What are the opening hours?

Monday 07:00 - 19:00 Tuesday 07:00 - 19:00 Wednesday 07:00 - 19:00 Thursday 07:00 - 19:00 Friday 07:00 - 19:00 Saturday 07:00 - 19:00 Sunday 07:00 - 19:00

https://www.sml-healthcare.com/

SML Medical & Diagnostic Centre, No. 003/004, Dagon Tower, Gabaraye Pagoda Road, Bahan Township, Yangon (2026)

10/02/2026

ယခုလာမည့် ပိတ်ရက်ရှည်များအတွင်း SML စင်တာများအားလုံးတွင် ကျန်းမာရေးဝန်ဆောင်မှုများ ပုံမှန်အတိုင်းရရှိနိုင်မည်ဖြစ်ကြောင်းအသိပေးအကြောင်းကြားအပ်ပါသည်။

ိုဂရုစိုက်ပါတယ်

02/02/2026

🟩 တိကျသေချာတဲ့ ဓာတ်ခွဲခန်းအဖြေတွေကိုထုတ်ပေးနေတဲ့ SML မှာ ဒီလိုအဖြေတွေတိတိကျကျရဖို့ မြန်ဆန် မှန်ကန်ဖို့အတွက် ဘယ်လိုတွေစီမံထားသလဲ။ Abbott နဲ့ Roche အဆင့်မြင့်စက်တွေကိုအသုံးပြုပြီး ဓာတ်ခွဲခန်းအလုပ်တွေဘယ်လိုလုပ်သလဲဆိုတာကို ဒီဗီဒီယိုမှကြည့်ရှု့နိုင်ပါတယ်။

ိုဂရုစိုက်ပါတယ်

31/01/2026

📣 ဒီနေ့ ၃၁.၁.၂၀၂၆ ကန်တော်ကြီး သဘာဝဥယျာဉ် ပုလဲကျွန်းမှာကျင်းပတဲ့ မြန်မာ - ဂျပန် ရိုးရာမုန့်ပွဲတော်မှာ SML ရဲ့ Health Booth ရှိနေပါမယ်။

🇲🇲 SML Health Booth လေးမှာ Body Composition Test စစ်လို့ရမယ်။ Health Gift Voucher တွေဝယ်ယူလို့ရမယ်၊ နိုင်ငံခြားသွားမယ့်သူတွေအတွက် ကျန်းမာရေး Checkup Package တွေကို ဆွေးနွေးနိုင်မယ်၊ ကာကွယ်ဆေးအကြောင်းတွေဆွေးနွေးတိုင်ပင်နိုင်တယ်နော်။

🇯🇵 ဒီပွဲလေးမှာ မြန်မာ ဂျပန်ရိုးရာမုန့်တွေလည်း ရောင်းချထားပြီး မုန့်လေးတွေစားရင်း လည်ပတ်ရင်း SML Booth လေးကိုလာရောက်ခဲ့ပါလို့ ဖိတ်ခေါ်လိုက်ရပါတယ် 🙏

#မြန်မာဂျပန်မုန့်ရိုးရာမုန့်ပွဲတော်
ိုဂရုစိုက်ပါတယ်

29/01/2026

⚠️ နီပါးရ်ဗိုင်းရပ်စ်စိုးရိမ်ရပါသလား ⚠️

🟥နီပါးရ်ဗိုင်းရပ်စ်ဟာယခုမှဖြစ်ပွားတဲ့ ဗိုင်းရပ်စ်ပိုးအသစ်တစ်ခုမဟုတ်ပါဘူး။ ပထမဦးဆုံးတွေ့ရှိတာကတော့ ၁၉၉၉ ခုနှစ်၊ မလေးရှားနိုင်ငံမှာစတင်တွေ့ရှိခဲ့ပါတယ်။ ၂၀၀၁ ခုနှစ်မှာတော့ ဘင်္ဂလာဒေ့ရှ်မှာဖြစ်ပွားခဲ့ပါတယ်။ ၂၀၀၂ နဲ့ ၂၀၀၇ ခုနှစ်မှာတော့ အိန္ဒိယနိုင်ငံ အနောက်ဘင်ဂါမှာဖြစ်ပွားခဲ့ပြီး ယခုဖြစ်ပွားနေတာလည်း အနောက်ဘင်ဂါပြည်နယ်မှာပဲဖြစ်ပါတယ်။

ရောဂါကူးစက်မှုပုံစံများအနေဖြင့် -
🟥 တိရစ္ဆာန်မှ လူသို့ကူးစက်ခြင်း - နီပါးရ်ဗိုင်းရပ်စ်ရောဂါပိုးရှိသော ဝက်များ သို့မဟုတ် လင်းနို့များ၏ ထွက်ရည်များ (တံတွေး၊ ဆီး) နှင့် တိုက်ရိုက်ထိတွေ့ခြင်း၊
🟥 အစားအသောက်မှတစ်ဆင့်ကူးစက်ခြင်း - လင်းနို့များ ကိုက်ထားသော သစ်သီး များ၊ လင်းနို့တံတွေး သို့မဟုတ် ဆီးများပေကျံနေသော သစ်သီးများ/ထန်းရည်/ ဓနိရည်များကို စားသောက်မိခြင်း၊
🟥 လူအချင်းချင်းကူးစက်ခြင်း - လူနာထံမှ ထွက်သည့်အရည်များနှင့် တိုက်ရိုက် ထိတွေ့ခြင်း၊ လူနာနှင့်နီးကပ်စွာထိတွေ့ရသည့် လူနာပြုစုသူများနှင့် ကျန်းမာရေး ဝန်ထမ်းများကို ကူးစက်စေခြင်းတို့ဖြစ်ပါသည်။

