Seit Mate Swe - mental health

30/03/2026

စိတ်သန့်ရှင်းရေး Workshop (ရင်ဖွင့်ရင်းနဲ့) - စနေနေ့ည Online Workshop

ဒီ Workshop လေးက ဘယ်သူတွေအတွက် သင့်တော်လဲ …

🔹 နေ့စဉ်ဘဝမှာရုန်းကန်လှုပ်ရှားရင်း စိတ်ဖိစီးမှုနဲ့ စိတ်ပင်ပန်းမှုတွေကို ခံစားနေရသူတွေ
🔹 ပြင်းထန်တဲ့ ခံစားချက်တွေ လျှော့ချချင်သူတွေအတွက် သင့်တော်ပါတယ်။

Workshop တက်ရောက်တဲ့အခါ …

✨ စိတ်အနားရစေမယ်။
✨ စိတ်ရဲ့ ခံနိုင်ရည်စွမ်းအားတွေ ကောင်းလာမယ်။
✨ အချင်းချင်း စိတ်ခံစားမှုတွေ ချိတ်ဆက်ရင်း လက်ခံနိုင်စွမ်းတွေ တိုးတက်လာမယ်။

ဒီလို Mental wellbeing အတွက် အထောက်အကူဖြစ်စေဖို့ လွတ်လွတ်လပ်လပ် ရင်ဖွင့်လို့ရတဲ့ စိတ်သန့်ရှင်းရေး Workshop ကို စိတ်မိတ်ဆွေကနေ အပတ်စဉ် စနေနေ့တိုင်း ပြုလုပ်ပေးနေတာဖြစ်လို့ အားလုံးပါဝင်ပြီး ဆွေးနွေးရင်ဖွင့်ကြဖို့ ဖိတ်ခေါ်လိုက်ပါတယ်ရှင်။

စိတ်သန့်ရှင်းရေး Workshop (ရင်ဖွင့်ရင်းနဲ့)
နေ့ရက် - ၂၀၂၆ ခုနှစ်၊ ဧပြီလ ၄ ရက်နေ့ (စနေနေ့)
အချိန် - ညနေ ၆ နာရီ မှ ည ၈ နာရီအထိ (မြန်မာစံတော်ချိန်)
နေရာ - Zoom Platform
Fees - အခမဲ့

*မိမိကိုယ်တိုင်နဲ့ ပါဝင်သူအားလုံး လွတ်လပ်စွာရင်ဖွင့်နိုင်ဖို့အတွက် လုံခြုံတိတ်ဆိတ်တဲ့ နေရာလေးကနေ တက်ရောက်စေချင်ပါတယ်။*

Workshopလေးမှာ ပါဝင်ချင်တယ်ဆိုရင်တော့ အောက်ပါလင့်မှာ အခုပဲ စာရင်းသွင်းနိုင်ပါပြီ။

စာရင်းသွင်းရန်
https://forms.gle/45nUDkYJh1mUmG2P6

တက်ရောက်နိုင်သူများကို စိတ်မိတ်ဆွေကနေ သောကြာနေ့ နေ့လည်နောက်ဆုံးထားပြီး ဆက်သွယ်ပေးပါမယ်နော်။ Workshop အချိန်နီးကပ်မှ စာရင်းသွင်းလိုသူများ နေရာရရှိမှုသေချာစေရန် စိတ်မိတ်ဆွေကို တိုက်ရိုက်ဆက်သွယ်နိုင်ပါတယ်။

*လူဦးရေအကန့်အသတ်လည်းရှိတာဖြစ်လို့ စာရင်းအမြန်ပေးရင်း သေချာလေးတက်ရောက်ဖြစ်ဖို့လည်း တိုက်တွန်းချင်ပါတယ်ရှင်။*

#စိတ်မိတ်ဆွေ

#စိတ်သန့်ရှင်းရေး

26/03/2026

"မျက်ရည်ကျတာဟာ အားနည်းတာမဟုတ်ဘူး၊ စိတ်ခံစားချက်က ခေတ္တအနားယူလိုက်တာပါ"
လူမှုပတ်ဝန်းကျင်မှာ အငိုလွယ်တဲ့သူတွေကို ပျော့ညံ့တယ်၊ စိတ်မခိုင်ဘူးလို့ အမှတ်မှားလေ့ရှိကြပါတယ်။ ဒါပေမဲ့ စိတ်ပညာရှုထောင့်ကကြည့်ရင် အငိုလွယ်သူအများစုဟာ HSP (Highly Sensitive Person) လို့ခေါ်တဲ့ အာရုံခံစားမှု အလွန်မြင့်မားသူတွေ ဖြစ်တတ်ကြပါတယ်။ သူတို့ရဲ့ ဦးနှောက်ထဲမှာရှိတဲ့ Mirror Neurons (ခံစားချက် ပုံတူကူးချဆဲလ်) တွေဟာ သာမန်ထက် ပိုမိုအားကောင်းတာကြောင့် သူတစ်ပါးရဲ့ နာကျင်မှုကို ကိုယ့်နာကျင်မှုလို ထပ်တူကျစွာ ခံစားရတတ်ပါတယ်။ ဒါဟာ အားနည်းချက်မဟုတ်ဘဲ ထူးခြားတဲ့ "Empathy (ကိုယ်ချင်းစာတရား)" စွမ်းရည်တစ်ခုပဲ ဖြစ်ပါတယ်။

H.A.L.T Technique ဆိုတာဘာလဲ? (Biological Regulation)
တစ်ခါတလေမှာ အကြောင်းမဲ့ စိတ်ဆတ်နေတာ၊ ဝမ်းနည်းပြီး ငိုချင်နေတာမျိုး ဖြစ်လာရင် တစ်ခုခု မတုံ့ပြန်ခင် ဒါမှမဟုတ် ဆုံးဖြတ်ချက်မချခင် ဦးနှောက်က ဒီ ၄ ချက်ကို အရင်စစ်ဆေးဖို့ အချက်ပေးနေတာ ဖြစ်နိုင်ပါတယ်။

