02/11/2023
မိတ်ဆွေများအတွက် ဆေးပညာ ဗဟုသုတလေးပါ !!
💊𝐆𝐥𝐮𝐜𝐨𝐬𝐚𝐦𝐢𝐧𝐞 (ဂလူကိုစမင်း)💊
အရိုးအဆစ်တွေအတွက် သင့်တော်တဲ့ ဖြည့်စွက်ဆေးတစ်ခု 𝐆𝐥𝐮𝐜𝐨𝐬𝐚𝐦𝐢𝐧𝐞 (ဂလူကိုစမင်း) အကြောင်းကို ဒီတစ်ပတ်မှာ အာရှတော်ဝင်ဆေးရုံ 𝐩𝐚𝐠𝐞 ကနေ ဗဟုသုတအဖြစ် မျှဝေပြောပြပေးချင်ပါတယ်။
🔑𝐆𝐥𝐮𝐜𝐨𝐬𝐚𝐦𝐢𝐧𝐞 (ဂလူကိုစမင်း) ဆိုတာ ခန္ဓာကိုယ်ရဲ့ အရိုးအဆစ်တွေ ပတ်လည်က အရည်တွေထဲမှာ သဘာဝအရ ရှိနေတဲ့ အမိုင်နိုအက်ဆစ် ဓာတ်တစ်မျိုးပဲ ဖြစ်ပါတယ်။ သူ့ရဲ့အဓိက တာဝန်က အရိုးအဆစ် တစ်ခုနဲ့တစ်ခုကြားမှာ လှုပ်ရှားရလွယ်အောင် ကြားခံထားတဲ့ အရိုးနု (𝐂𝐚𝐫𝐭𝐢𝐥𝐚𝐠𝐞) တွေ၊ အရွတ်လုံးတွေ၊ အဆစ်တွေကြားက သဘာဝချောဆီလို အရည်တွေကို ထုတ်လုပ်ဖို့နှင့် ထိန်းသိမ်းပေးဖို့ ဖြစ်ပါတယ်။
📉အသက်အရွယ်ရလာတာနဲ့အမျှ 𝐆𝐥𝐮𝐜𝐨𝐬𝐚𝐦𝐢𝐧𝐞 တွေ ပမာဏလျော့ကျလာပါတယ်။ ဒီအခါမှာ 𝐆𝐥𝐮𝐜𝐨𝐬𝐚𝐦𝐢𝐧𝐞 ကြွယ်ဝတဲ့ အစားအစာတွေ၊ ဖြည့်စွက်အားဆေးတွေကို မှီဝဲဖြည့်ဆည်းပေးနိုင်ပါတယ်။ ဒီလိုဆေးတွေက အရိုးနုတွေ မပျက်စီးအောင် လုပ်ဖို့နှင့် အရိုးနုအသစ်ဖွဲ့စည်းနိုင်ဖို့ အားပေးကူညီနိုင်ပါတယ်။ ဒီဖြည့်စွက်အားဆေးတွေကို တိရိစ္ဆာန်တွေရဲ့ အရိုးဆစ်တွေ၊ ရေသတ္တဝါတွေရဲ့ အခွံမာတွေ၊ အရိုးတွေနဲ့ တချို့သော မှိုအမျိုးအစားတွေကနေ ရယူပြီး ထုတ်လုပ်ထားပါတယ်။
📊𝐆𝐥𝐮𝐜𝐨𝐬𝐚𝐦𝐢𝐧𝐞 မှာ အုပ်စု၃မျိုး ရှိပါတယ်။
(၁) 𝐆𝐥𝐮𝐜𝐨𝐬𝐚𝐦𝐢𝐧𝐞 𝐒𝐮𝐥𝐟𝐚𝐭𝐞
(၂) 𝐆𝐥𝐮𝐜𝐨𝐬𝐚𝐦𝐢𝐧𝐞 𝐇𝐲𝐝𝐫𝐨𝐜𝐡𝐥𝐨𝐫𝐢𝐝𝐞 နှင့်
(၃) 𝐍-𝐚𝐜𝐞𝐭𝐲𝐥 𝐆𝐥𝐮𝐜𝐨𝐬𝐚𝐦𝐢𝐧𝐞 တို့ဖြစ်ပြီး သုတေသနအများစုက 𝐆𝐥𝐮𝐜𝐨𝐬𝐚𝐦𝐢𝐧𝐞 𝐒𝐮𝐥𝐟𝐚𝐭𝐞 ကိုသုံးပြီး ပြုလုပ်ထားတာ ဖြစ်ပါတယ်။ 𝐆𝐥𝐮𝐜𝐨𝐬𝐚𝐦𝐢𝐧𝐞 အားဆေး အတော်များများက 𝐂𝐡𝐨𝐧𝐝𝐫𝐨𝐢𝐭𝐢𝐧 𝐒𝐮𝐥𝐟𝐚𝐭𝐞 အရိုးနု အားဖြည့်တဲ့ဓာတ်တွေကိုပါ ထည့်သွင်းထားတတ်ပါတယ်။