🟥 နီပါးရ်ဗိုင်းရပ်စ်က တိရိစ္ဆာန်မှတဆင့် လူကိုကူးစက်တဲ့ ဗိုင်းရပ်စ်ပိုးတစ်မျိုးဖြစ်ပါတယ်။ တိရိစ္ဆာန်များနှင့်တိုက်ရိုက်ထိတွေ့မှုကနေ ကူးစက်နိုင်သလို တိရိစ္ဆာန်များထိတွေ့ထား (စားသောက်ထား) တဲ့အစာအစားများကို ထိတွေ့ကိုင်တွယ်တာကတဆင့်လည်း လူကိုကူးစက်နိုင်ပြီး နောက်တစ်ဆင့်အနေနဲ့ လူကနေ လူကို ကူးစက်နိုင်ပါတယ်။ အဓိကကူးစက်နိုင်သောတိရိစ္ဆာန်မှာ အသီးစားလင်းနို့များဖြစ်ပါတယ်။ ထိုလင်းနို့များ စားသောက်ထားသော အသီးအကြွင်းအကျန်များကို အခြားသော တိရိစ္ဆာန်များက (အထူးသဖြင့် ဝက်) ထိတွေ့စား‌သောက်မိပါက ထိုတိရိစ္ဆာန်မှတဆင့် လူများကို ကူးစက်နိုင်ပါတယ်။

🟥နီပါးရ်ဗိုင်းရပ်စ်ရဲ့ အဓိကသတိထားရမည့်အချက် စတင်ကူးစက်ရာမှာ ရောဂါလက္ခဏာပြသခြင်းမရှိပဲ ထိုမှတဆင့် ရုတ်တရုက်အသက်ရှုလမ်းကြောင်းပိုးဝင်ခြင်းဖြစ်ပွားပြီး အသက်ဆုံးရှုံးနိုင်သည်အထိဖြစ်ပွားတတ်ပါတယ်။ ရောဂါလက္ခဏာပြသခဲ့လျှင် ဖျားခြင်း၊ ခေါင်းကိုက်ခြင်း၊ အန်ခြင်း၊ လည်ချောင်းနာခြင်း၊ ကြွက်သားများကိုက်ခဲခြင်း စသည်တို့ဖြစ်ပွားနိုင်ပါတယ်။ ဆိုးဝါးတဲ့အခြေအနေများမှာတော့ မှိန်းခြင်း၊ သတိလစ်ခြင်း၊ ဦးနှောက်ရောင်ခြင်း၊ အဆုတ်ခဲခြင်းနှင့် ပြင်းထန်အသက်ရှုလမ်းကြောင်းဆိုင်ရာရောဂါများဖြစ်ပွားခြင်းတို့ဖြစ်နိုင်ပါတယ်။

🟥 နီပါးရ်ဗိုင်းရပ်စ်ကူးစက်ခံရပြီး ၄ ရက်မှ ၁၄ ရက်အတွင်း အထက်ပါလက္ခဏာများဖြစ်ပွားတတ်ပါတယ်။ အသက်ဆုံးရှုံးနိုင်မှုအခြေအနေအားဖြင့် ၄၀ - ၇၀ % အထိရှိတာမို့ အထူးဂရုစိုက်ရန်လိုအပ်ပါတယ်။

🟥 လက်ရှိအချိန်၌ နိုင်ငံတကာတွင် နီပါးဗိုင်းရပ်စ် (Nipah Virus) အတွက် သီးသန့် အတည်ပြုထားသော ကုသဆေး သို့မဟုတ် ကာကွယ်ဆေး မရှိသေးပါ။ အချို့သော ကာကွယ်ဆေးများသည် စမ်းသပ်ဆဲအဆင့် (Clinical Trials) တွင်သာ ရှိနေပါသည်။ ဝက်များ အတွက် ကာကွယ်ဆေးများ ထုတ်လုပ်ရန် ကြိုးစားနေကြသော်လည်း လက်တွေ့တွင် ကျယ်ကျယ်ပြန့်ပြန့် အသုံးပြုနိုင်ခြင်း မရှိသေးပါ။

