26/02/2025
💉 အသည်းရောင်အသားဝါ A ပိုး ကာကွယ်ဆေးအကြောင်းသိကောင်းစရာ
လတ်တလော အသည်းရောင်အသားဝါ A အဖြစ်များနေတဲ့အတွက် ကာကွယ်ခြင်းသည် ကုသခြင်းထက်ပိုထိရောက်တာဖြစ်လို့ ကာကွယ်ဆေးထိုးချင်သူများအတွက်သိသင့်သိထိုက်တဲ့ အချက်အလက်များကို ဖော်ပြပေးလိုက်ပါတယ်။
❓ကာကွယ်ဆေးအမျိုးအစားဘယ်နမျိုးရှိလဲ
💡 ကလေး Avaxim 80U နှင့် လူကြီး Avaxim 160U ဟူ၍ ၂ မျိုးရှိပါသည်။
❓ပိုးအရှင်ပါတာလား? ဆေးထိုးလိုက်မှ ရောဂါဖြစ်သွားစေတာမျိုးရှိလား?
💡 A ပိုးကာကွယ်ဆေး သည် Inactivated vaccine ဖြစ်ပါသည်။ ပိုးအသေဆီ က antigen ဖြင့် ကိုယ်ခံအားထွက်အောင်လုပ်ခြင်းဖြစ်ပါတယ်။ ပိုးအရှင်မပါသည့်အတွက် ဆေးထိုးလိုက်လို့ရောဂါဖြစ်သွားတယ်ဟူ၍ မဖြစ်နိုင်ပါ။
❓ဘယ်နကြိမ်ထိုးရတာလဲ
💡6 လ ခြားပြီး 2ကြိမ်ထိုးရပါတယ်။
❓အသက်ဘယ်အရွယ်ကစထိုးနိုင်သလဲ
💡ကလေးအသက် ၁၂လ ( တစ်နှစ်) မှ စ၍ထိုးနိုင်ပါသည်။
အသက် ၁နှစ်မှ ၁၅နှစ် ထိကို ကလေး 80U ဆေးထိုးရပြီး
အသက်၁၆ နှစ် နှင့်အထက် များကို လူကြီး 160U ဆေးထိုးရပါသည်။
❓ဆေးကထိုးထားပြီးရင် ဘယ်နနှစ်ခံလဲ ဘယ်လောက်ကြာကာကွယ်နိုင်လဲ
💡ပထမအကြိမ်ကာကွယ်ဆေး တစ်ခါထိုးပြီးသည်နှင့် ကိုယ်ခံအားသည် ၃နှစ်အထိခံပါသည်။ ကာကွယ်ဆေး ၂ကြိမ် အပြည့်ထိုးပြီးသူများတွင် လေ့လာစမ်းသပ်မှုများ အရ ၁၀ နှစ်မှ နှစ်ပေါင်း ၃၀ကြာသည်အထိ ကာကွယ်နိုင်ကြောင်းတွေ့ရှိထားပါသည်။
❓ဆေးထိုးပြီးတာနဲ့ ချက်ချင်းကာကွယ်နိုင်ပြီလား
💡ကာကွယ်ဆေးစထိုးတဲ့နေ့မှ ၂ပတ်နေမှကာကွယ်မှုစရပါတယ်။ ဒီနေ့ထိုးဒီနေ့ချက်ချင်းမကာကွယ်ပါ။
❓ဆေးကဘယ်ကိုထိုးရတာလဲ
💡လူကြီးဆိုလက်မောင်းထိုးပါတယ် ကလေးငယ်ရင်ပေါင်ထိုးပါတယ်။ အသားဆေးပါ။ အကြောဆေး အရေပြားအောက်မထိုးရပါ။
❓ကိုယ်ဝန်ဆောင် နဲ့ နို့တိုက်မိခင်တွေ ထိုးလို့ရလား
💡ပိုးအရှင်မပါသည့်အတွက် အကြမ်းအားဖြင့်တော့ ထိုးလို့မရတာမျိုးမရှိပါ။ သို့သော် ခုချိန်ထိလေ့လာစမ်းသပ်ချက်များ မခိုင်မာမလုံလောက်သေး၍ ကလေးထိခိုက်ချို့ယွင်းမှုရှိမရှိသေချာမသိသေးသောကြောင့် ကိုယ်ဝန်ဆောင်နဲ့ နို့တိုက်မိခင်များထိုးရန်မညွှန်းဆိုထားပါ။ ကူးစက်နိုင်ချေအရမ်းများတဲ့အခြေအနေရှိမှသာလျှင် သက်ဆိုင်ရာ သားဖွားမီးယပ်ဆရာဝန်များနှင့် သေချာတိုင်ပင်ပြီး လိုအပ်မှသာထိုးသင့်ပါတယ်။
