07/10/2022
👨⚕️ ကျောက်ကပ်ရောဂါ ဖြစ်နိုင်တဲ့
📑 "လက္ခဏာ ၁၀" ခု
🩺 ပုံမှန်ထက် ပိုမိုပင်ပန်းနွမ်းနယ်ခြင်း၊ အားနည်းလွယ်ခြင်း၊ အာရုံစူးစိုက်ရန်ခက်ခဲခြင်း
🔰 ကျောက်ကပ်ရဲ့လုပ်ဆောင်နိုင်စွမ်း ကျဆင်းလာတာနှင့်အမျှ သွေးအတွင်းမှာလဲ အဆိပ်အတောက်များနှင့်အညစ်ကြေးများ ပိုမိုစုပုံလာစေပါတယ်။
🔰 ထိုစုပုံလာခြင်းသည် လူကို ပင်ပန်းနွမ်းနယ်စေပြီး အာရုံစူးစိုက်ရန် ခက်ဲခလာစေပါတော့တယ်။
🔰 ဘေးထွက်ဆိုးကျိုးထဲမှ တစ်ခု အပါအဝင်ဖြစ်သော Anemia လို့ခေါ်တဲ့ သွေးအားနည်းခြင်း ကြောင့်လဲ အားနည်းခြင်း မောပန်းခြင်းတို့ကိုဖြစ်ပေါ်စေပါတယ်။
🩺 ကောင်းကောင်း အိပ်မပျော်ခြင်း
👆 အပေါ်မှာ ဖေါ်ပြခဲ့သလို ကျောက်ကပ်အလုပ်ကောင်းကောင်း မလုပ်နိုင်တဲ့အခါ သွေးတွင်းမှာရှိတဲ့ အဆိပ်အတောက်များဟာ ဆီး မှတဆင့် ခန္ဓာကိုယ်မှထွက်ခွာမည့်အစား သွေးထဲမှာဘဲ ဆက်လက်ရှိနေပါတယ်။
🔰 ထိုအဆိပ်အတောက်များသည် လူကို ကောင်းကောင်း အိပ်မပျော်ခြင်းဖြစ်စေပါတယ်။
🔰 နာတာရှည်ကျောက်ကပ်ရောဂါ သည် အဝလွန်ခြင်းနှင့်တွဲဖြစ်လေ့ရှိပြီး အိပ်မပျော်ခြင်းသည် အဝလွန်ပြီး ကျောက်ကပ်ရောဂါဖြစ်နေတဲ့လူတွေမှာ ပိုအဖြစ်များပါတယ်။
🩺 အသားရည်ခြောက်ကပ်ခြင်း၊ ယားယံခြင်း
🔰 ကျန်းမာနေတဲ့ကျောက်ကပ်တစ်ခုရဲ့ အဓိကလုပ်ဆောင်နိုင်စွမ်းတွေကိုပြောပြဆိုရင်တော့အများကြီးပါဘဲ။
🔰 ခန္ဓာကိုယ်မှအညစ်ကြေးများကိုဖယ်ရှားပေးခြင်း သွေးနီဥ(ဆဲလ်)တွေကိုဖန်တီးပေးရန်အကူညီပေးခြင်း အရိုးများကို သန်မာစေပြီးတော့ သွေးတွင်းရှိ သတ္တုဓာတ် ပမာဏကို မှန်ကန်စွာထိန်းသိမ်းပေးခြင်း စသဖြင့်ပေါ့။
🔰 အသားရည်ခြောက်ခြင်းနှင့် ယားယံခြင်းတို့ခံစားရခြင်းသည် ကျောက်ကပ်ပျက်စီးလာပြီး သွေးထဲမှာ သတ္တုဓာတ်နဲ့ အာဟာရမျှတအောင် မထိန်းနိုင်တော့သည်ဟု ပြသမည့် ရောဂါလက္ခဏာတစ်ခုဖြစ်နေနိုင်ပါသည်။
🩺 ပုံမှန်ထက်ပိုပြီး ဆီးသွားခြင်း
🔰 ကျောက်ကပ်မှာရှိတဲ့ အညစ်အကြေးကိုစစ်ပေးတဲ့ဇကာလေးတွေပျက်စီးသွားတဲ့အခါ ဆီးသွားချင်စိတ်ကို တိုးလာစေနိုင်ပါတယ်။
