https://www.facebook.com/1224492177637481/

Royal Maungmakan General Hospital, No. 938, Maungmakan Kanthar Street, South Dagon Township, Yangon (2025)

02/12/2025

📢 တောင်ဒဂုံမြို့နယ်အတွင်းရှိ
Royal မောင်းမကန် အထူးကုဆေးရုံတွင်
တာဝန်ထမ်းဆောင်ရန်အတွက် အောက်ဖော်ပြပါ ဝန်ထမ်းများ အလိုရှိသည်။

၁။💰 Cashier (၂) ဦး

-တက္ကသိုလ်တစ်ခုခုမှ ဘွဲ့ရပြီးသူ (သို့) တက္ကသိုလ်ဝင်တန်းအောင်မြင်ပြီး ကျောင်းကိစ္စကင်းရှင်းသူ
-စေ့စပ်သေချာပြီး ငွေစာရင်းကိုတိကျစွာ ကိုင်တွယ်နိုင်သူ
-စကားပြောချိုသာ၍ ရင်းနှီးဖော်ရွေသောအပြုံးဖြင့် Customer service ပေးနိုင်သူ
-ဆေးရုံ၊ ဆေးခန်းတစ်ခုခုတွင် cashier လုပ်ကိုင်ဖူးသူ ဖြစ်ပါက ဦးစားပေးမည်။

၂။ ခွဲခန်းသူနာပြုအကူ (၅)ဦး

- သူနာပြုအကူ သင်တန်းဆင်းလက်မှတ်ရှိရမည်။
-ခွဲစိတ်ခန်း အတွေ့အကြုံ ရှိသူ
(သို့) အတွေ့အကြုံ မရှိသော်လည်းစိတ်၀င်စားသူများလည်း လျောက်ထားနိုင်သည်။
- ဆေးရုံ၊ဆေးခန်း၊ဆေးဆိုင် တစ်ခုခုတွင် လုပ်သက်ရှိသူ ဦးစားပေးမည်။

၃။ 👷 အထွေထွေလုပ်သား ကျား/မ (၂) ဦး

-အသက် ၁၈နှစ်မှ ၆၅နှစ်အတွင်းဖြစ်ရမည်။
-ကျန်းမာသန်စွမ်းသူ ဖြစ်ရမည်။
-အလုပ်ချိန်အတွင်း အသောက်စား ကင်းရမည်။

၄။ Office Staff (၂) ဦး

-တက္ကသိုလ်တစ်ခုခုမှ ဘွဲ့ရပြီးသူ (သို့) တက္ကသိုလ်ဝင်တန်းအောင်မြင်ပြီး ကျောင်းကိစ္စကင်းရှင်းသူ
-စေ့စပ်သေချာပြီး စာရင်းကိုတိကျစွာ ကိုင်တွယ်နိုင်သူ
- Excel, Microsoft, Google နှင့် တခြား software များအားအသုံးပြုနိုင်ရမည်။
-အသင်းအဖွဲ့နဲ့ ပူးပေါင်းဆောင်ရွက်နိုင်ရမည်။

💡 အဖွဲ့အစည်းနှင့်ပူးပေါင်းဆောင်ရွက်နိုင်ပြီး သင်ယူချင်စိတ်ရှိသူဖြစ်ရပါမည်။

လျှောက်ထားလိုပါက...
📍အမှတ် (၉၃၈)၊ မောင်းမကန်ကမ်းသာလမ်း၊ ၁၉ရပ်ကွက်၊ ၁၈ ကွေ့ မှတ်တိုင်အနီး ၊ ဒဂုံမြို့သစ်တောင်ပိုင်းသို့ လာရောက်လျှောက်ထားနိုင်ပါသည်။
09762152024 ( Viber ) နှင့်
📩page messenger မှလည်း တိုက်ရိုက်ပေးပို့ လျှောက်ထားနိုင်ပါသည်။

01/12/2025

‎🤝 𝐓𝐨𝐝𝐚𝐲 𝐢𝐬 𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 🤝
‎
‎ယနေ့ ဒီဇင်ဘာလ ( 1 ) ရက်နေ့မှာ ကျရောက်တဲ့ 𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 - ( ကမ္ဘာ့ ခုခံအား ကျဆင်းမှု ကူးစက်ရောဂါ တိုက်ဖျက်ရေးနေ့ ) လေးဟာဆိုရင်တော့ -
‎
‎𝗛𝗜𝗩 ပိုးကူးစက်ခံရသူများကို အောက်မေ့သတိရပြီး 𝐇𝐈𝐕/𝐀𝐈𝐃𝐒 ကူးစက်ပြန့်ပွားမှုကို တိုက်ဖျက်နိုင်ဖို့ ကမ္ဘာတစ်ဝှမ်းက လူအများစုစည်းညီညွတ်စွာ လှုပ်ရှားမှုတွေ ပြုလုပ်ကြတဲ့နေ့လေး တစ်နေ့ပဲ ဖြစ်ပါတယ် 😇
‎
‎𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 ကို 𝐖𝐇𝐎 နဲ့ 𝐔𝐍𝐀𝐈𝐃𝐒 တို့က ဦးဆောင်ကျင်းပခဲ့ပြီး ၁၉၉၆ ခုနှစ်မှာ 𝐔𝐍𝐀𝐈𝐃𝐒 က ကမကထပြုမှုတာဝန်ကို လွှဲပြောင်းယူခဲ့ရင်း နှစ်စဉ် ဆောင်ပုဒ်များ သတ်မှတ်ကာ ကမ္ဘာတစ်ဝှမ်း စည်းလုံးညီညွတ်စွာ ဆောင်ရွက်နိုင်စေရေး စီစဉ်ပေးခဲ့ပါတယ် 🥰
‎
‎𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 ပြုလုပ်ရတဲ့ ရည်ရွယ်ချက်ကို လူအများသိရှိစေဖို့အတွက် ကျွန်တော်တို့ 𝐑𝐨𝐲𝐚𝐥 မောင်းမကန် အထူးကုဆေးရုံကြီးက ပြန်လည်မျှဝေလိုက်ပါတယ် ခင်ဗျာ 🖐
‎
‎💥 အောက်မေ့ခြင်း - 𝐇𝐈𝐕/𝐀𝐈𝐃𝐒 ရောဂါကြောင် ကွယ်လွန်သွားသူများအား အောက်မေ့ သတိရခြင်း ။
‎
‎💥 သတိပြုရန် - 𝐇𝐈𝐕/𝐀𝐈𝐃𝐒 ရောဂါတွေက လူ့အသိုင်းအဝိုင်းအတွင်းမှာ တည်ရှိနေဆဲ ဆိုတာကို သတိပေးခြင်း ။
‎
‎💥 ပညာပေးခြင်း - 𝐇𝐈𝐕/𝐀𝐈𝐃𝐒 ရောဂါ ကူးစက်ပုံ၊ ကာကွယ်နည်း ၊ ကုသရေးဆိုင်ရာ ပညာပေးခြင်း ။
‎
‎💥 သုံးသပ်ခြင်း - 𝐇𝐈𝐕/𝐀𝐈𝐃𝐒 ဆိုင်ရာ မူဝါဒများ၊ ရန်ပုံငွေများ လုံလောက်မှုရှိမရှိ သုံးသပ်ခြင်း ။
‎
‎💥 ခွဲခြားဆက်ဆံမှုကို တိုက်ဖျက်ခြင်း - 𝐇𝐈𝐕/𝐀𝐈𝐃𝐒 ပိုး ရှိသူများအပေါ် ခွဲခြားဆက်ဆံမူ များ ပပျောက်စေရန် ။
‎
‎စတဲ့ ရည်ရွယ်ချက်တွေနဲ့ 𝐖𝐨𝐫𝐥𝐝 𝐀𝐈𝐃𝐒 𝐃𝐚𝐲 ကို သတ်မှတ်ထားတာမို့ လူသားအားဆုံး ခွဲခြားမှုမရှိဘဲ အားလုံးပူးပေါင်းပါ၀င်ရင်း ကျန်းမာ ပျော်ရွှင် အေးချမ်းသော နေထိုင်မူ ပုံစံတွေကို ပိုင်ဆိုင်နိုင်ကြပါစေကြောင်း -
‎
‎ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကုဆေးရုံကြီးမှ ဆုတောင်း ဆန္ဒပြုလိုက် ရပါတယ်ခင်ဗျာ 🙏
‎
‎
‎
‎ #ကမ္ဘာ့ခုခံအားကျဆင်းမှုရောဂါတိုက်ဖျက်ရေး

