11/01/2026
မြတ်စွာဘုရားက တရားနည်းလမ်းမပြတ်
အစာအာဟာရကို ရှာဖွေပြီးတော့
မိဘနှစ်ပါးကို ကျွေးမွေးစောက်ရှောက်တယ်။
ဆိုလိုတာက တရားနည်းလမ်းအတိုင်း
လှည့်လည်တောင်းခံပြီးတော့ မိဘနှစ်ပါးကို
ကျွေးမွေးစောင့်ရှောက်တယ်တဲ့။
အဲ့ဒီလိုကျွေးမွေးစောင့်ရှောက်တဲ့ပုဂ္ဂိုလ်ဟာ
ကုသိုလ်တွေအများကြီးရတယ်တဲ့၊
သားကောင်းသမီးကောင်းဟာ အမေကိုဖြစ်စေ
အဖေကိုဖြစ်စေ မတရားတဲ့နည်းနဲ့မဟုတ်ဘူး၊
အမေအမေကို ခိုးကျွေးတာမဟုတ်ဘူး
သူများအသက်တွေသတ်ပြီးကျွေးမွေးတာမဟုတ်ဘူး၊
ကိုယ်ကျင့်တရားမပျက်ဘဲ
တရားတဲ့နည်းလမ်းနဲ့ ရတဲ့အတိုင်း
အမေအဖေကို ပြုစုလုပ်ကျွေးတယ်။
အဲ့ဒီလိုလုပ်ကျွေးရင် မိဘနှစ်ပါးကို
ပြုစုလုပ်ကျွေး ကျွေးမွေးစောင့်ရှောက်ရတဲ့ကုသိုလ်ကြောင့် အဲ့ဒီ့သားကောင်းသမီးကောင်းကို
လောကမှာအသိပညာရှိကြတဲ့ပုဂ္ဂိုလ်တွေ လူတော်လူကောင်းတွေက သူ့ကို ချီးမွှမ်းကြတယ်၊
သေတဲ့အခါမှာလဲ ကောင်းရာသုဂတိကို
ရောက်နိုင်တယ်လို့ မြတ်စွာဘုရားက
ဒီလိုဟောတာ။
တကယ့်ကို ဘုရားလောင်းတွေ
သူတော်ကောင်းတွေက မိဘကို အလွန်လေးစားကြတယ်၊
ဘာကြောင့်မိဘရဲ့ကျေးဇူးကို
သိပြီးတော့ မိဘကို ဘာကြောင့်
လုပ်ကျွေးသင့်သလဲဆိုရင်
ကိုယ်လူ့ဘဝရောက်လာတာကိုက
မိဘက လက်ခံလို့ရောက်လာတာ၊
မိဘက ကိုယ့်ကိုယ်ဘာတွေအကျိုးပြုတုန်းဆိုတာကျတော့ မြတ်စွာဘုရားက အချက်(၃)ချက်ပဲဟောတယ်။
၁၊ အာပါသကာ - ဘဝမှာကိုယ့်ခြေကိုယ့်လက်
မသယ်နိုင်တဲ့အရွယ်ကစပြီးတော့ မှတ် ၊ ခြင်
စတဲ့အန္တရာယ်တွေ မကျရောက်အောင် မိဘက
စောင့်ရှောက်ခဲ့တယ်။
၂၊ ပေါသကာ - မစားတက်တဲ့အရွယ်ကတည်းက
စားတက်အောင် ကျွေးခဲ့တယ် စားနိုင်တာလေး
ကျွေးပြီး မွေးခဲ့တယ်။
၃၊ ဣမဿ လောကဿ ဒဿေတာရော -
ဒီလောကကြီးကို လာခွင့်ပြုထားတယ်။
ကျေးဇူးက သုံးခုရှိတယ်။
အဲ့ထဲမှာ မိဘက ကိုယ့်ကို စောင့်ရှောက်ခဲ့လို့
ပြန်ပြီးစောင့်ရှောက်တာ ရတယ်၊
မိဘက ကိုယ့်ကို ကျွေးမွေးခဲ့လို့
ပြန်ပြီးကျွေးမွေးတာ ရတယ်။
သို့သော် ဒီလောကကြီးထဲကို လာခွင့်ပြုတာကျတော့
ကိုယ်ကအဲ့လို မိဘကို လာခွင့်ပေးနိုင်တာမဟုတ်ဘူး။မိဘကသာ ကိုယ့်ကို လာခွင့်ပေးထားတာ။
အဲ့တော့ မိဘက လာခွင့်ပြုတဲ့ကျေးဇူးက အလွန်ကြီးမားတယ်ဆိုတာ ပေါ်လွင်တယ်။
ဒါကြောင့်မိဘကို အလွန့်အလွန်ကျေးဇူးတင်ရမယ်။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏
