What are the opening hours?

Monday 08:00 - 18:00 Tuesday 08:00 - 18:00

https://www.facebook.com/112116321275098/

Marlar Myaing Specialist Clinic - မာလာမြိုင်အထူးကုဆေးခန်း, No. 6, MarLar Myaing 4th Street, 16th Ward, Hlaing Township, Yangon (2025)

01/03/2025

မာလာမြိုင် ဆေးခန်း နှငိ့ အတူ လက်တွဲ လုပ်ဆောင်ရန်
သူနာပြု အကူ (၃) ဦး အလိုရှိပါသည်
စိတ်ဝင်စားပါ က အောက်ဖော်ပြပါ ဖုန်းနံပါတ်သို့ ဆက်သွယ်မေးမြန်းနိုင်ပါသည်
special clinic

12/02/2025

၂၀၂၅ခုနှစ် ဖေဖော်ဝါရီလ (၁၂)ရက်နေ့တွင် ကျရောက်သော (၇၈)နှစ်မြောက် ပြည်ထောင်စုနေ့ အား "မာလာမြိုင်အထူးကုဆေးခန်း" မှ ဂုဏ်ပြု ကြိုဆိုအပ်ပါသည်။

#ကျန်းမာရေး

02/02/2025

🐟𝐅𝐢𝐬𝐡 𝐨𝐢𝐥 လား ? 𝐂𝐨𝐝 𝐋𝐢𝐯𝐞𝐫 𝐨𝐢𝐥 လား ?🐟

🔎 ကျန်းမာရေးအတွက် ကောင်းကျိုးပေးတဲ့ 𝐎𝐦𝐞𝐠𝐚 𝟑 အကျိုးပြု အဆီဓာတ်တွေ အများကြီးပါဝင်တဲ့ ပင်လယ်ငါးတွေကနေ ထုတ်ထားတဲ့ ဖြည့်စွက်ဆေးလေးတွေအကြောင်း လေ့လာကြည့်ကြမယ်နော်။

🐟 ငါးအဆီ 𝐅𝐢𝐬𝐡 𝐎𝐢𝐥 နှင့် ငါးကြီးဆီ 𝐂𝐨𝐝 𝐋𝐢𝐯𝐞𝐫 𝐎𝐢𝐥 ဆိုတာမှာ ဘာတွေကွာခြားလဲဆိုရင်
🔼 ငါးအဆီ 𝐅𝐢𝐬𝐡 𝐨𝐢𝐥 ကို 𝐦𝐚𝐜𝐤𝐞𝐫𝐞𝐥, 𝐭𝐮𝐧𝐚, 𝐬𝐚𝐥𝐦𝐨𝐧, 𝐬𝐚𝐫𝐝𝐢𝐧𝐞𝐬, 𝐦𝐮𝐥𝐥𝐞𝐭 စတဲ့ ပင်လယ်ငါးများကနေ ထုတ်လုပ်ထားပါတယ်။
🔼 𝐂𝐨𝐝 𝐋𝐢𝐯𝐞𝐫 𝐨𝐢𝐥/𝐂𝐨𝐝 𝐟𝐢𝐬𝐡 𝐨𝐢𝐥 ဆိုတာကတော့ 𝐂𝐨𝐝 𝐟𝐢𝐬𝐡 ဆိုတဲ့ အတ္တလန်တိတ်နှင့် ပစိဖိတ်သမုဒ္ဒရာတွေထဲက ပင်လယ်ငါးကြီးမျိုးရဲ့ အသည်းမှ ထုတ်ယူထားရတဲ့ အဆီအနှစ် ဖြစ်ပါတယ်။

📌 ဒီ ငါးအဆီအနှစ် နှစ်မျိုးစလုံးဟာ 𝐎𝐦𝐞𝐠𝐚 𝟑 လို့ခေါ်တဲ့ အဆီထဲမှာ လူကို အကျိုးပြုဆုံး 𝐄𝐬𝐬𝐞𝐧𝐭𝐢𝐚𝐥 𝐟𝐚𝐭𝐭𝐲 𝐚𝐜𝐢𝐝 တွေ အများကြီး ပါဝင်ကြပါတယ်။

