https://www.aungzayaclinic.com/

Aung Zaya - အထူးကုဆေးခန်းနှင့်ရောဂါရှာဖွေရေးစင်တာ, အမှတ် (၄၈၇) ၊မကွေးလမ်း ၊(၉)ရပ်ကွက် ၊ မီးခွက်စျေးအနီး၊လှိုင်သာယာ မြို့နယ်, https://maps. app. goo. gl/7V8fnXtXw6xkLVhb 8, Yangon (2025)

05/12/2025

❗ ဆီးချို၊ သွေးချို တက်ခြင်း နှင့် ကျခြင်း၏ လက္ခဏာများ ❗

ဆီးချို သွေးချို သမားများအနေနဲ့ကော် မိသားစုများအနေနဲ့ပါ သိထားသင့်တဲ့ ဆီးချို၊သွေးချို တက်ခြင်းနှင့်ကျခြင်း ရဲ့ လက္ခဏာတွေကို ဖော်ပြပေးလိုက်ပါတယ်။

(ဆီးချို ၊ သွေးချို တက်ခြင်း၏ လက္ခဏာများ)

ဆီးချို၊ သွေးချို တက်ခြင်းကို သွေးတွင်းသကြားဓာတ်မြင့်မားခြင်း (သို့) Hyperglycemia လို့ခေါ်ပါတယ်။ ဆီးချိုရောဂါရှိသူက အစားအလွန်အကျွံစားပြီးနောက် သွေးတွင်းသကြားဓာတ်ကို ထိန်းညှိရန် အင်ဆူလင်းနည်းပါးလွန်းတဲ့အခါ ဖြစ်တက်ပါတယ်။ တစ်ခါတရံ စိတ်ဖိစီးများတာကလည်း ဆီးချိုတက်ခြင်းကို ဖြစ်စေနိုင်ပါတယ်။ ဆီးချို သွေးချို တက်ခြင်းရဲ့ လက္ခဏာများကတော့

မကြားခဏ ဆီးသွားချင်
အိပ်ငိုက်လာခြင်း
ပျို့ခြင်း ၊ အော့အန်ခြင်း
အလွန်အမင်း ဆာလောင်ခြင်း (သို့) ရေငတ်ခြင်း
အမြင်အာရုံဝေဝါးခြင်း
စတဲ့လက္ခဏာတွေကတော့ ဆီးချိုသွေးချို တက်ခြင်းရဲ့ ထင်းရှားတဲ့ လက္ခဏာများဘဲ ဖြစ်ပါတယ်။

(ဆီးချို ၊ သွေးချို ကျခြင်း)

ဆီးချိုရောဂါသည် အစားအစာ လုံလောက်စွာမစားခြင်း သို့မဟုတ် ခန္ဓာကိုယ်အတွင်း အင်ဆူလင် အလွန်အကျွံ စားသုံးမိသောအခါ ဆီးချို ၊ သွေးချို ကျတက်ပါတယ်။ ဒါကိုတော့ သွေးတွင်းသကြားဓာတ်နည်းခြင်း (သို့) Hypoglycemia လို့ခေါ်ပါတယ်။ လေ့ကျင့်ခန်းအလွန်အကျွံလုပ်ခြင်းကလည်း သွေးတွင်းသကြားဓာတ်ကို ကျဆင်းစေပါတယ်။

နှလုံးခုန်မြန်ခြင်း
ချွေးထွက်ခြင်း
စိတ်ရိမ်းပူပင်စိတ်ဖြစ်ပေါ်ခြင်း
ခေါင်းမူးခြင်း
အလွန်အမင်းဆာလောင်ခြင်း
အားနည်းခြင်းနှင့်ပင်ပန်းနွမ်းနယ်ခြင်း
ယားယံခြင်း
ခြေလက်တုန်ခြင်း
စတဲ့ လက္ခဏာတွေကတော့ ဆီးချိုသွေးချို ကျခြင်းရဲ့ ထင်းရှားတဲ့ လက္ခဏာများဘဲ ဖြစ်ပါတယ်။

ဆီးချို သွေးချို ရှိတဲ့လူတစ်ယောက်အနေဖြင့် သွေးတွင်းသကြားဓာတ် မြင့်မားခြင်း သို့မဟုတ် နည်းပါးခြင်းတို့ကို ကြုံတွေ့ရနိုင်တာမို့ အထက်ဖော်ပြပါ လက္ခဏာများတွေကို ဆီးချိုသမားများ နားလည်ရန် အရေးကြီးပါတယ်။

#ကျန်းမာရေးဗဟုသုတ #ဗဟုသုတ & Knowledge

02/12/2025

👉 ကျောက်ကပ်ဝေဒနာတွေ ရှောင်ရမယ့် အစားစာများ❗

ကျောက်ကပ်ဆိုတာ ခန္ဓာကိုယ်ရဲ့အရေးကြီးလုပ်ငန်းဆောင်တာတွေကို လုပ်ဆောင်ပေးနေတဲ့ မရှိမဖြစ်ကိုယ်အင်္ဂါဖြစ်ပါတယ်။ သွေးကိုစစ်ထုတ်ခြင်း၊ သတ္တုဓာတ်မျှတအောင်ထိန်းသိမ်းခြင်း၊ အညစ်အကြေးစွန့်ခြင်း၊ ဟော်မုန်းထုတ်ပေးခြင်း၊ အရည်ပမာဏထိန်းညှိပေးခြင်းစတာတွေကို လုပ်ဆောင်ပေးပါတယ်။

ဒါကြောင့် ကျောက်ကပ်မကောင်းတော့တဲ့အခါ အညစ်အကြေးနဲ့ အရည်တွေက ကိုယ်မှာစုလာပါတယ်။ ဒီအခါမှာ တချို့သောအစားအစာတွေကိုရှောင်ကြဉ်ခြင်းက သွေးထဲမှာအညစ်အကြေးစုပုံခြင်းကို သက်သာစေပြီး ကျောက်ကပ်ကို‌ထပ်မပျက်စီးအောင် ကာကွယ်ပေးနိုင်ပါတယ်။

ကျောက်ကပ်ဝေဒနာခံစားနေရသူတွေအနေနဲ့ အောက်ပါဓာတ်တွေနဲ့ အစားအစာကို ရှောင်ကြဉ်ဖို့လိုအပ်ပါတယ်။

🔸ဆိုဒီယမ်.....

ကျောက်ကပ်ကျန်းမာဖို့အတွက် အဓိကအကျဆုံးတစ်ခုက ဆိုဒီယမ်(ဆား)စားသုံးမှုကို လျှော့ချခြင်းပဲဖြစ်ပါတယ်။ ဆိုဒီယမ်က ရေကိုဆွဲတဲ့အာနိသင်ရှိလို့ ကျောက်ကပ်မကောင်းတဲ့သူတွေမှာ ‌ဖောရောင်ခြင်း၊ သွေးပေါင်ချိန်တက်ခြင်း၊ ကျောက်ကပ်ဝန်ပိခြင်းတွေကို ဖြစ်စေပါတယ်။

🔹ဆိုဒီယမ်များတဲ့....
ငါးပိ၊ ငါးခြောက်၊ ပုစွန်ခြောက်
အသင့်စားခေါက်ဆွဲခြောက်
စည်သွပ်ဗူး
ချဉ်ဖတ်
ငန်တဲ့သရေစာမုန့်
ပြန်လည်မွမ်းမံထားတဲ့အသား စတာ‌တွေကို ရှောင်ကြဉ်ပါ။

🔸ဖော့စဖရပ်.....

အရိုးသန်မာဖို့၊ ခန္ဓာကိုယ်ကျန်းမာဖို့ ဖော့စဖရပ်ကိုလိုအပ်တယ်ဆိုပေမဲ့လည်း ကျောက်ကပ်က ပိုလျှံနေတဲ့ဖော့စဖရပ်တွေကို မစွန့်ထုတ်နိုင်တဲ့အခါ အရိုးအားနည်းခြင်း၊ မျက်လုံး၊ နှလုံးနဲ့ သွေးကြောထိခိုက်ပျက်စီးခြင်းတွေ ဖြစ်လာနိုင်ပါတယ်။

🔹ဖော့စဖရပ်များတဲ့......
ဂျုံကြမ်းပေါင်မုန့်
အရောင်ရင့်တဲ့ဆိုဒါ (ဥပမာ-ကိုလာ)
နို့နဲ့နို့ထွက်ပစ္စည်း
ပဲ၊ အသား
သစ်အစေ့အဆံ စတာတွေကိုရှောင်ကြဉ်ပါ။

🔸ပိုတက်စီယမ်.......

