04/12/2024
တကယ်လို့များအကြောင်းကြောင်းတွေဆုံလာလို့ စိတ်ပိုင်းဆိုင်ရာ မကျန်းမမာဖြစ်လာတဲ့အခါအဖြေမရှိဘူးလို့တော့ မထင်လိုက်ပါနဲ့နော်
ဘဝသစ် ရှိနေပါတယ်
ဘဝသစ်ဆိုတာ ..
မူးယစ်ဆေး ဖြတ်ချင်ပေမယ့် မဖြတ်နိုင်လို့ စိတ်ညစ်နေရသူတွေ
မူးယစ်ဆေးကြောင့် လူတောမတိုးနိုင်သူတွေ
အရက်ကြောင့် လူမှုဒုက္ခမျိုးစုံ ခံစားနေရသူတွေနဲ့
စိတ်ရောဂါဝေဒနာ ဖြစ်ပွား ခံစားနေရသူတွေကို ...
ကူညီပေးဖို့ ကျွမ်းကျင်ပညာရှင်တွေနဲ့ စုဖွဲ့ထားတဲ့ နေရာတစ်ခုပါ။
ဘဝကို အသစ်တစ်ဖန် ပြန်လည်စတင်လိုသူတွေကို ဘဝသစ်ကလက်ကမ်းကြိုနေပါတယ်။
"ဘဝသစ် စိတ်ကျန်းမာရေးဆေးရုံ"
အမှတ်(၁၉၂)၊ အင်းဝလုံးချင်းအိမ်ယာ၊ ဧရာဝတီ(၁)လမ်း၊
(၆၆)ရပ်ကွက်၊ တောင်ဒဂုံမြို့နယ်၊ ရန်ကုန်။
ဖုန်းနံပါတ် - 09 5111933 , 09 254202871 ,
ဖုန်းဆက်လိုက်သည်နှင့် အိမ်တိုင်ရာရောက် လာရောက်ခေါ်ဆောင်ပေးသည့် ဝန်ဆောင်မှုထားရှိပေးပါသည်။
နှစ်သစ်မှာ မဖြစ်မနေ လုပ်စေချင်တဲ့ အလေ့အထတစ်ခုကို ပြောပါဆို စိတ်ကျန်းမာရေးကို ဂရုစိုက်စေချင်တာပါပဲ။
ဒီဘက်နောက်ပိုင်းမှာတော့ အရင်ထက်စာရင် စိတ်ကျန်းမာရေးအကြောင်းတွေ ပိုပြီး အပြောများလာကြပြီ။ ဂရုစိုက်ရကောင်းမှန်းလည်း သိလာကြပြီ။
ဒါပေမဲ့ တကယ်လုပ်သင့်လုပ်ထိုက်တာတွေ လုပ်ဖို့ဆိုရင်တော့ တွန့်ဆုတ်နေကြတုန်းပဲ။ ကိုယ့်ပတ်ဝန်းကျင်မှာတင် အဲဒါကို သတိထားမိတယ်။
ဒါတွေ လုပ်လိုက်ရင်ပဲ ကိုယ်က စိတ်ပိုင်းဆိုင်ရာ အားနည်းသူအဖြစ်၊ မကြံ့ခိုင်သူအဖြစ် ဝန်ခံလိုက်ရာ ရောက်သွားမလား ဆိုတဲ့ အတွေးက တားဆီးနေတာကို အဓိကအားဖြင့် တွေ့ရတယ်။ အမျိုးသားတွေဆို ပိုဆိုးတယ်။
တကယ်က မဆိုင်ပါဘူး။ လူခန္ဓာကိုယ် နေမကောင်းဖြစ်တာ ဘာဆန်းသလဲ။ ဖျားလို့ အနားယူရတာရော ဘာဆန်းသလဲ။ ဆေးခန်းသွားပြရတာရော ဘာဆန်းသလဲ။ ဘာတွေများ ရှက်စရာ လိုနေလို့လဲ။
စိတ်ကျန်းမာရေးနဲ့ ပတ်သက်ရင်လည်း ဒီသဘောပဲ။ စိတ်တွေ ဖျားနာတဲ့အခါ နာမယ်။ ပင်ပန်းတဲ့အခါ ပင်ပန်းမယ်။ ဒါကို ကုစားဖို့ လုပ်သင့်လုပ်ထိုက်တာတွေ လုပ်မယ်။ ဘယ်လိုမှ မရတော့ရင် တတ်ကျွမ်းနားလည်တဲ့ ဆွေးနွေးပေးနိုင်သူဆီ သွားမယ်။ ဘယ်တစ်ခုကမှ အဆန်းဟုတ်မနေဘူး။ ရှက်စရာလည်း ကောင်းမနေဘူး။