🟦 လက်ရှိအကောင်းဆုံးသောကာကွယ်မှုကတော့ 🟦
(၁) လင်းနို့များရှိရာဒေသတွင် လင်းနို့များနှင့်ထိတွေ့မှုကိုရှောင်ရှားပါ
(၂) နေမကောင်းသောတိရိစ္ဆာန်များ (အထူးသဖြင့် ဝက်)များနှင့်ထိတွေ့မှုကိုရှောင်ရှားပါ။ မဖြစ်မနေကိုင်တွယ်ရပါက လက်အိတ်၊ အကာအကွယ်များအသုံးပြုပါ။
(၃) အစားအသောက်များကို သေချာစွာ ဆေးကြောသန့်စင်ပါ၊ သန့်ရှင်းစွာချက်ပြုတ်စားသောက်ပါ။
(၄) ငှက်/လင်းနို့ ကိုက်ရာပါတဲ့ အသီးတွေလုံးဝမစားရပါ။ မြေကြီးပေါ် ကြွေကျနေတဲ့ အသီးများကို စားသုံးခြင်းမပြုလုပ်ရ။
(၅) လက်သန့်ရှင်းရေးအဖြစ် လက်ကိုဆပ်ပြာဖြင့်သေချာစွာ မကြာခဏဆေးပါ။

မိဘပြည်သူများ ကိုယ်ကျန်းမာခြင်း စိတ်ကျန်းမာခြင်းရှိကြပါစေ။ မိမိချစ်ရသူများနှင့်အများပြည်သူများသိရှိစေရန် ယခု Post ကို Share လုပ်ခြင်းဖြင့် ကူညီနိုင်ပါတယ်။

ိုဂရုစိုက်ပါတယ်
#နီပါဗိုင်းရပ်စ် #ကျန်းမာရေး #ကာကွယ်ရေး

Ref
WHO Fact Sheet — Nipah virus
World Health Organization. (2018, May 30). Nipah virus [Fact sheet]. WHO.

WHO Health Topic — Nipah virus infection
World Health Organization. (n.d.). Nipah virus infection. WHO.

WHO Disease Outbreak News — Nipah virus infection in Bangladesh
World Health Organization. (2025, September 18). Nipah virus infection – Bangladesh (Disease outbreak news). WHO.

BBC News — Nipah virus airport screenings
BBC News. (2026, January 27). Nipah virus: Some Asia airports screen passengers after outbreak in India. BBC.

MOH Myanmar

23/01/2026

🟩 Electrolytes ဆိုတာ အရေးပါတဲ့ သတ္ထုဓာတ်တွေ ဖြစ်ပြီးတော့ ခန္ဓာကိုယ်ရဲ့ အရေးကြီးတဲ့ လုပ်ငန်းဆောင်တာတွေကို လုပ်ဆောင်ပေးပါတယ်။ Electrolytes ပမာဏ အပြောင်းအလဲဟာ ခန္ဓာကိုယ်ရဲ့ ဇီဝကမ္မဖြစ်စဉ်တွေ အပေါ်မှာ အများကြီးသက်ရောက်မှု ရှိစေနိုင်ပါတယ်။ Electrolytes test ဟာ ခန္ဓာကိုယ်ထဲက ဆိုဒီယမ် Sodium (Na+), ပိုတက်ဆီယမ် Potassium (K+), ကလိုရိုက် Chloride ( Cl-) နဲ့ ဘိုင်ကာဗွန်နိတ် Bicarbonate (HCO3-) ပမာဏကို တိုင်းတာခြင်းဖြစ်ပါတယ်။

🟩 ဒီဓာတ်တစ်ခုခြင်းစီဟာ ခန္ဓာကိုယ်အပေါ်မှာ ဘယ်လိုသက်ရောက်မှုတွေ ရှိလဲဆိုတော့

🟩 𝐒𝐨𝐝𝐢𝐮𝐦 (ဆိုဒီယမ်)
🔸ဆဲလ်အတွင်း၊ ဆဲလ်အပြင်မှာ ရှိတဲ့ အရည်ဓာတ်ပမာဏကို ထိန်းညှိပေးပါတယ်
🔸သွေးပေါင်ချိန်ကို ထိန်းညှိပေးပါတယ်
🔸အာရုံကြောလှုံ့ဆော်မှုတွေအတွက်လည်း အရေးပါပါတယ်
🔸 Sodium ဓာတ်ပမာဏအပြောင်းအလဲကြောင့် သတိလစ်တာ၊ တက်တာ၊ ရေဓာတ်ဆုံးရှုံးတာ၊ ဖောရောင်တာတွေ ဖြစ်နိုင်ပါတယ်။

🟩 𝐏𝐨𝐭𝐚𝐬𝐬𝐢𝐮𝐦 (ပိုတက်ဆီယမ်)
🔸 နှလုံးခုန်နှုန်းစီးချက်ညီဖို့အတွက် အရေးပါပါတယ်
🔸 ကြွက်သားတွေ ကြုံ့နိုင်၊ ဆန့်နိုင်ဖို့နဲ့ အာရုံကြောလှုံ့ဆော်မှုတွေ အတွက်လည်း အရေးပါပါတယ်
🔸 Potassium ဓာတ်ပမာဏ အပြောင်းအလဲကြောင့် ကြွက်သားတွေချိနဲ့တာ၊ ရုတ်တရက်နှလုံးဖောက်တာမျိုးတွေ ဖြစ်နိုင်ပါတယ်

