https://www.facebook.com/108946045644243/

Ma Har Myaing Hospital, No. (308), Pyay Road, Sanchaung, Yangon (2026)

14/01/2026

🙏မင်္ဂလာပါခင်ဗျာ။ ဒီနေ့မှာတော့ လူကြီးမင်းတို့အတွက် တီဘီရောဂါနဲ့ပတ်သက်လို့ သိထားသင့်သမျှ ကျန်းမာရေးဗဟုသုတလေးများကို မျှဝေပေးချင်ပါတယ်ခင်ဗျာ👨🏼‍⚕️

🩺“ကျန်းမာခြင်းသည်လာဘ်တစ်ပါး” ဆိုတဲ့ ဆိုရိုးစကားလေးအတိုင်းဘဲ ကျန်းမာရေးဆိုတာ ငွေနဲ့ဝယ်လို့မရတဲ့ ရတနာတစ်ပါးပါ💎ဒီရတနာလေး ရှိနေတုန်းမှာ တန်ဖိုးထားတတ်ဖို့က အလွန်အရေးကြီးပါတယ်။ ခန္ဓာကိုယ်ရဲ့ ကျန်းမာရေး အနည်းငယ် ချို့ယွင်းလာပြီဆိုရင် ဘယ်လောက်ပဲ ကြွယ်ဝချမ်းသာနေပါစေ စိတ်ချမ်းသာမှုကို အပြည့်အဝ မရနိုင်တော့ပါဘူး။
👉ကြီးမားတဲ့ ရောဂါဝေဒနာတွေ မဖြစ်လာအောင် သေးငယ်တဲ့ အစပျိုးလက္ခဏာလေးတွေကို ကြိုတင်သတိပြုမိဖို့ အလွန်အရေးကြီးပါတယ်👈
📍ဒါကြောင့် လူကြီးမင်းတို့အနေနဲ့ သာမန်ချောင်းဆိုးတာလေးပဲဆိုပြီး မပေါ့ဆကြပါနဲ့။ ဒါပေမယ့် တစ်ခါတလေမှာ ကျွန်တော်တို့ဟာ သာမန်ချောင်းဆိုးတာပဲ၊ အလုပ်ပင်ပန်းလို့ နေမကောင်းတာပါဆိုပြီး ကိုယ့်ခန္ဓာကိုယ်က ပေးနေတဲ့ အချက်ပေးလက္ခဏာတွေကို လျစ်လျူရှုမိတတ်ကြပါတယ်။ အထူးသဖြင့် မြန်မာနိုင်ငံမှာ အဖြစ်များနေဆဲဖြစ်တဲ့ “တီဘီရောဂါ”ဟာ အချိန်မှီ မကုသရင် အသက်အန္တရာယ်ရှိနိုင်သလို၊ အချိန်မှီ ကုသမှုခံယူရင်လည်း ၁၀၀% အမြစ်ပြတ် ပျောက်ကင်းနိုင်တဲ့ ရောဂါတစ်ခု ဖြစ်ပါတယ်။

✅တီဘီရောဂါဆိုတာ ရှက်စရာမဟုတ်ပါ။
ရှေးယခင်က တီဘီရောဂါကို လူတောမတိုးတဲ့ရောဂါ၊ မျိုးရိုးလိုက်တဲ့ရောဂါလို့ မှားယွင်းစွာ ယူဆခဲ့ကြပါတယ်။ တကယ်တော့ တီဘီရောဂါဟာ ဘက်တီးရီးယားပိုး (Mycobacterium Tuberculosis) ကြောင့်ဖြစ်တဲ့ ကူးစက်ရောဂါတစ်ခုသာ ဖြစ်ပါတယ်။ လေထဲကနေတစ်ဆင့် ကူးစက်တတ်တာကြောင့် ဘယ်သူ့မှာမဆို ဖြစ်ပွားနိုင်ပါတယ်။ ဒါပေမယ့် တီဘီရောဂါဖြစ်တာဟာ ရှက်စရာမဟုတ်သလို၊ ခွဲခြားဆက်ဆံခံရမယ့် ကိစ္စလည်း မဟုတ်ပါဘူး။

✅သတိထားကြည့်ရမယ့် အချက်ပေးလက္ခဏာများ
သာမန်အအေးမိနှာစေးတာနဲ့ တီဘီရောဂါရဲ့ လက္ခဏာတွေက ဆင်တူယိုးမှား ရှိတတ်ပါတယ်။ ဒါပေမဲ့ အောက်ပါအချက်တွေ ခံစားနေရပြီဆိုရင်တော့ တီဘီဟုတ်/မဟုတ် စစ်ဆေးဖို့ အရေးကြီးနေပါပြီ။
👉ရှည်ကြာသောချောင်းဆိုးခြင်း-ချောင်းဆိုးတာ (၂) ပတ်ထက်ကျော်နေပြီလား? ဒါဟာ အဓိက အချက်ပေးလက္ခဏာပါပဲ။
👉ကိုယ်အလေးချိန်ကျခြင်း-အစားအသောက် ပုံမှန်စားသော်လည်း သိသိသာသာ ပိန်ကျလာခြင်း။
👉ဖျားခြင်း-အထူးသဖြင့် ညနေစောင်း (ဒါမှမဟုတ်) ညဘက်တွေမှာ အဖျားငွေ့ငွေ့လေး ဖျားခြင်း။
👉ညဘက်ချွေးထွက်ခြင်း-အခန်းအပူချိန် ပုံမှန်ရှိနေသော်လည်း ညဘက်မှာ ချွေးတွေ ရွှဲနေအောင် ထွက်ခြင်း။
👉ရင်ဘတ်အောင့်ခြင်းနှင့် သလိပ်ထဲသွေးပါခြင်း-ရောဂါအနည်းငယ် ရင့်လာပါက အသက်ရှူရခက်ခြင်းနှင့် သလိပ်ထဲမှာ သွေးစအနည်းငယ် ပါလာတတ်ပါတယ်။

