါ။ မိမိကို တွန်းအားပေးနေတဲ့သူကို ဒီအခြေအနေကို မိမိအနေဖြင့် မနှစ်သက်ကြောင်း၊ မလုပ်ချင်ကြောင်း၊ ဘယ်လိုခံစားနေရကြောင်းကို ပြောပြသင့်ပါတယ်။

📍 Positive Peer Pressure ဆိုတာဘာလဲ

Positive Peer Pressure ကတော့ သင့်ရဲ့ စွမ်းဆောင်ရည်ကို မြင့်တက်စေနိုင်ပါတယ်။ Positive peer pressure ရဲ့ ဥပမာတွေကတော့

🔹 သူငယ်ချင်းကို အဆင့်ကောင်းဖို့အတွက် စာပိုလုပ်အောင် တွန်းအားပေးခြင်း၊

🔹 ကျောင်းပြီးသွားသည့်အချိန်မှာလဲ သူငယ်ချင်းများကို အလုပ်ရအောင် ယုံကြည်ချက်များရရှိစေခြင်း၊

🔹 ပိုက်ဆံကို အပိုမသုံးပဲ စုထားပြီး လိုအပ်သည်များကိုဝယ်ရန် အချင်းချင်းတိုက်တွန်းကြခြင်း၊

​🔹 အသက်မပြည့်သေးပဲ အရက်သေစာသောက်သုံးခြင်းတို့ကို အားမပေးခြင်း စသည်တို့ဖြစ်ပါတယ်။

သင်ရော ဘယ်လို peer pressure မျိုးကိုခံစားနေရသလဲ......

09/11/2022

“Escape Together” အစီအစဉ်လေးအတွက် booking တင်ရာတွင် messenger chat box မှ reply ကြန့်ကြာမှူများရှိပါက register လုပ်ရန်နှောင့်နှေးမှုများရှိနိုင်တာကြောင့် ယခုဖော်ပြပါlinkမှတဆင့်ဝင်ရောက် register လုပ်ထားပီး ယခုအစီအစဉ်လေးမှာပါဝင်နိုင်ပါပီရှင်။

Registration form- https://forms.gle/ysm8t5MpneCqGxX37

🚨ဤ “Escape Together” program လေးဟာဆိုရင် ကျွန်မတို့ Happy Health Center တွင်အမြဲတမ်းထားရှိပေးသွားမှာဖြစ်ပါတယ်ရှင်။

အားလုံးပဲ မင်္ဂလာပါ...

မြန်မာနိုင်ငံမှာ လတ်တလောကြုံတွေ့နေရတဲ့ စိတ်ပိုင်းဆိုင်ရာအခက်အခဲများကို လျှော့ချပေးနိုင်ဖို့ တစ်ဖက်တစ်လှမ်းမှ ကူညီပေးတဲ့အနေနဲ့ ကျွန်တော်တို့ Happy Health ကနေ "Escape Together" ဆိုတဲ့ Service လေးတစ်ခုနဲ့ မိတ်ဆက်ပေးပါရစေ။

📍 "Escape Together" ပြုလုပ်ရခြင်း ရည်ရွယ်ချက်

✅ "Escape Together" ဆိုတဲ့ နာမည်လေးအတိုင်း ကျွန်တော်တို့ နေ့စဉ်ဘဝမှ ကြုံတွေ့နေရတဲ့ အခက်အခဲတွေ၊ ပြဿနာတွေ၊ ရင်ဖွင့်လိုတဲ့ အကြောင်းအ‌ရာတွေကနေ "ရုန်းထွက်" နိုင်အောင် ကူညီပေးနိုင်ဖို့အတွက် ဒီလို Service လေးကို ပြုလုပ်ရခြင်း ဖြစ်ပါတယ်။

📍 Fees ရောပေးရမှာလား?

✅ "Escape Together" ဆိုတဲ့ Service ဟာဆိုရင် အခကြေးငွေပေးစရာမလိုဘဲ FREE ထားရှိပေးထားမှာမို့လို့ လူကြီးမင်းတို့အနေနဲ့ စိတ်သက်သက်သာသာနဲ့ အချိန်မရွေး လွတ်လပ်စွာ ရင်ဖွင့်နိုင်မှာ ဖြစ်ပါတယ်။

📍 ဒီ Service ကရော ပုံမှန်ရှိမှာလား?

