https://www.facebook.com/107244510743114/

Yaung Ni Laboratory - ရောင်နီ ရောဂါရှာဖွေရေးဓါတ်ခွဲခန်း, No. 528, May Dharwi Road, North Okkalapa Tsp, Yangon (2025)

08/11/2025

နာတာရှည်ကျောက်ကပ်ရောဂါကို ဆေးပညာအခေါ်အဝေါ်အရ Chronic kidney disease သို့မဟုတ် Chronic renal disease ဟုခေါ်ပါသည်။ ဥပမာ - ဆီးချိုသွေးချိုရောဂါကြောင့် ကျောက်ကပ်ပျက်စီးခြင်း (Diabetic nephropathy)၊ သွေးတိုးရောဂါကြောင့် ကျောက်ကပ်ပျက်စီးခြင်း (Hypertensive nephropathy) နှင့် အရေပြားလေးဖက်နာရောဂါကြောင့် ကျောက်ကပ်ပျက်စီးခြင်း (Systemic Lupus Erythematosus Nephropathy) အစရှိသည်တို့ကို နာတာရှည်ကျောက်ကပ်ရောဂါဟု ခေါ်ဆိုခြင်းဖြစ်ပါသည်။

နာတာရှည် ကျောက်ကပ်ပျက်စီးမှုကို အဆင့် (၅) ဆင့် ခွဲခြားသတ်မှတ်ထားပြီး ကျောက်ကပ်သန့်စင်နိုင်မှုနှုန်းကို (Glomerular Filtration Rate: GFR) နှင့် တိုင်းတာသတ်မှတ်နိုင်ပါသည်။ အဆင့် (၁) မှ (၃) အထိကို ဆေးဝါးများဖြင့် ကုသရာတွင် ထိရောက်မှုရှိနိုင်ပြီး အဆင့် (၄) တွင် ကျောက်ကပ်ဆေးရန် လိုအပ်လာပါသည်။ အဆင့် (၅) ရောက်လျှင် အစပိုင်း၌ ကျောက်ကပ်ဆေးပြီး ကုသနိုင်သေးသော်လည်း ဆေးရသည့်အကြိမ် စိပ်လာသည်နှင့်အမျှ နောက်ပိုင်းတွင် ကျောက်ကပ် အစားထိုးကုသရန် လိုအပ်လာပါသည်။

ထိုရောဂါများဖြစ်ပွားပါက ကျောက်ကပ်မှ အညစ်အကြေးများကို ကောင်းစွာမစွန့်ထုတ်နိုင်တော့သည့်အတွက် သွေးအတွင်းတွင် ခန္ဓာကိုယ်ဇီဝဖြစ်စဉ်မှ ထွက်လာသော ခရစ်တနင်း ခေါ် ဆီးဆိပ်ဓာတ်များသည် ပုံမှန်ရှိသင့်သည့် ပမာဏထက် ပိုမိုများပြားလာပါသည်။ ကျောက်ကပ်ပျက်စီးမှု အချိန်ကြာလာသည်နှင့်အမျှ ခရစ်တနင်း ခေါ် ဆီးဆိပ်ဓာတ်များသည်လည်း မြင့်တက်လာမည် ဖြစ်သည်။

ရောဂါဝေဒနာ ပြင်းထန်လာပြီး ခံနိုင်ရည်မရှိတော့သည့်အချိန်တွင် ကျောက်ကပ်ဆေးသည့်စက်နှင့် ဆေးမှသာ အသက်ရှင်သန်နိုင်မည် ဖြစ်သည်။ ထိုသို့ကျောက်ကပ်ဆေးခြင်းသည် ငွေကုန်ကြေးကျများသည့်အပြင် ကျောက်ကပ်ဆေးသည့်စက်မှာလည်း ရန်ကုန်၊ မန္တလေးနှင့် အခြားမြို့ကြီးတချို့တွင်သာ ရှိသောကြောင့် နယ်မြို့များတွင်နေထိုင်သော ဝေဒနာရှင်များအတွက် များစွာအခက်အခဲရှိလှပါသည်။ ထိုမှတစ်ဖန် ကျောက်ကပ်ဆေးခြင်းအဆင့်တွင် အဆင်မပြေလျှင် ကျောက်ကပ်အစားထိုးကုသမှု (Kidney transplant) ကို ခံယူမှသာ အသက်ရှင်နိုင်မည်ဖြစ်သည်။

သို့ဖြစ်ပါ၍ နိုင်ငံတကာမှ ပညာရှင်များကလည်း ကျောက်ကပ်ရောဂါကို ပြန်လည်ကောင်းမွန်သည်အထိ ကုသနိုင်မည့် ဆေးဝါးများကို အပူတပြင်း ရှာဖွေလျက်ရှိပါသည်။ အနောက်တိုင်းဆေးပညာတွင် နာတာရှည် ကျောက်ကပ်ရောဂါကို ထိရောက်စွာကုသနိုင်သော ဆေးဝါးများ ယနေ့အထိ မပေါ်ပေါက်သေးပေ။

သို့သော် တရုတ်နိုင်ငံ၌ လူနာများတွင် ရိုးရာတိုင်းရင်းဆေးများဖြင့် ကုသပြီး သက်သာပျောက်ကင်းသွားသည့် သာဓကများ တွေ့ရှိရသောကြောင့် ယင်းတရုတ်တိုင်းရင်းဆေးပညာရှင်များ သုံးစွဲသောဆေးပင်များကို လေ့လာရာတွင် သုံးစွဲသည့်ဆေးပင်များအနက် အစွမ်းထက်ဆုံး ဆေးပင်မှာ အက်စ်ထရာဂယ်လက်စ် (Astragalus) အမည်ရှိသော ကျောက်ကပ်ဆေးပင်ဖြစ်နေကြောင်း လေ့လာတွေ့ရှိခဲ့ရပါသည်။

ထို့ကြောင့် ဆေးသိပ္ပံပညာရှင်များသည် ကျောက်ကပ်ဆေးပင်၏ အစွမ်းအာနိသင်များကို သိပ္ပံနည်းကျ စမ်းသပ်မှုများ၊ သုတေသနစာတမ်းများ ပြုလုပ်လာကြပါသည်။ တွေ့ရှိချက်များမှာလည်း လွန်စွာစိတ်ဝင်စားဖွယ် ကောင်းလှပါသည်။

ဒေါက်တာခင်မောင်လွင် (FAME)
ကိုးကားချက် - “ကျောက်ကပ်ဆေးပင်” စာအုပ်မှ ထုတ်နုတ်ဖော်ပြသည်။

08/11/2025

✅ဆေးရုံဆေးခန်းက စစ်ခိုင်းလို့သာ
စစ်လိုက်ရတယ်
ဘာတွေကို ဘာလို့စစ်ခိုင်းတယ်ဆိုတာ
မသိဘူးဆိုတဲ့သူတွေအတွက်_

