https://www.facebook.com/108453468481695/

ဖြူစင်ကံ့ကော် - PSKK, 442/ 001 (မြေညီထပ်), သုဓ္ဓမစာရီလမ်း, မေတ္တာညွှန့်ရပ်ကွက်, တာမွေမြို့နယ်,, Yangon (2025)

📌 ဆရာဝန်နှင့် အထူးကုဆရာဝန်များ ကိုယ်တိုင် အိမ်တိုင်ရာရောက် ဆေးကုသမှုပေးခြင်း။

📌 အထူးကုဆရာဝန်ကြီးများနှင့် တိုက်ရိုက်ဆွေးနွေးနိုင်သော အွန်လိုင်းဝန်ဆောင်မှုပေးခြင်း။

📌 နာတာရှည်လူနာများအား ဆေးသွင်းပေးခြင်း၊ Drip ချိတ်ပေးခြင်း။

📌 ဆီးချို၊ သွေးတိုးရောဂါရှိမရှိ စစ်ဆေးပေးခြင်းနှင့် လိုအပ်သော ကုသမှုပေးခြင်း။

📌 ဆေးရုံမှ ဆင်းလာပြီး ပိုးသတ်ဆေးဆက်ထိုးရန် လိုအပ်နေသောသူများအား ဆေးဆက်ထိုးပေးခြင်း၊ ဆီးပိုက်လဲပေးခြင်း၊ နှာခေါင်းပိုက်လဲပေးခြင်း၊ အနာဆေးထည့်ပေးခြင်း။

📌 ကာကွယ်ဆေးများ ထိုးပေးခြင်း။

📌 မိုးရာသီ၊ ဆောင်းရာသီ တုပ်ကွေးကာကွယ်ဆေးများကို ဆရာဝန်မှ ကိုယ်တိုင်အိမ်အရောက် လာရောက်ထိုးပေးခြင်း။

📌 ကလေးကာကွယ်ဆေးများကိုလည်း ကလေးဆရာဝန်မှ ကိုယ်တိုင် အိမ်အရောက် လာရောက်ထိုးပေးခြင်း။

📌 Company များ၊ စက်ရုံများအတွက်လည်း ကျွမ်းကျင်သောဆရာဝန်များမှ အခမဲ့ထိုးနှံပေးခြင်း။

📌 ဓာတ်မှန် အထူးကုဆရာဝန်များမှ အိမ်တိုင်ရာရောက် တယ်လီဗွီးရှင်းဓာတ်မှန် (Ultrasound) ရိုက်ကူးပေးခြင်း။

15/05/2022

🌸🌸ဒီနေ့တော့ ဖြူစင်ကံ့ကော် page လေး အနေနဲ့ ကျွန်မတို့တွေ သန်လျင်ဘက်က ပုဂ္ဂလိက
🏡 နေ့ကလေးထိန်းကျောင်းလေး🏡ကို ခြေဆန့်ခဲ့ကြပါတယ်၊

👉👉သွားရခြင်း အကြောင်းရင်းကတော့ အဲ့ဒီက ကျောင်းအုပ်ဆရာမလေးက👩‍🏫 နေ့ဘက်မှာ ပြုစုစောင့်ရှောက်ဖို့ လာအပ်ထားခြင်းခံရတဲ့
သားသားမီးမီးတို့ရဲ့ တစ်ကိုယ်ရည် ကျန်းမာရေး အခြေအနေကို စစ်ဆေးပေးဖို့👩‍⚕️🧑‍⚕️ ဖိတ်ကြားခံရလို့ပဲ ဖြစ်ပါတယ်၊

🕒🕒ကျွန်မတို့တွေ 🏡နေ့ကလေးထိန်းကျောင်းလေးကို မနက် ၉နာရီအချိန်မှာရောက်ရှိခဲ့ပါတယ်၊

🏡🏡ကျောင်းကလေးက သိပ်မကြီးပေမယ့် သပ်သပ်ရပ်ရပ်လေးနဲ့ 🎪ကလေး ကစားကွင်းလေးလဲ ပါရှိပါတယ်၊ ကိုယ်တွေရောက်တဲ့အချိန်က
ကလေးတွေ ကျောင်းစရောက်တဲ့အချိန်ဆိုတော့ အတော်ပဲ ဖြစ်သွားပါတယ်၊

🙆‍♂️🙆‍♀️လောလောဆယ် ကလေးအားလုံးပေါင်း ၁၅ယောက်ရှိပါတယ်၊ ကလေးအသက် ၃နှစ်ကနေ ၆နှစ်အထိ တွေ့ခဲ့ရပါတယ်၊ အရင်ကတော့ ကလေး အရေအတွက် ဒီ့ထက်ပိုများပါတယ် ၊ အခုတော့ အခြေအနေအရပ်ရပ်ကြောင့် လျော့ပါးသွားရခြင်း ဖြစ်ပါတယ်၊ အခုလို နည်းပါးသွားတဲ့ အချိန်မှာတောင်
ကလေးတွေရဲ့ ကျန်းမာရေးစစ်ဆေးခြင်းကို တစ်နှစ်တစ်ခါ မပျက်မကွက် ပြုလုပ်ပေးတဲ့
👩‍🏫ကျောင်းအုပ်ဆရာမလေးရဲ့ စေတနာကို သိမြင်နိုင်ပါတယ်၊

🚶‍♂️🚶‍♀️ကလေးငယ်လေးတွေ ခြင်းထောင်းကိုယ်စီ
ဖြင့် ကျောင်းထဲကို ဝင်လာတာ အရမ်း ကြည့်လို့ကောင်းတဲ့ မြင်ကွင်းတစ်ခုပါပဲ၊ 🥰😍