- 𝐄𝐬𝐬𝐞𝐧𝐭𝐢𝐚𝐥 ဆိုတဲ့သဘောဟာ ခန္ဓာကိုယ်ထဲမှာ မထုတ်လုပ်နိုင်လို့ ပြင်ပကနေ ဖြည့်စွက်စားသုံးဖို့လိုတဲ့ အဆီတွေ ဖြစ်ပါတယ်။
- ဒါကြောင့်မို့ တစ်ပတ်မှာ ၂ ကြိမ်လောက် ပင်လယ်ငါးကို မစားသုံးဖြစ်ရင် ဒီလိုဖြည့်စွက်ဆေးတွေကို သုံးနိုင်ပါတယ်။
- ဒါပေမယ့် ဆရာဝန်နဲ့ အရင်တိုင်ပင်ပြီးမှပဲ စနစ်တကျ သုံးစွဲသင့်ပါတယ်။
- 𝐂𝐨𝐝 𝐋𝐢𝐯𝐞𝐫 𝐎𝐢𝐥 ကတော့ ဗီတာမင်-အေ နှင့် ဗီတာမင်-ဒီတို့ပါ ပိုမိုပါဝင်တာကြောင့် ကျန်းမာရေးအတွက် ပိုအထောက်အကူပေးပါတယ်။
- သို့သော်လည်း တန်ဆေး၊ လွန်ဘေးဆိုသလို အများအပြား သောက်မိတဲ့အခါ ဗီတာမင်ဓာတ် လွန်ကဲမှုတွေ ဖြစ်နိုင်တာကိုလည်း သတိပြုရပါမယ်။

📌 𝐎𝐦𝐞𝐠𝐚 𝟑 ဆိုတာဘာလဲ?

- 𝐎𝐦𝐞𝐠𝐚 𝟑 ဆိုတဲ့ အဆီဓာတ်မှာ 𝐀𝐋𝐀 (𝐀𝐥𝐩𝐡𝐚-𝐥𝐢𝐧𝐨𝐥𝐞𝐧𝐢𝐜 𝐚𝐜𝐢𝐝), 𝐄𝐏𝐀 (𝐄𝐜𝐨𝐬𝐚𝐩𝐞𝐧𝐭𝐚𝐞𝐧𝐨𝐢𝐜 𝐚𝐜𝐢𝐝) နှင့် 𝐃𝐇𝐀 (𝐃𝐨𝐜𝐨𝐬𝐚𝐡𝐞𝐱𝐚𝐞𝐧𝐨𝐢𝐜 𝐚𝐜𝐢𝐝) ဆိုပြီး အုပ်စု ၃ခု ရှိပါတယ်။
- 𝐀𝐋𝐀 က အပင်နှင့် အစေ့အဆံတွေ (𝐞𝐠., သစ်ကြားသီး၊ ပဲပုပ်၊ ကီဝီသီး) ကနေရရှိပြီး 𝐄𝐏𝐀 နှင့် 𝐃𝐇𝐀 တွေကို ဒီလိုမျိုး 🐟ပင်လယ်ငါးများနှင့် ငါးကြီးဆီ ဖြည့်စွက်ဆေးများကနေ ရရှိနိုင်ပါတယ်။

💡 ငါးရဲ့ အဆီအနှစ်တွေကနေရတဲ့ အကျိုးကျေးဇူးတွေအနေနဲ့...

- အစာစားချင်စိတ်ကို လှုံ့ဆော်ပေးခြင်း၊
- အရိုး နှင့် သွားများ သန်မာစေခြင်း၊ အရိုးပျော့ရောဂါ၊ အရိုးကျိုးလွယ်ခြင်းများကို ကာကွယ်ခြင်း၊
- ကိုယ်ဝန်ဆောင်ချိန်မှာ သန္ဓေသားကို မျက်စိ နှင့် ဦးနှောက်ဖွံ့ဖြိုးမှုကို အားပေးခြင်း၊
- သွေးခုန်နှုန်းကို မှန်စေခြင်း
- ကိုယ်ခံအားကို မြင့်စေခြင်း
- ကိုယ်တွင်းအဆီပိုများ ဖယ်ရှားခြင်း
- ရောင်ရမ်းခြင်း နှင့် ကြွက်သားနာကျင်ခြင်းများကို ကာကွယ်ပေးခြင်း စတာတွေ ရရှိနိုင်ပါတယ်။

⚠️ ဘေးထွက်ဆိုးကျိုးများအဖြစ်...