@ ECG (Electro Cardiogram )- နှလုံးစစ်ဆေးတာ
(နှလုံး ကြွက်သားလုပ်ဆောင်ချက်နဲ့ နှလုံးရောဂါများကို စစ်ဆေးတာ)

> EST (exercise stress test ) - ပြေးစက်ပေါ် နှလုံးစမ်းသပ်တာ

@ Urine test - ဆီးစစ်ဆေးတာ ( ဆီးလမ်းကြောင်း တစ်လျှောက်ပိုး၀င်ခြင်း မူမှန်မမှန်နဲ့ ကျောက်ကပ်ကို စစ်ဆေးတာ )
> Urine RE - ဆီးစစ်တာ

@ HbA1c - ( 3လအတွင်း ဆီးချိုရောဂါ ထိန်းသိမ်းမှုအတွက် စစ်ဆေးတာ )

>Blood Sugar - သွေးတွင်းသကြားပမာဏ စစ်ဆေးတာ(ဆီးချိုးရောဂါရှိမရှိ သိရှိရန် အတွက် အစစ်များ )
>FBS (fasting Blood Sugar )- အစာရပ်ပီး ဆီးချိုစစ်တာ

@ SGOT, SGPT, Serum Bilirubin.,ALT - အသည်းရဲ့စွမ်းဆောင်ရည် အင်ဇိုင်းပမာဏနဲ့ သွေးတွင်း ဘီလီယူဘင်ကိုစစ်တာ
(အသားဝါစေသော ဓာတ်ကို အကဲဖြတ်မလို့ အစစ်များ)

> Alkaline Phosphates - အသည်းစစ်တာ
>AFP - အသည်းကင်ဆာစစ်တာ

@ Blood urea and Serum Creatinine. - သွေးတွင်းယူရီးယား,ခရီယေတနင်းဓာတ်ကိုစစ်တာ(ကျောက်ကပ်စွမ်းဆောင်ရည်သိရှိ အကဲဖြတ်ဖို့အတွက် )

> Creatinine GFR - ခရီယေတနင်းဓာတ်ကို စစ်တာ
> BUN (Blood Urea Nitrogen) - ကျောက်ကပ်စစ်တာ

@ Lipid Profile - သွေးတွင်းအဆီ ပမာဏက်ိုစစ်တာ (ကောင်းကျိုးပေးသောအဆီနဲ့ မကောင်းတဲ့အဆီတွေကို ကြည့်ပီးနှလုံးကျန်းမာရေး အကဲဖြတ်နိုင်ရန်အတွက် )

> Cholesterol - သွေးထဲရှိ ကိုလက်စထရောစစ်တာ
>Triglyceride - ထရိုင်ဂလီစရိုက်ဓာတ်ကိုစစ်တာ
> HDL Cholesterol- သွေးထဲရှိ အကျိုးပြုတဲ့ ကောင်းတဲ့ အဆီဓာတ် ကိုစစ်တာ
> LDL Cholesterol -အကျိုးမပြုတဲ့ မကောင်းတဲ့ အဆီဓာတ်ကိုစစ်တာ

@ Haemogram - (သွေးဖြူဥ ,သွေးနီဥ, သွေးမွှားဆဲလ် စတာတွေကို အဏုစိတ် စစ်ဆေးတာ)
> CP Auto - သွေးဖြူဥ သွေးနီဥ စစ်တာ

@ HBs Antigen ,HCV Antibody- အသည်းရောင်အသားဝါ ဘီပိုး,စီပိုး ရှိမရှိစစ်တာ
>HBsAg -အသည်းရောင်အသားဝါ Bပိုးစစ်တာ
>Anti HBS - Bပိုး ကိုယ်ခံအားစစ်တာ
> Anti HCV - C ပိုးစစ်တာ

@( X -ray )- ဓာတ်မှန်ရိုက်တာ (ရင်ဘတ်ဓာတ်မှန် နဲ့ အရိုးကျိုး အက် စတာတွေအတွက်စစ်တာ)
(Chest X-ray)
ရင်ဘတ်ဓာတ်မှန် ရင်ခေါင်းအတွင်းရှိ အဆုတ်နဲ့ နှလုံး ပုံမှန်ဟုတ်မဟုတ် ရောဂါရှိမရှိ စစ်ဆေးတာ

@ USG (Ultrasound) - အယ်ထရာဆောင်း (တယ်လီဗီးရှင်း ဓာတ်မှန်ရိုက်တာ) အသည်း
သည်းခြေအိတ် ကျောက်ကပ် မုန့်ချိုအိတ် သရက်ရွက် ဆီးကျောက်တည်ခြင်း သည်းခြေကျောက်တည်ခြင်း စသည့်၀မ်းတွင်း အင်္ဂါများရောဂါများရှာဖွေရန်နဲ့ ကိုယ်၀န်ဆောင် များ စစ်ဆေးခြင်း

@ Thyroid Function Test - လည်ပင်းကြီးဟော်မုန်းစစ်တာ
> T3,T4,TSH - သိုင်းရွိုက် ဟော်မုန်းစစ်တာ

@> HIV - HIV ပိုးစစ္တာ
@> VDRL - ကာလသားရောဂါ ပိုး စစ်တာ
@> Vitamin D (total ) - အရိုးပွရောဂါအတွက်စစ်တာ
@>Uric acid (Gout ) - အဆစ်အမြစ်ရောဂါ . ဂေါက်ရောဂါ အတွက်စစ်ဆေးတာ
@> RA -သွေးကြောင့်ဖြစ်တဲ့ လေးဖက်နာရောဂါကို စစ်တာ
@> ESR - သွေးနီဥတွေ တစ်နာရီအတွင်း အနယ်ထိုင်တဲ့နှုန်းကို စစ်တာ(သွေးအားနည်း နှလုံးရောင် ကျောက်ကပ်မကောင်း
အရိုးအတွင်းရောင် ကိုယ်၀န်ဆောင် လေးဘက်နာ (ရူမက်တစ် )
အဆစ်နာရောဂါ ဆစ်ဖလက် လည်ပင်ကြီး တီဘီ အဆစ်နာရောဂါ
စတဲ့သူတွေကို စစ်တာ
@>PSA/CA 125/CA 153 -ကင်ဆာဖြစ်နိုင်ခြေရှိမရှိ
စစ်ဆေးတာ
@> PSA - ဆီးကျိတ်ကင်ဆာ စစ်တာ
@> CEA - အစာအိမ်နဲ့ အူလမ်းကြောင်း ကင်ဆာစစ်တာ
@> AFP - အသည်းကင်ဆာ စစ်တာ
@> faecal Occoult Blood - ၀မ်းတွင်းသွေးပါမပါ စစ်တာ
@> Digital Mammogram - ရင်သားဓာတ်မှန် ရိုက်တာ
@> CRP ( C Reactive Protein) - သွေးကြောရောင်
ကိုင်းတာကို စစ်တာ

(ဗဟုသုတအဖြစ်သာ မျှဝေပါသည်)