✅ဘယ်လိုကူးစက်သလဲ? ဘယ်သူတွေ ပိုသတိထားရမလဲ?
တီဘီရောဂါပိုးဟာ ရောဂါရှိသူက 🤧ချောင်းဆိုး၊ နှာချေ၊ စကားပြောတဲ့အခါ လေထဲကို ပျံ့နှံ့သွားပါတယ်။ အဲဒီလေကို ရှူမိတဲ့သူတွေဆီ ကူးစက်နိုင်တာပါ။ အထူးသဖြင့် ကိုယ်ခံအားနည်းသူတွေ၊ ကလေးငယ်တွေ၊ သက်ကြီးရွယ်အိုတွေနဲ့ ရောဂါအခံတစ်ခုခုရှိနေသူတွေဟာ ပိုပြီး ဂရုစိုက်ဖို့ လိုအပ်ပါတယ်။

✅တီဘီရောဂါကိုပျောက်ကင်းအောင်ကုသဖို့အတွက် "လမ်းတစ်ဝက်မှာတင် လက်မလျှော့လိုက်ပါနဲ့"
တီဘီရောဂါရဲ့ ထူးခြားချက်က ဆေးသောက်ပြီး (၂) ပတ်လောက်ဆိုရင်ပဲ သိသိသာသာ နေကောင်းလာတာပါ။ အဲဒီအခါမှာ လူနာအများစုက ပျောက်ပြီအထင်နဲ့ ဆေးကို ရပ်လိုက်တတ်ကြပါတယ်။ ဒါဟာ အလွန်အန္တရာယ်ကြီးပါတယ်။ ဆေးကို ဆရာဝန်ညွှန်ကြားတဲ့အတိုင်း (၆) လ (သို့မဟုတ်) ထိုထက်မက ရက်ပြည့်အောင် မသောက်ရင် "ဆေးယဉ်ပါးတီဘီ" အဖြစ် ပြောင်းလဲသွားနိုင်ပြီး ကုသရတာ ပိုခက်ခဲသွားတတ်ပါတယ်🚨

🤒လူကြီးမင်းတို့အနေနဲ့ မိမိမှာ အထက်ပါရောဂါလက္ခဏာတွေ ရှိနေရင်ဖြစ်စေ၊ မိသားစုဝင်တစ်ဦးဦးမှာ သံသယရှိရင်ဖြစ်စေ မပေါ့ဆဘဲ နီးစပ်ရာဆေးရုံ/ဆေးခန်းကို အမြန်ဆုံး သွားရောက်ပြသဖို့ တိုက်တွန်းအပ်ပါတယ်။
👉တီဘီရောဂါဟာ စောစောသိ၊ စောစောကုရင် အမြန်ဆုံး ပျောက်ကင်းနိုင်ပါတယ်👈

🏥လူကြီးမင်းတို့ရဲ့ ကျန်းမာရေးနဲ့ပတ်သက်လို့ တိုင်ပင်ဆေးနွေးကုသဖို့လိုအပ်လာရင် ကျွန်တော်တို့မဟာမြိုင်ဆေးရုံကို အစဉ်အမြဲ ယုံကြည်စိတ်ချစွာ လာရောက်နိုင်ပါတယ်ခင်ဗျာ🚑
😊လူကြီးမင်းတို့ရဲ့ကျန်းမာရေးကို အစဉ်အမြဲ ဦးစားပေးစောင့်ရှောက်နိုင်ဖို့အတွက် ကျွန်တော်တို့မဟာမြိုင်ဆေးရုံရဲ့ကျန်းမာရေးဝန်ဆောင်မှုများကို ပိုမိုတိုးတက်ကောင်းမွန်လာအောင် စဉ်ဆက်မပြတ် ကြိုးပမ်းဆောင်ရွက်လျက်ရှိကြောင်းကိုလည်း လူကြီးမင်းတို့ထံ သတင်းကောင်းပါးအပ်ပါတယ်။
👩‍❤️‍👨လူကြီးမင်းတို့ရဲ့ချစ်ရတဲ့မိသားစုဝင်များ၊ သူငယ်ချင်းများနဲ့အတူ ရောဂါဘယကင်းဝေးပြီး ပျော်ရွှင်ကျန်းမာတဲ့ ဘဝလေးများကို ထာဝရပိုင်ဆိုင်နိုင်ကြပါစေလို့ ကျွန်တော်တို့ မဟာမြိုင်ဆေးရုံမိသားစုမှ ဆုတောင်းမေတ္တာပို့သအပ်ပါတယ်ခင်ဗျာ🙏

🏥မဟာမြိုင်ဆေးရုံ- အမှတ်(၃၀၈) ၊ပြည်လမ်း (မဟာမြိုင်မှတ်တိုင်အနီး) စမ်းချောင်းမြိုနယ်၊ရန်ကုန်မြို့။
အထူးကုဆရာဝန်ကြီးများနှင့် ပြသရန် Booking ပေးခြင်းများအတွက် ☎️Hot line phone no.- 09 940 299 990, 09 940 299 991 သို့ အချိန်မရွေး ဆက်သွယ်စုံစမ်းမေးမြန်းနိုင်ပါတယ်ခင်ဗျာ👨🏼‍⚕️

#အသက်ကလေးရယ်တဲ့ရှည်စေလိုမဟာမြိုင်ရိပ်ကိုခို
#တီဘီရောဂါ

12/01/2026

✅Medical field ထဲမှာ အလုပ်အကိုင် အခွင့်အလမ်းအသစ်တွေနဲ့ အတွေ့အကြုံအသစ်တွေရှာဖွေနေတဲ့သူတွေအတွက် မဟာမြိုင်ဆေးရုံကြီးမှာ ဝန်ထမ်းခေါ်ယူနေပါပြီရှင့်

▫️Customer Service staff - Female (2)posts
▫️Security staff - Male (2)posts

စိတ်ပါဝင်စားလို့ လာရောက်လျှောက်ထားလိုပါက
hrmanagr@maharmyainghospital.com
Viber No - 09787041997 သို့ ဆက်သွယ်လာရောက်လျှောက်ထားနိုင်သလို