🤝ကျွန်မတို့လည်း ကျောင်းအုပ်ဆရာမ ငယ်ငယ်လေးကို နှုတ်ဆက်ပြီး ကလေးတွေကို ကြည့်ဖို့နေရာလေး ပြင်ဆင်ရပါတယ်၊

📚📚သူတို့အတွက် မှတ်တမ်းစာအုပ်လေးတွေပါ ပြင်ဆင်လာပါတယ်၊ အဲ့ဒီစာအုပ်လေးထဲမှာ လိုအပ်တဲ့ ကုသမှုလေးတွေ၊ အကြံပေးမှုလေးတွေ၊ ကလေးလိုအပ်ချက်လေးတွေ ရေးပေးပြီး ဆရာမမှတဆင့် မိဘတွေလက်ထဲကို ပေးပို့ပေးမှာဖြစ်ပါတယ် ။

📊📊ကျွန်မတို့ရဲ့ မှတ်တမ်းထဲမှာ ကလေးအရပ်၊ ကိုယ်အလေးချိန်တို့ကို တိုင်းပေးပြီး ကလေး အဝလွန်နေလား?၊ ပိန်လွန်းနေလား? စသဖြင့် သိရှိစေ
မည့် centile လည်းပါဝင်ပါမယ်၊

🧑‍🦰👩‍🦰ဒါ့အပြင် ကလေး အမြင်အာရုံ👁၊ အကြားအာရုံ👂တို့ရော ပုံမှန်ပဲလား အားနည်းနေတာမျိုးရှိလားဆိုပြီး စမ်းသပ်စစ်ဆေးပေးပါတယ်၊

🤗🤗ကလေးတွေနဲ့ စကားပြောကြည့်ခြင်းအားဖြင့် စကားထစ်နေလား? ၊ သူများပြောတဲ့စကား နားလည်သော်လည်း ကိုယ်တိုင်ကျ စကားပြောတာ နောက်ကျနေသလား ? စသဖြင့် စစ်ဆေးပေးခဲ့သည့်အပြင် အခြားမိသားစု ပြသာနာ ဘာတွေရှိသေးလဲဆိုတာပါ ဆရာမများမှ တဆင့်မေးမြန်းပြီး အကြံပေးတာမျိုးတွေ ပြုလုပ်ပေးဖြစ်ခဲ့ပါတယ်၊

🧠 ကလေး ဦးနှောက်ဖွံ့ဖြိုးမှု၊ ဥာဏ်ရည်တိုးတက်မှု အခြေအနေကိုပါ puzzle ဆော့တဲ့ block တုံးလေးတွေနဲ့ အတူတူဆော့ပြီး စစ်ဆေးပေးခဲ့ပါတယ်၊

🦷🦷 ထိုမျှမက ကလေး သွားကျန်းမာရေး နှင့် တစ်ကိုယ်ရေ သန့်ရှင်းရေး ( အိမ်သာသွားပြီးတိုင်း လက်ဆေးရန်၊ လက်သည်းညှပ်ရန် ) တို့ကိုပါ ကလေးတွေကို ကျနိးမာရေး ပညာပေးအနေနဲ့ သင်ကြားပေးခဲ့ပါတယ်၊

🤼‍♀️ ထို့နောက် ကလေးတွေနဲ့အတူတူဆော့ကာ အချိန်ကုန်ဆုံးခဲ့သည့်အပြင် ဆရာမတို့နဲ့ပါ ကျန်းမာရေး ဗဟုသုတ အကြံဥာဏ်တွေပေးပြီး ပြန်လာခဲ့ကြပါတယ်၊

🗓🎊🥳တကယ်ကို အမှတ်တရ ပျော်ရွှင်စရာနေ့လေးပါပဲ

👉နိဂုန်းချုပ်အနေနဲ့ကတော့ ပုဂ္ဂလိက နေ့ကလေးထိန်းကျောင်းလေးတွေအနေနဲ့ ကလေးတွေရဲ့ ကျောင်းကျန်းမာရေးကို စစ်ဆေးပေးချင်တယ်
ဆိုရင် ဖြူစင်ကံ့ကော် လေးကို သတိရလိုက်ပါလို့ အသိပေးရင်း နောက် ခေါင်းစဥ်လေးမှာ ပြန်လည်ဆုံတွေ့မယ်နော်.....👋

🙏🙏🙏အားလုံးပဲ ကိုယ်စိတ်နှစ်ဖြာ ကျန်းမာချမ်းသာကြပါစေ၊ အခက်အခဲတွေမှ ကင်းဝေးကြပါစေ🙏🙏🙏

#ဖြူစင်ကံ့ကော်

14/05/2022

မင်မင်တို့ page မှ ကလေးအထူးကုဆရာဝန်များ၏ ဆောင်းပါးများကို အပတ်စဥ် စနေနေ့တိုင်း မျှဝေသွားမှာဖြစ်ပါတယ်။
မိခင်တို့အနေနဲ့ မိမိတို့ ကလေးလေးတွေရဲ့ ကျန်းမာရေးနဲ့ပတ်သက်ပြီး သိချင်တာလေးတွေရှိရင် Commentမှာ မေးထားလို့ရပါတယ်။
သက်ဆိုင်ရာ ခေါင်းစဥ်လေးတွေကို တင်ပေးသွားမှာပါ။
🔔🔔🔔
ဒါကြောင့် page လေးကို like & follow လေးလုပ်ထားကြဖို့မမေ့နဲ့နော်။