- ခံတွင်းအနံ့ဆိုးခြင်း၊
- လေတက်ခြင်း၊
- ရင်ပူခြင်း၊
- ဝမ်းပျက်ခြင်းစတဲ့ အချက်တွေ ဖြစ်လာတတ်ပါတယ်။

💊 ငါးကြီးဆီများကို တစ်နေ့လျှင် ၃ဂရမ် မှ ၉ဂရမ်အထိသာ သုံးစွဲသင့်ပါတယ်။

💡 ငါးကြီးဆီကို ဝယ်မသောက်နိုင်ရင် ပင်လယ်ငါး နှင့် အဆီများများပါတဲ့ငါးအမျိုးမျိုး ကို စားသုံးပါ။
💡 ငါးတွေက ဦးနှောက် နှင့် မှတ်ဥာဏ်စွမ်းအားကို ကောင်းစေတဲ့ အစားအစာတွေလည်းဖြစ်လို့ စိတ်ကျခြင်း၊ စိတ်ကစဥ့်ကလျားရောဂါ၊ အယ်လဇိုင်းမားရောဂါစတဲ့ ပြဿနာတွေအတွက်လည်း ကူညီပေးပါတယ်။
💡 တခါတရံမှာ ငါးကြီးဆီကို နှလုံးသွေးကြော ခွဲစိတ်မှု အပြီးမှာ ပိတ်နေတဲ့ သွေးကြောတွေ ပြန်လည်သန်စွမ်းဖို့၊ သွေးခဲမလွယ်ဖို့ နဲ့ သွေးပေါင်ချိန်တက်ခြင်းကို ကာကွယ်ဖို့ သုံးကြပါသေးတယ်။

⚠️ ဘယ်လိုလူမျိုးတွေမှာ မသုံးသင့်ဘူးလဲ?

- ရင်ပြည့်ခြင်း၊
- မအီမသာ ပျို့အန်ခြင်း၊
- နှာခေါင်းသွေးလျှံတတ်ခြင်း၊
- အဖုအပိန့် ထွက်လွယ်ခြင်းများရှိပါက ငါးကြီးဆီကို မစားသုံးသင့်ပါ။
- သွေးခဲစေတဲ့ ဆေးမျိုးတွေသုံးနေရင်လည်း ငါးကြီးဆီနဲ့ တွဲဖက်မစားသင့်ပါဘူး။

𝐑𝐞𝐟𝐞𝐫𝐞𝐧𝐜𝐞:𝐡𝐭𝐭𝐩𝐬://𝐰𝐰𝐰.𝐡𝐞𝐚𝐥𝐭𝐡𝐥𝐢𝐧𝐞.𝐜𝐨𝐦/𝐡𝐞𝐚𝐥𝐭𝐡/𝐜𝐨𝐝-𝐥𝐢𝐯𝐞𝐫-𝐨𝐢𝐥-𝐯𝐬-𝐟𝐢𝐬𝐡-𝐨𝐢𝐥

🥰sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင့်

#ကျန်းမာရေး

#နှလုံးသွေးကြောကျဥ်း
#နှလုံးသွေးကြောပိတ်

#ငါးကြီးဆီ

04/01/2025

၂၀၂၅ ခုနှစ်၊ ဇန်နဝါရီလ (၄) ရက်နေ့တွင် ကျရောက်သော (၇၇) နှစ်မြောက် လွတ်လပ်ရေးနေ့အား ဝမ်းမြောက်စွာ ဂုဏ်ပြုကြိုဆိုအပ်ပါသည် ။

01/01/2025

1.1.2025ရက်နေ့နှစ်သစ်မှစပြီးကံကောင်ခြင်းတွေ၊ပျော်ရွှင်ခြင်းတွေ၊အောင်မြင်ခြင်းတွေနဲ့ချစ်ခြင်းမေတ္တာတွေယူဆောင်လာပေးနိူင်ကြပါစေ။စိတ်၏ချမ်းသာခြင်းကိုယ်၏ကျန်းမာခြင်းနှင့်ပြည်စုံပြီးလိုအင်ဆန္ဒများပြည့်၀ကြပါစေလို့ "မာလာမြိုင်အထူးကုဆေးခန်းမိသားစု"မှဆုတောင်းမေတ္တာပို့သလိုက်ပါတယ်🙏🙏🙏