No.308,Pay Road,SanChaung
သို့လည်း လူကိုယ်တိုင်လာရောက် လျှောက်ထားနိုင်ပါတယ်ရှင့်

12/01/2026

💚ကျွန်တော်တို့ မဟာမြိုင်ဆေးရုံကြီးရဲ့ ဌာနအသီးသီးမှာ
အားတက်သရော တာဝန်ထမ်းဆောင်နေကြတဲ့ ဝန်ထမ်းမိသားစုဝင်တွေအားလုံးကို
🎉ဂုဏ်ပြုတဲ့အနေနဲ့ "Annual Staff Party" ညစာစားပွဲလေးကို
(၅.၁.၂၀၂၆) နဲ့ (၆.၁.၂၀၂၆) ရက်နေ့တွေမှာ ပျော်ပျော်ပါးပါး ကျင်းပပေးခဲ့ပါတယ်။🎉

🎊ကျွန်တော်တို့ မဟာမြိုင်ဆေးရုံအနေနဲ့ ဝန်ထမ်းတွေရဲ့ ကြိုးစားအားထုတ်မှုတွေကို
အမြဲတစေ အသိအမှတ်ပြု တန်ဖိုးထားသလို၊ ပျော်ရွှင်စရာကောင်းတဲ့
လုပ်ငန်းခွင်လေးဖြစ်အောင်လည်း အစဉ်အမြဲ ဖန်တီးပေးလျက်ရှိပါတယ် ခင်ဗျာ။
💚ဒီလိုမျိုး စည်းလုံးညီညွတ်တဲ့ အင်အားနဲ့အတူ လူနာများအပေါ်မှာလည်း အကောင်းဆုံးနဲ့
အပြည့်ဝဆုံး ကျန်းမာရေးဝန်ဆောင်မှုတွေ ပေးနိုင်ဖို့ အစဉ်အမြဲကြိုးစားသွားမှာ
ဖြစ်ပါတယ်ခင်ဗျာ။

#အသက်ကလေးရယ်တဲ့ရှည်စေလိုမဟာမြိုင်ရိပ်ကိုခို

31/12/2025

🙏မဟာမြိုင်ဆေးရုံရဲ့ မိတ်ဆွေများအားလုံးအတွက်
ပျော်ရွှင်စရာ (၂၀၂၆) နှစ်သစ်ကူး အချိန်ကာလမှစတင်၍ မိသားစု မိတ်ဆွေသူငယ်ချင်း နှင့်အတူ
ဘေးဘယာအပေါင်းမှ ဝေးကွာပြီး ကျန်းမာ ချမ်းသာလန်းဖြာကြပါစေကြောင်း ဆုမွန်ကောင်းတောင်းပေးလိုက်ပါတယ် 🙏

25/12/2025

"🎄 ပျော်ရွှင်စရာ ခရစ္စမတ်အခါသမယ ဖြစ်ပါစေ 🎄
ယခုကျရောက်သော ၂၀၂၅ ခုနှစ်၊ ခရစ္စမတ်ပွဲတော်ရက်မြတ်မှာ လူသားအားလုံး ရောဂါဘယများ ကင်းဝေးပြီး စိတ်ချမ်းသာ၊ ကိုယ်ကျန်းမာခြင်းများဖြင့် ပြည့်စုံကြပါစေ။
ခရစ္စမတ်ရဲ့ မေတ္တာတရားတွေက သင့်ကို ပိုမိုကျန်းမာသန်စွမ်းပြီး အေးချမ်းတဲ့ ဘဝကို ပိုင်ဆိုင်နိုင်ဖို့ ခွန်အားတွေ ပေးစွမ်းနိုင်ပါစေကြောင်း မဟာမြိုင်ဆေးရုံ (Ma Har Myaing Hospital) မိသားစုမှ လှိုက်လှဲစွာ ဆုမွန်ကောင်း တောင်းလိုက်ရပါတယ်။ 🎅✨
"

23/12/2025

🙏မင်္ဂလာပါရှင်😊
🏥ကျွန်မတို့ မဟာမြိုင်ဆေးရုံမှာ ပြသနိုင်တဲ့
အထူးကုဆရာဝန်ကြီးများရဲ့ ဆေးခန်းထိုင်ချိန်များနဲ့ ပြသနိုင်တဲ့နေ့ရက်များကို လူကြီးမင်းတို့အတွက် အသိပေးအပ်ပါတယ်ရှင့်☺️

☺️လူကြီးမင်းတို့ရဲ့ ကျန်းမာရေးကို အစဉ်အမြဲ ဦးစားပေးစောင့်ရှောက်နိုင်ဖို့အတွက် ကျွန်မတို့မဟာမြိုင်ဆေးရုံရဲ့ ကျန်းမာရေးဝန်ဆောင်မှုများကို ပိုမိုတိုးတက်ကောင်းမွန်လာအောင် စဉ်ဆက်မပြတ် ကြိုးပမ်းဆောင်ရွက်လျက်ရှိကြောင်းကိုလည်း လူကြီးမင်းတို့ထံ သတင်းကောင်းပါးအပ်ပါတယ်ရှင့်🙏

👩🏻‍⚕️ဆရာဝန်ကြီးများရဲ့ ဆေးခန်းထိုင်ချိန်နဲ့ နေ့ရက်များမှာ
အခြေအနေအရ အပြောင်းအလဲရှိနိုင်ပါသဖြင့်
ကြိုတင် Appointment Booking ပြုလုပ်ပေးပါရန် မေတ္တာရပ်ခံအပ်ပါတယ်ရှင့်🙏

📍 မဟာမြိုင်ဆေးရုံ
အမှတ် (၃၀၈)၊ ပြည်လမ်း (မဟာမြိုင်မှတ်တိုင်အနီး)
စမ်းချောင်းမြို့နယ်၊ ရန်ကုန်မြို့။

📞 အထူးကုဆရာဝန်ကြီးများနှင့် ပြသရန် Booking ပြုလုပ်လိုပါက
Hotline ဖုန်းနံပါတ်များ ဖြစ်တဲ့
09 940 299 990 ၊ 09 940 299 991 သို့
အချိန်မရွေး ဆက်သွယ်မေးမြန်းနိုင်ပါတယ်ရှင့်🙏

