ThuKha လူသုံးကုန် အလှကုန်Wholesale

21/04/2026

21/04/2026

အစိုးရသစ်၏ "ရက် ၁၀၀ စီမံကိန်း" ကာလအတွင်း မြေအသုံးချမှုနှင့် ပတ်သက်၍ စီမံခန့်ခွဲခြင်းနှင့် ကြပ်မတ်ခြင်းများကို ပုံမှန်အားဖြင့် အောက်ပါကဏ္ဍကြီး (၄) ခုအပေါ် အခြေခံ၍ ဆောင်ရွက်လျက်ရှိပါသည် -

​၁။ မြေယာမူဝါဒနှင့် လုပ်ထုံးလုပ်နည်းများ ရှင်းလင်းခြင်း

​အစောပိုင်းရက်များတွင် ရှုပ်ထွေးနေသော မြေယာလုပ်ထုံးလုပ်နည်းများကို ပြည်သူများ လွယ်ကူစွာ နားလည်စေရန်နှင့် ဝန်ဆောင်မှု မြန်ဆန်စေရန် ဦးစားပေး ဆောင်ရွက်လျက်ရှိသည်။

​မြေငှားဂရန် (Lease) လျှောက်ထားခြင်း
ဂရန်အသစ်ထုတ်ပေးခြင်းနှင့် သက်တမ်းတိုးခြင်းလုပ်ငန်းစဉ်များကို သတ်မှတ်ရက်အတွင်း ပြီးစီးအောင် ဖြေလျှော့ဆောင်ရွက်ခြင်း။

​မြေပုံဇယားများ ကူးယူခြင်း မြေပုံမိတ္တူကူးယူခြင်းနှင့် မြေရာဇဝင် စစ်ဆေးခြင်းများကို Digital စနစ်သို့ ပြောင်းလဲရန် အခြေခံချမှတ်ခြင်း။

​၂။ မြေအသုံးချမှု စစ်ဆေးကြပ်မတ်ခြင်း

​မြေယာများကို သတ်မှတ်ထားသော ရည်ရွယ်ချက်အတိုင်း အသုံးပြုခြင်း ရှိ/မရှိကို အထူးအဖွဲ့များဖြင့် ကွင်းဆင်းစစ်ဆေးခြင်းများ ပြုလုပ်သည်။

​စိုက်ပျိုးမြေကို အခြားနည်းသုံးစွဲမှု

လယ်ယာမြေကို ခွင့်ပြုချက်မရှိဘဲ လူနေအိမ်ရာ သို့မဟုတ် အခြားစီးပွားရေးလုပ်ငန်းများအဖြစ် ပြောင်းလဲအသုံးပြုခြင်းကို တားဆီးခြင်း။

​မြေလွတ်၊ မြေရိုင်းများ လုပ်ပိုင်ခွင့် ရယူထားသော်လည်း အမှန်တကယ် အကောင်အထည်မဖော်ဘဲ ပစ်ထားသော မြေလွတ်၊ မြေရိုင်းများကို ပြန်လည်သိမ်းဆည်းရန် သတိပေးခြင်း သို့မဟုတ် လုပ်ထုံးလုပ်နည်းနှင့်အညီ စိစစ်ခြင်း။

​၃။ မြေယာပဋိပက္ခနှင့် သိမ်းဆည်းမြေများ ဖြေရှင်းခြင်း

​ရက် ၁၀၀ အတွင်း အရေးကြီးဆုံး လုပ်ငန်းတစ်ခုမှာ မြေယာအငြင်းပွားမှုများကို ဖြေရှင်းပေးရန်ဖြစ်သည်။

​သိမ်းဆည်းမြေများ ပြန်လည်လွှဲပြောင်းခြင်း အမှန်တကယ် အသုံးမပြုတော့သော သိမ်းဆည်းမြေများကို မူလပိုင်ရှင်များထံ ပြန်လည်ပေးအပ်နိုင်ရေးအတွက် ကော်မတီများဖွဲ့စည်း၍ အမြန်ဆုံး စိစစ်ခြင်း။

​တရားမဝင် ကျူးကျော်မှုများ မြေယာကျူးကျော်မှုပြဿနာများကို ဥပဒေနှင့်အညီ ကိုင်တွယ်ဖြေရှင်းခြင်းနှင့် စနစ်တကျ ပြန်လည်နေရာချထားရေး အစီအစဉ်များ ရေးဆွဲခြင်း။

​၄။ နည်းပညာနှင့် စီမံခန့်ခွဲမှု စနစ်သစ်
​မြေယာစီမံခန့်ခွဲမှုတွင် ခေတ်မီနည်းပညာများ အသုံးပြု၍ အဂတိလိုက်စားမှု ကင်းစင်စေရန် ဆောင်ရွက်ခြင်း။

​Digital Land Records

မြေစာရင်းများကို Computer စနစ်အတွင်း သို့ ထည့်သွင်းခြင်းနှင့် တစ်နိုင်ငံလုံးအတိုင်းအတာဖြင့် မြေပုံစနစ် (GIS) အသုံးပြုရန် ပြင်ဆင်ခြင်း။

​One Stop Service

မြေယာနှင့် ပတ်သက်သော ဝန်ဆောင်မှုများကို နေရာတစ်နေရာတည်းတွင် ပြီးစီးနိုင်အောင် ဆောင်ရွက်ပေးခြင်း။

