22/11/2025
#အိုခြင်းကို_တွန်းလှန်နိုင်ဖို့_သိပ္ပံနည်းပညာကလမ်းကြောင်းဖွင့်ပေးလိုက်တဲ့ #စိတ်ဝင်စားဖွယ်ရှာဖွေတွေ့ရှိမှု
Cycloastragenol (CAG) ဟာ အိုခြင်းကို တွန်းလှန်နိုင်ဖို့ သိပ္ပံနည်းပညာက လမ်းကြောင်းဖွင့်ပေးလိုက်တဲ့ စိတ်ဝင်စားဖွယ် ရှာဖွေတွေ့ရှိမှုတစ်ခုဖြစ်ပါတယ်။ ဒီဒြပ်ပေါင်းကို ဂျီယွန် အဖွဲ့အစည်း (Geron Corporation) က တွေ့ရှိခဲ့တာပါ။ ဂျီယွန်အဖွဲ့အစည်းကို 1990 ပြည့်နှစ်မှာ ဒေါက်တာ မိုက်ကယ် ဝက်စ် (Michael D. West) နဲ့ ဒေါက်တာ မေရီ ဝက်စ် (Mary C. West) တို့က စတင် တည်ထောင်ခဲ့ပါတယ်။
ဒီအဖွဲ့အစည်းက တယ်လိုမဲရေ့ (Telomerase) အင်ဇိုင်းကို နည်းမျိုးစုံနဲ့ စမ်းသပ်ပြီး ကင်ဆာ ကာကွယ် ကုသနိုင်ဖို့နဲ့ အသက်ရှည်စေဖို့မှာ အဓိက ဦးတည်ချက်ထားပြီး လေ့လာမှုတွေကို လုပ်ဆောင်လျက်ရှိ ပါတယ်။ ဒီအဖွဲ့အစည်းကို ဦးဆောင်တဲ့သူတွေကလည်း ကမ္ဘာ့ထိပ်တန်း သိပ္ပံပညာရှင်တွေဖြစ်တဲ့
(၁) ဒေါက်တာ ဂျိမ်းစ်ဝက်ဆန် (Dr. James Watson) - DNA Double Helix ကို စတင်တွေ့ရှိခဲ့ပြီး နိုဘယ်ဆုရခဲ့သူ
(၂) ပရော်ဖက်ဆာ လီယိုနာ့ဒ် ဟေးဖလစ် (Prof. Leonard Hayflick) - ဟေးဖလစ် ကန့်သတ်ချက်ကို တွေ့ရှိခဲ့သူ
(၃) ပရော်ဖက်ဆာ ဂန်တာဘလိုဘယ် (Prof. Gunter Blobel) - Protein Signaling နဲ့ Gene targeting ကိုတွေ့ရှိပြီး နိုဘယ်ဆုရရှိခဲ့သူ နဲ့
(၄) ပရော်ဖက်ဆာ ကာရိုးလ်ဂရိဒါ (Prof. Carol Greider) - တယ်လိုမဲရေ့စ် အင်ဇိုင်းကို တွေ့ရှိခဲ့ပြီး နိုဘယ်ဆုရခဲ့သူ တို့ပဲ ဖြစ်ပါတယ်။
သူတို့ဦးဆောင်တဲ့ ဂျီယွန်အဖွဲ့အစည်းကြီးက မော်လီကျူးပေါင်းများစွာကို စမ်းသပ်ပြီးတဲ့နောက်မှာ မွန်ဂို ဒေသမှာပေါက်တဲ့ Astragalus membranaceus ဆိုတဲ့ အပင်မျိုးစိတ်ကနေ ဆိုက်ကလို အက်စ်ထရာဂျီနော ဒြပ်ပေါင်းကို တွေ့ရှိခဲ့ပါတယ်။ ဆိုက်ကလိုအက်စ်ထရာဂျီနော က တယ်လိုမဲရေ့စ် အင်ဇိုင်းကို လှုံ့ဆော်ပေးတဲ့ဒြပ်ပေါင်း (Telomerase Activator) ဖြစ်ပြီး တယ်လိုမဲရာတွေကို ရှည်စေနိုင်ပါတယ်။ ဒါကြောင့် ဆဲလ်တွေပွားများတဲ့အခါ တယ်လိုမဲရာလေးတွေတိုလာပြီး ဆဲလ်တွေပျက်စီးသေဆုံးတာ၊ ဇွန်ဘီဆဲလ်တွေအဖြစ် ပြောင်းပြီး အိုမင်းရင့်ရော်လာတာတွေ မဖြစ်အောင် တားဆီးပေးနိုင်ပါတယ်။