H (Hungry) - ဗိုက်ဆာနေတာလား? လူ့ဦးနှောက်ရဲ့ အဓိကလောင်စာဟာ Glucose (သကြားဓာတ်) ဖြစ်ပါတယ်။ ဗိုက်ဆာတဲ့အခါ သကြားဓာတ်လျော့နည်းသွားပြီး ဦးနှောက်ရဲ့ ဆင်ခြင်တုံတရားအပိုင်း (Prefrontal Cortex) က စိတ်ခံစားချက်တွေကို မထိန်းချုပ်နိုင်တော့ပါဘူး။ ဒါကြောင့် ဗိုက်ဆာရင် စိတ်တိုလွယ်၊ ငိုလွယ်လာတာဟာ သဘာဝပဲ ဖြစ်ပါတယ်။
A (Angry/Anxious) - ဒေါသထွက်နေတာလား၊ စိုးရိမ်နေတာလား? စိတ်ထဲမှာ မကျေနပ်မှုတွေ သို့မဟုတ် စိုးရိမ်မှုတွေ ပုံနေတဲ့အခါ ခန္ဓာကိုယ်က "တိုက်ခိုက်မယ် ဒါမှမဟုတ် ထွက်ပြေးမယ်" ဆိုတဲ့ (Fight or Flight) Mode ထဲ ရောက်နေတတ်ပြီး စိတ်လှုပ်ရှားမှုကို မြင့်တက်စေပါတယ်။
L (Lonely) - အထီးကျန်နေတာလား? လူသားတွေဟာ အဖွဲ့အစည်းနဲ့ နေထိုင်ရတဲ့ သတ္တဝါတွေ ဖြစ်တာကြောင့် တစ်ယောက်တည်း အားကိုးရာမဲ့သလို ခံစားရတဲ့အခါ စိတ်ဟာ အလိုလို နုနယ်သွားတတ်ပြီး အကာအကွယ်မဲ့နေသလို ခံစားရတတ်ပါတယ်။
T (Tired) - ပင်ပန်းနေတာလား? အိပ်ရေးပျက်တာ ဒါမှမဟုတ် အလုပ်ပင်ပန်းတာတွေက ဦးနှောက်ရဲ့ စွမ်းအင်တွေကို ကုန်ခမ်းစေပါတယ်။ ပင်ပန်းနေတဲ့ ဦးနှောက်ဟာ စိတ်ဖိစီးမှုတွေကို ခံနိုင်ရည်မရှိတော့ဘဲ ပေါက်ကွဲထွက်လွယ်လာပါတယ်။

ဒီအချက်တွေထဲက တစ်ခုခု ဖြစ်နေရင် အရင်ဆုံး အနားယူပါ၊ အစာစားပါ။ မျက်ရည်ကျခြင်းဟာ ခန္ဓာကိုယ်ထဲက Stress ဟော်မုန်းတွေကို ဖယ်ရှားပေးတဲ့ သဘာဝအလျှောက် သန့်စင်ခြင်း (Catharsis) ဖြစ်စဉ်တစ်ခုလည်း ဖြစ်လို့ ငိုချလိုက်ရတာကို အားမငယ်ပါနဲ့။ ကိုယ့်ကိုယ်ကိုယ် ပြန်လည်ထိန်းညှိပေးဖို့ (Re-center လုပ်ဖို့) ခန္ဓာကိုယ်က ကြိုးစားနေတာပဲ ဖြစ်ပါတယ်။

လူကြီးမင်းတို့ရော... ဝမ်းနည်းတတ်လို့ ကိုယ့်ကိုယ်ကိုယ် အလိုမကျဖြစ်နေလား? ဝမ်းနည်းတတ်တာကို စိတ်နုတယ်ဆိုပြီး သတ်မှတ်ခံရတာမျိုး ကြုံဖူးလား? ခံစားချက်တွေကို ဘယ်လိုပုံစံနဲ့ ထိန်းညှိလဲ မျှဝေပေးသွားပါဦးနော်။

24/03/2026

အကောင်းမြင်စိတ်က စိတ်ကျန်းမာရေးကို ဘယ်လိုအထောက်အကူပြုသလဲ?

ကိုယ့်ရဲ့အတွေးတွေက ဘဝအပေါ် တိုက်ရိုက်လွှမ်းမိုးမှုရှိတာကြောင့် အပြုသဘောဆောင်တဲ့ အတွေးအခေါ်တွေရှိဖို့က အလွန်အရေးကြီးပါတယ်။

တကယ်တော့ အပြုသဘောဆောင်တဲ့အတွေးဆိုတာ မကောင်းတဲ့အခြေအနေတွေကို လျစ်လျူရှုထားတာမျိုးမဟုတ်ဘဲ မနှစ်သက်ဖွယ်ကိစ္စတွေကို ပိုမိုကောင်းမွန်ပြီး အကျိုးရှိတဲ့နည်းလမ်းနဲ့ ချဉ်းကပ်ဖြေရှင်းတာကို ဆိုလိုတာပါ။

'အဆိုးဆုံးဖြစ်မယ်' လို့ ကြောက်မနေဘဲ 'အကောင်းဆုံးဖြစ်လာမယ်' လို့ ယုံကြည်ပြီး ကြိုးစားရင်းနဲ့ အကောင်းမြင်စိတ်တွေကို ကိုယ့်ဆီမှာ တဖြည်းဖြေး ပိုမိုခိုင်မာလာအောင် တည်ဆောက်ယူတာမျိုးပဲဖြစ်ပါတယ်။

အပြုသဘောဆောင်တဲ့အတွေးက ရရှိနိုင်တဲ့ အကျိုးကျေးဇူးတွေကတော့ …

- အသက်ရှည်ရှည်နေနိုင်ခြင်း
- စိတ်ကျရောဂါ ဖြစ်ပွားမှု လျော့နည်းခြင်း
- စိတ်ဖိစီးမှုနှင့် နာကျင်မှု လျော့နည်းခြင်း
- ရောဂါများကို ခုခံနိုင်စွမ်း တိုးလာခြင်း
- နှလုံးကျန်းမာရေး ကောင်းမွန်ခြင်း
- လေဖြတ်ရောဂါကြောင့် သေဆုံးနိုင်ခြေ လျော့နည်းခြင်း
- အခက်အခဲနှင့် စိတ်ဖိစီးမှုကာလများတွင် ကိုင်တွယ်နိုင်စွမ်း ပိုမိုကောင်းမွန်ခြင်း

အကောင်းမြင်စိတ်ရှိခြင်းက စိတ်ဖိစီးမှုရဲ့ ဆိုးကျိုးတွေကို သက်သာစေပါတယ်။ တကယ်လို့ အခုထိ အပြုသဘောမတွေးနိုင်သေးရင်လည်း စိတ်မပူပါနဲ့နော်။ အချိန်ယူလေ့ကျင့်ပေးရင် မကောင်းတဲ့အတွေးတွေကို အကောင်းမြင်စိတ်အဖြစ် ပြောင်းလဲနိုင်တဲ့ အခွင့်အလမ်းတွေ ရှိပါတယ်။ ဒါကြောင့် စိတ်အပန်းပြေစေဖို့ အထောက်အကူပြုနိုင်မယ့် အလေ့အကျင့်ကောင်းလေးအချို့ကို မျှဝေပေးလိုက်ပါတယ်နော်။