မိမိရဲ့ ကလေးငယ် ကျန်းမာရေးအတွက် Teleconsultation လုပ်လိုလျှင်ဖြစ်စေ အိမ်တိုင်ရာရောက် ကျန်းမာရေးဝန်ဆောင်မှု လိုအပ်လျှင်ဖြစ်စေ ဖြူစင်ကံ့ကော် မှ ကလေးအထူးကုဆရာဝန်များနှင့် ရက်ချိန်းရယူနိုင်ပြီဖြစ်ကြောင်း သတင်းကောင်းပါးအပ်ပါသည်ရှင့်📣📣📣

03/05/2022

ဒီတခေါက်တော့ ဗဟုသုတအနေနဲ့ မိခင်များ အမေးများသော 'ကလေးများနှင့်ဖြည့်စွက်စာ' ဆိုတဲ့အကြောင်းလေးကို ယေဘူယျအားဖြင့်
ပြောပြချင်ပါတယ်။

✅မိဘများအနေနဲ့မိမိရင်သွေးလေးများကိုအသက်(၆)လက စပြီး ဖြည့်စွက်စာစကျွေးလို့ရပါတယ်

✅စကျွေးတဲ့အချိန်မှာတော့ ကလေးတွေအနေနဲ့ ဖြည့်စွက်စာတွေ ကို အနည်းငယ်သာစားပြီး နို့ကိုပဲ အဓိကထားပြီး စို့ကြပါလိမ့်မယ်၊ အဲဒီအတွက် ဖေဖေမေမေတို့ စိတ်ပူစရာမလိုပါဘူးရှင့်

✅အဲဒီအရွယ်မှာ အဓိကလိုအပ်တဲ့ အာဟာရကို မေမေ့နို့ ကပဲ အဓိက ရနေအုံးမှာမို့လို့ပါ

✅မေမေတို့အနေနဲ့ ကလေး တစ်နေ့ ဘယ်လောက်စား တယ် ဆိုတာကို စိတ်ထဲမထားပဲ ဖြည့်စွက်စာစား တဲ့ အလေ့အကျင့်လေးကို ပဲ တဖြည်းဖြည်း ပျိုးထောင်ပေး ပြီး နောက်ပိုင်းကျမှ အစားအစာမျိုးစုံကို ပမာဏလေးတွေ တိုးတိုးပြီး နောက်ဆုံး လူကြီးတွေ ပုံမှန်စားတဲ့ အစားအစာတွေထိ စားတတ်လာအောင် စိတ်ရှည်ရှည်နဲ့ ကျွေးကြည့်ကြစို့နော်

👉ဒါဆိုမေမေတို့ဘက် ကမေးစရာရှိလာမှာက ဘာလို့ အသက်(၆)လမှ ဖြည့်စွက်စာ စကျွေးတာလဲ? စောကျွေးလို့ရောမရဘူးလား? ဆိုတဲ့မေးခွန်းပဲဖြစ်ပါတယ်။

အဖြေကတော့ ....
✅မေမေနို့ဆီကရတဲ့ အာဟာရဓာတ်က ကလေး (၆)လ အထိ ကောင်းကောင်းလုံလောက်ပါတယ်

✅အစာအိမ်နဲ့အူလမ်းကြောင်းတွေကလည်း ကလေး (၆)လ ကျမှ ကောင်းကောင်းဖွံ့ဖြိုးပါတယ်၊

✅ကလေး အန္တရာယ်မဖြစ်အောင် အသက် (၄)လနဲ့ (၆)လ ကြားမှာ မိခင်နို့ကလွဲပြီး အခြားအရာတွေ ပါးစပ်ထဲဝင်လာရင် လျှာနဲ့တွန်းထုတ်တတ်အောင် သဘာဝတရားကြီးက သင်ပေးထားပါတယ်၊

👉အဲဒါကြောင့်မေမေတို့အနေနဲ့ ဖြည့်စွက်စာကို (၆)လပြည့်မှ စကျွေးသင့်ပါတယ်။

🛑ချွင်းချက်အနေနဲ့ မေမေ့ရဲ့ ကျန်းမာရေးပြသနာ၊လူမှုရေးပြသနာလေးတွေနဲ့ အလုပ်အကိုင်ကြောင့် အခက်အခဲတွေရှိနေရင် တော့ (၆)လမတိုင်ခင် စောကျွေးလို့ရပါတယ်။

❌❌❌ ၁၇ပတ်ထက်ငယ်တဲ့ ကလေးလေးတွေကိုတော့ ဖြည့်စွက်စာ လုံးဝလုံးဝ စမကျွေးသင့်ပါဘူးနော်❌❌❌

👉ကလေးကို ဖြည့်စွက်စာ စကျွေးလို့ရပြိဆိုတာ ဘယ်အချက်တွေနဲ့ သိနိုင်မလဲ?

✅️ကလေး ဟာ အစာကိုမြင်ရင်စားလိုတဲ့အမူအရာလေးတွေ ပြလာပါလိမ့်မယ်၊
(အစာလေးတွေကိုလိုက်ကြည့်ပြီး လက်နဲ့ကောက်ယူ ပြီးပါးစပ်ထဲ ထည့်တာမျိုးလေး)

✅️ကလေးက အစာကိုမြိုချနိုင်ဖို့အတွက်ခေါင်းကိုမတ်မတ်ထားနိုင်ရပါမယ်.ခန္ဓာကိုယ်ကို ထိန်းထားပေးရင်လည်း ကောင်းကောင်းထိုင်နိုင်ရပါမယ်၊

✅️စားစရာလေးတွေကိုလည်း ကောင်းကောင်းမြိုချ တတ်ရပါမယ်၊

👉ဖြည့်စွက်စာ စကျွေးကျွေးခြင်းမှာ ဘယ်လို အချက်လေးတွေ သတိထားရမလဲ?

