Caresens-N သွေးချိုတိုင်း ကိရိယာ Glucometer, No. 218, Bogyoke Road, Botahtaung Tsp, Yangon (2025)

15/10/2025

ဆီးချိုသွေးချိုနှင့် အိပ်စက်ခြင်း 🛌

ဆီးချိုသွေးချိုရောဂါနှင့် အိပ်စက်ခြင်းပြဿနာသည် များသောအားဖြင့် ဆက်စပ်နေတတ်သည်။ အမျိုးအစား-၂ ဆီးချိုသွေးချိုရောဂါရှိသူ အများစုသည် ကောင်းစွာ အိပ်မပျော်ခြင်း ဖြစ်လေ့ရှိကြသည်။ သ်ို့သော် ကောင်းမွန်မျှတစွာ စားသောက်ခြင်း၊ လေ့ကျင့်ခန်းနှင့် သွေးတွင်းသကြားဓာတ် ပုံမှန်ထိန်းခြင်းတို့သည် ညဘက်တွင် ကောင်းစွာ အိပ်ပျော်နိုင်စေပြီး၊ ကျန်းမာရေးအကျိုးကျေးဇူးများကို ရစေနိုင်ပါသည်။ 💢

ဆီးချိုသွေးချိုရောဂါရှိသူ နှစ်ဦးတွင် တစ်ဦးသည် သွေးတွင်းသကြားဓာတ်ကျဆင်းခြင်းကြောင့်သော်လည်းကောင်း၊ သွေးတွင်းသကြားဓာတ် မြင့်တက်ခြင်းကြောင့်သော်လည်းကောင်း အိပ်မပျော်ခြင်းကို ခံစားရလေ့ရှိပြီး၊ နေ့အချိန်တွင် လန်းဆန်းမှူမရှိဘဲ ညောင်းညာနုံးချိနေတတ်သည်။ ဆီးချိုသွေးချိုရောဂါသည် နာတာရှည်ရောဂါ ဖြစ်သည့်အတွက် ရောဂါအတွက် စိတ်ဖိစီးမှုများရှိခြင်းသည်လည်း ညဘက် အိပ်မပျော်စေနိုင်သော အကြောင်းရင်း တစ်ခု ဖြစ်တတ်ပါသည်။😳

သွေးတွင်းသကြားဓာတ် မြင့်တက်နေပါက ကျောက်ကပ်သည် ခန္ဓာကိုယ်ရှိဓာတ်များ ပုံမှန် ဖြစ်စေရန်အတွက် ဆီးသွားခြင်းဖြင့် သကြားဓါတ်ကို ပြန်လည်ထိန်းညှိပေးရပါသည်။ ညအချိန်တွင် အိမ်သာ ခဏခဏ သွားရပါက အိပ်စက်ခြင်းအား အနှောက့်အယှက်ဖြစ်စေနိုင်ပါသည်။💦

ထို့ပြင် သွေးတွင်းသကြားဓာတ်မြင့်မားခြင်းသည် ခေါင်းကိုက်ခြင်း၊ ရေဆာခြင်းနှင့် မောပန်းခြင်းတို့ကို ဖြစ်စေနိုင်သောကြောင့် ထိုအခြေအနေတို့သည် ညဘက် ကောင်းစွာ အိပ်မပျော်ခြင်းကို ဖြစ်စေနိုင်သည်။ ⚡

ထိုသို့ ညအိပ်မပျော်ခြင်းများသည် တခါတရံမဟုတ်ဘဲ ညစဉ်တိုင်းလိုလို ဖြစ်နေပါက ဆရာဝန်နှင့် ပြသဆွေးနွေး၍ အကြံဉာဏ် တောင်းခံသင့်ပါသည်။ 👨‍⚕️

ယေဘူရအားဖြင့် အကြံပြုလိုသည်မှာ -
✅ သွေးတွင်းသကြားဓါတ်အား ထိန်းသိမ်းစေနိုင်မည့် စားသောက်မှုပုံစံ စားသောက်ပါ။
✅ နေ့စဉ် လေ့ကျင့်ခန်း ပုံမှန်ပြုလုပ်ပါ။
✅ အိပ်စက်ချိန် အချိန်မှန်ဖြစ်ပါစေ။
✅စိတ်ကို တက်ကြွစေသည့် ကဖင်းနှင့် နီကိုတင်းဓာတ်ပါသော ကော်ဖီ၊ လက်ဘက်ရည် စသာ်တို့ကို အိပ်ရာဝင်ခါနီး မစားသောက်သင့်ပါ။
✅မိမိအိပ်ခန်းအားလည်း အိပ်ချင်စဖွယ် ပြင်ဆင်ပြီး တိတ်ဆိတ်စွာ အနားယူပါ။

သွေးချိုဓါတ် မများစေရန် ဆရာဝန်ညွှန်ကြားချက်အတိုင်း ဆေးဝါးများ သောက်ရမည်ဖြစ်သလို၊ သွေးချိုဓါတ်ကိုလည်း ပုံမှန် စစ်ဆေးပေးဖို့ လိုအပ်ပါသည်။ ယနေ့ခေတ်တွင် တကိုယ်ရေသုံး သွေးချိုတိုင်းကိရိယာဖြင့် သွေးချိုဓါတ်ကို အိမ်၌ပင် အလွယ်တကူတိုင်းတာနိုင်ပြီဖြစ်သည်။✔

Caresens-N သွေးချိုတိုင်းကိရိယာ ထုတ်လုပ်သည့် i-Sens သည် ကိုရီးယားနိုင်ငံ၏ အကြီးမားဆုံး သွေးချိုတိုင်းကိရိယာများထုတ်လုပ်သော ကုမ္ပဏီကြီး ဖြစ်ပါသည်။🇰🇷