📋𝐆𝐥𝐮𝐜𝐨𝐬𝐚𝐦𝐢𝐧𝐞 ရဲ့ ကောင်းကျိုးများ
▶အဆစ်အမြစ် ရောင်ရမ်းနာကျင်မှုတွေကို သက်သာစေခြင်း၊
▶အဆစ်ရောင် ရောဂါများ၊ လေးဘက်နာ၊ အရိုးပွခြင်းများကို ကုသရာမှာ အသုံးဝင်ခြင်း၊
▶အာရုံကြောဆိုင်ရာ လက္ခဏာများကို သက်သာစေခြင်း၊
▶ဒူး၊ တင်ပါးဆုံ၊ ခါး၊ ကျောရိုးများမှာ အရိုးအဆစ် ယိုယွင်းလာတဲ့ ဝေဒနာများအတွက် အရိုးနုများကို ထိန်းသိမ်းပေးပြီး ကိုယ်လက်လှုပ်ရှားမှုတွေကို ပိုမိုတိုးတက် ကောင်းမွန်စေခြင်း၊ နာကျင်ရောင်ရမ်းမှုများ သက်သာစေခြင်း၊
▶သွေးတွင်းအဆီဓာတ်ကို လျော့ကျစေခြင်းစတဲ့ အကျိုးကျေးဇူးတွေ ရှိပါတယ်။
💊𝐆𝐥𝐮𝐜𝐨𝐬𝐚𝐦𝐢𝐧𝐞 က အကိုက်အခဲပျောက်ဆေးတွေလောက်တော့ မြန်မြန်မသက်သာပါဘူး။ အကိုက်အခဲပျောက်ဆေးတွေ၊ အရောင်ကျဆေး 𝐍𝐒𝐀𝐈𝐃 တွေ မသုံးသင့်တဲ့ လူနာများအတွက် အချိန်ကြာကြာ ကုသဖို့ လိုအပ်ရင် 𝐆𝐥𝐮𝐜𝐨𝐬𝐚𝐦𝐢𝐧𝐞 ကို သုံးစွဲနိုင်ပါတယ်။ ထိရောက်မှုရှိဖို့ အနည်းဆုံး ၈ပတ်ဆက်ပြီးသောက်ဖို့ လိုပါတယ်။
📌ဘေးထွက်ဆိုးကျိုးများ
ဘေးထွက်ဆိုးကျိုး အနည်းငယ်ရှိပေမယ့် မပြင်းထန်တတ်ပါဘူး။ မအီမသာဖြစ်တာ၊ ဝမ်းပျက်၊ ဝမ်းချုပ်တာ၊ ရင်ပူတာ၊ ခေါင်းမူးတာမျိုးတွေ ရှိနိုင်ပေမယ့် ဆေးရပ်လိုက်ရင် သက်သာသွားတတ်ပါတယ်။ အလွန်အကျွံ သုံးစွဲရင်တော့ ပြဿနာရှိလာနိုင်ပါတယ်။
💊ဆေးဝါးဓာတ်ပြုမှု
📝𝐆𝐥𝐮𝐜𝐨𝐬𝐚𝐦𝐢𝐧𝐞 ကို အူလမ်းကြောင်း ပြဿနာများ၊ မျက်စိအမြင်အာရုံ၊ ဆီးချိုရောဂါ၊ နှလုံးရောဂါ၊ ကိုယ်အလေးချိန် ထိန်းသိမ်းခြင်းတွေမှာလည်း အခြားဆေးတွေနဲ့ တွဲဖက်ပြီး သုံးနိုင်ပါတယ်။