✅ကလေး ကို အစာမကျွေးမီ အစာကျွေးမည့်သူရဲ့လက်နှင့် ကလေးငယ်ရဲ့လက် ၊ အစားအစာတင်မယ့် စားပွဲ ၊ ခုံမျက်နှာပြင်လေးတို့ကို သေချာသန့်ရှင်းအောင် ဆေးကြောရပါမယ်၊

✅ ပူသော အစာများကို မကျွေးမီ ပူမပူ အရင် စမ်းသပ်ကြည့်ပြီးမှ ကျွေးသင့်ပါတယ်၊

✅ကလေးကို ဖြည့်စွက်စာ စကျွေးကျွေးခြင်းမှာ ချက်ပြုတ်မည့်အစားအစာထဲသို့ ဆားနှင့်သကြား များ ထည့်ချက်ခြင်း၊ ထည့်ကျွေးခြင်းမပြုလုပ်ရပါဘူး၊ ဘာဖြစ်လို့လဲဆိုတော့
(ကလေးငယ်လေးတွေရဲ့ကျောက်ကပ်လေးတွေက လူကြီးတွေလို ကောင်းကောင်းအလုပ်မလုပ်နိုင်သေးတော့ ဆားထည့် ကျွေးရင် ကျောက်ကပ်ထိခိုက်တတ်ပါတယ်၊ အရမ်းချိုလွန်းတဲ့အစာတွေ စားရင်လည်း သွားပိုးစားပြီး သွားပျက်စီး တတ်ပါတယ်)၊

✅အသီးအနှံများကို ရေစင်ကြယ်စွာဆေးကြောပြီးအခွံ ခွာထားသော တစ်ကိုက်စာ အတုံးအရွယ်လေးတွေသာ လှီးပြီးကျွေးသင့်ပါတယ် (🛑သတိထားရမှာက စကျွေးတဲ့ အသက် ၆လနှင့် ၇လ မှာတော့ အသီးအတုံးလေးတွေအစား ချေပြီး ပျစ်ပျစ်လေးသာ ကျွေးသင့်ပါတယ်🛑) ၊

✅အသားငါးများကို မကျွေးမီ အရိုးသေချာနွှင်ပြီးမှကျွေးသင့်ပါတယ်၊

✅မာကျောသော အစားအစာ များ နှင့် သီးပြီး
နင်လွယ်သောအစားအစာများ ဥပမာ-မြေပဲဆံ၊ပြောင်းဖူးစေ့၊မုန်လာဥနီ၊ပန်းသီးများကို စစကျွေးခြင်းတွင် ရှောင်ကြဥ် သင့်ပါတယ်၊

✅TVရှေ့၊ဖုန်းရှေ့၊tabletရှေ့ထားပြီး အစာကျွေးခြင်းမှလည်း ရှောင်ကြဥ်သင့်ပါတယ်၊

✅ကလေးများ အစာစားချိန်တွင် သီးခြင်း အစာနင်ခြင်းများ ဖြစ်တတ်သည့်အတွက် ဂရုစိုက်စောင့်ကြည့်ပေးဖို့လိုအပ်ပါတယ်၊

Summary
🙆‍♂️အနှစ်ချုပ်အနေနဲ့ပြောရရင် ကလေးလေးတွေ ကို အသက်(၆)လပြည့်မှ ဖြည့်စွက်စာ စကျွေးသင့်ပါတယ်၊
🙆‍♂️အခက်အခဲ တစ်ခုခုရှိလို့ စောကျွေးမယ်ဆိုရင်လည်း အသက် (၁၇)ပတ် အောက် ကလေးတွေ ကို လုံးဝ မကျွေးသင့်ပါဘူး၊ သေချာပေါက်ရှောင်ကြဥ်ရပါမယ်၊
🙆‍♂️ကလေး တွေရဲ့ အစားအစာထဲမှာ ဆား၊ သကြားထည့်ကျွေးတာမျိုး မလုပ်သင့်ပါဘူး၊
မာပြီးသီးလွယ်တဲ့ အစားအစာမျိုးကို လည်းရှောင်ပြီးကျွေးသင့်ပါတယ် ၊
🙆‍♂️မေမေတို့အနေနဲ့ ဖြည့်စွက်စာ စကျွေးကျွေးခြင်း မှာ ခက်ခဲနိုင်ပေမယ့် နောက်ပိုင်းကျရင် တဖြည်းဖြည်း ကျင့်သားရပြီး ၊ အဆင်ပြေလာမှာမို့ စိတ်ဓာတ်လုံးဝ မကျပဲ ကြိုးစားပြီး ကျွေးပေးကြပါနော်လို့ တိုက်တွန်းရင်း နိဂုံးချုပ်လိုက်ပါတယ်။

🙏🙏🙏အားလုံးပဲ ကိုယ်စိတ်နှစ်ဖြာ ကျန်းမာချမ်းသာကြပါစေ၊ အခက်အခဲတွေမှ ကင်းဝေးကြပါစေ🙏🙏🙏

#ဖြူစင်ကံ့ကော်

24/04/2022

အခုရက်ပိုင်းအတွင်း ကလေးတွေ ဖျားတဲ့ အရေအတွက်ပြန်များလာပါတယ်၊ အိမ်ပင့်လိုက်ကြည့်ရတဲ့ အများစုက ကလေးအဖျားကြီးပြီး မိဘများ စိုးရိမ်တဲ့အတွက်ကြောင့်ပဲ ဖြစ်ပါတယ်။