ပိုတက်စီယမ်ဆိုတာ ကြွက်သားနဲ့အာရုံကြောအတွက် မရှိမဖြစ်အရေးကြီးပေမဲ့ သွေးထဲမှာ အရမ်းများလာတဲ့အခါ ဆိုးရွားတဲ့နှလုံးပြဿနာတွေဖြစ်စေပါတယ်။

🔹ပိုတက်စီယမ်များတဲ့........
ထောပတ်သီး
ဂျုံကြမ်းပေါင်မုန့်
ခရမ်းချဉ်သီး
အာလူး
ပန်းသီး စတာတွေကိုရှောင်ကြဉ်ပါ။

🔸ပရိုတင်း........

ကျောက်ကပ်ရောဂါရှိသူတွေအနေနဲ့ ပရိုတင်း(အသားဓာတ်)ကိုလည်း သင့်တင့်တဲ့ပမာဏစားသုံးဖို့ လိုအပ်ပါတယ်။ ပရိုတင်းပမာဏများရင် ကျောက်ကပ်ကပိုအလုပ်လုပ်ရလို့ ဝေဒနာကိုပိုဆိုးစေပါတယ်။ အာဟာရအထူးပြုဆရာဝန်နဲ့ဆွေးနွေးတိုင်ပင်ပြီး သင့်တော်မှန်ကန်တဲ့ပမာဏကိုစားသုံးနိုင်ပါတယ်။

ကျောက်ကပ်ဝေဒနာရှင်တွေအနေနဲ့ ပန်းဂေါ်ဖီ၊ ဂေါ်ဖီထုပ်၊ ဥအကာ၊ ကြက်သွန်ဖြူ၊ သံလွင်ဆီ၊ အရေခွံမပါတဲ့ကြက်သား၊ ငရုတ်ပွ၊ ကြက်သွန်နီ၊ မုန်လာဥဖြူ၊ နာနတ်သီးစတဲ့ ကျောက်ကပ်အတွက်အဆင်ပြေတဲ့အစားအစာတွေကို စားသုံးသင့သင့်ပါတယ်။(အသေးစိတ် သိရှိလိုရင်တော့ အာဟာရအထူးပြုဆရာဝန်နဲ့ ဆွေးနွေးတိုင်ပင်ပါ။)

ကျောက်ကပ်ရောဂါကိုကုသရာမှာ အစားအသောက်ကိုထိန်းညှိခြင်းကလည်း အလွန်အရေးကြီးတဲ့ကဏ္ဍတစ်ခုဖြစ်ပါတယ်။ ရောဂါပြင်းထန်မှုအပေါ်မူတည်ပြီး ရှောင်ရှားရမယ့်ပုံစံတွေကလည်းကွဲပြားလို့ ကျောက်ကပ်ရောဂါဖြစ်ပြီဆိုရင် ဆရာဝန်တွေနဲ့တိုင်ပင်ဆွေးနွေးတာ အကောင်းဆုံးဖြစ်ကြောင်း မျှဝေလိုက်ရပါတယ်.........
ကျန်းမာပျော်ရွှင်ကြပါစေ.......

#ကျောက်ကပ်

01/12/2025

✅သွေးပေါင်ချိန် ချိန်တဲ့အခါ မဖြစ်မနေသိထားသင့်တဲ့အချက်များ❗

✅သွေးပေါင်ချိန် (ဝါ) သွေးဖိအား ဆိုသည်မှာ သွေးကြောနံရံအတွင်း စီးဆင်းနေသော သွေးကြောင့် သွေးလွှတ်ကြောနံရံအတွင်းကျရောက်သော သွေးဖိအားကို ခေါ်ပါသည်။ ⭕

✅သွေးပေါင်ချိန်သည် သွေးပမာဏ၊ နှလုံးသွေးညှစ်အား(နှလုံးမှ ညှစ်ထုတ်ပေးသည့် သွေးပမာဏ)၊ သွေးကြောနံရံပတ်လည်မှ (သွေးကြောနံရံအတွင်းရှိကြွက်သားအားကြောင့် ဖြစ်ပေါ်သော)တန်ပြန်ဖိအားတို့အပေါ်မူတည်ပါသည်။ 🔄

✅ဥပမာအားဖြင့် နှလုံးခုန်နှုန်းများလျင် သွေးဖိအားများလာမည် ဖြစ်သလို၊ သွေးကြောနံရံပတ်လည်မှ တန်ပြန်ဖိအားများပါကလည်း သွေးပေါင်ချိန်တိုးမည် ဖြစ်ပါသည်။ 💓

✅တကယ်တော့ သွေးဖိအားများခြင်း၊ သွေးတိုးခြင်းသည် မကောင်းသလို၊ သွေးဖိအားနည်းခြင်း၊ သွေးပေါင်ကျခြင်းသည်လည်း မကောင်းပါ။ ☝️

✅သွေးတိုးခြင်းသည် နောက်ဆက်တွဲရောဂါများ ဖြစ်စေသလို၊ သွေးပေါင်ကျပါကလည်း ဆဲလ်များသို့ သွေးလုံလုံလောက်လောက် မရောက်ခြင်းကြောင့် အောက်ဆီဂျင်နှင့် အာဟာရဓါတ်များ လိုသလောက် မရ၍ ခန္ဓာကိုယ်မှ အရေးကြီးသည့် လုပ်ငန်းဆောင်တာများကို အပြည့်အဝ လုပ်ဆောင်နိုင်မည်မဟုတ်ပေ။ 👈

✅ထိုကြောင့် ပုံမှန်သွေးဖိအားရှိဖို့ အရေးကြီးပါသည်။ 💢

✅နှလုံးသည် ပုံမှန်အားဖြင့် တမိနစ်လျင် အကြိမ် ၆၀-၁၀၀ ခုန်ပြီး၊ နှလုံးကြွက်သားအညှစ်ဆုံးအချိန်တွင် တိုင်း၍ရသော သွေးပေါင်ချိန်ကို Systolic Blood Pressure (အပေါ်သွေး)၊ (နှလုံးကြွက်သားညှစ်ပြီးနောက် ပြန်လည်ဖြေလျော့ရပြီး) အဖြေလျော့ဆုံးအချိန်တွင် တိုင်း၍ရသော သွေးပေါင်ချိန်ကို Diastolic Blood Pressure (အောက်သွေး)ဟုခေါ်သည်။ 💞

✅လူတဦးနှင့်တဦး သွေးပေါင်ချိန် မတူပါ။ လူတဦးမှာပင် လှုပ်ရှားသွားလာမှု၊ စိတ်ခံစားမှု စသည်တို့အပေါ်မူ တည်၍ တချိန်နှင့်တချိန် သွေးပေါင်ချိန် မတူပါ။ 🚶‍♀️🏃‍♂️

✅ပုံမှန် ပျမ်းမျှသွေးပေါင်ချိန် -
Systolic Blood Pressure : 120 mm Hg
Diastolic Blood Pressure: 80 mm Hg ထက် မကျော်သင့်ပါ။ ❣

✅အိမ်၌သွေးပေါင်ချိန်တိုင်းခြင်းသည် ပို၍ ကောင်းမွန်သည့်ရလဒ်ကို ရရှိစေနိုင်သည်။ မတိုင်းခင် ၅မိနစ်ခန့် ငြိမ်ငြိမ်နေရမည်ဖြစ်ပြီး၊ သွေးပေါင်ချိန်တိုင်းရာတွင်လည်း တခါတိုင်းလျှင် ၁မိနစ်ခြားပြီး ၂ကြိမ်တိုင်း၍ ပျမ်းမျှယူခြင်းဖြင့် ပိုမိုကောင်းမွန်မှန်ကန်သည့် သွေးပေါင်ချိန်ကို ရရှိစေပါသည်။