​မှတ်ချက်: အဆိုပါ လုပ်ငန်းစဉ်များသည် သက်ဆိုင်ရာ ဒေသအလိုက် မြေယာစီမံခန့်ခွဲမှု ကော်မတီများ၊ မြေစာရင်း ဦးစီးဌာနများနှင့် စည်ပင်သာယာရေး အဖွဲ့များ၏ ပူးပေါင်းဆောင်ရွက်မှု အပေါ်တွင် မူတည်၍ ကွဲပြားနိုင်ပါသည်။

Credit-အဘဆရာ

21/04/2026

နေ့စဉ်လုပ်ငန်းခွင်မှာဖြစ်စေ၊ ဘဝမှာဖြစ်စေ "ဒါတော့ ငါမလုပ်နိုင်ပါဘူးလေ" ဆိုပြီး သင့်ကိုယ်သင် ကန့်သတ်လိုက်တဲ့ အချိန်တွေ ဘယ်နှခါလောက် ရှိခဲ့ဖူးပြီလဲ…..❓

🚨 ကျွန်တော်တို့အနေနဲ့ တစ်ခါတလေမှာ ကိုယ်ကိုယ်တိုင်ယုံကြည်ထားတဲ့ အရာတွေ၊ ကိုယ့်ရဲ့ ခန့်မှန်းချက်တွေကို သတ္တိရှိရှိ ပြန်ပြီး စိန်ခေါ်ကြည့်ဖို့ လိုပါတယ်။ အခုပဲ စာရွက်တစ်ရွက်ယူပြီး သင် "မလုပ်နိုင်ဘူး" လို့ ထင်နေတဲ့ အရာတွေကို ချရေးကြည့်လိုက်ပါ။

ဥပမာအနေနဲ့…
📍 စီးပွားရေးနဲ့ပတ်သက်ပြီး “ငါ့လုပ်ငန်းကို ဒီထက်ပိုပြီး ချဲ့ကားဖို့ဆိုတာ မဖြစ်နိုင်ဘူး”
📍 ပညာရေး၊ သင်ယူမှုနဲ့ပတ်သက်ပြီး “ဒီအချိန်ကြီးမှ အသစ်ပြန်စဖို့ဆိုတာ ငါ့အတွက် မဖြစ်နိုင်တော့ဘူး”
📍 ကျန်းမာရေးနဲ့ပတ်သက်ပြီး “အချိန်ပေးပြီး လေ့ကျင့်ခန်းလုပ်ဖို့ဆိုတာ ငါ့အလုပ်တွေနဲ့ဆို မဖြစ်နိုင်ဘူး”..

🫱🏻 အဲဒီလို ချရေးပြီးသွားရင် သင့်ကိုယ်သင် ဒီမေးခွန်းလေး တစ်ခုကို ပြန်မေးကြည့်ပါ။
“အဲဒါတွေက မဖြစ်နိုင်ဘူးဆိုတာ ငါ့အနေနဲ့ ၁၀၀ ရာခိုင်နှုန်း သေချာပြီလား..❓"

💭 တကယ်တမ်း သေချာစဉ်းစားကြည့်ရင်၊ မဖြစ်နိုင်ဘူးဆိုတာ တကယ်တော့ မဟုတ်ပါဘူး။ လောကမှာ တကယ်ကို မဖြစ်နိုင်တဲ့အရာဆိုတာ သင်ထင်ထားတာထက် အများကြီး ပိုနည်းပါတယ်။ မဖြစ်နိုင်ဘူးဆိုပြီး သင့်ဘာသာသင် သတ်မှတ်ထားလို့သာ မဖြစ်နိုင်တာတွေ များနေရတာဖြစ်ပါတယ်။

🧑🏻‍💼 ခေါင်းဆောင်တစ်ယောက်၊ လုပ်ငန်းရှင်တစ်ယောက်အနေနဲ့ ဒီလိုမျိုး မမြင်ရတဲ့ စိတ်ပိုင်းဆိုင်ရာ နှောင်ကြိုးတွေနဲ့ အချည်ခံထားရသရွေ့ သင့်လုပ်ငန်းကလည်း အမြင့်ဆုံးကို ရောက်လာမှာ မဟုတ်ပါဘူး။ အဲဒီ "မဖြစ်နိုင်ဘူး" ဆိုတဲ့ အတွေးတွေက သင့်ရဲ့ တိုးတက်မှုကို ပိတ်ဆို့ထားတဲ့ "အတွင်းစိတ်ကန့်သတ်ချက် (Limiting Beliefs)" တွေပါပဲ။

🫱🏻 ဒီကန့်သတ်ချက်တွေကို ရိုက်ချိုးပြီး၊ သင့်ရဲ့ အစစ်အမှန် စွမ်းရည်တွေကို အပြည့်အဝ ဆွဲထုတ်ပေးမယ့် နေရာကတော့ Transformational Leadership Journey (TLJ) သင်တန်းပဲ ဖြစ်ပါတယ်။