ထို့ပြင် ဆီးချိုသွေးချိုရှိသူများတွင် အဝလွန်ခြင်းနှင့်အတူ Sleep Apnea ခေါ် အိပ်ပျော်စဥ်အသက်ရှုရပ်ခြင်း ရှိနေတတ်သည်။ ဆရာဝန်နှင့် ပြသတိုင်ပင်ပြီး လိုအပ်သလို ကုသမှု ခံယူသင့်ပါသည်။🩺

14/10/2025

ဆီးချိုသွေးချိုနှင့် အရက်၊ ဘီယာ❓
---------------------------------------------
ဘောလုံးပွဲရာသီတွေလည်း ရောက်လာပြီဆိုတော့ အရင်ကလို ဘီယာလေးသောက်၊ အမြည်းလေးစားရင်း သူငယ်ချင်းတွေနဲ့ ဆုံကြတဲ့ စနေ၊ တနင်္ဂနွေညတွေကို ပြန်သတိရမိတယ်။ အခုလို ကိုဗစ်ကာလမှာတော့ ကိုယ်အိမ်မှာပဲ ပွဲတော်တည်ရတာပေါ့။ 📽

ဒါပေမဲ့ ဆီးချိုရှိသူ တစ်ယောက်ဆိုရင်တော့ ဘီယာသောက်ခြင်းဟာ အဆင်ပြေပါ့မလား။ ဘယ်လောက်များများ သောက်လို့ အဆင်ပြေနိုင်လဲ။ ဘီယာမှာ ဆီးချိုတက်စေတဲ့ ကာဗွန်ဟိုက်ဒြိတ်ဓာတ်တွေ ဘယ်လောက်များများ ပါဝင်လဲ ... ဆိုတဲ့ မေးခွန်းလေးတွေ ရှိလာနိုင်ပါတယ်။🍺

အဖြေကတော့ ဒီမှာပါ .. 👈

(၁) ဘီယာကြိုက်သူတွေအနေနှင့် ဆီးချိုရှိလာလို့ အရက်၊ ဘီယာ ဖြတ်ဖို့တော့ မလိုအပ်ပါဘူး။ 😁
သိပ်ကိုပျော်စရာကောင်းတဲ့ အဖြေတစ်ခု ဖြစ်မယ်ထင်ပါတယ်။ ဒါပေမဲ့ အတိုင်းအတာ တစ်ခုတော့ ရှိပါတယ်။ တစ်ရက်မှာ တခွက် ဒါမှမဟုတ် အများဆုံး၂ ခွက်ထက် မပိုတဲ့ ပေါ့ပေါ့ပါးပါး သောက်တာမျိုးပဲ ဖြစ်သင့်ပါတယ်လို့ ပညာရှင်များရဲ့ လေ့လာတွေ့ရှိချက်တွေက ဆိုပါတယ်။☝

သတိထားရမဲ့ အချက်တစ်ခုကတော့ အရက်၊ ဘီယာ သောက်သုံးခြင်းဟာ သကြားဓာတ်ကို ထုတ်ပေးနိုင်တဲ့ အသည်းရဲ့ စွမ်းဆောင်ရည်ကို ကျဆင်းနိုင်ပါတယ်။ ဆီးချိုကျဆေးတွေနဲ့ အင်ဆူလင် ထိုးနေရသူတွေမှာ ဆိုရင်တော့ အရက်/ဘီယာ သောက်သုံးပြီး ၂၄ နာရီအတွင်းမှာ သွေးတွင်းသကြားဓာတ်ဟာ လိုအပ်တာထက် ပိုမို ကျဆင်းပြီး အသက်အန္တရာယ် ထိခိုက်သည်အထိ ဖြစ်နိုင်ပါတယ်။❗

ဒါကြောင့် အစာမရှိဘဲ အရက်၊ ဘီယာ သောက်သုံးခြင်းကို ရှောင်ကြဥ်ပါ။ အကယ်၍ သွေးတွင်းသကြားဓာတ် လွန်စွာကျဆင်းတာမျိုး ဖြစ်ခဲ့လျှင် အလွယ်တကူသောက်၍ရနိုင်မည့် အချိုရည်ဗူးတွေကို လက်လှမ်းမှီရာမှာ ထားရှိပေးဖို့ လိုအပ်ပါတယ်။🧃

(၂) ဆီးချိုရှိသူတွေရဲ့ အရက်၊ ဘီယာသောက်သုံးနိုင်တဲ့ပမာဏဟာ ပုံမှန်လူတွေနဲ့ အတူတူပဲလို့ ဆိုပါတယ်။ တစ်ရက်ကို ၁ခွက်က အနေတော်လောက်ဖြစ်ပြီး ၂ ခွက်ထက်ပို မသောက်သုံးသင့်ပါဘူး။ အကယ်၍ အလုပ်သဘောအရ ညစာစားပွဲတွေမှာ တစ်ခွက်ထက် ပိုပြီး သောက်ရမဲ့ အခြေနေမျိုးမှာတော့ တစ်နာရီကို တခွက်နှုန်း နဲ့ အများဆုံး ၃ ခွက်အထိ သောက်သုံးနိုင်ပါတယ်။🥃

(၃) ဘီယာမှာ ပါဝင်တဲ့ ကာဗွန်ဟိုက်ဒြိတ်ဟာ အခြားသော အရက်သေစာများမှာ ပါဝင်တဲ့ ပမာဏထက် ပိုများပါတယ်။ ဘီယာအမျိုးအစားပေါ်မူတည်ပြီး ပါဝင်တဲ့ပမာဏ ကွာခြားနိုင်ပါတယ်။ အရက်ပါဝင်မှုနည်းတဲ့ ဘီယာအပျော့စားမှာ ကာဗွန်ဟိုက်ဒြိတ်ပါဝင်နှုန်းလည်း နည်းတတ်တာမို့ ဘီယာအပျော့စားများကို ရွေးချယ်သောက်သုံးခြင်းဟာ ဆီးချိုသမားများအတွက် ပိုမို သင့်တော်နိုင်ပါတယ်။🍻