24/11/2025

နွေရာသီပဲဖြစ်ဖြစ်၊ နေရောင်ခြည် ပြင်းထန်တဲ့ အချိန်မျိုးမှာပဲဖြစ်ဖြစ် အပြင်ထွက်တဲ့အခါ ကိုယ့်ရဲ့ ကျန်းမာရေးနဲ့ အသားအရေကို ဂရုစိုက်ဖို့ အရမ်းအရေးကြီးပါတယ် 💯
‎
‎ဒီတော့ အပူဒဏ်ကြောင့် ကျန်းမာရေး ထိခိုက်မှု မဖြစ်ရအောင် သတိထားသင့်တဲ့ အချက်လေးတွေကို ကျွန်တော်တို့ 𝐑𝐨𝐲𝐚𝐥 မောင်းမကန် အထူးကုဆေးရုံကြီးက မျှဝေပေးသွားပါမယ်နော် 💁🏻
‎
‎🧴 နေရောင်ကာခရင်မ် ( Sunscreen ) မဖြစ်မနေ လိမ်းပါ
‎
‎အပြင်မထွက်ခင်မှာ SPF 30 နှင့်အထက် ရှိတဲ့ နေရောင်ကာခရင်မ်ကို ခန္ဓာကိုယ်ရဲ့ နေရောင်ထိတွေ့နိုင်တဲ့ နေရာတွေအားလုံး ( မျက်နှာ၊ လက် ၊ လည်ပင်း၊ ခြေထောက်) မှာ လိမ်းပြီးမှ ထွက်သင့်ပါတယ် ။ နေရောင်ကာခရင်မ်က အရေပြားကင်ဆာနဲ့ အိုမင်းရင့်ရော်မှုကို ကာကွယ်ပေးပါတယ် ။
‎
‎💧 ရေဓာတ်ပြည့်ဝအောင် ဂရုစိုက်ပါ
‎
‎နေပူထဲမှာ လှုပ်ရှားသွားလာတဲ့အခါ ချွေးထွက်များပြီး ရေဓာတ်ဆုံးရှုံးလွယ်ပါတယ် ။ ရေ သို့မဟုတ် Electrolyte ပါဝင်သော အချိုရည်များ ကို အပြင်မထွက်ခင်၊ အပြင်သွားနေစဉ်နဲ့ ပြန်လာပြီးနောက် ပုံမှန်သောက်ပေးပါ။ ကဖင်းဓာတ်ပါဝင်တဲ့ ကော်ဖီ၊ လက်ဖက်ရည် ( သို့ ) အရက်ကို အလွန်အကျွံ သောက်သုံးခြင်းကို ရှောင်ပါ၊ ၎င်းတို့က ရေဓာတ် ပိုမိုဆုံးရှုံးစေနိုင်ပါတယ် ။
‎
‎🧢 အကာအကွယ်ပစ္စည်းများ အသုံးပြုပါ
‎
‎ဦးရေပြားနဲ့ မျက်နှာကို နေရောင်ခြည် တိုက်ရိုက်မထိအောင် ဦးထုပ် (သို့မဟုတ်) ထီး ဆောင်းပါ။ မျက်လုံးကို ကာကွယ်ဖို့ နေကာမျက်မှန် (UV Protection ပါသော) တပ်ပါ။ ပူအိုက်မှုကို လျှော့ချဖို့အတွက် အရောင်ဖျော့ပြီး ချောင်ချိတဲ့ အဝတ်အစားတွေ၊ နေရောင်ခြည်ဒဏ်ကနေ ကာကွယ်ပေးနိုင်တဲ့ လက်ရှည်၊ ဘောင်းဘီရှည်တို့ကို ဝတ်ဆင်သင့်ပါတယ် ။
‎
‎🕛 အပူချိန် အမြင့်ဆုံးအချိန်ကို ရှောင်ပါ
‎
‎နေရောင်ခြည် အပြင်းထန်ဆုံးဖြစ်တဲ့ မနက် ၁၀ နာရီကနေ ညနေ ၄ နာရီ အတွင်း အပြင်ထွက်တာကို တတ်နိုင်သမျှ ရှောင်ရပါမယ် ။ မလွှဲမရှောင်သာ ထွက်ရမယ်ဆို အရိပ်ရတဲ့နေရာတွေမှာ ခဏတာ နားနားနေနေ သွားလာပါ။
‎
‎⚠️ အပူဒဏ်လွန်ကဲမှု လက္ခဏာများကို သတိပြုပါ
‎
‎ခေါင်းကိုက်ခြင်း၊ မူးဝေခြင်း၊ ပျို့အန်ချင်စိတ်ဖြစ်ခြင်း၊ အလွန်အမင်း ချွေးထွက်ခြင်း သို့မဟုတ် ချွေးလုံးဝမထွက်ဘဲ ကိုယ်ပူချိန်တက်လာခြင်း စတဲ့ လက္ခဏာတွေဟာ အပူဒဏ်ကြောင့် ကျန်းမာရေး ထိခိုက်နိုင်တဲ့ လက္ခဏာတွေဖြစ်တာမို့လို့ သတိထားရှောင်ကြဥ်သင့်ပါတယ် ။
‎
‎လက်ရှိကာလက နေအလွန်ပူပြင်းတဲ့ ရာသီဥတု ဖြစ်တာမို့လို့ အပြင်သွားလာတဲ့အခါ ဒီအချက်လေးတွေကို ဂရုစိုက်သင့်ကြောင်း ကျွန်တော်တို့ 𝐑𝐨𝐲𝐚𝐥 မောင်းမကန်က သတိပေးလိုက်ရပါတယ်ခင်ဗျာ 🤗
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎
‎
‎
‎