Transformational Leadership Journey (TLJ) သင်တန်းမှာဆိုရင်….
🟢 သင့်ကိုယ်သင် ကန့်သတ်ထားတဲ့ ယုံကြည်မှု (Limiting Belief) များကို ဖယ်ရှားခြင်း၊
🟢 သင့်ကို အတားအဆီးဖြစ်စေတဲ့ ဒေါသ၊ ဝမ်းနည်းမှု၊ နောင်တစိတ်များကို လျှော့ချခြင်း၊
🟢 သင့်လုပ်ငန်းကို စနစ်ကျစေမယ့် လုပ်ဆောင်ချက်များကို လေ့လာခြင်း၊
🟢 သင့်ဘဝတစ်လျှောက်လုံးအတွက် အရေးကြီးတဲ့ အရာများကို ရှာဖွေခြင်း၊
🟢 သင့်မှာရှိတဲ့ မကောင်းတဲ့ အပြုအမူများကို ပြုပြင်ဖို့ အစီအစဉ်ချခြင်း၊
🟢 လုပ်ငန်းဦးဆောင်သူတွေမှာ ရှိတတ်တဲ့ မကောင်းတဲ့အကျင့်စရိုက်များကို ဖော်ထုတ်ခြင်း၊
🟢 ခေါင်းဆောင်မှုရဲ့ တကယ့်အဓိပ္ပာယ်ကို နားလည်သဘောပေါက်အောင် လေ့လာခြင်း၊
🟢 သင့်လုပ်ငန်းရည်မှန်းချက်ကို ပြန်လည်ချမှတ်ခြင်း၊
🟢 သင့်ရဲ့ အရည်အချင်းတွေ အချိန်တိုအတွင်း မြင့်တက်လာစေမယ့် (Personal Growth Principle) များကို လေ့လာခြင်း၊
🟢 အောင်မြင်သူတစ်ယောက်ရဲ့ အတွေးအခေါ်တွေကို လေ့လာခြင်း၊
🟢 အနာဂတ်အသစ်ကို ဖန်တီးဖို့နဲ့ အခက်အခဲကာလကို တည်ငြိမ်စွာ ရင်ဆိုင်ဖို့အတွက် သင့်ကိုယ်သင်ပြင်ဆင်ခြင်း စတာတွေကို စာသင်သလိုမဟုတ်ဘဲ စဉ်းစားတွေးခေါ်ပြီး လေ့လာရမှာပဲဖြစ်ပါတယ်။
▄▄▄▄▄▄▄▄▄▄▄▄▄▄▄▄▄▄▄

TLJ သင်တန်း တက်ပြီးသွားရင်.....
✅ လုပ်ငန်းရှင်ပဲဖြစ်စေ၊ လုပ်ငန်းဦးဆောင်သူပဲဖြစ်စေ၊ မန်နေဂျာပဲဖြစ်ဖြစ် လာမယ့် ၆ လ၊ ၁ နှစ်အတွင်း တိုးတက်ပြောင်းလဲဖို့ ဘယ်နေရာကနေ စတင်ပြီး၊ ဘာနည်းလမ်းတွေ အသုံးပြုရမယ်ဆိုတာ ရှင်းလင်းနားလည်သွားမယ်။

✅ လုပ်ငန်းခေါင်းဆောင်တစ်ယောက်အနေနဲ့ ဆက်ပြီးတော့ လုပ်သင့်လုပ်ထိုက်တဲ့ အရာတွေ၊ ကိုယ့်အသင်းသားတွေကို အကောင်းဆုံး ကိုင်တွယ်နိုင်မယ့် နည်းလမ်းတွေကို သိရှိလာမှာဖြစ်ပါတယ်။

⚠️ ပြောင်းလဲဖို့က TLJ နဲ့ဆို ခဏပဲ၊ လာတက်ဖို့သာ နှစ်နဲ့ချီ ကြာကြတာပါ။
▄▄▄▄▄▄▄▄▄▄▄▄▄▄▄

⛳️ TLJ သင်တန်းကို မေလအတွင်း ရန်ကုန်မြို့နှင့် မန္တလေးမြို့များမှာ ကျင်းပပြုလုပ်သွားဖို့ရှိပါတယ်။ 🎉

🔰 Mandalay

📅 ရက်စွဲ - မေလ ၈၊ ၉၊ ၁၀။ (သောကြာ၊ စနေ၊ တနင်္ဂနွေ)

⏰ သင်တန်းချိန် - မနက် (၈း၃၀) နာရီ မှ ည (၇:၀၀) နာရီအထိ။

မူရင်းသင်တန်းကြေး - ၁,၂၅၀,၀၀၀ ကျပ်ကိုမှ
🔥 ပထမဆုံးအပ်နှံသူ အယောက် (၅၀) အတွက် ၂၅၀,၀၀၀ ကျပ်🔥 နဲ့ စီစဉ်ပေးထားပါတယ်။
▄▄▄▄▄▄▄▄▄

🔰 Yangon

📅 ရက်စွဲ - မေလ ၂၈၊ ၂၉၊ ၃၀။ (ကြာသပတေး၊ သောကြာ၊ စနေ၊)

⏰ သင်တန်းချိန် - မနက် (၈း၃၀) နာရီ မှ ည (၇:၀၀) နာရီအထိ။

မူရင်းသင်တန်းကြေး - ၁,၂၅၀,၀၀၀ ကျပ်ကိုမှ
🔥 ပထမဆုံးအပ်နှံသူ အယောက် (၅၀) အတွက် ၂၅၀,၀၀၀ ကျပ်🔥 နဲ့ စီစဉ်ပေးထားပါတယ်။