နောက်ဆုံးအနေနှင့် အကြံပြုလိုတာတော့ နည်းနည်းသောက်ရင်းနှင့် များသွားတတ်တာဖြစ်လို့၊ ဆီးချိုသွေးချိုရှိသူများအနေနှင့် ဖြစ်နိုင်လျှင် အရက်၊ ဘီယာတို့ကို ရှောင်တာ အကောင်းဆုံးပဲ ဖြစ်ပါတယ်။ မိမိရဲ့ရောဂါအခြေအနေကိုသိတဲ့ ဆရာဝန်၏ အကြံပြုချက်ကိုလည်း လိုက်နာဖို့ လိုအပ်ပါမည်။👨‍⚕️

13/10/2025

ဆီးချိုသွေးချိုနှင့် အစားအသောက်🍛

ဆီးချိုသွေးချိုရောဂါကုသရာတွင် အစားအသောက်၏ ကဏ္ဍသည်လည်း အရေးကြီးပါသည်။ 🍓

ဆီးချိုသွေးချိုရောဂါရှိသူများ ထမင်းစားရာတွင် ထမင်းပန်းကန်တွင် ကစီဓါတ်(ထမင်း/ခေါက်ဆွဲ) ၂၅%၊ အသားဓါတ် (အသား၊ ပဲ) ၂၅% နှင့် အသီးအရွက် ၅၀% ပြင်ဆင်၍ စားသောက်ပေးသင့်ပါသည်။🍽

ဤနေရာတွင် သကြားဓါတ်ပါဝင်နှုန်း အစာတခုနှင့်တခုမတူကြ၍ မိမိနှင့် သင့်တော်သည့် သန့်ရှင်းကောင်းမွန်သော အစားအသောက်များကို လိုအပ်သလို မျှတအောင် စားသောက်သင့်ပါသည်။👌

အစာစားရာတွင် အချိန်မှန် စားသုံးပေးသင့်သလို၊ ကျန်းမာရေးနှင့် မညီညွတ်သည့် အစားအသောက်များ၊ သကြားဓါတ်များသော အစာများကို ရှောင်ကျဥ်ရမည်ဖြစ်ပါသည်။ ရေကိုလုံလောက်အောင် သောက်ပေးရမည်ဖြစ်သော်လည်း အချိုရည်များကို ရှောင်သင့်ပါသည်။ ☝

သွေးချိုဓါတ်ထိန်းသိမ်းရာတွင် အထောက်အကူဖြစ်စေရန် မိမိ၏ သွေးချိုဓါတ်ပမာဏကိုလည်း သွေးချိုတိုင်းကိရိယာဖြင့် ပုံမှန်စစ်ဆေးသင့်ပါသည်။👈

12/10/2025

ဆီးချိုသွေးချိုနှင့် သစ်သီးများ 🍎

အသီးအရွက်များသည် ကျန်းမာရေးအတွက် အရေးပါပါသည်။ သို့သော်အချို့သော အသီးများသည် သကြားဓါတ်ပိုများနေတတ်၍ ဆီးချိုသွေးချိုရောဂါရှိသူများ ဆင်ခြင်စားသောက်သင့်ပါသည်။ ☝

ဤနေရာတွင် သစ်သီးများတွင် သကြားဓါတ်ပါဝင်မှု မတူသည်ကို သတိချပ်သင့်ပါသည်။ အချို့သော သစ်သီးများတွင် သကြားဓါတ်များပြီး၊ အချို့မှာ သကြားဓါတ်အသင့်အတင့်နှင့် အချို့တွင် သကြားဓါတ်ပါဝင်မှု နည်းသည်ကို တွေ့ရပါသည်။👈

ထိုကြောင့် ဆီးချိုသွေးချိုရှိသူများအနေဖြင့် အချိုဓါတ်များသော အသီးများကို လျော့စားရန်၊ အချိုဓါတ် အသင့်အတင့်ပါသော အသီးများကို သင့်တင့်သလောက်သာစားပြီး၊ အချိုဓါတ် နည်းသည့်အသီးများကို ပိုမိုစားသုံးနိုင်ပါသည်။ 👍

ဆီးချိုသွေးချိုရောဂါရှိသူများ အစားအသောက်ကို ဆင်ခြင်စားသောက်ရုံသာမက ဆရာဝန်ညွှန်ကြားချက်အတိုင်း ဆေးသောက်ခြင်းအပြင်၊ လေ့ကျင်ခန်း ပုံမှန်လုပ်ပေးဖို့လည်း အရေးကြီးပါသည်။ မိမိ၏ သွေးချိုဓါတ်ပမာကိုလည်း သွေးချိုတိုင်းစက်ဖြင့် ပုံမှန်တိုင်းတာကြည့်သင့်ပါသည်။ 🩸

11/10/2025

ဆီးချိုသွေးချိုနှင့် လေဖြတ်ရောဂါ 💥
-----------------------------------------------
ဆီးချိုသွေးချိုရောဂါနှင့် လေဖြတ်ရောဂါ ဆက်စပ်မှုရှိသည်။ 🧠

ဆီးချိုသွေးချိုရှိသူများတွင် သွေးများ စေးပျစ်လာပြီး သွေးတိုးရောဂါပါ ဝင်လာတတ်သည့်အတွက် ရေရှည်တွင် သွေးကြောကျဥ်းလာရုံမျှမက၊ သွေးကြောအတွင်း အဆီခဲများလည်း ဖြစ်ပေါ်လာပါသည်။ ယင်းအဆီခဲများ ပြုတ်ထွက်ပြီး ဦးနှောက်အတွင်းရှိသွေးကြောတွင် ပိတ်ဆို့မိပါက လေဖြတ်ရောဂါကို ခံစားရမည် ဖြစ်သည်။⚡