🤒ကလေးတွေ အဖျားကြီးရင် မိဘတွေ အစိုးရိမ်လွန်တတ်တာ သဘာဝပါ၊ ဒါပေမယ့် အဲ့ဒီအချိန်မှာ မိဘတွေအနေနဲ့ အစိုးရိမ်လွန်ပြီး ပျာယာခတ်မနေပဲ သေချာချင့်ချိန်ပြီး မှန်ကန်တဲ့ ပြုစုကုသမှုမျိုးကို ပေးသင့်ပါတယ်၊

ဒါ့ကြောင့် ကလေးအမေများ ကိုယ့်ကလေးဖျားနာတဲ့အခါ မှန်ကန်တဲ့ စောင့်ရှောက်မှုမျိုးပေးနိုင်အောင် ဒီဆောင်းပါးလေး ရေးရခြင်းဖြစ်ပါတယ်...🖍

✅️ကလေး စဖျားတဲ့ရက်ကိုသေချာ မှတ်သားထားရပါမယ်၊

🛑ကလေးတွေမှာ ဘယ်နှရက်မြောက်ဖျားတာလဲ ဆိုတာ သိပ်အရေးကြီးပါတယ်၊ တခါတလေ မိဘအများစုက ဖျားတဲ့ရက်ကို အလွယ်တကူ ထင်တဲ့ရက်ကို မှန်းပြောလေ့ရှိပါတယ်၊ အဲ့လိုလုပ်လို့ မရပါဘူး၊ ကလေးတွေမှာ ဖျားတဲ့ရက်ပေါ်မူတည်ပြီး ရောဂါအမျိုးအစားကို ခွဲခြားသတ်မှတ်ရတာဖြစ်ပါတယ်၊ နိူ့မို့ဆို မလိုအပ်တဲ့ ဆေးစစ်မှုတွေပြုလုပ်ရပြီး ကလေးလည်းနာ ၊ မိဘတွေလည်း ပိုက်ဆံအပိုကုန်ရတာတွေဖြစ်တတ်ပါတယ်၊ ပုံမှန် ရိုးရိုးတုပ်ကွေးကလည်း ၂ရက်ကနေ ၃ရက်လောက်ထိ အဖျား တက်လိုက်ကျလိုက်ဖြစ်တတ်ပါတယ်၊

🛑တချို့အမေတွေက တခါဆေးတိုက်ပြီး အဖျားကျသွားသော်လည်း နောက်တကြိမ် ထပ်ဖျားလို့ ဆရာမရေ ထပ်ဖျားနေပြန်ပြီ ဆိုပြီး မေးလေ့ရှိပါတယ်၊

✅️ ရိုးရိုးတုပ်ကွေးလည်း အဖျားက တက်လိုက် ကျလိုက် ဖြစ်ပါတယ်၊ အဖျား ၂ရက် ၃ရက် ကြာတတ်ပါတယ်၊ အဖျား ၃ရက်ကျော်လို့မှ မကျရင်တော့ ဆေးခန်းပြပြီး သွေးလွန်တုပ်ကွေးများဖြစ်နေသလား၊ တခြားဖျားနိုင်တဲ့ အကြောင်းရင်းကို ရှာရမှာဖြစ်ပါတယ်

✅️ ကလေးကို ဖျားပြီလို့ ထင်တာနဲ့ အဖျားဘယ်လောက်ရှိလဲသေချာတိုင်းပေးဖို့လိုပါတယ်၊လက်နဲ့ပဲ စမ်းပြီး မှန်းပြောလို့ မရပါဘူး၊
အဖျားကြီးလျှင် သို့ အဖျားက ၁၀၂အထက်ဖြစ်နေလျှင် သောက်ဆေးအစား ကလေးဖင်ထဲကို ဂြိုလ်တုတောင့်လေး အရေးပေါ် အရင်ထည့်ပေးလို့ရပါတယ်၊ ပြီးမှ ၆နာရီခြား သို့မဟုတ် ၄နာရီခြား ပါရာစီတမော အရည် ကို ကလေးအသက်အရွယ်၊ ကိုယ်အလေးချိန်နဲ့လိုက်ပြီး တိုက်ကျွေးရမှာ ဖြစ်ပါတယ်၊

🛑ကလေးက အဖျားကြီးလျှင် တက်တာမျိုး ဖြစ်တတ်လို့ အဖျားကြီးလျှင် ဂြိုလ်တုထည့် ၊ရေပတ်တိုက်တာမျိုးတွေကို အလျင်အမြန် ပြုလုပ်သင့်ပါတယ်၊ ရေပတ်တိုက်ရင်လည်း ခဏလေး ပွတ်တိုက်ပေးရုံမျိုး မဟုတ်ပဲ နဖူး၊ လည်ပင်း၊ ဂျိုင်း ၂ဖက် ၊ပေါင်ခြံ ၂ဖက်တို့ကို ရေပတ်ဝတ်ကပ်ပေးထားပြီး အလဲအလှယ်လုပ်ပေးရမှာဖြစ်ပါတယ်၊

✅️ ကလေးသဘာဝက ဖျားတဲ့ အချိန်မှာ အီနေတတ်ပြီး အဖျားကျသွားလျှင် ပြန်ဆော့တတ်ပါတယ် ၊ ကလေးအဖျားကျသော်လည်း ကလေး မလန်းပဲ မှိန်းနေလျှင်၊ နို့မစို့လျှင် ၊ အရည်မဝင်လျှင် ၊ဆီးသွားနည်းလျှင်တော့ ဆေးရုံဆေးခန်း ချက်ချင်းပြသင့်ပါတယ်

