27/09/2023
ဆီးချိုသွေးချိုဝေဒနာရှင်များ ပုံမှန်စစ်ဆေးသင့်သော HbA1c 🩸
ဆီးချိုသွေးချိုရှိသူများဟာ သူတို့ရဲ့ သွေးထဲက အချိုကို တိုင်းတာဖို့အတွက် ဆီးစစ်ကြတယ်၊ လက်ထိပ်ကို အပ်လေးနဲ့ဖောက်ပြီး အချိုဓာတ်စစ်ဆေးလေ့ရှိကြပါတယ်။ ဒီစစ်ဆေးမှုတွေဟာ မှန်ကန်တိကျ ပေမယ့် အချိန်အတိုင်းအတာ တစ်ခု အတွက်ပဲ ဖြစ်ပါတယ်။ ဥပမာ ဆီးချိုသမားတစ်ယောက်ဟာ ကျန်တဲ့ နေ့တွေမှာ စိတ်ကြိုက်စားပြီး ဆရာဝန်ဆီ သွားပြရမယ့် ရက်မှာ တစ်နေကုန် ဘာမှမစားပဲ နေမယ်ဆိုရင်တော့ သူဟာ ဆရာဝန်ဆီရောက်လို့ ဆီးချို စစ်တဲ့အခါမှာတော့ ဆီးချိုကျနေမှာပါ။ ဒီစစ်ဆေးမှုတွေဟာ တစ်နေ့စာ အတွက်ပဲ မှန်ကန်ပါတယ်။
ဒါပေမယ့် 1980 ပြည့်နှစ်မှာတော့ HbA1c ဆိုတဲ့ စစ်ဆေးမှု တစ်ခုပေါ်လာပြီး အချိန်တိုအတွင်းမှာပဲ ဆီးချိုရောဂါ ထိန်းချုပ်ရေးမှာ အလွန်ပဲပေါက်ရောက်ခဲ့ပါတယ်။ သူရဲ့အလုပ်လုပ်ပုံကတော့ ကျွန်တော်တို့ ရဲ့ သွေးနီဥ ထဲမှာ hemoglobin လို့ ခေါ်တဲ့ အနီရောင်ဓာတ်တစ်မျိုးပါဝင်ပါတယ်။ ဒီ hemoglobin ဟာ ခန္ဒာကိုယ် အနှံ့ အောက်စီဂျင်သယ်ယူပို့ဆောင်ဖို့ အကူအညီပေးပါတယ်။ ထူးခြားချက်တစ်ခုက ကျွန်တော်တို့ နေ့စဉ်စား သုံးလိုက်တဲ့ glucose တွေဟာ ဒီ Hemoglobin ကို လာကပ်ညှိပါတယ်။ ဒီလိုလာကပ်ညှိတဲ့ပမာဏကို hemoglobin ဟာ သုံးလလောက်အထိ မှတ်ထားနိုင်ပြီး သင်ဟာ ဒီသုံးလတာအတွင်း များများစားရင် HbA1c များနေမှာ ဖြစ်ပြီး ဆင်ခြင်ရင်တော့ HbA1c ကျနေမှာ ဖြစ်ပါတယ်။
သင်ဟာ တစ်ရက်လောက် ည ၁၀ နာရီနောက်ပိုင်း အစာမစားပဲ မနက် စောစောထဖောက်ကြည့် ၊ အချိုဓာတ်ကောင်းနေတာနဲ့ ဆီးချိုမရှိဘူးလို့ အတပ်ပြောလို့မရသလို အချိုဓာတ်မကောင်းရင်လဲ ဆီးချိုဖြစ် နေပါပြီလို့ အတပ်ပြောဖို့ ခက်ပါတယ်။ HbA1c ပေါ်လာခြင်းအားဖြင့် ဒီစစ်ဆေးမှုဟာ သင့်ရဲ့ ၃ လတာအတွင်း စားသုံးမှု အခြေအနေကို စစ်ဆေးပေးတာဖြစ်လို့ သင်ဟာ ဆီးချိုဖြစ်တော့မယ့်လူလား၊ ဆီးချို ဖြစ်နေပြီလား ဆိုတာကို ဖော်ပြနိုင်မှာ ဖြစ်ပါတယ်။