11/12/2025

◽️ဒီအပတ်မှာတော့ ရင်သားကင်ဆာရောဂါအကြောင်းကို ကျန်းမာရေးဗဟုသုတအဖြစ် မျှဝေပေးချင်ပါတယ် ခင်ဗျာ။

◽️ရင်သားကင်ဆာရောဂါဟာ ကမ္ဘာတစ်ဝှမ်းလုံးမှာ အဖြစ်အများဆုံး အမျိုးသမီးကင်ဆာရောဂါ တွေထဲက တစ်ခုဖြစ်ပြီးတော့ ရောဂါဖြစ်ပွားနှုန်းဟာ အမျိုးသမီးကင်ဆာအားလုံးရဲ့ ၃၀% ခန့်လောက်ကိုရှိပါတယ်။

◽️ကမ္ဘာ့ကျန်းမာရေးအဖွဲ့ရဲ့ ၂၀၂၂ ခုနှစ် စစ်တမ်းများအရ အမျိုးသမီးဦးရေ ၂.၃ သန်းခန့်ဟာ နှစ်စဉ် ရင်သားကင်ဆာဖြစ်ပွားလျက်ရှိပြီးတော့ ၆၇၀,၀၀၀ ခန့် သေဆုံးနေပါတယ်။ ကမ္ဘာ့နိုင်ငံအများအပြားမှာလည်း ရင်သားကင်ဆာဖြစ်ပွားမှုနှုန်းဟာ နှစ်စဉ် ၃% ခန့် တိုးတက်လျက်ရှိပါတယ်။

✅ရင်သားကင်ဆာဖြစ်ပွားမှုနှုန်းဟာ ကမ္ဘာအနှံ့ကွဲပြားနေပေမယ့်လည်း ယေဘုယျအားဖြင့် နိုင်ငံရဲ့ ချမ်းသာကြွယ်ဝမှုနဲ့ ဆက်စပ်မှုရှိပါတယ်။ ချမ်းသာတဲ့ နိုင်ငံတွေမှာ အမျိုးသမီး ၁၂ ဦးမှာ ၁ ဦးနှုန်း ရင်သားကင်ဆာတွေ့ရှိရတတ်ပြီး ဝင်ငွေနည်းတဲ့ နိုင်ငံတွေမှာတော့ အမျိုးသမီး ၂၇ ဦးမှာ ၁ ဦးနှုန်း တွေ့ရှိရတတ်ပါတယ်။ အဲဒီကွာခြားမှုရဲ့ အဓိကအကြောင်းရင်းတွေကတော့ ရာသီသွေးပေါ်ခြင်းနဲ့ မျိုးဆက်ပွားခြင်းဆိုင်ရာ သမိုင်းကြောင်းကွာခြားမှုတွေကြောင့် ဖြစ်ပါတယ်။

✅ချမ်းသာတဲ့ နိုင်ငံတွေမှာနေထိုင်ကြတဲ့ အမျိုးသမီးများဟာ ရာသီသွေးပေါ်စောလေ့ရှိပြီးတော့ ကလေးမွေးချိန်နောက်ကျတတ်တာကြောင့် ဒီအချက်နှစ်ခုစလုံးဟာ ရင်သားကင်ဆာဖြစ်ပွားနိုင်ခြေကို မြင့်တက်စေတဲ့ အချက်တွေဘဲဖြစ်ပါတယ်။ ဝင်ငွေနည်းတဲ့ နိုင်ငံတွေမှာနေထိုင်ကြတဲ့ လူများကတော့ ရင်သားကင်ဆာ စစ်ဆေးကုသမှုများကို ရရှိနိုင်ဖို့ ပိုမိုခက်ခဲတဲ့အတွက် ရင်သားကင်ဆာကြောင့် သေဆုံးမှုနှုန်းမှာတော့ ပိုမိုမြင့်မားနေလေ့ရှိပါတယ်။
ချမ်းသာတဲ့နိုင်ငံတွေမှာ အမျိုးသမီး ၇၁ ဦးမှာ ၁ ဦးနှုန်း ရင်သားကင်ဆာကြောင့် နှစ်စဉ်သေဆုံးပြီး ဝင်ငွေနည်းတဲ့ နိုင်ငံတွေမှာတော့ အမျိုးသမီး ၄၈ ဦးမှာ ၁ ဦးနှုန်း သေဆုံးနေပါတယ်။