တစ်နေ့တစ်နေ့ ကိုယ့်ရဲ့ ၂၄ နာရီကို ကြည့်လိုက်ရင် အလုပ်တွေ လုပ်မယ်။ တွေ့စရာရှိတဲ့ လူတွေနဲ့ တွေ့မယ်။ သွားစရာရှိတာ သွားမယ်။ အိပ်မယ်။ စားမယ်။ စိတ်ကျန်းမာရေးအတွက် အထောက်အကူ ဖြစ်တာတွေ လုပ်မိနေတာတော့ အတော်နည်းတယ်။
ဟောပြောပွဲတစ်ခုမှာ နားထောင်ဖူးတဲ့ ဥပမာနဲ့ တင်စားပြီး ပြောရရင် ခြေထောက်ကျိုးနေတာကို မကုဘဲ အလုပ်လုပ်၊ ရုံးတက်နေတဲ့သူ မရှိပေမဲ့၊ အဲဒီလို ခြေထောက်ကျိုးတာနဲ့ တူတဲ့ စိတ်ဒဏ်ရာကြီး ရှိနေပါလျက်နဲ့ အလုပ်လုပ်၊ ရုံးတက်၊ ဘာမှမဖြစ်သလို နေနေတဲ့သူတွေတော့ အများကြီးရှိတယ်။
ကိုယ်ရော အဲဒီထဲ ပါနေလား ပြန်ဆန်းစစ်ကြည့်သင့်ပါတယ်။
စိတ်ကျန်းမာရေးကို ခန္ဓာကိုယ်ကျန်းမာရေးလိုပဲ သာမန်ကိစ္စတစ်ခုအဖြစ် ရှုမြင်လာကြဖို့ သိပ်အရေးကြီးတယ်။ ကိုယ်တိုင် ဘယ်လိုအချိန်ပေးဖြစ်နေတယ်၊ စိတ်ဓါတ်ကျတဲ့ အချိန်တွေ ဘယ်လိုရှိတယ်၊ ဘယ်လိုကုစားတယ်၊ အကူအညီ ဘယ်လိုယူခဲ့တယ် စသဖြင့် ပြန်လည်မျှဝေပေးခြင်းကလည်း အများကို အထောက်အကူ ဖြစ်စေတယ်လို့ မြင်ပါတယ်။
သြော် သူလည်း ဒီလိုဖြစ်ခဲ့တာပဲ၊ ငါ ခုလို ဖြစ်နေတာရော ဘာဆန်းသလဲ ဆိုတဲ့အမြင်မျိုး ရလာမယ်။ သူကနေမှ တစ်ဆင့်ပြန်ဖြန့်ဝေရင်း သူ့အဝန်းအဝိုင်းမှာလည်း ဒီလိုအမြင်တွေ အားကောင်းလာမယ်။ အဲဒီကမှ တစ်စတစ်စနဲ့ စိတ်ကျန်းမာရေး ထိခိုက်နေတာဟာ ရှက်စရာ မဟုတ်ဘူး ဆိုတဲ့အမြင်တွေ ပိုကျယ်ပြန့်လာမှာ ဖြစ်ပါတယ်။
ဒီအတွက် ကိုယ်တိုင်လည်း ဂရုစိုက်ပါ။ ကိုယ်ဘယ်လိုတွေ ခံစားခဲ့ရ၊ ခံစားနေရတယ် ဆိုတာကိုလည်း မျှဝေပေးပါ။ စိတ်ကျန်းမာရေးကို Normalize လုပ်တဲ့နေရာမှာလည်း ကိုယ်တိုင် တတပ်တအား ပါဝင်လိုက်ပါ။
ဒေါက်တာ ဖြိုးသီဟ
၄.၁၂.၂၀၂၄
◾◾◾◾◾◾
ကျွန်တော် မိတ်ဆက်ပေးနေကျ Yours TODAY Program က လာမဲ့သောကြာနေ့မှာလည်း ရှိပါတယ်။ ဒီအစီအစဉ်ကို ကနေ To Day Psychology Classes ကနေ လုပ်ဆောင်တာဖြစ်ပြီး သေချာလေ့ကျင့်ပေးထားတဲ့ Volunteer Listener တွေကနေ နားထောင်ပေးတာပါ။ ဒါကြောင့် ကိုယ့်ရင်ထဲ ပိတ်လှောင်နေတာတွေ ရှိတယ်ဆို ဒီအစီအစဉ်လေးမှာ Join ကြည့်လို့ ရပါတယ်။ အပတ်စဉ် သောကြာနေ့တိုင်း မြန်မာအချိန် ညနေ ၇ နာရီကနေ ၉ နာရီပါ။ စည်းကမ်းချက်တွေနဲ့၊ စာရင်းပေးသွင်းရမဲ့ လင့်ခ်ကိုတော့ ကွန်မန့်မှာ ချထားပေးပါတယ်။ ကျေးဇူးတင်ပါတယ်ခင်ဗျ။