#သွေးပေါင်ချိန်

25/11/2025

#နှလုံးရောဂါ၏ အစောပိုင်း လက္ခဏာများ❗❗
၁) မတ်တပ်ရပ်ခြင်း (သို့) လှေကားတက်သောအခါ မူးဝေခြင်း

၂)ဝမ်းဗိုက်အပေါ်ပိုင်း မအီမသာ ဖြစ်ခြင်း (ရိုးရိုး အစာမကြေခြင်းဟု အထင်မှားတက်ကြတယ်)

၃)အထူးသဖြင့် နှုတ်ခမ်း (သို့) လက်ချောင်းထိပ်ဖျားတွင် အရေပြား အရောင် ပြောင်းလည်လာခြင်း

၄)နာတာရှည် ချောင်းဆိုးခြင်း (အအေးမိခြင်းနှင့် မသက်ဆိုငိပါ)

၅)အစာစားခြင်းစိတ် မရှိခြင်း (သို့)လျင်မြန်စွာဗိုက်ပြည့်သည် ခံစားရခြင်း

၆)စိတ်ဖိစီးမူ ခံစားနေရချိန် နာကျင်ခြင်း (သို့)
တင်းကျပ်စွား ခံစားရခြင်း

၇)လမ်းအနည်းငယ်လျှောက်စဥ် အသက်ရှူကြပ်ခြင်း

၈)သွေးလည်ပတ်မှူ မကောင်းခြင်းကြောင့်
ခြေကျင်းဝတ်များ ရောင်ရမ်းခြင်း

၉)နေတိုင်း လုပ်နေကြ ထမင်း ဟင်း ချက်ပြုတ်ရာတွင် ရုတ်တရက် ပင်းပန်းနွမ်းနယ်ခြင်း (သို့)
အားနည်းခြင်း

ယခု ဖော်ပြပါ အချက်ထဲ့က သင့်ဟာ ၄ ချက်လောက်ညှိနေပြီးဆိုရင်
သတိပြုနေထိုင်ပါ
နှလုံးဖောက်လာရင် လျှပ်စစ်ကဲ့သို့
လျင်မြန်ပါတယ်

19/11/2025

✴️ ခန္ဓာကိုယ်ပေါ်မှာ အညိုကွက် အမည်းကွက်တွေ ပေါ်လာတာ ဘာကြောင့်လဲ❓

💠 တခါတေလ ဘာမှ တိုက်မိခိုက်မိတာမရှိဘဲနဲ့ အရေပြားပေါ်မှာအညိုအမည်းကွက်တွေ ပေါ်လာရင် ဘာကြောင့်လဲ၊ ဘယ်လို ပျောက်အောင်လုပ်ရမလဲ စဉ်းစားရခက်နေတာမျိုး ဖြစ်ရပါတယ်။

💠 ဒီလို အညိုကွက်တွေဖြစ်ရတာ အကြောင်း ရင်းတချို့ကြောင့် ဖြစ်နိုင်ပြီး သင့်ရဲ့ကျန်းမာရေး အခြေအနေနဲ့လဲ တိုက်ရိုက်ပတ်သက်နေပါတယ်။ ဒီတော့ အရေပြားပေါ်မှာ အညိုအမည်းကွက်တွေပေါ်ရတဲ့ အကြောင်းရင်းနဲ့ သင့်ရဲ့ကျန်းမာရေး အခြေအနေကိုသိရဖို့ ဖတ်ကြည့်လိုက်ပါဦးနော်...

၁။ အလေးချိန်များတဲ့ ပစ္စည်းတွေ မ,ခြင်း

တခါတရံ အရမ်းလေးတဲ့ ပစ္စည်းတွေ မ,လိုက်တဲ့အခါမျိုးမှာ ခန္ဓာကိုယ်ထဲက ဆံချည်မျှင် သွေးကြောလေးတွေ ပြတ်သွားပြီး အရေပြားပေါ်မှာ အညိုအမည်းကွက်တွေ ဖြစ်လာရခြင်းဖြစ်ပါတယ်။

သင့်ခန္ဓာကိုယ်က ခံနိုင်တာထက်ပိုတဲ့ အလုပ်တွေ လုပ်မိသွားပြီဆိုတဲ့ အဓိပ္ပါယ် ဖြစ်တာကြောင့် နောက်ဆို ဒီလို လေးပင်တာတွေ မ,တဲ့အခါ ဆင်ခြင်လိုက်ပါ။

၂။ ဆေးတမျိုးမျိုးသောက်ခြင်း

သံဓာတ်အားဖြည့်ဆေး၊ အရောင်လျော့ဆေးနဲ့ အကိုက်အခဲပျောက်ဆေးတွေသောက်ထားတာကြောင့်လဲ ဒီလို အညိုကွက်တွေ ဖြစ်တတ်ပါတယ်။ သင့်အနေနဲ့ ဆေးသောက်ထားတဲ့ နေ့တွေမှာ အဲဒီလို အညိုအမည်းကွက်တွေ ဖြစ်လာတယ်လို့ သတိထားမိတယ်ဆိုရင်တော့ ခန္ဓာကိုယ်အတွင်းပိုင်း သွေးကြောတွေမှာ သွေးယိုစီးမှုတွေ ဖြစ်နေနိုင်တာကြောင့် ဆရာ၀န်နဲ့ သေချာပြသပြီး စစ်ဆေးသင့်ပါတယ်။

၃။ သွေးရောဂါတခုခု

အရေပြားပေါ်က အညိုအမည်းကွက်တွေဟာ သွေးရောဂါတခုခုကြောင့်ဖြစ်တယ်ဆိုရင် အဲ့ဒီအညိုအမည်းကွက်တွေပေါ်လာတဲ့အချိန်မှာ ခြေထောက်ရောင်ရမ်းနာကျင်တာ၊ သွားဖုံးသွေးယိုတာ၊ နှာခေါင်းသွေးထွက်တာနဲ့ အရေပြားအပေါ်လွှာမှာ သွေးကြောပြတ်ရာလေးတွေ တွေ့နေရပြီ ဆိုရင်တော့ သွေးကင်ဆာလို ရောဂါမျိုးကြောင့် ဖြစ်နေနိုင်တာမို့ ချက်ချင်းဆေးစစ်ဖို့လိုပါတယ်။

၄။ အာဟာရဓာတ်လိုအပ်နေခြင်း

ခန္ဓာကိုယ်ထဲမှာ ဗီတာမင်ဓာတ်တမျိုးမျိုး ချို့တဲ့နေတဲ့အချိန်မှာလဲ အရေပြားပေါ်မှာ အညိုအမည်းကွက်တွေဖြစ်လာတတ်ပါတယ်။ ဗီတာမင်၊ အာဟာရဓာတ်ချို့တဲ့မှုကြောင့် ဖြစ်လာတဲ့အညိုအမည်း ကွက်တွေကတော့ ထိလိုက်ရင် နာကျင်မှု မရှိပါဘူး။

ဒီအခြေအနေဆိုရင်တော့ သင့်ခန္ဓာကိုယ်ထဲမှာ ဗီတာမင် B12 ၊ ဗီတာမင် K နဲ့ ဗီတာမင် C အဓိက လိုအပ်နေတာပါ။

၅။ ဟော်မုန်းမညီမျှမှု

ခန္ဓာကိုယ်ထဲမှာ ဟော်မုန်းပမာဏ မညီမျှခြင်းကြောင့်လဲ အရေပြားပေါ်မှာ အညိုကွက်တွေ ဖြစ်နိုင်ပါတယ်။ အထူးသဖြင့် အမျိုးသမီးတွေမှာ အီစထရိုဂျင်ဟော်မုန်း နည်းနေမယ်ဆိုရင် ဆံချည်မျှင်သွေးကြောလေးတွေကို အားနည်းစေပြီး ပြတ်ထွက်တဲ့အထိဖြစ်စေနိုင်ပါတယ်။

၆။ အရေပြားတစ်သျှူးတွေ အားနည်းခြင်း

အသက်ကြီးလာတဲ့အချိန်မှာ အရေပြားတစ်သျှူးတွေက အားနည်းလာပြီး ကျုံ့ဆန့်နိုင်စွမ်းလဲ နည်းလာပါတယ်။ အဲဒီအခါ အရေပြားအောက်မှာရှိတဲ့ သွေးကြောလေးတွေလဲ အားနည်းလာပြီး ပြတ်လွယ်လာတာကြောင့် အဲဒီနေရာတွေမှာ အညိုကွက်တွေ ဖြစ်လာပါတယ်။