ရပ်ဝေးက လေ့လာလိုသူများအတွက် Zoom ဖြင့် တက်ရောက်နိုင်အောင်လည်း စီစဉ်ပေးထားပါတယ်။
Zoom ဖြင့် မူရင်းသင်တန်းကြေး - ၁,၂၀၀,၀၀၀ ကျပ်
🔰 ပထမဆုံးအပ်နှံသူ အယောက် (၅၀) အတွက် ၂၂၅,၀၀၀ ကျပ် 🔰 နဲ့ စီစဉ်ပေးထားပါတယ်။
▄▄▄▄▄▄▄▄▄

TLJ သင်တန်းအကြောင်း စုံစမ်းလိုပါက သို့မဟုတ် သင်တန်း အပ်နှံလိုပါက အောက်ပါ Link က ဖြစ်စေ၊ ဖုန်းနံပါတ်များကို ဖြစ်စေ ဆက်သွယ်စုံစမ်းနိုင်ပါတယ်။

Messenger Link
m.me/naingwinaungexecutivecoach

☎️ 09 765 222 104,
☎️ 09 765 222 106,
☎️ 09 765 222 108,
☎️ 09 765 222 109,
☎️ 09 760 331 690,
☎️ 09 760 331 691,
☎️ 09 760 331 692,
☎️ 09 760 331 695

21/04/2026

21/04/2026

သာကေတက အိမ်စောင့်သရဲလား? ပန်းကန်တွေနဲ့ လှမ်းပေါက်ပြီး ငုတ်တုတ်ထိုင်ပြနေတဲ့ တုန်လှုပ်ဖွယ်ဖြစ်ရပ်!" 😱🏚️

သာကေတမြို့နယ်၊ ရှုခင်းသာလမ်းမအနီး အောင်သစ္စာ (၅) လမ်းထိပ်မှာ လူအများ ဝိုင်းအုံကြည့်ရှုနေရတဲ့ အထိ ထူးဆန်းတဲ့ ဖြစ်ရပ်တစ်ခု ဖြစ်ပွားနေပါတယ်။ လူမနေတာ ကြာပြီဖြစ်တဲ့ အိမ်တစ်အိမ်ထဲကနေ မယုံကြည်နိုင်စရာ ကိစ္စတွေ ဆက်တိုက်ဆိုသလို ဖြစ်ပေါ်နေတာပါ။

💥 လက်တွေ့ကြုံတွေ့ခဲ့ရသူတွေရဲ့ ပြောပြချက်အရ -
အိမ်ထဲကနေ ပန်းကန်ခွက်ယောက်တွေနဲ့ အပြင်ကို လှမ်းပစ်ပေါက်နေတာကြောင့် လမ်းပေါ်မှာ ပန်းကန်ကွဲတွေ ပြန့်ကျဲနေပြီး၊ အချို့သူတွေက အမှတ်တရဆိုပြီး ပန်းကန်ကွဲစတွေကိုတောင် ကောက်ယူသွားကြတယ်လို့ သိရပါတယ်။

📹 ရုပ်သံဖိုင်ထဲက တုန်လှုပ်စရာ အသံများ -
"အဘိုးကြီးပါ့ဗျ... အင်္ကျီမပါဘူး... အသားမဲလားဖြူလားမသိဘူး၊ ငုတ်တုတ်ကြီး ထိုင်နေတာ!" လို့ အခင်းဖြစ်နေရာက အမျိုးသမီးတစ်ဦးက ထိတ်လန့်တကြား ပြောဆိုနေပါတယ်။ ကလေးတွေရော၊ လူကြီးတွေပါ ဝါးခနဲ ဝါးခနဲ ပေါ်လာတဲ့ ထူးဆန်းတဲ့ အရိပ်အယောင်တွေကို မြင်တွေ့ခဲ့ရတယ်လို့ ဆိုပါတယ်။

"သရဲက ငုတ်တုတ်ထိုင်နေတာ... ဦးထုပ်အဖြူလေးနဲ့ ပြေးသွားတာ..." စတဲ့ ပြောဆိုချက်တွေဟာ အခုဆိုရင် သာကေတ တစ်မြို့နယ်လုံးကို ရိုက်ခတ်နေပြီး ကျပ်ပလက်မကျ စည်ကားနေပါတယ်။

ဒါဟာ တကယ်ပဲ နာနာဘာဝတွေရဲ့ ခြောက်လှန့်မှုလား? ဒါမှမဟုတ် တခြား ရှင်းပြရခက်တဲ့ ဖြစ်ရပ်တစ်ခုလား? သင်ရော ဘယ်လိုထင်လဲ? Comment မှာ ဆွေးနွေးသွားကြပါဦး။ 👇