❗️ရင်သားကင်ဆာရဲ့ ရှေ့ပြေး ရောဂါလက္ခဏာတွေကတော့-
၁။ ရင်သားမှာ အလုံးအကျိတ်များ ပေါ်လာခြင်း။
• ရင်သား (သို့မဟုတ်) ချိုင်းကြားအောက်မှာ အရင်တုန်းက မရှိခဲ့ဘဲ အသစ်ပေါ်လာတဲ့ အလုံးအကျိတ်များကို စမ်းမိခြင်းဟာ အဖြစ်အများဆုံးနဲ့ အစောဆုံးသော ရောဂါလက္ခဏာဖြစ်ပါတယ်။
၂။ အရေပြားမှာ ပြောင်းလဲမှုများ ဖြစ်ပေါ်လာခြင်း။
• အရေပြားတွန့်ခြင်း-ရင်သားအရေပြားဟာ ချိုင့်ခွက်ဝင်နေခြင်း၊ တွန့်လိပ်နေခြင်း (သို့မဟုတ်) လိမ္မော်သီးခွံ ကဲ့သို့ မျက်နှာပြင်ပုံစံ ပြောင်းလဲသွားခြင်း။
• နီမြန်းရောင်ရမ်းခြင်း-ရင်သားအရေပြားဟာ နီရဲပြီး ပန်းရောင် (သို့မဟုတ်) ခရမ်းရောင် ဖျော့ဖျော့သို့ ပြောင်းလဲသွားခြင်း။
• အရေပြားကွာခြောက်ခြင်း- ရင်သား/နို့သီးခေါင်းပေါ်မှာရှိတဲ့ အရေပြားဟာ အချပ်လိုက်ကွာကျခြင်း (သိုမဟုတ်) ကွဲအက်ခြောက်သွေ့နေခြင်း။
၃။ နို့သီးခေါင်းမှာ ပြောင်းလဲမှုများ ဖြစ်ပေါ်ခြင်း။
• အရည်များစိမ့်ထွက်ခြင်း-နို့သီးခေါင်းကနေ ပုံမှန်မဟုတ်တဲ့ အရည်များ (ဥပမာ - သွေးနှင့်ရောနေတဲ့ အရည်များ) စိမ့်ထွက်နေခြင်း။
• အတွင်းဘက်သို့ ချိုင့်ဝင်သွားခြင်း-နို့သီးခေါင်းဟာ ရုတ်တရက် အတွင်းဘက်သို့ စုပ်ဝင်သွားသလို ဖြစ်သွားခြင်း။
• ယားယံအနီကွက်ထခြင်း-နို့သီးခေါင်းပတ်လည်မှာ လုံးဝပျောက်ကင်းမသွားဘဲ ယားယံတဲ့ အနီကွက်များထနေခြင်း။
၄။ ရင်သားရဲ့ ပုံသဏ္ဍာန် သို့မဟုတ် အရွယ်အစား ပြောင်းလဲခြင်း။
• ရင်သားနှစ်ဖက်ဟာ ပုံသဏ္ဍာန် (သို့မဟုတ်) အရွယ်အစား ကွဲလွဲမှု (Asymmetry) ဖြစ်လာခြင်း။
၅။ ချိုင်းကြားတွင် အလုံးပေါ်ခြင်း။
• ချိုင်းကြားအောက်တွင် အသစ်ပေါ်လာတဲ့ အလုံး (သို့မဟုတ်) ရောင်ရမ်းခြင်း။
၆။ နာကျင်မှုခံစားရခြင်း
• ဓမ္မတာလာချိန်နှင့် မဆိုင်ဘဲ ရင်သား (သို့မဟုတ်) နို့သီးခေါင်းမှာ ကြာရှည်စွာ နာကျင်ကိုက်ခဲခြင်း။
စတဲ့ ရောဂါလက္ခဏာတွေ ခံစားလာရပြီဆိုရင်တော့ မပေါ့ဆဘဲ သက်ဆိုင်ရာ ဆရာဝန်ကြီးများနဲ့ တိုင်ပင်ဆွေးနွေးကုသဖို့ အကြံပြုချင်ပါတယ် ခင်ဗျာ။

❗️ရင်သားကင်ဆာကို ဘယ်လို ကာကွယ်ကြမလဲ?
ရင်သားကင်ဆာကို အပြည့်အဝကာကွယ်ဖို့ဆိုတာ မလွယ်ပေမယ့် ဖြစ်နိုင်ခြေကို လျှော့ချလို့ရတဲ့ နည်းလမ်းတွေတော့ ရှိပါတယ်။

❗️ကိုယ်တိုင်စမ်းသပ်စစ်ဆေးပါ-တစ်လတစ်ခါ ရင်သားကို ကိုယ်တိုင်စမ်းသပ်ပြီး အဖုအကျိတ်ရှိ/မရှိ စစ်ဆေးတာဟာ အရေးကြီးဆုံးပါပဲ။
ပုံမှန် ဆေးစစ်ပါ-အသက် ၄၀ ကျော်လာပြီဆိုရင် Mammogram (ရင်သားဓာတ်မှန်) ကို ပုံမှန်ရိုက်သင့်ပါတယ်။

❗️ကျန်းမာတဲ့နေထိုင်မှုပုံစံ-ကျန်းမာရေးနဲ့ညီညွတ်တဲ့ အစားအသောက်တွေစားပြီး လေ့ကျင့်ခန်း ပုံမှန်လုပ်ပေးပါ။
ရင်သားကင်ဆာဆိုတာ စောစောစီးစီး သိရှိပြီး ကုသနိုင်ရင် ပျောက်ကင်းနိုင်ခြေ အရမ်းများတဲ့ ရောဂါတစ်ခုပါ။

❗️ ဒါကြောင့် ပုံမှန်စစ်ဆေးဖို့နဲ့ ကိုယ့်ခန္ဓာကိုယ်မှာ ပုံမှန်မဟုတ်တာတွေ တွေ့ရင် မပေါ့ဆဘဲ ဆရာဝန်နဲ့ ပြသဖို့ အရေးကြီးကြောင်း သတိပေးချင်ပါတယ်။
✅ဒီအကြောင်းအရာလေးတွေကတော့ လူကြီးမင်းတို့အတွက် ရင်သားကင်ဆာရောဂါအကြောင်းကို ပိုပြီး နားလည်လွယ်အောင် ကူညီပေးနိုင်လိမ့်မယ်လို့ မျှော်လင့်ပါတယ် ခင်ဗျာ။

👉ရင်သားကင်ဆာရောဂါနဲ့ပတ်သက်လို့ တိုင်ပင်ဆွေးနွေး၊ ကုသဖို့ လိုအပ်လာရင် ကျွန်တော်တို့ မဟာမြိုင်ဆေးရုံကြီးမှာ အထူးကုဆရာဝန်ကြီးများနဲ့ အချိန်မရွေး လာရောက်တိုင်ပင်ဆွေးနွေးပြီး ကုသလို့ရနိုင်ပါကြောင်း သတင်းကောင်းပါးအပ်ပါတယ်။

✅လူကြီးမင်းတို့ရဲ့ချစ်ရတဲ့မိသားစုဝင်များနဲ့ သူငယ်ချင်းများကိုလည်း ရင်သားကင်ဆာရောဂါအန္တရာယ်ကနေ ကာကွယ်နိုင်ကြပါစေ လို့ မဟာမြိုင်ဆေးရုံမိသားစုမှ ဆုတောင်းမေတ္တာပို့သအပ်ပါတယ် ခင်ဗျာ။