21/11/2025

💥 မဖြစ်မနေ ထိန်းသိမ်းရတော့မယ့် သဘာဝ ပတ်ဝန်းကျင်နဲ့ ကျန်းမာရေး 💥
‎
‎ဒီခေါင်းစဥ်လေးကို မြင်မြင်ချင်းမှာဆို သဘာဝ ပတ်ဝန်းကျင် ထိန်းသိမ်းတာနဲ့ ကျန်းမာရေးက ဘယ်လို ဆက်စပ်တာလဲဆိုတဲ့ အတွေးမျိုး ဝင်လာနိုင်ပါတယ်နော် 🤔
‎
‎ဒါကြောင့် ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကုဆေးရုံကြီးက သဘာဝ ပတ်ဝန်းကျင် ထိန်းသိမ်းမှုနဲ့ ကျန်းမာရေးရဲ့ ဆက်စပ်ပုံကို ဒီပိုစ့်လေးနဲ့အတူ ရှင်းပြပေးသွားပါမယ်ခင်ဗျာ 💁🏻
‎
‎သဘာဝပတ်ဝန်းကျင် ထိန်းသိမ်းရေးဟာဆိုရင် ကျွန်တော်တို့ ကမ္ဘာမြေကြီးအတွက်သာမကဘဲ လူသားတိုင်းရဲ့ ကျန်းမာပျော်ရွှင်သော ဘဝတွေအတွက် မရှိမဖြစ် လိုအပ်တဲ့ အခန်းကဏ္ဍတစ်ခု ဖြစ်ပြီးတော့ သန့်ရှင်းမှုရှိနေတဲ့ ပတ်ဝန်းကျင်က ကျန်းမာတဲ့ဘဝကို ပိုမို ပိုင်ဆိုင်စေပါတယ် 😇
‎
‎💥 သဘာဝပတ်ဝန်းကျင် ထိန်းသိမ်းသင့်သော အဓိကအချက်များ
‎
‎သဘာဝပတ်ဝန်းကျင်ထိန်းသိမ်းတာက ကမ္ဘာကြီးအတွက်သာမက လူသားတွေရဲ့ နေ့စဉ်ဘဝအတွက်ပါ အကျိုးကျေးဇူးများစွာကို ယူဆောင်လာစေပါတယ် 🤗
‎
‎▶ သယံဇာတ ထိန်းသိမ်းရေး
‎
‎သစ်တော၊ ရေ၊ လေ၊ ဓာတ်သတ္တု .....အစရှိတဲ့ သယံဇာတတွေက ကုန်ဆုံးနိုင်တာမို့ နောင်လာနောက်သားတွေအတွက် ရေရှည်တည်တံ့စေရန် ထိန်းသိမ်းရပါမယ် ။
‎
‎▶ ရာသီဥတု ပြောင်းလဲမှု လျှော့ချရေး
‎
‎သစ်ပင်များ စိုက်ပျိုးခြင်း၊ စွမ်းအင် ချွေတာခြင်းဟာဆို ကမ္ဘာကြီး ပူနွေးလာမှုနှင့် ရာသီဥတု ဖောက်ပြန်မှုများကို ဟန့်တားနိုင်ပါတယ် ။
‎
‎▶ ဇီဝမျိုးကွဲ ထိန်းသိမ်းရေး
‎
‎သဘာဝပတ်ဝန်းကျင် ထိန်းသိမ်းခြင်းက သက်ရှိမျိုးစိတ်ပေါင်းစုံရဲ့ နေထိုင်ရာများကို ကာကွယ်ပေးနိုင်ပြီး ဂေဟစနစ် မျှတမှုကို ထိန်းသိမ်းနိုင်ပါတယ် ။
‎
‎▶ ညစ်ညမ်းမှု လျှော့ချရေး
‎
‎ရေ၊ လေနှင့် မြေဆီလွှာတို့ ထိန်းသိမ်းနိုင်မယ်ဆိုရင် ညစ်ညမ်းမှုကို လျှော့ချနိုင်ပြီး ပတ်ဝန်းကျင်ကို သန့်ရှင်းစေနိုင်ပါတယ် ။
‎
‎💥 သဘာဝပတ်ဝန်းကျင် ထိန်းသိမ်းခြင်းတွေကဲ ကျန်းမာရေးကို ဘယ်လို အထောက်အကူပြုစေလဲ 🤔
‎
‎သဘာဝပတ်ဝန်းကျင် ထိန်းသိမ်းရေးနဲ့ ကိုယ့်ရဲ့ ကျန်းမာရေးက တစ်ခုနဲ့တစ်ခု အပြန်အလှန် ဆက်စပ်နေတဲ့အရာတွေ ဖြစ်ပါတယ် ။ သန့်ရှင်းတဲ့ ပတ်ဝန်းကျင်က လူသားတွေရဲ့ ကျန်းမာရေးကို နည်းလမ်းများစွာဖြင့် တိုက်ရိုက် ပံ့ပိုးပေးနိုင်ပါတယ် 🤗
‎
‎▶ လေထုအရည်အသွေး ကောင်းမွန်စေခြင်း
‎
‎သစ်ပင်စိုက်ပျိုးခြင်းနဲ့ စက်မှုလုပ်ငန်းတွေကနေ ထွက်တဲ့ ညစ်ညမ်းမှုများကို ထိန်းချုပ်နိုင်ခြင်းက လေထုကို သန့်စင်စေတာကြောင့် အသက်ရှူလမ်းကြောင်းဆိုင်ရာ ရောဂါများ (ဥပမာ- ပန်းနာရင်ကျပ်၊ အဆုတ်ရောင်) နဲ့ နှလုံးရောဂါ ဖြစ်ပွားမှုနှုန်းကို သိသာစွာ လျှော့ချပေးနိုင်ပါတယ် ။
‎
‎▶ သန့်ရှင်းတဲ့ ရေနဲ့ အစားအစာ ရရှိစေခြင်း
‎
‎မြစ်ချောင်းများ၊ ရေအရင်းအမြစ်များကို ကာကွယ်ထိန်းသိမ်းခြင်းက သောက်သုံးရေ သန့်ရှင်းမှုကို ရရှိစေနိုင်ပြီး ဝမ်းပျက်ဝမ်းလျှောရောဂါများ ၊ ကာလဝမ်း၊ အသည်းရောင်အသားဝါ စတဲ့ ရေမှတစ်ဆင့် ကူးစက်သောရောဂါများ ကို ကာကွယ်ပေးနိုင်ပါတယ် ။
‎
‎▶ စိတ်ကျန်းမာရေးနဲ့ စိတ်သက်သာရာရစေခြင်း
‎
‎သစ်တောများ၊ ပန်းခြံများ စတဲ့ စိမ်းလန်းသော နေရာများ ကို ထိန်းသိမ်းထားခြင်းက လူသားတွေအတွက် စိတ်ဖိစီးမှုများ လျော့ကျခြင်း၊ စိတ်ဓာတ်ကျခြင်းမှ ကာကွယ်ပေးခြင်းနှင့် စိတ်ပိုင်းဆိုင်ရာ ငြိမ်းချမ်းမှုနှင့် ရွှင်လန်းတက်ကြွမှု ကို ပိုမိုရရှိစေပါတယ် ။
‎
‎▶ ရောဂါကူးစက်မှု အန္တရာယ် လျှော့ချခြင်း
‎
‎သစ်တောပြုန်းတီးမှုနဲ့ နေထိုင်ရာဒေသ ပျက်စီးမှုတွေက တိရစ္ဆာန်များမှ လူသို့ ကူးစက်သော ရောဂါများကို ပိုမိုဖြစ်ပွားစေနိုင်ပြီး ကျန်းမာတဲ့ ဂေဟစနစ်က ရောဂါပိုးများ ပြန့်ပွားမှုကို သဘာဝအလျောက် ထိန်းချုပ်ပေးပါတယ် ။
‎
‎ဒါကြောင့် လူသားများရဲ့ ကျန်းမာရေးကို ပိုမိုကောင်းမွန်စေပြီး ကျန်းမာတဲ့ လူမှုဘဝကို ရရှိစေဖို့ သဘာဝ ပတ်ဝန်းကျင် ထိန်းသိမ်းမှုတွေကို ဂရုစိုက်လုပ်ဆောင်သင့်ကြောင်း -
‎
‎ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးက တိုက်တွန်း အကြံပြုလိုက်ရပါတယ် ခင်ဗျာ 😍
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎ ‎