ဆီးချိုသွေးချိုရောဂါရှိပါက လေဖြတ်ရောဂါရောဂါဖြစ်နိုင်ခြေ ၂-၄ဆ ပိုများလာတတ်ပါသည်။ နှလုံးရောဂါလည်း ဖြစ်ပေါ်လာစေနိုင်ပါသည်။ 🛏

ထိုကြောင့် ဆီးချိုသွေးချိုရောဂါကို ဆရာဝန်နှင့် သေချာစွာဆွေးနွေးကုသမှုခံယူရမည်ဖြစ်ပြီး၊ ဆေးဝါးများအပြင်၊ အစားအသောက် ဆင်ခြင်ခြင်း၊ လေ့ကျင့်ခန်းလုပ်ခြင်း အပါအဝင် လူနေမှုပုံစံပြောင်းလဲပြုပြင်ခြင်းတို့ကို ပြုလုပ်ပေးရမည် ဖြစ်ပါသည်။🩺

သွေးချိုဓါတ်ကိုလည်း ပုံမှန်စစ်ဆေးဖို့ လိုအပ်ပါသည်။ i-Sens သည် ကိုရီယားနိုင်ငံရှိ အကြီးမားဆုံး သွေးချိုတိုင်းကိရိယာများ ထုတ်လုပ်သည့် ကုမ္ပဏီကြီး ဖြစ်ပါသည်။🇰🇷

10/10/2025

ဆီးချိုသွေးချိုနှင့် မျက်စိ
----------------------------------
ဆီးချိုသွေးချိုကြောင့်ဖြစ်ရတဲ့ နောက်ဆက်တွဲပြဿနာတွေမှာ မျက်လုံးဟာ အဓိကအစိတ်အပိုင်းတစ်ခု ဖြစ်ပါတယ်။

(၁) အမြင်အာရုံဝေဝါးခြင်း
အမြင်အာရုံဝေဝါးခြင်းကို ခံစားရတဲ့ အခါ အများစုဟာ မျက်စိပါဝါကြောင့်လို့ ထင်တတ်ကြပါတယ်။ ဆီးချိုသွေးချိုရောဂါရှိသူ တစ်ယောက်ဆိုရင်တော့ မျက်မှန်အသစ်ဝယ်ဖို့ စိတ်ကူးမည့်အစား ဆီးချိုဖောက်ကြည့်လိုက်ဖို့ကိုသာ ပိုမို တိုက်တွန်းချင်ပါတယ်။ ဒါဟာ ဆီးချိုတက်နေခြင်း (သို့မဟုတ်) ဆီးချိုကျနေခြင်းတို့ကြောင့် ဖြစ်ရတဲ့ အသေးစား ပြသနာလေးတစ်ခုပါပဲ။ မျက်လုံးထဲမှာရှိတဲ့ မှန်ဘီလူး ယောင်နေခြင်းကြောင့် အမြင်အာရုံကို ဝေဝါးစေတာ ဖြစ်ပါတယ်။ ဒီပြသနာကို ဖြေရှင်းနိုင်ဖို့ကတော့ သွေးတွင်းသကြားဓာတ်ကို ပုံမှန်အတိုင်းအတာထဲရောက်အောင် ထိန်းထားနိုင်ဖို့လိုပြီး အချိန်ကာလ အားဖြင့် ၃ လ လောက်ထိ ကြာမြင့်နိုင်ပါတယ်။

(၂) တိမ်စွဲခြင်း
မျက်လုံးထဲမှာရှိတဲ့ မှန်ဘီလူးခုံးလေးဟာ မျက်လုံးမြင်စေဖို့နဲ့ ပုံရိပ်တွေပြတ်သားကြည်လင်ဖို့ကို ကင်မရာများကဲ့သို့ လုပ်ဆောင်ပါတယ်။ ကင်မရာမှာ ဖုန်တက်နေသကဲ့သို့ မျက်လုံးထဲရှိ မှန်ဘီလူးခုံးလေးရှေ့မှာ ညစ်ပေသော အရာများ စုဝေးအနည်ထိုင်လာပြီဆိုရင်တော့ တိမ်စွဲတယ်လို့ ဆိုနိုင်ပါတယ်။ ဒါဟာ လူတိုင်းမှာ အသက်အရွယ်အရ ဖြစ်လာနိုင်တဲ့ အရာတစ်ခု ဖြစ်ပြီး ဆီးချိုသမားများမှာတော့ ပိုပြီး စောလျင်စွာနှင့် ပိုမိုဆိုးရွားသော အခြေအနေဖြင့် တွေ့ရနိုင်ပါတယ်။

(၃) အမြင်အာရုံကြော ပျက်စီးခြင်း
ဆီးချိုရောဂါရှင်များဟာ အမြင်အာရုံကြောပျက်စီးခြင်းကို နည်းလမ်းအမျိုးမျိုးဖြင့် ကြုံတွေ့ရနိုင်ပါတယ်။ အများစုဟာ မျက်လုံးထဲမှာရှိတဲ့ အရည်ဖိအားများလာခြင်းဖြင့်မျက်လုံးအတွင်းရှိ သွေးကြောများ နှင့် အာရုံကြောများကို ပျက်စီးစေပါတယ်။

(၄) မျက်ကြည်လွှာပျက်ဆီးခြင်း
မျက်လုံးအတွင်းရှိ သွေးကြောငယ်များ ထိခိုက်ခြင်းဟာ မျက်ကြည်လွှာ ပျက်ဆီးခြင်းကို ဖြစ်ပေါ်စေပါတယ်။ ဒါဟာ သွေးတွင်းသကြားဓာတ် မြင့်မားခြင်းကြောင့်ဖြစ်ပြီး စောဦးစွာကုသမှူ မခံယူခဲ့ရင်တော့ အမြင်အာရုံဆုံးရှုံးသည်အထိ ဖြစ်စေနိုင်ပါတယ်။ ဆီးချိုသွေးချိုရောဂါကို ထိန်းချုပ်မှု ကောင်းသည်နှင့်အမျှ မျက်ကြည်လွှာ ဆုံးရှူံးနိုင်ချေကိုလည်း လျှော့ချနိုင်မှာ ဖြစ်ပါတယ်။