သာမန် ဆီးချိုမရှိတဲ့လူမှာ HbA1c ဟာ 5.6 % ရဲ့ အောက်ဖြစ်ရပါမယ်။ 5.7% - 6.4% ကိုတော့ ဆီးချို ဖြစ်ခါနီး အဆင့်လို့ သတ်မှတ်ပြီး 6.5% နဲ့ အထက်ကိုတော့ ဆီးချိုလို့သတ်မှတ်ပါတယ်။ ဒါကြောင့် ဆီးချိုသမားတွေအနေနဲ့ ၃ လတစ်ကြိမ် HbA1c ကို စစ်ဆေးသင့်ပြီး အနည်းဆုံး တစ်နှစ်ကို နှစ်ကြိမ်တော့ HbA1c ကို စစ်ဆေးသင့်ပါတယ်။ HbA1c တက်နေပြီဆိုရင်တော့ သင်ဟာ နှလုံးနှင့် သွေးကြောဆိုင်ရာ ရောဂါများ ဖြစ်တဲ့ လေဖြတ်ခြင်း၊ နှလုံးသွေးကြောပိတ်ခြင်း၊ ကျောက်ကပ်ပျက်စီးခြင်း၊ အာရုံကြောများ ပျက်စီးခြင်း၊ မျက်စိပျက်စီး ကွယ်ပိတ်ခြင်း၊ ခြေလက်များထုံကျင်ခြင်း၊ အနာကျက်နှေးခြင်းစတဲ့ အချက်တွေ ကို ခံစားရဖို့ အတော်နီးနေပြီါ်ဖြစ်ပတယ်။ ဒါကြောင့် သင့်ဟာ ဆီးချိုရှိသူတစ်ဦး (သို့) အနည်းငယ်ဝနေသူ တစ်ဦး၊ အချိုကြိုက်သူတစ်ဦး ဖြစ်ခဲ့ရင်တော့ HbA1c ကို မဖြစ်မနေစစ်ဆေးသင့်ပါတယ်။ ကြိုတင်ကာကွယ်ခြင်းသည် ကုသခြင်းထက်ပိုပြီးကောင်းတယ်ဆိုတဲ့ စကားလိုပဲ ရောဂါမဆိုးခင် အစာနဲ့ ထိန်းနိုင်စေရန် အကြံပေးလိုက် ပါတယ်။
🔸 HbA1c နဲ့ပတ်သက်ပြီး စစ်ဆေးမှုများ ကို "Shwe Clinical & Diagnostic Laboratory" တွင် အထူးဝန်ဆောင်မှုများဖြင့် အကောင်းဆုံးဆောင်ရွက်ပေးလျက်ရှိပါသည်။
☎️09250830382, 095167249, 09965167249,09964830382
🧪“ရွှေ” ရောဂါရှာဖွေရေး ဓာတ်ခွဲခန်း
(၁) တိုက်-၄ ၊အခန်း -၃၄ ၊မြို့ပြ အိမ်ယာတောင်ဘက်ခြမ်း၊၈မိုင်လမ်းဆုံ၊ ပြည်လမ်း (၆) ရပ်ကွက် ၊ မရမ်းကုန်းမြို့နယ် ၊ ရန်ကုန်မြို့။
(၂) “အေးမြစန္ဒာ” ဆေးခန်း ၊အမှတ် (၂၀၂)၊ မင်းရဲကျော်စွာလမ်း နှင့် ဦးအောင်ဇေယျလမ်းထောင့်၊သမိုင်း(၂) ရပ်ကွက်၊ မရမ်းကုန်းမြို့နယ်၊ ရန်ကုန်မြို့။
(၃) အမှတ် (၄၇/B-5)၊ မဂ်လာခြံ၊မင်္ဂလာလမ်း၊ဖော့ကန် ရပ်ကွက်၊ အင်းစိန်မြို့နယ်။
📧: shwelaboratory01@gmail.com