17/11/2025

လတ်တလော ရာသီဥတုက အပူရှိန်ပြင်းလွန်းတဲ့ အချိန်တွေကို ဖြတ်သန်းနေရတာမို့
လူကြီးမင်းတို့အနေနဲ့ ရေများများသောက်ဖို့ လိုအပ်ပါတယ် 🤗

‎ရေများများသောက်တဲ့အခါ ရာသီဥတုကြောင့် ဆုံးရှုံးသွားတဲ့ ရေဓာတ်တွေကို
ပြန်လည် ဖြည့်တင်းပေးနိုင်သလို

လူခန္ဓာကိုယ်ရဲ့ ကျန်းမာရေးကိုလည်း များစွာ အထောက်အကူ ဖြစ်စေတာကြောင့်...
ဒီလို ရာသီမှာ ရေများများသောက်သင့်ကြောင်း 𝐑𝐨𝐲𝐚𝐥 မောင်းမကန် အထူးကု ဆေးရုံကြီးက
အကြုံပြုလိုက်ရပါတယ် ခင်ဗျာ 😇
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎
‎ #ရေသောက်ခြင်း

16/11/2025

Day 6
Medical Cover

14/11/2025

Medical Cover Day 4

13/11/2025

နိုဝင်ဘာလ (၁၄) ရက်နေ့ဟာဆို ကမ္ဘာတစ်ဝန်းရှိ လူသန်းပေါင်းများစွာအပေါ် သက်ရောက်စေတဲ့ ဆီးချိုရောဂါနှင့်ပတ်သက်ပြီး အသိပညာပေးဖို့အတွက် သတ်မှတ်ထားတဲ့ ကမ္ဘာ့ဆီးချိုရောဂါနေ့ ဖြစ်ပါတယ် 😇
‎
‎ဒီနေ့မှာတော့ ကျွန်တော်တို့ 𝐑𝐨𝐲𝐚𝐥 မောင်းမကန် အထူးကုဆေးရုံကြီးကနေ ကမ္ဘာ့ဆီးချိုရောဂါနေ့ ဖြစ်ပေါ်လာပုံနဲ့ ဂရုစိုက်သင့်တဲ့ ဆီးချိုရောဂါအကြောင်းကို ဗဟုသုတရဖွယ် ပြောပြပေးသွားပါမယ် ခင်ဗျာ 🤗
‎
‎နိုဝင်ဘာလ ( ၁၄ ) ရက်နေ့ ကမ္ဘာ့ ဆီးချိုရောဂါနေ့ကို ၁၉၉၁ ခုနှစ်မှာ နိုင်ငံတကာဆီးချိုဖက်ဒရေးရှင်း ( IDF )နဲ့ ကမ္ဘာ့ကျန်းမာရေးအဖွဲ့ (WHO) တို့က စတင် သတ်မှတ်ခဲ့ပြီးတော့ ၂၀၀၆ ခုနှစ်မှာ ကုလသမဂ္ဂရဲ့ တရားဝင်နေ့တစ်နေ့ ဖြစ်လာခဲ့ပါတယ် 💁🏻
‎
‎ဒီနေ့လေးကို ဆီးချိုရောဂါရဲ့ ကျန်းမာရေးနှင့် စီးပွားရေးဆိုင်ရာ ခြိမ်းခြောက်မှုများကို လူတိုင်းသိရှိစေရန်နှင့် ကာကွယ်ခြင်း၊ စစ်ဆေးခြင်းနဲ့ ထိရောက်စွာ ကုသခြင်းတို့ရဲ့ အရေးပါမှုကို မြှင့်တင်နိုင်စေဖို့ ရည်ရွယ်ပြီး သတ်မှတ်ခဲ့တာလည်းဖြစ်ပါတယ် 😇
‎
‎ဆီးချိုရောဂါဟာဆိုရင် အမြဲတမ်း ဂရုစိုက်ထိန်းချုပ်နေရတဲ့ နာတာရှည်ရောဂါတစ်မျိုးဖြစ်ပြီး သေချာ ဂရုမစိုက်မိတာနဲ့ နှလုံးရောဂါ ၊ ကျောက်ကပ်ပျက်စီးခြင်း၊ မျက်စိကွယ်ခြင်းနှင့် အာရုံကြောပျက်စီးခြင်း
..စတဲ့ နောက်ဆက်တွဲ ပြင်းထန်သည့် ရောဂါများ ဖြစ်စေနိုင်ပါတယ် ။
‎
‎⏩ ဆီးချိုရောဂါသည်တွေအနေနဲ့ ဘယ်လိုအရာတွေကို ဂရုစိုက်သင့်လဲ 🤔
‎
‎▶ စနစ်တကျ အစားအသောက် စားသုံးခြင်း
‎