၁။ ပြောင်းလဲချင်တဲ့ အပိုင်းတွေကို ရှာဖွေပါ - အလုပ်၊ သွားလာမှု၊ ဆက်ဆံရေးစတဲ့ နေရာတွေထဲက မကောင်းဘက်ကို တွေးတတ်တဲ့အပိုင်းကို စတင်ပြောင်းလဲပါ။

၂။ ပျော်ပျော်နေဖို့ ကြိုးစားကြည့်ပါ- အခက်အခဲများကြားထဲက မိမိရဲ့ ပျော်ရွှင်တဲ့ အကြောင်းအရာများကိုလည်း အသိအမှတ်ပြုပေးပါ။

ဥပမာ - တစ်နေ့တာလုံး ပင်ပန်းခက်ခဲမှုတွေ ကြုံခဲ့ရပေမဲ့ လမ်းမှာတွေ့တဲ့ ပန်းလေးတစ်ပွင့်ရဲ့ အလှကို ခဏတာ သတိပြုမိလိုက်တာမျိုးကလည်း ကိုယ့်အတွက် သေးငယ်တဲ့ ပျော်ရွှင်မှုတစ်ခု ဖြစ်နိုင်ပါတယ်

၃။ ကျန်းမာတဲ့နေထိုင်မှုပုံစံကို လိုက်နာပါ
- နေ့စဉ် မိနစ် ၃၀ ခန့် လေ့ကျင့်ခန်းလုပ်ပါ။
- အာဟာရပြည့်ဝစွာ စားပါ။
- အိပ်ရေးဝအောင်အိပ်ပါ။
- စိတ်ဖိစီးမှုကို စီမံနိုင်တဲ့ နည်းလမ်းတွေ လေ့လာပါ။

၄။ အပြုသဘောဆောင်တဲ့ ရပ်ဝန်းလေးတစ်ခုဖန်တီးပါ - သင့်ဘဝထဲမှာ အားပေးတတ်ပြီး အကောင်းမြင်တတ်သူတွေနဲ့ အပြုသဘောဆောင်တဲ့ ရပ်ဝန်းလေးတစ်ခုဖန်တီးယူပါ။

၅။ အပြုသဘောဆောင်တဲ့ ပြောဆိုမှုကို ကိုယ်တိုင်လေ့ကျင့်ယူပါ - ကိုယ့်ကိုယ်ကိုယ် မပြောချင်တဲ့ စကားကို အခြားသူတစ်ယောက်ကိုလည်း မပြောဖို့ သတိထားပြီး ကြိုးစားကြည့်ပါ။ ကိုယ့်ကိုယ်ကို နူးညံ့စွာ၊ အားပေးစကားပြောပါ။ မကောင်းတဲ့အတွေး ဝင်လာရင် ချက်ချင်းမယုံဘဲ သေချာစဉ်းစားပြီး ကောင်းတဲ့အရာတွေကိုလည်း သတိရပေးပါ။ ဘဝထဲမှာ ကျေးဇူးတင်စရာလေးတွေကို အမြဲ စဉ်းစားပါ။

စိတ်ခံစားချက်တွေ အမြဲတမ်းတင်းကျပ်နေပြီး အရာရာကို အကောင်းမြင်ဖို့ ခက်ခဲလာရင်၊ ရင်ဖွင့်ဆွေးနွေးဖို့ လိုအပ်လာရင် စိတ်မိတ်ဆွေကို ဆက်သွယ်လို့ရပါတယ်။

နားလည်တတ်ကျွမ်းသူတွေနဲ့ အသေးစိတ်ဆွေးနွေး ရင်ဖွင့်ပြောပြရင်း စိတ်သန့်ရှင်းကျန်းမာတဲ့ ဘဝလေးရရှိအောင် ကူညီပံ့ပိုးပေးမှာဖြစ်လို့ Counselling Session လေးရယူနိုင်မှာပါ။

📞 အသေးစိတ်ဆွေးနွေးမေးမြန်းချင်တယ်ဆိုရင်တော့ နေ့စဉ် မနက် ၉ နာရီ မှ ညနေ ၅ နာရီအတွင်း စိတ်မိတ်ဆွေရဲ့ ဖုန်း - ၀၉ ၈၈၁၀ ၆၃၀၃၀ ကို ဆက်သွယ်စုံစမ်းမေးမြန်းလို့ရပါတယ်။

Viber, Telegram နဲ့ page Messenger ကနေလည်း ဆက်သွယ်နိုင်ပါတယ်။

#စိတ်မိတ်ဆွေ

23/03/2026

စိတ်သန့်ရှင်းရေး Workshop (ရင်ဖွင့်ရင်းနဲ့) - စနေနေ့ည Online Workshop

ဒီ Workshop လေးက ဘယ်သူတွေအတွက် သင့်တော်လဲ …
🔹 နေ့စဉ်ဘဝမှာရုန်းကန်လှုပ်ရှားရင်း စိတ်ဖိစီးမှုနဲ့ စိတ်ပင်ပန်းမှုတွေကို ခံစားနေရသူတွေ
🔹 ပြင်းထန်တဲ့ ခံစားချက်တွေ လျှော့ချချင်သူတွေအတွက် သင့်တော်ပါတယ်။

Workshop တက်ရောက်တဲ့အခါ …
✨ စိတ်အနားရစေမယ်။
✨ စိတ်ရဲ့ ခံနိုင်ရည်စွမ်းအားတွေ ကောင်းလာမယ်။
✨ အချင်းချင်း စိတ်ခံစားမှုတွေ ချိတ်ဆက်ရင်း လက်ခံနိုင်စွမ်းတွေ တိုးတက်လာမယ်။

ဒီလို Mental wellbeing အတွက် အထောက်အကူဖြစ်စေဖို့ လွတ်လွတ်လပ်လပ် ရင်ဖွင့်လို့ရတဲ့ စိတ်သန့်ရှင်းရေး Workshop ကို စိတ်မိတ်ဆွေကနေ အပတ်စဉ် စနေနေ့တိုင်း ပြုလုပ်ပေးနေတာဖြစ်လို့ အားလုံးပါဝင်ပြီး ဆွေးနွေးရင်ဖွင့်ကြဖို့ ဖိတ်ခေါ်လိုက်ပါတယ်ရှင်။