🔰 အထူးသဖြင့် ညဘက်တွေမှာ မကြာခဏ ဆီးသွားရန်လိုအပ်သည်ဟု ခံစားရတာမျိုးကိုပြောတာပါ။ တစ်ခါတစ်ရံမှာတော့ ဆီးခဏခဏသွားချင်တာဟာ ဆီးပိုးဝင်ခြင်း (သို့) အမျိုးသားများတွင်ဖြစ်တတ်တဲ့ ဆီးကျိတ်ရောင်ခြင်းကြောင့်လည်းဖြစ်နိုင်ပါတယ်။
🩺 ဆီးထဲမှာသွေးပါခြင်း
🔰 ကျန်းမာနေတဲ့ကျောက်ကပ်ဟာ ယေဘူယျအားဖြင့် သွေးအတွင်းမှာရှိတဲ့အညစ်ကြေးများကိုစစ်ထုတ်ပေးပြီးတော့ ဆီးဖြစ်စေပါတယ်၊ သွေးဆဲလ်များကိုလည်း ခန္ဓာကိုယ်အတွင်းမှာဘဲရှိစေပါတယ်။ ကျောက်ကပ်မှာရှိတဲ့အညစ်တွေကိုစစ်ထုတ်ပေးနေတဲ့ ဇကာလေးတွေပျက်စီးလာပြီဆိုရင် သွေးဆဲလ်လေးတွေဟာ ဆီးထဲသို့ပါလာပါတော့တယ်။
🔰 ဆီးထဲသွေးပါလာပြီဆိုရင်တော့ ကျောက်ကပ်ရောဂါအပါအဝင် အကျိတ်နှင့်ဆီကျောက်တည်ခြင်း ဖြစ်နိုင်သည်ဟုပြသနေတဲ့ လက္ခဏာ ဖြစ်နေနိုင်ပါတယ်။
🩺 ဆီးသွားတဲ့အခါအမြှုပ်များသာမန်ထက်ပိုများနေခြင်း
🔰 ဆီးသွားတဲ့အခါ ရေခဏခဏဆွဲချမှပြောင်တဲ့အထိ အမြှုပ်တွေများနေတယ် ကြက်ဥမွှေတဲ့အခါထွက်လာတဲ့အမြှုပ်တွေမျိုးဖြစ်နေတယ် ဆိုရင်တော့ (Albumin)လို့ခေါ်တဲ့ ပရိုတင်းတွေဆီးထဲပါလာခြင်းကြောင့်ဖြစ်ပါတယ်။
🩺 မျက်လုံးတစ်ဝိုက်ရောင်ရမ်းခြင်း
🔰 ဆီးထဲမှာ ပရိုတင်းပါလာတယ်ဆိုထဲက ကျောက်ကပ်ဇကာစတင်ပျက်စီးလာပြီဆိုတာကိုပြတဲ့ လက္ခဏာဖြစ်ပါတယ်။ မျက်လုံးတစ်ဝိုက်ရောင်းရမ်းလာတာဟာ ပရိုတင်းတွေ ခန္ဓာကိုယ်အတွင်းမှာရှိနေရမည့်အစား ကျောက်ကပ်ဇကာပျက်စီးခြင်းကြောင့် ဆီးထဲသို့အမြောက်အများပါလာခြင်းကြောင့်ဖြစ်ပါတယ်။
🩺 ခြေထောက်ဖေါရောင်ခြင်း
🔰 ကျောက်ကပ်ရဲ့လုပ်ဆောင်နိုင်စွမ်း ကျဆင်းလာတာနှင့်အမျှ ခန္ဓာကိုယ်က Sodium ဆိုဒီယမ် ဓါတ်ကို ပမာဏကိုလိုအပ်တာထက်ပိုပြီးထိန်းသိမ်းထားပါတယ်။ နောက်ဆက်တွဲအနေဖြင့် ခန္ဓာကိုယ်အတွင်းရှိ ဆဲလ်များရဲ့ပြင်ပမှာရှိသော အရည်ပမာဏများလာပါတယ်။(ခြေဖဝါး၊ ခြေကျင်းဝတ်တဝိုက်မှာ ဖေါရောင်ခြင်းဖြစ်စေပါတယ်)