‎အသီးအရွက်၊ အမျှင်ဓာတ်ကြွယ်တဲ့ အစားအစာများ၊ အဆီနည်းသော အသားနှင့် ငါးများကိုသာ ရွေးချယ်စားသုံးသင့်ပြီး သကြား၊ အချိုရည်၊ ဆီကြော်စာ၊ ထမင်း၊ ပေါင်မုန့်၊ အာလူး တို့ကို လျှော့ချခြင်း သို့မဟုတ် ထိန်းချုပ်စားသုံးသင့်ပါတယ် ။
‎
‎▶ ပုံမှန် ကိုယ်လက်လှုပ်ရှားမှု ပြုလုပ်ခြင်း
‎
‎တစ်ပတ်မှာ အနည်းဆုံး မိနစ် (၁၅၀) ခန့် (ဥပမာ- တစ်ရက်လျှင် မိနစ် ၃၀ ခန့်) လမ်းလျှောက်ခြင်း၊ စက်ဘီးစီးခြင်း၊ ရေကူးခြင်း စတဲ့ လှုပ်ရှားမှုများ ပြုလုပ်တာက ကိုယ်အလေးချိန် ထိန်းညှိပေးပြီး သွေးတွင်းသကြားဓာတ် ကျဆင်းစေဖို့ ကူညီပေးနိုင်ပါတယ် ။
‎
‎▶ သွေးတွင်းသကြားဓာတ်ကို စဉ်ဆက်မပြတ် တိုင်းတာခြင်း
‎
‎ဆရာဝန်ညွှန်ကြားချက်အရ သွေးတွင်းသကြားဓာတ်ကို ပုံမှန်စစ်ဆေးပြီး မှတ်တမ်းတွေကို ဆရာဝန်နဲ့ ပြန်ဆွေးနွေးတာမျိုးက သွေးတွင်းသကြားဓာတ် ပုံမှန်ပမာဏ အတွင်း ရှိနေစေရန်နဲ့ ဆေးဝါးနှင့် စားသောက်မှုပုံစံကို ချိန်ညှိနိုင်ရန် ကူညီပေးနိုင်ပါတယ် ။
‎
‎▶ ဆေးဝါးများကို စနစ်တကျ သောက်သုံးခြင်း
‎
‎ဆရာဝန်ညွှန်ကြားထားတဲ့ ဆီးချိုဆေးတွေကို အချိန်မှန်၊ ပမာဏမှန်ကန်စွာ သောက်သုံး/ထိုးနှံသင့်ပါတယ် ။ ဆေးပမာဏကို ကိုယ့်သဘောနဲ့ကိုယ် ပြောင်းလဲခြင်း၊ ရပ်ဆိုင်းခြင်း မပြုလုပ်သင့်ပါဘူး ။
‎
‎▶ ကျန်းမာရေး စစ်ဆေးမှုများ ပုံမှန် ပြုလုပ်ခြင်း
‎
‎ဆီးချိုရောဂါနဲ့ ဆက်စပ်နိုင်တဲ့ သွေးပေါင်ချိန်၊ ကိုလက်စထရော၊ ကျောက်ကပ် ၊ မျက်စိနှင့် ခြေထောက် ကျန်းမာရေးတို့ကို အနည်းဆုံး တစ်နှစ်တစ်ကြိမ် ပုံမှန်စစ်ဆေးသင့်ပါတယ် ။

ဘာလို့ဆိုရင် နောက်ဆက်တွဲရောဂါတွေကို မဖြစ်ပွားအောင် ကာကွယ်ရန် သို့မဟုတ် စတင်ဖြစ်ပွားပါက ချက်ချင်း ကုသနိုင်ရန် ဖြစ်ပါတယ် ။
‎
‎ဆီးချိုရောဂါဟာဆိုရင် စနစ်တကျ ဂရုစိုက်ထိန်းချုပ်ပါက ကျန်းမာပျော်ရွှင်တဲ့ ဘဝတစ်ခုကို ပိုင်ဆိုင်နိုင်တဲ့ ရောဂါတစ်ခု ဖြစ်တာကြောင့် လူကြီးမင်းတို့မှာ ဆီးချိုရောဂါခံစားနေရမယ်ဆိုရင် -
‎
‎ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးမှာ ဆီးချိုရောဂါ အထူးကု ဆရာဝန်ကြီးတွေနဲ့အတူ ဆွေးနွေးတိုင်ပင် ကုသမှု ခံယူနိုင်ပြီ ဖြစ်ကြောင်း သတင်းကောင်း ပါးလိုက်ရပါတယ်ခင်ဗျာ 🤗
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎
‎