၇။ ဆီးချိုရောဂါရှိခြင်း

အရေပြားပေါ်က အညိုအမည်းကွက်တွေဟာ ဆီးချိုရောဂါရဲ့ ရှေ့ပြေးလက္ခဏာ ဖြစ်နေနိုင်ပါတယ်။ သွေးထဲမှာ သကြားဓာတ် များနေတဲ့အခါ သွေးလှည့်ပတ်မှုကို ကမောက်ကမ ဖြစ်စေနိုင်ပြီး အရေပြားပေါ်မှာ အညိုအမည်းကွက်တွေ လွယ်လွယ်ဖြစ်စေနိုင်ပါတယ်။

တခါတလေ ထိခိုက်မှုက မပြင်းထန်ပေမယ့် အညိုကွက်က အကြီးကြီးပေါ်နေတာမျိုး၊ အနာမကျက်လွယ်တာမျိုး၊ အရေပြားပေါ်မှာ အဖြူရောင်အကွက်လေးတွေ ဖြစ်တာမျိုးနဲ့ မျက်စိမှုန်တာတွေ တပြိုင်တည်း ဖြစ်နေရင်တော့ ဆီးချိုရောဂါ ဖြစ်နိုင်ချေများနေတာကြောင့် ဆရာ၀န်နဲ့ ပြသင့်ပါပြီ။

16/11/2025

#အမျိုးသမီးတွေမှာပဲ တွေ့နိုင်မယ့်
#နှလုံးရောဂါနဲ့ ပတ်သတ်တဲ့ လက္ခဏာရပ်(၆) ခု

နှလုံးရောဂါဆိုတာ ကျား၊ မမရွေး အသက်အရွယ်မရွေး ဖြစ်ပွားတတ်တဲ့ ရောဂါလက္ခဏာတစ်ခုပါ။ အခန့်မသင့်ရင် အသက်အန္တရာယ်ဆုံးရှုံးသွားနိုင်တာကြောင့် မပေါ့ဆသင့်တဲ့ရောဂါတစ်ခုလည်းဖြစ်ပါတယ်။

ဒီတော့ အမျိုးသမီးတွေအတွက် သီးသန့် နှလုံးရောဂါနဲ့ ပတ်သက်တဲ့လက္ခဏာရပ်တွေကို ဖော်ပြပေးလိုက်ပါတယ်။ အဲဒါတွေကတော့..

(၁) ခန္ဓာကိုယ်အနှံ့နာကျင်မှုတွေ
ကျောဖက်၊ လည်ပင်းနဲ့ဂုတ်၊ မေးရိုးတစ်လျှောက်အပြင် လက်မောင်းနှစ်ဖက်မှာပါ ရုတ်တရက်စူးစူးဝါးဝါးနာကျင်ခံစားလာရပါလိမ့်မယ်။ တစ်ခါတစ်လေကျရင် ညအိပ်နေရင်း နာလာလို့ လန့်နိုးတာမျိုးတောင်ရှိတတ်ပါတယ်။ ဒီလိုဆိုရင် ဆရာဝန်နဲ့ အမြန်ဆုံး သွားရောက်ပြသသင့်နေပါပြီ။

(၂) ဗိုက်မကောင်းတာမျိုး
အစာအဆိပ်သင့်သလိုလို၊ အပူအစပ်စားတာများလို့ ဗိုက်အောင့်သလို ဖြစ်နေပေမယ့်လို့ ဗိုက်တစ်ဝှက်မှာ ဖိအားကြီးတစ်ခုလို ခံစားနေရပြီးတော့ ခပ်စူးစူးအောင့်နေမယ်ဆိုရင် အစာအိမ်အချဉ်ပေါက်နေတာ ဖြစ်နိုင်သလို နှလုံးရောဂါလည်းဖြစ်နိုင်တဲ့အွေက်ကြောင့် မပေါ့သင့်ပါဘူး။ အမြန်ဆုံး သွားရောက်စစ်ဆေးပါ။

(၃) ချွေးစေထွက်တာ
ပူလို့ချွေးထွက်တာမျိုးမဟုတ်ဘဲ ခန္ဓာကိုယ်တစ်ခုလုံး အေးစက်တောင့်တင်းပြီး ခြေဖျား၊ လက်ဖျားနဲ့ ဆံစပ်နဲ့ ဂုတ်ဖက်တွေမှာ ချွေးစေးတွေ ထွက်နေမ်ဆိုရင် နှလုံးမှာ ဖိအားတစ်ခုခုရှိနေပြီဖြစ်တဲ့အတွက် ခန္ဓာကိုယ်က လက္ခဏာပြတာပါ။

(၄) လေမစပ်တာ
လှုပ်လှုပ်ရှားရှားလေး ဘာမဟုတ်တာလုပ်လိုက်ရင်ကို မောလာပြီး လေမစပ်ချင်တော့သလို ဖြစ်နေမယ်ဆိုရင် သင့်နှလုံးဟာ အားနည်းနေပြီဆိုတာ အသေချာပါပဲ။

(၅) မူးဝေခြင်း
အကြာကြီးလည်း အနားယူတယ်၊ အိပ်လည်းအိပ်ထားတယ်၊ ပင်ပင်ပမ်းပမ်းလည်း ဘာမှမလုပ်ထားဘဲနဲ့တောင်မှပဲ သင်ဟာ မောပမ်းနွမ်းလျနေမယ်ဆိုရင် သင့်ရဲ့နှလုံးသွေးကြောမှာ ပြဿနာဖြစ်နေနိုင်တဲ့အတွက် ကျွမ်းကျင်ဆရာဝန်နဲ့ အမြန်ဆုံးသွားပြပေးပါလို့ အကြံပေးချင်ပါတယ်။

(၆) နှလုံးအောင့်ခြင်း
တစ်ခါတစ်လေ စိတ်ဖိဆီးမှုကြောင့် ဒါမှမဟုတ် အထိုင်အထတွေမှာ လေညပ်သွားလို့ ရင်ဘတ်အောင့်တတ်ပေမယ့်လို့ နှလုံးဖက်က ပူပြီးစူးစူးဝါးဝါး အဆက်မပြတ်အောင့်နေမယ်ဆိုရင်တော့ သင့်ရဲ့ နှလုံးမှာ ပြဿနာရှိနေတယ်၊ heart attack ဖြစ်ဖို့ အခြေအနေများနေပြီဆိုတာ သိထားသင့်ပါတယ်။ မပေ့ါပါနဲ့။

ကျန်းမာချမ်းသာလို့ပျော်ရွှင်ကြပါစေရှင်🙏

သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။

ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။

14/11/2025

🇲🇲 အမျိုးသားနေ့ ဒို့မမေ့ 🇲🇲

ယနေ့ တန်ဆောင်မုန်းလပြည့်ကျော် (၁၀)ရက်၊
၁၀၅ ကြိမ်မြောက် အမျိုးသားအောင်ပွဲနေ့အား ကြိုဆိုဂုဏ်ပြုရင်း မြန်မာပြည်သူ/ပြည်သားများအားလုံး စိတ်၏ချမ်းသာခြင်း ၊ ကိုယ်၏ကျန်းမာခြင်းများနဲ့ ပြည့်စုံပြီး စီးပွားလာဘ်လာဘများ ဒီရေအလားတိုးတက်ပါစေကြောင်း " အောင်ဇေယျအထူးကုဆေးခန်း " မှ ဆုမွန်ကောင်းတောင်းပေးလိုက်ပါတယ်ရှင့် ~~~~