စိတ်သန့်ရှင်းရေး Workshop (ရင်ဖွင့်ရင်းနဲ့)
နေ့ရက် - ၂၀၂၆ ခုနှစ်၊ မတ်လ ၂၈ ရက်နေ့ (စနေနေ့)
အချိန် - ညနေ ၆ နာရီ မှ ည ၈ နာရီအထိ (မြန်မာစံတော်ချိန်)
နေရာ - Zoom Platform
Fees - အခမဲ့

*မိမိကိုယ်တိုင်နဲ့ ပါဝင်သူအားလုံး လွတ်လပ်စွာရင်ဖွင့်နိုင်ဖို့အတွက် လုံခြုံတိတ်ဆိတ်တဲ့ နေရာလေးကနေ တက်ရောက်စေချင်ပါတယ်။*

Workshopလေးမှာ ပါဝင်ချင်တယ်ဆိုရင်တော့ အောက်ပါလင့်မှာ အခုပဲ စာရင်းသွင်းနိုင်ပါပြီ။

စာရင်းသွင်းရန်
https://forms.gle/45nUDkYJh1mUmG2P6

တက်ရောက်နိုင်သူများကို စိတ်မိတ်ဆွေကနေ သောကြာနေ့ နေ့လည်နောက်ဆုံးထားပြီး ဆက်သွယ်ပေးပါမယ်နော်။ Workshop အချိန်နီးကပ်မှ စာရင်းသွင်းလိုသူများ နေရာရရှိမှုသေချာစေရန် စိတ်မိတ်ဆွေကို တိုက်ရိုက်ဆက်သွယ်နိုင်ပါတယ်။

*လူဦးရေအကန့်အသတ်လည်းရှိတာဖြစ်လို့ စာရင်းအမြန်ပေးရင်း သေချာလေးတက်ရောက်ဖြစ်ဖို့လည်း တိုက်တွန်းချင်ပါတယ်ရှင်။*

#စိတ်မိတ်ဆွေ

#စိတ်သန့်ရှင်းရေး

19/03/2026

အကျိုးမရှိပေမယ့် မလုပ်ရမနေနိုင် စွဲလမ်းနေမိတဲ့ အကျင့်တွေအကြောင်း

တစ်ခါတစ်လေ ဖုန်းကို မသုံးချင်ဘဲ သုံးနေမိတာ၊ ဈေးဝယ်ပြီးရင် နောင်တရပေမဲ့ နောက်နေ့ ပြန်ဝယ်မိတာ… ဒါတွေက ကိုယ့်စိတ်အားနည်းတာ မဟုတ်ပါဘူး။ ဦးနှောက်ရဲ့ ယန္တရားကြောင့်ပါ။

စွဲလမ်းမှုဆိုတာ ဆေးလိပ်၊ အရက်၊ မူးယစ်ဆေးဝါး စတဲ့ အရာဝတ္ထုတွေတင် မဟုတ်ပါဘူး။ Social Media ကို နာရီနဲ့ချီပြီး သတိလက်လွတ်သုံးတာ (Doom-scrolling)၊ ဈေးဝယ်တာ (Shopaholic)၊ အစားအလွန်အကျွံစားတာ (Binge Eating) ဒါမှမဟုတ် အလုပ်ပဲ ဖိလုပ်နေတာ (Workaholic) စတဲ့ "အပြုအမူ" တွေဟာလည်း အပြုအမူစွဲလမ်းမှု (Behavioral Addiction) တွေထဲမှာ ပါဝင်ပါတယ်။ ဒါဟာ စိတ်ထဲက ဟာကွက် (သို့) လိုအပ်ချက်တစ်ခုခုကို ဒါတွေနဲ့ အစားထိုးဖို့ ကြိုးစားနေတာ ဖြစ်ပါတယ်။

စွဲလမ်းမှုရဲ့ ယန္တရား (Dopamine Reward System) − လူတွေဟာ တစ်ခုခုလုပ်လို့ ပျော်သွားတဲ့အခါ ဦးနှောက်ကနေ Dopamine (ပျော်ရွှင်မှုဟော်မုန်း) တွေ ထွက်လာပါတယ်။ ဒီအပြုအမူကို ထပ်ခါတလဲလဲ လုပ်တဲ့အခါ ဦးနှောက်က ဒီ Dopamine ကိုပဲ ဆက်တိုက် တောင်းဆိုလာပါတော့တယ်။ အဲ့ဒီအခါ အဲ့ဒီအလုပ်ကို မလုပ်ရရင် မနေနိုင်တာ၊ မလုပ်ရင် စိတ်တိုလာတာမျိုးတွေ ဖြစ်လာပါတယ်။ (ဥပမာ− Like များရင် သဘောကျတယ်၊ ပျော်တယ်၊ ဒါကြောင့် Like များများရအောင် ကြံတယ်။ မရရင် ဒေါသထွက်တယ်။) ဒါဟာ စိတ်ထဲမှာ ရှိနေတဲ့ အနှုတ်သဘော ခံစားချက် (သို့) နာကျင်မှုကို ရှောင်လွှဲဖို့ (Maladaptive Coping Mechanism) အနေနဲ့ သုံးနေတာလည်း ဖြစ်နိုင်ပါတယ်။

ဦးနှောက်က ဒီဟာကွက်တွေကို ပြန်လည်ဖြည့်တင်းပေးနိုင်ပါ့မလား?
လူ့ဦးနှောက်မှာ Neuroplasticity လို့ခေါ်တဲ့ ပြုပြင်ပြောင်းလဲနိုင်စွမ်းရှိပြီး အလေ့အကျင့်သစ်တွေပေါ် မူတည်ပြီး အာရုံခံလမ်းကြောင်းသစ်တွေကို ပြန်လည်တည်ဆောက်ပေးနိုင်ပါတယ်။ စွဲလမ်းမှုဖြစ်နေချိန်မှာ ဦးနှောက်ရဲ့ Reward System က ပျက်စီးနေတဲ့ ဆားကစ်လို ဖြစ်နေတတ်ပေမယ့် အကျင့်ဟောင်းတွေအစား ကျန်းမာတဲ့ အလေ့အကျင့်သစ်တွေကို ဖြေးဖြေးချင်းလုပ်သွားမယ်ဆိုရင်... reward system ကို ပြန်ပြုပြင်ရာရောက်ပြီး စိတ်ပိုင်းဆိုင်ရာ ဟာကွက်တွေကိုပါ ပြန်လည်ဖြည့်တင်းပေးသွားနိုင်မှာ ဖြစ်ပါတယ်။