Crd

18/10/2025

Uric Acid Blood Test (သွေးတွင်း ယူရစ်အက်စစ် စစ်ဆေးခြင်း)

Uric acid blood test (သွေးတွင်း ယူရစ်ခ်အက်စစ် စစ်ဆေးခြင်း) ဆိုတာဘာလဲ။

Uric acid blood test ကို သွေး sample အတွင်း uric acid ဘယ်လောက်ပါသလဲဆိုတာ စစ်ဆေးဖို့ အသုံးပြုပါတယ်။ သင်စားတဲ့အစားအသောက်တွေနဲ့ သဘာဝအတိုင်းခြေဖျက်တဲ့ နည်းတွေဟာ uric acid ကို ဖြစ်ပေါ်စေပါတယ်။

ကျောက်ကပ်တွေဟာ uric acid ကို စစ်ထုတ်တဲ့ အင်္ဂါတွေ ဖြစ်ပါတယ်။ သူ့ကို ဆီးနဲ့ တခါတရံ ဝမ်းအတွင်းမှ ကိုယ်ခန္ဓါအပြင်ဘက်ကို စွန့်ထုတ်ပါတယ်။ ကျောက်ကပ်တွေ ပုံမှန်အတိုင်းအလုပ်မလုပ်တော့ရင် (သို့) uric acid ပမာဏ ထုတ်လုပ်မှုများလွန်းရင် Uric acid များနိုင်ပါတယ်။

တကယ်လို့ လူတစ်ယောက်ဟာ ကိုယ်ခန္ဓါအတွင်း uric acid ပမာဏများခဲ့ရင် အဆစ်တွေကြားမှာ အခဲတွေဖြစ်ပေါ်ခြင်းကို ခံစားရနိုင်ပါတယ်။ ဒီလိုနာကျင်စေတဲ့အခြေအနေကို ဂေါက်ရောဂါလို့ ခေါ်ပါတယ်။ တကယ်လို့ ဂေါက်ရောဂါကို ကုသမှုမရှိဘူးဆိုရင် အခဲတွေဟာ အဆစ်တွေနဲ့ အနီးအနားမှာရှိတဲ့ တစ်ရှူးတွေမှာ ဖြစ်ပေါ်ပြီး trophi လို့ခေါ်တဲ့ သေးငယ်မာကျောတဲ့ ကျောက်အသေးစားတွေကို ဖြစ်စေပါတယ်။ Uric acid များခြင်းဟာ ကျောက်ကပ်ကျောက်တည်ခြင်းနဲ့ ကျောက်ကပ်ပျက်စီးခြင်းတွေကို ဖြစ်စေနိုင်ပါတယ်။

Uric acid blood test တွေကို ဘာကြောင့် လုပ်ကြတာလဲ။

တကယ်လို့ လူတစ်ယောက်မှာ uric acid ပမာဏများပြီး ဂေါက်ရောဂါလက္ခဏာတွေရှိခဲ့ရင် uric acid blood test ကို ပြုလုပ်နိုင်ပါတယ်။

ကင်ဆာဆေးသွင်းကုသမှု (သို့) ဓါတ်ရောင်ခြည်ကုသမှု ခံယူနေတဲ့ ကင်ဆာလူနာတွေမှာလည်း uric acid ပမာဏကို စိတ်ချရတဲ့ ပမာဏအတွင်း ထိန်းသိမ်းထားဖို့ ဒီစစ်ဆေးမှုကို ပြုလုပ်ကြပါတယ်။

လူတစ်ယောက်ဟာ လောလောဆယ် ကျောက်ကပ်ကျောက်တည်ခြင်း ရှိနေရင် (သို့) ဂေါက်ရောဂါရှိနေရင်၊ ဒီကျောက်ဖြစ်ပေါ်မှုကို စောင့်ကြည့်ရန်လိုအပ်ရင် uric acid blood test ကို ပြုလုပ်နိုင်ပါတယ်။

အချို့အခြေအနေတွေမှာ လူတစ်ယောက်ဟာ မကြာခဏ ပြန်ဖြစ်တဲ့ ကျောက်ကပ်ကျောက်တည်ခြင်း (သို့) ဂေါက်ရောဂါ ဖြစ်ခြင်းတွေ ရှိနေမယ်ဆိုရင်လည်း ကျောက်တည်ခြင်းကို စောင့်ကြည့်တဲ့ စစ်ဆေးမှုအဖြစ် ပြုလုပ်နိုင်ပါတယ်။

Uric acid blood test ကိုမလုပ်ခင် ဘာတွေ သိထားသင့်သလဲ။
Uric acid blood test ဟာ လူတစ်ယောက်မှာ ဂေါက်ရောဂါ ရှိမရှိ စစ်ဆေးတဲ့ နည်းလမ်းတစ်ခု ဖြစ်ပါတယ်။ သူတို့မှာ uric acid ပမာဏ များပြီး နာကျင်တဲ့ အဆစ်တွေရှိနေရင်တောင်မှ ဒါဟာ ဂေါက်ရောဂါနဲ့ ဆက်စပ်မှုမရှိတာမျိုး ဖြစ်နိုင်ပါတယ်။

Uric acid ကို ဆီးအတွင်းမှာလည်း တိုင်းတာနိုင်ပါတယ်။ ဆရာဝန်တွေက ဆီးကို ၂၄ နာရီ ခံခိုင်းထားပြီး Uric acid ပမာဏများခြင်းရဲ့ အကြောင်းရင်းတွေကို ရှာဖွေကာ uric acid ကို ကိုယ်ခန္ဓါမှ ထုတ်လုပ်မှုများခြင်းကြောင့်လား၊ ကျောက်ကပ်လုပ်ငန်းဆောင်တာ မကောင်းလို့လားဆိုတာကို သိရှိအောင် ပြုလုပ်မှာ ဖြစ်ပါတယ်။

Uric acid သွေးအတွင်းပမာဏကတော့ တစ်နေ့နဲ့ တစ်နေ့ ပြောင်းလဲနိုင်ပါတယ်။ မနက်ပိုင်းမှာ များပြီး နေ့လည်ပိုင်းမှာ နည်းနိုင်ပါတယ်။

ကိုယ်ဝန်ဆောင်စဉ်မှာ တက်လာတဲ့ သွေးအတွင်း uric acid ပမာဏဟာ တကယ်လို့ ပုံမှန်အချိန်မှာ ပုံမှန်ပမာဏအတွင်းပဲ ရှိရင်တောင် ကိုယ်ဝန်ဆိပ်တက်ခြင်းကို ဖေါ်ပြနိုင်ပါတယ်။

Uric acid blood test တွေကို ဘယ်လိုပြင်ဆင်သင့်သလဲ။
ဒီစစ်ဆေးမှုရဲ့ ရလဒ်တွေကို အရက်၊ အခြားဆေးများ၊ ဗီတာမင်စီများခြင်း၊ X-rays ရိုက်စဉ် အသုံးပြုသော dyes တွေက မှားစေနိုင်ပါတယ်။ ဒါကြောင့် ဒီလိုမှားစေနိုင်တဲ့ အရာအကုန်လုံးကို ဆရာဝန်ကို ပြောပြသင့်ပါတယ်။