✅️နောက်တခုပြသာနာက ဖျားလျှင် အစားမစားဘူးဆိုပြီး မေမေတွေ ခဏခဏပြောလေ့ရှိပါတယ်၊ လူကြီးတွေလည်း ဖျားလျှင် ၊နေမကောင်းလျှင် ခံတွင်းပျက်တတ်ပါတယ်၊ ဒါ့ကြောင့် ကလေးတွေလည်း ဖျားလျှင် ပုံမှန်စားနေကြ အစားအစာကို စားချင်မှစားမှာပါ၊ အရင်ထက်ပိုဂျီကျတတ်ပါတယ်၊ ငြင်းဆန်လေ့ရှိပါတယ်၊

🛑အဲ့ဒီအချိန်မျိုးမှာ မေမေတွေက အဖတ်တွေ အတင်းကျွေးတာမျိုးမလုပ်ပဲ အရည်များများဝင်အောင် တိုက်သင့်ပါတယ်၊ ဓါတ်ဆားရည်၊ ဟင်းချိုရည်၊အုန်းရည်၊စွပ်ပြုတ်ရည်တို့ကို များများဝင်အောင်တိုက်သင့်ပါတယ်၊ နောက်ပြီး အစာပျော့ပျော့လေးတွေကို ပိုကျွေးသင့်ပါတယ်၊ ကလေးတွေ ဖျားတဲ့အချိန်မှာ တကြိမ် ၂ကြိမ်လောက်တော့ အန်တတ်ပါတယ်၊ အအန်ပျောက်ဆေးလေးတိုက်ပြီး နာရီဝက်လောက်ခြားပြီးမှ နည်းနည်းစီ ပြန်ကျွေးသင့်ပါတယ်၊ အကယ်၍ အအန်ပျောက်ဆေးတိုက်တာလည်း မသက်သာ ၊အရည်လည်းမဝင်၊ဆက်တိုက်အန်နေရင်တော့ ဆေးရုံသို့ ချက်ချင်းသွားပြသင့်ပါတယ်၊

✅️ အဖျားတိုင်းကြည့်လို့ အဖျားရှိလျှင် ပါရာစီတမောတိုက်သင့်ပါတယ် ၊ တိုက်တဲ့ အခါမှာလည်း မွေးကတည်းက ဆရာဝန်ကြီး ပြောထားတဲ့အတိုင်း ပမာဏကို ကလေးကြီးလာတဲ့အထိဆက်တိုက်နေလို့မရပါဘူး၊ ကလေးပါရာစီတမော အရည်တွေမှာ ပါဝင်တဲ့ ပမာဏလေးတွေကွာခြားသွားလို့ ကိုယ်တိုက်တဲ့ဆေးဗူးမှာ ရေးထားတဲ့ ပမာဏလေးကို သေချာသိဖို့လိုပါတယ်၊

🛑syrup or drop လား ၊ 100mg, 120mg ,125mg, 250mg/5ml ဆိုပြီး လာလေ့ရှိပါတယ်၊ ကိုယ့်ကလေး အသက်အရွယ် ၊ကိုယ်အလေးချိန်တို့နဲ့လိုက်ပြီး ဆေးပမာဏ ကို မှန်မှန်ကန်ကန်တိုက်မှ အဖျားကျမှာဖြစ်ပါတယ်

✅️တချို့ကလေးတွေမှာ ဖျားတာတင် မဟုတ်ပဲ နှာစေး ၊ချောင်းဆိုးလက္ခဏာတွေလည်း တွဲပါတတ်ပါတယ်၊ နှာစေးလျှင် နှာစေးပျောက်ဆေး cetirizine syrup or tablet တနေ့ ၂ကြိမ်ထိတိုက်ပေးလို့ရပါတယ်၊ ချောင်းဆိုးလျှင်တော့ ၆လအထက် ဆိုရင် သူ့အချိုးအစားအတိုင်း ချောင်းဆိုးပျောက်ဆေးအရည် ဆရာဝန်နဲ့ တိုင်ပင်ပြီး တိုက်လို့ရပါတယ်၊

🛑အရေးကြီးတာကတော့ ချောင်းဆိုးရင်း ရင်ကျပ်သလားဆိုတာ မေမေတို့အနေနဲ့ စောင့်ကြည့်ပေးဖို့လိုအပ်ပါတယ်၊ ကလေးက နံရိုးချိုင့်ဝင် အသက်ပြင်းပြင်းရှူရတာမျိုးရှိလား ၊ အသက်ရှူမြန်ပြီး တရှူရှူမြည်လားဆိုတာကို ဂရုစိုက်ကြည့်ပေးဖို့ လိုအပ်ပါတယ်၊ ထို အရေးပေါ်လက္ခဏာများရှိလျှင်တော့ ဆရာဝန်နဲ့ ပြသင့်ပါတယ်၊ အကယ်၍ အရေးပေါ်လက္ခဏာများမရှိလျှင်တော့ ချောင်းဆိုးတာ အရမ်းစိုးရိမ်ဖို့ မလိုပါဘူး၊ ကလေးတွေမှာ ချောင်းဆိုးရတာ အရှင်းပျောက်ဖို့ ၃ပတ်လောက် ကြာတတ်ပါတယ်၊ အဲ့ဒါကို မိဘတွေအနေနဲ့ စိတ်ပူပြီး ပိုးသတ်ဆေး သုံးလေးမျိုး ပြောင်းတိုက်၊ ဆရာဝန် တွေကို ပြောင်းပြောင်းပြတာမျိုးတွေ့ရလေ့ရှိပါတယ် ၊ပိုးသတ်ဆေး ကိုလည်း မလိုအပ်ရင် မတိုက်သင့်ပါဘူး ၊ ဆေးယဥ်ပါးဖြစ်သွားမှာကြောက်လို့ပါ၊