အထူးသဖြင့် ADHD ကဲ့သို့ Neurodivergent ဖြစ်သူတွေအနေနဲ့လဲ မိမိဦးနှောက်အလုပ်လုပ်ပုံကို နားလည်ထားမယ်ဆိုရင်… အကျင့်တွေကို စနစ်တကျ ပြန်လည်ပြုပြင်နိုင်ပြီး အပြုအမူစွဲလမ်းမှု သံသရာကနေ အောင်မြင်စွာ ရုန်းထွက်နိုင်မှာ ဖြစ်ပါတယ်။

ဒီ စွဲလမ်းမှုကနေ ဘယ်လိုဖောက်ထွက်မလဲ?
၁။ Identifying Triggers - ဘယ်လိုအချိန်မျိုးမှာ ကိုယ်က ဒီအပြုအမူကို လုပ်မိတာလဲ? ပျင်းတဲ့အခါလား၊ စိတ်ညစ်တဲ့အခါလား? အဲ့ဒီ အရင်းအမြစ်/လှုံ့ဆော်မှုကို အရင်ရှာဖွေပါ။
၂။ Dopamine Fasting - ခဏတာ ပျော်ရွှင်မှုပေးတဲ့ အရာတွေကို ခေတ္တရပ်ဆိုင်းပြီး ဦးနှောက်ရဲ့ ဆုပေးစနစ် (Reward System) ကို ပြန်လည် အသစ် (Reset) လုပ်ပါ။
၃။ The 10-Minute Rule - တစ်ခုခုကို အရမ်းလုပ်ချင်စိတ် (Urge) ဖြစ်လာတဲ့အခါ ချက်ချင်းမလုပ်ဘဲ ၁၀ မိနစ်လောက် အချိန်ဆွဲလိုက်ပါ။ ဒီအချိန်အတွင်းမှာ ဦးနှောက်ရဲ့ ဆင်ခြင်တုံတရားအပိုင်းက ပြန်လည်အလုပ်လုပ်ဖို့ အချိန်ရသွားပါလိမ့်မယ်။
၄။ Environmental Design - စွဲလမ်းစေတဲ့ အရာတွေကို ကိုယ့်မျက်စိရှေ့မှာ မရှိအောင် ဖယ်ရှားထားပါ။ (ဥပမာ− အိပ်ခန်းထဲ ဖုန်းမယူသွားခြင်း၊ မလိုအပ်ဘဲ Shopping App များ မကြည့်ခြင်း)။
၅။ Positive Substitutions - အဲ့ဒီအချိန်မှာ လမ်းလျှောက်တာ၊ ယောဂလုပ်တာမျိုး စတဲ့ ကျန်းမာတဲ့ အလေ့အကျင့်သစ်တွေနဲ့ အစားထိုးဖို့ ကြိုးစားပါ။

လူကြီးမင်းတို့ရော… အကျိုးမရှိမှန်းသိတယ် ကိုယ့်ကိုထိခိုက်နေမှန်းသိပေမယ့် မဖြတ်နိုင်ဘဲ စွဲလမ်းနေမိတဲ့ အကျင့်လေးတွေ ရှိလား? အဲ့ဒါကို ဘယ်လိုမျိုး ပြောင်းလဲဖို့ ကြိုးစားနေလဲ မျှဝေပေးခဲ့ပါဦး။

17/03/2026

🔷Basic Counselling Skills Training🔷

ကိုယ့်ရဲ့ပတ်ဝန်းကျင်မှာ စိတ်ပိုင်းဆိုင်ရာအထောက်အပံ့ပေးနိုင်ဖို့ စိတ်အားထက်သန်ကြသူတွေအနေနဲ့ စိတ်မိတ်ဆွေမှာ Counselling Skills Training လေးကို အခမဲ့ တက်ရောက်လေ့လာဖို့ စာရင်းသွင်းနိုင်ပါပြီ။

Counselling ရဲ့ အခြေခံသဘောတရားတွေကနေစလို့ မိမိကိုယ်မိမိအပြင် အခြားသူတွေကိုပါနားလည်နိုင်စေဖို့ အစပျိုးပေးမယ့်သင်ခန်းစာတွေကို စာတွေ့လက်တွေ့သင်ကြားခွင့်ရမှာပါ။

🔷Basic Counselling Skills Training (SMS-BCT-057)
🔹အတန်းစမည့်ရက် - ၂၀၂၆ ခုနှစ်၊ မတ်လ ၂၈ ရက်နေ့
🔹အတန်းပြီးမည့်ရက် - ၂၀၂၆ ခုနှစ်၊ ဧပြီလ ၁၀ ရက်နေ့
🔹နေ့ရက် - အပတ်စဉ် တနင်္လာ မှ သောကြာ
🔹အချိန် - ညနေ ၆ နာရီ မှ ၈ နာရီ
🔹နေရာ - Zoom Platform

Registration Fees - ၅,၀၀၀ ကျပ်
Training Fees - အခမဲ့

📆 သင်တန်းကာလလေးကတော့ (၁၁) ရက်ကြာမြင့်မှာဖြစ်ပါတယ်။

မိမိပတ်ဝန်းကျင်စိတ်ပိုင်းဆိုင်ရာကျန်းမာရေးအတွက် တိုးတက်ပြောင်းလဲစေမယ့် တွန်းအားတစ်ခုအဖြစ် တစ်ထောင့်တစ်နေရာကနေဦးဆောင်သွားရန် စိတ်ပါဝင်စားသူတွေကို တက်ရောက်ဖို့အကြံပြုချင်ပါတယ်။

စာရင်းသွင်းရန်လင့်
👉 https://forms.gle/J5tjmc7NSKXwLxe68

တက်ရောက်ဖို့စိတ်ဝင်စားတဲ့မိတ်ဆွေတွေကတော့ ဒီ Link လေးကနေ အသေးစိတ်ဖတ်ရှုပြီး စာရင်းသွင်းလို့ရပါပြီ။ စာရင်းသွင်းထားတဲ့ထဲကမှ တက်ရောက်ခွင့်ရသူတွေကို တစ်ဦးချင်းပြန်လည်စိစစ်ပြီး ရွေးချယ်သွားမှာဖြစ်ပါတယ်။

*လူဦးရေအကန့်အသတ်လေးလည်းရှိတာမို့ စာရင်းအချိန်မှီပေးရင်း သေချာတက်ရောက်ဖို့လည်း တိုက်တွန်းချင်ပါတယ်ရှင့်။*

📞 09 8810 63030
Viber, Telegram (or)
Seit Mate Swe Page Messenger

#စိတ်မိတ်ဆွေ

16/03/2026

စိတ်သန့်ရှင်းရေး Workshop (ရွှံ့စေးနဲ့)

ရွှံ့စေးရုပ်လေးတွေ ကိုယ်တိုင်လုပ်ရင်း ခံစားချက်တွေကို ရင်ဖွင့်မယ်ဆိုရင် ဒီ Workshop လေးမှာ ပါဝင်ဖို အခမဲ့စာရင်းသွင်းလို့ရပါပြီ။

ဘယ်သူတွေအတွက် သင့်တော်လဲ ?

