24/10/2021
ဆေးသောက်လျှင် သတိထားရမည့်အရာများ
•••••••••••••••ပါမောက္ခဒေါ်ခင်ဖြူ ( မြင်းခြံ )
ဆေးသောက်လျှင် ရေနဲ့သောက်ရမည်ကို မသိသူမရှိ သို့သော် လွယ်ကူ၍အရေးကြီး
သော ကွင်းဆက်ကိုမေ့လျော့သည့်အတွက် ဆေးအာနိသင် ရသင့်သလောက် မရသည့်
အပြင် အစာမျိုပြွန်ကို ထိခိုက်နိုင်သည်။
ဆေးပြားသည် သာမာန်အားဖြင့် အဓိက ဆေးမူန့်နဲ့ ပုံသွင်းမူန့်( ကော်မူန့်/သကြား)စ
သည်တို့ကို ဖိ၍ပုံသွင်းထားခြင်းဖြစ်သည်။
ဆေးအာနိသင် မြန် နှေး ပြင်း ပျော့သည် အဓိက ဆေးမူန့်၏ အစာအိမ် အူလမ်းကြောင်း
တလျောက် စုပ်ယူခံရမူ အမြန်နူန်းပေါ်တွင် မူတည်သည်။
ဆေးပြားသည် သွေးအတွင်းသို့ စုပ်ယူမခံရမီ အစာအိမ်နဲ့အူလမ်းကြောင်းတွင် သေး
ငယ်သော ထောင်သောင်းမကသော အမူန်ငယ်များအဖြစ် ကွဲကြေသွားပြီး အရည်ထဲ ပျော်ဝင်နေမှ သွေးထဲစုပ်ယူခံနိုင်မည်။
ဆေးသောက်ပြီးရေများများသောက်မှ သွေးထဲသို့ စုပ်ယူခံရမူ ပိုမိုမြန်ဆန်မည်။
ထို့ကြောင့် ဆေးမသောက်မီ ရေနွေးနွေးတစ်ခွက်သောက်ခြင်းဖြင့် အစာလမ်းကြောင်း
ကို စိုစွတ်စေနိုင်သည်။ ပြီးမှ ဆေးကို ရေများများနဲ့ သောက်ခြင်းဖြင့် အာနိသင် မြန်ဆန်
ထက်မြက်စေနိုင်မည်။
ရေသောက်နည်းလျှင် ဆေးပြားဆေးတောင့်တို့သည် အစာမျိုပြွန် အစာအိမ်နံရံတွင်
ကပ်နေနိုင်ပြီး ထိခိုက်ဒါဏ်ရာ ရစေနိုင်သည်။
ဥပမာ - အက်စ်ပရင်./ ပရိုဖင် /အကိုက်အခဲပျောက်ဆေးမျိုးစုံ ပရီနိုစလုံးဆေး. ကင်ဆာရောဂါကု ရူဘီဒိုမိုက်စင် စသည်တို့ဖြစ်သည်။
၁ - လှဲလျှက်ဆေးမသောက်ရ
ဆေးသောက်သည့်အခါ မတ်တပ်ရပ်လျှက် သို့မဟုတ် ထိုင်လျက် ဆေးသောက်ရ
မည်။ လှဲလျှက်ဆေးမသောက်ရ - ဆေးသောက်ပြီး ချက်ခြင်းမလှဲရ အနည်းဆုံး ၃ မိနစ်
၅ မိနစ် ဆက်လက်ထိုင်နေသင့်သည်။
နာတာရှည်ရောဂါသည်နှင့်အစာမျို ခက်ခဲသူများသည် ဆေးအရည်ကိုသောက်သင့်
သည်။
၂ - အိပ်ခါနီးဆေးသောက်ချိန်
အိပ်ခါနီး ဆေးသောက်ရန် လိုအပ်လျှင် ဆေးသောက်ပြီး နှစ်မိနစ် သုံးမိနစ်ခန့် သွား လာ လူပ်ရှားပြီးမှ အိပ်သင့်သည်။
၃. - ဆေးနဲ့ တွဲ၍ မသောက်သင့်သည့်အရာများ
၁) - ဆေးကို နွားနို့နဲ့ မသောက်သင့်ပါ. နွားနို့တွင် ပရိုတင်းဓာတ်နဲ့ ဖက်တီးအက်ဆစ်
ပါသည့်အတွက် ဆေးမူန့်လေးများ၏ ပတ်ပတ်လည်တွင် အမြေးပါး တထပ်နဲ့ အပေါ်ကို
အုပ်ဆောင်းထားတတ်သည်။
ထို့ပြင် နွားနို့တွင် ကြွယ်ဝစွာပါဝင်သော ကယ်လ်စီယမ်ဓာတ် မီးစုန်းဓာတ်. သံ ဓာတ်တို့
သည်လည်း အချို့ဆေးဝါး ပစ္စည်းများနဲ့ ဓာတ်ပြုနိုင်ပြီး ပျော်ဝင်ရန် ခက်ခဲသောဆားများ
အဖြစ်သို့ ဓာတ်ပြောင်းလဲသွားနိုင်ပါသည်။
၂ ) - ဟင်းရည် လက်ဖက်ရည်. ကော်ဖီ. ရေနွေးကြမ်း အချိုရည် ဘိလပ်ရည်တို့နှင့်