✅မဟာမြိုင်ဆေးရုံ- အမှတ်(၃၀၈) ၊ပြည်လမ်း (မဟာမြိုင်မှတ်တိုင်အနီး) စမ်းချောင်းမြိုနယ်၊ရန်ကုန်မြို့။
အထူးကုဆရာဝန်ကြီးများနှင့် ပြသရန် Booking ပေးခြင်းများအတွက် Hot line phone no.- 09 940 299 990, 09 940 299 991 သို့ အချိန်မရွေး ဆက်သွယ်စုံစမ်းမေးမြန်းနိုင်ပါတယ် ခင်ဗျာ။

#မဟာမြိုင်ဆေးရုံ
#ရင်သားကင်ဆာအကြောင်း

#အသက်ကလေးရယ်တဲ့ရှည်စေလိုမဟာမြိုင်ရိပ်ကိုခို

05/12/2025

🛑 အသည်းရောင် အသားဝါ (ဘီပိုး) ဆိုတာ ဘာလဲ? (Hepatitis B Information)
🚨 သိထားသင့်တဲ့ အချက်များ
အသည်းရောင် အသားဝါ ဘီပိုး (Hepatitis 😎 ဟာ အသည်းကို ထိခိုက်စေတဲ့ ဗိုင်းရပ်စ်ပိုး 🦠 တစ်မျိုးဖြစ်ပြီး စနစ်တကျ မကုသရင် အသည်းခြောက်ခြင်း၊ အသည်းကင်ဆာ ♋️ စတဲ့ အသက်အန္တရာယ်ရှိတဲ့ နောက်ဆက်တွဲ ပြဿနာတွေ ဖြစ်စေနိုင်ပါတယ်။
🩸 ဘီပိုး ဘယ်လို ကူးစက်သလဲ?
ဘီပိုးဟာ အောက်ပါ ကိုယ်တွင်းအရည်များ (Body Fluids) မှတစ်ဆင့် ကူးစက်နိုင်ပါတယ်။
သွေး: 💉 သွေးသွင်းခြင်း၊ ပိုးမသန့်စင်သော ဆေးထိုးအပ်/ပစ္စည်းများ သုံးစွဲခြင်း။
လိင်ဆက်ဆံခြင်း: 💑 ကာကွယ်မှုမရှိဘဲ လိင်ဆက်ဆံခြင်း။
မိခင်မှကလေးသို့: 🤰 မွေးဖွားချိန်တွင် မိခင်မှ ကလေးသို့ ကူးစက်ခြင်း။
❌ သတိပြုရန်- နှာချေခြင်း၊ ချောင်းဆိုးခြင်း၊ လက်ဆွဲနှုတ်ဆက်ခြင်း၊ အတူစားသောက်ခြင်း တို့ဖြင့် လုံးဝ မကူးစက်နိုင်ပါ။
🛡 ကာကွယ်ခြင်းနှင့် ကုသခြင်း
ဘီပိုးကို ထိရောက်စွာ ကာကွယ်ကုသနိုင်ပါပြီ! ✅
ကာကွယ်ဆေး ထိုးခြင်း (Vaccination):
ဘီပိုးကို ကာကွယ်ဖို့အတွက် အကောင်းဆုံးနှင့် အထိရောက်ဆုံးနည်းလမ်း 👍 ဖြစ်ပါတယ်။
ကလေးငယ်များ၊ ကျန်းမာရေးဝန်ထမ်းများ၊ ဘီပိုးရှိသူနှင့် အတူနေသူများ မဖြစ်မနေ ထိုးသင့်ပါတယ်။
ပုံမှန် စစ်ဆေးခြင်း (Screening):
ရောဂါလက္ခဏာ မပြဘဲ ခံစားနေရနိုင်လို့ သွေးစစ်ဆေးမှု 🔬 ပြုလုပ်ရန် အရေးကြီးပါတယ်။
အချိန်မီ ကုသခြင်း (Treatment):
နာတာရှည် ဘီပိုးရှိသူများအတွက် ဗိုင်းရပ်စ်ပိုးပွားမှုကို ထိန်းချုပ်ပေးနိုင်တဲ့ဆေးဝါးများလဲ 💊 ရှိပါတယ်ရှင့်။
ပုံမှန် ဆရာဝန်နှင့် ပြသပြီး ကုသမှု ခံယူခြင်းဖြင့် အသည်းပျက်စီးမှုကို အတိုင်းအတာ တစ်ခုထိတော့ ကာကွယ်နိုင်ပါတယ်။
🏥 လူကြီးမင်းတို့၏ချစ်ရတဲ့ မိသားစုဝင်များနှင့် သူငယ်ချင်းများ အသည်းရောင်အသားဝါ ဘီပိုးရောဂါမှ ကင်းဝေးစေဖို့...
✨ ဘီပိုးရှိ/မရှိ သွေးစစ်ပါ!
✨ ဘီပိုး ကာကွယ်ဆေး ထိုးပါ!
✨ နာတာရှည် ဘီပိုးရှိပါက ဆရာဝန်နှင့် အမြဲတိုင်ပင်ပါ!
ကျွန်မတို့ မဟာဆေးရုံရဲ့ ကျွမ်းကျင်တဲ့ အသည်းအထူးကု ဆရာဝန်ကြီးများနဲ့လည်း အချိန်မရွေး တိုင်ပင်ဆွေးနွေးလို့ရနိုင်ပါတယ်ရှင့့််။
📍 လိပ်စာ: No.308, Pyay Road, SanChaung Township, Yangon
☎️ ဖုန်းနံပါတ်များ: 09 940299990, 09 940299991

28/11/2025

✅Medical field ထဲမှာ အလုပ်အကိုင် အခွင့်အလမ်းအသစ်တွေနဲ့ အတွေ့အကြုံအသစ်တွေရှာဖွေနေတဲ့သူတွေအတွက် မဟာမြိုင်ဆေးရုံကြီးမှာ ဝန်ထမ်းခေါ်ယူနေပါပြီရှင့်
▫️ SR.Medical.Medical Officer - Male/Female (4)posts
စိတ်ပါဝင်စားလို့ လာရောက်လျှောက်ထားလိုပါက
hrmanagr@maharmyainghospital.com
Viber No - 09787041997 သို့ ဆက်သွယ်လာရောက်လျှောက်ထားနိုင်သလို
✅No.308,Pay Road,SanChaung
သို့လည်း လူကိုယ်တိုင်လာရောက် လျှောက်ထားနိုင်ပါတယ်ရှင့်