စစ်ဆေးမှုမပြုလုပ်မီ စားခြင်း၊ သောက်ခြင်းတွေကို ရပ်တန့်ဖို့ ညွှန်ကြားနိုင်ပါတယ်။

Uric acid blood test နဲ့ စစ်ဆေးနေချိန်မှာ ဘယ်လို ဖြစ်မှာလဲ။
လက်မောင်းမှာ သွေးစီးဆင်းမှုကို ရပ်တန့်ဖို့ သားရေကြိုးတစ်ခုကို စည်းပေးမှာဖြစ်ပါတယ်။ ဒါဟာ သားရေကြိုးအောက်က သွေးပြန်ကြောတွေကို ကြီးမားလာစေပြီး အပ်ထိုးဖို့ လွယ်ကူစေမှာဖြစ်ပါတယ်။
ဆေးထိုးမယ့်နေရာကို အရက်ပြန်နဲ့ သန့်ရှင်းရေးလုပ်မှာ ဖြစ်ပါတယ်။
သွေးပြန်ကြောအတွင်းကို အပ်ထိုးလိုက်မှာဖြစ်ပါတယ်။ တစ်ကြိမ်ထက် မက လိုအပ်နိုင်ပါတယ်။
သွေးထည့်တဲ့ ဖန်ချောင်းထဲကို သွေးဖြည့်လိုက်မှာဖြစ်ပါတယ်။
သွေးအလုံအလောက်ရပြီဆိုရင်တော့ သားရေကြိုးကို ဖြည်လိုက်မှာဖြစ်ပါတယ်။
အပ်ဖယ်လိုက်ပြီး gauze pad (သို့) ဂွမ်းလုံးကို အပ်ထိုးတဲ့နေရာပေါ်တင်လိုက်မှာဖြစ်ပါတယ်။
သွေးယူတဲ့နေရာမှာ ဖိထားသင့်ပြီး ပလပ်စတာ ကပ်ပေးနိုင်ပါတယ်။

Uric acid blood test လုပ်ပြီးသွားချိန် ဘာဖြစ်မှာလဲ။
သားရေကြိုးကို လက်မောင်းမှာပတ်ထားတာမို့ တင်းကျပ်မှုကို ခံစားရနိုင်ပါတယ်။

အပ်ထိုးထားတဲ့နေရာက ဘာမှ မခံစားရခြင်း (သို့) အနည်းငယ်စူးရှနာကျင်ခြင်းတွေ ဖြစ်နိုင်ပါတယ်။

အဖြေတွေက ဘာကို ဆိုလိုတာလဲ။

ပုံမှန်ပမာဏ
*********
အောက်မှာ ဖေါ်ပြထားတဲ့ ပုံမှန်ပမာဏတွေကို အပိုင်းတစ်ခြားတစ်ခုနဲ့ ဖေါ်ပြထားပြီး အညွှန်းအဖြစ် အသုံးပြုနိုင်ပါတယ်။ ဒီအပိုင်းအခြားတွေဟာ ဓါတ်ခွဲခန်းပေါ်မူတည်ပြီး ကွဲပြားမှု ရှိနိုင်ပါတယ်။ သင့်ဓါတ်ခွဲခန်းအဖြေမှာ အသုံးပြုတဲ့ ပုံမှန် အပိုင်းအခြား ပါသင့်ပါတယ်။ ဒီလိုပဲ သင့်ဆရာဝန်က အဖြေကို ကျန်းမာရေးအခြေအနေနဲ့ အခြားအချက်အလက်တွေပေါ်မူတည်ပြီး သုံးသပ်မှာ ဖြစ်ပါတယ်။ တကယ်လို့ သင့်အဖြေဟာ ပုံမှန်အပိုင်းအခြားကို ကျော်လွန်နေပေမယ့် ဒါဟာ သင့်အတွက် (သို့) သင့်ဓါတ်ခွဲခန်းအတွက် ပုံမှန်ဖြစ်နိုင်သေးတယ်လို့ ဆိုလိုပါတယ်။

အဖြေကို တစ်ရက်ကနေ နှစ်ရက်အတွင်း ရနိုင်ပါတယ်။

အချို့အခြေအနေတွေမှာ အထူးသဖြင့် အမျိုးသားတွေမှာ uric acid ပမာဏဟာ ပုံမှန်အပိုင်းအခြားအတွင်းမှာ ရှိနေပေမယ့် အဆစ်တွေအတွင်းမှာ uric acid crystalsတွေ ဖြစ်ပေါ်နိုင်ပြီး ဂေါက်ရောဂါထခြင်း ဖြစ်နိုင်ပါတယ်။

အခြေအနေ အတော်များများဟာ uric acid ပမာဏကို ပြောင်းလဲစေနိုင်ပါတယ်။ သင့်ဆရာဝန်က သင့်လက္ခဏာတွေ၊ ပြီးခဲ့တဲ့ ကျန်းမာရေးအခြေအနေတွေနဲ့ ဆက်စပ်တဲ့ ပုံမှန်မဟုတ်တဲ့ အဖြေတွေအကြောင်းကို ဆွေးနွေးမှာ ဖြစ်ပါတယ်။

ပမာဏများခြင်း
************
Uric acid ပမာဏများခြင်းဟာ အောက်ပါအခြေအနေတွေမှာ ဖြစ်နိုင်ပါတယ်။

ကိုယ်ခန္ဓါမှ uric acid ထုတ်လုပ်မှုများခြင်း၊ စွန့်ပစ်မှု နည်းခြင်းနှင့်ပတ်သက်သော လူတစ်ဦးနှင့်တစ်ဦးကြား ကွာခြားချက်များ
ကျောက်ကပ်ရောဂါ၊ ကျောက်ကပ်ပျက်စီးခြင်း
အချို့ကင်ဆာ (သွေးကင်ဆာ၊ lymphoma၊ multiple myeloma) အစရှိတဲ့ ကင်ဆာအမျိုးအစားများ၊ ကင်ဆာရောဂါကုသမှုများ၊ haemolytic anemia၊ sickle cell anaemia၊ နှလုံးပျက်စီးခြင်းတို့ကြောင့် ကိုယ်ခန္ဓါ ဆဲလ်ပျက်စီးမှု များခြင်းများ
အခြားရောဂါတွေဖြစ်တဲ့ အရက်စွဲခြင်း၊ တက်ခြင်း၊ အသည်းခြောက်ခြင်း၊ အဝလွန်ခြင်း၊ psoriasis၊ hypothyroidism၊ parathyroid hormone ပမာဏ နည်းခြင်း
အစာမစားရခြင်း၊ အာဟာရချို့တဲ့ခြင်း၊ ခဲဆိပ်သင့်ခြင်း
Lesch-Nyhan syndrome (မွေးရာပါရောဂါ)
ဆီးဆေးများ၊ ဗီတာမင်စီ၊ aspirin နည်းခြင်း၊ niacin၊ warfarin၊ cyclosporine၊ levodopa၊ tracrolimus နှင့် သွေးကင်ဆာ၊ lymphoma၊ တီဘီရောဂါ ကုသဆေးများ
Purine များစွာ ပါဝင်သော အသည်း၊ ဦးနှောက်အစရှိသော organ များ၊ အနီရောင်ရှိသော အသားများ (အမဲသား၊ သိုးသား)၊ ဒရယ်သား၊ ငါးသေတ္တာ၊ herring၊ scallops များ၊ ဘီယာသောက်ခြင်း