✅️ ကလေးအသက်အရွယ်အလိုက် ကာကွယ်ဆေးများကို ဆရာဝန်များနဲ့ တိုင်ပင်ပြီး မပျက်မကွက် ထိုးသင့်ပါတယ် ၊
ရာသီတုပ်ကွေးကာကွယ်ဆေးကိုလည်း ကလေးများ ဖျားနာခြင်းမှ ကင်းဝေးအောင် နှစ်စဥ်ထိုးပေးသင့်ပါတယ်၊

♥️ကျွန်မတို့ page မှလည်း ကလေးဆရာဝန်ကိုယ်တိုင် ကလေးများကို အိမ်တိုင်ရာရောက် လိုက်လံထိုးပေးနေပြီ ဖြစ်ပါကြောင်း အသိပေးအပ်ပါတယ်၊ စျေးနှုန်းများကို page messenger မှတဆင့် စုံစမ်း မေးမြန်းနိုင်ပါတယ်၊

♥️ကျန်းမာရေး ဗဟုသုတများကိုလည်း အလျဥ်းသင့်သလို ဖော်ပြပေးမှာ ဖြစ်တာကြောင့် ကျွန်မတို့ရဲ့ pageလေးကိုလည်း see first လုပ်ထားဖို့ မမေ့ကြပါနဲ့နော်၊

♥️ကလေးရောဂါဖြစ်စေ လူကြီးရောဂါဖြစ်စေ ရေးစေချင်တဲ့ အကြောင်းအရာခေါင်းစဥ်များကို လည်း commentမှာ ရေးထားပေးလို့ရပါတယ်၊
🙏🙏🙏အားလုံးပဲ ကျန်းမာပြီး အနာရောဂါ ကင်းရှင်းပါစေ🙏🙏🙏

#ဖြူစင်ကံ့ကော်

08/04/2022

မိုးရာသီ တုပ်ကွေးကာကွယ်ဆေး Vaxigrip Tetra (Myanmar FDA) လက်ဝယ်ရောက်ပြီမို့ Booking တင်နိုင်ပါပြီ။📣📣📣📣📣

📌ဆရာဝန်များကိုယ်တိုင် အိမ်အရောက်လာရောက်ထိုးနံပေးတဲ့ serviceလဲရှိပါတယ်။👩‍⚕️👨‍⚕️
📌စက်ရုံအလုပ်ရုံများ Company များအတွက် သီးသန့် packageတွေလဲရှိပါတယ်။
📌ဆေးချည်း သီးသန့်ဝယ်ယူလိုရင်လဲ ဆက်သွယ်နိုင်ပါတယ်။

ဒီ Ph noတွေက Booking တင်နိုင်သလို Page messengerကနေလဲ ဆက်သွယ်န်ုင်ပါတယ်။

☎09983286265
☎09956002993
☎09751715081
☎09943800173

04/04/2022

⛈️☔️ မိုးရာသီတုပ်ကွေးကာကွယ်ဆေးထိုးချင်သူများ ကျွန်မတို့ရဲ့ ဖြူစင်ကံ့ကော် page messenger လေးမှာ ကြိုတင်စာရင်းပေးသွင်းနိုင်ပြီ ဖြစ်ကြောင်း သတင်းကောင်းပါးအပ်ပါသည်။

💉ထိုးနှံနိုင်မယ့် ဆေးလေးက အခုမိုးရာသီအတွက် အသစ်ထွက်ရှိတဲ့ Vaxigrip tetra 2022 လေးမျိုးစပ် တုပ်ကွေးကာကွယ်ဆေးလေးပဲဖြစ်ပါတယ်

✳️ထူးခြားမှုအနေနဲ့ ကလေးတွေအတွက် တုပ်ကွေး ကာကွယ်ဆေး ထိုးနှံတဲ့အခါမှာ
👩‍⚕️🧑‍⚕️ ကလေးဆရာဝန်များကိုယ်တိုင် စနစ်တကျ ထိုးနှံပေးသွားမှာ ဖြစ်ပါတယ်ရှင့်✳️

🙆‍♂️🙆‍♀️မိမိ ကလေးကို ရာသီတုပ်ကွေး ကာကွယ်ဆေး အချိန်မှန်ထိုးနှံဖို့ အရမ်းအရေးကြီးပါတယ်၊
ကလေးငယ်လေးတွေ ဖျားပြီ ဆိုလျှင် ဒုက္ခအရောက်ဆုံးမှာ မိဘတွေပဲဖြစ်ပါတယ်၊ ဒါ့ကြောင့်မို့ နောက်မကျပဲ ကိုယ့်ကလေးငယ်လေးတွေကို စိတ်ချရတဲ့ ဆရာဝန်များနဲ့ထိုးနှံဖို့ အကြံပြုပါရစေရှင့်🙆‍♀️

💉Vaxigrip tetra ဆေးမှာ ကာကွယ်ပေးနိုင်တဲ့ virusတွေကတော့

(1) A / H1N1
(2) A /H3N2
(3) B/ Washington
(4) B/ Phuket
တို့ပဲဖြစ်ပါတယ်၊
👉 ထိုးနှံထားပါက ရောဂါဖြစ်ပွားခဲ့ရင်လည်း ရောဂါလက္ခဏာ မပြင်းထန်အောင် ကာကွယ်ပေးနိုင်ပါတယ် ရှင့်။

