13/11/2022
👶 မွေးကင်းစကလေးအသားဝါခြင်း
❣ မွေးကင်းစကလေး အသားဝါနေလျှင်
✅ ဆေးရုံသို့ ချက်ချင်းပြပါ
✅ ချိန်းဆိုထားသည့်နေ့ မဟုတ်ပါကလည်း အချိန်မရွေး ပြန်ပြပါ
✅ လိုအပ်ပါက ဆေးမီးချောင်းပြခြင်း (Phototherapy) ကုသမှုခံယူရပါမည်
✅ စိုးရိမ်ရသည့် ပြင်းထန်အသားဝါခြင်းကို သွေးလဲလှယ်သည့်ကုထုံးဖြင့် ကုသရပါမည်ဖြစ်ပါသည်
▫
❣ မွေးကင်းစကလေး အသားဝါခြင်းသည်
✅ (၂) ရက်သားမှ (၁၄) ရက်သားအတွင်းတွင် ပုံမှန်ဖြစ်တတ်ပါသည်။ ကူးစက်ရောဂါမဟုတ်ပါ
✅ မျက်နှာမှစတင်ပြီး ခန္ဓာကိုယ်အောက်ပိုင်းအထိ အဝါရောင်ပျံ့နှံသွားလေ့ရှိပါသည်
✅ ရောဂါပြင်းထန်ခြင်းအဆင့်ကို သိရှိနိုင်ရန် လုံလောက်သောနေအလင်းရောင်အောက်တွင် အသားဝါခြင်းအမှတ်အတိုင်း ကြည့်နိုင်ပါသည်။ သို့မဟုတ် သွေးထဲတွင်ရှိသော အသားဝါဓာတ် (Bilirubin) ကို သွေးဖောက်စစ်ဆေးခြင်းဖြင့် သိရှိနိုင်ပါသည်။
▫
❣ မွေးကင်းစကလေးများ အသားဝါရသည့် အကြောင်းအရင်း
✅ မွေးကင်းစကလေး၏ အသည်းသည် အပြည့်အဝဖွံဖြိုးခြင်း မရှိသေးသည့်အတွက် သွေးထဲတွင် ပုံမှန်ထွက်ရှိလာသော Bilirubin များအား ခန္ဓာကိုယ်အပြင်သို့ စွန့်ထုတ်နိုင်ရန် နှောင့်နှေးခြင်း
✅ မိခင်သွေးအုပ်စုသည် Rh (-) ဖြစ်ပြီး ယခင်က Rh (+) ကလေး မွေးဖူးခဲ့ပါက နောက်ထပ်မွေးလာသော ကလေးတွင် Rh သွေးအုပ်စုဓာတ်မတည့်မှု ဖြစ်ပွားခြင်း
✅ ကလေးတွင် မွေးရာပါ G6PD အင်ဇိုင်းဓာတ်ချို့တဲ့ခြင်း
✅ မွေးဖွားစဉ်နှင့် မွေးဖွားပြီးနောက်ပိုင်းတွင် Bacteria (သို့မဟုတ်) Virus ရောဂါပိုးမွှားများ ဝင်ရောက်ပြီး ကလေးတွင် သွေးအဆိပ်တက်ခြင်း
▫
❣ အောက်ပါအခြေအနေများတွင် မွေးကင်းစကလေးအသားဝါခြင်းသည် အလွန်အရေးကြီးသဖြင့် ချက်ချင်းဆေးကုသမှုခံယူရမည် ဖြစ်ပါသည်
✅ မွေးပြီး (၂၄) နာရီအတွင်း အသားဝါလာခြင်း (သို့မဟုတ်) မွေးပြီး (၁၄) ရက်သားအထိ အသားဆက်ဝါနေသေးခြင်း
✅ အချိန်တိုအတွင်းတွင် တစ်ကိုယ်လုံးပျံ့နှံသွားခြင်း (သို့မဟုတ်) ခြေဖဝါး၊ လက်ဖဝါးအထိဝါခြင်း
✅ ကလေးနို့စို့နည်းသွားခြင်း (သို့မဟုတ်) နို့မစို့တော့ခြင်း
✅ ကလေးမှိန်းနေခြင်း/ နှိုးရခက်ခြင်း (သို့မဟုတ်) ခန္ဓာကိုယ် တောင့်တင်းနေခြင်း
✅ ချက် (သို့မဟုတ်) အရေပြားတို့တွင် ပြည်တည်နာများရှိခြင်း
❣ ပြင်းထန်သော အသားဝါခြင်းကြောင့် နောက်ဆက်တွဲဆိုးကျိုးများအနေဖြင့် ဦးနှောက်ဆဲလ်များထိခိုက်ပျက်စီးခြင်း (Kernicterus) ဖြစ်ပွားလျှင် ခန္ဓာကိုယ် လှုပ်ရှားမှုများ မထိန်းချုပ်နိုင်ခြင်းနှင့် အကြားအာရုံ ပျက်စီးခြင်းများ ခံစားရနိုင်သည့်အပြင် အသက်ပင်လျှင် ဆုံးရှူံးနိုင်ပါသည်။
▫
☎ 01-554412, 554413, 543278, 540455, 09-965120735
📍 အမှတ် (၇)၊ အရှေ့ရွှေဂုံတိုင်လမ်း၊ ဗဟန်းမြို့နယ်၊ ရန်ကုန်
---------------------------
Follow us on Facebook --> https://www.facebook.com/sscwomenscentre
Google Profile --> https://www.google.com/search?client=firefox-b-d...
Website --> http://www.pinlongrouphospitals.com/ssc-hospital