❓A ကာကွယ်ဆေးက Bပိုး Cပိုးကိုရော ကာကွယ်နိုင်လား
💡မကာကွယ်နိုင်ပါ။ A ပိုး တစ်မျိုးတည်းသာ ကာကွယ်နိုင်ပါတယ်။
❓ဘယ်သူတွေဦးစားပေးထိုးသင့်သလဲ
💡Aပိုးကူးစက်နိုင်ခြေများသူများ 👇
👉 နိုင်ငံတကာခရီးသွားသူ၊ ကမ္ဘာလှည့်ခရီးသည်များ
👉 အမျိုးသားအချင်းချင်းလိင်တူဆက်ဆံသူများ
👉 ဆေးထိုးသူများ (injection drug user)
👉 ရောဂါပိုးရှိသူနှင့်ထိတွေ့ဆက်ဆံရသော ကျန်းမာရေးဝန်ထမ်းများ
👉တိမွေးကုဆရာဝန်များ
👉 A ပိုး ပြန့်ပွားနေသည့်အရပ်ဒေသမှာနေထိုင်သူများ
👉 တိရစ္ဆာန်မွေးမြူစောင့်ရှောက်သောနေရာတွင် အလုပ်လုပ်သူများ
👉 လူအစုအဝေးဖြင့်နေရသော ဂေဟာ၊ရိပ်သာမှသူများ
👉စည်ပင်ဝန်ထမ်းများ
နှင့် Aပိုးဖြစ်လျှင် ရောဂါပြင်းထန်နိုင်ချေရှိသူများ 👇
👉 နာတာရှည်အသည်းရောဂါရှိသူ/ အသည်းရောင်သသားဝါ Bပိုး Cပိုးရှိသူ
👉 HIV ခုခံအားကျကူးစက်ရောဂါရှိသူ
👉 ကိုယ်ဝန်ဆောင်များ
👉 နာတာရှည်သွေးရောဂါရှိသူများ
ဦးစားပေးထိုးသင့်ပါတယ်။
ရေးသားသူ ✍
Dr. Mon Myat Htun - GP
M.B.,B.S(YGN)
MRCGP [ International]
အ ထွေထွေရောဂါကု ဆရာဝန်
Reference
- MIMS full prescribing info Malaysia
- CDC. gov 2025
နေ့သစ်မိသားစုဆေးခန်းတွင် မှန်ကန်သော cold chain စနစ်ဖြင့် အအေးခန်းသိုလှောင်ထားသော အရည်အသွေးပြည့် A ပိုး ကာကွယ်ဆေး ( Avaxim တံဆိပ်) ကို ထိုးနှံနိုင်ပါတယ် 😊
🛑ကြိုတင်စာရင်းပေးရန်လိုသည် preorder only
ခုဆောင်းပါးလေးကအကျိုးရှိ အထောက်ကူပြုမယ်ဆိုရင်တော့ အခြားသူတွေလည်းသိအောင် like and share လေးဖြင့် ဝေမျှပေးလိုက်ပါဦးနော် 😊
နောက်ထပ်လည်း ကျန်းမာရေး ဗဟုသုတ ဆောင်းပါးများကို ဝေမျှဖော်ပြပေးသွားမှာ ဖြစ်လို့ နေ့သစ်မိသားစု ဆေးခန်း Page လေးကို Like and follow လုပ်ထားကြဖို့ ဖိတ်ခေါ်လိုက်ပါတယ်နော် 👍👍👍
နေ့သစ် မိသားစုဆေးခန်း
🏥 အမှတ် ၂ ( A) ၊ ၁၆၆လမ်း၊ တာမွေကြီး (ခ) ရပ်ကွက်၊ တာမွေမြို့နယ်။
☎ 095063031, 09795389583
⏰ ဆေးခန်းဖွင့်ချိန် မနက်၉နာရီ မှ ည ၇နာရီထိ
( ပိတ်ရက်မရှိ)