25/12/2024

Christmas အားလပ်ရက်နေ့လေးမှာ ကိုယ်ချစ်ခင်ရတဲ့သူတွေနဲ့ ပျော်ပျော်ရွှင်ရွှင် အေးချမ်းသာယာစွာ အတူရှိနိုင်ကြပါစေလို့ မာလာမြိုင် မိသားစုမှ ဆုမွန်တောင်းပေးလိုက်ပါတယ်ခင်ဗျာ။
We wish you a Merry Christmas... ☃️🌲

09/12/2024

💊𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 ချောင်းဆိုးရပ်ဆေး💊

😮‍💨ချောင်းဆိုးတဲ့ ဝေဒနာကို သက်သာစေဖို့ သုံးရတဲ့ဆေးတွေက ချွဲပျော်ဆေး (𝐄𝐱𝐩𝐞𝐜𝐭𝐨𝐫𝐚𝐧𝐭𝐬)နှင့် ချောင်းဆိုးရပ်ဆေး (𝐀𝐧𝐭𝐢𝐭𝐮𝐬𝐬𝐢𝐯𝐞𝐬) ဆိုပြီး ရှိပါတယ်။ 𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 ဆိုတဲ့ဆေးကတော့ ချောင်းဆိုးရပ်ဆေး အမျိုးအစားတွေထဲမှာ အသုံးများတဲ့ဆေးပဲ ဖြစ်ပါတယ်။ ဒီဆေးနဲ့ပတ်သက်တဲ့ ဗဟုသုတတွေ အကြောင်းကို မာလာမြိုင်အထူးကုဆေးခန်း𝐩𝐚𝐠𝐞 ကနေ ဆက်ပြီးမျှဝေပေးပါဦးမယ်ရှင်။

📌𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 ကို 𝐂𝐨𝐮𝐠𝐡 𝐬𝐮𝐩𝐩𝐫𝐞𝐬𝐬𝐞𝐧𝐭 လို့လည်းခေါ်ပြီး
▶ချွဲသလိပ်မပါတဲ့ ချောင်းခြောက်ဆိုးခြင်း
▶လည်ချောင်းယားပြီး ချောင်းဆိုးခြင်းတွေမှာ အသုံးပြုနိုင်ပါတယ်။ စျေးကွက်ထဲမှာ ဆေးပြား၊ ဆေးတောင့်၊ ဆေးရည်၊ ငုံဆေးစတဲ့ ပုံစံအမျိုးမျိုးနဲ့ ထုတ်လုပ်ဖြန့်ချီကြပါတယ်။

📌𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 ဟာ ချောင်းဆိုးခြင်းဖြစ်စဥ်ကို ဖြစ်ပေါ်စေတဲ့ ဦးနှောက်ရဲ့တုံ့ပြန်မှု (𝐂𝐨𝐮𝐠𝐡 𝐑𝐞𝐟𝐥𝐞𝐱) ကို ဟန့်တားပေးတာကြောင့် ချောင်းဆိုးခြင်းကို သက်သာစေပါတယ်။ ဦးနှောက်နှင့် အာရုံကြောပင်မစနစ် (𝐂𝐞𝐧𝐭𝐫𝐚𝐥 𝐍𝐞𝐫𝐯𝐨𝐮𝐬 𝐒𝐲𝐬𝐭𝐞𝐦) ရဲ့ အာရုံကြောအချို့ကို ဆေးကသွားပိတ်လိုက်တဲ့အခါ ဦးနှောက်ရဲ့ လုပ်ငန်းစဥ်တချို့ ပျက်ပြားပြီး အိပ်ငိုက်လာပါတယ်။ ဆေးရဲ့အရှိန် ပြယ်သွားရင်တော့ ပုံမှန်ဖြစ်ပါတယ်။

