03/01/2024
‼️ကင်ဆာအကြောင်း သိကောင်းစရာ ‼️
ကင်ဆာရောဂါသည် ခန္ဓာကိုယ်အစိတ်အပိုင်းအားလုံးတွင် ဖြစ်ပွားနိုင်သည့် ရောဂါအုပ်စုတစ်ခုဖြစ်ပါသည်။ ၎င်းတို့အားလုံးတွင် တူညီသောလက္ခဏာတစ်ခုမှာ ပုံမှန်ကလာပ်စည်းများ အထိန်းအကွပ်မဲ့ပွားများကာ ခန္ဓာကိုယ်၏ အခြားအစိတ်အပိုင်းများသို့ ပြန့်ပွားသွားခြင်းဖြစ်ပါသည်။ အမေရိကန်နိုင်ငံတွင် သေဆုံးမှုအများဆုံးဖြစ်စေသောအကြောင်းများတွင် ကင်ဆာရောဂါမှာ ဒုတိယလိုက်၏။ သို့သော် လွန်ခဲ့သောအနှစ် ၂၀ အချိန်နှင့်နှိုင်းယှဉ်ပါလျှင် သေဆုံးမှုနှုန်းမှာ လျှော့ကျသွားပြီဖြစ်သည်။ ကင်ဆာရောဂါဖြစ်ပွားမှုကို ဖြစ်စအချိန်တွင်တွေ့ရှိပြီး ခေတ်မီကုသနည်းများနှင့် ကုသမှုကြောင့် အသေအပျောက်နည်းသွားခြင်းဖြစ်သည်။ ရောဂါစူးစမ်းလေ့လာမှုများမှတွေ့ရှိသည်မှာ ကင်ဆာဖြစ်စေနိုင်သည့် နေထိုင်စားသောက်မှု အလေ့အကျင့်များကို ရှောင်ကြဉ်၍၊ ကောင်းသော အလေ့အကျင့်များကို လိုက်နာကျင့်သုံးခြင်းအားဖြင့်၊ ကင်ဆာရောဂါမဖြစ်အောင် ကာကွယ်နိုင်ပါသည်။
သာမန်ကလာပ်စည်းများသည် စနစ်တကျပွားခြင်း၊ သတ်မှတ်သည့်အချိန်တွင် ပွားများမှုရပ်တန့်ခြင်းတို့ရှိသော်လည်း ကင်ဆာကလပ်စည်းများတွင် ထိုသဘာဝညွှန်ကြားထိန်းချုပ်မှုများ မရှိတော့ပါ။ သာမန်ကလာပ်စည်းများသည် သက်ဆိုင်ရာအင်္ဂါအစိတ်အပိုင်းတွင်သာ တည်ရှိသော်လည်း၊ ကင်ဆာကလာပ်စည်းများသည် လျှင်မြန်စွာပွားများပြီး၊ ခန္ဓာကိုယ်၏ အခြားအစိတ်အပိုင်းများသို့ ပျံ့နှံ့သွားတတ်ပါသည်။
🔸️ကင်ဆာရောဂါစတင်ဖြစ်ပေါ်ပုံ
ဗီဇကလာပ်စည်းများ မျိုးကွဲတစ်ခုအသစ်ဖြစ်ပေါ်စေခြင်းကြောင့် ကင်ဆာစတင်ဖြစ်ပေါ်စေပါသည်။ ကင်ဆာကလာပ်စည်းများသည် သာမန်မဟုတ်သော လျင်မြန်စွာမျိုးပွားခြင်းမျိုးဖြင့်ပွား၍ ကလာပ်စည်းအစုအဝေး၊ အဖုအကျိတ်တို့ဖြစ်ပေါ်စေပြီး သားငန်ရည်အကြောများမှတဆင့် ခန္ဓာကိုယ်၏အခြားနေရာများသို့ ပြန့်ပွားသွားစေပါသည်။ ဥပမာ ရင်သားကင်ဆာမှ အဆုတ်သို့ပြန့်သွားခြင်း။ ပုံမှန်ရိုးတွင်းခြင်ဆီမှ ထုတ်လုပ်သောသွေးဥများ အဆမတန်ပွားများ၍ သွေးကင်ဆာဖြစ်ခြင်း။
🔸️ကင်ဆာရောဂါဖြစ်ပွားမှု အတိုင်းအတာ
အမေရိကန်နိုင်ငံကင်ဆာရောဂါအသင်း၏ထုတ်ပြန်ချက်အရ၊ ယောက်ျား (၂)ဦးတွင် (၁)ဦး၊ မိန်းမ (၃)ဦးတွင် (၁)ဦးတို့သည် ၎င်းတို့သက်တမ်းတွင် ကင်ဆာရောဂါဖြစ်နိုင်ခြေရှိပါသည်။ ၂၀၁၉ ခုနှစ်တွင် အမေရိကန်နိုင်ငံ၌ ကင်ဆာရောဂါဖြစ်ပွားသူ ၁၆.၉ သန်းရှိခဲ့ပါသည်။ ၎င်းတို့အထဲတွင် အဖြစ်အများဆုံး ကင်ဆာများမှာ -
• အမျိုးသမီးများတွင်ဖြစ်သော ရင်သားကင်ဆာမှာ ပထမအဖြစ်အများဆုံးဖြစ်သည်။ ကျားရင်သားကင်ဆာမှာ ၁ % သာရှိပါသည်။