🟩 𝐂𝐡𝐥𝐨𝐫𝐢𝐝𝐞 (ကလိုရိုက်)
🔸 ခန္ဓာကိုယ်ရဲ့ ရေဓာတ်ထိန်းညှိတဲ့ ကဏ္ဍမှာ Sodiumနဲ့အတူတူတွဲပြီး လုပ်ဆောင်ပေးပါတယ်
🔸 ခန္ဓာကိုယ်ရဲ့ pH level (အက်စစ်-ဘေ့စ်မျှချေ)ကို ထိန်းညှိပေးပါတယ်
🔸 အစာအိမ်ရဲ့ အစာချေအက်စစ် ဖွဲ့စည်းပုံမှာ ပါဝင်ပြီးတော့ အစာချေဖျက်ခြင်းကို အကူအညီပေးပါတယ်
🔸 Chloride ပမာဏအပြောင်းအလဲဟာ ရေဓာတ်ခမ်းခြောက်ခြင်း၊ ကျောက်ကပ်ရောဂါဖြစ်ခြင်းတို့ကို ညွှန်းဆိုနေနိုင်ပါတယ်

🟩 𝐁𝐢𝐜𝐚𝐫𝐛𝐨𝐧𝐚𝐭𝐞 (ဘိုင်ကာဗွန်နိတ်)
🔸 ခန္ဓာကိုယ်ရဲ့ pH level (အက်စစ်-ဘေ့စ်မျှချေ)ကို ထိန်းညှိပေးပါတယ်
🔸 ခန္ဓာကိုယ်မှာ ပိုလျှံတဲ့ အက်စစ်ဓာတ်တွေကို ချေဖျက်ပေးပြီးတော့ pH levelကို ထိန်းညှိပေးပါတယ်
🔸 Bicarbonate ပမာဏအပြောင်းအလဲဟာ ခန္ဓာကိုယ်ရဲ့ အက်စစ်နဲ့ ဘေ့စ် ပုံမမှန်ဖြစ်နေခြင်း ညွှန်းဆိုနေနိုင်ပါတယ်

🟩 ဒါဆိုရင်တော့ Electrolyte (သတ္တုဓာတ်များ) အကြောင်းကိုအတော်လေးသိသွားလောက်ပါပြီ။ SML မှာတော့ သွေးဖောက်စစ်ဆေးခြင်း၊ အာထရာဆောင်းရိုက်ခြင်း၊ Fibroscan ရိုက်ခြင်းနဲ့ အသည်းအထူးကုဆရာဝန်ကြီးများဖြင့်ပြသနိုင်ပါတယ်။ အခြားသော သွေးဖောက်စစ်ဆေးမှုများကို သိရှိလိုလျှင်လည်း Comment မှာ မေးမြန်းခဲ့နိုင်ပါတယ်။

ိုဂရုစိုက်ပါတယ်
#ကျန်းမာရေး

22/01/2026

📣 𝐒𝐌𝐋 𝐌𝐞𝐝𝐢𝐜𝐚𝐥 𝐚𝐧𝐝 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 (ဗဟန်း) တွင် မိဘပြည်သူများအဆင်ပြေစေရန် 𝐂𝐚𝐥𝐥 𝐂𝐞𝐧𝐭𝐫𝐞 𝐇𝐨𝐭𝐥𝐢𝐧𝐞 ကို တပ်ဆင်ထားပြီဖြစ်ပါသည်။ 📣

📲 𝐒𝐌𝐋 𝐂𝐚𝐥𝐥 𝐂𝐞𝐧𝐭𝐫𝐞 𝐇𝐨𝐭𝐥𝐢𝐧𝐞 - 𝟎𝟗 𝟕𝟕𝟑 𝟕𝟕𝟕 𝟕𝟒𝟒 📲

📣 ဆရာဝန်ကြီးများဖြင့်ရက်ချိန်းယူခြင်း၊ 𝐔𝐥𝐭𝐫𝐚𝐬𝐨𝐮𝐧𝐝၊ 𝐅𝐢𝐛𝐫𝐨𝐬𝐜𝐚𝐧 များအတွက်ရက်ချိန်းယူခြင်း၊ ကျန်းမာရေးစစ်ဆေးခြင်း (𝐂𝐡𝐞𝐜𝐤 𝐔𝐩) အတွက်ရက်ချိန်းယူခြင်းနှင့် အထွေထွေစုံစမ်းရန်တို့အတွက် အောက်ပါဖုန်းနံပါတ်တစ်လုံးတည်းအားခေါ်ဆိုနိုင်ပြီဖြစ်ကြောင်း သတင်းကောင်းပါးအပ်ပါတယ်။

19/01/2026

🟩 ကင်ဆာဆိုတိုင်း ကြောက်ရမယ် မဟုတ်ပါဘူး၊ ကင်ဆာဖြစ်နိုင်တာကို မသိရတာကိုပဲ ကြောက်ရပါတယ်။ ဇန်နဝါရီလဟာ 𝐂𝐞𝐫𝐯𝐢𝐜𝐚𝐥 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 ဖြစ်ပါတယ်။ အမျိုးသမီးတွေကို စိုးရွံ့စေတာကလည်းသားအိမ်ခေါင်းကင်ဆာဖြစ်ပါတယ်။