💊𝐆𝐥𝐮𝐜𝐨𝐬𝐚𝐦𝐢𝐧𝐞 က သွေးကျဲဆေးတစ်မျိုးဖြစ်တဲ့ 𝐖𝐚𝐫𝐟𝐚𝐫𝐢𝐧 နှင့် တွဲသောက်ရင် သွေးကိုပိုကျဲသွားနိုင်တဲ့အတွက် တွဲဖက်မသုံးဖြစ်ဖို့ သတိပြုသင့်ပါတယ်။ ကင်ဆာဆေး၊ တချို့သော ဆီးချိုဆေးတွေနဲ့လည်း တွဲဖက်ဖို့ အဆင်မပြေပါဘူး။
📋ကိုယ်ဝန်ဆောင်၊ နို့တိုက်မိခင်၊ တခြားသုံးနေတဲ့ဆေး၊ ရောဂါအခံများရှိရင် ကြိုပြောပြသင့်ပါတယ်။ ကျွမ်းကျင်ပညာရှင်၊ ဆရာဝန်နှင့် သေချာတိုင်ပင်ပြီးမှ အသုံးပြုသင့်ပြီး ဆေးညွှန်းကိုလည်း သေချာဖတ်ရှုသင့်ပါတယ်။
🏥အာရှတော်ဝင်ဆေးရုံတွင် အထွေထွေရောဂါကု သမားတော်ကြီးများနှင့် တိုင်ပင်ဆွေးနွေးလိုပါက ပြင်ပလူနာဌာန (𝐎𝐏𝐃)မှာ သက်ဆိုင်ရာ ရောဂါအလိုက် စမ်းသပ်စစ်ဆေးခြင်းနှင့် ကုသခြင်း ဝန်ဆောင်မှုများကို ရယူနိုင်ပါတယ်ရှင်။
🏥ဆရာဝန်ကြီးများ ဆေးခန်းထိုင်ချိန် အပြောင်းအလဲ ရှိပါသဖြင့် 𝐎𝐏𝐃 𝐁𝐨𝐨𝐤𝐢𝐧𝐠 ပေးခြင်းနှင့် အခြားအသေးစိတ် သိရှိလိုခြင်း များအတွက်
ဖုန်း 𝟎𝟏 𝟕𝟓𝟑𝟖𝟎𝟓𝟓, 𝟎𝟗 𝟕𝟕𝟖𝟕𝟕𝟖𝟖𝟖𝟓 သို့ ဆက်သွယ်နိုင်ပါတယ်။
💻𝐕𝐢𝐛𝐞𝐫 𝐁𝐨𝐨𝐤𝐢𝐧𝐠 𝐏𝐡𝐨𝐧𝐞 𝟎𝟗 𝟗𝟕𝟏𝟖𝟎𝟒𝟕𝟎𝟓 သို့ ပြသမည့် နေ့နှင့်အချိန်၊ ပြသမည့် လူနာအမည်၊ ပြသမည့် ဆရာဝန်အမည်၊ အထူးကု ဘာသာရပ်အမည်များကို ပြသမည့်နေ့ မတိုင်မီ ၂ပတ်အလိုတွင် ပေးပို့နိုင်ပါတယ်။
💻𝐓𝐞𝐥𝐞-𝐂𝐨𝐧𝐬𝐮𝐥𝐭𝐚𝐭𝐢𝐨𝐧 နှင့် ပြသလိုပါက ဖုန်း 𝟎𝟗 𝟕𝟔𝟓𝟒𝟎𝟖𝟔𝟎𝟔, 𝟎𝟗 𝟕𝟔𝟓𝟒𝟖𝟎𝟕𝟎𝟔 သို့ ဆက်သွယ် စုံစမ်းနိုင်ပါတယ်ရှင်။
💐‘ဆေးပညာဗဟုသုတများ တိုးပွားပြီး ရွှင်လန်းချမ်းမြေ့ကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာပို့သလိုက်ပါတယ်ရှင် 🙏
𝐑𝐞𝐟𝐞𝐫𝐞𝐧𝐜𝐞:
𝐡𝐭𝐭𝐩𝐬://𝐰𝐰𝐰.𝐡𝐞𝐚𝐥𝐭𝐡𝐥𝐢𝐧𝐞.𝐜𝐨𝐦/𝐧𝐮𝐭𝐫𝐢𝐭𝐢𝐨𝐧/𝐠𝐥𝐮𝐜𝐨𝐬𝐚𝐦𝐢𝐧𝐞
𝐡𝐭𝐭𝐩𝐬://𝐰𝐰𝐰.𝐰𝐞𝐛𝐦𝐝.𝐜𝐨𝐦/𝐯𝐢𝐭𝐚𝐦𝐢𝐧𝐬-𝐚𝐧𝐝-𝐬𝐮𝐩𝐩𝐥𝐞𝐦𝐞𝐧𝐭𝐬/𝐬𝐮𝐩𝐩𝐥𝐞𝐦𝐞𝐧𝐭-𝐠𝐮𝐢𝐝𝐞-𝐠𝐥𝐮𝐜𝐨𝐬𝐚𝐦𝐢𝐧𝐞