#အမျိုးသားနေ့

07/11/2025

💖 ခွဲမွေးဖူးပြီးမှ ရိုးရိုးပြန်မွေးခြင်း (VBAC/TOLAC) အကြောင်း အစအဆုံး သိကောင်းစရာ 💡
ယခင်က ခွဲမွေးဖူးတဲ့ မေမေတို့ရေ... နောက်တစ်ခါ ကိုယ်ဝန်ဆောင်ရင် ရိုးရိုးပြန်မွေးဖို့ စိတ်ကူးရှိနေလား? သားအိမ်မှာ အမာရွတ်တစ်ခု ရှိနေတဲ့အတွက် သာမန်ရိုးရိုးမွေးခြင်းထက် ပိုမို ဂရုစိုက်ရမှာပါ။ ဒါကြောင့် ဒီအကြောင်းအရာတွေကို သေသေချာချာ လေ့လာထားဖို့ လိုပါတယ်။
🌟 VBAC ဆိုတာ ဘာလဲ? TOLAC ဆိုတာ ဘာကိုဆိုလိုတာလဲ?
* VBAC (Vaginal Birth After Cesarean): အရင်က ခွဲမွေးဖူးပြီး နောက်တစ်ကြိမ်မှာ ရိုးရိုးမွေးခြင်း။
* TOLAC (Trial of Labor After Cesarean): VBAC ကို ရည်ရွယ်ပြီး စမ်းသပ်မွေးဖွားကြည့်ခြင်း ဖြစ်ပါတယ်။ ရိုးရိုးမွေးဖို့ ကြိုးစားကြည့်ပြီး အဆင်မပြေရင် (သို့) ပြဿနာပေါ်လာရင် အရေးပေါ် ခွဲမွေးဖို့ အဆင်သင့်ရှိနေရခြင်း ကို ဆိုလိုပါတယ်။
* 👉 မှတ်ချက်: TOLAC ကို ပစ္စည်းကိရိယာ အပြည့်အစုံနဲ့ လူအင်အား ပြည့်ဝတဲ့ ဆေးရုံကြီးတွေမှာသာ ပြုလုပ်ပေးနိုင်ပါတယ်။
✅ ဘာကြောင့် VBAC (TOLAC) ကို ရွေးချယ်သင့်သလဲ?
VBAC အောင်မြင်ခဲ့မယ်ဆိုရင် အောက်ပါ အကျိုးကျေးဇူးတွေ ရရှိနိုင်ပါတယ်-
* ကလေး များများ ယူရန် အစီအစဉ်ရှိခြင်း 👨‍👩‍👧‍👦
* ခဏခဏ ခွဲမွေးခြင်းကြောင့် အချင်းက အမာရွတ်မှာ ကပ်ခြင်း (Placenta Accreta) စတဲ့ ပြဿနာတွေ ရှောင်ရှားနိုင်ရန်။
* ခွဲစိတ်မှု ဘေးထွက်ဆိုးကျိုး ရှောင်လွှဲခြင်း 🚫
* သွေးထွက်များခြင်း၊ ပိုးဝင်ခြင်း၊ သွေးခဲပိတ်ခြင်း၊ အူ/ဆီးအိမ် ထိခိုက်ခြင်း စတဲ့ ခွဲစိတ်မှုကြောင့် ဖြစ်တတ်တဲ့ နောက်ဆက်တွဲ ပြဿနာများကို လျှော့ချနိုင်ခြင်း။
* မြန်မြန် နာလန်ထူချင်ခြင်း 🏃‍♀️
* ပြဿနာမရှိဘဲ ရိုးရိုးမွေးပါက ဆေးရုံတက်ရက်တိုပြီး၊ ခွဲမွေးခြင်းထက် အိမ်ကို မြန်မြန်ပြန်နိုင်ခြင်း။
* မိခင်ရဲ့ ဆန္ဒ ❤️
* ပထမကိုယ်ဝန်တုန်းက ရိုးရိုးမွေးချင်ပေမယ့် အကြောင်းတစ်ခုခုကြောင့် ခွဲလိုက်ရတဲ့အခါ ဒီတစ်ခါမှာ ရိုးရိုးပြန်မွေးလိုခြင်း။
🤰🏻 VBAC ကြိုးစားရန် အခြေခံ လိုအပ်ချက်များ
VBAC အောင်မြင်နိုင်ခြေ ရှိတဲ့ မိခင်များရဲ့ အခြေခံအချက်များမှာ-
* လက်ရှိ ကိုယ်ဝန်မှာ တစ်ယောက်တည်း ကိုယ်ဝန်ဆောင်ထားခြင်း (အမြွှာမဟုတ်ခြင်း)။
* အရင်က တစ်ကြိမ် (သို့) နှစ်ကြိမ်သာ ခွဲမွေးဖူးခြင်း။
* ခွဲကြောင်းမှာ သားအိမ်အောက်ပိုင်းတွင် ကန့်လန့်ဖြတ်ခွဲကြောင်း ဖြစ်ရပါမယ်။ (ဒေါင်လိုက် ခွဲကြောင်း မဟုတ်ရပါ)။
* အရင်က VBAC အောင်မြင်ဖူးခြင်း (ပထမ ခွဲပြီး ဒုတိယကို ရိုးရိုးပြန်မွေးဖူးလျှင်) သည် အကောင်းဆုံး အထောက်အထား ဖြစ်ပါတယ်။
> 💡 အမြွှာကိုယ်ဝန် ဆိုရင်တောင် အရင်က အောက်ပိုင်း ကန့်လန့်ခွဲကြောင်းနဲ့ တစ်ခါသာ ခွဲမွေးဖူးရင် VBAC ကြိုးစားနိုင်ပါတယ်။
>
🛑 VBAC လုံးဝမသင့်တော်သော (သို့မဟုတ်) အလွန်အန္တရာယ်များသော အခြေအနေများ
အောက်ပါ အချက်များရှိရင် VBAC မလုပ်သင့်ပါဘူး။ လုံးဝ ခွဲမွေးသင့်ပါတယ်။
* ⚠️ အရင်ခွဲကြောင်း ဒေါင်လိုက်ခွဲကြောင်းဖြစ်ခြင်း (သို့) ဒေါင်လိုက်ခွဲကြောင်းဖြစ်နိုင်တယ်လို့ သံသယရှိခြင်း။
* ⚠️ အရင်က ခွဲကြောင်းပြဲပြီး သားအိမ်ကွဲဖူးခြင်း။
* ⚠️ ကလေးမွေးတာမဟုတ်ဘဲ သားအိမ်ခွဲစိတ်မှု လုပ်ဖူးခြင်း (ဥပမာ- သားအိမ်အသားလုံး ခွဲစိတ်ဖူးခြင်း)။
* ⚠️ အရင်က ၂ ခါနှင့်အထက် ခွဲမွေးဖူးပြီး တစ်ခါမှ ရိုးရိုးမမွေးဖူးခြင်း။
* ⚠️ BMI 50 ကျော်လွန်သော အဝလွန်ကိုယ်ဝန်ဆောင် ဖြစ်ခြင်း။
🚨 VBAC အောင်မြင်ဖို့ မလွယ်ကူတဲ့ (သို့) အန္တရာယ်များတဲ့ အခြေအနေများ
ဒီအခြေအနေတွေရှိရင် ရိုးရိုးမွေးဖို့ ကြိုးစားရင်တောင် အောင်မြင်ဖို့ ခက်ခဲပြီး အရေးပေါ် ခွဲခန်းဝင်ရနိုင်ခြေ များပါတယ်-
* အစမ်းမွေးနေစဥ် ညှစ်အား တဖြည်းဖြည်း ကျလာခြင်း (Progress မရှိခြင်း)
* မိခင် အသက်ကြီးနေခြင်း
* ကိုယ်ဝန် ၄၀ ပတ်ကျော်လွန်နေခြင်း
* BMI ၄၀ ကျော်လွန်နေခြင်း
* ကိုယ်ဝန်ဆောင်စဉ် ကိုယ်အလေးချိန် အဆမတန် တက်လာခြင်း
* ကိုယ်ဝန်ဆိပ်တက်ခြင်း (Preeclampsia)
* ရှေ့ကိုယ်ဝန်နဲ့ တစ်နှစ်ခွဲသာ ခြားနားခြင်း
* ဆေးထည့်ပြီး မွေးဖို့ လှုံ့ဆော်နေရခြင်း (Induction)
💔 VBAC ကြိုးစားရာတွင် ဖြစ်ပေါ်လာနိုင်သော အဆိုးဆုံး ဆိုးကျိုး
VBAC အောင်မြင်စွာ မွေးနိုင်ရင် ကောင်းပေမယ့်၊ အခန့်မသင့်ရင် အလွန်ရှားပါးပြီး အသက်အန္တရာယ်ရှိတဲ့ ဆိုးကျိုးတစ်ခု ကြုံရနိုင်ပါတယ်-
> 🛑 သားအိမ်ကွဲထွက်ခြင်း (Uterine Rupture)
> အရင်ခွဲထားတဲ့ အမာရွတ်က ပြဲထွက်ပြီး သားအိမ်ကွဲတတ်ပါတယ်။ ဒါဟာ အရေးပေါ် အသက်ကယ် ခွဲစိတ်မှု လိုအပ်ပြီး၊ အခန့်မသင့်ရင် သားအိမ်ကို လုံးဝ ထုတ်ပစ်ရနိုင် ပါတယ်။ ဒါဆိုရင် နောက်ထပ် ကိုယ်ဝန်ဆောင်လို့ မရနိုင်တော့ပါဘူး။
>
✨ နိဂုံးချုပ် အကြံပြုချက်
ခွဲမွေးပြီး ရိုးရိုးပြန်မွေးဖို့ ဆုံးဖြတ်ချက်ဟာ အလွန်အရေးကြီးပါတယ်။ မိခင်ရဲ့ ကျန်းမာရေး အခြေအနေ၊ အရင်ခွဲကြောင်း အမျိုးအစား၊ လက်ရှိ ကိုယ်ဝန်အခြေအနေ စတာတွေပေါ် မူတည်ပါတယ်။
ကိုယ်ဝန်မယူခင်၊ ဒါမှမဟုတ် စစချင်းမှာတည်းက သင့်ရဲ့ သားဖွားမီးယပ် အထူးကုဆရာဝန် 🧑🏻‍⚕️ နဲ့ စေ့စေ့စပ်စပ် တိုင်ပင်ဆွေးနွေးပြီးမှသာ အလုံခြုံဆုံး မွေးဖွားနည်းလမ်း ကို ရွေးချယ်ပါလို့ အကြံပြုပါရစေ! 🙏