21/04/2026

စွမ်းအင်ဝန်ကြီး လုပ်ပုံက ဝမ်းသွားချင်လာမှ အိမ်သာရှာသလိုမျိုး

လျှပ်စီး၊ ဧပြီ ၂၁၊ ၂၀၂၆

စစ်ခေါင်းဆောင် မင်းအောင်လှိုင် သမ္မတအဖြစ် ကျမ်းသစ္စာဆိုပြီး ပထမအပတ်မှာတင် မြန်မာ့လောင်စာဆီနဲ့ လျှပ်စစ်အခက်အခဲကို ဖြေရှင်းဖို့ စွမ်းအင်ဝန်ကြီး ဦးကိုကိုလွင်ကို ရုရှားနဲ့ တရုတ်နိုင်ငံတွေဆီ အရေးပေါ် စေလွှတ်ခဲ့တဲ့ သတင်းတွေ ဖတ်ရပါတယ်။

ဧပြီ ၁၅ ရက်မှာ ရုရှားကိုသွားပြီး ရေနံစိမ်း၊ သဘာဝဓာတ်ငွေ့ (LNG/LPG) နဲ့ ဓာတ်မြေသြဇာတွေ ထောက်ပံ့ပေးဖို့ နားလည်မှုစာချွန်လွှာ လက်မှတ်ရေးထိုးပါတယ်။ အဓိကကတော့ ရေနံတွေကို ရေရှည်ဝယ်နိုင်ဖို့ ရုရှားဆီကနေ အတိုးနှုန်းသက်သာတဲ့ ချေးငွေရဖို့ပါ ညှိနှိုင်းခဲ့တာပါ။

ရုရှားမသွားခင် ဧပြီ ၁၃ ရက်မှာ တရုတ်နိုင်ငံကို အရင်ဝင်ပြီး ရေနံချက်စက်ရုံသစ်တွေ ဆောက်ဖို့၊ နေရောင်ခြည်စွမ်းအင်သုံး စီမံကိန်းတွေလုပ်ဖို့နဲ့ ရေနံသယ်ယူပို့ဆောင်ရေး လုံခြုံစိတ်ချရဖို့ တရုတ်ကုမ္ပဏီတွေနဲ့ ဆွေးနွေးခဲ့ပါတယ်။

စွမ်းအင်ဝန်ကြီး ကိုကိုလွင်က မင်းအောင်လှိုင် သဘောကျအောင် တရုတ်တွေ၊ ရုရှားတွေနဲ့ ဖြစ်နိုင်၊ မဖြစ်နိုင်တာ အသာထားပြီး လျှောက်ဆွေးနွေး၊ လျှောက်ပြောနေတဲ့ ဟန်ပြလုပ်ရပ်တွေသာ ဖြစ်တယ်လို့ ပထမဆုံး ပြောပါရစေ။

ဒါကြောင့်လည်း သူ့ကို သဘောကျပြီး လျှပ်စစ်ကိုပါ ပူးတွဲကိုင်ခိုင်းတာ ဖြစ်ပါတယ်။ လာအိုက လျှပ်စစ်ကို ဝယ်ပြီး ဓာတ်ကြိုးလိုင်းသွယ်မယ်ဆိုတာမျိုးတွေ လူကြားကောင်းအောင် လျှောက်ပြောသေးတယ်။ သူလုပ်ပြနေတာတွေရဲ့ ၉၅ ရာခိုင်နှုန်းလောက်က ဖြစ်လာဖို့ မရှိပါဘူး။

ရုရှားက ဆီသင်္ဘောကြီး မနက်ဖြန်ပဲ မြန်မာပြည် လာကပ်တော့မလိုလို၊ နျူကလီးယား ဓာတ်အားပေးစက်ရုံပဲ ဆောက်တော့မလိုလို ‘မစားရ ဝခမန်း’ တွေ ပြောနေတာဖြစ်တဲ့အကြောင်း ရှေ့မှာ ကျနော် ရေးခဲ့ပြီးပါပြီ။

ဒီတခေါက် အသစ်က တရုတ်တွေကို မြန်မာ့ရေနံမြေမှာ လာပြီး ရေနံတွေ တူးဖို့နဲ့ လောင်စာဆီချက်စက်ရုံ တည်ဖို့ဆိုတာပါ။ ဆိုတော့ မြန်မာပြည်အလယ်ပိုင်းက ကုန်းတွင်းရေနံမြေမှာ တရုတ်တွေ ဝင်လာလုပ်နိုင်သလားဆိုတာ စဉ်းစားစရာပါ။

ပြောရရင် ကုန်းတွင်းရေနံလုပ်ကွက်တွေကို အရင်က အဖွဲ့တွေလည်း ဝင်ရောက်ရှာဖွေ စမ်းသပ်မှုတွေ အများကြီး လုပ်ပြီးပါပြီ။ စီးပွားဖြစ် ထုတ်လုပ်နိုင်ခြေ မရှိတဲ့အတွက် မလာကြတာပါ။ ဒါကြောင့် အခုလည်း အလုပ်ဖြစ်ဖို့ မလွယ်ပါ။

ထောက်ရှာပင် တွင်းဟောင်းကို ပြန်ပြင်မယ်၊ အနက်ထပ်နှိုက်ကြည့်မယ်ဆိုပြီး တရုတ်ကုမ္ပဏီနဲ့ စာချုပ်ချုပ်တာကလည်း ပေးရတာနဲ့ ပြန်ရမှာ တွက်ခြေကိုက်၊ မကိုက် မသေချာပေမဲ့ မင်းအောင်လှိုင်ကတော့ သဘောကျမှာ သေချာပါတယ်။ သူက အဲဒီလို လူမျိုးဖြစ်ပါတယ်။ ကုန်ကျစရိတ်ကတော့ တိုင်းပြည်က ပေးရတာပါ။

