07/12/2025
Humidifier တော့ ကုန်ပြီ
ကျန်တာ အကုန်ရှိနော်
ကြက်သွန်နီ Oil လဲရှိ
ဆောင်းတွင်းမှာ ကျွန်မရဲ့လက်စွဲတော် (၃)မျိုး
⭐️Sponsored post မဟုတ်ပါ။⭐️
မေမေတွေ ဒီတလော မကြာခဏလာမေးတဲ့ ပြဿနာက ကလေးက နှာပိတ်တာ၊ နှာစေးတာ၊ အသက်ရှူရခက်တာတွေကြောင့် မအိပ်တာ စသဖြင့် ဆောင်းတွင်းရဲ့ ပြဿနာပေါ့နော်။
ကျွန်မ ဆောင်းတွင်း နှာစေး နှာပိတ်တဲ့အခါ ဘာတွေလုပ်ပေးနိုင်မလဲဆိုတဲ့ဆောင်းပါးလေး comment မှာ link ထည့်ပေးပါ့မယ်။
ကျွန်မသမီး မွေးစကနေ (၂)နှစ်လောက်အထိက နှာပိတ်တဲ့ပြဿနာအတော်ဆိုးတာပါ။ နောက်ပိုင်းတော့သိပ်မဖြစ်တော့ပေမယ့် အရင်ကရော အခုထိရော နှာပိတ်ပြီဆို ကျွန်မတို့သားအမိ life saver က Physiodose ဖြစ်နေတာ (၃)နှစ်ကျော်ရှိနေပါပြီ။
နှာရည်ပြန်စုပ်တာဖြစ်ဖြစ်၊ Spray ဖြန်းတာဖြစ်ဖြစ် ငယ်ငယ်တုန်းကရော အခုကြီးတော့ရော သမီးက အလုပ်မခံပါဘူး။ ဒါပေမယ့် Physiodose ကိုတော့ ချော့ပြီး ထည့်ပေးရင်သူကလက်ခံတာမို့ အခုထိလည်းအဆင်ပြေနေပါတယ်။
ပြီးတော့လေ Physiodose က ပြန်မစုပ်ရင်တောင် အထဲမှာပိတ်နေတဲ့ အဖတ်တွေက သူ့ဟာသူပျော်ကျလာတာမို့ ထည့်ထားလိုက်ပြီဆိုရင်ကို အဆင်ပြေပါတယ်။
ကျန်တာကတော့ ကျွန်မဆောင်းပါးမှာရေးတဲ့အတိုင်းအပြင်ကလေးရဲ့ ညအိပ်အဝတ်အစား၊ အခန်းအပူချိန်နဲ့ ခြင်ထောင်၊ စောင်၊ အိပ်ရာတွေရဲ့ သန့်ရှင်းမှုကိုဂရုစိုက်ပါ။ လိုအပ်ရင် Humidifier သုံးပါ။ G6PD မရှိတဲ့ကလေးတွေက ပူရှိန်းကပ်ခွါ၊ ကြက်သွန်ဖြူကပ်ခွါ စတာတွေ အသုံးပြုနိုင်ပါတယ်။ ကျွန်မသမီးတုန်းကတော့ သိပ်မထူးခြားလှတာမို့ စွဲမသုံးဖြစ်ပါဘူး။
Physiodose ရယ် Humidifier ရယ် နဲ့ပဲ အဆင်ပြေခဲ့ပြီး ရံဖန်ရံခါ ခြေဖဝါးကို မုန်ညင်းဆီအစစ် ပါးပါးလေး ပွတ်ပေးပါတယ်။အသက် (၁)နှစ်ကျော်လာတော့ Vicks Baby Balsm လေးသုံးဖြစ်နေတာ အခုထိပါပဲ။ ကျောလေး ရင်ဘတ်လေးနဲ့ ခြေဖဝါးလေးကို ပါးပါးလေးပဲ လိမ်းပြီးသိပ်ပေးပါတယ်။ (စသုံးတဲ့အခါ ကလေးအသားအရည်နဲ့ တည့်မတည့်အရင်စမ်းပေးပါ)
အားလုံးအဆင်ပြေကြပါစေရှင်။
Dr. ရတနာမျိုးညွန့်
#လွတ်လပ်စွာမျှဝေနိုင်ပါတယ်တဆင့်ကူးယူတင်ပြခြင်းခွင့်မပြုပါ
#ဆောင်းတွင်း