ဆေးကို မသောက်ရ ရေနွေးနွေးနင့်သာ သောက်သင့်ပါသည်။
ဆာလ်ဖာ ဆေးဝါးသောက်လျှင် ကျောက်တည်ုခြင်းမှ ကာကွယ်ရန် အထူးသဖြင့် ရေများများ ပိုသောက်ရမည်။အနည်းဆုံး ရေတစ်ပုလင်းခွဲခန့် - (၁၅၀၀မီလီမီတာ )- ထို
နေ့တွင် သောက်ရမည်။ သို့မှသာ သွေးကျဲ ဆီးရွှင် ကျောက်ကပ်ကို ကာကွယ်ရာ
ရောက်မည်။
၃ ) - အကိုက်အခဲပျောက်ဆေး. အဖျားကျဆေးများ သောက်လျင်လည်း ရေများများ
သောက်ရန် လိုအပ်သည်။ ကိုယ်ပူကျပြီး ချွေးများများ ထွက်သောအခါ ရှော့ခ် ဖြစ်ခြင်း
မှ ကာကွယ်နိုင်မည်။
၄ ) - မည်သည့်ဆေးကို သောက်သည်ဖြစ်စေ ရေများများ သောက်ရမည်ဟူ၍ မဟုတ်
ပါ။ အချို့ချောင်းဆိုးပျောက်ဆေးသည် သောက်ပြီး ၅ မိနစ်ကြာမှ ရေသောက်ရသည်။
ထို့ကြောင့် ဆေးအာနိသင်ကောင်းစေရန် ဆေးပေးသူကို ဆေးသောက်ရမည့်အချိန်
နည်းလမ်းတို့ကို သေချာမေးမြန်းပြီး မှတ်သားလိုက်နာရမည် ဖြစ်ပါသည်။
# ပါမောက္ခ ဒေါ်ခင်ဖြူ ( မြင်းခြံ )
ဒီအစားအသောက်တွေကို ဆေးနဲ့တွဲပြီး မစားသင့်
••••••••••••••••••••••••စောနွဲ့နေဆိုင် ( ပူတာအို )
ဖျားနာလို့ ပဋိဇီဝဆေးလို့ခေါ်တဲ့ အင်္ဂလိပ်ဆေးများကို သောက်တော့မယ်ဆိုရင် အောက်ပါ အစားအစာများနဲ့ တွဲပြီး မသောက်မိစေရန် ရေးသားမျှဝေလိုက်ပါတယ်။..
၁ ) - လိမ္မော်ရည် , ခရမ်းချဉ် ဖျော်ရည် , စပျစ်သီး , စပျစ်သီး ဖျော်ရည် အချဉ် ဓာတ်ပါဝင်တဲ့ အသီးအရွက် တို့က ပဋိဇီဝဆေးများနဲ့ မသောက်သင့်ပါ။
ဆေးအာနိသင်ကို ချေဖျက် နှောက်ယှက်စေပါတယ်။
၂) - သွေးနဲ့ပတ်သက်သည့် ဆေးများကို သောက်သုံးသူများ အနေနဲ့ -
ဆေးသောက်နေစဉ် အစိမ်းရောင် ဟင်းသီးဟင်းရွက်များဖြစ်တဲ့ ပန်းဂေါ်ဖီ , ဟင်းနုနွယ်
ကညွတ် , နွားနို့ နို့ထွက်ပစ္စည်း , စတာတွေကို ခဏရှောင်သင့်ပါတယ်။
၃ ) - အမျှင် ဓာတ်ပါတဲ့ fibers များကို ဆေးနဲ့အတူ မစားသင့်ပါ။
၄ ) - ကဖင်း ဓာတ်ပါဝင်တဲ့ လက်ဖက်ရည် , ကော်ဖီ , ကိုလာ တို့နဲ့ တွဲမသောက်
သင့်ပါ။၄င်းတို့က လူကိုနိုးကြားစေတဲ့အတွက် ဆေးနဲ့ဆန့်ကျင့်ဖက် ဖြစ်စေပါတယ်။
၅ ) - အရက် , ဘီယာ , ဝိုင် , ကော့တေး စသည့် အယ်ကိုဟောလ် ပါဝင်သည့်အရည်
များနှင့် လုံးဝ တွဲမသောက်သင့်ပါ။
အခန့်မသင့်လျှင် ပြန်အန်ထွက်တတ်သလို အရေးပေါ် ဌာနသို့ မရောက်နိုင်ပါက အသက်ပင် ပါသွားတတ်တဲ့ သာဓကများရှိပါတယ်။
အကောင်းဆုံးက မပူလွန်း မအေးလွန်းသည့် ရိုးရိုးရေတစ်ခွက်နဲ့သာ သောက်တာ
အကောင်းဆုံး ဖြစ်ပါတယ်။
အထက်က ဖော်ပြထားတဲ့ အစားမသောက်များကို လည်း ဆေးသောက်ပြီး သို့မဟုတ်
မသောက်မီ နာရီဝက် ၁နာရီခန့် အတွင်းမှာ မစားသောက်မိကြဖို့ သတိပေးတဲ့ အနေနဲ့
ရေးသားမျှဝေပေးလိုက်ပါတယ်။
Save နီနီလေး
