26/02/2022
“ကဆီဓာတ်” ဆိုတာ ဘာလဲ ... ?
“ကဆီဓာတ်” ကို အလွယ်ပြောမယ်ဆိုရင်တော့ “သကြားဓာတ်” လို့ပြောလို့ရပါမယ်။ ကဆီဓာတ် ကြွယ်ဝသော အစားအသောက်များကို စားလိုက်တဲ့အခါ “သွေးတွင်းသကြားဓာတ် (Glucose)” အဖြစ် ပြိုကွဲ ပြောင်းလဲသွားပါတယ်။ အဲဒီ Glucose ဓာတ်လေးတွေဟာ သွေးအတွင်းလည်ပတ်ရင်း ခန္ဓာကိုယ်ရဲ့ (ဆဲလ်၊ တစ်ရှူး၊ ကလီစာ စတဲ့) အစိတ်အပိုင်းများအတွက် လိုအပ်တဲ့ စွမ်းအင်ကို ပေးစွမ်းပါတယ်။ “သွေးတွင်း သကြားဓာတ်” လေးများကိုတော့ အသည်းနဲ့ ကြွက်သား နေရာများမှာ အဓိက သိုလှောင်သိမ်းဆည်း ပါတယ်။..
ဘာတွေစားရင် “ကဆီဓာတ်” ရမလဲ ... ?
၁။ ဆန်၊ ဂျုံ စသည့် အစေ့၊အဆန် တို့ဖြင့် ပြုလုပ်ထားသော စားစရာများ (ထမင်း၊ ခေါက်ဆွဲ၊ ပေါင်မုန့် ... )
၂။ အချိုဓာတ်များသော အသီးများ (သရက်သီး၊ ပန်းသီး၊ ငှက်ပျော်သီး၊ ဖရဲသီး၊ လိမ္မော်သီး ... )
၃။ နို့ထွက်ပစ္စည်းများ (နို့၊ ဒိန်ချဉ်၊ ဒိန်ခဲ ... )
၄။ ပဲ အမျိုးမျိုး
၅။ အဆာပြေမုန့်များ (ကိတ်မုန့်၊ ကွတ်ကီး၊ သကြားလုံး ... )
၆။ ဖျော်ရည်မကာ မျိုးစုံ (အသီးဖျော်ရည်၊ အားဖြည့် အချိုရည်၊ ဆိုဒါ ... )
၇။ ကဆီဓာတ်များသော သစ်ဥ၊ သစ်ဖုများ (ကန်စွန်းဥ၊ အာလူး၊ ပြောင်းဖူး …)
စသည့် အစားအသောက်များကို စားသုံးပါက “ကဆီဓာတ်” ရရှိနိုင်ပါတယ်။..
တစ်နေ့ ဘယ်လောက် စားသင့်သလဲ … ?
လူတစ်ဦးနှင့် တစ်ဦး အာဟာရ လိုအပ်မှုနှုန်း မတူညီသောကြောင့် အတိအကျ ဆို၍ မရနိုင်ပါ။ ယေဘုယျ အားဖြင့်ဆိုလျှင် တနေ့တာ စားသုံးသော “ကယ်လိုရီ” ၏ ၄၅% မှ ၆၅% အထိ စားသုံးသင့်တယ်လို့ ဆိုပါတယ်။
ဥပမာ။ ။ တနေ့မှာ စုစုပေါင်း “၂,၀၀၀ ကယ်လိုရီ” စားသုံးတဲ့ လူတစ်ယောက်မှာဆိုရင် “ကဆီဓာတ်” ၂၇၅ ဂရမ် စားသုံးသင့်တယ်လို့ ဆိုလိုပါတယ်။..
“တန်ဆေး၊ လွန်ဘေး” ဆိုတဲ့ စကားအတိုင်း
ကဆီဓာတ်”ကို လိုအပ်သည်ထက်ပို၍ စားသုံးမိပါက ဆီးချို၊ သွေးချို ကဲ့သို့သော ရောဂါများ ခံစားရနိုင်ပြီး ...
လုံလောက်စွာ စားသုံးခြင်းမရှိပါကလဲ “ခေါင်းကိုက်ခြင်း၊ မောပန်းနွမ်းနယ်ခြင်း စသော ဝေဒနာများ ခံစားရနိုင်သောကြောင့် “နေ့စဉ်ဖြည့်ရတဲ့ အာဟာရ ပမာဏကို” သင့်တင်လျောက်ပတ်စွာ စားသုံးနိုင်ကြစေဖို့ ဗဟုသုတ မျှဝေပေးလိုက်ပါတယ်။..
နောက်ရက်တွေမှာလဲ အာဟာရဓာတ် တစ်မျိုးချင်းစီရဲ့ အကြောင်းများကို ဆက်လက် တင်ဆက်ပေးသွားမှာမို့ "Summr Gold" page ကို Like & Follow လုပ်ထားဖို့ မမေ့ကြနဲ့နော်။