27/11/2025

🙏လူကြီးမင်းတို့ရဲ့ကျန်းမာရေးနဲ့ပတ်သက်သော ကိစ္စအဝဝအတွက် ဆွေးနွေးတိုင်ပင်ပြသဖို့ အခက်အခဲရှိနေပါသလား?😊

🏥👩🏻‍⚕️ကျွန်မတို့ မဟာမြိုင်ဆေးရုံကြီးမှာ အတွေ့အကြုံပြည့်ဝတဲ့ အထွေထွေရောဂါကုသမားတော်ကြီးများနဲ့ တိုင်ပင်ဆွေးနွေးပြသဖို့အတွက် အခုဘဲ Booking လုပ်ထားလိုက်တော့နော်😊

🏥မဟာမြိုင်ဆေးရုံ- အမှတ်(၃၀၈) ၊ပြည်လမ်း (မဟာမြိုင်မှတ်တိုင်အနီး) စမ်းချောင်းမြိုနယ်၊ရန်ကုန်မြို့။

☎️Hot line phone no.- 09 940 299 990, 09 940 299 991 သို့ အချိန်မရွေး ဆက်သွယ်စုံစမ်းမေးမြန်းနိုင်ပါတယ်ရှင့်👩🏻‍⚕️

#အသက်ကလေးရယ်တဲ့ရှည်စေလိုမဟာမြိုင်ရိပ်ကိုခို

19/11/2025

ကဲ ... ဒီတစ်ပတ်မှာတော့ Vertigo လို့လူသိများကြတဲ့ “ချာချာလည်အောင်ခေါင်းမူးဝေခြင်း” ဆိုတဲ့ အကြောင်းအရာလေးကို ကျန်းမာရေးဗဟုသုတအဖြစ် မျှဝေပေးချင်ပါတယ်ရှင့် ... ။

🌀 Vertigo (ချာချာလည်အောင်ခေါင်းမူးဝေခြင်း) ဆိုတာ သာမန်ခေါင်းမူးနေခြင်းမျိုး (လုံးဝ) မဟုတ်ပါဘူး။

👨‍⚕️အဲ့ဒီလိုမျိုး မကြာခဏဆိုသလို မူးနေတတ်တယ်ဆိုရင်တော့ လူကြီးမင်းတို့အနေနဲ့ နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသကြည့်ဖို့ လိုအပ်လာပါပြီရှင့်။
ခေါင်းမူးပြီဆိုတာနဲ့ ...
✨ ချာချာလည်အောင်မူးဝေသွားတယ်၊
✨ ချား/ရဟတ်စီးသလိုမျိုး လှည့်ပတ်နေသလိုခံစားရတယ်၊
✨ တစ်ခါတစ်လေကျရင် မိုက်ခနဲဖြစ်ပြီးမှ ခေါင်းထဲမှာချာချာလည်သွားတယ်၊
✨ လမ်းသွားရင် ဒယီးဒယိုင်ဖြစ်နေတတ်တယ် ... ဆိုရင်တော့ ဒီလက္ခဏာတွေဟာ Vertigo လို့ခေါ်တဲ့
နားထဲမှာရှိတဲ့ Balance ထိန်းညှိပေးတဲ့ System ပျက်ခြင်း ရဲ့အဓိကလက္ခဏာတွေပါဘဲ။
❗️ Vertigo ဆိုတဲ့ရောဂါကို “အိပ်ပျော်အောင်အိပ်လိုက်ရင်တော့သက်သာသွားလိမ့်မယ်” လို့ မထင်လိုက်ပါနဲ့။

Vertigo ကို ဖြစ်စေတတ်တဲ့ အဓိကအကြောင်းအရင်းတွေကတော့-
🔸 Benign Paroxysmal Positional Vertigo (နားထဲမှာရှိတဲ့ ကမ္ဘာမြေဆွဲအားနဲ့ ခန္ဓာကိုယ်ရဲ့Balance ကိုအာရုံခံပေးတဲ့ Otoconia Crystal လေးတွေနေရာမမှန်ခြင်းကြောင့်ခေါင်းမူးခြင်း)
🔸 Ménière’s Disease (နားအတွင်းပိုင်းမှာရှိတဲ့ Endolymph လို့ခေါ်တဲ့ အရည်ဖိအားများလာပြီး Balance system ပျက်သွားခြင်းကြောင့် ခေါင်းမူးခြင်း)
🔸 Vestibular Neuritis (နားအတွင်းမှာရှိတဲ့ ခန္ဓာကိုယ် Balance ကိုထိန်းညှိပေးတဲ့အာရုံကြောရောင်ရမ်းခြင်း) စတဲ့ အကြောင်းအရင်းတွေကတော့ Vertigo ဖြစ်စေတဲ့ အဓိကအဖြစ်အများဆုံး အကြောင်းအရင်းတွေဘဲဖြစ်ပါတယ်။
အဖြစ်အနည်းဆုံးအကြောင်းအရင်းတွေကတော့-
🔸 Stroke (ဦးနှောက်သွေးကြောပိတ်၍လေဖြတ်ခြင်း)
🔸Brain Tumor (ဦးနှောက်အတွင်း အဖုအကျိတ်ရှိခြင်း)
🔸Head injury/trauma (ဦးခေါင်းထိခိုက်ခြင်း)
🔸 Stress (စိတ်ဖိစီးမှုများခြင်း)
🔸 Migraine (ခေါင်းတခြမ်းကိုက်ခြင်း)
🔸 Ear Pressure Imbalance (နားနှစ်ဖက်အတွင်းဖိအားမညီမမျှဖြစ်ခြင်း) စတဲ့အကြောင်းအရာတွေဘဲဖြစ်ပါတယ်။

➡️ ဒီရောဂါဟာ သေသေချာချာ မစစ်ဆေးမကုသရင် ပိုဆိုးလာနိုင်ပြီး
အလုပ်လုပ်မရ၊ သွားလာရခက်နဲ့ နေ့စဉ် Life style ကိုပါထိခိုက်လာနိုင်တဲ့အထိ ဖြစ်လာနိုင်ပါတယ်။