သံလျင်ရေနံချက်စက်ရုံကို ပြန်လည်ပတ်ဖို့ ဆိုတာကလည်း မင်းအောင်လှိုင်ရဲ့ “အစိုးရပိုင်စက်ရုံတွေ ပြန်လည်ပတ်ရမည်” ဆိုတဲ့ အတွေးအခေါ်ကို အသက်သွင်းပေးရုံ သက်သက်သာ ဖြစ်ပါတယ်။

ဒီစက်ရုံကို နဝတ လက်ထက်ကတည်းက နိုင်ငံခြားရင်းနှီးမြှုပ်နှံသူတွေ အများအပြား လာရောက်လေ့လာဖူးပါတယ်။ စီးပွားဖြစ် ထုတ်နိုင်ဖို့ မဖြစ်နိုင်သလို၊ ရန်ကုန်ဆိပ်ကမ်းကို ၃ ရက်အတွင်း အရောက်ပို့ပေးနိုင်တဲ့ ကမ္ဘာ့အကြီးဆုံး ရေနံချက်စက်ရုံလုပ်ငန်းစုကြီးရှိရာ စင်ကာပူက ဝယ်တာက ပိုသက်သာမယ်ဆိုပြီး မလုပ်ဖြစ်ကြတာပါ။

ပြည်တွင်းမှာ ရေနံစိမ်း များများစားစား မထွက်ဘဲ ရေနံချက်စက်ရုံ တည်မယ်ဆိုရင် ပြည်ပက သင်္ဘောကြီးတွေနဲ့ ရေနံစိမ်း အလုံးအရင်း သယ်လာပြီး စက်ရုံကြီးကြီးမှာ ချက်မှ တွက်ခြေကိုက်တာပါ။ သံလျင်နေရာက သင်္ဘောကြီးတွေ ဝင်လို့မရသလို စက်ရုံအကြီးကြီးအတွက်လည်း နေရာကျဉ်းနေပါတယ်။

ရေနံစိမ်းကို နည်းနည်းချင်း ဝယ်ချက်ရင် စင်ကာပူလို အကြီးအကျယ်ချက်ပြီး ပတ်ဝန်းကျင်ကို ရောင်းနေတဲ့ ပရိုဖက်ရှင်နယ် ဈေးနှုန်းထက် ပိုကြီးမှာ သေချာပါတယ်။ သံလျင်စက်ရုံကို ဘယ်လိုပုံစံနဲ့ လုပ်မလဲဆိုတာလည်း သဲသဲကွဲကွဲ မသိရသေးပါဘူး။

နောက်ဆုံး စဉ်းစားမိတာ တချက်တော့ ရှိပါတယ်။ အဲဒါက “လေယာဉ်ဆီ” ပါ။ အားလုံးက ဝိုင်းပိတ်ဆို့ချိန် လေယာဉ်ဆီကို အီရန်က မှောင်ခိုဝယ်ရပါတယ်။ နိုင်ငံတကာလွတ်ငြိမ်းချမ်းသာခွင့်အဖွဲ့ရဲ့ စုံစမ်းဖော်ထုတ်ချက်အရ ၂၀၂၄ နဲ့ ၂၀၂၅ ခုနှစ်အတွင်း တန်ချိန် ၁၇၀၀၀၀ ကျော် စစ်တပ်က ဝယ်သွင်းခဲ့တယ်။

အခုလိုမျိုး အရှေ့အလယ်ပိုင်းမှာ စစ်ဖြစ်လို့ လေယာဉ်ဆီ ဝယ်မရတာတွေ ဖြစ်လာတော့ ပြည်တွင်းက ထွက်သမျှ ရေနံစိမ်းလေးတွေကို မူးစုပဲစု စုပြီး လေယာဉ်ဆီကိုပဲ ဦးစားပေး ထုတ်ဖို့ ပြင်ဆင်လိုတာလို့ ကောက်ချက်ချရမယ်။ ဒီအတွက် ကုန်ကျစရိတ်ကို ထည့်တွက်စရာမလိုဘူး၊ ဘယ်လောက်ပဲဖြစ်ဖြစ် ဆီရဖို့ကသာ အဓိက ဖြစ်ပါတယ်။

ဒီဖြစ်နိုင်ခြေက ကြည့်ရင် သံလျင်စက်ရုံ၊ ထောက်ရှာပင်နဲ့ အခြား ကုန်းတွင်းလုပ်ကွက်တွေကို လုပ်ဖို့ ကြိုးစားနေတာက အဓိပ္ပာယ် အများကြီး ရှိပါတယ်။ သာမန်စက်သုံးဆီဆိုရင်တော့ စင်ကာပူက ငွေပေးဝယ်ရင် အချိန်မရွေး ရပါတယ်။ အခုလည်း ရတယ်၊ နောက်လည်း ရဦးမှာပါ။ ပိုက်ဆံသာ ပေးနိုင်ဖို့ လိုပါတယ်။ သူတို့က ဒီအလုပ်ကို ဇောက်ချလုပ်နေတာ ဆယ်စုနှစ်ချီနေပါပြီ။