🟩 သားအိမ်ခေါင်းကင်ဆာကိုဖြစ်စေတဲ့ အဓိကအကြောင်းအရင်းတွေထဲကတစ်ခုကတော့ 𝐇𝐏𝐕 ဆိုတဲ့ ဗိုင်းရပ်စ်ပိုးတစ်မျိုးဖြစ်ပါတယ်။ 𝐇𝐏𝐕 မျိုးကွဲများစွာရှိတဲ့အနက် အဓိကဖြစ်စေတဲ့ မျိုးကွဲကတော့ ၁၆ နဲ့ ၁၈ ဖြစ်ပါတယ်။ ဒါကြောင့် သားအိမ်‌ခေါင်းကင်ဆာဆိုတာ ကံကြမ္မာတစ်ခုမဟုတ်ပါဘူး။ ကာကွယ်နိုင်တဲ့ကင်ဆာဖြစ်ပါတယ်။ ဒါဆိုရင် ဘယ်လိုကာကွယ်ကြမလဲ။

🟩 ကာကွယ်ဖို့အတွက် -
သားအိမ်ခေါင်းကင်ဆာကာကွယ်ဆေးထိုးပါ။

🟩 ကြိုတင်စစ်ဆေးဖို့အတွက် -
သားအိမ်ခေါင်းကင်ဆာ 𝐒𝐜𝐫𝐞𝐞𝐧𝐢𝐧𝐠 လုပ်ပါ။ သားအိမ်ခေါင်းအချွဲမြှေးယူခြင်း (𝐏𝐚𝐩 𝐒𝐦𝐞𝐚𝐫 𝐓𝐞𝐬𝐭) နဲ့ 𝐇𝐏𝐕 𝐃𝐍𝐀 𝐓𝐞𝐬𝐭 စစ်ဆေးခြင်းပြုလုပ်ပါ။

🟩 အမျိုးသမီးတိုင်းကျန်းမာလှပတဲ့ အနာဂတ်နေ့ရက်များကိုပိုင်ဆိုင်နိုင်ကြပါစေ။

🟩 𝐒𝐌𝐋 𝐌𝐞𝐝𝐢𝐜𝐚𝐥 𝐚𝐧𝐝 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 နဲ့ 𝐒𝐌𝐋 𝐕𝐚𝐜𝐜𝐢𝐧𝐞 𝐂𝐥𝐢𝐧𝐢𝐜 မှာဆိုရင် သားအိမ်ခေါင်းကင်ဆာနဲ့ပတ်သတ်တဲ့ စစ်ဆေးမှုနဲ့ကာကွယ်ဆေးထိုးနှံမှုများအပြင် အမျိုးသမီးများအတွက်သီးသန့်ထုတ်ထားတဲ့ 𝐅𝐚𝐢𝐫 𝐋𝐚𝐝𝐲 𝐏𝐚𝐜𝐤𝐚𝐠𝐞 ကိုလည်းစစ်ဆေးနိုင်ပါတယ်။

🏥 𝐒𝐌𝐋 𝐌𝐞𝐝𝐢𝐜𝐚𝐥 & 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 (ဗဟန်း)
အမှတ် ၀၀၃-၀၀၄၊ ဒဂုံတာဝါ၊ ကမ္ဘာအေးဘုရားလမ်း၊ဗဟန်းမြို့နယ်၊ ရန်ကုန်မြို့။
၀၉ ၇၇၇ ၀၀၂၀၈၂၊ ၀၉ ၇၄၀ ၀၀၁၄၀၁၊ ၀၉ ၇၄၀ ၀၀၁၄၀၃၊ ၀၉ ၇၄၀ ၀၀၁၄၀၄။

ိုဂရုစိုက်ပါတယ်

16/01/2026

🟩 လူတွေနေ့စဥ့်စားသုံးလိုက်တဲ့ အစားအသောက်တွေမှာပါတဲ့ သကြားဓာတ်ကို ခန္ဓာကိုယ်က စွမ်းအင်အဖြစ် ပြောင်းလဲအသုံးပြုဖို့အတွက် အင်ဆူလင် (Insulin) ဟော်မုန်းကို လိုအပ်ပါတယ်။ ခန္ဓာကိုယ်အတွက်လိုအပ်တဲ့ အင်ဆူလင်ဟော်မုန်းကို ပန်ကရိယ - မုန့်ချိုအိတ် (Pancreas) မှာရှိတဲ့ အိုင်းလက်ဆဲလ် (Islet cells) တွေကနေပြီးတော့ ထုတ်ပေးပါတယ်။ ခန္ဓာကိုယ်မှာ အင်ဆူလင်ဟော်မုန်း မလုံလောက်တဲ့အခါ ဒါမှမဟုတ် အင်ဆူလင်ဟော်မုန်းဟာ သူ့လုပ်ငန်းဆောင်တာတွေကို ပုံမှန်အတိုင်း မလုပ်ဆောင်နိုင်တော့တဲ့ အခြေအနေမျိုးကို ဆီးချိုရောဂါဖြစ်ပွားတယ်လို့ သတ်မှတ်တာပဲဖြစ်ပါတယ်။