👉 ဒါကြောင့်မို့ Vertigo ဆိုတဲ့ရောဂါဆိုတာ ရိုးရိုးသာမန်ခေါင်းမူးခြင်းမျိုး မဟုတ်ဘဲနဲ့ ကုသမှုနောက်ကျရင်ရောဂါပြင်းထန်စေမယ့်ကိစ္စမို့
စောစောလာရောက်စစ်ဆေးကုသဖို့ အကြံပေးချင်ပါတယ်❤️

👩‍⚕️လူကြီးမင်းတို့အနေနဲ့ အတွေ့အကြုံပြည့်ဝတဲ့ နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ တိုက်ရိုက်တိုင်ပင်ဆွေးနွေးပြီး စောစောစီးစီး စစ်ဆေးကုသနိုင်ဖို့အတွက် ကျွန်မတို့မဟာမြိုင်ဆေးရုံသို့ အချိန်မှီ အရောက်လှမ်းခဲ့ဖို့ ဖိတ်ခေါ်အပ်ပါတယ်ရှင့်🙏

👩‍❤️‍👨လူကြီးမင်းတို့ရဲ့ချစ်ရတဲ့မိသားစုဝင်များ၊ သူငယ်ချင်းများနဲ့အတူ ရောဂါဘယကင်းဝေးပြီး ပျော်ရွှင်ကျန်းမာတဲ့ ဘဝလေးများကို ထာဝရပိုင်ဆိုင်နိုင်ကြပါစေလို့ ကျွန်မတို့ မဟာမြိုင်ဆေးရုံမိသားစုမှ ဆုတောင်းမေတ္တာပို့သအပ်ပါတယ် ရှင့်🙏

🏥မဟာမြိုင်ဆေးရုံ- အမှတ်(၃၀၈) ၊ပြည်လမ်း (မဟာမြိုင်မှတ်တိုင်အနီး) စမ်းချောင်းမြိုနယ်၊ရန်ကုန်မြို့။

👩🏻‍⚕️အထူးကုဆရာဝန်ကြီးများနှင့် ပြသရန် Booking ပေးခြင်းများအတွက် ☎️Hot line phone no.- 09 940 299 990, 09 940 299 991 သို့ အချိန်မရွေး ဆက်သွယ်စုံစမ်းမေးမြန်းနိုင်ပါတယ်ရှင့်👩🏻‍⚕️

14/11/2025

✅အခုပြောပြပေးချင်တဲ့အကြောင်းအရာလေးကတော့ ကျွန်မတို့ မဟာမြိုင်ဆေးရုံမှာ

✅ခေတ်မှီတိကျတဲ့ စက်ကိရိယာများနဲ့
အတွေ့အကြုံပြည့်ဝတဲ့ ဆရာဝန်ကြီးများရဲ့
ကျန်းမာရေးစောင့်ရှောက်မှုဖြင့်
X-Ray နဲ့ Ultrasound ဓာတ်မှန်ဝန်ဆောင်မှုများကို
ရရှိနိုင်ပါပြီရှင့်။

🩺 Ultrasound ဝန်ဆောင်မှုများအဖြစ်
📌 Abdomen & Pelvic (ဝမ်းဗိုက်)
📌 Breast & Axilla (ရင်သားနှင့် ဂျိုင်း)
📌 Doppler & Vascular (သွေးကြောများကိုကြည့်ရှု၍ရသော Doppler Ultrasound)
📌 Neck (လည်ပင်း)
📌 Sc***um (ကပ္ပါယ်အိတ်)
📌 TVS (မိန်းမကိုယ်တွင်းရိုက် Ultrasound) စတဲ့ ဝန်ဆောင်မှုများကို ရရှိနိုင်ပါတယ်။

✅X-Ray ဓာတ်မှန်ဝန်ဆောင်မှု အနေနဲ့ကတော့ (၂၄)နာရီလုံး ရရှိနိုင်မှာဖြစ်ပါတယ်ရှင့်။

✅ဒါကြောင့် လူကြီးမင်းတို့ရဲ့ချစ်ရတဲ့မိသားစုဝင်များရဲ့ကျန်းမာရေးအတွက် X-ray နဲ့ Ultrasound ဓာတ်မှန်စစ်ဆေးမှုတိုင်းမှာ တိကျမှု၊ မှန်ကန်မှု၊ စျေးနှုန်းမျှတမှု ရှိစေရန်အတွက် ကျွန်မတို့မဟာမြိုင်ဆေးရုံကို ယခုဘဲဆက်သွယ်လိုက်ပါနော်။

✅ဓာတ်မှန်အထူးကုဆရာဝန်ကြီးများနှင့်လည်း အချိန်မရွေးတိုင်ပင်ဆွေးနွေးလို့ ရနိုင်ပါတယ်ရှင့်။

လိပ်စာ-မဟာမြိုင်ဆေးရုံ၊ အမှတ်(၃၀၈) ၊ပြည်လမ်း (မဟာမြိုင်မှတ်တိုင်အနီး) စမ်းချောင်းမြိုနယ်၊ရန်ကုန်မြို့။

▫️အထူးကုဆရာဝန်ကြီးများနှင့် ပြသရန် Booking ပေးခြင်းများအတွက် Hot line phone no.- 09 940 299 990, 09 940 299 991 သို့ အချိန်မရွေး ဆက်သွယ်စုံစမ်းမေးမြန်းနိုင်ပါတယ်ရှင့်။

#မဟာမြိုင်ဆေးရုံ
#အသက်ကလေးရယ်တဲ့ရှည်စေလိုမဟာမြိုင်ရိပ်ကိုခို

Ma Har Myaing Hospital

14/01/2026

12/01/2026

12/01/2026

31/12/2025

25/12/2025

23/12/2025

11/12/2025

05/12/2025

28/11/2025

27/11/2025

19/11/2025

14/11/2025

Address

Website

Alerts

Shortcuts

Share

Category