💉ဘယ်သူတွေ ထိုးနှံဖို့သင့်သလဲဆိုတော့

👉 (1) ကိုယ်ဝန်ဆောင်မိခင်များ
(2) အသက် ၆ လ အထက် ကလေးများ
(3) သက်ကြီးရွယ်အိုများ (အသက် ၆၅နှစ်အထက်)
(4) နာတာရှည်ရောဂါအခံရှိသူများ ( ဥပမာ- သွေးတိုး ဆီးချို နှလုံး အစသဖြင့် ရောဂါရှိသူများ )
(5) နေ့စဉ် လူနာများနှင့် ထိတွေ့နေရသည့် ကျန်းမာရေးဝန်ထမ်းများ
(6) သာမန် လူထုများ ဖြစ်ပါတယ်

💉ထိုးနှံခြင်း အကြိမ်ရေကတော့

👉 အသက် ၉ နှစ်အထက် ကလေးများနှင့် လူကြီး များဆိုလျှင်တော့ ၁ ကြိမ် ထိုးပေးရုံ နှင့် ကာကွယ်မှု ရရှိမှာပဲ ဖြစ်ပါတယ် ။

👉 အသက် ၉ နှစ်အောက် (တစ်ခါမျှ မထိုးဖူးသေးတဲ့) ကလေးသူငယ်တွေမှာဆိုရင်တော့ ပထမ အကြိမ် ထိုးပြီး (၁)လ အကြာတွင် ဒုတိယ အကြိမ် ထိုးနှံရပါမယ်။
အကယ်၍ အရင်က ထိုးနှံဖူးတယ်ဆိုရင်တော့ ၁ နှစ် ၁ ကြိမ် ပြန်ထိုးပေးရုံ နှင့် လုံလောက်ပါတယ်။

💉ဆိုးကျိုးတွေကော ဘာတွေဖြစ်နိုင်သေးလဲ

👉 ထိုးနှံပြီး ၃ ရက်အတွင်း ထိုးနှံတဲ့နေရာ အနည်းငယ် နာကျင်ခြင်း ( injection site pain )၊ နုံးခြင်း၊ ခေါင်းကိုက်ခြင်း၊ ကြွက်သားများ အားမရှိသလိုခံစားရခြင်း ၊ အနည်းငယ် ချမ်းစိမ့်စိမ့်ဖြစ်ခြင်း ၊အဖျားတက်ခြင်း အစရှိသဖြင့် ဖြစ်နိုင်ပါတယ်။ အများအားဖြင့် အဆိုပါလက္ခဏာများခံစားရပြီး (၃) ရက်အတွင်း အလိုလို ပြန်လည်သက်သာလာပါတယ်။
ကျွန်မတို့ ထိုးနှံဖူးတဲ့ အတွေ့အကြုံအရတော့ ပြင်းထန်တဲ့ လက္ခဏာခံစားရတဲ့ လူနာများကိုမတွေ့ဖူးသေးပါ ။ အလွန်အမင်း စိုးရိမ်စရာမလိုပဲ အနည်းငယ်မျှသာခံစားရခြင်းဖြစ်ပါတယ်။ 😊

🚥အောက်ပါအချက်များကိုလည်း သတိထားစေချင်ပါတယ်🚥

👉 ယခင်ကာကွယ်ဆေးများ၊ သောက်ဆေး၊ စားဆေးများ နှင့် ဓာတ် မတည့်ဖူးသူများ

👉 ကြက်ဥ ၊ ပရိုတိန်းဓာတ် ၊ နီယိုမိုင်စင်ဆေးဝါး ( neomycin ) ၊ formaldehyde ၊ octoxinol-9 နှင့် ဓာတ်မတည့်သူများ

👉ကာကွယ်ဆေး ထိုးနှံမည့်အချိန်တွင် အဖျားရောဂါဝေဒနာ ခံစားနေရသူများ

👉ပြီးခဲ့သည့်တစ်လအတွင်း တခြားကာကွယ်ဆေးထိုးနှံထားသောသူများအနေဖြင့် ထိုးနှံဖို့ မသင့်တော်ပါဘူးရှင်။

📋✏️ စာရင်းပေးသွင်းရာတွင် ထိုးမည့်ဆေးတွင် ထိုင်းအသိအမှတ်ပြုလား ၊ မြန်မာအသိအမှတ်ပြုလားဆိုတာ ဖော်ပြပေးပါစေချင်ပါတယ် ၊
🗓April လ တွင် မြန်မာ အသိအမှတ်ပြုဆေးကို ထိုးနှံနိုင်တော့မှာဖြစ်ပါတယ်။

👉ကုမ္ပဏီ ၊ ရုံး ၊ လုပ်ငန်းခွင်များသို့လည်း ဆရာဝန်များကိုယ်တိုင် စျေးနှုန်းသက်သာစွာဖြင့် cold chain မပျက်အောင် စနစ်တကျထိုးနှံပေးသွားမှာဖြစ်ပါတယ်ရှင့်

စာရင်းပေးသွင်းနိုင်မယ့် ဖုန်းနံပါတ်တွေကတော့
09983286265
09956002993
09751715081
09943800173 နှင့် page messengerမှတဆင့် ပေးသွင်းနိုင်ပါတယ်ရှင်

#ဖြူစင်ကံ့ကော်

Address

442/ 001 (မြေညီထပ်), သုဓ္ဓမစာရီလမ်း, မေတ္တာညွှန့်ရပ်ကွက်, တာမွေမြို့နယ်,
Yangon
11211

Telephone

+959983286265

Website

facebook.com

Alerts

Be the first to know and let us send you an email when ဖြူစင်ကံ့ကော် - PSKK posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ဖြူစင်ကံ့ကော် - PSKK:

ဖြူစင်ကံ့ကော် - PSKK