🔺 ဆီးချိုရောဂါဆိုတာဘာလဲ 🔺

🟩 ဆီးချိုရောဂါဆိုတာ သွေးတွင်းသကြားဓာတ်ပမာဏကို ခန္ဓာကိုယ်က ကောင်းစွာမထိန်းညှိနိုင်တော့တဲ့ အခြေအနေဖြစ်ပါတယ်။ အဖြစ်များတဲ့ ဆီးချိုအမျိုးအစား သုံးမျိုးရှိပါတယ်။

🟩 အမျိုးအစား (၁) ဆီးချိုရောဂါ (Type 1 Diabetes)
ခန္ဓာကိုယ်မှာ ကိုယ်ခံအားဖောက်လွှဲဖောက်ပြန်ဖြစ်ပြီး ကိုယ်ခံအားစနစ်က အင်ဆူလင်ဟော်မုန်းထုတ်ပေးတဲ့ အိုင်းလက်ဆဲလ်တွေကို ဖျက်ဆီးတဲ့အတွက် အင်ဆူလင်ဟော်မုန်း မထုတ်နိုင်လို့ ဖြစ်တဲ့ ရောဂါဖြစ်ပါတယ်။ ကလေးတွေနဲ့ လူငယ်တွေမှာ အဖြစ်များပါတယ်။

🟩 အမျိုးအစား (၂) ဆီးချိုရောဂါ (Type 2 Diabetes)
ခန္ဓာကိုယ်က အင်ဆူလင်ထုတ်နှုန်း နည်းသွားတဲ့အခြေအနေ ဒါမှမဟုတ် ထုတ်တဲ့အင်ဆူလင်ကို ကောင်းစွာအသုံးမချနိုင်တဲ့ အခြေအနေတွေကြောင့် ဖြစ်တဲ့ရောဂါဖြစ်ပါတယ်။ အသက်၄၀နှင့်အထက် အရွယ်တွေမှာ ပိုမိုတွေ့ရတတ်ပြီး ငယ်ရွယ်တဲ့ အသက်အရွယ်မှာလည်း ဖြစ်ပွါးနိုင်ခြေရှိပါတယ်။

🟩 ကိုယ်ဝန်ဆောင်ဆီးချိုရောဂါ (Gestational Diabetes)
ကိုယ်ဝန်ခြောက်လလောက်မှာစတင်ဖြစ်ပွါးတတ်ပြီးတော့ မီးဖွားပြီးကာလမှာ ရောဂါပျောက်ကင်းသွားတတ်ပါတယ်။ တစ်ခုသတိထားရမှာက ကိုယ်ဝန်ဆောင် ဆီးချိုဖြစ်ဖူးသူတွေဟာ ပုံမှန်လူတွေထက် တစ်ချိန်မှာ အမျိုးအစားနှစ်ဆီးချိုရောဂါ ဖြစ်ပွါးနိုင်ခြေ ပိုမြင့်ပါတယ်။

🟩 Islet Cell Antibody testအကြောင်း
Islet Cell Antibody testဆိုတာဟာ ခန္ဓာကိုယ်အတွက် အင်ဆူလင်ဟော်မုန်းထုတ်ပေးတဲ့ အိုင်းလက်ဆဲလ်တွေကို ဖျက်ဆီးတဲ့ ကိုယ်ခံအားဖောက်လွှဲဖောက်ပြန်ဖြစ်ခြင်းကို စစ်ဆေးတာဖြစ်ပါတယ်။ ဒီကိုယ်ခံအားစနစ်ဖောက်လွှဲဖောက်ပြန် ဖြစ်ခြင်းကို အမျိုးအစားတစ် ဆီးချိုရောဂါဖြစ်နေတဲ့သူ သို့မဟုတ် ရောဂါဖြစ်ဖို့အတွက် အခွင့်အလမ်းများနေသူတွေမှာ တွေ့ရတတ်ပါတယ်။

🟩 ဘယ်လိုနေရာတွေမှာ အသုံးဝင်လဲ
အမျိုးအစားတစ်ဆီးချိုရောဂါကို စောစီးစွားသိနိုင်ပါတယ်
အမျိုးအစားတစ် နဲ့ အမျိုးအစားနှစ် ဆီးချိုရောဂါကို ခွဲခြားပေးနိုင်ပါတယ်
ဆီးချိုရောဂါမျိုးရိုးရှိတဲ့ လူတွေမှာဆိုရင် ရောဂါဖြစ်လာနိုင်တဲ့ အခွင့်အလမ်းရှိမရှိ သိရှိနိုင်ပါတယ်

🟩 သွေးဖောက်စစ်ဆေးမှုများနဲ့ပတ်သတ်လို့ ပိုမိုသိချင်တယ်ဆိုရင်တော့ Comment ရေးသားခဲ့ပေးနိုင်ပါတယ်။