🔸ကိုယ့်ရဲ့ခံစားချက်တွေကို ထုတ်ဖော်ပြောဆိုဖို့ ခက်နေသူတွေ
🔸 နေ့စဉ်ဘဝမှာ စိတ်ဖိစီးမှု၊ ပင်ပန်းမှုတွေ ခံစားနေရသူတွေ
🔸ပြင်းထန်တဲ့ခံစားချက်တွေကို လျှော့ချချင်သူတွေအတွက် သင့်တော်ပါတယ်။

ဘာအကျိုးကျေးဇူးတွေ ရနိုင်လဲဆိုရင် …

✨ရွှံ့စေးကိုကိုင်ရတဲ့အခါ သဘာဝရဲ့အထိအတွေ့ကို ခံစားရမယ်။
✨ရွှံ့စေးရုပ်ကို ပုံဖော်ရင်း ကိုယ့်ရဲ့ စိတ်ခံစားချက်တွေကို ပြန်လည်သုံးသပ်နိုင်မယ်။
✨ကိုယ့်ရဲ့ စိတ်ခံစားချက်တွေကို ရင်ဖွင့်ရင်းနဲ့ လွတ်လပ်ပေါ့ပါးမှုကို ခံစားရစေမယ်။

ဒီ Workshop မှာ ပါဝင်ဖို့အတွက် ကျွမ်းကျင်ပညာရှင်ဖြစ်နေဖို့မလိုပါဘူး။ ကိုယ့်ရဲ့အိပ်ခန်းလေးကို ရှင်းသလိုပဲ စိတ်ခံစားချက်တွေကို ပုံမှန်ရှင်းလင်းပေးဖို့အတွက် စိတ်မိတ်ဆွေရဲ့ အပတ်စဉ် Workshop တွေမှာ အခမဲ့တက်ရောက်နိုင်ပါတယ်။

စိတ်သန့်ရှင်းရေး Workshop (ရွှံ့စေးနဲ့)
နေ့ရက် - ၂၀၂၆ ခုနှစ်၊ မတ်လ ၂၂ ရက်နေ့ (တနင်္ဂနွေနေ့)
အချိန် - နေ့လည် ၂ နာရီ မှ ၄ နာရီအထိ
နေရာ - Counselling Corner Yangon Office
Fees - အခမဲ့

အမှတ် (၅/၉)၊ ဒုတိယထပ်၊ ဘိုကလေးဈေးလမ်း (အောက်ဘလောက်)၊ ဗိုလ်တထောင်မြို့နယ်၊ ရန်ကုန်မြို့။

Workshopလေးမှာ အခမဲ့ပါဝင်ချင်တယ်ဆိုရင်တော့ အောက်ပါလင့်မှာ အခုပဲ စာရင်းသွင်းနိုင်ပါပြီ။

စာရင်းသွင်းရန်
https://forms.gle/L8Rk4dw2wVwcLGkM8

ပါဝင်ခွင့်ရသူတွေကို စိတ်မိတ်ဆွေကနေ သောကြာနေ့ နေ့လည်နောက်ဆုံးထားပြီး ဆက်သွယ်ပေးပါမယ်နော်။ Workshop အချိန်နီးကပ်မှ စာရင်းသွင်းလိုသူများ နေရာရရှိမှုသေချာစေရန် စိတ်မိတ်ဆွေကို တိုက်ရိုက်ဆက်သွယ်နိုင်ပါတယ်။

*လူဦးရေအကန့်အသတ်လည်းရှိတာမို့ စာရင်းအမြန်ပေးရင်း သေချာလေးတက်ရောက်လာပေးဖို့လည်း တိုက်တွန်းချင်ပါတယ်ရှင်။*

#စိတ်မိတ်ဆွေ

#စိတ်သန့်ရှင်းရေး

16/03/2026

ဆုံးရှုံးမှုကြောင့် ဝမ်းနည်းပူဆွေးသောကရောက်တဲ့အခါ ကြုံတွေ့ခံစားရလေ့ရှိတဲ့ အဆင့် (၅) ဆင့်​

ကိုယ်တန်ဖိုးထားတဲ့အရာ၊ ချစ်ခင်တွယ်တာတဲ့အရာတွေ ဆုံးရှုံးလိုက်ရတဲ့အခါမှာ ဖြစ်လေ့ရှိတဲ့ ပုံမှန်တုန့်ပြန်ချက်တစ်ခုကို Grief (ပူဆွေးသောက) ရောက်ခြင်းလို့ခေါ်ပါတယ်။ ကိုယ်ချစ်ခင်တွယ်တာရတဲ့ လူတွေ၊ တန်ဖိုးထားရတဲ့ ဝတ္ထုပစ္စည်းတွေကို မျှော်လင့်မထားဘဲ ပျက်စီးဆုံးရှုံးကြရတဲ့အခါ ဝမ်းနည်းပူဆွေးမှုကို ကြုံတွေ့ခံစားရလေ့ရှိပါတယ်။ ​

​ဆုံးရှုံးမှုဆိုတဲ့နေရာမှာ ဘာမဆိုဖြစ်နိုင်ပါတယ်။ လူပုဂ္ဂိုလ်၊ ပစ္စည်း၊ အလုပ်၊ ရာထူး၊ Relationship ပြတ်ဆဲတာ၊ မိတ်ဆွေ သူငယ်ချင်းကောင်းတွေ ဆုံးရှုံးရတာ၊ အိမ်မွေးတိရိစ္ဆာန်၊ အိမ်ထောင်ရေး စတာတွေကို ဆုံးရှုံးလိုက်ရတာ၊ ကိုယ့်ရဲ့ ပိုင်ဆိုင်မှုကို ဆုံးရှုံးလိုက်ရတဲ့အခါမှာ Grief ရနိုင်ပါတယ်။ ​