ဂျီယွန်အဖွဲ့အစည်းဟာ ၂၀၀၄ ခုနှစ်မှာ ဆိုက်ကလို အက်စ်ထရာဂျီနောကို မူပိုင်ခွင့်တင်ခဲ့ပြီး ဈေးကွက်တွင် ရောင်းချဖို့အတွက် TA Sciences (Telomerase Activation Sciences) ဆိုတဲ့ ကုမ္ပဏီကို လွှဲပြောင်းပေးခဲ့ပါတယ်။ TA Sciences ကုမ္ပဏီက ၂၀၁၄ ခုနှစ်ကစတင်ပြီး ဆိုက်ကလိုအက်စ်ထရာဂျီနော ကို TA65 နာမည်နဲ့ ကမ္ဘာ့ဈေးကွက်မှာ ထုတ်လုပ်ရောင်းချခဲ့ပါတယ်။
၂၀၂၄ ခုနှစ် မှာဆိုရင် မူပိုင်ခွင့်ကာလကုန်ဆုံးသွားတဲ့အတွက် ကမ္ဘာမှာ ဆိုက်ကလိုအက်စ်ထရာဂျီနောကို လွတ်လပ်စွာ ထုတ်လုပ်ရောင်းချနိုင်ပြီ ဖြစ်ပါတယ်။ ဒီဆေးဟာ စတင်ရောင်းချကာစမှာဆို တစ်လစာ အတွက် တစ်ဘူးကို အမေရိကန် ဒေါ်လာတစ်ထောင်ထိပေးရပြီး အခုဆိုရင် တစ်ဆယ်မီလီဂရမ် ဆေးတောင့် ၆၀ပါသော (10 mg x 60 capsules) ဆေးဘူးတစ်ဘူးကို ဒေါ်လာနှစ်ရာဝန်းကျင်အထိ ကျဆင်းလာပါတယ်။ ဒါပေမဲ့လည်း မြန်မာငွေနဲ့ဆို တစ်လကို (၁ဝ) သိန်းကျော် ပမာဏဖြစ်တာမို့ ကုမ္ပဏီတွေအနေနဲ့ တင်သွင်းရောင်းချဖို့ ဈေးကြီးနေပါသေးတယ်။ အခုဆိုရင်တော့ ပြည်တွင်းမှာ FAME ဆေးဝါးကနေ ဆိုက်ကလိုအက်စထရာဂျီနောကို RejuMax (ပျိုရွယ်နုဆေး) နာမည်နဲ့ ထုတ်လုပ်ရောင်းချ နိုင်ခဲ့ပြီ ဖြစ်ပါတယ်။
T.A. Sciences ဟာ TA65 နဲ့ပတ်သက်တဲ့ လက်တွေ့စမ်းသပ်မှုပေါင်း (Clinical Studies) များစွာကို ပြုလုပ်ခဲ့ပြီးတဲ့နောက်မှာ တယ်လိုမဲရာတွေရှည်လာတာ၊ လူတွေရဲ့ ကျန်းမာတဲ့သက်တမ်းကို ပိုရှည်လာ စေတာ၊ နာတာရှည်ရောဂါတွေရဲ့ အခြေအနေတွေကိုလည်း ပိုမိုတိုးတက်ကောင်းမွန်လာစေတာကို အထောက်အထားတွေနဲ့တကွ ဖော်ပြခဲ့ပါတယ်။
ဆိုက်ကလို အက်စ်ထရာဂျီနော (Cycloastragenol) ကို ရှာဖွေတွေ့ရှိမှုကြောင့် ကျွန်တော်တို့ နေထိုင်ရမဲ့ သက်တမ်းကို ပိုရှည်အောင် ဆွဲဆန့်နိုင်ပြီး ဘဝမှာ အကျိုးရှိတဲ့ လုပ်ငန်းတွေ ပိုပြီးမြောက်အောင် လုပ်ဆောင်နိုင်ဖို့ အခွင့်အလမ်းကို အလွယ်တကူ အရိုးရှင်းဆုံးနည်းဖြင့် ရရှိနိုင်နေပြီ ဖြစ်ပါတယ်။
Dr. Khin Maung Lwin(Fame)