🏥 𝐒𝐌𝐋 𝐌𝐞𝐝𝐢𝐜𝐚𝐥 & 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 (ဗဟန်း)
အမှတ် ၀၀၃-၀၀၄၊ ဒဂုံတာဝါ၊ ကမ္ဘာအေးဘုရားလမ်း၊ဗဟန်းမြို့နယ်၊ ရန်ကုန်မြို့။
၀၉ ၇၇၇ ၀၀၂၀၈၂၊ ၀၉ ၇၄၀ ၀၀၁၄၀၁၊ ၀၉ ၇၄၀ ၀၀၁၄၀၃၊ ၀၉ ၇၄၀ ၀၀၁၄၀၄။

14/01/2026

🟩 SML Medical Centre (မန္တလေး) မှာ Digital X Ray (ဒစ်ဂျစ်တယ်ဓာတ်မှန်) ဝန်ဆောင်မှုစတင်ရရှိပြီဖြစ်ပါတယ်။ ဓာတ်မှန်အမျိုးမျိုးကို ကြည်လင်ပြတ်သားစွာရိုက်နိုင်ပြီး ဓာတ်မှန်ဆရာဝန်ကြီးမှ အဖြေများကို တိကျမှန်ကန်စွာ အဖြေထုတ်ပေးနေပါပြီ။

🏥 SML Medical Centre (မန္တလေး)
အမှတ် ၆၈၊ ၇၂လမ်း ၂၈လမ်း နှင့် ၂၉ လမ်းကြား၊ ချမ်းအေးသာစံမြို့နယ်၊ မန္တလေးမြို့။
၀၉ ၇၉၇၀၀၇၇၇၉ (Hot Line)၊ ၀၉ ၄၀၂၇၀၅၅၀၂၊ ၀၉ ၄၀၂၇၀၅၅၀၁။

12/01/2026

🟩 ကမ္ဘာ့ကျန်းမာရေးအဖွဲ့ကြီး (WHO) ရဲ့ အချက်အလက်များအရ ကမ္ဘာ့လူဦးရေစုစုပေါင်းရဲ့ သုံးပုံတစ်ပုံခန့်ဟာ TB ပိုး ခန္ဓာကိုယ်အတွင်းမှာ ဝင်ရောက်ကူးစက်နေပြီးသားဖြစ်တယ်လို့ ဖော်ပြထားပါတယ်။

🟩 ရောဂါပိုးဝင်ရောက်ပြီးသူရဲ့ ၅ -၁၀ %ခန့်မှာ TB ရောဂါလက္ခဏာပြပြီး TB ရောဂါဖြစ်ပွါးနိုင်ပြီးတော့ ကျန်တဲ့ ၉၀ % ခန့်မှာတော့ LTBI (Latent TB infection) လို့ခေါ်တဲ့ ရောဂါလက္ခဏာမပြပဲ TB ပိုး ကူးစက်နေနိုင်ပါတယ်။ LTBI ရှိနေတဲ့လူတွေမှာလည်း ဘဝသက်တမ်းတစ်လျှောက် တစ်ချိန်ချိန်မှာ TBရောဂါလက္ခဏာတွေ ဖြစ်ပွါးလာနိုင်ပါတယ်။

🔺 ဒါဆိုရင် ခန္ဓာကိုယ်မှာ TB ပိုး ဝင်ရောက်နေပြီလားဆိုတာကို ဘယ်လိုသိနိုင်မလဲ။ 🔺

🟩 စစ်ဆေးနိုင်တဲ့ဓာတ်ခွဲစမ်းသပ်မှုများရှိတဲ့အနက် Tuberculin Skin Test အကြောင်းကို ဖော်ပြပေးလိုက်ပါတယ်။

🟩 Tuberculin Test ဆိုတာ Tuberculin လို့ခေါ်တဲ့ Protein အသားဓာတ်တစ်မျိုးကို လက်မောင်းအရေပြားအောက်ထိုးထည့်ပြီး ၂ ရက်ကနေ ၃ရက်ခန့်အကြာမှာ လက်မောင်းထိုးသွင်းထားတဲ့ နေရာမှာ ဖြစ်ပေါ်လာတဲ့ လက္ခဏာကို ကြည့်တာဖြစ်ပါတယ်။

🟩 Tuberculin Test ကနေဘာတွေသိနိုင်မလဲ။ Positive ဆိုရင် TB ပိုး ခန္ဓာကိုယ်ထဲမှာ ဝင်ရောက်ကူးစက်နေတယ်လို့ ပြောနိုင်ပြီး Negative ဆိုရင်တော့ TB ပိုး ခန္ဓာကိုယ်မှာ ဝင်ရောက်ကူးစက်နေခြင်း မရှိဘူးလို့ ပြောနိုင်ပါတယ်။ တစ်ခုသတိထားရမှာက Positive ဆိုတာ TB ရောဂါပိုးရှိကြောင်းကိုပဲ ရည်ညွှန်းတာဖြစ်ပြီး TB ရောဂါလက္ခဏာနဲ့ TB ရောဂါဖြစ်ခြင်း၊ မဖြစ်ခြင်းကို ဆုံးဖြတ်တဲ့နေရာမှာ Tuberculin test ကိုအသုံးပြုခြင်းမရှိပါဘူး။