​ဒီလိုအချိန်မှာ မျိုးစုံသော ခက်ခဲမှုတွေနဲ့ မထင်မှတ်ထားတဲ့ ခံစားချက်တွေနဲ့အတူ ပူဆွေးသောက ရောက်သူတွေဟာ ပုံမှန်အားဖြင့် အဆင့် (၅) ဆင့်ကို ကျော်ဖြတ်လေ့ရှိကြပါတယ်။ ​

​(၁) လက်မခံနိုင်ခြင်း - ရုတ်တရက်ဖြစ်ပျက်သွားတဲ့ အဖြစ်အပျက်အပေါ် ထိတ်လန့်တုန်လှုပ်ကာ ဆုံးရှုံးမှုကို ချက်ချင်း လက်မခံနိုင်တာ၊ လက်ခံဖို့ ခဲယဉ်းတာတွေ ကြုံရတတ်ပါတယ်။ ​

​(၂) ဒေါသထွက်ခြင်း - ဆုံးရှုံးမှုအပေါ် ယူကြုံးမရဖြစ်သလို ကိုယ်မတတ်နိုင်တဲ့အခြေအနေအပေါ် တဖြေးဖြေးတွေးရင်း ဒေါသထွက်ကာ မကျေမနပ်ဖြစ်တတ်ပါတယ်။ ​

​(၃) ညှိနှိုင်းခြင်း - ဖြစ်ပျက်ခဲ့တဲ့ ဆုံးရှုံးမှုအပေါ် ပြန်တွေးကြည့်ပြီး တကယ်လို့များ… ဆိုပြီး အတိတ်က အကြောင်းအရာတွေကို မိမိစိတ်ထဲ ပြန်လည် အဖြေရှာ ညှိနှိုင်းနေတဲ့ ကာလဖြစ်ပါတယ်။ ​

​(၄) စိတ်ဓာတ်ကျခြင်း - ပူဆွေးသောက ရောက်မှုနဲ့အတူ တွဲပါလာတာကတော့ depression ဆိုတဲ့ စိတ်ဓာတ်ကျခြင်းပဲ ဖြစ်ပါတယ်။ ဒီလိုကာလမျိုးမှာ ဘာမှမလုပ်နိုင်ဘဲ တိတ်ဆိတ်ငြိမ်သက် နေတတ်ပါတယ်။ ​

​(၅) လက်ခံလိုက်ခြင်း - အထက်ပါ အဆင့်တွေကို ကျော်ဖြတ်ပြီးတဲ့အခါမှာတော့ အခြေအနေတွေကို နားလည်လက်ခံသွားနိုင်ပြီး Acceptance ဆိုတဲ့ အဆင့်ကို ရောက်ရှိသွားမှာဖြစ်ပါတယ်။ ဆုံးရှုံးဖြစ်ပျက်ခဲ့တာနဲ့ပတ်သက်ပြီး နားလည်လက်ခံကာ ရှေ့ဆက်သွားဖို့ အဆင်သင့်ဖြစ်သွားပြီဖြစ်ပါတယ်။ ​
ပူဆွေးသောက ရောက်သူတိုင်း ဒီအဆင့် (၅) ဆင့်စလုံး ကြုံရမယ်လို့ မဆိုလိုပါဘူး။ လူတစ်ဦးတစ်ယောက်ချင်းစီပေါ်မူတည်ပြီး ကွာခြားနိုင်သလို အဆင့် အစဉ်လိုက်လည်း ကွဲပြားနိုင်ပါတယ်။ နှစ်ပတ်လည်နေ့လိုမျိုးတွေ၊ ပြန်အမှတ်ရစေနိုင်တဲ့အခြေအနေမျိုးတွေကို ကြုံတွေ့ရတဲ့အခါ ဒီလိုခံစားချက်တွေ ပြန်ပေါ်လာနိုင်ပါတယ်။​

​တကယ်လို့ ဝမ်းနည်းပူဆွေးစရာ ကိစ္စတစ်ခုခုကို ကြုံတွေ့နေရပြီး လက်ခံနိုင်တဲ့အဆင့်ကို မရောက်သေးဘဲ ကျန်တဲ့အဆင့် (၄) ဆင့်က တစ်ဆင့်ဆင့်မှာ ရုန်းထွက်ဖို့ ခက်ခဲနေရင်တော့ ရင်ဖွင့်ဆွေးနွေးဖို့ စိတ်မိတ်ဆွေကို ဆက်သွယ်လို့ရပါတယ်။ ​

​နားလည်တတ်ကျွမ်းသူတွေနဲ့ အသေးစိတ်ဆွေးနွေး ရင်ဖွင့်ပြောပြရင်း စိတ်သန့်ရှင်းကျန်းမာတဲ့ ဘဝလေးရရှိအောင် ကူညီပံ့ပိုးပေးမှာဖြစ်လို့ Counselling Session လေးရယူနိုင်မှာပါ။ ​

​📞 အသေးစိတ်ဆွေးနွေးမေးမြန်းချင်တယ်ဆိုရင်တော့ နေ့စဉ် မနက် ၉ နာရီ မှ ညနေ ၅ နာရီအတွင်း စိတ်မိတ်ဆွေရဲ့ ဖုန်း - ၀၉ ၈၈၁၀ ၆၃၀၃၀ ကို ဆက်သွယ်စုံစမ်းမေးမြန်းလို့ရပါတယ်။ ​

​Viber,Telegram နဲ့ page Messenger ကနေလည်း ဆက်သွယ်နိုင်ပါတယ်။ ​

​ #စိတ်မိတ်ဆွေ

16/03/2026

ဒီတစ်ပတ်စနေနေ့အတွက် Online Workshop တက်ရောက်ချင်သူများ စာရင်းစသွင်းလို့ရပါပြီရှင်။

ဒီ Workshop လေးက ဘယ်သူတွေအတွက် သင့်တော်လဲ …
🔹 နေ့စဉ်ဘဝမှာရုန်းကန်လှုပ်ရှားရင်း စိတ်ဖိစီးမှုနဲ့ စိတ်ပင်ပန်းမှုတွေကို ခံစားနေရသူတွေ
🔹 ပြင်းထန်တဲ့ ခံစားချက်တွေ လျှော့ချချင်သူတွေအတွက် သင့်တော်ပါတယ်။

Workshop တက်ရောက်တဲ့အခါ …
✨ စိတ်အနားရစေမယ်။
✨ စိတ်ရဲ့ ခံနိုင်ရည်စွမ်းအားတွေ ကောင်းလာမယ်။
✨ အချင်းချင်း စိတ်ခံစားမှုတွေ ချိတ်ဆက်ရင်း လက်ခံနိုင်စွမ်းတွေ တိုးတက်လာမယ်။