📌ဘေးထွက်ဆိုးကျိုးများ
😴𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 အပါအဝင် ချောင်းဆိုးရပ်ဆေး အများစုက အိပ်ငိုက်ပါတယ်။ ဒါကြောင့်မို့ ဆေးကိုသောက်ပြီးရင် ယာဥ်ယန္တရားမောင်းနှင်ခြင်း၊ စက်ကိရိယာများ ကိုင်တွယ်အသုံးပြုခြင်းတွေ မပြုလုပ်ဖြစ်ဖို့ သတိထားသင့်ပါတယ်။ ဝမ်းချုပ်ခြင်း၊ ပျို့အန်ခြင်း၊ အိပ်မပျော်ခြင်း၊ စိတ်ဂနာမငြိမ်ခြင်းစတဲ့ ဘေးထွက်ဆိုးကျိုးတွေလည်း တွေ့ရတတ်ပါတယ်။

📌ဆေးကိုစွဲလမ်းခြင်း
𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 က ဆရာဝန်လက်မှတ်မပါဘဲ ဝယ်လို့ရတဲ့ (𝐨𝐯𝐞𝐫 𝐭𝐡𝐞 𝐜𝐨𝐮𝐧𝐭𝐞𝐫) ဆေးဖြစ်ပေမယ့် သူ့ရဲ့ဆေးအုပ်စုဟာ တားမြစ်ထိန်းချုပ်ဆေးဝါး (𝐎𝐩𝐢𝐨𝐢𝐝𝐬) အမျိုးအစားထဲမှာ ပါပါတယ်။ လွန်ကဲစွာ၊ လွဲမှားစွာ အသုံးပြုမိရင် စိတ်သာယာမှုရပြီး စွဲလမ်းတတ်လို့ နောက်ဆက်တွဲအဖြစ် စိတ်အာရုံကို ပြဿနာတွေလည်း ပေးနိုင်ပါတယ်။

📌ဆေးကိုသောက်ရင်းနဲ့ အစောပိုင်းမှာ စိတ်သာယာမှုရပြီး စွဲလမ်းတတ်ပါတယ်။ တဖြည်းဖြည်းနဲ့ ဝမ်းနည်းစိတ်ကျလာခြင်း၊ ခေါင်းမူးခြင်း၊ အာရုံထွေပြားခြင်း၊ မျက်စိသူငယ်အိမ် ကျယ်ခြင်း၊ မှတ်ဥာဏ်လျော့ပါးခြင်း၊ ကြွက်သားများ အားနည်းလာခြင်း၊ ခန္ဓာကိုယ်မှာ အနီစက်တွေထွက်ခြင်းစတဲ့ လက္ခဏာတွေ ဆက်ဖြစ်တတ်ပါတယ်။ ဒါကြောင့်မို့ လိုအပ်တာထက်ပိုပြီး သုံးစွဲနေတာမျိုး မဖြစ်အောင် သတိပြုဆင်ခြင်ပြီး တတ်ကျွမ်းနားလည်သူများနှင့် တိုင်ပင်သင့်ပါတယ်။

🚫မသုံးသင့်တဲ့ အခြေအနေများ
▶ချွဲသလိပ်တွေရှိတဲ့ ချောင်းအစိုဆိုးခြင်း (ဥပမာ- ပန်းနာရင်ကြပ်၊ နာတာရှည် လေပြွန်ရောင်ခြင်း) တွေမှာ ချွဲတွေအပြင်ကိုရောက်အောင် ချောင်းဆိုးပြီးထုတ်ပေးမှ သက်သာသွားမှာဖြစ်လို့ ဒီလိုရောဂါတွေဆိုရင် 𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 ကို မသုံးသင့်ပါဘူး။ ဆေးကိုမှားယွင်းပြီး သုံးမိတဲ့အခါ ချောင်းဆိုးက ရပ်သွားပြီး လေပြွန်ထဲမှာ ချွဲတွေပိတ်ဆို့တတ်ပါတယ်။
▶အသည်းရောဂါ၊ ကျောက်ကပ်ရောဂါစတဲ့ ရောဂါအခံတခုခုရှိသူများ၊ ကိုယ်ဝန်ဆောင်နှင့် နို့တိုက်မိခင်များ၊ ၅နှစ်အောက် ကလေးငယ်များမှာ မသုံးသင့်ပါဘူး။