🟩 ဒါဆိုရင် Tuberculin testကို ဘယ်သူတွေ စစ်သင့်သင့်လဲ
(၁) TB ရောဂါပိုးရှိသူနဲ့ ထိတွေ့မှုရှိသူတွေ
(၂) ကျန်းမာရေးဝန်ထမ်းတွေ
(၃) ကိုယ်ခံအားချို့တဲ့သူတွေ (ဆီးချိုရောဂါ၊ ကင်ဆာရောဂါဖြစ်နေသူတွေ၊ ကာလရှည် Steriod ဆေး သောက်သုံးနေရသူတွေ)
(၄) နိုင်ငံရပ်ခြားကို အလုပ်လုပ်ဖို့၊ ကျောင်းတက်ဖို့အတွက် သွားရောက်မယ့်သူတွေ စစ်ဆေးသင့်ပါတယ်။

အခြား TBပတ်သတ်တဲ့ ဓာတ်ခွဲစမ်းသပ်မှုများ သို့မဟုတ် အခြားစစ်ဆေးမှုများကို မေးမြန်းလိုလျှင် Comment ပေးထားနိုင်ပါတယ်။ ပြန်လည်ဖြေကြားပေးပါမယ်။

🏥 𝐒𝐌𝐋 𝐌𝐞𝐝𝐢𝐜𝐚𝐥 & 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 (ဗဟန်း)
အမှတ် ၀၀၃-၀၀၄၊ ဒဂုံတာဝါ၊ ကမ္ဘာအေးဘုရားလမ်း၊ဗဟန်းမြို့နယ်၊ ရန်ကုန်မြို့။
၀၉ ၇၇၇ ၀၀၂၀၈၂၊ ၀၉ ၇၄၀ ၀၀၁၄၀၁၊ ၀၉ ၇၄၀ ၀၀၁၄၀၃၊ ၀၉ ၇၄၀ ၀၀၁၄၀၄။

ိုဂရုစိုက်ပါတယ်

09/01/2026

🟩 ရောဂါတစ်ခုခု (သို့မဟုတ်) နာမကျန်းမှုတစ်ခုခုဖြစ်ရင် လူနာတွေသိချင်ကြတဲ့ မေးခွန်းတွေထဲကတစ်ခုက - "ဘာစားလို့ရလဲနဲ့ ဘာတွေရှောင်ပြီးစားရမလဲ" ဆိုတာ တစ်ခုအပါအဝင်ဖြစ်ပါတယ်။
🟩 ယခု ဗွီဒီယိုထဲမှာတော့ကျောက်ကပ်ရောဂါနဲ့နာတာရှည်ကျောက်ကပ်ရောဂါရှိသူများ ရှောင်ရန်၊ ဆောင်ရန် အစားအစာများကို အာဟာရအထူးပြုဆရာဝန် ဒေါက်တာနုရည်အေးက ဒီ Video မှာ ရှင်းလင်းဆွေးနွေးထားပါတယ်။ (အပိုင်း ၂)
🟩 SML Medical & Diagnostic Centre မှာ အာဟာရပိုင်းဆိုင်ရာအတွက် သွေးစစ်ဆေးခြင်း၊ Inbody Test စစ်ဆေးခြင်းနှင့် အာဟာရအထူးပြုဆရာဝန်နဲ့တိုင်ပင်ဆွေးနွေးခြင်းတို့ကို ပြုလုပ်နိုင်ပြီဖြစ်ကြောင်း သတင်းကောင်းပါအပ်ပါတယ်။
🏥 𝐒𝐌𝐋 𝐌𝐞𝐝𝐢𝐜𝐚𝐥 & 𝐃𝐢𝐚𝐠𝐧𝐨𝐬𝐭𝐢𝐜 𝐂𝐞𝐧𝐭𝐫𝐞 (ဗဟန်း)
အမှတ် ၀၀၃-၀၀၄၊ ဒဂုံတာဝါ၊ ကမ္ဘာအေးဘုရားလမ်း၊ဗဟန်းမြို့နယ်၊ ရန်ကုန်မြို့။
၀၉ ၇၇၇ ၀၀၂၀၈၂၊ ၀၉ ၇၄၀ ၀၀၁၄၀၁၊ ၀၉ ၇၄၀ ၀၀၁၄၀၃၊ ၀၉ ၇၄၀ ၀၀၁၄၀၄။
ိုဂရုစိုက်ပါတယ်
#အာဟာရဆိုင်ရာ #ဆီးချိုသွေးတိုး #ကျောက်ကပ်နှလုံးရောဂါ #ကျန်းမာရေးဗဟုသုတ

SML Medical & Diagnostic Centre

10/02/2026

02/02/2026

31/01/2026

29/01/2026

23/01/2026

22/01/2026

19/01/2026

16/01/2026

14/01/2026

12/01/2026

09/01/2026

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 19:00
Tuesday	07:00 - 19:00
Wednesday	07:00 - 19:00
Thursday	07:00 - 19:00
Friday	07:00 - 19:00
Saturday	07:00 - 19:00
Sunday	07:00 - 19:00