အချုပ်အားဖြင့်ဆိုရလျှင် အမြင်အာရုံဝေဝါးခြင်းဟာ ဆီးချိုကြောင့် မျက်လုံးမှာပြသည့် ကနဦး လက္ခဏာတစ်ခုသာဖြစ်ပြီး၊ ဆီးချိုသွေးချိုရောဂါကို မထိန်းချုပ်နိုင်ပါက အခြားသော နောက်ဆက်တွဲ ထိခိုက်မှုများ ရှိလာနိုင်ပါတယ်။ သို့သော်လည်း ရောဂါ အများစုဟာ အခြေအနေဆိုးရွားမှသာ လက္ခဏာပြလေ့ရှိတတ်တာမို့ မျက်လုံးစစ်ဆေးခြင်းကို ပုံမှန်လုပ်ဆောင်သင့်ပါတယ်။ နှစ်စဉ် မျက်စ်ိပုံမှန်စစ်ဆေးခြင်းဖြင့် ဆေးဝါးများအပါအဝင် လိုအပ်သောကုသမှုများကို စောလျင်စွာရရှိနိုင်ပြီး ဆိုးရွားသော အခြေအနေများကို ရှောင်လွှဲနိုင်မှာ ဖြစ်ပါတယ်။

09/10/2025

ဆီးချိုသွေးချိုနှင့် နှလုံးရောဂါ🩸
-----------------------------------------
ဆီးချိုသွေးချိုရောဂါသည် သွေးကြောများကို ပျက်စီးစေသည့်အပြင်၊ နှလုံးရောဂါဖြစ်စေသည့် အခြေခံအကြောင်းများနှင့်လည်း ဆက်စပ်နေခြင်းကြောင့် နှလုံးရောဂါကို ၂-၄ဆ ပိုဖြစ်စေနိုင်ပါသည်။🫀

ထိုကြောင့် ဆီးချိုသွေးချိုမဖြစ်အောင် ကြိုတင်ကာကွယ်ရမည်ဖြစ်သလို၊ ဖြစ်နေပါကလည်း ဆရာဝန်နှင့် ဆွေးနွေးတိုင်ပင်ကုသပြီး ကောင်းစွာ ထိန်းသိမ်းရမည် ဖြစ်ပါသည်။ သွေးချိုဓါတ်ကိုလည်း ပုံမှန်စစ်ပေးဖို့လိုအပ်ပါသည်။👨‍⚕️

Caresens-N သွေးချိုတိုင်းကိရိယာ ကို Korea နိုင်ငံမှ သွေးချိုတိုင်းကိရိယာများ ထုတ်လုပ်သော အကြီးဆုံးကုမ္ပဏီဖြစ်သည့် i-Sens မှ အဆင့်မြင့်နည်းပညာများဖြင့် အရည်အသွေးအဆင့်အတန်းမြင့်မားစွာ ထုတ်လုပ်သည်။🇰🇷

08/10/2025

ဆီးချိုသွေးချိုနှင့် Sleep Apnea 💤

သင်အိပ်နေစဥ် ဟောက်တတ်ပါသလား❓
နေ့ဘက်တွင် မလန်းဆန်းပဲ နုံးချိနေပါလား❓
ညဘက်တွင် မကြာခဏ နိုးတတ်ပါလား❓

ထိုအရာများသည် အိပ်ပျော်စဥ် အသက်ရူလမ်းကြောင်းပိတ်ဆို့ခြင်းကြောင့် အသက်ရှူရခက်ခြင်း၊ အသက်ရှူရပ်တန့်ခြင်းများကြောင့်ဖြစ်နိုင်သည်။ ဆီးချိုသွေးချိုရောဂါရှိသူများသည် ညဘက်တွင် အသက်ရှူရပ်ခြင်း (Sleep Apnea) ပိုမိုဖြစ်တတ်ပြီး မပေါ့ဆသင့်ပါ။☝

အဘယ့်ကြောင့်ဆိုသော် Sleep Apnea သည် ဆီးချိုသွေးချိုရောဂါကုသရာတွင် သွေးတွင်းသကြားဓာတ် ထိန်းညှိနိုင်ရန် ခက်ခဲစေတတ်သောကြောင့်ဖြစ်သည်။ အိပ်နေစဉ် အသက်ရှူရပ်သောအခါ သွေးအတွင်း အောက်စီဂျင်ပမာဏကို လျော့ကျစေပြီး ကာဗွန်အောက်ဆိုဒ်ကို မြင့်တက်စေပါသည်။ ထိုသို့ ကာဗွန်ဒိုင် အောက်ဆိုဒ် ပမာဏ သွေးထဲတွင် များပြားလာခြင်းသည် အောက်ပါ အခြေအနေများသို့ ဦးတည် ဖြစ်ပေါ်စေနိုင်ပါသည်။ 💢
🔘အင်ဆူလင်မတိုးခြင်း
🔘သွေးတိုးခြင်း
🔘နှလုံးရောဂါများ
🔘မနက်ခင်း ခေါင်းကိုက်ခြင်း။

ထို့အပြင် ဆီးချိုသွေးချိုရောဂါရှိသူများတွင် Sleep Apnea ရှိပါက အောက်ပါဆိုးကျိူးများကိုလည်း ဖြစ်စေနိုင်ပါသည်။👈