ပမာဏနည်းခြင်း
************
Uric acid ပမာဏနည်းခြင်းဟာ အောက်ပါအခြေအနေတွေကြောင့် ဖြစ်နိုင်ပါတယ်။

ပြင်းထန်သော အသည်းရောဂါ၊ Wilson’s disease (သို့) ကင်ဆာအမျိုးအစား အချို့
ကိုယ်ခန္ဓါအတွင်း အရည်များစွာ စုပြုံစေသော အခြေအနေတစ်ခုဖြစ်တဲ့ SIADH syndrome
ပရိုတင်းလုံလောက်စွာ မစားခြင်း
Sulfinpyrazone၊ aspirin များစွာ သောက်ခြင်း၊ probenecid၊ allopurinol
ဓါတ်ခွဲခန်းနဲ့ ဆေးရုံတွေပေါ်မူတည်ပြီး Uric acid blood test ရဲ့ အဖြေတွေဟာ ကွဲပြားနိုင်ပါတယ်။ စစ်ဆေးမှုနဲ့ပတ်သက်ပြီး ပိုမိုသိလိုတယ်ဆိုရင် ဆရာဝန်ကို တိုင်ပင်ဆွေးနွေးသင့်ပါတယ်။

12/10/2025

ရောင်နီ ရောဂါရှာဖွေရေးဓါတ်ခွဲခန်း(မြောက်ဥက္ကလာပမြို့နယ်)တွင်

တာဝန်ထမ်းဆောင်ရန်

Runner အမျိုးသား နှစ်ဦး

သွေးဖောက်ကျွမ်းကျင်

အမျိုးသား တစ်ဦး နှင့်

အမျိုးသမီး တစ်ဦး

လစ်လပ်နေပါသဖြင့်

09428122824 သို့

Viber or phone ဖြင့်

ဆက်သွယ် လျှောက်ထားနိုင်ပါသည်

လစာနှင့် ခံစားခွင့်များ အဆင်ပြေအောင် ညိှနှိုင်း

ဆောင်ရွက်ပေးပါမည်

03/10/2025

အရိုးအဆစ်ရောင်ရောဂါကို osteoarthritis ( OA ) လို့ခေါ်တယ်၊ လူတစ်ချို့က OA ကို ကျီးပေါင်းလို့ခေါ်ကြတယ်၊ လူတစ်ချို့ကလည်း လေးဖက်နာရောဂါတဲ့၊ ဆရာဝန်တွေအနေနဲ့ အရိုးအဆစ်ရောင်ရောဂါကို ကုသတဲ့အခါ အကိုက်အခဲပျောက်ဆေးပေးမည်၊ steroid တွေပေးမည်၊ တစ်ခါတစ်ရံ type 2 ကော်လဂျင်တွေပေးတယ်၊ အရိုးအဆစ်ရောင်ရောဂါခံစားနေရသူတွေအတွက် ဒီနည်းလမ်းတွေက အကျိုးရှိပါတယ်၊ သို့သော် ကျနော်လျှာရှည်ရမည့် အပိုင်းတွေရှိနေသေးတယ်။

(၁) ဗိုက်တာမင် D က အရိုးအဆစ်တွေကို အကျိုးပြုတယ်၊ ရောင်ရမ်းခြင်းကိုသက်သာစေတယ်၊ ဗိုက်တာမင် D ချို့တဲ့သူတွေမှာ အရိုးအဆစ်ရောင်ရောဂါဖြစ်နိုင်ချေရှိတယ်၊ ဒါကြောင့် အရိုးအဆစ်ရောင်ရောဂါခံစားနေရတဲ့အခါ ဗိုက်တာမင် D စစ်ကြည့်ပါ၊ ဗိုက်တာမင် D ချို့တဲ့နေပါက နေရောင်ခံပါ၊ ဖြည့်စွက်စာသောက်ပါ။

(၂) ကော်လဂျင်ချို့တဲ့မှုတွေက အရိုးအဆစ်တွေကို အားပျော့စေပြီး အရိုးအဆစ်ရောင်ရောဂါကို ဖြစ်စေနိုင်ပါတယ်၊ ရယ်ဒီမိတ်စားစရာတွေအစားများတဲ့ခေတ်မှာ ကော်လဂျင်ချို့တဲ့မှုဖြစ်စေနိုင်တယ်၊ ကျနော်အဒေါ်ကြီးဆို ကြက်အရေခွံမစားဘူး၊ အရိုးမစားဘူး၊ တစ်ချို့က ငါးမစားဘူး၊ ဒီလိုလူတွေမှာ ကော်လဂျင်ချို့တဲ့ပြီး အရိုးအဆစ်ရောင်ရောဂါဖြစ်နိုင်ပါတယ်။

(၃) အသက်ကြီးလာတဲ့အခါ အရာရာပြောင်းလဲသွားတာပဲ၊ အစာခြေစနစ်တွေလျော့နည်းသွားတယ်၊ စိတ်ပူပန်တာတွေတိုးပွားလာတယ်၊ လှုပ်ရှားမှုတွေနည်းသွားတယ်၊ ဒီလိုအချက်တွေက အရိုးအဆစ်ကျန်းမားရေးကိုလျော့ကျစေတယ်၊ အရိုးအဆစ်ရောင်ရောဂါဖြစ်နိုင်ချေတိုးလာတယ်၊ အသက်ကြီးလာတဲ့အခါ လေ့ကျင့်ခန်းပုံမှန်လုပ်ပေးပါ၊ အစာခြေစနစ်ကောင်းမွန်လာမည်၊ စိတ်ဖိစီးမှုလျော့ကျမည်၊ အဆစ်ရောင်ရောဂါ သက်သာမည်။

(၄) သွေးဆုံးချိန်ရောက်တဲ့အခါ အရိုးအဆစ်တွေက ရေမလောင်းတဲ့သစ်ပင်တွေလို ခြောက်သွေ့လာတယ်၊ အရွက်ခြောက်တွေပွတ်တိုက်တဲ့အခါ ရောင်ရမ်းနာကျင်လာတယ်၊ အရိုးအဆစ်ရောင်ရောဂါဖြစ်လာတယ်၊ အရွယ်မတိုင်ခင်သွေးဆုံးတဲ့အခါ ဟိုမုန်းကုထုံးယူတာတွေ၊ အရိုးအားဖြည့်စာသောက်တာတွေလုပ်ရမည်။