ဒီလို Mental wellbeing အတွက် အထောက်အကူဖြစ်စေဖို့ လွတ်လွတ်လပ်လပ် ရင်ဖွင့်လို့ရတဲ့ စိတ်သန့်ရှင်းရေး Workshop ကို စိတ်မိတ်ဆွေကနေ အပတ်စဉ် စနေနေ့တိုင်း ပြုလုပ်ပေးနေတာဖြစ်လို့ အားလုံးပါဝင်ပြီး ဆွေးနွေးရင်ဖွင့်ကြဖို့ ဖိတ်ခေါ်လိုက်ပါတယ်ရှင်။

စိတ်သန့်ရှင်းရေး Workshop (ရင်ဖွင့်ရင်းနဲ့)
နေ့ရက် - ၂၀၂၆ ခုနှစ်၊ မတ်လ ၂၁ ရက်နေ့ (စနေနေ့)
အချိန် - ညနေ ၆ နာရီ မှ ည ၈ နာရီအထိ (မြန်မာစံတော်ချိန်)
နေရာ - Zoom Platform
Fees - အခမဲ့

*မိမိကိုယ်တိုင်နဲ့ ပါဝင်သူအားလုံး လွတ်လပ်စွာရင်ဖွင့်နိုင်ဖို့အတွက် လုံခြုံတိတ်ဆိတ်တဲ့ နေရာလေးကနေ တက်ရောက်စေချင်ပါတယ်။*

Workshopလေးမှာ ပါဝင်ချင်တယ်ဆိုရင်တော့ အောက်ပါလင့်မှာ အခုပဲ စာရင်းသွင်းနိုင်ပါပြီ။

စာရင်းသွင်းရန်
https://forms.gle/45nUDkYJh1mUmG2P6

တက်ရောက်နိုင်သူများကို စိတ်မိတ်ဆွေကနေ သောကြာနေ့ နေ့လည်နောက်ဆုံးထားပြီး ဆက်သွယ်ပေးပါမယ်နော်။ Workshop အချိန်နီးကပ်မှ စာရင်းသွင်းလိုသူများ နေရာရရှိမှုသေချာစေရန် စိတ်မိတ်ဆွေကို တိုက်ရိုက်ဆက်သွယ်နိုင်ပါတယ်။

*လူဦးရေအကန့်အသတ်လည်းရှိတာဖြစ်လို့ စာရင်းအမြန်ပေးရင်း သေချာလေးတက်ရောက်ဖြစ်ဖို့လည်း တိုက်တွန်းချင်ပါတယ်ရှင်။*

#စိတ်မိတ်ဆွေ

#စိတ်သန့်ရှင်းရေး

12/03/2026

Beyond the Earthquake: Dealing with Loss & Grief - Online Webinar

မတ်လ ၂၈ ရက်နေ့ဆိုရင် ကျွန်မတို့အားလုံးရဲ့ ဘဝတွေကို ရိုက်ခတ်ပြောင်းလဲစေခဲ့တဲ့ ငလျင်လှုပ်ခတ်မှုကြီး ဖြစ်ပွားခဲ့တာ (၁) နှစ်ပြည့်မြောက်တော့မှာ ဖြစ်ပါတယ်။

ဒီလိုမျိုး သဘာဝဘေးအန္တရာယ်တွေဟာ ရုပ်ပိုင်းဆိုင်ရာ ပျက်စီးမှုတွေသာမကဘဲ... ရင်ထဲမှာ မမြင်နိုင်တဲ့ ဆုံးရှုံးမှုတွေ၊ အိမ်မက်တွေ ပျောက်ဆုံးခြင်း၊ တည်ငြိမ်တဲ့ ဘဝတစ်ခု ဆုံးရှုံးခြင်းနဲ့ မျှော်လင့်ထားတဲ့ အနာဂတ်တွေ ပျောက်ကွယ်သွားသလိုမျိုး ခံစားချက်တွေကိုပါ ဖြစ်ပေါ်စေလေ့ရှိပါတယ်။

ဒီလို ခက်ခဲတဲ့ကာလမှာ စိတ်ပိုင်းဆိုင်ရာ တည်ငြိမ်မှု ပြန်လည်တည်ဆောက်နိုင်ဖို့နဲ့ ဆုံးရှုံးမှုတွေကို ဘယ်လိုရင်ဆိုင်ကျော်ဖြတ်မလဲဆိုတာကို အတူတူဆွေးနွေးသွားမယ့် “Beyond the Earthquake: Dealing with Loss & Grief” အစီအစဉ်လေးကို ပြုလုပ်သွားမှာ ဖြစ်ပါတယ်။
⚠️ Trigger Warning: ဒီအစီအစဉ်မှာ အတိတ်က ခက်ခဲပင်ပန်းခဲ့တဲ့ ခံစားချက်များ ပြန်လည်ထွက်ပေါ်လာနိုင်တာကြောင့် ပါဝင်တက်ရောက်မည့်သူများအနေဖြင့် သတိပြုပေးပါရန် မေတ္တာရပ်ခံအပ်ပါသည်။
ကျွန်ုမတို့ရဲ့ ကျွမ်းကျင်ကောင်ဆယ်လာများနှင့်အတူ အောက်ပါအစီအစဉ်မှာ အခမဲ့ ပါဝင်တက်ရောက်နိုင်ဖို့ ဖိတ်ခေါ်အပ်ပါတယ် -

အခမဲ့ အွန်လိုင်းဝက်ဘီနာ (Online Webinar)
ရက်စွဲ - မတ်လ ၂၈ ရက် (စနေနေ့)
အချိန် - မွန်းလွဲ ၂:၀၀ နာရီ မှ ၃:၀၀ နာရီအထိ
(Zoom Link ကို စာရင်းပေးသွင်းသူများထံ ပေးပို့ပေးသွားပါမည်။)
🔗 စာရင်းပေးသွင်းရန် Link: https://docs.google.com/forms/d/e/1FAIpQLSftCbZ2foxfbr8yC4v7CKZfVEjngv4tyK_-T4_Aas8EVNaG2w/viewform?usp=header
ဘဝရဲ့ ခက်ခဲတဲ့ အချိုးအကွေ့တွေကို တစ်ယောက်တည်း ရုန်းကန်မနေဘဲ အတူတူ မျှဝေခံစားရင်း ရှေ့ဆက်နိုင်ဖို့ ကျွန်မတို့ အနားမှာ ရှိနေပေးပါမယ်။ ❤️