💣 သွေးတွင်းသကြားဓာတ် ထိန်းရခက်ခြင်း၊
ခန္ဓာကိုယ်အတွက် လုံလောက်သော အောက်စီဂျင် မရဘဲ မလိုအပ်သော ကာဗွန်ဒိုင်အောက်ဆိုဒ်များ ပိုလျှံများပြားနေသောအခါ ကစီဓာတ်အား ဖြိုခွဲရာတွင် အင်ဆူလင်အား ထိရောက်စွာ အသုံးချနိုင်ခြင်းကို အနှောက်အယှက် ဖြစ်စေပါသည်။ ထိုအခြေနေသည် သွေးတွင်းသကြားဓာတ်အား မြင့်တက်လာစေပြီး သကြားဓာတ်ကို ထိန်းသိမ်းရာတွင် ခက်ခဲစေနိုင်ပါသည်။

💣 အဝလွန်ခြင်း၊
Sleep Apnea နှင့် တွဲဖြစ်သော ဆီးချ်ိုသွေးချိုသမားများတွင် အဝလွန်ခြင်း ပိုဖြစ်စေတတ်သည်။ အဘယ့်ကြောင့် ဆိုသော် အိပ်စက်ရာတွင် အချိန် မလုံလောက်ခြင်း၊ ကောင်းစွာ အိပ်မပျော်ခြင်း စသည်တို့သည် ဟော်မုန်းမညီမျှမှုအားဖြစ်စေပြီး ခန္ဓာကိူယ်အလေးချိန်တိုးခြင်းကိုလည်း ဖြစ်စေနိုင်သောကြောင့် ဖြစ်သည်။

💣ကိုယ်လက်လှုပ်ရှားရန် အားအင်ကုန်ခမ်းခြင်း၊
ဆီးချိုသွေးချိုရောဂါရှိသူများသည် လေ့ကျင့်ခန်း ပြုလုပ်ခြင်းဖြင့် သွေးတွင်းသကြားဓာတ်အား ထိန်းသိမ်းရာတွင် အထောက်အကူဖြစ်စေနိုင်မည်ဖြစ်သည်။ သိူ့သော် Sleep Apnea သည် ညဘက်တွင် ကောင်းစွာ အိပ်မပျော်နိုင်သောကြောင့် နေ့လည်ဘက်တွင် နုံးချိနေတတ်ပြီး ကိုယ်လက်လှုပ်ရှားရန် အားမရှိခြင်းများ ဖြစ်စေနိုင်ပါသည်။

💣နှလုံးရောဂါဖြစ်နိုင်ချေ ပ်ိုများခြင်း၊
Sleep Apnea သည် သွေးတွင်းအောက်စီဂျင် ကျဆင်းခြင်းကြောင့် နှလုံးအား ဝန်ပိစေပြီး နှလုံးရောဂါဖြစ်ရန် အလားအလာ ပိုများစေပါသည်။ ဆီးချိုသွေးချိုရောဂါ၏ နောက်ဆက်တွဲများတွင်လည်း နှလုံးနှင့်ဆိုင်သော ပြဿနာများသည် အဓိကဖြစ်လေ့ရှိသောကြောင့် ထိုရောဂါ နှစ်ခုလုံးရှိသူများအနေဖြင့် နှလုံးအား ပို၍ ဂရုစိုက်ရန် လိုအပ်ပါသည်။

အချုပ်အားဖြင့် Sleep Apnea နှင့် ဆီးချိုသွေးချိုရောဂါသည် ယှဉ်တွဲဖြစ်ပေါ်လေ့ရှိသော်လည်း 80 % ခန့်သည် Sleep Apnea ရှိနေသည်ကို မသိရှိကြပါ။ ယနေ့အခါတွင် Sleep Apnea အား စစ်ဆေးရန် Sleep Test အား ဆေးရုံကြီးများတွင် စစ်ဆေးနိုင်ပြီဖြစ်ပြီး စံကုထုံး ဖြစ်သည့် CPAP စက်များအားလည်း အလွယ်တကူ သုံးစွဲနိုင်ပြီ ဖြစ်ပါသည်။ Sleep Apnea အား ကုသခြင်းသည်လည်း သွေးတွင်းသကြားဓာတ်အား လျော့ချရာတွင် အထောက်အကူ ဖြစ်စေမည်ဖြစ်ကြောင်း တင်ပြလိုက်ပါသည်။👌

07/10/2025

ဆီးချိုသွေးချိုကြောင့်အာရုံကြောပျက်စီးခြင်း❗

ဆီးချိုသွေးချိုကြောင့် အာရုံကြောပျက်စီးခြင်း(Diabetes Neuropathy)သည် ဆီးချိုသွေးချိုရောဂါရှင် ၅၀% ခန့်တွင် အဖြစ်များသော ရောဂါဖြစ်ပြီး ခြေထောက်ရှိ အာရုံကြောများ အာရုံခံစားမှု တဖြည်းဖြည်း လျော့၍ ပျောက်သွားခြင်းဖြစ်သည်။ 🦵🏻

ဖြစ်ပွားရသည့် အဓိကအကြောင်းမှ ဆီးချိုသွေးချို ကြာရှည်စွာဖြစ်ခြင်း၏ နောက်ဆက်တွဲ အာရုံကြောနှင့်သွေးကြောများ ပျက်စီးစေခြင်းကြောင့်ဖြစ်သည်။ အာရုံကြောများကို ထောက်ပို့ပေးသော သွေးကြောမျှင်လေးများ ဆီးချိုကြောင့် ပျက်စီးလာသည့်အတွက်၊ ယင်းအာရုံကြောများ သွေးမရပဲ ပျက်စီးပြီး အလုပ်မလုပ်နိုင်တော့ခြင်းဖြစ်ပါသည်။ 〽️

ခန္ဓာကိုယ်အလိုအလျာက်တုံ့ပြန်မှု စနစ်ကြောင့် အာရုံကြောရောင်ယမ်းခြင်း၊ မျိုးရိုးလိုက်ခြင်း၊ ဆေးလိပ်နှင့်အရက် အလွန်အကျွံသောက်ခြင်းများကလည်း ပိုဆိုးစေတတ်ပါသည်။🩸