• အဆုတ်ကင်ဆာမှာ ဒုတိယအဖြစ်အများဆုံးဖြစ်၍၊ အမျိုးအစား နှစ်မျိုးရှိခွဲခြားထားပါသည်။
• ကျား ဆီးကျိတ်ကင်ဆာ၊ ကျား ၉ ဦးတွင် ၁ ဦးဖြစ်နိုင်ခြေရှိသည်။
• အူမကြီးနှင့် ဝမ်း/မစင်အိမ် ကင်ဆာ
• သွေးကင်ဆာ၊ သွေးဖြူဥနှင့် သားငန်ရည်အကျိတ်ကင်ဆာများ
🔸️ကင်ဆာရောဂါဖြစ်နိုင်ခြေရှိသူများ
• သက်ရှိသတ္တဝါအားလုံး ကင်ဆာရောဂါဖြစ်နိုင်သည်။ သို့သော် မျိုးရိုး၊ ကျားမ တို့အပေါ်မူတည်၍ဖြစ်သည်။ အမျိုးသားများမှာ အမျိုးသမီးများထက် ပိုအဖြစ်များသည်။
• လူမည်းအမျိုးသားများမှာ အခြားမျိုးနွယ်များထက်ပိုအဖြစ်များသည်။
• အမေရိကန်ဒေသခံလူနီရိုင်းများနှင့် အလက်စကားဒေသမှအမျိုးသမီးများတွင် ပိုအဖြစ်များသည်။
🔸️ကင်ဆာရောဂါလက္ခဏာများနှင့် ကင်ဆာဖြစ်စေသည့် အကြောင်းရင်းများ
ကင်ဆာရောဂါသည် ရှုပ်ထွေးသောရောဂါတစ်ခုဖြစ်ပါသည်။ ကင်ဆာရောဂါမှာ နှစ်ပေါင်းများစွာဖြစ်နေသော်လည်း လက္ခဏာမပြဘဲရှိနေနိုင်သည်။ ထိုကဲ့သို့ လက္ခဏာမပြဘဲ ငုတ်လျှိုးနေသော ကင်ဆာရောဂါများမှာ - ရင်သားကင်ဆာ၊ သားအိမ်ခေါင်းကင်ဆာ၊ အမျိုးသမီး မျိုးဥအိတ်ကင်ဆာ၊ မုန့်ချိုအိတ်ကင်ဆာ (pancreatic cancer)၊ အူမကြီးနှင့်ဝမ်းအိမ်ကင်ဆာ၊ အဆုတ်ကင်ဆာတို့ ဖြစ်ပါသည်။ ၎င်းတို့ကို စတင်ဖြစ်ချိန်တွင် တွေ့ရှိနိုင်ရန် ပုံမှန်ကျန်းမာရေးဆေးစစ်ခြင်းကို ပြုသင့်ပါသည်။
တစ်ခါတစ်ရံ သိသာမြင်သာသောကင်ဆာရောဂါလက္ခဏာများပြပြီးနောက် အလွန်လျှင်မြန်စွာ ရောဂါအခြေအနေဆိုးရွာသွားစေပါသည်။ များသောအားဖြင့်ကင်ဆာရောဂါလက္ခဏာများသည် အခြားသာမန်ရောဂါများ၏ လက္ခဏာများနှင့်တူနေတတ်ရာ၊ လက္ခဏာအချို့ပြရုံဖြင့် ကင်ဆာဖြစ်နေပြီဟု မပြောနိုင်ပါ။ ထို့ကြောင့် နှစ်ပတ်ထက်ပိုကြာသော ရောဂါလက္ခဏာတစ်ခုပေါ်လာပါက တတ်ကျွမ်းသောဆေးဘက်ဆိုင်ရာနှင့် ပြသဆွေးနွေးရပါမည်။
မူရင်း Dr. Aung Ko 👨🏻⚕️
မှီငြမ်းမှု What is Cancer? Symptoms, Signs, Types & Causes, Cleveland Clinic
📍နား၊ နှာခေါင်း၊ လည်ချောင်း ဆိုင်ရာ ရောဂါဝေဒနါ အလုံးစုံကို ကောင်းဆု နားနှာခေါင်းလည်ချောင်းဆေးခန်းတွင် ဆရာဝန်ကြီးများနှင့် လာရောက်ဆွေးနွေးပြသနိုင်ပါသည်ရှင့်။
လိပ်စာ - အမှတ်(၆၇၂/က) ဗြဟ္မစိုရ်လမ်း၊ (၄)ရပ်ကွက်၊ တောင်ဥက္ကလာပမြို့နယ်၊ ရန်ကုန်။
☎️ ဖုန်း - 09 880142268, 09 880142269 သို့ဆက်သွယ်မေးမြန်းနိုင်ပါသည်။
လိပ်စာ - ၆၉လမ်း၊ ၄၁-၄၂လမ်း ကြား ၊ မဟာမြိုင် ၁၊ အပိုင်း ၉ ၊ မဟာအောင်မြေ မြို့နယ်၊ မန္တလေးမြို့။
☎️ဖုန်း- 09885038850/ 09759291608 သို့ဆက်သွယ်မေးမြန်းနိုင်ပါသည်။