🏥ဝန်ဆာင်မှုများ
1️⃣အထွေထွေ နှင့် အထူးကု သမားတာ်ကြီးများ(၂၄နာရီ ပိတ်ရက်မရှိ)
2️⃣အဆင့်မြင့်ရောဂါရှာဖွရေးဓါတ်ခွဲခန်း၊
3️⃣ ရောဂါရှာဖွရး ဓါတ်မှန်(Complete Digital X-ray) ၊
4️⃣တယ်လီဗွီးရှင်း ဓါတ်မှန် (နေ့စဉ် နံနက် ၉နာရီမှ ညနေ ၅ နာရီ။

☎️09782827422,09967624909

✅နေ့စဉ် ဆရာဝန်းကြီးများထိုင်သည့် အချိန်သိရှိနိုင်ရန် Viber Channel မှာ joint ထားနိုင်ပါတယ်ရှင့်။

https://aungzayaclinic.com/ဆေးခန်းဝန်ဆောင်မှုများသိရှိရန်-Viber-Channel-joint

🏥အမှတ်(၄၈၇)၊မကွေးလမ်း၊(၉)ရပ်ကွက်၊လှိုင်သာယာမြို့နယ်၊ ရန်ကုန်မြို့။KBZ Bank နှင့် မျက်နှာချင်းဆိုင်(မီးခွက်စျေးအနီး)၅ထိပ်မှတ်တိုင်။
#ခွဲမွေး #ရိုးရိုးမွေး #ကိုယ်ဝန်ဆောင် #သားဖွားမီးယပ် #ကျန်းမာရေး

05/11/2025

မိမိခန္ဓာကိုယ်ကိုကြည့်ပြီး ကိုယ်တွင်းရောဂါများအား ခန့်မှန်းခြင်း
======================

၁။ မနက်စောစော အိပ်ယာမှ ထရင် ဘေးမစောင်းပဲ ပက်လက်အနေအထားအတိုင်း ထကြည့်လိုက်လို့ မောမယ်၊ မထနိုင်ဘူးဆိုလျင် အဆုတ်၊ နှလုံး ရောဂါ ရှိနိုင်သည်။

၂။ မနက်အိပ်ယာထတွင် ခြေလက်များ ထုံကျဉ် သလိုလို လေးလံသလိုလို ဖြစ်နေလျင် ဆီးချိုရောဂါ၊ ကျောက်ကပ်ရောဂါ ရှိနိုင်သည်။

၃။ မနက်အိပ်ယာထ ခေါင်းတွေအုံ မျက်စိတွေ ကြည့်မကောင်း အကြောတွေတက် ဖြစ်နေလျင် သွေးတိုးရောဂါ၊ နှလုံးသွေးကြောကျဉ်းရောဂါ ရှိနိုင်သည်။

၄။ ပူပန်စရာ အထူးမရှိပဲ ညစဉ် အိပ်မပျော်သလို အိပ်ရေးမဝသလို ဖြစ်နေလျင် အစာအိမ်၊ သည်းခြေအိတ် ရောဂါ ရှိနိုင်သည်။

၅။ အမြဲတမ်း တခုခုကို အလိုမကျခြင်း ဒေါသထွက် မြန်ခြင်း၊ စိတ်တိုခြင်း၊ ဝမ်းနည်းခြင်း ငိုချင်နေခြင်း တို့ဖြစ်နေလျင် စိတ်ကျရောဂါ၊ အသည်းအားနည်းရောဂါ ရှိနိုင်သည်။

၆။ ရင်းသားအရွယ်အစား ပုံမှန်ထက်ကြီးသော မိန်းခလေးများ ရင်သားကင်ဆာ ဖြစ်နိုင်သည်။

၇။ လက်မောင်း ခြေသလုံး ပုံမှန်ထက် တုတ်လွန်း၊ ဝလွန်းသော မိန်းခလေးများ သားအိမ်၊ အသည်း၊ သရက်ရွက် ရောဂါရှိ နိုင်ပါသည်။

၉။ မျက်လုံး မို့အစ်ခြင်း မျက်နှာ အဆီ ပြန်လွန်းပါက လိင်ပိုင်းဆိုင်ရာရောဂါ၊ အသည်း အဆီဖုံး ရောဂါ ရှိနိုင်ပါသည်။

၉။ ပုံမှန်လက်စွပ်များ ဝတ်မရ၊ ချွတ်မရတော့သည်အထိ လက်ချောင်းပြည့်ဖောင်းလွန်းပါက ဂေါက်ရောဂါ ကဲ့သို့ အဆစ်မြစ်ရောင် ရောဂါ ရှိနိုင်ပါသည်။

၁၀။ သွားများ မျက်စိများ ဝါလာခြင်း လက်သည်း ခြေသည်းခွံများ ဝါလာပါက အသည်းရောင် အသားဝါ၊ B ပိုး C ပိုး ရှိနိုင်ပါသည်။

၁၁။ မိန်းခလေးများ ဆီးကျဉ်ခြင်း မွေးလမ်းကြောင်း အနံ့အသက် မကောင်းခြင်း ရေအိတ် အလုံး တည်ခြင်းများ ဖြစ်နေပါက သားအိမ်ကင်ဆာ ဖြစ်နိုင်ပါသည် ။

၁၃။ ယောက်ျားလေးများ ညဘက် ဆီးခဏခဏ သွားခြင်း ဆီးမထိန်းနိုင် ဖြစ်ပါက ဆီးကျိတ်ကြီးခြင်း၊ ကျောက်ကပ်နှင့် ဆီးကျိတ်ကင်ဆာ ဖြစ်နိုင်သည်။

၁၃။ ထိုင်ရာမှ ထ ရာ၌ မူးခြင်းမိုက်ခြင်း ဖြစ်ပါက သွေးအားနည်းရောဂါ၊ အဆုတ် ရောဂါ ရှိနိုင်ပါသည်။

ဒီလိုလက္ခဏာ တွေထဲက တစုံတရာ ကြုံနေရရင်တော့ မိမိ ကျန်းမာရေး အခြေအနေများ ကြိုတင် သိရအောင် ဆရာဝန်နဲ့ ဆေးစစ်ဖို့လိုပြီး...