ရုတ်တရက်နာကျင်မှု ဝေဒနာကို ခြေဖဝါးနှင့် ခြေထောက်တွင်ခံစားရလေ့ရှိပြီး ရက်အနည်းငယ် အကြာတွင် ပျောက်သွားတတ်သည်။ လက်၊ လက်မောင်းတွင်ပါ ဖြစ်နိုင်သည်။ 🦿

ထုံခြင်း၊ ထိလိုက်တာနှင့်နာခြင်း၊ စူးခြင်း၊ ကြွက်တက်ခြင်း၊ အားနည်းခြင်း၊ ကိုယ်ခန္ဓာဟန်ချက် မထိန်းနိုင်ခြင်း၊ ခြေထောက်ရောဂါပိုးဝင်ကာ အနာဖြစ်ခြင်း၊ ဆီးမထိန်းနိုင်ခြင်း၊ အန်ခြင်း၊ အစားအသောက်ပျက်ခြင်း၊အစာမျိုချခြင်း၊ ကိုယ်အလေးချိန်ကျခြင်း တို့ပါတွဲ၍တွေ့ရတတ်သည်။ 🦶🏻🖐🏻

သွေးချိုဆီးချိုကို ဆရာဝန်နှင့် စနစ်တကျ ကုသရမည်ဖြစ်ပြီး၊ သွေးတွင်း သကြားဓာတ်ပုံမှန်တိုင်းခြင်း၊ ဆေးများ ပုံမှန်သောက်ခြင်း၊ လေ့ကျင်ခန်း လုပ်ခြင်း၊အစားအသောက် ဂရုစိုက်ဆင်ခြင်၍ စားခြင်းတို့အပြင်၊ ခြေထောက်ကို သန့်ရှင်းခြောက်သွေ့နေအောင် ထားခြင်း၊ ခြေသည်းပုံမှန်ညှပ်ခြင်းတို့ ပုံမှန်ပြုလုပ်ခြင်းဖြင့် ဆီးချိုသွေးချို နောက်ဆက်တွဲ ရောဂါများကို သက်သာစေနိုင်ပါသည်။ 👨‍⚕️

06/10/2025

ဆီးချိုသွေးချို အမျိုးအစား ၁ နှင့်၂ ကွာခြားချက်💢

စားလိုက်သောအစာမှ ထမင်း၊ ဂျုံစသည့် ကစီဓါတ်ကို အသည်းမှ Glucose သကြားအဖြစ်ချက်လုပ်ပေးပါသည်။ သကြားဓါတ်များ ခန္ဓာကိုယ်အနှံ့အပြားရှိ Cell များဆီသို့ရောက်အောင် သွေးမှ ပို့ဆောင်ပေးပါသည်။💧

သွေးအတွင်းရှိ သကြားဓါတ် Cell များအတွင်းသို့ ဝင်ရောက်နိုင်ရန် Pancreas (ပန်ကရိယ)မှထုတ်လုပ်ပေးသည့် Insulin (အင်ဆူလင်) လိုအပ်သည်။💧

အမျိုးအစား ၁
--------------------
ပန်ကရိယမှ အင်ဆူလင် မထုတ်နိုင်ခြင်း (သို့မဟုတ်) အနည်းငယ်သာ ထုတ်နိုင်ခြင်းကြောင့် သွေးအတွင်းရှိသကြားဓါတ် Cell များအတွင်းသို့ မဝင်နိုင်၍ သွေးအတွင်း အချိုဓါတ်များခြင်းကို အမျိုးအစား ၁ ဆီးချိုသွေးချိုဟု ခေါ်သည်❌

အမျိုးအစား ၂
---------------------
ပန်ကရိယမှထုတ်သော အင်ဆူလင်ကို Cell များ၌ တုန့်ပြန်မှုလျော့နည်းပြီး အင်ဆူလင်မတိုးတော့ခြင်းကြောင့် သွေးအတွင်းရှိ သကြားဓါတ် Cell များအတွင်းသို့ မဝင်နိုင်၍ သွေးအတွင်း သကြားဓါတ်များလာခြင်းကို အမျိုးအစား ၂ ဆီးချိုသွေးချိုဟု ခေါ်ပါသည်။

05/10/2025

ဆီးချိုသွေးချို အကြိုအဆင့်မှ ရောဂါအဆင့်ထိ မရောက်စေရန် ☝

ဆီးချိုသွေးချိုရောဂါမဖြစ်မှီ ဆီးချိုသွေးချိုအကြိုအဆင့်ရှိပါသည်။ အစာစားပြီး ၈နာရီအကြာတိုင်းတာသည့် သွေးတွင်းသကြားဓါတ် ၁၀၀-၁၂၅mg/dL ရှိပါက ဆီးချိုအကြိုအဆင့်ဟုခေါ်ပါသည်။ ဤအဆင့်တွင် သွေးတွင်းသကြားဓါတ်ကို မထိန်းနိုင်ပါက ဆီးချိုသွေးချိုရောဂါ အနှေးနှင့်အမြန် ဖြစ်ပေါ်လာမည်ဖြစ်သည်။🩸

ဆီးချိုသွေးချို အကြိုအဆင့်တွင် သွေးတွင်းသကြားဓာတ် များနေသောကြောင့် ဆီးချိုရောဂါဖြစ်ခြင်းမှ ကာကွယ်ရန် အောက်ပါ နည်းလမ်းများကို လုပ်ဆောင်သင့်ပါသည်။ 👈

🔘ကိုယ်အလေးချိန်ထိန်းပါ။
အဝလွန်ခြင်းသည် ဆီးချိုသွေးချို ဖြစ်နိုင်ခြေများရုံသာမက အခြားကျန်းမာရေး ဆိုးကျိုးနှင့်ရောဂါများ ဖြစ်စေသောကြောင့် ကိုယ်အလေးချိန် ပုံမှန်ရောက်အောင် ထိန်းထားရမည်ဖြစ်သည်။