အချုပ်အားဖြင့် ဆိုရသော် စွမ်းအင်ဝန်ကြီး လုပ်သမျှက ဖော်ရှိုးတွေသာဖြစ်ပြီး တကယ်လုပ်မယ့် အရာတွေကလည်း သူတို့ စစ်လေယာဉ်ဆီတွေအတွက်သာ ဖြစ်ပါတယ်။ ဒါလည်း ဝမ်းသွားချင်လာမှ အိမ်သာရှာသလိုမျိုး ဖြစ်နေပါတယ်။ ပြည်သူလိုအပ်တဲ့ စက်သုံးဆီကတော့ သွင်းခွင့်ပြုဖို့ပဲ လိုပါတယ်၊ ဝန်ကြီး လုပ်နေသလို လျှောက်လုပ်နေစရာ မလိုပါဘူး။

(စာရေးသူသည် ဩစတြေးလျနိုင်ငံတွင် ယာယီနေထိုင်နေသူ စွမ်းအင်ဆိုင်ရာ ကျွမ်းကျင်သူတဦး ဖြစ်သည်။)

Website တွင် ဖတ်ရန် https://bit.ly/4tvYVSk

19/04/2026

စစ်မီးနှင့် ဆွေးနွေးပွဲကြားက ရွှေစျေးကွက် - $5,000 ဆီသို့ ဦးတည်နေသလား...?

​April 19, 2026

​ပြီးခဲ့သည့်အပတ်က ရွှေဈေးကွက်သည် စစ်ပွဲအရှိန်နှင့်အတူ အားကောင်းသော အတက်ဘက်သို့ ဦးတည်ခဲ့ပြီး $4,500 အထက်ကို လွတ်လွတ်ကျွတ်ကျွတ် ဖောက်ထွက်နိုင်ခဲ့တာ ၃ ပတ်ကျော်ပြီး ဖြစ်ပါတယ်။

ရွှေဈေးသည် $4,670.42 ဖြင့် ဈေးကွက်စတင်ခဲ့ပြီးနောက် $4,644.46 ထိ အကျပြခဲ့သော်လည်း အမြင့်ဆုံး $4,891.54 ထိ တက်လှမ်းနိုင်ခဲ့ကာ $4,831.61 နှင့် ပိတ်ခဲ့သည်။ ဤအပိတ်သည် (၄) ပတ်ဆက်တိုက် အတက်ဖြင့် ပိတ်ခဲ့ခြင်းဖြစ်သလို၊ Retracement (Profit taking) ကြောင့် အနည်းငယ် ပြန်ဆင်းလာသော်လည်း ဝယ်လိုအား ပြန်လည်ပါဝင်နေသည့် အနေအထားဖြစ်သည်။

တစ်ဖက်တွင်လည်း DXY $98.22 နှင့် US 10Y Bonds $4.248 တို့ဖြင့် အသီးသီးပိတ်ခဲ့ပြီး (၃) ပတ်ဆက်တိုက် အကျဘက်တွင် ရှိနေခဲ့သည်။

​🗓️ စောင့်ကြည့်ရမည့် အဓိက စီးပွားရေးဒေတာများ (April 20-24)

​လာမည့်အပတ်အတွက် ထွက်ပေါ်မည့် ဒေတာများသည် ပုံမှန်ထွက်နေကျ ဒေတာများသာ ဖြစ်​သည် -

​ဧပြီလ ၂၀ ရက် (တနင်္လာနေ့)

တရုတ်နိုင်ငံ၏ China Loan Prime Rate 5Y (Apr) နှင့် PBoC Loan Prime Rate ထွက်ပေါ်မည်ဖြစ်သလို၊ ဂျာမနီနိုင်ငံ၏ German PPI (MoM) (Mar) ထွက်ပေါ်ရန် ရှိသည်။

​ဧပြီလ ၂၁ ရက် (အင်္ဂါနေ့)

ဗြိတိန်နိုင်ငံ၏ Unemployment Rate (Feb) နှင့် အမေရိကန်နိုင်ငံ၏ ADP Employment Change Weekly၊ Retail Sales (MoM) (Mar) နှင့် Core Retail Sales (MoM) (Mar) ဒေတာများ ထွက်ပေါ်မည်။

​ဧပြီလ ၂၂ ရက် (ဗုဒ္ဓဟူးနေ့)

ဗြိတိန်နိုင်ငံ၏ CPI (YoY)(Mar) နှင့် (MoM)(Mar) ကဲ့သို့သော ငွေကြေးဖောင်းပွမှု ဒေတာများ ထွက်ပေါ်မည်။

​ဧပြီလ ၂၃ ရက် (ကြာသပတေးနေ့)

အမေရိကန်နိုင်ငံ၏ Initial Jobless Claims နှင့်အတူ အရေးကြီးသည့် S&P Global Services PMI (Apr)၊ Manufacturing PMI နှင့် Composite PMI (Apr) ဒေတာများ ထွက်ပေါ်ရန် ရှိသည်။

​ဧပြီလ ၂၄ ရက် (သောကြာနေ့)

ဗြိတိန်နိုင်ငံ၏ Retail Sales (YoY/MoM) (Mar) နှင့် Core Retail Sales ဒေတာများအပြင် အမေရိကန်နိုင်ငံ၏ Michigan Consumer Expectations (Apr) ဒေတာများ ထွက်ပေါ်မည်ဖြစ်သည်။