✅ "Escape Together" က ကျွန်တော်တို့ Happy Health မှာ အမြဲထားရှိပေးထားမယ့် FREE SERVICE တစ်ခုဖြစ်တာကြောင့် လူကြီးမင်းတို့အနေနဲ့ မိမိရင်ဖွင့်လိုတဲ့အချိန်တိုင်း လာရောက်ဆွေးနွေးနိုင်ပါတယ်။

ဒီ Service လေးကိုရယူလိုပါက Happy Health Page ရဲ့ Chat Box မှတစ်ဆင့် လာရောက် Register ပြုလုပ်နိုင်ပါတယ်ဗျ။

07/11/2022

ဗုဒ္ဓဘာသာဝင်တို့၏အထွဋ်အမြတ်ထားရာနေ့ထူးနေ့မြတ်များထဲမှ ယနေ့ကျရောက်သော တန်ဆောင်မုန်းလပြည့်နေ့(သာမညဖလအခါတော်နေ့)တွင် ဘေးရန်ကင်းကွာစိတ်ချမ်းသာ၍ ကောင်းကျိုးလိုအင်ဆန္ဒများ ပြည့်ဝကြပါစေကြောင်း ဆုမွန်ကောင်းတောင်းအပ်ပါသည်ရှင်။

#တန်ဆောင်မုန်းလပြည့်နေ့

31/10/2022

အားလုံးပဲ မင်္ဂလာပါ...

မြန်မာနိုင်ငံမှာ လတ်တလောကြုံတွေ့နေရတဲ့ စိတ်ပိုင်းဆိုင်ရာအခက်အခဲများကို လျှော့ချပေးနိုင်ဖို့ တစ်ဖက်တစ်လှမ်းမှ ကူညီပေးတဲ့အနေနဲ့ ကျွန်တော်တို့ Happy Health ကနေ "Escape Together" ဆိုတဲ့ Service လေးတစ်ခုနဲ့ မိတ်ဆက်ပေးပါရစေ။

📍 "Escape Together" ပြုလုပ်ရခြင်း ရည်ရွယ်ချက်

✅ "Escape Together" ဆိုတဲ့ နာမည်လေးအတိုင်း ကျွန်တော်တို့ နေ့စဉ်ဘဝမှ ကြုံတွေ့နေရတဲ့ အခက်အခဲတွေ၊ ပြဿနာတွေ၊ ရင်ဖွင့်လိုတဲ့ အကြောင်းအ‌ရာတွေကနေ "ရုန်းထွက်" နိုင်အောင် ကူညီပေးနိုင်ဖို့အတွက် ဒီလို Service လေးကို ပြုလုပ်ရခြင်း ဖြစ်ပါတယ်။

📍 Fees ရောပေးရမှာလား?

✅ "Escape Together" ဆိုတဲ့ Service ဟာဆိုရင် အခကြေးငွေပေးစရာမလိုဘဲ FREE ထားရှိပေးထားမှာမို့လို့ လူကြီးမင်းတို့အနေနဲ့ စိတ်သက်သက်သာသာနဲ့ အချိန်မရွေး လွတ်လပ်စွာ ရင်ဖွင့်နိုင်မှာ ဖြစ်ပါတယ်။

📍 ဒီ Service ကရော ပုံမှန်ရှိမှာလား?

✅ "Escape Together" က ကျွန်တော်တို့ Happy Health မှာ အမြဲထားရှိပေးထားမယ့် FREE SERVICE တစ်ခုဖြစ်တာကြောင့် လူကြီးမင်းတို့အနေနဲ့ မိမိရင်ဖွင့်လိုတဲ့အချိန်တိုင်း လာရောက်ဆွေးနွေးနိုင်ပါတယ်။

ဒီ Service လေးကိုရယူလိုပါက Happy Health Page ရဲ့ Chat Box မှတစ်ဆင့် လာရောက် Register ပြုလုပ်နိုင်ပါတယ်ဗျ။

26/10/2022

အားလုံးပဲ မင်္ဂလာပါ။ ကျွန်တော်တို့ Happy Health က မကြာခင်မှာ လူကြီးမင်းတို့်အားလုံးအတွက် အကျိုးရှိစေမယ့် Service လေးတစ်ခုကို ယူဆောင်လာဖို့ရှိတာကြောင့် စောင့်မျှော်ပေးကြပါဦး ခင်ဗျ။

24/10/2022

🪔Happy Diwali Day🪔

ယနေ့ ကျရောက်တဲ့ ဒေပါဝလီနေ့ လေးမှာ ပျော်ရွှင်ဖွယ် ဒေပါဝလီ နေ့လေးဖြစ်ပါစေကြောင်းနှင့် ဟိန္ဒူဘာသာဝင်ညီအစ်ကိုမောင်နှမများအားလုံးကျန်းမာ၊ချမ်းသာ၍ ပျော်ရွှင်ဖွယ် အချိန်ကာလလေးကိုပိုင်ဆိုင်နိုင်ကြပါစေလို့ ကျွန်မတို့ Happy Health မိသားစုမှ ဆုမွန်ကောင်းတောင်းအပ်ပါသည်။