🩺 ခံတွင်းပျက်ခြင်း
🔰 ခံတွင်းပျက်တိုင်းတော့ ကျောက်ကပ်ရောဂါဖြစ်နေပြီလို့ဆိုလိုခြင်းမဟုတ်ပါ။ ကျောက်ကပ်အလုပ်ကောင်းကောင်းမလုပ်နိုင်တော့တဲ့အခါ ခန္ဓာကိုယ်ထဲမှာရှိတဲ့ အဆိပ်အတောက်တွေကိုကောင်းကောင်းမစွန့်ပြစ်နိုင်တော့ဘဲ စုပုံလာပြီး ခံတွင်းပျက်တာ အစားစားချင်စိတ်မရှိတာ ဖြစ်စေပါတယ်။
🩺 မကြာခဏကြွက်တက်ခြင်း
🔰 ကျောက်ကပ်မကောင်းတော့ရင် ခန္ဓာကိုယ်အတွက်လိုအပ်တဲ့ သတ္တုဓါတ်တွေကိုလည်းထိန်းမထားနိုင်တော့ဘဲ (Electrolyte Imbalance)ဖြစ်ပြီးတော့ မကြာခဏ ကြွက်တက်ခြင်း၊မူးဝေခြင်း၊ နှလုံးခုံမမှန်ခြင်း၊စိတ်ရှုပ်ခြင်း တို့ကိုဖြစ်ပေါ်စေပါတယ်။
🔰 Electrolyte ဆိုတာကျွန်တော်တို့ခန္ဓာကိုယ်အတွင်းမှာရှိတဲ့ သွေး၊ဆီး၊တစ်ရှူး၊အရည်များမှာပျော်ဝင်နေတဲ့ သတ္တုဓါတ်ကိုဆိုလိုပါတယ်။ ခန္ဓာကိုယ်ရဲ့ရေဓါတ်ကိုမျှတစေပါတယ်။
👨⚕️လူကြီးမင်းတို့ နိုင်ငံရပ်ခြားမှာ စိတ်အေးချမ်းစွာဖြင့် သက်သောင့်သက်သာ ဆေးကုသမှုခံယူနိုင်ရန်အတွက် အစစအရာရာ အဆင်ပြေချောမွေ့အောင် လင်းပြည့်ထက် ကုမ္မဏီမှ အကောင်းဆုံး စီစဉ်ဆောင်ရွက်ပေးနေပါတယ်ရှင့် ⭐️
👨⚕️ ကျန်းမာရေးနယ်ပယ်မှာ အတွေ့အကြုံရှိတဲ့ ပညာရှင်များနှင့် လူကြီးမင်းတို့ရဲ့ ကျန်းမာရေးအခက်အခဲများကို သေချာစွာ တိုင်ပင်ဆွေးနွေးချင်လိုပါက လင်းပြည့်ထက်ကို လှမ်းလာဖို့ ဖိတ်ခေါ်ပါတယ်ရှင့် 🙏
🌟 Lins Pyae Htet - International Medical Service
🏣Yangon Office
Hot Line: 099 6430 1774
Address: အမှတ် (၅၃၂)၊ တတိယထပ်၊ အင်းဝလမ်း၊ တောင်ဥက္ကလာ (၆)ရပ်ကွက်၊ ရန်ကုန်မြို့။
🏣 Bago Office (Swaltaw Specialist Hospital - စြယ္ေတာ္ အထူးကုေဆးရံု)
Hot Line: 099 7039 0766
Address: စွယ်တော် အထူးကုဆေးရုံ - အမှတ် ၄၅၂၊ ဗိုလ်ချုပ်အောင်ဆန်းလမ်း (ယာဉ်ဝင်းဟောင်းလမ်း)၊ ဥဿာမြို့သစ်၊ ပဲခူးမြို့။
Messenger: m.me/LinsPyaeHtetInternationalMedicalService
, , , , ,