(၅) ယူရစ်အက်ဆစ်ပြဿနာကြောင့် ကိုယ်လက်နာကျင်တာကို ဂေါက်လေးဖက်နာလို့ခေါ်တယ်၊ ( ပဲပင်ပေါက်၊ မျှစ် တို့လို ) အညွှန့်အညှောက်တွေ၊ ဝမ်းတွင်းကလီစာတွေရှောင်ပါ၊ အရက်ဘီယာတွေ လျော့သောက်ပြီး ရေလုံလောက်အောင်သောက်ပေးပါက ကိုက်ခဲနာကျင်မှုလျော့ပါးသက်သာစေတယ်၊ လိုအပ်လျှင် ဂေါက်ရောဂါအတွက် ဆေးသောက်ရပါမည်။

(၆) အဆစ်တွေရောင်ပြီး A*O မြင့်နေတဲ့အခါ penV ပေးပြီးကုသတာ မြင်ဖူးကြမည်ထင်ပါတယ်၊ အခုနောက်ပိုင်းတော့ A*O မြင့်တိုင်း ပိုးသတ်ဆေးမသောက်ရတော့ဘူး၊ ပိုးသတ်ဆေးသောက်သင့်၊ မသောက်သင့်ကို လေးဖက်နာအထူးကုက ဆုံးဖြတ်ပါတယ်။ A*O ကြောင့်ဖြစ်တဲ့ အရိုးအဆစ်ရောင်ရောဂါကို ပိုးလေးဖက်နာလို့ခေါ်တယ်။

(၇) အရေပြားလေးဖက်နာ၊ သွေးလေးဖက်နာ၊ မျက်ရည်ခမ်း လေးဖက်နာတွေက အော်တိုအင်မြူး အရိုးအဆစ်ရောင်ရောဂါတွေဖြစ်ပါတယ်၊ ဒီရောဂါတွေကို ကုသဖို့ လေးဖက်နာဆရာဝန်နဲ့သေချာပြသဖို့လိုပါမည်။

Educator တစ်ယောက်အနေနဲ့ ဘာကြောင့် အရိုးအဆစ်ရောင်ရောဂါဖြစ်လဲ ကျနော်သတိထားကြည့်တယ်၊ မှတ်သားတယ်၊ လေ့လာထားတဲ့စာတမ်းတွေဖတ်တယ်၊ လူတွေဆီကလည်း လေ့လာတယ်၊ လေ့လာမိသလောက် အခုကျနော်ရေးပေးမည်၊ လက်လှမ်းမီသလောက်လုပ်ကြည့်ပါ၊ ရောဂါပျောက်ဖို့ လိုရင်းဖြစ်ပါတယ်။

02/10/2025

မြန်မာနိုင်ငံသူ နိုင်ငံသားများ အားလံုး

စိတ်ချမ်းသာ ကိုယ်ကျန်းမာ

ပျော်ရွှင်ချမ်းမြေ့ဖွယ် သီတင်းကျွတ်ကာလကိုပိုင်ဆိုင်နိုင်ကြပါ

စေကြောင်း ရောင်နီအဖွဲ့သားများက ဆုမွန်ကောင်းတောင်း

အပ်ပါသည်

02/10/2025

Hello 👋
5/10/2015 to 17/ 10 /2025ထိ 🪔🪔🪔
5% Discount Promotion ရှိမယ်နော်၊📢📢📢

01/10/2025

အစာအိမ်ရောဂါပိုး (Helicobacter pylori) ကို
#သွေးစစ်ခြင်း (blood test)

#အကောင်းဘက် (Advantages):**

1. ** #လွယ်ကူပြီးရိုးရှင်းခြင်း**
- သွေးစစ်ခြင်းဟာ ရိုးရှင်းတဲ့ စစ်ဆေးမှုတစ်ခုဖြစ်ပြီး ဆေးရုံတွေမှာ လွယ်ကူစွာ လုပ်ဆောင်နိုင်ပါတယ်။ သွေးနမူနာယူရုံပဲ လိုအပ်တာမို့ လူနာအတွက် သက်တောင့်သက်သာရှိတယ်။
2. ** #ထိုးဖောက်မှုမလိုအပ်ခြင်း**
- မှန်ပြောင်း (endoscopy) လိုမျိုး ထိုးဖောက်စစ်ဆေးမှုတွေနဲ့မတူဘဲ သွေးစစ်ခြင်းဟာ ထိုးဖောက်မှုမလိုအပ်တဲ့ နည်းလမ်းဖြစ်တယ်။ ဒါကြောင့် လူနာအတွက် ပိုပြီး သက်တောင့်သက်သာရှိပြီး နာကျင်မှုနည်းတယ်။
3. ** #ရောဂါပိုးရှိမရှိသိရှိနိုင်ခြင်း**
- သွေးစစ်ခြင်းက H. pylori ပိုးကူးစက်မှုကြောင့် ခန္ဓာကိုယ်ထဲမှာ ထွက်ပေါ်လာတဲ့ ပဋိပစ္စည်း (antibodies) တွေကို ရှာဖွေပေးနိုင်တယ်။ ဒါက ရောဂါပိုးရှိမရှိ သိရှိဖို့ အထောက်အကူဖြစ်တယ်။
4. ** #ကုန်ကျစရိတ်သက်သာခြင်း**
- မှန်ပြောင်း စစ်ဆေးမှုလို ရှုပ်ထွေးတဲ့ နည်းလမ်းတွေနဲ့ နှိုင်းယှဉ်ရင် သွေးစစ်ခြင်းဟာ ကုန်ကျစရိတ်သက်သာပြီး လူတိုင်းလုပ်ဆောင်နိုင်တယ်။