10/11/2025

‎ကိုယ်ဝန်ဆောင် မိခင်တွေအနေနဲ့ သားသားမီးမီးလေးတွေ မီးဖွားဖို့ ဆေးရုံတက်မယ်ဆိုရင်တော့ ကလေးမီးဖွားပြီး အလျှင်စလို မရှိရလေအောင် ကြိုပြင်ဆင်သင့်တာလေးတွေ ရှိပါတယ်နော် 😉
‎
‎ဘာတွေပြင်ဆင်ထားသင့်လဲဆိုတာ ဒီပိုစ့်လေးနဲ့အတူ ကျွန်တော်တို့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးက ပြောပြပေးသွားပါမယ် 😇
‎
‎သားသားမီးမီးလေးတွေကို ဆေးရုံမှာ မွေးဖွားဖို့အတွက် ပြင်ဆင်ထားသင့်တဲ့ အသုံးအဆောင် ပစ္စည်းလေးတွေကတော့ -
‎
‎⏩ ကလေးအနှီး ( သို့ ) အဝတ်ပုဝါများ
‎
‎ကလေးငယ်ကို ထုပ်ပိုးဖို့နဲ့ သန့်ရှင်းရေးလုပ်ဖို့အတွက် လုံလောက်တဲ့ ကလေးအနှီး သို့မဟုတ် အဝတ်ပုဝါတွေကို ကြိုတင် ဝယ်ယူ ပြင်ဆင်ထားရပါမယ် ။
‎
‎⏩ နို့ဗူးနှင့် နို့သီးခေါင်းအပိုများ
‎
‎နို့တိုက်ကျွေးဖို့အတွက် လိုအပ်ပါက သန့်ရှင်းပြီးသား နို့ဗူးအသစ်တွေနဲ့ နို့သီးခေါင်း အပိုတွေကိုဆောင်ထားသင့်ပါတယ် ။ ( မိခင်နို့တိုက်ကျွေးမှာမို့ နို့ဗူးကို အမြဲတမ်း ယူသွားဖို့မလိုအပ်ပေမယ့် ကလေးငယ်လေးကို ရေတိုက်ဖို့တော့ လိုနိုင်ပါတယ် )
‎
‎⏩ ကလေးအဝတ်အစားများ
‎
‎ဆေးရုံကနေ အိမ်ပြန်ဆင်းတဲ့အခါ ကလေးငယ်လေး ဝတ်ဆင်ဖို့အတွက် အနွေးထည်လေးတွေနဲ့ အဝတ်အစားလေးတွေကိုလည်း ပြင်ဆင်ထားရပါမယ် ။
‎
‎⏩ Diapers & Baby Wipes
‎
‎ကလေးငယ်လေးတွေ အပေါ့အလေးစွန့်တာတွေအတွက် သင့်တော်တဲ့ Diapers နဲ့ သန့်ရှင်းရေးလုပ်ဖို့အတွက် စိုစွတ်တဲ့အဝတ် ( Baby Wipes ) လေးတွေကို ဆောင်ထားသင့်ပါတယ် ။
‎
‎⏩ ခေါင်းအုံးနှင့် စောင်
‎
‎ကလေးငယ်လေးတွေကို သက်သောင့်သက်သာ အိပ်စက်နိုင်စေဖို့ ခေါင်းအုံးနဲ့ စောင်လေးတွေကိုလည်း ကြိုတင် ပြင်ဆင်ထားရပါမယ် ။
‎
‎💥 ဆေးရုံအများစု မွေးခါစ ကလေးအတွက် အခြေခံပစ္စည်းအချို့ကို ဝန်ဆောင်မှုပေးလေ့ရှိပေမယ့် မိမိကိုယ်တိုင် ပြင်ဆင်ထားတာက ပိုမို စိတ်ချရစေပါတယ် 💥
‎
‎ဒီလိုအချက်လေးတွေကတော့ ကလေးငယ်လေးတွေကို ဆေးရုံတက် မွေးဖွားတဲ့အခါ ကြိုတင်ပြင်ဆင်ထားသင့်တဲ့ အချက်လေးတွေပဲ ဖြစ်ပါတယ်ခင်ဗျာ 💁🏻
‎
‎ကလေး မွေးဖွားချိန်နဲ့ မွေးဖွားပြီးချိန်တွေမှာ ကျန်းမာရေးစောင့်ရှောက်မှု အပြည့်အဝ လိုချင်တဲ့ မိခင်တွေအနေနဲ့ -
‎
‎𝐑𝐨𝐲𝐚𝐥 မောင်းမကန် အထူးကု ဆေးရုံရဲ့ မီးဖွား Package တွေကို ဝယ်ယူပြီး ကလေးငယ်လေးတွေကို စိတ်ချမ်းသာစွာ မွေးဖွားလို့ ရပါတယ် ခင်ဗျာ 😍
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံးကြီး
‎
‎ ‎

07/11/2025

ကလေးငယ်တိုင်း ကျန်းကျန်းမာမာနဲ့ ဘေးကင်းလုံခြုံစွာ ကြီးပြင်းဖို့ဆိုရင် ပုံမှန် ကာကွယ်ဆေးထိုးခြင်းက အရေးကြီးဆုံး ကဏ္ဍတစ်ခုပဲ ဖြစ်ပါတယ် 💁🏻
‎
‎ကာကွယ်ဆေးက ပြင်းထန်တဲ့ ကူးစက်ရောဂါတွေနဲ့ မသန်မစွမ်းဖြစ်စေနိုင်တဲ့ ရောဂါတွေကို တားဆီးပေးပြီး ကလေးရဲ့ ကိုယ်ခံအားစနစ်ကို အားကောင်းစေပါတယ် 😇
‎
‎( ၅ ) နှစ်အောက် ကလေးငယ်တွေအတွက် ထိုးနှံထားသင့်တဲ့ ကာကွယ်ဆေးတွေအကြောင်းကို
‎ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးက ပြန်လည် မျှဝေပေးသွားပါမယ်ခင်ဗျာ 🤗
‎
‎မြန်မာနိုင်ငံအပါအဝင် ကမ္ဘာ့ကျန်းမာရေးအဖွဲ့ (WHO) ရဲ့ လမ်းညွှန်ချက်တွေအရ အခြေခံအားဖြင့် မဖြစ်မနေ ထိုးသင့်တဲ့ ကာကွယ်ဆေးများစွာ ရှိပါတယ်။