20/10/2022

အားလုံးပဲ မင်္ဂလာပါ။ လူကြီးမင်းတို့ကို သတင်းကောင်းတစ်ခု ပြောပြချင်လို့ပါ။ ကျွန်တော်တို့ Happy Health မှာရရှိနိုင်တဲ့ services တွေထဲက တစ်မျိုးဖြစ်တဲ့ "Career Interest Test" ရဲ့စျေးနှုန်းကို ဖြေဆိုသူတို့ရဲ့ တောင်းဆိုချက်အရ စျေးနှုန်းပြောင်းလဲသတ်မှတ်လိုက်ပါပြီ။

📍 Career Interest Test ယခုစျေးနှုန်း - 16000 mmk ✅

ဒါ့အပြင် Career Interest Test ကို ရုံးခန်းသို့ လာရောက်ဖြေဆိုရန် အခက်အခဲရှိသူတွေအတွက်လည်း Online မှတစ်ဆင့်ဖြေဆိုနိုင်ရန်အတွက် စီစဉ်ထားပါတယ်ခင်ဗျာ။ (Online ဖြင့်ဖြေဆိုလိုပါက လိုအပ်သည်များကို Page Chat Box တွင် အသေးစိတ်လာရောက်မေးမြန်းနိုင်ပါတယ်။) ဒါ့ကြောင့် ကိုယ့်စိတ်ဝင်စားမှုတွေနဲ့ ကိုက်ညီတဲ့ အလုပ်အကိုင်လမ်းကြောင်းများကို ဖော်ပြပေးနိုင်တဲ့ "Career Interest Test" စစ်ဆေးလွှာကို လာရောက်ဖြေဆိုဖို့ ဖိတ်ခေါ်လိုက်ပါတယ်။

🟢 နောက်ပိုင်းမှာလည်း Free Program တွေ၊ Workshop တွေလဲ လုပ်ပေးဖို့ရှိတာကြောင့် ဆက်လက်စောင့်မျှော်ပေးကြပါဦးဗျ။

10/10/2022

Today 8pm နော်❗❗
Live session လေးမှာ Answer & Question လေးတွေဖြေဆိုရင်း Phone Billလက်‌ေ‌ဆာင်ရနိုင်မယ့် အစီအစဉ် လေးတွေပါလို့ ဝင်ရောက်ကြည့်ရှုဖို့ ဖိတ်ခေါ်လိုက်ပါတယ်ရှင့်☺️

မနက်ဖြန် October 10 ရက်နေ့မှာ ကျရောက်မယ့် "World Mental Healfh Day" တွင် ကျွန်မတို့ Happy Health Mental Health Services Co., Ltd ​၏ founder တစ်ဦးဖြစ်တဲ့ ဆရာမ သီရိထက် မှ "ယခုခေတ် သင့်စိတ်ကျန်းမာရေး" ဆိုသည့်ခေါင်းစဉ်ဖြင့် Facebook Live Session တစ်ခုပြုလုပ်ပေးသွားမှာပဲဖြစ်ပါတယ်။ လူကြီးမင်းတို့​၏ စိတ်ကျန်းမာရေးအတွက်အထောက်အကူပြုနိုင်မယ့် အကြောင်းအရာများကိုပြောကြားပေးသွားမည့်အပြင် လူကြီးမင်းတို့ သိရှိလိုသည်များကိုလည်း Comment Box တွင် မေးမြန်းနိုင်မှာဖြစ်ပါတယ်။ ဒါကြောင့် မနက်ဖြန် ည (၈) နာရီတွင် ပြုလုပ်မည့် live session အား လာရောက်ဆွေးနွေးနိုင်ရန် ဖိတ်ခေါ်အပ်ပါတယ်။

09/10/2022

မနက်ဖြန် October 10 ရက်နေ့မှာ ကျရောက်မယ့် "World Mental Healfh Day" တွင် ကျွန်မတို့ Happy Health Mental Health Services Co., Ltd ​၏ founder တစ်ဦးဖြစ်တဲ့ ဆရာမ သီရိထက် မှ "ယခုခေတ် သင့်စိတ်ကျန်းမာရေး" ဆိုသည့်ခေါင်းစဉ်ဖြင့် Facebook Live Session တစ်ခုပြုလုပ်ပေးသွားမှာပဲဖြစ်ပါတယ်။ လူကြီးမင်းတို့​၏ စိတ်ကျန်းမာရေးအတွက်အထောက်အကူပြုနိုင်မယ့် အကြောင်းအရာများကိုပြောကြားပေးသွားမည့်အပြင် လူကြီးမင်းတို့ သိရှိလိုသည်များကိုလည်း Comment Box တွင် မေးမြန်းနိုင်မှာဖြစ်ပါတယ်။ ဒါကြောင့် မနက်ဖြန် ည (၈) နာရီတွင် ပြုလုပ်မည့် live session အား လာရောက်ဆွေးနွေးနိုင်ရန် ဖိတ်ခေါ်အပ်ပါတယ်။