🔘လေ့ကျင့်ခန်း ပုံမှန်လုပ်ပါ။
လေ့ကျင့်ခန်းလုပ်ခြင်းသည် ခန္ဓာကိုယ်ကို ကြံ့ခိုင်စေပြီး ကျန်းမာစေသောကြောင့် နေ့စဉ်ပုံမှန်ပြေးခြင်း၊ လမ်းလျှောက်ခြင်း၊ စက်ဘီးစီးခြင်း၊ ရေကူးခြင်း အစရှိသော လေ့ကျင့်ခန်းများ ပုံမှန် လုပ်သင့်ပါသည်။ 🏃🏻‍♀️🏊🏻‍♀️

🔘အစားအသောက် ဆင်ခြင်ပါ။
ဆီးချိုသွေးချို မဖြစ်စေရန် ကျန်းမာစေသော အသား၊ ငါး၊ ဟင်းသီးဟင်းရွက်တို့ကို စုံလင်အောင်စားပြီး အချိုဓာတ်များသော ရေခဲမုန့်၊ အချိုရည်၊ ဒိုးနတ်၊ အသင့်စား အစာများဖြစ်သော ပီဇာ၊ ဘာဂါ၊ အာလူးကြော် အစရှိသည်တို့ရှောင်ရမည်ဖြစ်သည်။ 🍗🥦🥬

🔘ဆေးလိပ်ဖြတ်ပါ။
ဆေးလိပ် သောက်သူများတွင် ပုံမှန်ထက် အမျိုးအစား ၂ ဆီးချိုသွေးချိုဖြစ်နှုန်း ၃၀-၄၀ % ခန့် ပိုများစေသည်။ ဆေးလိပ်တွင် ပါဝင်သော နီကိုတင်းဓာတ်သည် သွေးတွင်းသကြားဓာတ် ထိန်းပေးသော အင်ဆူလင် အာနိသင်ကျစေသဖြင့် ဆေးလိပ်ဖြတ်ရမည် ဖြစ်သည်။ 🚭

🔘ဖြည့်စွက်စာ သောက်ပါ။
သွေးတွင်းသကြားဓာတ် ထိန်းပေးသော ဂျင်ဆင်း၊ သစ်ကြံပိုးခေါက်၊ ရှားစောင်းလက်ပတ်၊ ဗီတာမင် D၊ မဂ္ဂနီဆီယမ်ပါသော ဖြည့်စွက်စာများ သောက်နိုင်ပါသည်။ 💊

အထက်ပါအချက်များ ပြုလုပ်ရုံသာမက သွေးတွင်းသကြားဓာတ်ကို ပုံမှန်စစ်ဆေးခြင်း၊ ဆရာဝန်နှင့် ပုံမှန်ပြသခြင်းများ၊ ပုံမှန်ကျန်းမာရေးစစ်ဆေးမှုများ ပြုလုပ်ခြင်းတို့ဖြင့် ဆီးချိုသွေးချိုရောဂါ အဆင့်မရောက်အောင် ကာကွယ်လုပ်ဆောင်ရမည် ဖြစ်ပါသည်။ 🙅🏼

04/10/2025

ဆီးချိုသွေးချို ကောင်းစွာထိန်းပါ❗

ဆီးချိုသွေးချိုသည် သွေးကြောမျှင်လေးများကိုသာမက၊ ကြာလာသောအခါ သွေးကြောကြီးများကိုပါ ထိခိုက်ပျက်စီးစေပြီး၊ နောက်ဆက်တွဲ ဆိုးကျိုးများကို ဆက်လက်ဖြစ်ပေါ်စေပါသည်။ 🔆

🧿လေဖြတ်သူ ၅ယောက်လျှင် ၂ယောက်
🧿နှလုံးသွေးကြောပိတ်သူ ၂ယောက်လျှင် ၁ ယောက်
🧿ကျောက်ကပ်ပျက်စီးသူ ၃ယောက်လျှင် ၂ယောက်
. သည် သွေးချိုဆီးချိုရောဂါနှင့် ဆက်စပ်မှုရှိသည်။ ☝

ထို့ကြောင့် ဆီးချိုသွေးချိုရောဂါ၏ နောက်ဆက်တွဲ ဆိုးကျိူများ မဖြစ်စေရန် သွေးချိုဓါတ်ကို ကောင်းစွာ ထိန်းနိုင်ဖို့လိုအပ်ပါသည်။ 🩸

🧿ဆရာဝန်နှင့် ဆွေးနွေးတိုင်ပင်ပါ။
🧿ဆရာဝန်ညွှန်သောဆေးများ တိတိကျကျ သောက်ပါ။
🧿အားကစား ပုံမှန်လုပ်ပါ။
🧿ကျန်းမာရေးနှင့်အညီစားသောက်နေထိုင်ပါ။
🧿သွေးချိုဓါတ် ပုံမှန် စစ်ဆေးပေးပါ။

i-Sens သည် သွေးချိုတိုင်းကိရိယာများထုတ်လုပ်သည့် ကိုရီးယားနိုင်ငံ၏ အကြီးဆုံး ကုမ္မဏီဖြစ်ပါသည်။ အရည်အသွေးမြင့်မားသည့် Caresens-N သွေးချိုတိုင်းကိရိယာများကို ကမ္ဘာတဝှမ်း နိုင်ငံပေါင်း ၁၀၀ကျော်တွင် အသုံးပြုလျှက် ရှိပါသည်။ 👍

Caresens-N သွေးချိုတိုင်း ကိရိယာ Glucometer

15/10/2025

14/10/2025

13/10/2025

12/10/2025

11/10/2025

10/10/2025

09/10/2025

08/10/2025

07/10/2025

06/10/2025

05/10/2025

04/10/2025

Address

Telephone

Website

Alerts

Contact The Practice

Shortcuts

Share

Category