ဆေးစစ်ဝန်ဆောင်မှုများအတွက် အောင်ဇေယျအထူးကု ဆေးခန်းကို သတိရပေးပါရှင်။

03/11/2025

🙏🏻ကျက်သရေမင်္ဂလာအပေါင်းနှင့်ပြည့်စုံသော တန်ဆောင်တိုင် အချိန်အခါ သမယ မှာ မြန်မာနိုင်ငံသူ နိုင်ငံသားများ အားလုံး ကိုယ်စိတ် နှစ်ဖြာ ကျန်းမာ ချမ်းသာပြီး စီးပွားလာဘ်လာဘများတိုးတက်ကြီးပွားကြပါစေကြောင်း အောင်ဇေယျအထူးကုဆေးခန်း မှ ဆုတောင်းမေတ္တာပို့သအပ်ပါတယ်ရှင် 🙏🙏🙏

#တန်ဆောင်တိုင်ဆုတောင်း

01/11/2025

🤩 Ultrasound (အာထရာဆောင်း) ဆိုတာ ဘာလဲ? သိကောင်းစရာ အစုံအလင်

Ultrasound (အာထရာဆောင်း) ဆိုတာ သူ့နာမည်အတိုင်းပဲ Ultra (အဆင့်မြင့်) နည်းပညာနဲ့ Sound (အသံလှိုင်း) တွေကို အသုံးပြုပြီး ခန္ဓာကိုယ်တွင်းက အင်္ဂါအစိတ်အပိုင်းတွေရဲ့ ပုံရိပ်ကို ဖော်တဲ့ နည်းပညာတစ်မျိုး ဖြစ်ပါတယ်။ 💡
အထူးခြားဆုံးကတော့ အာထရာဆောင်းဟာ ဓာတ်ရောင်ခြည် (Radiation) လုံးဝမသုံးဘဲ၊ ကြိမ်နှုန်းမြင့် အသံလှိုင်းတွေကိုသာ အသုံးပြုတာကြောင့် ကိုယ်ဝန်ဆောင်မိခင်နဲ့ ရင်သွေးလေးတွေအတွက်ပါ အန္တရာယ်ကင်းပြီး စိတ်အချရဆုံး စစ်ဆေးနည်းတစ်ခု ဖြစ်ပါတယ်။ 👍

🔍 အာထရာဆောင်းကို ဘာအတွက် အသုံးပြုကြတာလဲ?

အာထရာဆောင်းဟာ ရောဂါရှာဖွေခြင်း (Diagnosis) နဲ့ ကုသမှုလုပ်ငန်းများ (Treatment) နှစ်မျိုးလုံးမှာ အသုံးဝင်ပါတယ်။

၁။ ကိုယ်ဝန်ဆောင်မိခင်နှင့် ရင်သွေးငယ်များအတွက် 🤰👶
* ကိုယ်ဝန်ရှိ/မရှိ အတည်ပြုရန်။
* ရင်သွေးလေးရဲ့ အသက်၊ ဖွံ့ဖြိုးမှု အခြေအနေနှင့် မွေးဖွားမည့်ရက် ကို ခန့်မှန်းရန်။
* ရင်သွေးငယ် နှလုံးခုန်နှုန်း ရှိ/မရှိ စစ်ဆေးရန်။
* အမြွှာကိုယ်ဝန် ဟုတ်/မဟုတ် သိရှိရန်။
* ရင်သွေးလေးရဲ့ အနေအထား၊ အချင်းအနေအထားနှင့် ရေမြွှာရေပမာဏ ကို စောင့်ကြည့်ရန်။
* မွေးရာပါ ချို့ယွင်းချက် (Congenital Anomalies) များ (ဥပမာ- နှလုံး၊ အရိုး သို့မဟုတ် အာရုံကြောပြွန် ချို့ယွင်းချက်) ကို စောစီးစွာ စစ်ဆေးနိုင်ရန်။
* ကျား/မ လိင်ခွဲခြား သိရှိနိုင်ရန်။ (ကိုယ်ဝန် ၁၈ ပတ်မှ ၂၁ ပတ်ဝန်းကျင်)

၂။ ခန္ဓာကိုယ်တွင်း အင်္ဂါအစိတ်အပိုင်းများ စစ်ဆေးရန် 🩺
ဓာတ်မှန် (X-ray) တွင် မပေါ်နိုင်သော ပျော့ပျောင်းသည့် တစ်ရှူး (Soft Tissue) များနှင့် အရည်များပါဝင်သည့် အင်္ဂါအစိတ်အပိုင်းများကို စစ်ဆေးရာတွင် အဓိက အသုံးပြုပါသည်။
* အသည်း (Liver)၊ သည်းခြေအိတ် (Gallbladder) (ဥပမာ- သည်းခြေကျောက်တည်ခြင်း)
* ကျောက်ကပ် (Kidney)၊ ဆီးအိမ် (Bladder)၊ ဆီးလမ်းကြောင်းဆိုင်ရာ ရောဂါများ
* သရက်ရွက် (Spleen)၊ ပန်ကရိယ (Pancreas)
* သိုင်းရွိုက်ဂလင်း (Thyroid)
* ရင်သား၊ သားအိမ်၊ သားဥအိမ် စသည့် မျိုးပွားအင်္ဂါဆိုင်ရာ ရောဂါများ
* သွေးကြောများ အတွင်း သွေးစီးဆင်းမှု အခြေအနေကို စစ်ဆေးရန် (Doppler Ultrasound)
* အသားစယူစစ်ဆေးခြင်း (Biopsy) ပြုလုပ်ရာတွင် လမ်းညွှန်ချက် (Guide) အဖြစ် အသုံးပြုရန်။
🖼️ အာထရာဆောင်းက ပုံရိပ်ကို ဘယ်လိုပုံဖော်ပေးတာလဲ?
အာထရာဆောင်းရဲ့ အဓိက နိယာမကတော့ အသံပဲ့တင်သံ (Echo) ကို အခြေခံတာပဲ ဖြစ်ပါတယ်။
* အသံလှိုင်းထုတ်လွှတ်ခြင်း - Transducer လို့ခေါ်တဲ့ လက်ကိုင်ကိရိယာလေးကနေ ကြိမ်နှုန်းမြင့် အသံလှိုင်းတွေကို ခန္ဓာကိုယ်အတွင်းသို့ ထုတ်လွှတ်ပေးပါတယ်။

* ပြန်ခုန်ခြင်း - ထိုအသံလှိုင်းတွေဟာ ခန္ဓာကိုယ်တွင်းရှိ အင်္ဂါအစိတ်အပိုင်း၊ တစ်ရှူး သို့မဟုတ် အရည်တို့ကို ထိမိတဲ့အခါ ပဲ့တင်သံ (Echo) အဖြစ် ပြန်ခုန်ထွက်လာပါတယ်။

* ပုံရိပ်ဖော်ခြင်း - Transducer က ပဲ့တင်သံတွေကို ပြန်ဖမ်းယူပြီး ကွန်ပျူတာဆော့ဖ်ဝဲလ်ကနေတဆင့် မျက်နှာပြင်ပေါ်မှာ ပုံရိပ် အဖြစ် ပြောင်းလဲဖော်ပြပေးတာ ဖြစ်ပါတယ်။

> မှတ်သားရန် - အသံလှိုင်းထိမိတဲ့ ပစ္စည်းတွေက သိပ်သည်းလေလေ (ဥပမာ- ကျောက်၊ အရိုး) ပဲ့တင်သံ ပြင်းလေလေဖြစ်ပြီး ပုံရိပ်ပိုမိုရှင်းလင်းစွာ ပေါ်ထွက်လေလေ ဖြစ်ပါတယ်။ 🦴
>
⏳ အာထရာဆောင်း ရိုက်ဖို့ ဘယ်လိုပြင်ဆင်ရမလဲ?
အာထရာဆောင်း ရိုက်မည့်နေရာပေါ် မူတည်၍ ပြင်ဆင်ပုံ ကွဲပြားနိုင်ပါတယ်။ အဖြစ်များဆုံး ပြင်ဆင်မှုများမှာ-
* ဆီးအိမ်တင်းနေရန် - ဝမ်းဗိုက်အောက်ပိုင်း (ဆီးအိမ်၊ သားအိမ်၊ မျိုးဥအိမ်) စစ်ဆေးမည်ဆိုပါက အာထရာဆောင်းမရိုက်မီ တစ်နာရီအလိုခန့် တွင် ရေ ၄ ခွက်မှ ၆ ခွက် အထိ သောက်ပြီး ဆီးအိမ်တင်းနေအောင် စောင့်ဆိုင်းရပါမည်။ ဆီးအိမ်တင်းနေမှ အင်္ဂါအစိတ်အပိုင်းများကို ပိုမိုရှင်းလင်းစွာ မြင်နိုင်သောကြောင့်ပါ။ 💧 (ဆီးမသွားရသေးခင် ရိုက်ရပါတယ်)