#အဆိုးဘက် (Disadvantages):**

1. ** #လက်ရှိပိုးကူးစက်မှုကိုမသိနိုင်ခြင်း**
- သွေးစစ်ခြင်းဟာ H. pylori ပိုးကြောင့် ထွက်ပေါ်လာတဲ့ ပဋိပစ္စည်းတွေကို ရှာဖွေတာဖြစ်ပြီး ဒီပဋိပစ္စည်းတွေဟာ ပိုးကူးစက်မှု ဖြစ်ပြီးနောက် နှစ်ပေါင်းများစွာ ခန္ဓာကိုယ်ထဲမှာ ကျန်ရှိနေနိုင်တယ်။ ဒါကြောင့် လက်ရှိပိုးကူးစက်မှု (active infection) ရှိမရှိကို တိကျစွာ မခွဲခြားနိုင်ဘူး။ ဥပမာ၊ ယခင်က ကူးစက်ခံရပြီး ပိုးပျောက်သွားသူတွေမှာလည်း သွေးစစ်ရင် ရလဒ်အပေါင်းထွက်နိုင်တယ်။
2. ** #တိကျမှုနည်းခြင်း**
- အခြားစစ်ဆေးမှုနည်းလမ်းတွေဖြစ်တဲ့ အသက်ရှူစစ်ဆေးမှု (urea breath test) ဒါမှမဟုတ် မစင်စစ်ဆေးမှု (stool antigen test) တွေနဲ့ နှိုင်းယှဉ်ရင် သွေးစစ်ခြင်းဟာ တိကျမှုနည်းတယ်။ တစ်ခါတစ်ရံ မတိကျတဲ့ ရလဒ်တွေ (false positive/false negative) ထွက်ပေါ်နိုင်တယ်။
3. ** #ကုသမှုရလဒ်ကို အကဲဖြတ်ရန်မသင့်တော်ခြင်း**
- H. pylori ပိုးကို ဆေးနဲ့ကုသပြီးနောက် ပိုးပျောက်သွားပြီလားဆိုတာကို သွေးစစ်ခြင်းနဲ့ မစစ်ဆေးနိုင်ဘူး။ ဘာကြောင့်လဲဆိုတော့ ပဋိပစ္စည်းတွေဟာ ပိုးပျောက်သွားပြီးနောက်မှာလည်း ခန္ဓာကိုယ်ထဲမှာ ကျန်ရှိနေနိုင်လို့ပါ။ ဒါကြောင့် ကုသမှုရလဒ်ကို အကဲဖြတ်ဖို့ အသက်ရှူစစ်ဆေးမှု ဒါမှမဟုတ် မစင်စစ်ဆေးမှုက ပိုသင့်တော်တယ်။
4. ** #ဓာတ်မတည့်မှုနဲ့အနည်းငယ်နာကျင်မှု**
- သွေးယူတဲ့အခါ အနည်းငယ်နာကျင်မှုဖြစ်ပေါ်နိုင်ပြီး သွေးယူတဲ့နေရာမှာ ယားယံမှု ဒါမှမဟုတ် ဓာတ်မတည့်မှုဖြစ်နိုင်တယ်။ ဒါပေမယ့် ဒီအန္တရာယ်ဟာ အလွန်နည်းပါတယ်။
-
#ဘယ်အခါမှာသွေးစစ်ဆေးမှုကို ရွေးချယ်သင့်သလဲ?**

- သွေးစစ်ခြင်းဟာ H. pylori ပိုးကူးစက်မှုကို ပထမဆုံးအကြိမ် စစ်ဆေးတဲ့အခါ (အထူးသဖြင့် အဆုံးထိပ်ကြည့်မှန်ပြောင်း မလုပ်နိုင်တဲ့အခါ) သင့်တော်ပါတယ်။
- ဒါပေမယ့် ပိုးကူးစက်မှုရှိမရှိကို ပိုမိုတိကျစွာ သိရှိဖို့ဆိုရင် အသက်ရှူစစ်ဆေးမှု ဒါမှမဟုတ် မစင်စစ်ဆေးမှုကို ထပ်မံလုပ်ဆောင်ဖို့ ဆရာဝန်တွေက အကြံပြုတတ်ပါတယ်။

#နိဂုံး**

သွေးစစ်ခြင်းဟာ H. pylori ပိုးကူးစက်မှုကို ရှာဖွေဖို့ လွယ်ကူ၊ သက်သာပြီး ထိုးဖောက်မှုမလိုအပ်တဲ့ နည်းလမ်းတစ်ခုဖြစ်ပေမယ့် လက်ရှိပိုးကူးစက်မှုကို တိကျစွာ မသိနိုင်တာနဲ့ ကုသမှုရလဒ်ကို အကဲဖြတ်ဖို့ မသင့်တော်တာတွေကြောင့် ကန့်သတ်ချက်တွေရှိပါတယ်။ ဒါကြောင့် သင့်ဆရာဝန်နဲ့ တိုင်ပင်ပြီး သင့်လျော်တဲ့ စစ်ဆေးမှုနည်းလမ်းကို ရွေးချယ်ဖို့ အကြံပြုပါတယ်။
Prof Thein Myint(GI)

30/09/2025

# # # H. pylori #ကူးစက်မှုလမ်းကြောင်းများ

Helicobacter pylori (H. pylori) သည် အောက်ဖော်ပြပါ လမ်းကြောင်းများမှတစ်ဆင့် အဓိကကူးစက်သည်။ ဤအချက်များသည် နောက်ဆုံးပေါ်သုတေသနများနှင့် ကိုက်ညီပါသည်။

1. ** #ပါးစပ်မှပါးစပ်သို့ကူးစက်မှု (Oral-Oral Transmission)**
- H. pylori သည် ကူးစက်ခံထားရသူ၏ တံထွေးမှတစ်ဆင့် ကူးစက်နိုင်သည်။ ဥပမာ- တူညီသော ဇွန်း၊ ခွက်၊ သို့မဟုတ် အစားအသောက်များကို မျှဝေစားသုံးခြင်းဖြင့် ဖြစ်ပေါ်နိုင်သည်။ သုတေသနများအရ၊ မိသားစုဝင်များအကြား နီးကပ်စွာ ထိတွေ့မှုသည် ဤကူးစက်မှု၏ အဓိကအကြောင်းအချက်ဖြစ်သည်။ အထူးသဖြင့် ကလေးများထံသို့ မိဘများမှ ကူးစက်မှုများ ဖြစ်ပေါ်တတ်သည်။

2. ** #မစင်မှပါးစပ်သို့ကူးစက်မှု (Fecal-Oral Transmission)**
- H. pylori သည် ကူးစက်ခံထားရသူ၏ မစင်မှတစ်ဆင့် ပတ်ဝန်းကျင်သို့ ပျံ့နှံ့နိုင်ပြီး၊ ညစ်ညမ်းသောရေ သို့မဟုတ် အစားအစာများမှတစ်ဆင့် အခြားသူများထံ ကူးစက်နိုင်သည်။ ၎င်းသည် သန့်ရှင်းရေးစံနှုန်းနိမ့်ကျသော ဒေသများတွင် ပိုမိုဖြစ်ပေါ်တတ်သည်။ ဥပမာ- ညစ်ညမ်းသောရေကို သောက်သုံးခြင်း သို့မဟုတ် မသန့်ရှင်းသော လက်များဖြင့် အစားအစာ
ကိုင်တွယ်ခြင်းဖြင့် ကူးစက်နိုင်သည်။