​⚖️ စစ်ပွဲနှင့် ဒေတာအပေါ် အခြေခံသည့် သုံးသပ်ချက်

​စစ်ပွဲစတင်ကတည်းက စီးပွားရေးဒေတာများ၏ ဈေးကွက်အပေါ် သက်ရောက်မှုမှာ အင်မတန် အားနည်းနေခဲ့ပြီး သတင်းထူး (News) များအပေါ်တွင်သာ အခြေခံ၍ အတက်အကျ ဖြစ်ပေါ်နေခဲ့သည်။ လာမည့်အပတ်တွင်လည်း ဆွေးနွေးပွဲ၏ ရလဒ်သည် အဓိက အလှည့်အပြောင်း ဖြစ်လာမည်ဖြစ်သည်။

​အမေရိကန်သမ္မတ ဒေါ်နယ်ထရန့်က ဟော်မုဇ်ရေလက်ကြားတွင် ပြင်သစ်သင်္ဘောနှင့် ဗြိတိန်ကုန်တင်သင်္ဘောများ ပစ်ခတ်ခံရမှုကို အပစ်ရပ်စဲရေး ချိုးဖောက်မှု (Total Violation) အဖြစ် စွပ်စွဲထားပြီး၊ ဆွေးနွေးပွဲသာ ပျက်ပြားခဲ့ပါက အီရန်နိုင်ငံရှိ လျှပ်စစ်ဓာတ်အားပေးစက်ရုံများနှင့် တံတားအားလုံးကို တိုက်ခိုက်ဖျက်ဆီးမည်ဟု ပြင်းထန်စွာ သတိပေးထားသည်။

​ဒုသမ္မတ JD Vance ဦးဆောင်သည့် အမေရိကန်ကိုယ်စားလှယ်အဖွဲ့သည် တနင်္လာနေ့ (ဧပြီ ၂၀) ညနေပိုင်းတွင် ပါကစ္စတန်နိုင်ငံ၊ အစ္စလာမ္မာဘတ်သို့ ရောက်ရှိပြီး အီရန်နှင့် ဆွေးနွေးမည်ဖြစ်သည်။

တစ်ဖက်တွင်လည်း အီရန်ဒုနိုင်ငံခြားရေးဝန်ကြီးက ဆွေးနွေးပွဲအတွက် မူဘောင်များကို အရင်သဘောတူရန် လိုအပ်ကြောင်းနှင့် အမေရိကန်၏ ရေတပ်ပိတ်ဆို့မှုအပေါ် မကျေနပ်မှုများ ရှိနေကြောင်း ပြောကြားထားသည်။

​💡 နည်းပညာပိုင်းဆိုင်ရာ ခန့်မှန်းချက် (Technical Outlook)

​Support Level: $4,750 နှင့် $4,800 ဝန်းကျင်သည် အဓိက ထောက်တိုင်များဖြစ်သည်။

​Resistance Level: $4,900/$4,980 သည် အရေးကြီးသော တံတိုင်းဖြစ်ပြီး ယင်းကို ကျော်ဖြတ်နိုင်ပါက $5,000 ဆီသို့ အရှိန်အဟုန်ဖြင့် တက်လှမ်းနိုင်ပါသည်။

​သုံးသပ်ချက်:
စစ်ပွဲအရှိန် မြင့်တက်လာမှုနှင့်အတူ အမေရိကန်၏ ပြင်းထန်သော သတိပေးချက်များကြောင့် ရွှေစျေးသည် အတက်ဘက်သို့ ဆက်လက်ဦးတည်နေနိုင်သော်လည်း၊ ဆွေးနွေးပွဲရလဒ် အပြုသဘောထွက်ပေါ်လာပါက ဈေးနှုန်းပြန်လည်အေးခဲသွားနိုင်သည့် အခြေအနေကိုလည်း သတိပြုရပါမည်။

​🙏 အကြံပြုချက်နှင့် နိဂုံးချုပ်
သတင်းများကို မျက်ခြေမပြတ် နားစွင့်နေရင်း၊ Stop Loss (SL) စနစ်တကျ ထည့်သွင်းကာ အန္တရာယ်စီမံခန့်ခွဲမှုဖြင့်သာ အရောင်းအဝယ် ပြုလုပ်ကြရန် အကြံပြုလိုပါသည်။

​👑 ၏ ဖြစ်သော K Financial Group နှင့်အတူ အနည်းဆုံး $50 မှစတင်ကာ ကုန်သွယ်မှုပြုလုပ်နိုင်ပြီဖြစ်၍ ဈေးကွက်အတွင်းရှိ အခွင့်အလမ်းကောင်းများကို အရင်းအနှီးအနည်းငယ်ဖြင့် အရယူနိုင်မည့် လက်မလွတ်သင့်သော အခွင့်အရေးတစ်ခု ဖြစ်ပါသည်ခင်ဗျာ။ 🥰

​❝ ခိုင်မာသော သတင်းအချက်အလက်ဖြင့် အတူတူ အကျိုးအမြတ်ရှာပါ ❞

​Vantage Your Private Broker

​📧 Gmail: kfinancialgroup996@gmail.com
📞 Hotline No: 09-796179552

​


🥰