💊𝐃𝐞𝐱𝐭𝐫𝐨𝐦𝐞𝐭𝐡𝐨𝐫𝐩𝐡𝐚𝐧 အပါအဝင် ဆေးဝါးတိုင်းက ကောင်းကျိုးရော ဆိုးကျိုးပါ ရှိတတ်တာမို့ ‘တန်ဆေး၊ လွန်ဘေး’ ဆိုသလို သတိနှင့်ယှဥ်ပြီး သုံးစွဲသင့်ပါတယ်။
😍sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင်။😇
💐‘ဝေဒနါများ သက်သာပျောက်ကင်းပြီး ကျန်းမာရွှင်လန်းကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင်။🙏

🏥အဆုတ်နှင့် အသက်ရှူလမ်းကြောင်း ရောဂါလက္ခဏာများ ခံစားနေရပါက မာလာမြိုင်အထူးကုဆေးခန်းတွင် အထွေထွေရောဂါကု သမားတော်ကြီးများ၊ နှင့် တိုင်ပင်ဆွေးနွေးနိုင်ပါတယ်ရှင်။
🏥"မာလာမြိုင်အထူးကုဆေးခန်း(ကျန်းမာရေးစစ်ဆေးရန်ဌာန)"
အမှတ် (6)၊ မာလာမြိုင်4လမ်း၊ လှိုင်မြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (8ခွဲ) နာရီမှ ည (7ခွဲ) နာရီ
ကျန်းမာရေးစစ်ဆေးခြင်းများအတွက် ဖုန်း - 09765111729,09765111728 သို့ ဆက်သွယ်မေးမြန်းနိုင်ပါသည်ရှင့်။
Myaing Specialist Clinic
#မာလာမြိုင်အထူးကုဆေးခန်း

#ကျန်းမာရေး
#လည်ချောင်းနာ
#အာသီးရောင်
#ချောင်းခြောက်ဆိုးခြင်း
#ချောင်းဆိုးပျောက်ဆေး

07/12/2024

😷အခုလို ရာသီအကူးအပြောင်းကာလမှာ အအေးမိ၊ တုပ်ကွေးဖြစ်တဲ့အခါ လည်ချောင်းနာတာက အရင်ဦးဆုံး ခံစားရတဲ့ ရောဂါလက္ခဏာတစ်ခုလည်း ဖြစ်ပါတယ်။

▶ရာသီဥတုအေးတာ၊ လေထုညစ်ညမ်းတာ (ဖုန်မှုန့်၊ မီးခိုးငွေ့၊ တိရိစ္ဆာန်အမွှေး၊ ဓာတုပစ္စည်းများ စသဖြင့်)၊ ဘက်တီးရီးယားပိုး/ဗိုင်းရပ်စ်ပိုးဝင်တာ၊ ဓာတ်မတည့်မှုများ၊ စားချဥ့်ပြန်ရောဂါတွေကနေလည်း လည်ချောင်းနာတာကို ဖြစ်စေတတ်ပါသေးတယ်။

▶ကူးစက်မြန်တဲ့ ဗိုင်းရပ်စ်လို ရောဂါပိုးဝင်လို့ ရုတ်တရက် လည်ချောင်းနာလာရင် ဖျားတာ၊ အာသီးရောင်တာ၊ နှာစေး၊ ချောင်းဆိုး၊ လည်ပင်းအကျိတ်ရောင်တာ၊ ကိုယ်လက်ကိုက်ခဲတာတွေနဲ့ တွဲပြီးအဖြစ်များပါတယ်။
လည်ချောင်းနာတာ ဗိုင်းရပ်စ်ကြောင့်ဆိုရင် ပဋိဇီဝပိုးသတ်ဆေးတွေ သောက်နေလည်း အကြောင်းမထူးပါဘူး။ ကိုယ်ခံအားကနေသာ ပြန်ပြီးတိုက်ထုတ်နိုင်ချိန်အထိ ဝေဒနာသက်သာဖို့အတွက် အချိန်ယူရပါလိမ့်မယ်။