ဒီထဲကမှ မဖြစ်မနေ ထိုးနှံသင့်တဲ့ ကာကွယ်ဆေးတချို့ကို ပြောပြပေးသွားပါမယ်နော် 😇
‎
‎⏩ တီဘီ ( BCG ) ကာကွယ်ဆေး
‎▶ ကာကွယ်နိုင်သောရောဂါ - တီဘီရောဂါဆိုးများ (ဥပမာ- ဦးနှောက်အမြှေးရောင် တီဘီ)။
‎
‎⏩ အသည်းရောင်အသားဝါ ဘီ (Hepatitis B) ကာကွယ်ဆေး
‎▶ ကာကွယ်နိုင်သောရောဂါ: အသည်းရောင်ခြင်းနှင့် နောင်တစ်ချိန်တွင် အသည်းကင်ဆာ၊ အသည်းခြောက်ခြင်းများ ဖြစ်စေနိုင်သော ဗိုင်းရပ်စ်များ ။
‎
‎⚠️ သတိပြုရန် - မွေးစမှာ ထိုးရတဲ့ Hepatitis B ဆေးဟာ အခြားကာကွယ်ဆေးတွေထက် ပိုမို အရေးကြီးပြီး မဖြစ်မနေ အချိန်မီ ထိုးရပါမယ်။
‎
‎⏩ ပါးစပ် ပိုလီယို/ထိုးသွင်း ပိုလီယို (OPV/IPV) ကာကွယ်ဆေး
‎▶ ကာကွယ်နိုင်သောရောဂါ - ပိုလီယို ( ခြေလက်လှုပ်ရှားမှုနှင့် အာရုံကြော ထိခိုက်စေသောရောဂါ ) များ ။
‎
‎⏩ ပန်တာ (Penta) သို့မဟုတ် ၆-မျိုး ပေါင်းစပ် ကာကွယ်ဆေးများ
‎▶ ကာကွယ်နိုင်သောရောဂါများ - ဒစ်ဖသီးရီးယား ( ဆုံဆို့နာ ) ၊ ကြက်ညှာချောင်းဆိုး၊ မေးခိုင်
‎အသည်းရောင်အသားဝါ ဘီ (Hepatitis B)
‎ဟစ်ဘ် ( Hib ) (ဦးနှောက်အမြှေးရောင်၊ နမိုးနီးယား) ရောဂါများ ။
‎
‎⏩ ဝက်သက်-ဂျိုက်သိုး-ပက်ပိုးနီ (MMR) ကာကွယ်ဆေး
‎▶ ကာကွယ်နိုင်သောရောဂါများ - ဝက်သက်၊ ဂျိုက်သိုး၊ ပက်ပိုးနီရောဂါများ ။
‎
‎⏩ ရိုတာ ဗိုင်းရပ်စ် (Rotavirus) ကာကွယ်ဆေး
‎▶ ကာကွယ်နိုင်သောရောဂါ - ပြင်းထန်သော ဝမ်းပျက်ဝမ်းလျှောရောဂါများ
‎
‎⏩ နမိုးကောကပ်စ် ( Pneumococcal ) ရောဂါ ကာကွယ်ဆေး
‎▶ ကာကွယ်နိုင်သောရောဂါ - ပြင်းထန်သော နမိုးနီးယား (အဆုတ်ရောင်) နှင့် ဦးနှောက်အမြှေးရောင်ရောဂါများ
‎
‎အခုဖော်ပြပေးခဲ့တဲ့ အကြောင်းအရာလေးတွေက ( 5 ) နှစ်အောက် ကလေးငယ်တွေအနေနဲ့ ထိုးသင့်တဲ့ ကာကွယ်ဆေးတွေအကြောင်းပဲ ဖြစ်ပါတယ်ခင်ဗျာ 🤗
‎
‎ကျွန်တော်တို့ 𝐑𝐨𝐲𝐚𝐥 မောင်းမကန်မှာဆိုရင်တော့ အသည်းရောင်အသားဝါ ( B ) ပိုး ကာကွယ်ဆေးတစ်မျိုးသာ ထိုးနှံပေးနေပြီး ကျန်ကာကွယ်ဆေးတွေကို အစိုးရဆေးရုံနဲ့ ကလေးဆေးရုံတွေမှာ တရားဝင် ထိုးပေးနေပါတယ်နော် 😍
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎ #ကာကွယ်ဆေး
#၅နှစ်အောက်ကလေးများ

03/11/2025

ယနေ့ကျရောက်တဲ့ တန်ဆောင်မုန်း လပြည့်နေ့လေးမှာ မြန်မာနိုင်ငံသူ / နိုင်ငံသား အားလုံး စိတ်၏ ချမ်းသာခြင်း ၊ ကိုယ်၏ ချမ်းသာခြင်းတွေနဲ့ ပြည့်စုံပြီး -
‎
‎ကိုယ်ချစ်ရသူ / မိသားစုတွေနဲ့အတူ ပျော်ပျော်ရွှင်ရွှင် ဖြတ်သန်းနိုင်ကြပါစေကြောင်း 𝐑𝐨𝐲𝐚𝐥 မောင်းမကန် အထူးကု ဆေးရုံကြီးမှ ဆုတောင်း မေတ္တာပို့သလိုက်ရပါတယ် ခင်ဗျာ 🙏🏻🙏🏻
‎
‎ ောင်းမကန်အထူးကုဆေးရုံကြီး
‎ #တန်ဆောင်မုန်းလပြည့်နေ့
‎ #တန်ဆောင်တိုင်ပွဲတော်
‎ #ဆုတောင်း