* အစာရှောင်ရန် - သည်းခြေအိတ်၊ သရက်ရွက် စသည့် အင်္ဂါများကို စစ်ဆေးမည်ဆိုပါက အစာ ၈ နာရီမှ ၁၂ နာရီ ခန့် ရှောင်ရန် လိုအပ်နိုင်ပါတယ်။ (ဆရာဝန် ညွှန်ကြားချက်အတိုင်း လိုက်နာပါ)

⚙️ အာထရာဆောင်း ရိုက်ကူးခြင်း အဆင့်ဆင့်
* ဂျယ်လ်လိမ်းခြင်း - ကျွမ်းကျင်သူ ပညာရှင် (Sonographer) က ရိုက်ကူးမည့်နေရာရှိ အရေပြားပေါ်တွင် ဂျယ်လ် (Gel) တစ်မျိုးကို သုတ်လိမ်းပေးပါတယ်။ ဒီဂျယ်လ်က အသံလှိုင်းဖြတ်သန်းမှု ကောင်းမွန်စေရန် ကြားခံနယ် (Conductor) အဖြစ် ကူညီပေးပါတယ်။

* Transducer ဖြင့် ရိုက်ကူးခြင်း - Transducer ကို ဂျယ်လ်လိမ်းထားသည့် နေရာပေါ် တင်၍ ဖိကာ ရွေ့လျားပေးပြီး အတွင်းပိုင်း ပုံရိပ်များကို ဖမ်းယူပါတယ်။ ရိုက်ကူးချိန်သည် များသောအားဖြင့် မိနစ် ၂၀ မှ ၃၀ ခန့် ကြာမြင့်နိုင်ပါတယ်။
🔬 အာထရာဆောင်း အမျိုးအစားများ
ယေဘုယျအားဖြင့် အာထရာဆောင်း အမျိုးအစား (၂) မျိုး ရှိသော်လည်း Transducer ထည့်သွင်းရသည့် နေရာပေါ်မူတည်၍ ခွဲခြားနိုင်ပါတယ်-
✍️အာထရာဆောင်းအမျိုးအစား | ဖော်ပြချက် | အသုံးပြုသောနေရာ

✅ Transabdominal Ultrasound | ဝမ်းဗိုက်အရေပြားပေါ်မှ ရိုက်ကူးခြင်း (အသုံးအများဆုံး) | ဝမ်းဗိုက်၊ ကိုယ်ဝန်ဆောင်၊ နှလုံး (Echo)၊

✅Transvaginal Ultrasound | မိန်းမကိုယ်တွင်းသို့ Transducer ထည့်၍ ရိုက်ကူးခြင်း | ကိုယ်ဝန်အစောပိုင်း၊ သားအိမ်၊ မျိုးဥအိမ် |

✅Transrectal Ultrasound | စအိုတွင်းသို့ Transducer ထည့်၍ ရိုက်ကူးခြင်း | ဆီးကျိတ် (Prostate) စစ်ဆေးရန် |

✅Transesophageal Ultrasound | အစာရေမျိုပြွန်တွင်းသို့ ထည့်၍ ရိုက်ကူးခြင်း | နှလုံးကို ပိုမိုရှင်းလင်းစွာ စစ်ဆေးရန် ၊

🆕 အဆင့်မြင့် နည်းပညာများ
ခေတ်မီလာသည်နှင့်အမျှ ပုံမှန် 2D (နှစ်ဖက်မြင်) အပြင် အောက်ပါ အဆင့်မြင့် နည်းပညာများလည်း ပေါ်လာပါတယ်-
* 3D Ultrasound (သုံးဖက်မြင်) - ရင်သွေးလေးရဲ့ အသွင်အပြင်ကို မျက်နှာပြင်တစ်ခုလုံး သုံးဖက်မြင်အနေအထားဖြင့် ပိုမိုတိကျစွာ မြင်နိုင်ခြင်း။
* 4D Ultrasound (လေးဖက်မြင်) - အချိန် (Time) ကိုပါ ထည့်သွင်းထားသောကြောင့် ရင်သွေးငယ်၏ ရွေ့လျားမှု၊ လက်မစုပ်ခြင်း၊ ပြုံးခြင်း စသည့် အပြုအမူများကို ဗီဒီယိုအနေဖြင့် တိုက်ရိုက် မြင်တွေ့နိုင်ခြင်း။
✅ အာထရာဆောင်းရဲ့ အားသာချက်များနှင့် ဘေးထွက်ဆိုးကျိုး မရှိခြင်း
* အန္တရာယ်ကင်းခြင်း - ဓာတ်ရောင်ခြည်မရှိ၍ ကိုယ်ဝန်ဆောင်နှင့် ကလေးငယ်များအတွက် အလွန်ဘေးကင်းပါတယ်။
* နာကျင်မှုမရှိခြင်း - စမ်းသပ်စစ်ဆေးမှု ပြုလုပ်စဉ် နာကျင်မှုမရှိပါ။
* ထိရောက်မှုရှိခြင်း - ပျော့ပျောင်းသည့် တစ်ရှူးများ၏ အခြေအနေကို တိကျစွာ ဖော်ပြနိုင်ခြင်း။
* အချိန်နှင့်တပြေးညီ - ရွေ့လျားနေသော သွေးစီးဆင်းမှုနှင့် နှလုံးခုန်နှုန်းတို့ကိုပါ အချိန်နှင့်တပြေးညီ မြင်နိုင်ခြင်း။
👉 နိဂုံးချုပ်အနေဖြင့် - အာထရာဆောင်းသည် ခေတ်မီပြီး အန္တရာယ်ကင်းသော ရောဂါရှာဖွေရေး နည်းလမ်းတစ်ခုဖြစ်ပြီး ကျန်းမာရေးစောင့်ရှောက်မှုတွင် အရေးပါသော အခန်းကဏ္ဍမှ ပါဝင်နေပါသည်။ မိမိကျန်းမာရေးအတွက် လိုအပ်ပါက ဆရာဝန်ညွှန်ကြားသည့်အတိုင်း အာထရာဆောင်း ရိုက်ကူးစစ်ဆေးသင့်ပါသည်။ 💖

🏥 ဝန်ဆာင်မှုများ
1️⃣အထွေထွေ နှင့် အထူးကု သမားတာ်ကြီးများ(၂၄နာရီ ပိတ်ရက်မရှိ)
2️⃣အဆင့်မြင့်ရောဂါရှာဖွရေးဓါတ်ခွဲခန်း၊
3️⃣ ရောဂါရှာဖွရး ဓါတ်မှန်(Complete Digital X-ray) ၊
4️⃣တယ်လီဗွီးရှင်း ဓါတ်မှန် (နေ့စဉ် နံနက် ၉နာရီမှ ညနေ ၅ နာရီ)

☎️09782827422,09967624909

🏥အမှတ်(၄၈၇)၊မကွေးလမ်း၊(၉)ရပ်ကွက်၊လှိုင်သာယာမြို့နယ်၊ ရန်ကုန်မြို့။KBZ Bank နှင့် မျက်နှာချင်းဆိုင်(မီးခွက်စျေးအနီး)၅ထိပ်မှတ်တိုင်။

specialist clinic

30/10/2025

#တွဲဖက်မစားသင့်သော အစားအစာများ
လိုအပ်ရင် အလွယ်တကူကြည့်နိုင်အောင် Share ထားဖို့မမေ့နဲ့နော်❤️

Aung Zaya - အထူးကုဆေးခန်းနှင့်ရောဂါရှာဖွေရေးစင်တာ

05/12/2025

02/12/2025

01/12/2025

25/11/2025

19/11/2025

16/11/2025

14/11/2025

07/11/2025

05/11/2025

03/11/2025

01/11/2025

30/10/2025

Address

Telephone

Website

Alerts

Contact The Practice

Shortcuts

Share

Category