▶လည်ချောင်းနာနေတာ မြန်မြန်သက်သာဖို့ဆိုရင်တော့ ဒီအချက်လေးတွေကို လိုက်နာဖို့ လိုအပ်ပါတယ်။
-ဆားရည်ဖြင့် အာလုတ်ကျင်းပါ။ လည်ချောင်းနာ သက်သာရုံမက ချွဲသလိပ်ပျော်ပြီး ရောဂါပိုးမွှားတွေပါ ပါသွားနိုင်ပါတယ်။
-ရေဓာတ်ပြည့်ဝမှသာ လည်ချောင်းတလျှောက် စိုစွတ်နေပြီး ဖျားနာနေတာကိုလည်း သက်သာစေပါလိမ့်မယ်။ ရေနွေး၊ ရေနွေးကြမ်း၊ စွပ်ပြုတ်၊ အသီးဖျော်ရည်၊ ပျားသံပုရာရည်များ သောက်ပါ။ (လက်ဖက်ရည်ကြမ်းနှင့် ပျားရည်၊ ကြက်စွပ်ပြုတ်တို့က ကိုယ်ခံအားကို မြင့်စေပြီး ရောဂါပိုးမွှားတွေကိုလည်း တိုက်ထုတ်ပေးနိုင်ပါတယ်။)
-လည်ချောင်းနာ သက်သာစေတဲ့ ပရုတ်အေး၊ ယူကလစ်ဆီပါတဲ့ ငုံဆေး၊ ခံတွင်းဖျန်းဆေးတွေကို သုံးသင့်ပါတယ်။
-အသံကို သိပ်အသုံးမပြုဘဲ နားနားနေနေ နေပါ။
-အိပ်တဲ့အချိန်မှာ လည်ချောင်းတွင်းဖိအားကို လျော့ကျစေဖို့ ခေါင်းအုံးမြင့်မြင့် အုံးပေးပါ။
-ဆေးလိပ်၊ အရက်၊ ဘီယာ၊ အပူအစပ်၊ အစာမာမာ၊ ဆီကြော်စာများ ရှောင်ပါ။ လေထုညစ်ညမ်းတဲ့ ပတ်ဝန်းကျင်ကို ရှောင်ပါ။
-လက်ကို မကြာခဏ ဆေးကြောပါ။ နှာခေါင်းစည်း 𝐦𝐚𝐬𝐤 တပ်ပါ။ အစားအသောက်၊ အသုံးအဆောင်များကို တခြားသူများနှင့် ဝေမျှ မသုံးသင့်ပါ။

▶သတိထားသင့်တဲ့ လက္ခဏာများ
-သာမန်အားဖြင့် လည်ချောင်းနာတာဟာ တစ်ပတ်လောက်ကြာရင် သက်သာသွားတတ်တာ များပါတယ်။ အချိန်ကြာတဲ့အထိ မသက်သာသေးတာ၊ အသက်ရှူရခက်တာ၊ နားကိုက်/နားနာလာတာ၊ အဖျားတက်တာ၊ လည်ပင်းအကျိတ်တွေ ထွက်လာတာ၊ အသံပြောင်းသွားတာ၊ အရေပြားမှာ အင်ပျဥ်လိုတွေဖြစ်တာမျိုးတွေ ရှိလာရင် ဆေးရုံ၊ ဆေးခန်းပြသသင့်ပါတယ်။

😍sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင်။😇
💐ကာယစိတ္တ နှစ်ဖြာသော သုခချမ်းသာများ ပြည့်စုံကြပါစေလို့ မာလာမြိုင်အထူးကုဆေးခန်းမိသားစုမှ ဆုတောင်းမေတ္တာ ပို့သအပ်ပါတယ်ရှင်။'
🏥"မာလာမြိုင်အထူးကုဆေးခန်း"
အမှတ် (6)၊ မာလာမြိုင်4လမ်း၊ လှိုင်မြို့နယ်၊ ရန်ကုန်မြို့။
ဆရာဝန်ကြီးများ၏ ဘိုကင်ပေးခြင်းများအတွက် ဖုန်း - 09765111729,09765111728သို့ ဆက်သွယ်မေးမြန်းနိုင်ပါသည်ရှင့်။

🏥"မာလာမြိုင်အထူးကုဆေးခန်း(ကျန်းမာရေးစစ်ဆေးရန်ဌာန)"
အမှတ် (6)၊ မာလာမြိုင်4လမ်း၊ စမ်းလိှုင်မြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (8ခွဲ) နာရီမှ ည (7ခွဲ) နာရီ
ကျန်းမာရေးစစ်ဆေးခြင်းများအတွက် ဖုန်း - 09765111728,09765111729 သို့ ဆက်သွယ်မေးမြန်းနိုင်ပါသည်ရှင့်။

Myaing Specialist Clinic
#မာလာမြိုင်အထူးကုဆေးခန်း

#ကျန်းမာရေး
#လည်ချောင်းနာ
#အာသီးရောင်

#နား၊နှာခေါင်း၊လည်ချောင်း

04/12/2024

ချစ်ရတဲ့သူငယ်ချင်းတွေ စုပြီးပျော်ပွဲစားထွက်တဲ့အခါ ချောင်းဆိုးဝေဒနာဒဏ်ခံစားနေရတာကြောင့် အပန်းဖြေချိန်မှာ အပန်းမပြေစေဘဲ စိတ်ကိုပိုရှုပ်စေတတ်ပါတယ်။ 🫨😶‍🌫️

ချောင်းဆိုးချွဲကျပ်နေတာကြောင့် အမှတ်ရစရာအခိုက်အတန့်လေးတွေကို ဖျက်စီးပစ်တော့မယ့်အရိပ်အယောင်တွေကို Solmux သောက်ပြီး ဖယ်ရှားပစ်လိုက်ပါ။
Phone -09765111728/09765111729
Myaing Specialist Clinic
#မာလာမြိုင်အထူးကုဆေးခန်း

30/11/2024

💡ကဲ ... ဒီနေ့တော့ စာဖတ်သူတို့ကို AIDS ရောဂါနဲ့ပတ်သက်တဲ့ ဗဟုသုတဆိုင်ရာ မေးခွန်းလေးတွေ မေးချင်ပါတယ် ...

🤔အားလုံးပဲ သေချာ စဉ်းစားကြည့်ပြီး အဖြေလေးတွေကို ကွန်းမန့်မှာ ဝင်ဖြေပေးကြဦးနော် ...

😍ကိုယ့်သူငယ်ချင်းတွေကိုလည်း share ပြီး အချင်းချင်း ဉာဏ်စမ်းလို့လည်း ရသေးတယ်နော် ...

🤩အဖြေမှန်တွေကိုတော့ နောက်နေ့မှာ ဖော်ပြပေးသွားမှာ ဖြစ်ပါတယ် ...
Myaing Specialist Clinic

#ကျန်းမာရေး

#ကမ္ဘာ့ခုခံအားကျဆင်းမှုကူးစက်ရောဂါတိုက်ဖျက်ရေးနေ့

29/11/2024

နေမကောင်းချိန်နဲ့ အလုပ်များနေချိန်တိုက်နေရင်တော့ ဒါဟာကောင်းသောတိုက်ဆိုင်ခြင်းမဟုတ်တာ အသေအချာပါပဲ။ ဖိအားတွေသာ ပိုပိုဝင်လာပြီး စိတ်ထောင်းကိုယ်ကြေဖြစ်နေတဲ့အခါ ဖျားနာနေတာကြီးကို တွန်းလှန်ဖို့အတွက် Decolgen ရှိပါတယ် မိတ်ဆွေ။ 💁

Decolgen ကိုအားကိုးလိုက်မယ်ဆိုရင် နေမကောင်းဖြစ်နေတာတွေကို ယူပစ်သလိုဖယ်ရှားပေးမှာဖြစ်လို့ မိတ်ဆွေရဲ့ work life ကို အထိခိုက်မခံရတော့ဘဲ အေးဆေးဆက်ပြီး လုပ်ကိုင်နိုင်မှာဖြစ်ပါတယ်။🙆💛

Marlar Myaing Specialist Clinic - မာလာမြိုင်အထူးကုဆေးခန်း

01/03/2025

12/02/2025

02/02/2025

04/01/2025

01/01/2025

25/12/2024

09/12/2024

07/12/2024

04/12/2024

30/11/2024

29/11/2024

Address

Opening Hours

Telephone

Website

Alerts

Contact The Practice

Shortcuts

Share

Category