3. ** #ညစ်ညမ်းသောရေနှင့်အစားအစာ (Contaminated Water or Food)**
- ညစ်ညမ်းသောရေနှင့် မသန့်ရှင်းသော အစားအစာများသည် H. pylori ကူးစက်မှု၏ အဓိကလမ်းကြောင်းဖြစ်သည်။ အထူးသဖြင့် ဖွံ့ဖြိုးဆဲနိုင်ငံများတွင် သန့်ရှင်းသောရေရရှိမှု အကန့်အသတ်ရှိသည့်နေရာများတွင် ၎င်းသည် ပို၍ဖြစ်ပေါ်တတ်သည်။ သုတေသနများအရ၊ H. pylori သည် ရေထဲတွင် နာရီအနည်းငယ်မှ ရက်အနည်းငယ်အထိ ရှင်သန်နိုင်သော်လည်း သန့်ရှင်းမှုမလုံလောက်ပါက ကူးစက်နိုင်ခြေပိုများသည်။

4. ** #ဆေးဘက်ဆိုင်ရာကိရိယာများမှကူးစက်မှု**
- သန့်ရှင်းမှုမပြည့်မီသော အင်ဒိုစကုပ်ကဲ့သို့သော ဆေးဘက်ဆိုင်ရာကိရိယာများမှတစ်ဆင့် H. pylori ကူးစက်နိုင်သည်။ သို့သော်၊ ခေတ်မီဆေးရုံများတွင် သန့်ရှင်းရေးစံနှုန်းများကြောင့် ၎င်းသည် အလွန်ရှားပါးသည်။

5. ** #မိသားစုအတွင်းကူးစက်မှု**
- မိသားစုဝင်များအကြား နီးကပ်စွာထိတွေ့မှုသည် H. pylori ကူးစက်မှု၏ အဓိကအကြောင်းအချက်ဖြစ်သည်။ အထူးသဖြင့် ကလေးငယ်များသည် မိဘများ သို့မဟုတ် အိမ်ထောင်စုဝင်များထံမှ ကူးစက်ခံရနိုင်ခြေများသည်။ ဥပမာ- ကလေးများကို အစာကျွေးရာတွင် မိဘများက အစာကို ကြိုတင်ဝါးပြီး ကျွေးသည့်အလေ့အထများသည် ကူးစက်မှုအန္တရာယ်ကို တိုးမြှင့်ပေးနိုင်သည်။

6. ** #ပတ်ဝန်းကျင်ဆိုင်ရာအကြောင်းအမျိုးမျိုး**
- လူထူထပ်သောနေရာများ၊ သန့်ရှင်းရေးမလုံလောက်မှု၊ နှင့် ဆင်းရဲသောလူမှုစီးပွားရေးအခြေအနေများသည် H. pylori ကူးစက်မှုကို တိုးမြှင့်ပေးသည်။ သုတေသနများအရ၊ ဖွံ့ဖြိုးဆဲနိုင်ငံများတွင် H. pylori ၏ ကူးစက်မှုနှုန်းသည် 50% ကျော်ရှိပြီး၊ ဖွံ့ဖြိုးပြီးနိုင်ငံများတွင် 30-40% ခန့်ရှိသည်။[](https://www.guidelinecentral.com/insights/june-2025-hpylori-guideline-sidebyside/)

#နောက်ဆုံးပေါ်သုတေသနများ

- **သန့်ရှင်းရေးနှင့် ကူးစက်မှုထိန်းချုပ်ရေး**
သုတေသနများအရ၊ သန့်ရှင်းသောရေရရှိမှုနှင့် သန့်ရှင်းရေးအလေ့အကျင့်များ တိုးတက်လာခြင်းသည် H. pylori ကူးစက်မှုနှုန်းကို လျှော့ချပေးသည်။ ဥပမာ- ဖွံ့ဖြိုးပြီးနိုင်ငံများတွင် သန့်ရှင်းရေးစံနှုန်းများ မြင့်မားခြင်းကြောင့် H. pylori ၏ ကူးစက်မှုနှုန်းသည် လျော့နည်းလာသည်။[](https://www.sciencedaily.com/releases/2024/09/240904184524.htm)
- **မိသားစုအတွင်း ကူးစက်မှုအပေါ် အာရုံစိုက်မှု**
2024 ခုနှစ်တွင် ထုတ်ပြန်ထားသော American College of Gastroenterology (ACG) လမ်းညွှန်ချက်များအရ၊ H. pylori ကူးစက်ခံထားရသူ၏ အိမ်ထောင်စုဝင်များကို စစ်ဆေးပြီး ကုသရန် အကြံပြုထားသည်။ ၎င်းသည် မိသားစုအတွင်း ကူးစက်မှုကို လျှော့ချရန် အရေးကြီးသော ခြေလှမ်းတစ်ခုဖြစ်သည်။[](https://gi.org/journals-publications/ebgi/schoenfeld_sep2024/)
- **ဇီဝဗေဒဆိုင်ရာ အကြောင်းအချက်များ**
H. pylori ၏ မျိုးဗီဇဖွဲ့စည်းမှုနှင့် ကူးစက်မှုလမ်းကြောင်းများကို ပိုမိုနားလည်ရန် Helicobacter pylori Genome Project မှ ကမ္ဘာတဝှမ်းမှ မျိုးကွဲ ၁၀၀၀ ကျော်၏ မျိုးဗီဇအစီအစဉ်ကို လေ့လာခဲ့သည်။ ၎င်းသည် ကူးစက်မှုလမ်းကြောင်းများကို ပိုမိုတိကျစွာ ခွဲခြားသိရှိနိုင်ရန် ကူညီပေးသည်။[](https://dceg.cancer.gov/news-events/news/2024/h-pylori-genome-project)

#ရည်ညွှန်းချက်များ

- “Helicobacter pylori: Physiology and Genetics” (2001)၊ PubMed ရှိ သုတေသနဆောင်းပါးများ။
- American College of Gastroenterology (ACG) လမ်းညွှန်ချက်များ (2024)[](https://gi.org/journals-publications/ebgi/schoenfeld_sep2024/)[](https://www.sciencedaily.com/releases/2024/09/240904184524.htm)
- Helicobacter pylori Genome Project, NCI[](https://dceg.cancer.gov/news-events/news/2024/h-pylori-genome-project)
- World Gastroenterology Organisation (WGO) လမ်းညွှန်ချက်များ (2021)[](https://www.guidelinecentral.com/insights/june-2025-hpylori-guideline-sidebyside/)

Answered by GrokAI and edited by Prof Thein Myint(GI)

25/09/2025

သွေးဖောက်ကျွမ်းကျင်

အမျိုးသား ဝန်ထမ်း တစ်ဦး နှင့်

အမျိုးသမီး ဝန်ထမ်း တစ်ဦး

လစ်လပ် နေပါသဖြင့်

09428122824 သို့

Viber or phone ဖြင့် လျှောက်ထားနိုင်ပါသည်

လစာ ညိှုနှိုင်းပါ

Yaung Ni Laboratory - ရောင်နီ ရောဂါရှာဖွေရေးဓါတ်ခွဲခန်း

08/11/2025

08/11/2025

18/10/2025

12/10/2025

03/10/2025

02/10/2025

02/10/2025

01/10/2025

30/09/2025

25/09/2025

Address

Telephone

Website

Alerts

Shortcuts

Share

Category