03/11/2025

‎မြန်မာနိုင်ငံမှာ မိုးရာသီကုန်ဆုံးပြီး ဆောင်းရာသီသို့ ကူးပြောင်းတဲ့အချိန်က ရာသီဥတုပြောင်းလဲမှု မြန်ဆန်တာမို့ ခန္ဓာကိုယ်ကို အားအင်ကုန်ခမ်းစေပြီး ရောဂါဝေဒနာတွေ အလွယ်တကူ ဝင်ရောက်နိုင်တဲ့ ကာလတစ်ခု ဖြစ်ပါတယ် 😇
‎
‎ဒီလို ရာသီအကူးအပြောင်းမှာ အဖြစ်များလေ့ရှိတဲ့ ရောဂါ ( ၅ ) မျိုးကို ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးက ပြောပြပေးသွားပါမယ် ခင်ဗျာ 💁🏻
‎
‎💥 အအေးမိဖျားနာခြင်းနှင့် တုပ်ကွေး
‎
‎ရာသီဥတုရုတ်တရက် အေးလာတာ၊ စိုထိုင်းဆပြောင်းလဲ လာတတ်တာကြောင့် Rhinovirus Influenza Virus တွေ အလွယ်တကူ ကူးစက်ပြန့်ပွားနိုင်ပြီး လည်ချောင်းနာခြင်း၊ နှာရည်ယိုခြင်း၊ နှာပိတ်ခြင်း၊ ချောင်းဆိုးခြင်း၊ ကိုယ်လက်ကိုက်ခဲခြင်း၊ ကိုယ်ပူခြင်းတို့ ဖြစ်တတ်ပါတယ်။
‎
‎တုပ်ကွေးဟာဆိုရင် သာမန်အအေးမိခြင်းထက် ပိုမိုပြင်းထန်ပြီး အဖျားကြီးတာ၊ အဆုတ်ရောင်တာလိုမျိုး နောက်ဆက်တွဲ ပြဿနာတွေ ဖြစ်စေနိုင်တာမို့ သတိထားသင့်ပါတယ် ခင်ဗျာ ။
‎
‎💥 အသက်ရှူလမ်းကြောင်းဆိုင်ရာ ရောဂါများ
‎
‎အအေးမိတာကနေ စတင်ပြီး ဘက်တီးရီးယား ဒါမှမဟုတ် ဗိုင်းရပ်စ်ပိုးတွေကြောင့် အသက်ရှူလမ်းကြောင်းတစ်လျှောက် ကူးစက်ရောင်ရမ်းတာမျိုး ဖြစ်တတ်ပါတယ်။
ကလေးနဲ့ သက်ကြီးရွယ်အိုတွေမှာ ချောင်းဆိုးခြင်း၊ လည်ချောင်းနာခြင်း၊ လေပြွန်ရောင်ခြင်း ၊ အဆုတ်ရောင်ခြင်း တို့လို ပြင်းထန်တဲ့ ဝေဒနာတွေ ပိုမိုခံစားရနိုင်ပါတယ် ။
‎
‎အသက်ရှူရခက်ခဲလာခြင်း၊ အဖျားမကျခြင်းတို့ ဖြစ်လာပါက နီးစပ်ရာ ဆေးရုံ ဆေးခန်းကိုသွားပြီး ဆရာဝန်နှင့် အမြန်ပြသတိုင်ပင်သင့်ပါတယ်ခင်ဗျာ ။
‎
‎💥 သွေးလွန်တုပ်ကွေး
‎
‎ခြင်ကိုက်ရာမှ ကူးစက်သောရောဂါ ဖြစ်ပြီး မိုးရာသီအကုန်ပိုင်းမှ ဆောင်းဦးကာလအထိအဖြစ်များလေ့ရှိပါတယ် ။
မိုးတွင်း ရေဝပ်သောနေရာများမှ ခြင်များ ပေါက်ပွားမှုနှုန်းမြင့်မားနေသေးသည့် အချိန်ဖြစ်သောကြောင့် အလွယ်တကူ ကူးစက်နိုင်ပါတယ် ။
‎
‎ရုတ်တရက် အဖျားကြီးခြင်း၊ ခေါင်းကိုက်ခြင်း၊ မျက်လုံးအောင့်ခြင်း၊ ကိုယ်လက်ကိုက်ခဲခြင်း တို့ ဖြစ်တတ်ပြီး သွေးလွန်တုပ်ကွေး အဆင့်ရောက်ပါက အသက်အန္တရာယ်ရှိနိုင်တာမို့ ကြိုတင်ပြီး ဂရုစိုက် ကာကွယ်သင့်ပါတယ် ခင်ဗျာ ။
‎
‎💥 ဝမ်းပျက်ဝမ်းလျှောရောဂါများ
‎
‎ရေကြီးရေလျှံမှုများပြီးနောက် သောက်သုံးရေနှင့် အစားအသောက်များ မသန့်ရှင်းမှုကြောင့် ဗိုင်းရပ်စ်၊ ဘက်တီးရီးယား သို့မဟုတ် ကပ်ပါးပိုးများ ဝင်ရောက်မှုများပြားတတ်သောကြောင့် ဝမ်းပျက်ဝမ်းလျှောရောဂါ ဖြစ်ပွားနိုင်ပါတယ် ။
‎
‎ဝမ်းပျက်ခြင်း၊ ဝမ်းလျှောခြင်း၊ ဗိုက်အောင့်ခြင်း၊ အော့အန်ခြင်း၊ အဖျားရှိခြင်းတို့ ဖြစ်တတ်တာကြောင့် ရေနွေးကြိုသောက်ခြင်း၊ လက်ကို သေချာဆေးကြောခြင်းနှင့် သန့်ရှင်းသော အစားအစာများကိုသာ စားသုံးခြင်းဖြင့် ကာကွယ်နိုင်ပါတယ်ခင်ဗျာ ။
‎
‎💥 အရေပြားနှင့် မှိုရောဂါများ
‎
‎မိုးရာသီ စိုထိုင်းဆမြင့်မားမှုကြောင့် အရေပြားပေါ်တွင် မှိုပိုးများ၊ ဘက်တီးရီးယားများ ပေါက်ပွားမှု အရှိန်ကောင်းနေရာမှ ရာသီဥတု အပြောင်းအလဲမှာ အရေပြား ခြောက်သွေ့ခြင်းနှင့်အတူ ယားယံမှုနှင့် အခြားကူးစက်ရောဂါများ ဖြစ်ပွားနိုင်ပါတယ် ။
‎
‎ပွေး၊ ညှင်း၊ ယားနာ၊ ခြေနှင့် လက်ချောင်းကြား မှိုစွဲခြင်းများ ဖြစ်တတ်တာမို့ မိမိတို့ အရေပြားကျန်းမာရေးကို သေချာ ဂရုစိုက်ဖို့ လိုပါတယ်ခင်ဗျာ ။
‎
‎ဒီလို ရာသီအကူးအပြောင်းကာလမှာ ဖြစ်တတ်တဲ့ ရောဂါများကို ကာကွယ်နိုင်ဖို့ ခန္ဓာကိုယ်ကို နွေးထွေးအောင်ထားခြင်း၊ ရေများများသောက်ခြင်း၊ အာဟာရပြည့်ဝအောင် စားသောက်ခြင်း၊ လက်ကို မကြာခဏ ဆေးကြောခြင်း စသည်တို့ကို လိုက်နာသင့်ပါတယ်နော် 🤗
‎
‎ဆရာဝန်နဲ့ တိုင်ပင်ပြီး ကုသမှုခံယူချင်တဲ့ လူကြီးမင်းတွေအနေနဲ့လည်း ကျွန်တော်တို့ရဲ့ 𝐑𝐨𝐲𝐚𝐥 မောင်းမကန် အထူးကု ဆေးရုံကြီးမှာ ကုသမှု ခံယူနိုင်ပါတယ် ခင်ဗျာ 😍
‎
‎💟 We Take Care Of Your Health 💟
‎
‎▶ အသေးစိတ်စုံစမ်းရန်နှင့် Booking တင်ရန်
‎☎ 09 405 333 383
‎
‎📍 Google Map
‎https://maps.app.goo.gl/upTX5Q7aU8bLPjwn6?g_st=iv
‎
‎📌 လိပ်စာ - အမှတ် ( ၉၃၈ ) ၊ မောင်းမကန် ကမ်းသာလမ်း ၊ ( ၁၉ ) ရပ်ကွက် ဒဂုံမြို့သစ်တောင်ပိုင်း ၊ ရန်ကုန်မြို့ ။
‎
‎ ောင်းမကန်
‎ #အထူးကုဆေးရုံကြီး
‎
‎
‎ #မိုးအကုန်ဆောင်းအကူး

Royal Maungmakan General Hospital

02/12/2025

01/12/2025

24/11/2025

21/11/2025

17/11/2025

16/11/2025

14/11/2025

13/11/2025

10/11/2025

07/11/2025

03/11/2025

03/11/2025

Address

Telephone

Website

Alerts

Contact The Practice

Shortcuts

Share

Category